خالد محمد سعيد "شهيد الطوارئ

[بركة]

شوفوا العاشرة بسرعة

[لولا]

ياترى ايه ده يا داخليه ؟؟؟

ايه ده يا عدلى يا ابو العدل ؟؟

ايه بس الشفافيه دى بس اللى خلتكم تشركونا فى لسته الإجرام لخالد سعيد ؟؟

هو مش كان برضوا متهرب من الخدمه العسكريه ؟؟

عاشت مصر حره مستقله ..

عاشت الحريه اللى فيها الشعب..

عاش الأمن والآمان اللى احنا عايشينه تحت حماكم يا داخليه ؟؟

اقتلوا كمان ..

اسحلوا الناس ..

زورو الأدله ..

اعتكوا اعراض البنات ماهم مش بناتكم دول بنات من اسرائيل ... ايييييييييييييييييييه اسرائيل ..

دى اسرائيل ارحم والله..

البلد دى محتله يا جماعه..

البلد محتله

والناس بيتعاملوا معانا على اساس اننا هنا عبيد مش شعب..

لكن احنا مش عبيد وبأذن الله الفضيحه هتبقى فى كل موقع

[لولا]

"وَلَا تَحْسَبَنَّ اللَّهَ غَافِلًا عَمَّا يَعْمَلُ الظَّالِمُونَ إِنَّمَا يُؤَخِّرُهُمْ لِيَوْمٍ تَشْخَصُ فِيهِ الْأَبْصَارُ مُهْطِعِينَ مُقْنِعِي رُءُوسِهِمْ لَا يَرْتَدُّ إِلَيْهِمْ طَرْفُهُمْ وَأَفْئِدَتُهُمْ هَوَاءٌ"

[ساره احمد]

اديلي يوم لسانى عاجز عن الوصف..... وكل اللي بقولة لية؟!!!!!

عمل اية علشان دة كلة؟ ارتكب جناية؟ قتل؟ ولا عمل اية؟!!!!!!

ايا كان اللي عملة ميستاهلش القتل الوحشي دة... شاب في بداية العشرينات يكون دة مصيرة

بس هو لا تاجر في المخدرات ولا قتل ولا ارتكب جناية ومصيبة... دة قام وقال لأ

فينك ياديموقراطية؟ ولا دة كلام علي ورق؟؟؟؟ بيضحكو بية علينا .. احنا ولا في زمن احتلال

الله يرحمك ياعبد الناصر انت والسادات وقال اية كانو بيقولو عن السجن السياسي في زمن عبد الناصر! ادينا اهه عايشين اللي ابشع منة

صحيح احنا سبناكم تنهبو في فلوس البلد وقلنا يمكن تشبعو بس للاسف مش مكفياكم كمان عايزين تخرسونا في ابسط حقوقنا وتدوسو علي كرامتنا

حسبي الله ونعم الوكيل

[hOuSsAm]

توضيح يا لولا

بالنسبة للاقاليم مهما اتجمعوا مش هيبقوا بقوة المركزية فى القاهرة لان فى القاهرة هتلاقى وزارة القمع والاحباط ومجلس الشغب والنائب العام

فمعظم الناس من الاقاليم بتنزل فى القاهرة عشان يبقى الصوت اقوى واعلى ومسموع اكتر

تانى حاجة مفيش فى الاقاليم وسائل اعلام هتنقل المظاهرات دى زى القاهرة والاسكندرية واخص بالذكر وسائل الاعلام الاجنبية مش الاعلام .......................... المخادع

ربنا يحمى شبابنا وولادنا وبناتنا

[لولا]

الأخبار من صفحة الشهيد خالد

منى الشاذلي .. اتعاملت مع بيانات .. مش حلو أو وحش بس مش الحقيقة كلها .. قدمت تساؤلات فقط ... ابراهيم عيسى .. عبقري كالعادة .. فضح كذب الداخلية و اتكلم بذكاء شديد .. إلى منى الشاذلي لما كانت متضايقة إن القضية حصل لها تسييس و بقت سياسية .. أنا موافق إنها انسانية .. بس برده سياسية .. كان لازم يحصل تسييس بدل مانبقى شعب سيس...

