خالد محمد سعيد "شهيد الطوارئ

[the consultant]

واشنطن تنتظر محاسبة مصر للمسئول عن مقتل الشاب خالد سعيد

العفو الدولية تطالب مصر بفتح تحقيق فوري في مقتل خالد سعيد (قتيل الأسكندرية)

[se_ Elsyed]

واشنطن تنتظر محاسبة مصر للمسئول عن مقتل الشاب خالد سعيد

العفو الدولية تطالب مصر بفتح تحقيق فوري في مقتل خالد سعيد (قتيل الأسكندرية)

أمريكا لا يهمها خالد ولا مصر كلها .. لكنها تتحرك بأجنده مُعينه ومحدده وغالباً من أجل خدمة إسرائيل فقط ... لإن أمريكا مش محتاجه حاجه من مصر غير إنها تبقى في جيب إسرائيل ..

وبالتالي إهتمامهم لا يعنيا في شيء .. وغحنا مش هاننتظر ناس ييجوا من بره عشان ياخدوا حقنا .

-----------

العزيزة .. أم مروان .. شكراً لتعقيب حضرتك .. ولاخلاف في الرأي لا يُفسد للود قضية .

-------

[Amenhotep]

الاخ الغالي سين سين

مع احترامي الكامل لرأي حضرتك, هو احنا خدنا حقنا قبل كدا في اي حاجة ؟!

[عاشق الترحال]

معلش عندي سؤال !!

هو المحققين بتوع النيابه مسمعوش عن الفيديو اللي كان سبب في قتل خالد ؟

كل اللي بيحاول يبرر مقتل خالد علشان القتله دول ينفدوا من العداله بيتجاهل في الحديث عن موضوع الفيديو !! ليه ؟

ليه محدش بيركز في أي حديث على موضوع الفيديو اللي بيصور إتجار بعض عناصر الشرطه في المخدرات ؟!!!!!

حتى ولو كان خالد مجرم وفيه البدع يبقى المفروض أفراد الأمن يقتلوه ؟ إذاَ ماهو دور القضاء ولماذا أنشأت المحاكم ؟

المشكله أن أفراد الأمن بوزارة الداخليه نسيوا أنهم موظفين عموميين في الدوله شأنهم شأن أي موظف حكومه وإستغلوا ما في أيديهم من سلطات مخوله من قبل الدوله تبعا لأهوائهم ومصالحهم الشخصيه ؟

إن كان فعلا هيبقى فيه حل فأعتقد أنه هيبدأ من تقليص السلطات المخوله في أيدي رجال الشرطه ولازم مجلس الشعب يتحرك للحد من مثل هذه الإنتهاكات وسن القوانين المناسبه .

إحنا كلنا إنفعلنا كتير وشتمنا وصرخنا وتعاطفنا وعملنا حاجات كتير عالنت لكن للأسف كلها كلام . تفتكروا أيه هي الحلول الواقعيه المناسبه اللي ممكن تترجم لواقع لإنهاء هذه الأوضاع اللاآدميه .؟

[hosambob]

هي دي مصر بلدنا ( اسف ) مصر ملهاش دعوة

المصريين هما اللي بقوا مش مصريين أو مش متقدمين أو مش فاهمين

[محمد عبدالعزيز]

آخر الأخبار من الفيس بوك:

إنقلاب خطير فى مجرى قضية الشهيد خالد سعيد

إعتراف جميع المواطنين بالإسكندرية بواقعة قتل الضباط لخالد والتى تخالف بيان الداخلية

وتكالب الشهود على النيابة أمس لدرجة غير مسبوقة برغم التهديدات الأمنية لهم والتى قام بها ضباط قسم سيدى جابر

مهددة جميع شهود الواقعة القانطين مكان حدوث الجريمة

ألف تحية لكم أيها الأحرار الشرفاء وهكذا كان رهاننا على هذا الشعب الأبي

يارب اظهر الحق, يا من وعدت بإجابة دعوة المظلوم انصر كل المظلومين.

[Amenhotep]

معلش عندي سؤال !!

هو المحققين بتوع النيابه مسمعوش عن الفيديو اللي كان سبب في قتل خالد ؟

كل اللي بيحاول يبرر مقتل خالد علشان القتله دول ينفدوا من العداله بيتجاهل في الحديث عن موضوع الفيديو !! ليه ؟

ليه محدش بيركز في أي حديث على موضوع الفيديو اللي بيصور إتجار بعض عناصر الشرطه في المخدرات ؟!!!!!

حتى ولو كان خالد مجرم وفيه البدع يبقى المفروض أفراد الأمن يقتلوه ؟ إذاَ ماهو دور القضاء ولماذا أنشأت المحاكم ؟

المشكله أن أفراد الأمن بوزارة الداخليه نسيوا أنهم موظفين عموميين في الدوله شأنهم شأن أي موظف حكومه وإستغلوا ما في أيديهم من سلطات مخوله من قبل الدوله تبعا لأهوائهم ومصالحهم الشخصيه ؟

إن كان فعلا هيبقى فيه حل فأعتقد أنه هيبدأ من تقليص السلطات المخوله في أيدي رجال الشرطه ولازم مجلس الشعب يتحرك للحد من مثل هذه الإنتهاكات وسن القوانين المناسبه .

