خالد محمد سعيد "شهيد الطوارئ

[صافى]

لنعد سويا بالذاكره في قضيه سابقه لرجال الشرطه .. رجال الأمن والأمان في محافظة اسوان

11-2008

اقتحمت قوه من مكافحة المخدرات بقيادة الرائد " محمد لبيب " - فليحتفظ التاريخ بين طيات صفحاته السوداء وفي مزبلته بهذا الإسم - منزل أحد المواطنين " عبد الوهاب عبد الرازق " تاجر طيور بدعوى انه يتاجر في المخدرات .

اقتحموا المنزل بعد منتصف الليل بدون اذن نيابه مما اثار كرامة الرجل الذي حاول منعهم من تفتيش المنزل لوجود نساء وحريم لم يقمن بستر انفسهن بعد

وهنا ثارت كرامة رجالات الأمن والأمان .. كيف يحاول هذا المواطن - الـ الـ الـ الـ - من منعنا مما نريد

وبعد اشتباكات وصراع قام الرائد محمد لبيب بتفريغ خزنة مسدسه كامله في صدر الضحيه الشهيد " عبد الوهاب عبد الرازق " ثم قام بسحل الجثه والقاها في البوكس وسار بها امام البلدة كلها حتى وصل الى مستشفى اسوان المركزي وقام بالقاءها امامه ، ثم عاد الى مكتبه بكل بساطه ومارس عمله بكل هدوء ..

وعندما حانت لحظة المسائله ووقف امام النيابه وقفت ادارة مكافحة المخدرات وجهاز الشرطه بثقله كله مع رجلهم الهمام وظهرت التقارير التي تثبت ان هذا الرجل من اكبر تجار المخدرات في البلد وانه خطر على الأمن القومي .. وبتشريح جثة الرجل لم يتم ايجاد أي رصاصه من التسع رصاصات

وبعد سنه من الجلسات والمحاكمه وطبخ القضيه اخذ المجرم البراءه في حين رقد الضحيه في قبره ومات حقه وترك ابناء لا يجدوا قوت يومهم ..

الحالة الثانيه :

في 8 أكتوبر 2008 قامت وحده من مباحث تنفيذ الأحكام بمركز سمالوط محافظة بني سويف بدون اذن نيابه بقيادة النقيب " أحمد أنور " - فليحتفظ التاريخ بين طيات صفحاته السوداء وفي مزبلته بهذا الإسم - بإقتحام منزل أحد المواطنين الذي كان متغيباً عن منزله وقتها .. وقامت زوجته بالاعتراض على هذا التعدي

كيف لها ان ترفض او تعترض على قرارات الآلهه ؟؟

كيف لها ان تقوم بهذا التجاوز ؟؟

فكان مصيرها الضرب على مؤخرة الرأس بكعب المسدس ثم ازاحها الضابط المجرم من على السلم فوقعت من الدور الثاني للدور الأرضي تنزف .. ورفض استدعاء سيارة اسعاف لها وامام اطفالها ماتت المرأه " ميرفت عبد الستار " وهى حامل .. قتلها رجال الأمن بجنينها وامام اعين اطفالها

ولم يكتفوا بذلك .. بل قاموا بالضغط على زوجها لعدم تقديم بلاغ وتم اعتقال عدد كبير من ابناء القريه ممن شهدوا هذه الجريمه الشنعاء .. وعندما وصل الأمر للإعلام ووصلت القضيه للنيابه والقضاء وبعد مداولات ومحاكمات لمدة سنه حكم على المجرم بسنه مع الشغل !!

يقتحم منزل بلا اذن نيابه .. يقتل امرأه وجنينها .. يمنع عنها الاسعاف .. يعتقل الشهود بلا سند قانوني

ويحكم عليه بسنه .. حقا انه لزمن المسخ انه زمن الشرطه والعسكر والبلطجه الأمنيه على الشعب العاجز المريض

حقا .. السيـــاده للبيـاده

أيها الساده .. امامكم فرصه ذهبيه لو تم استغلالها صح لأتت بنتائج اكبر مما تتصروا او تتخيلوا

لو شعر النظام ان هذه القضيه ستكون شرارة الثوره اللي تحرك المصريين لضحى وداس على كل شئ وكل قريب وعزيز عليه ليحافظ على كرسيه

لكان حبيب العادلي - ولا هو حبيب ولا هو عادلي ربنا ياخده ويريحنا منه - اول من يدوسهم قطار الثوره

لأُقيل او استقال لتهدئة الرأي العام .. المهم يا ساده عدم التأثر او الاستجابه للمحاولات الحقيره لتشويه القضيه .

مع الاسف الشديد ما يحدث فعلا احنا الى غلطنين من البداية لان الى بيسكت مرة فا بيسكت على طول ومش من حقة يتكلم تانى للنهاية ربنا يستر فى الايام الى جاية

[لماضة مصرية جدا]

السلام عليكم و رحمة الله و بركاته

انا مبقتشي خلاص فاهمة حاجة

يعني المخبرين هيطلعوا براءة.....!!!

مش فاهمة حاجة.......ايه ده زي ما تكون حديدة نزلت علي دماغي و مش عارفة ااقوم؟؟؟

بقي عندي احساس اني احنا بس اللي في المنتدي و ع الجروب بتاع خالد ع الفيس بوك اللي مهتمين بالموضوع.....

طب ايه...؟؟؟؟

معقول ممكن الموضوع يتكلفت كده......

لا حول و لا قوة الا بالله العلي العظيم

[لولا]

مظاهرة فى الاسكندرية يوم الأربعاء 16\6 فى كيلوباترا شارع بورسعيد عند الدوران الساعة 6 للمطالبه بمعاقبة المجرمين

ربنا يوفقهم ويعلى صوت الحق ..