-----

كل الشباب خرجوووووووووووووو الحمدلله

-----

و انا تاني أدمن رجعت من المظاهره أهو..الحمد لله

حزينه جدا إننا مقدرناش نجمع كل الناس اللي كانت جايه عند الوزاره عشان الأمن كان محاصرها كلها و اعتقل كل اللي دخلوا

بس المهم إننا طالبنا بحق خالد اللي مش هنسيبه يضيع أبدا و هنفضل نطالب بيه

اللهم اجعل له من فوقه و من تحته و من أمامه و من خلفه

...

النهارده كانت أول خطوه .. بس المشوار لسه طويل وما ينفعش نتعب من أول مرحله كده ،، الحمد لله الجميع بخير وكل المتظاهرين خرجوا والادمنز بخير - حتى الآن - هندرس النهارده ونشوف ايه اخطاءه ومميزاته ونستعد للخطوه الجايه .. ما تيأسووووووووش

----

دمك يا خالد يا بطل دمك بيحرر وطن

تحياتى لكل القوى السياسيه التىشاركت لانجاح هذا اليوم

الناصرى والكرامه 6 ابريل .الغد والاشتراكيين الثوريين والأخوان والليبراليين وكل الشرفاء من ربوع مصر

دم خالد مش هيروح هدر دم خالد جمع القوى الوطنيه

ومش خايفين ومش ساكتين

...

[herohero]

كلنا تابعنا اللي بيتقال ونفس السيناريو المتوقع كلام غير منطقي حصل ف حاجات كتير ومواقف حصلت زمان وبنفس المبررات الغبية

عشان كده بطلت فرجه وقلبت ع لقاء زويل ف منتدى الاعلام العربي هو ده الحل

نبقى شعب متطور ومتعلم كويس اللي عاوز يهاجر يهاجر واللي عاوز يقعد يقعد بس المهم حاجه واحده يبقى عندنا كده 10 زويل احنا عندنا كتير بس نتخيل كده لما مثلا مجموعه المنتدى بتاعنا تبقى ناجحه ف اي بلد وعيالهم يطلعوا ناجحين شويه ونلاقي الشعب بقى كده

ساعتها ياجماعه مستحيل يحكمنا كلاب ب50% انا مقتنع ان ده الحل المستقبلي واللي حكومتنا السنية مش عاوزاه ان يبقى عندنا جيل راقي ومتطور

خالد ربنا يرحمه ويرحمنا الامل ف الاجيال الجديدة هو ده الحل والامل يمكن يجي لهم يوم يتحكموا من بشر يراعوا ربنا فيهم مش حيوانات مع كامل اعتذارى للحيوانات لانهم رحيمين ف بعض الاحيان

[زهرة الاسلام]

اللهم حررنا من الضعف وارزقنا قوة الحق واجعلنا للمتقين اماما ,,,,

اللهم ارحمنا اللهم اجعل راية الحق مرفوعه بايدينا بايديــــناااااااااا يااا رب

الحمد لله ان مصر مازااال فيها رجاااااااااال الحمد لله بدأنا نفووووووووق ولانفجار قرب فعلا اللهم نصرك وتثبيتك اللهم آآآمين

[لولا]

من صفحة خالد

انا لسه جاي من لظوغلي

انا حاسس احساس جديد له معنى وحاسس بحقي اكتر واكتر

---

ياااااه حق..

الكلمة دى بقيت اسمعها ومعرفش امتى نعيش فى ظلها

امتى ؟؟

لكن فعلا زى ماقالوا شباب الحريه

كل الناس في بيوتنا وفي شوارعنا

تخرج معانا وتقول لأ

على كل اللي بيحصل فينا

من ذل وغلا وتهديد

انت وهي وابني وابنك

لا تخاف قوة ولا تهديد

انت معاك المولى وحارسك

يالا معايا ... قوم واعلنها

لكل الناس

إننا شعب بإذن الله ما بننداس

[لولا]

متي نتطهر عن ذنوبنا ولو لمره

كم من مره سكتنا عن حقوقنا

كم من مره تخاذلنا عن نصره انفسنا

كم من خالد يجب ان يسقط حتي نصحو من غفلتنا

آن الأوان

...كلنا خالد

كلنا مصريون

وكلنا علي التغيير عازمون

من اليوم لا لهتك عرض الابرياء

من اليوم لن نسكت علي قتل الشرفاء

من اليوم كل ظالم سينال الجزاء

مصر مش هتقبل الكفن

ولا العزاء في ابنها الي اندفن

الا بعد القصاص في من عذب وقتل

http://3andy-sha3ra.blogspot.com/2010/06/

[لولا]

عندما مات المواطن محمد علاء مبارك مريضا - رحمه الله - .. توقفت أجهزة الدوله تماما عن العمل .. أُعلن الحداد لثلاثة أيام .. نعاه الكل شعبا وقيادات سياسيه .. خيم الحزن على مصر كلها ،، عندما مات المواطن خالد محمد مقتولا مشوها - رحمه الله - لم شعر احد .. افلت الجناه بفعلتهم .. عوقب وضُرب وسُحل كل من طالب بحق المواطن خالد .....