إحنا كلنا إنفعلنا كتير وشتمنا وصرخنا وتعاطفنا وعملنا حاجات كتير عالنت لكن للأسف كلها كلام . تفتكروا أيه هي الحلول الواقعيه المناسبه اللي ممكن تترجم لواقع لإنهاء هذه الأوضاع اللاآدميه .؟

المشكلة ان احنا طيبين وحنينين والله قوووي

بنقول يا جماعه حاسبوا المخبرين الوحشين المجرمين على الجريمة

في اي دولة نص محترمة في العالم, هيتشال وزير الداخلية وقتياً

في دولة محترمة, هتتشال الحكومة

معتقدش ان فيه حد في مصر ميعرفش وكلاء النيابة بيتعينوا ازاي

معتقدش ان فيه حد في مصر ميعرفش ان الاغلبية العظمى منهم عبارة عن فشلة طلبة حقوق

وداخلو النيابة اما بالجنية او بالكارنيه

ومعتقدش ان فيه حد في مصر مسمعش عن اوائل حقوق اللي بيتم قلشهم علشان الفشلة يدخلوا مكانهم

ولا عن قرارات التعيين للاوائل اللي مبتتنفذش

معلش دي مش حالات فردية

وده مش فساد خفي

ولا حتى فساد مسكوت عليه, دي حاجة متعمدة

سياسة دولة, لما القاضي ووكيل النيابة يبقا بيته من ازاز

عمره ما هيقدر يحدف الحكومة بالطوب ويكسرلها امر

هتعمل اللي عايزينه يا حبيبي بالادب, ولاااااااااا.........

بورقة لامؤاخذة مش نضيفة, هيتكنسل

متحملش البشاوات فوق طاقتهم والنبي وسيبهم ياكلوا عيش

وربنا ما يجعلنا قاطعيين ارزاق

وبالمرة وكنوع من فش الغل

تحية لكل الاسكندرية الجدعاااااان الرجاااااالة اللي كانوا واقفين بيتفرجوا

وبعزة جلال الله, ده لو العدلي وحسني هما اللي بيضربوا الواد في البلد عندنا

لكانو اتدفنوا في الخمسين سم اللي واقفين عليهم

ياريت بدل التريقة عالصعايدة, نجوز الاسكندرانية مالصعايدة

يمكن نحسن السلالة

والحل...... هي ملهاش حل والله

لما لامؤاخذة الرجالة اللي هما جزء من المجتمع ده, يشوفوا اللي حصل ده رؤية عين قدامهم ويسكتوا

انتا عايز ايه من الدنيا يا عم الحاج!!!!!

دول ماتوا واتدفنوا واتحللوا من زمااااان

ولو ضربتهم بنووي محدش هيقولك بتعمل ايه

وممكن ننسب تصرفات المجتمع كمجموعة كبيرة

للتصرف اللي اتصرفته المجموعة الصغيرة دي

هنستنتج اننا المفروض نغير الشعب

ولا اراكم الله مكره في عزيز لديكم

[zika]

صباح الخير اولا

بصو يا جماعة حالة الحزن و الغضب اللى اصابت كتير مننا و لو انها مبررة

لكنها برضو عكست مشكلة كبيرة جدا بنعانى منها

انا عايز بس أأكد في الاول انى مش اقصد حد معين بالكلام اللى هقولو

في البداية كدة اللى عايز ينتصر في اى صراع لازم يكون أكثر قوة , اكثر عقلانية , أكثر عدالة و أكثر تسامحا من الخصم بتاعو

لو هنطبق الكلام ده على الحادث ده مثلا هنلاقي انو طبيعي جدا اننا و كالعادة نخسر معركتنا

و لازم برضو نعرف ان معركتنا دي هي الإصلاح مش الانتقام

لو فعلا اتفقنا على كدة يبقى لازم نسمع لعقولنا مش لعواطفنا

العواطف صحيح ممكن تبقى وقود انما مش هي اللى توجهنا

و الا هنستبدل مشكلة واحدة بعدة مشاكل

ما ينفعش مثلا اقول عايز اصلح , و اقوم مستعدي جهاز كامل و هو الشرطة , افراد كتير منو (مش مهم نسبتهم قد ايه انما كتير بكل تأكيد ) ممكن يساعدونا مساعدة حقيقية

ده غير النيابة و القضاء و اى حد ممكن يساعدنا

ده حتى لو مخدنهاش من باب العدالة , بمعنى انو غلط بكل تأكيد نعمم كدة بشكل اعتباطى

فممكن ناخدها من باب اللى تغلب بيه إلعب بيه

ده غير ان كتير مننا مش باصص لخطورة الفوضى و الغوغائية اللى ممكن حتى تكون اخطر بكتير من المشاكل اللى بنتكلم عنها

الثورة الفرنسية مثلا و لو انها نجحت في تغيير النظام لكنهم فضلو بعدها سنين في فوضى راح ضحيتها كتير من الابرياء , و لو انها برضو كانت مصحوبة بثورة ثقافية أتت ثمارها فيما بعد

تخيلو بقى احنا هتكون فوضى و في الغالب بدون اى مكاسب

و في النهاية بكرر

احنا عايزين انتقام و لا اصلاح ؟؟

لو انتقام فلا لو لازمة و لا حتى هنعرف

انما لو اصلاح يبقى العقل ثم العقل ثم العقل .

[Ihab]

إحنا كلنا إنفعلنا كتير وشتمنا وصرخنا وتعاطفنا وعملنا حاجات كتير عالنت لكن للأسف كلها كلام . تفتكروا أيه هي الحلول الواقعيه المناسبه اللي ممكن تترجم لواقع لإنهاء هذه الأوضاع اللاآدميه .؟

دي من الحاجات القليلة إلي حسيت انها ممكن تعمل فرق.

أدخل على www.taghyeer.net وامضي عشان تغيير الدستور.

٦٦ ألف شخص فقط حتى الأن هما إلي مضوا.

٦٦ ألف من ٩٠ مليون.

تفتكر هما دول بس إلي عايزين يغيرو؟

[fatfouta]

http://www.facebook.com/khaledkilled?v=wall

بعدما أثبت تقرير الطب الشرعي الأول وجود تعذيب ، وضرب وتحطيم للجمجمه وتكسير في الفك ، وتكذيب إدعاءات الظابط و المخبرين والداخلية والإعلام الموجه، بأن الشهيد خالد وقع من فوق "الترولي" بتاع الإسعاف، مازلنا في إنتظار تقرير اللجنه الثلاثيه للطب الشرعي.

نسخة بجوده عاليه من الصفحه الأولي للتقرير

نسخةبجوده عاليه من الصفحه الثانية للتقرير

ادخلوا على صفحة خالد عالفيس بوك هتشوفوها اوضح

[Amenhotep]

دي من الحاجات القليلة إلي حسيت انها ممكن تعمل فرق.

