خالد محمد سعيد "شهيد الطوارئ

[fatfouta]

http://www.facebook.com/pages/khaled-moham...24186046?ref=mf

على فكرة مشاركاتكم عالفيس بوك اكيد ليها صدى لانهم حاولوا يعتقلوا الشاب اللى صمم صور خالد عالفيس بوك كلها

يا ريت تشاركوااااااا

[لولا]

القضيه يتم مناقشتها الآن على اون تى فى للمتابعه .

[Salwa]

الاخوة الافاضل..

تم حذف بعض المداخلات المستفزة والرد عليها .

شكرا..

عن الادارة

سلوى ...

[fatfouta]

http://www.facebook.com/notes/klna-khald-s...136097439737418

خطة الاتصال مع الإعلام في قضية خالد سعيد - نسخة مبدأية

نسخة مبدأية سيتم تعديلها بناء على ما يرد من معلومات وأخبار وأرقام للهاتف

تهدف هذه الخطة إلى وضع معالم واضحة لطريقة التفاعل مع وسائل الإعلام المختلفة والبرامج والأخبار فيما يتعلق بالشهيد خالد سعيد.

في البداية: بعض القواعد العامة:

- يرجى التزام الأدب وضبط النفس حين الحديث والابتعاد عن الأحاديث العاطفية

- يرجى عدم ذكر اسم خالد سعيد إلا وقبله كلمة الشهيد وبعده رحمه الله ويرجى تكرار الإسم طول المكالمة

- الحديث بصوت رخيم ومنخفض وعدم الصياح

- عدم إظهار نواياكم حينما يتواصل معكم الكنترول حتى لا يتم منع الاتصال

==============================

ثانيا: النقاط التي يجب أن يتم طرحها:

- عبر عن موقفك الشخصي اذكر ليه القضية دي بتهمك .. عبر عن أنك حاسس أنك خالد سعيد وأن حق هذا الشاب في رقبة كل مصري لحد ما نقتص من اللي قتلوه.

- اتكلم باسم شباب الفيس بوك واذكر أن مطالبنا هي فتح باب التحقيق المحايد ومعاقبة المخطئ ومعاقبة الجهة المسؤولة عن البيان الأمني والتي اتهمت خالد بالعديد من الاتهامات المخلة بالأمانة والشرف. واذكر أن فيه دلوقتي أكتر من مائة مصري عادي مالوش في السياسة ومش يسكتوا لحد ما ياخدوا حق خالد وينفضح القتلة ويحاسبوا.

- اذكر - لو حقيقي- أنك شفت العديد من مشاهد التعذيب بعد اطلاعك على قضية خالد وأنك ذهلت من حجم المعاملة اللاإنسانية التي يتلاقاها المواطنون حتى لو كانوا عليهم قضايا واحكام.

- ليه وزارة الداخلية أخفت قضية خالد وعتمت عليها من يوم وفاته لحد الخبر ما انفضح يوم الخميس؟ إذا كانت خالد مجرم ومات من الخنق فلماذا تم التكتيم على الخبر مش كان الأولى نشر الخبر في صفحات الجرائد بعنون: انتحار تاجر مخدرات؟

- فين دوركم كإعلام حيادي في استضافة أهالي المجني عليه؟ ليه خايفين من استضافة والدته واللي الداخلية قالت أنها شهدت ان ابنها كان دائما ما يشرب حشيش وبانجو؟ اتصلوا بوالدة الشهيد واتكلموا معاها وادوها الفرصة.

- رددت وزارة الداخلية العديد من الأكاذيب ومنها أن خالد تهرب من الخدمة العسكرية وهناك الآن وثيقة تثبت عكس ذلك وهي منتشرة على الإنترنت فلماذا لا تنشروها ليراها الجميع؟ ولماذا لا تنشرون صورة جواز السفر الذي يحتوي على ختم غير مطلوب للتجنيد؟

- تردد أن خالد له سوابق وهذا من المستحيل لأن لديه شركة أسست في ٢٠٠٩ وجواز سفر ساري فكيف يمكن أن يكون عليه قضايا؟

- رد بيان الداخلية أن المخبرين كانوا يلاحقونه في الشوارع بعكس رواية عشرات من أهل الشارع ومنهم صاحب مقهى الإنترنت .. فلماذا لم تستضيفونه وتسألوه كباقي القتوات المحترمة؟ وكيف يحق للداخلية الدخول لمنشأة خاصة وتفتيشها دون وجود إذن من النيابة؟

