خالد محمد سعيد "شهيد الطوارئ

[hanzalah]

مش لاقي كلام اقوله

فعلا

خلص الكلام

كل واحد يشيل مطوه او سلاح يدافع بيه عن نفسه في غابة الوطن

دمتم احرار

بلا وطن

[لولا]

بث مباشر لجرائم الأمن المركزى ..

http://bambuser.com/channel/RamyRaoof/broadcast/827016

[مغتربة]

نفسى اعرف الرجاله الى زى الورد دول الى واقفين يتفرجوا من البلكونات مع الستات

منزلوش المظاهره ليه

دا كل واحد فيهم بسم الله ما شاء الله

يفصل اربعه من الحجم الطبيعى

صحيح كتير بيتكتب فى خانه الجنس ذكر

لكن الحقيقه انه مش دايما الواقع بيطابق المكتوب

قسما بالله لو كنت فى مصر لكنت نزلت المظاهره

كفايه خنوع بقى

و فى الاخر بنسال هما بيعملوا فينا كده ليه

تم تعديل 13 يونيو 2010 بواسطة مغتربة

[لولا]

ايوه فعلا ..

كان مفروض الشعب ينزل المظاهر بالسلاح ...

مفروض نشوف ازاى المواطن يأمن لنفسه حته سلاح عشان يحمى بيها نفسه وهو واقف مجرد صوت فى مظاهرات سلميه لشجب الظلم والتنديد بالفساد والطغيان..

ايوه فعلا كل واحد لازم يحمى نفسه بنفسه

البنات كان مفروض ينزلوا بسلاح يا يقتلوا بيه يا يموتوا ويرتاحوا قبل ما كلاب واطيه خسيسه تنتهك عرضهم..

لكن هما بيعملوا كده ليه ؟؟

عشان الخوف..

عشان الخوف..

عشان الكل يترعب..

عشان الكل يخرس..

كده عينى عينك جبروت ..

كده عينى عينك بناتنا ينتهك عرضهم فى عربيات الشرطه عشان وقفوا فى مظاهره !!

تاديب..

تربيه ..

احنا محتاجين نتربى فعلا ..

احنا محتاجين نتربى ..

ربينا بقى يا مبارك ..

ربينا يا اب يا حنون

ربينا يا قائد يا عادل

ربينا عشان احنا شعب سافل وواطى انك لسه قاعد هناك على كرسيك !!!!!!!!!!!!!!!!!!

العزبه عزبتك يا ريس واحنا العبيد ..

مصر عزبتك ياريس واحنا العبيد ..

وعلى فكره بينك وبين مقابله ربنا يادوووووووووووووبك خطوه..

ابقى سلملنا على جهنم ياريس .

اللهم خذهم اخذ عزيز مقتدر ..

مصر الطاهره لوثتوها برائحتكم النته على ارضها.. اللهم طهر الأرض .. اللهم طهرها

[mekkawy]

دول كلاب .. كلاب وخونه ولازم كل شخص يحاربهم بكل طريقه ..

ادخل صفحه البرادعى

ادخلى صفحه البرادعى .. وشوف ممكن تعمل ايه .. شارك وتواصل مع كل حركه وتنظيم بيحارب الفساد

دور على دورك واعمل حاجه .

الفاضلة لولا

لو فعلاً زي ما حضرتك أوضحتي كدة .. و هو غالباً كدة لأن لن يستخدم القمع الرهيب ده إلا في حالة الخوف .. و لو دي أقل حاجة متاحة نقدر نعملها .. يبا واجب و حق على كل واحد فينا يضيف للحركات دي و لو فكرة أو رأي او رؤية أو حتى عدد .. و أنا لو كنت ما اعطتش الأمر ده حجمه بالأمس فأنا النهاردة مقتنع بفائدته.

و ده رابط صفحة خالد على الفيس بوك

ادخل هنا

الله المستعان على الظلمة

مكاوى

[لولا]

دول كلاب .. كلاب وخونه ولازم كل شخص يحاربهم بكل طريقه ..

ادخل صفحه البرادعى

ادخلى صفحه البرادعى .. وشوف ممكن تعمل ايه .. شارك وتواصل مع كل حركه وتنظيم بيحارب الفساد

دور على دورك واعمل حاجه .