أدخل على www.taghyeer.net وامضي عشان تغيير الدستور.

٦٦ ألف شخص فقط حتى الأن هما إلي مضوا.

٦٦ ألف من ٩٠ مليون.

تفتكر هما دول بس إلي عايزين يغيرو؟

----------------------------------------

رقم محزن

ومش متوقع زيادات كبيرة

اليأس اتزرع في سيكولوجية البني ادم المصري

[fatfouta]

أقسم بالله ما مصدق نفسي وكأني بأحلم وأنا أستمع الأن إلى خيري رمضان على البيت بيتك ولا مصر اليوم دي

ده خلى القتيل مجرم من مجرمي الحرب والمفروض نطلعه من القبر نسحله تاني

حسبنا الله ونعم الوكيل

حسبنا الله ونعم الوكيل

حسبنا الله ونعم الوكيل

من الفيس بوك

الراجل بيقبض فوق المائة الف جنيه في الشهر .. وجاله تنبيهات انه يهاجم خالد ويتهمه بمختلف التهم ويقول ان اثار الضرب والتعذيب دي تشريح جثة ... يا جماعة المبادئ ليها قايمة اسعار والراجل سعره كده! يعمل ايه يعنيquote]

حسبى الله ونعم الوكيل

[hanzalah]

كما قال الاستاذ زعلان

النظام مش حيقدر يحبس الشعب كله و الي بيخوف الشعب هو جزء من النظام خايف انه يخسر مش خايف ابدا على الشعب

يا اما نكون مع الشعب يا اما نكون مع النظام

انا مرة شخطت وهزأت عميد و رائد ونقيب و وقفوا مخضوضين في نص الشارع والنقيب عمال يسألني انت مين علشان كان في حاجة غلط و اعترضت عليها وقعدوا يبروروا انهم صاحيين و النقيب بييسأل بدهشة هو انت مين

و العميد واقف مخضوض

وسبتهم ومشيت وانا بلوح بايدي ومحدش فتح بقه

احنا الشعب ومن حقنا نصرخ و نعلي صوتنا و الله انهم جبناء

الي يشوف حاجة غلط بتحصل لازم يقف و يعترض ويصرخ و يقول للغلط غلط خصوصا من جهاز الشرطة

احنا الي حنراقبهم من هنا ورايح و نمنعم انهم ينتهكوا حرمات الناس

احنا دورنا فين

وفعلا وبتجربة شخصية .. لما تقابل كلاب منهم .. اعمل عليهم اسد ..

اشتم وقبح ويحترموك

لانهم بعقلهم المريض راح يفتكروا انك مسنود !!

جربوا الكلام ده وهتلاقوه صحيح وعن تجارب شخصية

كل كلاب المباحث والمخبرني والضباط وغيرهم ..

لا انكر ابدا ان منهم ناس نضيفة .. بس نسبتهم اد ايه ..

فيه اصدقاء طفولة لي ودخلوا سلك الشرطة .. منهم من ترك المجال لانه نضيف ومنهم من استمر ونقل نفسه ابعد مايكون عن الفساد !!

الشرطة هي القفاز الذي يلطمنا به الدكتاتور

افهموا ذلك جيداً

الشرطة تخلت عن دورها في حمايتنا نحن الشعب من زمان

[اغابي]

انتم عارفين كل الموضوع ايه ببساطة شديدة وعلشان الولد صغير وما عندهوش خبرة يظهر فى الامور دى حصله كدا .....

المخبرين والناس اللى من النوع داه اتعودوا لما يدخلوا مكان

يسالوا باسلوب البلطجة عن اى حاجة يترد عليهم فورا برشوه

كل اللى هما كانو عاوزينه من الشهيد / خالد انه يطلع لكل واحد منهم 20 ولا 40 جنيه رشوه

ويحطها فى ايد واحد منهم و يقولهم اشترو سجاير ولا اشربوه شاى بالاضافة للدبلوماسية فى الكلام اللى طبعا هما متعودين من الناس

علي كدا- واى واحد عنده ولو مشروع بسيط فى مصر بيتعرض للاساليب دي - اللى انا بقوله داه هو الواقع - المخبرين عايشين بلطجة ورشاوى

كل الحكاية انهم داخلين عاوزين رشوة

رشوة

رشوة وبس

اغابي

[مغتربة]

فى حاجه عقلى مش عايز يستوعبها لغايه دلوقتى

يعنى ايه حاول الهرب من رجال الشرطه و راح بالع لفافه البانجو

مش غريبه شويه دى

يعنى اعتقد ان اى تصرف بديهى بيقوم بيه اى شخص معاه حاجه ممنوعه او مسروقه و فى ناس بتطارده ان يرمى الى معاه بعيد عنه على قد ما يقدر

علشان لو اتمسك ميلقوش معاه حاجه و بالتالى ميعرفوش يثبتوا عليه حاجه

اعتقد ان رد الفعل دا يكاد يكون لا ارادى

انما يروح بالعها و كمان بكيسها يعنى تدخل عقل مين دا

ما هو لو فرضاواحد معاه بانجو و لا حشيش و راح بالعهم لما يقبضوا عليه

ما كدا هيثبت على نفسه التهمه اكتر

لانهم اكيد هيعملوا له تحليل و تبان الحاجات الى بلعها

يعنى انهى اسهل ارمى الى فى ايدى و اقول معرفوش

و لا ابلعه و اثبتها على نفسى

لا و كمان احاول ابلعها و هى بكيسها

هو مين ممكن يفكر كده اساسا

تم تعديل 15 يونيو 2010 بواسطة مغتربة

[pink rose]

انتم عارفين كل الموضوع ايه ببساطة شديدة وعلشان الولد صغير وما عندهوش خبرة يظهر فى الامور دى حصله كدا .....