محمد علاء .. خالد محمد ،، مواطنان مصريان .. نفس اللغه ونفس الجنسيه ،، ولكن الفارق كبير

---

من الفيس بوك

[لولا]

فى يوم من الأيام كان فى شاب اسمه خالد..

فى حاله..

ماشي جنب الحيطه زى مابيقولوا..

لكن فى يوم دخلوا عليه اتنين من زبانيه الطاغوت..

قتلوه غدر الكلاب..

سحلوه

شوهوه..

وبعد ما عملوا كده

قرروا اسيادهم يقتلوا خالد تانى..

قتلوه تانى وهو ميت .. ضربوا فى الميت ولفقولوا لسه تهم وعملوه مجرم وامه بنفسها شهدت عليه ..!!!!!!!!!!!!!!!!!!!!!!!!!

ده كان العدل فى عصر مبارك..

ده هو العدل فى عصر مبارك..

ربنا يصبر قلبك يا ام خالد .. ربنا يصبرك ويربط على قلبك.. ربنا يصبرك على ابنك اللى اتقتل من غير سبب غير انه عايش فى عصر العدل بتاع مبارك

تم تعديل 13 يونيو 2010 بواسطة لولا

[لولا]

استاذ بهاء الطويل صحفى بجريده اليوم السابع

وهو على معرفه شخصيه بالشهيد خالد يجرى لقاء الآن معه على قناه اون تى فى عن طريق الهاتف

وهو يعد بانه سيكون هناك مقال يعتبر سبق صحفى يحمل ادله ومستندات تبرىء خالد من كافه الإتهامات الحقيره الوضيعه

الواطيه اللى اتهموه بيها بأخلاقهم المعروفه اخلاق تل ابيب !

على فكره يا جماعه الراجل بيقول ان الجريده تمتلك صور اكثر بشاعه وتوضح اثار للتعذيب اخرى على جسم خالد

وانه امتنع عن نشرها احتراما لمشاعر اهل خالد ولأنهم ايضا طلبوا عدم النشر

القناه دى على فكره محترمه وغير موجهه ادعوا الجميع لمتابعه القضيه من خلالها دى قناه غير قناه او تى فى خلوا بالكم

هى القناه اللى طلع فيها ابراهيم عيسى وفضح الداخليه بذكاء وهى القناه اللى نشرت شهاده الخدمه العسكريه لخالد...

فؤاد علام وكيل مباحث امن الدوله سابقا طالع فى اللقاء... لا يمكن حد يتخيل الكدب واللف والدوران اللى هو فيه

طبعا عميل لأسياده !

كلامه يخليك عايز تستفرغ عليه كده كأقل واجب ..الله يقرفهم ملوا البلد.

اللهم خذهم اخذ عزيز مقتدر.

لولا

[myusername]

للاسف .. كنت فاكر هلاقي جنبي رجالة أكتر من كده .. تخيل اصدق صديق ليك قال لك أنا بتخانق .. هتجيبله كام واحد .. تخيل بأه بلدك بتقول الحقني بيغتصبوني .. أنا كنت متفائل بـالعدد الكبير في الصفحة .. بس اللي أنا شفته النهاردة شفته قبل كده كتير .. طول ما الناس اقل بـكتير من العساكر المخنثين طول ما صوتنا مش هيوصل .. طول العمر...

----

واحد من المتظاهرين ..

ماهى مش خناقه يابنى عشان الكل ينزل .. دى يا دوب فعلا مصر بتقول الحقونى !!

يادوب مصر بتسرخ الحقوووووووووووووووووووونى

لو واحد صاحبى بيتخانق... انا ولا اعرفه

الموضوع مش خناقة ولا عركة فى خمارة... علشان نقول هنجيب كام واحد... الموضوع اكبر من كده حبتين...