الفاضلة لولا

لو فعلاً زي ما حضرتك أوضحتي كدة .. و هو غالباً كدة لأن لن يستخدم القمع الرهيب ده إلا في حالة الخوف .. و لو دي أقل حاجة متاحة نقدر نعملها .. يبا واجب و حق على كل واحد فينا يضيف للحركات دي و لو فكرة أو رأي او رؤية أو حتى عدد .. و أنا لو كنت ما اعطتش الأمر ده حجمه بالأمس فأنا النهاردة مقتنع بفائدته.

و ده رابط صفحة خالد على الفيس بوك

ادخل هنا

الله المستعان على الظلمة

مكاوى

مش مهم يا مكاوى انت فكرت بايه امبارح.. المهم النهارده ..

المهم مش عملنا ايه امبارح .. اللى معملش يلحق يعمل..

كلنا لازم نعمل ..

اقسم بالله العظيم لو انا وجوزى فى مصر كنا دلوقتى مع الناس دى ...

اقسم بالله العظيم ان مش هامم اى حد فينا يحصلنا ايه غير اننا عارفين اننا مش لازم نقبل الخنوع والظلم باى طريقه..

اللى مقدرش ينزل خلاص..

اللى خاف ينزل خلاص..

ايا كان السبب..

خلينا نشوف نقدر ازاى نجتمع ونشجع على حركه حركه..

ازاى ممكن تساهم انك تدل الناس على الطريق اللى يساهموا بيه باى حاجه ..

اهلنا بيموتوا هناك ..

شبابنا بيتسحلوا فى الشارع عينى عينك وتطلع بيانات للسخريه مننا وكانها بتقولنا طزززززززززز فيكم واشربوا من البحر واحنا هنا اسيادكم..

احنا مش عبيد يا مكاوى..

شعب مصر مش عبيد لمبارك وكلاب السلطه وزبانيه جهنم السفله ..

بناتك يا مصر اتهتك عرضهم عشان نزلوا مظاهره ..

يبقى ده ايه ؟؟؟

ده ايه ؟؟؟

عايزين يزرعوا الرعب...

عيزين شعب ما لوش صوت ..

الأمن المركزى كانت متوزعه عليه صور كل فرد فى حركه شباب ابريل ودخلوا جابوهم من وسط الكل ..

ليه ؟؟؟

لأنهم خايفين منهم..

لأنهم بيفضحوهم ..

لأن النشطاء دول بيخلوهم على بركان ثائر قابل للإنفجار والإطاحه بيهم ..

بليز محدش يقولى دى حركات فاضيه ..

ده كلام لا بيودى ولا بيجيب ..

فكر مع نفسك شويه..

فكرى ما نفسك شويه ..

شوف وشوفى تحبى تقولى انا من مصر ولا انا من عزبه مصرى لسيدى مبارك ؟؟؟؟

[engmido]

اللهم انتقم ممن ظلمنا

------------------

معك يا هيرو

[لولا]

نقلا عن صفحة الشهيد :

يا اخوانا في اعتصام دلوقت عند النائب العام .. كله ينزل من بيته ويتحرك خلاص ما بقتش قضية خالد بس بقيت قضية وطن وشعب بيتبلطج عليه وبتتنهب منه حقوقه اتحركوووووووووووووووووا مفيش فرق دلوق بين معارضه وناس في حالها مفيش فرق بين اخوان وناصريين وغد مصر كلها دلوقت لازم تتحرك .. انزلوا من البيوووووت

[لولا]

عن صفحه الشهيد ..

احنا بس نفسنا دي تكون بذرة ... بس معنى بذرة إنها تفضل في بالنا دايما .. و بـإذن الله هتطرح شجرة ثورة .. ثورة شعبية عارمة .. مفيش حاجة بتتغير في ثانية .. بس البلد خلاص بتغلي و تولع .. هما دلوقتي بيعملوا كل حاجة من خوفهم .. يا ريت مانخليش حاجة نخاف عليها .. خلاص معادش فيه حاجة نخاف عليها .. يا نعيش احرار يا نموت بأه .. و مفرقتش معتقل من سجن كبير

----

[بركة]

نتابع 90 دقيقة والعاشرة مساءا

ونشوف ايه اللي بيحصل

[بركة]

لما كان بيحصل حاجة بين اتنين عاديين جدا ضربوا بعض وللا واحد قتل بني ادم عشان فلوس