المخبرين والناس اللى من النوع داه اتعودوا لما يدخلوا مكان

يسالوا باسلوب البلطجة عن اى حاجة يترد عليهم فورا برشوه

كل اللى هما كانو عاوزينه من الشهيد / خالد انه يطلع لكل واحد منهم 20 ولا 40 جنيه رشوه

ويحطها فى ايد واحد منهم و يقولهم اشترو سجاير ولا اشربوه شاى بالاضافة للدبلوماسية فى الكلام اللى طبعا هما متعودين من الناس

علي كدا- واى واحد عنده ولو مشروع بسيط فى مصر بيتعرض للاساليب دي - اللى انا بقوله داه هو الواقع - المخبرين عايشين بلطجة ورشاوى

كل الحكاية انهم داخلين عاوزين رشوة

رشوة

رشوة وبس

اغابي

هو اللي ما ياخدش رشوة اليومين دول يقوم يقتل يا اغابي؟

تعقل ازاي دي

[مغتربة]

مصدر قضائى: شاهدا الداخلية فى قضية قتيل الإسكندرية (سوابق)

القاهرة - محرر مصراوى - صرح مصدر قضائى بأن تحقيقات نيابة استئناف الإسكندرية فى واقعة مقتل خالد سعيد (قتيل الأسكندرية) أكدت أن شاهدين من شهود وزارة الداخلية (سوابق) وصدرت عليهما أحكام قضائية بالحبس وعليهما فترات مراقبة فى قسم سيدى جابر.

وأضاف المصدر القضائى الذى فضل عدم ذكر اسمه أن الشاهد محمد رضوان عبدالحميد، صديق خالد قضى عقوبات سابقة فى قضايا تعاطى وترويج مواد مخدرة، وتبين من تحريات المباحث الجنائية فى مديرية أمن الإسكندرية أن أصدقاء رضوان يصفونه بأنه "قط حشيش" نظرا لتعاطيه المخدرات ولاستغلال المخبرين نقطة ضعف هذه فى استغلاله كمرشد معهم.

وقال المصدر أن شاهدا آخر يخضع لمراقبة الشرطة بعد قضائه عقوبة سجن فى حكم بقضية مصنفات لتركيبه وصلات دش بدون ترخيص.

[محمد عبدالعزيز]

الموضوع أكبر من رشوة وأكبر من لفافة بانجو, ده اللى حسيته من شهادة صاحب السايبر, شوفوا قال إيه:

وكشف حسن مصباح (62 سنة)، صاحب مقهى الانترنت الذى تم فيه القبض على خالد سعيد (قتيل الاسكندرية)، عن مفاجأة جديدة فى القضية وهى أن المجنى عليه لم يكن يعرف من قيده من الخلف، حيث فوجئ أثناء دخوله من باب السايبر بشخصين يدخلان وراءه وقام أحدهما بشل حركته عن طريق تقييد يديه خلف ظهره، بينما انهال عليه الآخر بالضرب دون أن ينبث بكلمة واحدة أو يقولا له من هما ولماذا يفعلان معه ذلك.

وصرح صاحب السايبر بأن "المخبرين السريين أمسكا بالمجنى عليه وأخذا يضربانه بشكل هستيرى وكأنه انتقام منه لوجود ثأر قديم بينهما وبينه، فقاومهما لأنه لم يعلم من هما، كما أنهما ضرباه بشكل جنونى، فحتى لو علم من هما من الطبيعى أن يقاومهما، خاصة أنه استسلم لهما بمجرد تقييده وحاول أن يعلم من فعل ذلك بهدوء، حتى بدأ الآخر فى ضربه فبدأ خالد فى المقاومة" .

وأوضح صاحب السايبر أن المجنى عليه أخذ يسأل عدة مرات وهو يصرخ "من انتم ولماذا تفعلون بى هذا" ولما حاول ان يدير وجهه للخلف قاما برطم وجهه فى رخامة على باب السايبر مما تسبب فى كسر أسنانه وفكه، وبدأت الدماء تنزف منه بشدة وهو يحاول الخلاص بأى طريقة ،على حد قوله .

وأكد مصباح أنه هو نفسه لم يكن يعلم أن هذين الشخصين شرطة، واعتقد أن هناك مشكلة بينهما وبين المجنى عليه، فطلب منهما الانصراف به بعيدا عن مكان عمله حتى لا يزعجون الزبائن، فأخذاه وذهبا به إلى وسط الشارع أمام محل حلاقة وأكملا ضربه، ولما وجدا الناس بدأت تلتف حولهما أخذاه إلى مدخل عقار مجاور وبعدها فرا مسرعين، فإذا بطبيب من سكان العقار أثناء دخوله اكتشف أن خالد ملقى على الأرض ولما كشف عليه وجد نبضه متوقفا واكتشف وفاته.

يعنى الاتنين مخبرين رايحين لخالد مخصوص مش زى ماقالوا إنهم دخلوا السايبر وفتشوا الناس وهو رفض يتفتش, دول كانوا منتظرينه, يعنى فى سبق إصرار وترصد وشهادة صاحب السايبر بتؤكد الكلام ده لأنه بيقول إنهم زى مايكون بينهم وبينه تار وضربوه بشكل هستيرى, يعنى كانوا مصممين يموتوه.

ولو ربطنا الكلام ده مع شهادة ابن خالة خالد الله يرحمه, إن اللى صور الفيديو المنسوب لخالد إنه نشره على الإنترنت هو واحد من الاتنين مخبرين اللى موتوه, ممكن نستنتج إن ده فعلاً حصل وإن المخبر اللى صور الفيديو ده اتأذى بسبب نشر الفيديو عشان كده راح انتقم من خالد, بس الغريبة بقى هى إصرار الداخلية على حمايتهم بالشكل الغريب ده.

آخر الأخبار بقى فى القضية هى:

النائب العام يأمر باستخراج جثة قتيل الاسكندرية واعادة تشريحها لبيان سبب وفاته

[لولا]

من بوابه الشروق اقرأ معى تعليقات القراء عن التعذيب فى مصر ..