اولا هو فين الوعى؟ هل المصريين عندهم الوعى الكافى بحقوقهم, و كيفية المطالبة بيها؟

فيه كلمة عجبتنى قوى لاحمد حلمى فى فيلمه الاخير... لما بيقول للظابط فى القسم: انا مواطن مصرى و عندى حقوق مصرية!!

لازم الناس يكون عندهم وعى اكبر من كده... سواء وعى بالاحداث نفسها... او وعى بكيفية المطالبة بحقوقهم.... و ان ده حقهم فعلا..

فيه ناس كتير متعلمين... بس معندهمش اى و عى من اى نوع... و تحس كده انهم جايين من كوكب تانى..

يعنى لغاية دلوقتى فيه ناس كتير بيصدقوا كلام الحكومة و كلام الاعلام الفاشل!! اه والله..

تانى نقطة و دى الاخطر... يا أيها اللذين آمنوا لم تقولون ما لا تفعلون؟

مينفعش انى اقول انتوا ليه مابتتحركوش... و انا اصلا متحركتش... الكلام من عالنت حاجة... و انى اروح المظاهرة حاجة تانية خالص..

يعنى على سبيل المثال... انا بزعل جد لما حد يبقى عايش برة مصر... و يقعد يقول مصر هى الامان و المفروض ماتسيبوش مصر.. و هو اصلا اول واحد سايبها و قاعد بعيد و مكبر دماغه من اللى بيحصل فيها... او بمعنى أدق... ميعرفش ايه اللى بيحصل فيها غير من عالنت و التليفزيون... لكن لا بيركب اتوبيس و لا بيتبهدل فى مترو... و لا حتى بيعدى تحت السمس فى عز الحر...

تالت نقطة.. و بصراحة هى الدعامة الاساسية لكلامى كله... هنعمل كل ده علشان مين؟؟!!

ربنا بيقول: و اللذين جاهدوا فينا لنهدينهم سبلنا... اذا انا معنديش شك اطلاقا انى لو عملت حاجة و تعبت شوية... هشوف نتيجة للى بعمله... سواء آجلا او عاجلا..

لكن يظل السؤال... هعمل علشان مين؟ و ليه؟ و على اساس ايه؟؟ و ازاى اروح اتعب علشان ناس هما اصلا بايعين القضية و سابوا البلد من زمان.. و مبيجوش غير فى الاجازات علشان يتفسحوا فى شرم الشيخ و الغردقة... او علشان ناس معندهمش الوعى الكافى للى بيحصل فى البلد؟

كان فيه واحد محترم جدا اسمه دكتور هشام ابراهيم... كان معانا فى باب الهجرة لكندا... قال كلمة عظيمة جدا... مصر دلوقتى بتمر بعصر الاضمحلال... و فى عصور الاضمحلال مهما عملت... الوضع مش هيتغير... لانه لازم ياخد دورة وقت معينة على ما يتغير.... و علشان كده الحل الامثل هو انك تتقبل و تعيش... او انك تسيب البلد و تروح كندا :blink:

لكن طبعا فيه ناس عايزين الاتنين.... انى اعيش فى بلد تانية... و فى نفس الوقت انى افرح بانى بعمل حاجة لبلدى...

مينفعش انك تنول الاتنين مع بعض... ما هو اما النصر لاما الشهادة... لكن مينفعش الاتنين مع بعض ابدا... و المشكلة بقى ان فيه ناس عايزين الاتنين... لا و كمان من برة... يعنى ديليفرى :ninja:

[Alshiekh]

ياترى ايه ده يا داخليه ؟؟؟

ايه ده يا عدلى يا ابو العدل ؟؟

ايه بس الشفافيه دى بس اللى خلتكم تشركونا فى لسته الإجرام لخالد سعيد ؟؟

هو مش كان برضوا متهرب من الخدمه العسكريه ؟؟

عاشت مصر حره مستقله ..

عاشت الحريه اللى فيها الشعب..

عاش الأمن والآمان اللى احنا عايشينه تحت حماكم يا داخليه ؟؟

اقتلوا كمان ..

اسحلوا الناس ..

زورو الأدله ..

اعتكوا اعراض البنات ماهم مش بناتكم دول بنات من اسرائيل ... ايييييييييييييييييييه اسرائيل ..

دى اسرائيل ارحم والله..

البلد دى محتله يا جماعه..