كان التقرير بيقعد نص ساعة لما يصدعونا

لكن خالد موضوعة يخلص في دقيقتين تلاتة

والمظاهرة تتقال بسلاسة ولا كأن ناس اتسحلت في عربيات الامن ولا حاجة

شكرا يا 90 دقيقة

[herohero]

نتابع 90 دقيقة والعاشرة مساءا

ونشوف ايه اللي بيحصل

تقارير وكله بيحاول يجذب نسبة مشاهدين اعلى

القصه قصة احتقان حاصل ف كل فئات الشعب وبمعنى اصح حالة فوضى وسنرى الكثير انتحارات من ع كوبري قصر النيل والاعتداء ع خالد ووكيل نيابة يضرب محامي ونشوف اتنين بلطجية

منظومة اصابها الخلل وده كلها اعراضها

[لولا]

نتابع 90 دقيقة والعاشرة مساءا

ونشوف ايه اللي بيحصل

اعلام واقع تحت السيطره التامه الموجهه ماذا ننتظر منه ؟؟؟

كبيرنا اننا نوف بث لما حدث .. او يمكن تهميش اكثر وشويه صور وبح خلاص على كده..

دى لعبه كبيره

مؤامره فعلا وعبوديه وتزوير لكل الحقائق وقلب الباطل لحق والحق لباطل ..

داخليه تتعامل مع المواطن اوسخ ما اليهود بيتعاملوا مع الفلسطنين !!

احتلال يا بركه ..

احتلال..

مصر محتله يا جماعه

احنا محتلين.. اقسم بالله البلد محتله

[bentmasria]

ممنوع التصوير والكاميرا حتتاخد منك وانتى مالك ياست انتى خليكى ف حالك فين كارنيه النقابة جريدة ايه

غورى من هنا احسن لك

المتظاهرين موش كتير وقعدوا ساكتين فى الميدان رصيف مدبولى اتملأ وبلكونة الاحزاب وحواليهم اضعاف العدد من العساكر والعصيان

وانا يادوب بدوس على رجلى مقدرتش اغامر

ربنا يسترها معاهم وشوش كلها شر وياترى ايه اللى حيحصل للى قدر ينطق ويقول لأ حرام

[بركة]

اختلال

اختلال

احتلال

سيناريو بيبدأ من أول ما اليوم بيبدأ

بيخللي المواطن مننا يصحى الصبح

ويجاهد جهاد الحروب عشان بس يوصل شغله اللي مش مكفي عياله عيش حاف

يرجع على شغلانة بعد الضهر عشان يجيب غموس العيش

ولو فضل منه طاقة

يتبقى عليه يقف في خمسين طابور عشان اي حاجة عاوزها وحاجة مش عاوزها ( ضرائب عقارية مثلا )

ولو لسه معافر يبقى عليك باللي هينسيه نفسه

دلعو الشعب واديله افلام زبالة غرائزية خليه بهيمه مساقة

طب الراجل لسه ما اتهدش طااااااااب كورة هيييييييييييييه جون

والعيال ولاده طيب .......كبتناه وعياله جابوله اكتئاب من طلباتهم وحاسس بالذنب من ناحيتهم

يبقى يموتهم ضرب او يموتهم بإيده

وبعدها سرطان او فشل كلوي يخلص خالص على نفسه

وشكرا للاحتلال

تم تعديل 13 يونيو 2010 بواسطة بركة

[لولا]

لازم يبقالنا صوت ..

http://www.youtube.com/watch?v=_0UKS1n-ELs...layer_embedded#!

[herohero]

لازم يبقالنا صوت ..

http://www.youtube.com/watch?v=_0UKS1n-ELs...layer_embedded#!

والله ف تغطية كويسة من قبل برنامج بلدنا بالمصري ع قناة اون تي في وابراهيم عيسي هيناقش الموضوع ده يعني لما نشوف

لكن ورغم عدم رضاكي عن ارائي نتمنى تكون الحكاية بالصوت او باي شيئ الفساد عندنا ف مصر بقى هو الاصل وليس الاستثناء

منظومة فاسده لا اجد الا الحل الالهي وهو ان ربنا ياخد امانته لان بجد زهقنا مش عاوزينها كفاية 82 سنة ومستمتعين برؤيته 30 سنة يجي اي حد مش مهم بس اهو نغير عتب و وشوش

[mfarag]

فعلا

احتلال يا بركه ..