- كيف يمكن لأي شخص يموت من الاختناق أن تتكسر أسنانه ويتورم وجهه وتظهر عليه كدمات في مختلف أجزء جسمه ويكون مخضب بالدماء .. لقد رأينا العديد من مشاهد التشريح ولا يحدث بأي حال من الأحوال مثل هذه الأعراض .. فكيف تشوهت جثة خالد؟

- لماذا تم قمع المتظاهرين في القاهرة والإسكندرية على الرغم من أن حق التظاهر هو حق كفله الدستور. وفيه كذا شخص في الإسكندرية والقاهرة اتعذبوا وانضربوا .. والصور هي خير شاهد

- لو يحكمنا نظام يعرف الديموقراطية قضية رأي عام مثل هذه كان يجب أن يخرج علينا مسؤول حكومي كبير كوزير الداخلية لتوضيح وجهة نظر الدولة فلماذا لا يقوم بذلك؟ حتى بيان الداخلية جاء بدون أسماء.

- لو كان انفجار الخبر في الفيس بوك لم يحدث .. هل كان دم الشهيد خالد سعيد سيذهب هدرا؟

- في الفيديو الذي تسرب من داخل قسم سيدي جابر يظهر الضابط ومعه مجموعة من المخبرين وهو يقوم بعد مبلغ على المكتب وعد المخبرين ومن الواضح أن هذا المبلغ هو حرز في قضية فكيف تسمح الشرطة لموظفيها بسرقة الأحراز؟

- أكد وجود خطة إعلامية غير شريفة لأن الجرائد القومية زي الأهرام والأخبار والجمهورية ووكالة أنباء الشرق الأوسط قالت أن الشاب عاطل ووصفته بالمنتحر وكذلك لم يراعوا المهنية في عرض الرأي والرأي الآخر. وكانت المصيبة هي التعتيم الكامل للمظاهرات التي قام بها الشباب على الرغم من أنها انتشرت في جرائد عادية حتى في تايوان!

==============================

ثالثا: أمور مهمة جدا يجب مخاطبة الجماهير بها:

- اسأل من يستمع للبرنامج ومقدمه إذا كان خالد أخوك هل كنت ترضى أن ترى جثته بهذا الشكل؟ هل كنت ستعرف أن تنام في البيت؟ لماذا يتم التعتيم من أجل نسيان القضية والبعد عن تهييج الناس. أليس الحق أحق أن يتبع؟ كل ما نريده هو حق الشهيد.

==============================

أخيرا: أرقام تليفونات برامج التوك شو:

القاهرة اليوم - الساعة ١١ ونصف على قناة أوربت:

0127755555

0238555338

0238555378

0107755555

العاشرة مساء - الساعة عشرة على قناة دريم:

0238552309

0238552300

0238582310

معتز الدمرداش ٩٠ دقيقة - الساعة ٩ على المحور:

0122195589

0186518713

عمرو الليثي:

0122103202

برنامج بلدنا إبراهيم عيسى - الساعة ٩ على قناة اون تي في:

0103986000

مصر النهاردة على القاة التانية:

25763290

25763278

25788541

25788635

أحمد المسلماني الطبعة الأولى:

0105430000

الحياة اليوم - الساعة تسعة على قناة الحياة:

رقم التليفون لسه مش متوفر

[myusername]

فتفوتة... ملحوظة صغيرة.. لا اقصد الخروج عن مسار الموضوع.. و لكن للتوضيح..

كونه يمتلك شركة استيراد و تصدير لا يعنى شىء... فى الواقع دى حركة بيعملها شباب كتير جدا.. خصوصا الشباب اللى بيقدم على تأشيرة لانجلترا و أوروبا... و انا ثخصيا عندى شركة wst:: بس شركة برمجة و تطوير مواقع..

اللى بيحصل ان الواحد بيروح يأجر اى شقة... (او اذا كان بيمتلكها) و بعدين يعمل بطاقة ضريبية.. و لما بييجوا يعاينوا, بيدى الراجل حاجة فى ايده علشان يقول ان المكان شغال... لان لازم معاينة... و بعدين بيعمل سجل تجارى.. و الاغلبية بتختار استيراد و تصدير لان مش مطلوب سجل مهنى او ترخيص مهنى و بالتالى بتدخل تحت السجل التجارى..