البلد محتله

والناس بيتعاملوا معانا على اساس اننا هنا عبيد مش شعب..

لكن احنا مش عبيد وبأذن الله الفضيحه هتبقى فى كل موقع

على فكرة الشهادة دى بتؤكد على انه كان له مشاكل فى الخدمة العسكرية ، ابسطها هو الهروب من الخدمة العسكرية ، وانهاء خدمته كما هو موضح بالشهادة ( قرار لجنة الرفت الانضباطى ) يعنى انه قد تم تقديمه الى محكمة عسكرية ، والمحكمة العسكرية ترفت الهاربين من الخدمة العسكرية لو كان هروبهم لمدد طويلة ربما عام او اكثر فتحكم عليهم بالسجن مدد تتراوح مابين 6 اشهر الى اكثر من سنة والرفت من الخدمة ، وهذا هو السبب فى ان تقدير درجة اخلاقه اثناء الخدمة ( رديئة ).

أما تعليقى على الحادث نفسه ، فلا أملك الا ان اقول ان المسامير بدأت تغرس فى عرش الديكتاتورية التى انشغلت عن امن المواطن بالامن الشخصى.

[herohero]

استاذ بهاء الطويل صحفى بجريده اليوم السابع

وهو على معرفه شخصيه بالشهيد خالد يجرى لقاء الآن معه على قناه اون تى فى عن طريق الهاتف

وهو يعد بانه سيكون هناك مقال يعتبر سبق صحفى يحمل ادله ومستندات تبرىء خالد من كافه الإتهامات الحقيره الوضيعه

الواطيه اللى اتهموه بيها بأخلاقهم المعروفه اخلاق تل ابيب !

على فكره يا جماعه الراجل بيقول ان الجريده تمتلك صور اكثر بشاعه وتوضح اثار للتعذيب اخرى على جسم خالد

وانه امتنع عن نشرها احتراما لمشاعر اهل خالد ولأنهم ايضا طلبوا عدم النشر

القناه دى على فكره محترمه وغير موجهه ادعوا الجميع لمتابعه القضيه من خلالها دى قناه غير قناه او تى فى خلوا بالكم

هى القناه اللى طلع فيها ابراهيم عيسى وفضح الداخليه بذكاء وهى القناه اللى نشرت شهاده الخدمه العسكريه لخالد...

فؤاد علام وكيل مباحث امن الدوله سابقا طالع فى اللقاء... لا يمكن حد يتخيل الكدب واللف والدوران اللى هو فيه

طبعا عميل لأسياده !

كلامه يخليك عايز تستفرغ عليه كده كأقل واجب ..الله يقرفهم ملوا البلد.

اللهم خذهم اخذ عزيز مقتدر.

لولا

ده قناة بتقدم برامج ممتازة قناة اون تي في هي شقيقة لاو تي في تعود ملكيتهم لساويرس الفرق ان قناه لمصر الرايقة بتاعت تمورة وعمورة وقناة لمصر التانيه الناس اللي زينا اللي مش نايبهم من البلد الا العسل الاسود اتمنى انكم تتابعواالقناة عليها برنامج يومي اسمه مانشيت بيقدمه جابر القرموطي برنامج جميل بيجي الساعه 8 تقريبا

وعليها برنامج اسبوعي ليسري فودة وبرنامج ناس من مصر وبرنامج التوك شو بتاعها بلدنا بالمصري يوميا

وعلى طول ابراهيم عيسى هو مقدمه رغم تحفظي ع بعض مواقف ابراهيم عيسى

الخلاصة يا اخت لولا تخيلي بدل جواز السفر الاخضر ده كان ازرق ولا نبيتي كان من الجوزات اللي لها قيمة كان ايه الوضع

كانت مصر اتقلبت الفرق يا اخت لولا مش ان ده حفيد الرئيس طبعا ماحدث يومها مهزلة ناسية اللي شبهوا فقد حفيد الرئيس بفقدان الرسول (عليه الصلاة والسلام ) لابنه ابراهيم

سيدتي كانت سيمفونية من النفاق حداد شبه رسمي لوفاة حفيد الرئيس

(معومة على جنب رحمة الله عليه لاقي احسن اهتمام واتبعت اتجاب له طبيب من فرنسا تخيلي كاننا بعتنا ميكروباص له يجيبه من اولالشارع رحمة الله عليه كان بيروح لجده وهو مرتبط بيه جدا الطيارة الهليكوبتر بتطلع من شرم لحد مصر الجديدة فيذهب رحمة الله عليه الى المدرسة ولما يخلص ترجعه الطيارة تاني لشرم الشيخ لتعلق جده بيه ...... سؤالي ما\ام جده متعلق بيه كده مايحصله ويريحنا