"يوجد هناك استفتاء خاص بالموضوع يمكن للجميع المشاركه فيه "

http://www.shorouknews.com/Default.aspx

------------

لا يجب تغيير الحكومة..يجب تغيير الشعب المصري..الشعب المصري بصراحه زودهم شويتين ..فيها ايه لما سيدنا الظابط عذب واحد لحد ما موته..!! ايه المشكله..؟ البيه الظابط كان متعكنن شويه فبعت جاب واحد من الشعب وعذبه الي ان مات..!! فيها حاجه دي...!!! البيه الظابط قبل كده كان متعكنن فبعت جاب واحد سواق من الشعب واغتصبه ..!!!ايه المشكله؟؟ البيه الظابط ده هو الاله… إقرأ المزيد ....هم فهموه كده في كلية الشرطة ورؤسائه البيه الظابط ده هو الحاكم بامر الله احنا بصراحه ممكن بارائنا دي بنكون بنعكنن علي البهوات الظباط وده غلط..!!لان العكننه دي بتخلي الظابط يبعت اتنين مخبرين يجيبوله واحد من الشعب عشان يغتصبه او يعذبه وبعدين البهوات الظباط كتر خيرهم ساعات بيريحوا الشعب المصري من التعذيب وبيجيبوا فلسطينيين من حماس والجهاد وبيعذبوهم برده عشان ميكونش ضغط التعذيب كله عالشعب المصري لوحده كمان فيهم ناس اتقمصوا اوي دور الاسرائيليين وصدقوا اوي الموضوع ده وعذبوا واحد فلسطيني عشان يعترف بمكان وجود الاسيير شاليط...!! هي ليه مصر عايزه تعرف مكان شاليط...!!!؟ اااااااااااااااااااااااااااااه والف اااااااااااااااااااه علي حالك يا بلـــــــــــد [^]

-----------

يعلن النظام عن مسابقة فى القتل والقهر والتعذيب لاختيار وزراء مصر والصفة السائدة مرتشى

------

لن يحدث تغيير وزارى من اجل التعذيب واكن ولكن سيتم تغيير الشعب لشعب يتحمل اكثر من الموت

------

النيابة تحاول أن تصدق الداخلية التي تضحك كالمعتاد على الشعب، الصورة تدين طيب خليك مع الكداب "قصدي الداخلية" إلى باب النيابة ، الولد خالد سوابق ، وبلع بانجو علشان كدة البانجو خرج من بطنه وضربه وقطع وجه خالد، طيب فوت دي، البيان بتاع ال....بيقول أن الخياطة بسبب التشريح، طيب واحد بلع بانجو أشرح البطن والا أشرح وأقطع الذقن والشفايف والخدود والعيون وبعدي… إقرأ المزيد ..ن أنتي يا داخلية لو لم تطلعي بيانا كان أشرف لك أما البيان فهو بمثابة تأكيد لما فعلتوه قبل البلع وليس بعده وقديما قالو طالما البلد بلدنا والحكومة حكومتنا والريس لينا دلال عليه والورق بتاعنا ولا والمحاضر راحة النيابة وجاية من عندنا لكن العيب ليس في الداخلية وليس في الحكومة وعداك العيبة يارياسة ، ولكن العيب من يتعامل مع ورق الشرطة ويقرا الكلام المستف ولا يرى صور الولد المرحوم وجه بلا ملامح وجه هو تجسيد لأنواع الكدمات شكلا وتجسيما وألوانا ويمكن تدريسها في كليات الشرطة لتحليل كل كدمة ، وكل خياطة وأعتقد أن هذا سيفيد في أي اعتداء مستقبلي على أحد من الشعب. إذا كان خالد متهما فليدخل السجن فليحكم عليه باي قضاء لكن لماذا يضرب إذا ضرب، لماذا يسحل إذا سحل ونحن لم نر ضربا ولا سحلا ولكن روايات الحاضرين وأعتقد أنهم لن يجرأوا على الشهادة أمام النيابة ولكن أثق في أن النيابة سترى الكدمات في الوجه وهي ليست تشريحا والخياطات في الذقن وهي ليست تشريحا لأن التشريح جرى على البطن والأمعاء. وأعتقد أنم الضرب القادم سيكون في البطن والأحشاء حتى يتجنبوا لوم اللائمين من أنهم شرحوا الوجه فلم يجدوا فيه بانجوووووو [^]

-------

لابديل عن التغيير التغيير السلمى و إلا فالثورة المسلحة .. من يجعلون من التغيير السلمى مستحيلا يجعلون من التغيير العنيف حتمى و ضرورى .. دى مقولة جون كندى رئيس امريكا ..

---

المحتلين الجدد لايستطيعون التنفس بدون العسكر فراس الاحتلال وديله جزمة ميري وبينهما طبال معاه مال

-----

- من يبلع شيئ لا يدخل قصبته الهوائيه الا اذا وضعها احدهم بجهاله 2- الشهود في قهوة النت يجب الا يخافوا وان يشهدوا بما حدث امامهم 3- موضوع تشابه الاسماء ممكن ان يلعبوا بيه ولكن لا يعطيهم الحق في الضرب والسحل وتهشيم العظام 4- الاهرام والجمهوريه وبعد ان نشروا بيان الداخليه وبتعضيد وجدوا ان هناك بعض الملاحظات للقراء فزادوا امس ان القتيل ارتطم بالارض بص… إقرأ المزيد ..ور شتي وفي قول اخر انه واثناءالمطارده خبطته سياره, وهذا لم يكن موجود في تقرير الداخليه الاولي 5- الام قدمت بلاغ ان ابنها قتل والامن يقول ان الام تعترف ان ابنها يتعاطي المخدرات, فشهادة الام مهمه وبالله التوفي