و كل الحركة دى بتتعمل علشان يتكتب فى الباسبور انه صاحب شركة... و بالتالى ميبقاش فيه شكوك لما يقدم على تأشيرة و ياخدها بسهولة.. و طبعا اغلب الشباب بتستلف الحساب البنكى و بعدين ترجع المبلغ بعد 24 ساعة... و فيه صنايعية كتير بتعمل الموضوع ده برضه كنوع من الوجاهة....

انا بس حبيت وضح...

تم تعديل 14 يونيو 2010 بواسطة myusername

[Salwa]

لاتنقم على حال الوطن ...

لاتكره الأرض وأهل لك لاذنب لهم ...

الاتسخط .. أبدلا من ان تشعل شمعة تضئ للمكافح طريقه فى الظلام ... يشعل فتيلا كى يثبط من عزيمته ..

لاتنزوى تحسبا (لما قد يحدث )

. (( الوجل لايمنع الأجل ))

ابسط قواعد الانسانية ان نحترم احزان الاخرين (( حتى لو لم تكن لتشاركهم مشاعرهم ..))

هذا الشاب معروف فى منطقته واسرته اسرة متوسطة محترمة ...واكاد اقسم انى اعرفهم شخصياااا ..

قتل بطريقة بشعة فعلالالالالالا ...

يقول النبي صلى الله عليه وسلم " من راى منكم منكرا فليغيره بيده فإن لم يستطع فبلسانه فإن لم يستطع فبقلبه وذلك أضعف الإيمان"

وهكذا .

حاول خالد ..التغيير.بيده ..فاغتالوه ..

.والآن ....يحاول الشباب التغيير (( بأصواتهم )) ...

اما من اختار ...اضعف الايمان ...فهو ايضا قد اختار (( بعض من الايمان حتى لو كان اضعف ))

و...اما من رأى ... ولم يشارك حتى بقلبه ....!!!!!!

كيف نطلق عليه ....انسان ؟؟؟

اين المشاعر ؟؟ اين المشاركة الوجدانية ؟؟ اين التأسى على ما وصل اليه الوضع فى بلدنا ؟؟؟

قليلا من الأسف مطلوب اظهاره .. ان لم يكن على ما حدث...فعلى ما سوف يحدث ..(( ؟؟؟؟))

تعودنا دائماااااا.... ان نرى الشرارة الاولى تندلع من الاسكندرية ... تعودنا ..(( واحداث كلية الهندسة ليست ببعيدة ))

سبق ان رأينا ....شباب زى الورد (كما يقولون ) يتمدد تحت اقدامهم ويضيع عمره جراء الضرب القاسى بالهراوات ..

ابسط شئ...

ان لم تكن تستطيع فعل شئ....اى شئ ...

ان تصمت...

ان تحنى الرأس اجلالا ....لأفراد غيرك ضحوا وسوف يضحوا بالدماء الزكية فى سبيل اعلاء كلمة حق ...فى سبيل اظهار مكان الداء ..

لقد طفح الكيل ...

حتى من هاجر ...حتى من رحل ....

هل تم خلعه من جذوره؟؟؟ هل كتب عليه ان يظل مهاجرااااا؟؟؟

هل فقد الأهل جميعاااا ؟؟؟

هل تمت ابادة آثاره ومحيت من سجل ذاكرة تاريخ ارضه؟؟؟

ننقم جميعاااا على كل ما يحدث ...لكن؟؟

ابسط شئ ان نحاول اظهار الحق ...

اعلم انه يوجد فى جهاز الشرطة شرفاء كثيرون جدا جداااا..

نرفض التعميم ....كما نرفض التعتيم على اى فعل مخالف للعرف والقوانين ..

ربنا اسمه الحق ..

ربنا اسمه العدل ...

حسبى الله على كل ظالم ..

حسبى الله على كل ظالم ..

[لولا]

حادثة تعذيب وقتل جديدة في قسم مدينة نصر ..

الضحية أسمه صابر عبد السميع ،قاوم مخبرين حاولوا يزيلوا عربة بيع

ساندوتشات ، خطفوه ،وبعد خمس أيام ، بلغوا أهله انه مات لما وقع من ع

السلمالنيابة شافت الجثة وأمرت بتحويلها للطب الشرعي لما شافوا عليها أثار

سحجات وكدمات واثار تعذيب والتقرير المبدئي سبب الوفاة هبوط حاد فى

...الدورة الدمويه وحدثت هذه الواقعه في قسم اول مدينه نصر

----

الخبر من الفيس بوك ..