سيدتي زي ماقولت وبفضل اقول السلم لازم يتمسح من فوق وللاسف مش بيتمسح الا من تحت واحنا الغلابة الي بيقع علينا مياة المسح

ما سمعتيش اغنيه عسل اسود ف فيلم عسل اسود ، وغيره وغيره للاسف بلدنا اللي مهما مازعلنا منها بنحبها فيها خير كتير قووووي بس مش لنا للاسف لعيال البطة البيضة اما السوده فلا

ربنا يرحمك ياخالد ويبارب مايكونش اللي جاي حد مننا

ماهو خالد برده مننا بجد الواحد قرفان وحاسس بالعجزوالهوان

[اغابي]

طب ليه داه ما بيحصلش غير للمصريين

عمرنا سمعنا انه حصل بره مصر فى اى بلد غير مصر

هل المصري فى سوق البنى أدمين ما لهوش تمن ولا ديه ؟؟

طب مين اللى رخص سعرنا كدا ؟

حتى ان حصل شيء ضد الانسانية فى بلد بره مصر - بيطلع اللى اتعمل فيه كدا برضوه مصري !!!!!

اذا اترحل بدون سبب او بدون محاكمة عادلة مجموعة وفجأة يقطعوا رزقهم - زى ما حصل للمصريين فى الكويت !!!!

او اذ قتلوه وعذبوه وبهدلوه بدون محاكمة زى اللى حصل مع المصري فى لبنان !!!!

والاجندة مليانه صفحات ولسة فيها كمان صفحات

لـيــــــــــــه شعب كامل وله تاريخ وحضارة يوصل للمســـــــــــتوى داه !!!!!!

مساكين المصريين - حقيقي مساكين !!!!!!

اغابي

[Amr Radwan]

طب ليه داه ما بيحصلش غير للمصريين

عمرنا سمعنا انه حصل بره مصر فى اى بلد غير مصر

هل المصري فى سوق البنى أدمين ما لهوش تمن ولا ديه ؟؟

طب مين اللى رخص سعرنا كدا ؟

حتى ان حصل شيء ضد الانسانية فى بلد بره مصر - بيطلع اللى اتعمل فيه كدا برضوه مصري !!!!!

اذا اترحل بدون سبب او بدون محاكمة عادلة مجموعة وفجأة يقطعوا رزقهم - زى ما حصل للمصريين فى الكويت !!!!

او اذ قتلوه وعذبوه وبهدلوه بدون محاكمة زى اللى حصل مع المصري فى لبنان !!!!

والاجندة مليانه صفحات ولسة فيها كمان صفحات

لـيــــــــــــه شعب كامل وله تاريخ وحضارة يوصل للمســـــــــــتوى داه !!!!!!

مساكين المصريين - حقيقي مساكين !!!!!!

اغابي

مع احترامي لحضرتك .. احنا مش مساكين .. احنا شعب لنا وزن و لنا كيان و الكل يعرف يعني اية مصري و المصري ممكن يعمل اية و بيعمل اية ..احنا عندنا مرارة .. بس مرارة مرنة شوية .. يعني مش سهلة الانفجار .. بس لو انفجرت بتكون مشكلة علي اللي بيحرق دمنا ..

احنا الان كمصريين مخنوقين من اللي بيحصل و بدأت بوادر الانفجار تظهر ..

و الشهيد خالد هو القشة ..

تحياتي لكم

[herohero]

يعني لما تكوني بتضيع حقوقك ف بلدك هتنتظري ايه من الغرب عموما مش عاوزين ندخل ف النقطة ده لان عارف ان كتير هيهاجموني والسكاكين هتنزل عليا وهطلع انا عميل اسرائيلي وبتجسس ع المنتدى

الواقع واضح بلدك او حكومتك ع الاقل الحاليه مش حريصة عليك ولا قيمتك والدليل عبد الناصر رغم سلبياته لكن كان المصري له قيمة مع انه كان معرضلزوار الفجر لكن بره ف حتت كتيرة ع اللاقل ف العالم العربي كان له قيمة واحترام ليه لانه كان محترم لان كان عنده ثقافه لان كان عنده عليم زويل بيقولك كان اللي بيجي من مصر مندب من الكلية بيطلع يقابله وهو جاي يدرس ف امريكا