احتلال..

مصر محتله يا جماعه

احنا محتلين.. اقسم بالله البلد محتله

[لولا]

ممنوع التصوير والكاميرا حتتاخد منك وانتى مالك ياست انتى خليكى ف حالك فين كارنيه النقابة جريدة ايه

غورى من هنا احسن لك

المتظاهرين موش كتير وقعدوا ساكتين فى الميدان رصيف مدبولى اتملأ وبلكونة الاحزاب وحواليهم اضعاف العدد من العساكر والعصيان

وانا يادوب بدوس على رجلى مقدرتش اغامر

ربنا يسترها معاهم وشوش كلها شر وياترى ايه اللى حيحصل للى قدر ينطق ويقول لأ حرام

حمدالله على سلامتك .. الحمد الله انك بخير .

فى مواقع كتير اكيد هتنزل الصور

والوضع كله واللى حصل هيتعرف من خلال النت مش الإعلام الموجه المحتل هو كمان..

وعاشت مصر حره مستقلة ..

وليسقط الإستعمااااااااار..

ليسقط الإستعمار واعوانه وكل خائن وكل شخص هتك عرضك يا مصر وعامل ولادك ولا الكلاب وذلهم ذل العبيد..

الى اتمسكوا هيخرجوا.. وعارفين هيكملوا كمان

لأنهم عندهم رساله..

لأنهم مؤمنين بالكرامه الإنسانيه ومسؤليه رفض الفساد والطغيان..

لسه فى شباب فيه خير..

لسه فى شباب مباعش القضيه وقفل الستاره وقال طززززززززززز!!

لسه فى ناس شايله غضب وثوره.. بتصوت .. بتعيط .. بتكسر .. بتشتم... وفى الآخر عمرها ما تشيل الجذر من قلب الوطن..

التراب لو اتلوث ومشيت عليه خطاوى الخونه لأهلهم وناسهم فالخطاوى دى هيجى يوم وتتسحل على نفس الأرض..

الغضب..

اغضب يا مصرى..

الإنفجار هيحصل هيحصل..

كل المؤشرات بتقول كده ..

[لولا]

لازم يبقالنا صوت ..

http://www.youtube.com/watch?v=_0UKS1n-ELs...layer_embedded#!

والله ف تغطية كويسة من قبل برنامج بلدنا بالمصري ع قناة اون تي في وابراهيم عيسي هيناقش الموضوع ده يعني لما نشوف

لكن ورغم عدم رضاكي عن ارائي نتمنى تكون الحكاية بالصوت او باي شيئ الفساد عندنا ف مصر بقى هو الاصل وليس الاستثناء

منظومة فاسده لا اجد الا الحل الالهي وهو ان ربنا ياخد امانته لان بجد زهقنا مش عاوزينها كفاية 82 سنة ومستمتعين برؤيته 30 سنة يجي اي حد مش مهم بس اهو نغير عتب و وشوش

هيرو .. سامحنى لو كنت اتعديت على شخصك بكلمه..

كلنا فاهمين اللى بتقوله..

حاول بس تستوعب ان وقت النزف بلاش تيجى ترمى الملح جواه والناس اعصابها منهاره كده وفى شده الوجع..

فى مواضيع كتير اتسعت لكل السلبيات واتكلمنا فيها خلى الموضوع هنا نفكر بروح وحده وقلب واحد ازاى كل فرد يتوعب الجزء الخاص بيه من المسؤليه

ازاى تشارك بشيء لو عشان احساس وطنى يبقى انسانى,, يبقى دينى .. يبقى اى حاجه ..

مد ايدك وساعد وانت قولت انك شاركت فى التصويت على تغيير الدستور..

حاول تتأكد ان كل شخص تعرفه عمل كده..

كل واحد يدور على طريقه يكون بيها صوت بيرفض الطغيان والإحتلال من غير الإسطوانات الى بتهبط الهمم وتعمم السلبيه ..

فى دم بيروح ..

فى عرض بيتم هتكه..

فى ناس بتتسحل..

ومش جديد .. عندك حق .. لكن زاد عن الحد ..

بقى على عينك يا تاجر ..

كل اللى بقوله لازم يبقالنا صوت..