ماهذا ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

[لولا]

من الفيس بوك

أيحب أحدكم أن يأكل لحم أخيه ميتاً ؟!

أمس أبلغت أسرة الشهيد خالد سعيد ، بأستعدادى للتطوع دفاعاً عنه كمحامى ، كما أبلغت الأسره برغبة عدد من الزملاء المحامين فى التطوع ضمن فريق الدفاع عن خالد فى مقدمتهم الزملاء : طلعت السادات ، وعبد الرحيم عمرو، والمستشار مرسى الشيخ ، وإيهاب الخولى ، وطارق عجاج ، وأيمن بركات ، ورؤف الهوا...رى ، وأسامة عبد المنعم كامل ، وعمرو عز، وأخرين من أعلام المحاماة والدفاع عن الحريات بالأسكندرية والقاهره

..

الدفاع عن خالد سعيد ، بات مهمة مقدسة ، تجاه إنسان لا اعرفه ، وكل ما اعرفه عنه ، أنه لم يعد بمقدوره اليوم الدفاع عن نفسه ، في مواجهة اشرس حمله تشوية لسمعة انسان ميت !!

-----

شارك بما تستطيع بنشر رابط الصفحه لكل من تعرفه والمشاركه فيها لزياده عدد المتضامنين والزوار..

للمشاركه فعلا اهميه كبيره جدا وخطوتك هذه ثق انها تصنع فرق .

http://www.facebook.com/khaledkilled

تم تعديل 14 يونيو 2010 بواسطة لولا

[fatfouta]

حادثة تعذيب وقتل جديدة في قسم مدينة نصر ..

الضحية أسمه صابر عبد السميع ،قاوم مخبرين حاولوا يزيلوا عربة بيع

ساندوتشات ، خطفوه ،وبعد خمس أيام ، بلغوا أهله انه مات لما وقع من ع

السلمالنيابة شافت الجثة وأمرت بتحويلها للطب الشرعي لما شافوا عليها أثار

سحجات وكدمات واثار تعذيب والتقرير المبدئي سبب الوفاة هبوط حاد فى

...الدورة الدمويه وحدثت هذه الواقعه في قسم اول مدينه نصر

----

الخبر من الفيس بوك ..

ماهذا ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

تااااااااااااانى

هو فى ايه بالضبط؟؟؟؟؟؟؟؟

بيخوفوا الناس ليه لا دى مقصودة انهم يخوفونا بجد

مش فاهمة حاجة خلاص مخى هيقف هيعملوا ايه تانى هيوصلوا لايه تانى

إلى أييييييييييييييييييييييييييييييين؟؟؟؟؟؟؟؟؟؟؟

حسبــــــــــــى اللــــــــــــه ونعــــــــــــم الوكيــــــــــــــــــــــــــــــــــــــل

يارب انتقم

يارب انتقم

بارب انتقممممممممم

[Salwa]

فتفوتة... ملحوظة صغيرة.. لا اقصد الخروج عن مسار الموضوع.. و لكن للتوضيح..

كونه يمتلك شركة استيراد و تصدير لا يعنى شىء... فى الواقع دى حركة بيعملها شباب كتير جدا.. خصوصا الشباب اللى بيقدم على تأشيرة لانجلترا و أوروبا... و انا ثخصيا عندى شركة wst:: بس شركة برمجة و تطوير مواقع..

اللى بيحصل ان الواحد بيروح يأجر اى شقة... (او اذا كان بيمتلكها) و بعدين يعمل بطاقة ضريبية.. و لما بييجوا يعاينوا, بيدى الراجل حاجة فى ايده علشان يقول ان المكان شغال... لان لازم معاينة... و بعدين بيعمل سجل تجارى.. و الاغلبية بتختار استيراد و تصدير لان مش مطلوب سجل مهنى او ترخيص مهنى و بالتالى بتدخل تحت السجل التجارى..

و كل الحركة دى بتتعمل علشان يتكتب فى الباسبور انه صاحب شركة... و بالتالى ميبقاش فيه شكوك لما يقدم على تأشيرة و ياخدها بسهولة.. و طبعا اغلب الشباب بتستلف الحساب البنكى و بعدين ترجع المبلغ بعد 24 ساعة... و فيه صنايعية كتير بتعمل الموضوع ده برضه كنوع من الوجاهة....