لانهم كانوا بيحترموا الطالب المصري لانه اتعلم صح

البداية من هنا ع فكرة الفلبين فقيرة ووضعهااسوامننا بكتير لكن الفلبيني حكومته بتعمل له قيمة وحريصة ان يتكون انطباع جيد عن الفلبيني هل ننكر ان الفلبيني الان الانطباع عنه انه فني ممتاز وان الهندي بتاع كومبيوتر يبقى لو جه مصري لا ياعم ازاي الهندي بتاع كومبيوتر حتى لو مش بيعرف حاجه وللاسف تكون انطباع ان المصري فهلوي بتاع مشاكل وكتير قوي من السلبيات

وجوا بلدنا حكومتهنا اتعودت ع اننا شعب لو هيصنا فعصاية بتلمنا او تفرقنا " ناسيين نكتة اللي كانت بتتقال انهم حبوا يقرفوا الشعب ويبشوفوا هيثور امتى فجم ع كوبري اكتوبر عملوا رسم للكوبري ولا حد اشتكى وزودوا الرسم بعدها ولا حد اشتكى المهم قالك هنضرب الناس ع قفاها بعد شوية واحد اتكلم فاتبسطوا المهم سالوه انت ليه بتشتكي فقالك يابيه بدل ماحاطين واحد بيضربنا ع قفانا حطوا اتنين عشان الزحمة " هذه النكته قالهالي لواء مهندس ومعاه نجمة سيناء هي ده نظرة حكومتك لك للاسف

خالد وزيه كتير هيجوا وقبله كتير راحوا والعامل المشترك انهم مصريين ومالهومش ظهر ناس هربت من الجيش واتعلق لها لوحه ع كوبري اكتوبر فاكرينها " وحشتنا ياتامر " ولا نسيتوا وبقى بطل مع انه هربان من التجنيد ومزور شهادات انا ياما شوفتها اللوحه ده ع كوبري اكتوبر

يبقى لو انت مصري ومش معاك نفوذ او علاقات فانتظر يا اخي المواطن العزيز دورك ف الصف بكرة او بعده لكن هيجي اليوم اكيد اللي نبقى خالد وعمد الكبير وغيره وغيره

هتقولوا روح انهزامية وسلبية طب جميل موافقكم هاتوا حل قابل للتنفيذ تظاهروا من هنا لبكرة اديكم شوفتوا حد وصل لحل بالمظاهرات ولا الهوا

للاسف مازلت مصر ان الحل رغم انه بيبين مدى سلبيتنا وهوان حالنا لكن الحل من عند ربنا عامل الزمن هو ده الحل وفاة مؤسسين هذا النظام الفاسد

يختفي هذا الشعب السلبي وانا منهم ويجي شعب يعرف يتصرف ما يبقاش محتاس كده وشعب يقدر يعملمصيره بنفسه يبقى فاعل مش مفعول به

[the consultant]

والدة (شهيد الطوارئ) تروي تفاصيل جديدة عن مقتله.. ونواب يطالبون بإقالة وزير الداخلية

القاهرة - محرر مصراوي - كشفت السيدة ليلى مرزوق والدة الشاب خالد محمد سعيد "شهيد الطوارئ" عن تفاصيل جديدة في قضية مقتل ابنها.

وقالت إن شهود العيان أبلغوها أن مخبري الشرطة سحلوا خالد وضربوه بقسوة وكسروا أسنانه، قبل أن يصطحبوا جثته إلى سيارة الشرطة ويضعوا مخدرا في فمه.

وروت ام الضحية تفاصيل مذهلة عما جرى حيث قالت ان سيارة الإسعاف التي استدعاها ضابط قسم شرطة سيدي جابر لحمل الجثة رفضت في البداية حيث أكد الطبيب وفاة خالد، إلا أنهم هددوا سائق السيارة على حمله.

وأشارت إلى أن الشرطة أجبروا الموظف المختص على كتابة تقرير أن خالد كان حيا، ثم غسلوه من الدم ووضعوه في كمية كبيرة من الثلج، حيث ظهرت على الجثة آثار تكسير الأسنان والجمجمة وتشوهات بالوجه وتسلخ باليدين والقدمين نتيجة السحل.