----------

انظر وتدبر ما تفعله وزارة الداخلية: 1- اعتقالات للأبرياء بلا سند قانوني ولا إذن قضائي، مع تعذيب بشع للمساجين، وهتك أعراض الناس في أقسام الشرطة.. 2- تزوير الانتخابات بجميع أنواعها لصالح الحزب الحاكم، مع انعدام وجود أي حس أخلاقي أو مهني لديهم.. 3- الاهتمام بالأمن السياسي وتهميش الأمن الجنائي وغيره، والنتيجة أن أصبحت مصر مرتعا لتجار المخدرات، والسلاح،… إقرأ المزيد .. والآثار.. 4- استخدام قانون الطوارئ من قبل عدد غير قليل من معدومي الضمير من الضباط لتصفية حسابات شخصية، أو للاستعراض على الضعفاء، أو لدهم بيوت الناس ليلا وانتهاك حرماتها.. الخ الخ .. وبالتالي، وجب غربلة وإصلاح الداخلية من الرأس إلى الذيل.. وليس تعديل وزاري سطحي لا يغني ولا يسمن من جوع.. [^]

------------

معقول ان يحاكم مخبر عن تعذيب مواطن انت بتحلم لو اتحقق ده هو احنا فين ياسيدى الفاضل مرة ركب معايا عسكرى مجند فى الطريق الزراعى اوصله فى طريقى وتعرفنا على بعض وسألته انت بتصلى ضحك وقال قبل التجنيد فى الداخلية كنت بعرف ربنا اما الان نست هاجة اسمها ربنا ونيت الضمير اللى الناس بتتكلم عنه وما اعرفش غير كيف نلفق تهم للغير وكيف نخرب البيوت من اجل الفلوس ال… إقرأ المزيد ..لى يحصلها البهوات الضباط وكله بعلم السادة المسئولين ورحمة الله على بلدنا ولاعزاء لان الدفنه ماتمتش والجنازة محدش يقدر يمشى فيها لان الناس خايفة ومرعوبه وانا لله وانا اليه راجعون [^]

----------

حسبنا الله ونعم والوكيل نعم فعلاً قسم سيدي جابر من أوسخ أقسام الشرطة في مصر خاصة مع الفقراء لان معظم من به مرتشين وعندهم أمين شرطة مسيحي يدعى رضا ده ابن كلب فعلاً لانه يتعمد السب بالدين وعلى العموم هو النظام كله فاشل والله لن ينصلح الحال إلا إذا تم التغيير ليس للرئاسة ولكن للحاشية النصابين بمن فيهم رئيس الوزراء ومعظم الوزراء وخصوصاً أحمد عز اللي اص… إقرأ المزيد ..له إيه الله أعلم عمال يغيير في الاقتصاد والميزانية لما خربها وهيهرب قبل ما يقعد على تلها والاخ وزير الداخليه المفروض ينشال على طول ده لو فيه حاجة هتحصل . وحسبي الله ونعم الوكيل [^]

----------

لما تكون قاعد في حالك والشرطه تجرجرك من قفاك وتخلص عليك بعد فاصل من التعذيب الجنوني السادي المصحوب باقذع الشتائم .. يبقي انت اكيد في مصر. لماتلاقي الحرامي يبقي نجم مجتمع و من ثم رئيس نادي او جمعيه اهليه ثم يصبح عضوا في مجلس الشعب ليشرع ويراقب اعمال الحكومه... يبقي انت اكيد في مصر. لما تلاقي القمامه حولك في كل مكان ورائحتها تزكم الانوف و تصبح بيئه ق… إقرأ المزيد ..ياسيه لتكاثر الزواحف والفئران والحشرات وتنتشر الامراض ثم يطلع عليك رئيس لجنه الخطه و الموازنه بمجلس الشعب ليؤكد ان زياده القمامه هي دليل علي ارتفاع مستوي المعيشه.. يبقي انت اكيد في مصر. لما يخرج عليك وزير من الحكومه ويؤكد ان من راتبه 500 جنيه فاكثر ليس من المصنفين تحت خط الفقر.. يبقي انت اكيد في مصر. لما تلاقي اسعار السلع الغذائيه من لحوم ودقيق وسكر وارز تباع في الاسواق بسعر اعلي من الاسعار العالميه ثم يقال لك ان الدوله تدعم الاسعار يبقي انت اكيد في مصر. لما تلاقي نواب الشعب يطالبون الشرطه باطلاق الرصاص علي المتظاهرين من الشعب عملا بقانون صادر منذ ايام الاحتلال ..يبقي انت اكيد في مصر. لما تلاقي الفلاح مش عارف يروي ارضه لعدم وجود مياه لا في الترع ولا المصارف .. يبقي انت اكيد في مصر. لما تلاقي شركات القطاع العام تقيم وتباع بسعر الارض والمباني في احسن الاحوال..تبقي انت اكيد في مصر. لما تلاقي الحكومه نزلت سهم اي شركه في البورصه بجنيه مثلا وتاني يوم تلاقي السهم وصل 100 جنيه .. يبقي انت اكيد في مصر. لما تلاقي نفسك في بلد معلنه فيه حاله الطواريء لمده 29 سنه علما بان البلد نفسه لم يحارب علي الاطلاق منذ اكثر من 37 سنه .. يبقي انت اكيد في مصر. [^]

----------

الرئيس وأسرته ونظامه كلهم مسؤولين عن التعذيب الذى يحدث لا حل لمصر إلا بالتغيير وطالما الشعب خائف ومستكين فسوف يحدث التعذيب كل يوم والكثير لا أحد يعلم عنه شيئا لا بد من رحيل النظام بأكمله بثورة شعبية وأعتصام مدنى وإضراب عام

---------

ده دليل قاطع على فساد وفوضى وصلت فى الجسد المصرى حتى النخاع وموش هيتعدل الحال ده بسهولة , فالفساد المستشرى عندنا يجرى الأن فى مضمار السباق ولابد أن يصل إلى نهاية المضمار الأليمة و المفجعة ولسوف يحدث الأسوأ والكارثى حتى يتجه ميزان الإصلاح والعدل إلى الصعود ثانية , والحمد لله على كل حال فهذا هو قدر الله فينا الذى لا يقابل إلا بالتسليم , فلله الحكمة البالغة

------

لا يوجود لامنظمات حقوق انسان ولا حكومة تردع مثل هذه الوحوش اذا سالتني على منظمات حقوق الحيوان اقول موجودة وما اكثرها وفعالة حقوق الانسان الغربي موجودة اما الانسان العربي منعدمة .اقول الله يشل يد الوحش الذي غذب شاب في ريعان شبابه الله ينتقم منه شر انتقام في الدنيا قبل الاخرة ويصبر عائلته .