انا بس حبيت وضح...

وانا ايضا احب اوضح لك يايوزر ...

الاسرة دى مش محتاجة لكل اللى حضرتك بتقوله ...

ده (( الله يرحمه )) كان سهل عنده جدااا انه ياخد حتى الجنسية الاميركية بدون شركات صورية ...!!!!

وحساب البنك سهل (( حضرتك نسيت ان اخواته عايشين هناك من سنين طويلة ؟؟؟ )) ...لااظن ان اهله كانوا حايبخلوا عليه بوضع حساب صورى ف حسابه ...!!!!!!

شركته شركة قائمة يايوزر ...

بيتهم هناك ف منطقة كليوباترا ...المنطقة هناك علشان تعرف يعنى ...كل الشباب يعرفوا بعض ....يعنى ايضا ...تلاقى اخو ده يعرف اخو ده .. يعنى تلاقى اسرتين كل واحدة فيها اربع افراد او تلاتة شباب يعنى من اعمار مختلفة ....كله يعرف كله ..

خصوصا منطقة شارع بوباستس دى ...هى كليوباترا ايه كلها ؟؟؟كله بالتوازى ....البحر وبور سعيد والترام والسوق زنانيرى وابو قير وسموحة ...

صدقنى انا ...

بلاش تصدق كل اللى بيتقال لتبرير افعال غير انسانية ...

خالد مكانش عاطل ...

وعلى فكرة ....واحد ف سن 28 سنة ....مش مراهق ولا غبى (( صدقنى يعنى )) ... ف سن 28 سنة ...الكل بيبقى عاقل ..

ده كان ممكن فعلا يكون اخويا او اخوك ...

ده حصل وكان غلط وكان فعل شائن ... وكان فعل فاضح ...

كدة هما شالوا آخر ورقة توت ....كانت ساتراهم ..

الله يرحمك ياخالد ...الله يرحم كل شبابنا اللى ضاع ..

[لولا]

حينما يُحاسب النظام ووزارة الداخليه ضابط اخطأ .. فهم لا يحاسبونه على خطأه ،، وانما يحاسبونه لأنه وقع وكُشف وظهرت جرائمة للرأي العام وصار مصدر ازعاج للنظام .. وكم من جلادي التعذيب والداخليه ارتكبوا ويرتكبون ابشع واشنع الجرائم تحت سمع وبصر قيادات الداخليه والنظام ويفلتون من العدالة الأرضيه لأن أحدا لم يكشفهم ،،

ولكنهم وان افلتوا من عدالة الأرض فعدالة الله لا تنام ولا تغفل ولا تستثني أحد

-----

صدقت فعلا !!

[لولا]

مستجدات الأخبار..

فريق من نيابة استئناف الاسكندريه برئاسة أحمد عمر رئيس نيابة استئناف الاسكندريه متواجدين الآن في السايبر اللي اتقتل فيه خالد و بياخدو اقوال الناس هناك في المنطقه و الشارع و الناس بتشهد ضد المخبرين و بياكدوا ان خالد اتعرض للتعذيب الوحشي لمدة 20 دقيقه في الشارع لغاية ما مات ...... الله اكبر..... مش حنسيب حقك يا خالد ... و لسه الطريق طويل

[لولا]

الرد القاطع الوافي على لسان مختصين على ادعاءات حدوث اصابات وجه خالد من التشريح وليس بالضرب والتعذيب

كثرت الادعاءات والاقاويل .. الصيد في المياه العكره لا يتوقف

وبعد ان كان همهم نفي مسئوليتهم عن قتل خالد .. اصبح همهم نفي مسئوليتهم عن قتله بهذه الطريقه البشعه

يدعون ان ما بوجهه من اصابات وتهشيم نتيجة للتشريح .. يستخفون بنا حقا

وهل السحجات والكدمات في جسده من التشريح ؟؟

وهل اثار اعقاب السجائر في جسده من التشريح ؟؟

حسنا اليكم الرد العلمي يها الساده

تم عرض الصور على عده أطباء متخصصون بالطب الشرعي رفضوا ذكر أسماءهم فتم تقرير الآتي:

1- أن القتل كان نتيجة تعذيب مستمر نتج عنه كسر الفك السفلي من الجهة اليمنى وكسر بالأنف وكسر بالرقبة بالإضافة لارتجاج بالمخ ونزيف داخلي بالدماغ وجرح غائر فوق العين اليمنى بالإضافة لكسر في عظام الجمجمة الخلفية أدت لتهتك في انسجة المخ.