وأكدت والدة خالد أن قسم شرطة سيدي جابر طلب من شهود العيان عدم الإدلاء بشهادتهم بما حدث وإلا فإنهم سيتعرضون لنفس مصير خالد.

وكانت والدة "شهيد الطوارئ" قد قدمت بلاغا على الهواء للنائب العام عبر برنامج تليفزيوني للتحقيق في قضية ابنها خالد وأكدت أن ما يتم الترويج له على لسان عناصر الشرطة بأنه مدمن مخدرات غير صحيح بالمرة وأنه مثار تقدير واحترام كل من يعرفه.

وعلى صعيد أخر كشف النائب حمدي حسن عن مفاجأة حيث أكد مقتل الشاب خالد وهو الحادث الثالث لنفس الضابط الذي سبق وارتكب من قبل جريمتي تعذيب - على حد قوله - وأفلت من العقاب.

وقد تقدم حمدي حسن ببيان عاجل للدكتور أحمد نظيف ـ رئيس الوزراء ـ واللواء حبيب العادلي ـ وزير الداخلية ـ حول تعذيب الشاب خالد سعيد حتى الموت على يد مخبري قسم شرطة سيدي جابر بالإسكندرية.

كما طالب نواب في الإخوان والمستقلين بإقالة اللواء حبيب العادلي وزير الداخلية بسبب جرائم التعذيب داخل أقسام الشرطة وجريمة مقتل "شهيد الطوارئ" مؤخراً.

ومن جانبه تقدم النائب حمدين صباحي أمس ببيان عاجل إلى مجلس الشعب امس، الأحد، حول تجاوزات وزارة الداخلية في تطبيق قرار رئيس الجمهورية بشأن مد حالة الطوارئ، وأشار النائب إلى أن قرار مد حالة الطوارئ الذي وافق عليه مجلس الشعب يعني انتهاء اعتقال كل المعتقلين على غير جريمتي الإرهاب والمخدرات لسقوط الأساس القانوني لاعتقالهم، ابتداء من منتصف ليلة 31/5/2010، وكشف النائب عن وجود العديد من المعتقلين من كفر الشيخ، بسبب الهجرة غير الشرعية يحق لهم قانونا إخلاء سبيلهم، ولكنهم ما زالوا حتى الآن رهن الاعتقال.

وحذر نواب من الإخوان والمستقلين مصلحة الطب الشرعي من تلفيق المحضر لتبرئة الضابط وشددوا عن أن أي طبيب سوف يشارك في تلك الجريمة لن يفلت من العقاب والملاحقة وأشار هؤلاء إلى أن أي تلاعب في تقرير الطب الشرعي سيواجه بمنتهى الشدة، وستتم محاسبة الطبيب عليه من خلال نقابة الأطباء لأن الجثة موجودة ويمكن إثبات الجريمة في أي وقت كما عبروا عن نقدهم لسلطات التحقيق التي سعت مبكراً لتبرئة الجناة.

وتعود وقائع مقتل الشاب خالد محمد سعيد (28 سنة) إلى يوم الثلاثاء عندما كان المجني عليه يجلس داخل إحدى محلات الإنترنت الكائن بشارع بوباست بمنطقة كيلوباترا، حيث فوجئ بالمتهمين يقتحمان "الكافية نت" ويدخلان ويطلبان من المتواجدين إبراز تحقيق الشخصية وتفتيشهم بدون وجه حق تحت مسمى قانون الطوارئ، وعندما اعترض المجني عليه على طريقة تعامل المخبرين الهمجية والوحشية، قام المتهم الأول بتقييده من الخلف لشل حركته، وعندما حاول المجني عليه الخلاص منهما قاما بطرحه على الأرض وركله في البطن والصدر، واصطحابه إلى أحد المنازل المجاورة لمحل الإنترنت.

وواصل المتهمان الاعتداء عليه بالضرب المبرح والركل بأقدامهما في مختلف أنحاء جسده، مما جعله يفقد الوعي ونزف سيلا من الدماء من أنفه، واعتقد المتهمان أن هذه هي تمثيلية من المجني عليه، ثم حاول الثاني إفاقته بضرب رأسه في ترابزين سلالم العقار المشار إليه ما أدى لحدوث كسور بالجمجمة التي أودت بحياته.

المصدر: صحيفة "القدس العربي"، مصراوي.