-------

المطلوب هو حصانه لكل افراد الشعب المصري

------

رحم الله شهيد الطوارىء والهم اهله الصبر والسلوان على تحمل تلك الفاجعه الاليمه وعن تغير وزارى بسبب التعذيب فى السجون واقسام الشرطه فلا اعتقد لانه تعذيب منهجى وبعلم وزير الداخلية نفسه بدليل ان المحتجين على مقتل خالد امام وزارة الداخلية قد تم القبض عليهم واعتقالهم بمبنى الوزارة وتعالت صرخاتهم اثر تعرضهم للضرب والتعذيب بمدخل الوزاره لحظة القبض عليهم ول… إقرأ المزيد ..ازال الاعتداء مستمرا وفعلا كما قال المخرج الكبير يوسف شاهين للشرطه فى اخر افلامه هى فوضى [^]

----

ماهي الكبيرة الي من الكبائر لم ياتي بها النظام المصري و الى متى نسكت يجب ان تكون ثورة تسقط نظام الظلم و الاستبداد

---

ايها السادة لقد استشرى الفساد فى كل شبر من ارض هذا البلد وانتشر الظلم والطغيان فما قولكم دام فضلكم فى كل ضباط الشرطة وكل وكلاء النيابة وما يتبعهم من ترقيات ومسميات وكل ما يخص السلطة القضائية والتنفيذية الذين يصلون الى الكليات او المناصب القضائية عن طريق الرشوة لن ينصلح الحال ويجب ان يقال كل من له يد فى استشراء هذا الفساد والظلم البين لهذا الشعب الو… إقرأ المزيد ..اهن ( لا يغير الله ما بقوم حتى يغيروا ما بانفسهم ) [^]ماذا ينفع التغيير الوزارى فى بلد يحكمة ويتصرف فية ويفسدة ويدمرة ويدمر شعبة وينكل بة ليل نهااار شخص واحد ودكتاتور واحد ومستبد واحد هو رئيس النظام المصرى لا نريد سوى ان يرحل هذا الرجل بكل معالمة وتاريخة الاسود المظلم الذى دمرنا وحاصرنا وشردنا وحرقنا وعذبنا فى السجون والمعتقلات والان فى الشوارع جهارا نهارا والحقيقة ان الشهيد خالد ليس اول المغدورين وال… إقرأ المزيد ..معذبين فى مصر ولن يكون الاخر طالما ان المستبد الاوحد والدكتاتور الاوحد لا يحترم ولا يقدر ولا يعترف بأن فى مصر رجال وشباب عظماء وان مصر تستحق ان تكون حرة وديمقراطية تستحق ان يكون شعبها بنى ادمين وليسوا حيوانات تعذبهم الشرطة المصرية وتقتلهم بدون حسيب او رقيب اى كلام هذا اى دولة نعيش فيها اقسم باللة ان مصر برئيسها الحالى الغير شرعى لا ترتقى لدولة فى العصور المظلمة واقول مفيش فايدة فى ان ننال حريتنا بطريقة سلمية لا مجال مع هذا النظام الفاسد الظالم لا مناص من ان نكون اقوياء وننتزع حريتنا انتزاعا فالحرية لا تعطى بل تنتزع يا ايها الشعب العظيم....قصدى يا ايها الشعب الذى كان عظيما فى وقت ما قبل ان نصل الى عصر الظلم والفساد عصر الابن الكرية والوريث الغير شرعى ورفاقة الذين نهبوا مصر ودمروها وعذبوا ونكلوا بزهرة شبابها الكثيرين ومنهم الشهيد خالد رحمة اللة واسكنة فسيح جناتة وندائى الى كل اهل الاسكندرية الاحرار ولكل اهل سيدى جابر وشبابها الابطال لتقتصوا من قتلة خالد فدمة فى رقابكم قبل اى شخص اخر ....وان للة وان الية راجعون [

----

تقديم وزير الداخلية للمحاكمة استقالة الحكومة باكملها تنفيذ مطالب الجمعية الوطنية للتغيير هذه هى الحلول التى يمكن لها ان تنقذ ما تبقى لا يعنينى استقالة حكومة و استبدالها بحكومة اخرى ما يعنينى هو سلامة البلاد و اعود و اذكر استخدام الدولة للقمع و التعذيب الممنهج يفتح الباب لانشطة عنف متبادل تحت الارض ارى ان انتهاج النظام للطرق التقليدية و احترام حقوق الانسان و الضرب بيد من حديد لمن تسول له نفسه من رجال الامن " وهم قلة" تعذيب اى مواطن حتى لو كان من عتاة الاجرام حيث لا مبرر ابدا لاست… إقرأ المزيد ..خدام العنف و اكيد ان السواد الاعظم من رجال الامن هم من الشرفاء و منهم من استشهد فى سبيل الحفاظ على الامنو فى الاول و الاخر فرجال الامن هم اخونا و اولادنا ولكى لا تؤثر القلة القليلة الضالة من رجال الامن الفاسدين على الكثرة المحترمة من ابناء مصر الشرفاء [^]

-------

---اسئل رئيس الجمهورية لو حدث ذالك في جمال او علاء هل يكفيك ابادة الشعب المصري باكملة

[لولا]

الموضوع أكبر من رشوة وأكبر من لفافة بانجو, ده اللى حسيته من شهادة صاحب السايبر, شوفوا قال إيه:

وكشف حسن مصباح (62 سنة)، صاحب مقهى الانترنت الذى تم فيه القبض على خالد سعيد (قتيل الاسكندرية)، عن مفاجأة جديدة فى القضية وهى أن المجنى عليه لم يكن يعرف من قيده من الخلف، حيث فوجئ أثناء دخوله من باب السايبر بشخصين يدخلان وراءه وقام أحدهما بشل حركته عن طريق تقييد يديه خلف ظهره، بينما انهال عليه الآخر بالضرب دون أن ينبث بكلمة واحدة أو يقولا له من هما ولماذا يفعلان معه ذلك.