2- أن الصور التي التقطت للشهيد في حالته هذه يستحيل أن تكون قد تمت بعد وفاته باحداث تشويهات في جمجمته للادعاء على وزاره الداخلية زورا بقتله, حيث أن كمية الدماء النازفة بالإضافه للون الرضوض التي نتج عنها كسر الفك السفلي لا تدعه مجالا للشك في أن هذا التعذيب والتنكيل قد تم قبل موته.

3- أن هذه الجروح قد تمت نتيجة لضرب مستمر للرأس باليد في الجهة اليمنى من الفك السفلي وضرب للرأس إما بشي صلب غير قاطع أو ضرب الرأس نفسها في شئ صلب غير قاطع كجدار أو بوابة حديدية بالإضافة لضرب منطقة ما فوق العين اليمنى في شئ حاد كحافة منضده أو خلافه.

4- الأسفكسيا وهي الموت بالإختناق لا تؤدي لأي تشوهات خارجية على الوجه إلا بعض النقاط الصغيرة الحمراء بعد الاختناق في منقطة مثلث الوجه ولا تؤدي لأي تشوهات أو أي جروح خارجية .. بالإضافة إلى ذلك فهي تؤدي إلى جحوظ ملحوظ في مقلتي العين وهو ما لم يحدث في حالة المنجني عليه.

5- أن ذلك كله يستحيل حدوثه نتيجة لاختناق ببلع عبوة ما كما قالت وزاره الداخلية في بيانها.

6- موت المجني عليه كان نتيجة ضرب أفضى للموت وليس اختناق

خالد قتل بإيديهم .. فبئس الأمر ما يدعون

------------

[لولا]

على فكره الصحفى بهاء الطويل كان على قناة او تى فى فى لقاء النهارده وقال شويه حاجات .. هبقى اكتبهالكم ..

لكن خلال اللقاء دوت المذيع اجرى مكالمه هاتفيه مع ابن خاله الشهيد خالد سعيد من كل المكالمه دى حاجه فعلا فعلا استفزتنى بجنون حقولهالكم وقولولى رأيكم ايه..

طبعا اللى عملوا كده فى خالد مخبرين معروفين فى المنطقه واحد منهم اسمه عوض ..

وطبعا عارفين ان المخبرين تم الإفراج عنهم وانهم كمان عادى لسه بيشتغلوا فى نفس المنطقه..

اللى حصل ايه بقى يا ساده زى ما بيحكى احمد ابنه خاله خالد الله يرحمه ان عوض باشا ده امبارح اثناء المظاهرات واقف قصاد القسم وعمال يضحك على الناس

اللى بيتظاهروا !!!!!!!!!!!!!!!!!!!!

وان الناس شافتوا قاعد ع القهوه بعد كده!!!!!!!!!!!!!!!!!!

ده اللى قاله احمد ابنه خاله الشهيد خالد ..

قولولى بس ده ايه ؟؟ ده ايه بجد ؟؟؟

الكلب ده وصل لدرجه دى من الجرأة ازاى ؟؟؟

للدرجه دى واثق انه محدش هيقرب منه ؟؟

للدرجه دى حاسس انه فوق البشر ؟؟ اللى موته ده كلب مثلا ؟؟؟؟؟؟؟؟

لاحول ولا قوة الا بالله..

اللهم خذهم اخذ عزيز مقتدر هم واسيادهم وطهر البلد..

اللهم طهر مصر

اللهم طهر مصر منهم

لولا

تم تعديل 14 يونيو 2010 بواسطة لولا

[se_ Elsyed]

أقسم بالله ما مصدق نفسي وكأني بأحلم وأنا أستمع الأن إلى خيري رمضان على البيت بيتك ولا مصر اليوم دي

ده خلى القتيل مجرم من مجرمي الحرب والمفروض نطلعه من القبر نسحله تاني

حسبنا الله ونعم الوكيل

حسبنا الله ونعم الوكيل

حسبنا الله ونعم الوكيل

[se_ Elsyed]

يارب ..

اذا كنت هاتستجيب دعوه لي

فيارب ورينا يوم في أمثال خيري رمضان او اولاده ومن يحبهم

وساعتها نعرف التبرير وان ظباط الشرطة هما القدوة وهما المفروض يبقوا ابطال

مش اللي بيشرب بانجو في السايبر واللي اترفد من الجيش

واللي ايه يعني لما

واخدين بالكم

وايه يعني لما اتنين مخبرين يغلطوا

وفي الاخر يطلعوا براءه

طب نعمل ايه فيهم بعد ما طلعوا براءه .. نعدمهم ؟

ده كلامه بالحرف على فكره

[لولا]

يارب ..

اذا كنت هاتستجيب دعوه لي

فيارب ورينا يوم في أمثال خيري رمضان او اولاده ومن يحبهم

وساعتها نعرف التبرير وان ظباط الشرطة هما القدوة وهما المفروض يبقوا ابطال

مش اللي بيشرب بانجو في السايبر واللي اترفد من الجيش

واللي ايه يعني لما

واخدين بالكم

وايه يعني لما اتنين مخبرين يغلطوا

وفي الاخر يطلعوا براءه

طب نعمل ايه فيهم بعد ما طلعوا براءه .. نعدمهم ؟

ده كلامه بالحرف على فكره

مصر محتله صدقنى !

احنا تحت الإحتلال

اللى يخلى واحد زى ده يطلع يتبجح بكلام زى ده معناه عندى شيء واحد ان للسيد الحق فى تأديب العبد .. بسبب او بدون مش مهم

يمكن يصحى الصبح مش طايق نقسه يعدى يضرب اى مواطن بالرصاص طب وماله !!

ولا يبقى مزاجه ازفت شويه يقوم مطلع غله فى حد معدى ويسحله ويمثل بيه طب وماله !!

احنا فى عصر الطغيان ..

ما احنا اللى ... اخترناه .. اخترناه .. اخترناه !!

لولا

[tarek nokia]

الناس دي لما تتمسك مش حتترحم من الريس الى العسكري النهاية قربت

تم تعديل 14 يونيو 2010 بواسطة tarek nokia

[لولا]

لنعد سويا بالذاكره في قضيه سابقه لرجال الشرطه .. رجال الأمن والأمان في محافظة اسوان

11-2008

اقتحمت قوه من مكافحة المخدرات بقيادة الرائد " محمد لبيب " - فليحتفظ التاريخ بين طيات صفحاته السوداء وفي مزبلته بهذا الإسم - منزل أحد المواطنين " عبد الوهاب عبد الرازق " تاجر طيور بدعوى انه يتاجر في المخدرات .

اقتحموا المنزل بعد منتصف الليل بدون اذن نيابه مما اثار كرامة الرجل الذي حاول منعهم من تفتيش المنزل لوجود نساء وحريم لم يقمن بستر انفسهن بعد

وهنا ثارت كرامة رجالات الأمن والأمان .. كيف يحاول هذا المواطن - الـ الـ الـ الـ - من منعنا مما نريد

وبعد اشتباكات وصراع قام الرائد محمد لبيب بتفريغ خزنة مسدسه كامله في صدر الضحيه الشهيد " عبد الوهاب عبد الرازق " ثم قام بسحل الجثه والقاها في البوكس وسار بها امام البلدة كلها حتى وصل الى مستشفى اسوان المركزي وقام بالقاءها امامه ، ثم عاد الى مكتبه بكل بساطه ومارس عمله بكل هدوء ..

وعندما حانت لحظة المسائله ووقف امام النيابه وقفت ادارة مكافحة المخدرات وجهاز الشرطه بثقله كله مع رجلهم الهمام وظهرت التقارير التي تثبت ان هذا الرجل من اكبر تجار المخدرات في البلد وانه خطر على الأمن القومي .. وبتشريح جثة الرجل لم يتم ايجاد أي رصاصه من التسع رصاصات

وبعد سنه من الجلسات والمحاكمه وطبخ القضيه اخذ المجرم البراءه في حين رقد الضحيه في قبره ومات حقه وترك ابناء لا يجدوا قوت يومهم ..