وصرح صاحب السايبر بأن "المخبرين السريين أمسكا بالمجنى عليه وأخذا يضربانه بشكل هستيرى وكأنه انتقام منه لوجود ثأر قديم بينهما وبينه، فقاومهما لأنه لم يعلم من هما، كما أنهما ضرباه بشكل جنونى، فحتى لو علم من هما من الطبيعى أن يقاومهما، خاصة أنه استسلم لهما بمجرد تقييده وحاول أن يعلم من فعل ذلك بهدوء، حتى بدأ الآخر فى ضربه فبدأ خالد فى المقاومة" .

وأوضح صاحب السايبر أن المجنى عليه أخذ يسأل عدة مرات وهو يصرخ "من انتم ولماذا تفعلون بى هذا" ولما حاول ان يدير وجهه للخلف قاما برطم وجهه فى رخامة على باب السايبر مما تسبب فى كسر أسنانه وفكه، وبدأت الدماء تنزف منه بشدة وهو يحاول الخلاص بأى طريقة ،على حد قوله .

وأكد مصباح أنه هو نفسه لم يكن يعلم أن هذين الشخصين شرطة، واعتقد أن هناك مشكلة بينهما وبين المجنى عليه، فطلب منهما الانصراف به بعيدا عن مكان عمله حتى لا يزعجون الزبائن، فأخذاه وذهبا به إلى وسط الشارع أمام محل حلاقة وأكملا ضربه، ولما وجدا الناس بدأت تلتف حولهما أخذاه إلى مدخل عقار مجاور وبعدها فرا مسرعين، فإذا بطبيب من سكان العقار أثناء دخوله اكتشف أن خالد ملقى على الأرض ولما كشف عليه وجد نبضه متوقفا واكتشف وفاته.

يعنى الاتنين مخبرين رايحين لخالد مخصوص مش زى ماقالوا إنهم دخلوا السايبر وفتشوا الناس وهو رفض يتفتش, دول كانوا منتظرينه, يعنى فى سبق إصرار وترصد وشهادة صاحب السايبر بتؤكد الكلام ده لأنه بيقول إنهم زى مايكون بينهم وبينه تار وضربوه بشكل هستيرى, يعنى كانوا مصممين يموتوه.

ولو ربطنا الكلام ده مع شهادة ابن خالة خالد الله يرحمه, إن اللى صور الفيديو المنسوب لخالد إنه نشره على الإنترنت هو واحد من الاتنين مخبرين اللى موتوه, ممكن نستنتج إن ده فعلاً حصل وإن المخبر اللى صور الفيديو ده اتأذى بسبب نشر الفيديو عشان كده راح انتقم من خالد, بس الغريبة بقى هى إصرار الداخلية على حمايتهم بالشكل الغريب ده.

آخر الأخبار بقى فى القضية هى:

النائب العام يأمر باستخراج جثة قتيل الاسكندرية واعادة تشريحها لبيان سبب وفاته

الشهاده المكتوبه هنا على لسان صاحب السايبر تتنافى مع ما تم ذكره بالأمس فى لقاء الصحفى بهاء الطويل على قناة اون تى فىOn tv

بهاء وضح انه وفريق من المراسلين وبالحديث مع الناس فى الشارع وجمع ملابسات ما حدث اتضح ان الإتنين المخبرين معروفين جدااااا

فى المنطقه دى.. مما يعنى ان صاحب السايبر مفروض كمان يكون عارفهم هما مين. ليه بقى لأنه كما ذكر الكلبين دول كان معروف عنهم تماما

الترهيب لأهالى المنطقه للحصول على اتاوات !!! رشوه يعنى من الناس بدل ما يرموهم بأى تهمه !!

من الواضح جدا ان هناك محاوله حثيثه من هؤلاء الفسده لتشتيت الرأى العام فى عده محاور خصوصا مع مسرحيه انه وقع عده مرات ومسرحيه ابتلاع كيس بهذا الحجم ..

ايا كان ماوراء كل ذلك القضيه هنا هى حقوقيه لمواطن مصرى تم قتله ورميه مثل الكلاب الضاله بأيدى اجراميه تقوم الداخليه الفاسده بحمايتهم

وكل ذلك اصلا يتم تحت ستار قانون الطوارىء الذى يستخدمونه ليفعلوا من خلاله ما يحلو لهم فى الشعب

للمواطن المصرى حق الإحترام الكامل فى بلده

للمواطن المصرى حق ان يعترض وان يرفض المعامله باى اسلوب مهين

للمواطن المصرى ان يشارك فى المظاهرات دون ان تمتهن ادميته وينتهك عرضه وعرض بنات مصر

للمواطن المصرى الحق ان يعامل بكااااااااااامل الإحترام فى بلده

وكل هؤلاء الأوغاد يجب ان يعرفوا انهم موظفين لدى الشعل لخدمته وان رواتبهم هذه يأخذونها من الشعب

هناك شاب تم قتله وسحله وتعذيبه بوحشيه غير انسانيه وتتم محاولات محمومه لتشويه سمعته وقذفه بكل التهم وهو ميت لا يمكن ان يدافع عن نفسه

مات الكثرون قبل ذلك وربما بطرق اكثر وحشيه من الطريقه التى قتل بها خالد ولكن آن للشعب ان يرفض هذا المسلسل من الإمتهان والتعذيب واهدار الدماء البريئه

على ايدى كلاب الشرطه وزبانيه الداخليه الفاسدون..

هذا جهاز فاسد ورائحته ازدادت عفونه بشكل يجب ان تحدث فيه ثورة شعبيه من الشعب يرفض فيها الشعب ان يعامل كعبيد لكلابهم الفسده .

اوافق تماما على كل مداخلات الفاضل زعلان

اما ان تكون مع الحكومه او الشعب .

لولا

تم تعديل 15 يونيو 2010 بواسطة لولا