الحالة الثانيه :

في 8 أكتوبر 2008 قامت وحده من مباحث تنفيذ الأحكام بمركز سمالوط محافظة بني سويف بدون اذن نيابه بقيادة النقيب " أحمد أنور " - فليحتفظ التاريخ بين طيات صفحاته السوداء وفي مزبلته بهذا الإسم - بإقتحام منزل أحد المواطنين الذي كان متغيباً عن منزله وقتها .. وقامت زوجته بالاعتراض على هذا التعدي

كيف لها ان ترفض او تعترض على قرارات الآلهه ؟؟

كيف لها ان تقوم بهذا التجاوز ؟؟

فكان مصيرها الضرب على مؤخرة الرأس بكعب المسدس ثم ازاحها الضابط المجرم من على السلم فوقعت من الدور الثاني للدور الأرضي تنزف .. ورفض استدعاء سيارة اسعاف لها وامام اطفالها ماتت المرأه " ميرفت عبد الستار " وهى حامل .. قتلها رجال الأمن بجنينها وامام اعين اطفالها

ولم يكتفوا بذلك .. بل قاموا بالضغط على زوجها لعدم تقديم بلاغ وتم اعتقال عدد كبير من ابناء القريه ممن شهدوا هذه الجريمه الشنعاء .. وعندما وصل الأمر للإعلام ووصلت القضيه للنيابه والقضاء وبعد مداولات ومحاكمات لمدة سنه حكم على المجرم بسنه مع الشغل !!

يقتحم منزل بلا اذن نيابه .. يقتل امرأه وجنينها .. يمنع عنها الاسعاف .. يعتقل الشهود بلا سند قانوني

ويحكم عليه بسنه .. حقا انه لزمن المسخ انه زمن الشرطه والعسكر والبلطجه الأمنيه على الشعب العاجز المريض

حقا .. السيـــاده للبيـاده

أيها الساده .. امامكم فرصه ذهبيه لو تم استغلالها صح لأتت بنتائج اكبر مما تتصروا او تتخيلوا

لو شعر النظام ان هذه القضيه ستكون شرارة الثوره اللي تحرك المصريين لضحى وداس على كل شئ وكل قريب وعزيز عليه ليحافظ على كرسيه

لكان حبيب العادلي - ولا هو حبيب ولا هو عادلي ربنا ياخده ويريحنا منه - اول من يدوسهم قطار الثوره

لأُقيل او استقال لتهدئة الرأي العام .. المهم يا ساده عدم التأثر او الاستجابه للمحاولات الحقيره لتشويه القضيه ..

وليفكر كل منا جيدا ان لو هذا الأمر مر مرور الكرام سيأتي الدور عليه وعلى اخوه واي ممن يهمهم أمره .. وساعتها مش هنقدر نعمل حاجه لأن ده خلاص هيبقى قانون معلن للشرطه والنظام

ايها الساده .. انكم بنجاحكم في محاكمة قتلة خالد لا تكونوا فقط انتزعتم حقه ،، بل تكونوا انتزعتم حريتكم انتم

تم تعديل 14 يونيو 2010 بواسطة لولا

[se_ Elsyed]

يا ولاء أنا شكيت في نفسي والله العظيم وفي قوايا العقلية

ده طلعوا كلهم بيتكلموا بنفس اللسان

قلبت دلوقت حالاً على العاشرة مساءً لقيت الست منى بتقول

على العموم هانشوف الأيام الجايه هاتُسفر عن ايه ... وهل الشاب ده فعلاً كان مُسجل زي ما قال بيان الداخلية وبالتالي يستحق اللي جرا له ولا لأ

أقسم بالله قالت كده

عقلي يا ناس ...... هاتجنن والله

وهو لو كان معاه لفافة سلوفان و هربان من الجيش ولا فيه عٍبر الدنيا

ايه .. خلاص ... كلاب الشرطة هاتمشي ومعاها مدافع وتنفذ احكام الإعدام في الناس بشكل علني في الشوارع ؟

-----------------

خيري زفت رمضان أستضاف على التليفون كبير الأطباء الشرعيين والراجل قال بالحرف الواحد : أنا بقى لي 26 سنة طبيب شرعي وشرحت اكثر من 4000 جثة واستطيع اقول لك بكل صراحة ان اللي في جسم القتيل ده عبارة عن سحجات وكدمات عاديه ممكن تكون نتيجة سقوط او كعبله واؤكد لك انها لا تؤدي الى الوفاة مُطلقاً .. كما ان موضوع انهم يحشروا في زوره لفافه سلوفان بعد ما يموت برضوا موضوع ساذج ولم اشاهد اي واقعة مثل هذه طوال سنوات عملي

انتهى كلامه

يارب يا سميع الدعاء .. ييجي عليه يوم يتصلوا به يقول له : تعالى لقينا ابنك مرمي في الزبالة ميت وفيه سحجات بسيطة زي اللي كانت في الشهيد خالد .. يارب يارب يارب