[لولا]

اقرأ معى !!

لم تكن التجاوزات فى قضية الشهيد خالد محمد سعيد فى قسم سيدى جابر هى الحادثة الاوله ولا الاخيره فهناك العديد من التجاوزات التى تحدث فى هذا القسم و للاسف شهدت واحد من تلك التجاوزات التى تقوم بيها هذه العصابة بقيادة المقدم عماد الدين عبد الظاهر رئيس العصابة وليس رئيس المباحث فى هدا القسم وسوف اقص عليكم الحكاية اقسم بالله كما حدثت

لقد امضى المدعو عماد محمود محمد عفيفى مدة واحد وعشرون عام بالسجن وبتاريخ 4-4-2010 جاء الى قسم سيدى جابر لتطبيق الافراج تحت شرط له ولاكن للاسف حدث ما لم يكون يتوقعه عقل ولا قلب به اى شىء من الرحمة رفض الضابط اخلاء سبيله بعد ان تم جميع اجرات الافراج ولفق له قضية سلاح لكى يلغى له الافراج تحت شرط على الرغم من انه كان تحت حيازته وسيطرته ولم يتم اخلاء سبيله نهائيا ولفقت له هذه القضية وهو داخل القسم وبالفعل تم ترحيله الى السجن مرة اخرى لكى يقضى باقى الخمسة وعشرون عام

والغريب فى محضر القسم انه الضابط قال انه افرج عنه بتاريخ 8-4-2010 وتم القبض عليه بالسلاح بتاريخ 11-4-2010

انا عايز اعرف لو فى عاقل يقول ان واحد خارج من السجن بعد 21 عام يقف فى الشارع بعدها 48 ساعة بسلاح

ولاكن للاسف احنا عيشين فى وطن لا يصدق فى احد الا ضابط الشرطة

اكيد ان اللى يحرم شخص من انه يعيش حياته بعد 21 سنة سجن ويحرم شاب 28 عام من الحياة كلها اكيد دى عصابة مش شرطة

انا عايز اعرف رئيكم فى الموضوع ده ايه لازم نقول كل التجاوزات اللى بتحصل فى القسم ده علشان مش حدثت خالد بس اللى حصلت فى القسم ده

والساكت عن الحق شيطان اخرس

-----------------

انا عارف الكلام ده حقيقي فعلا كمان الظابط رئيس المباحث بتاع القسم ده له اكتر من جريمه سابقه في اكتر من قسم كان بيخدم فيهم له ضحيتين سابقين ومحدش سمع عليهم

----------------

الموضوع دة حصل فعلا انا عارف الحكاية دى من حوالى 3 اسابيع لانى من سيدى جابر ومن شارع دارا المقيم بة عماد الشهير بعماد ماجو ومع العلم ان السجين حالت اهلة متيسرة ولكن للاسف حسب المعلومات ان الظابط على علاقة ببعض الاشخاص بدائرتة وان بعضهم بلغة بان عماد سيفرض السيطرة بالمنطقة فيجب عليك الا يفرج عن السجين لانة مشاغب وسيفرض بلطجو واتاوة على المواطنين بالمنطقة مع العلم بان عماد محبوب وسيرتةهو واهلة بسيدى جابر معروفة لدى الجميع بانة راجل جدا وبيخدم اى حد قابلة فى السجن من بعض افراد سيدى جابر وعند خروجهم بيتكلموا على عماد انة عمل معاهم الواجب فى السجن وانا حسب معلوماتى بان هذا الظابط شخصيتة ضعيفة للغاية وبيتعالج من الاعصاب فلماذا هذا الظلم مع انة لا يعرفة ولا شافة لاننا كنا بنروح مع اهلة واهل شارع دارا جميعا كل يوم نقف امام القسم منتظرين خروج عماد من القسم بعض العرض وفوجئنا بانة مرحل للسجن تانى لانة خرج وقبض علية بعد خروجة ولكن للاسف هذا غير صحيح ربنا يكون فى عون اهلة المسنين والدة ووالدتة لم تتخيلوا الفرحة عند سمعهم بخبر خروجة واخواتة المقيميم خارج البلاد بامريكا رجعوا ليستقبلوا اخيهم وللاسف ووقعت المفاجئة بانة سيتحول للسجن مرة اخرى بسسب الظلم الموقع علية من قبل الظابط العنيد فين الحكومة فين اللى يحقق ورا هذا الظالم

-------

طارق وفاكر من حوالي 3 اسابيع او شهر انتشر في المنطقه خبر خروج عماد ماجو بعد الافراج الشرطي عنه وفاكر كمان ان الناس هنا في المنطقه كان كل يوم يروحوا عند القسم يستنوا غعماد عشان يخرج وكل يوم كانو يقوللهم حيخرج بكره بعد الرض لغايه ما جه اليوم اللي سمعت فيه ان الظابط عماد عبد الظاهر عملوا قضيه سلاح ورجعه السجن تاني وانا اشهد شهاده حق اتاحسب عليها يوم القيامه انه فعلا مخرجش من الفسم خالص وطبعا الناس اللي في الشارع كلهم كانوا حيتجننوا بس مفيش حد كان في اديه حاجه يعملها وبعدين ان شفت صوره لعماد ماجو وهو علي زمه القسم بجد والله العظيم وشه مكنش باين من الدم اللي فيه ومن الاخر احب افول ان قسم سيدي جابر ده مش قسم شرطه لا دي سلخانه للبني ادمين واللي يفتح بقه يكون مصيره ذي خالد وعماد يا اما الموت يا اما الحبس.وان شاء الله ححاول اجيبلكم الصوره اللي قولتلكم عليها

----------

رأى انا بقى يامحاورين ويا محاورات..

الناس دى بتكدب اكيييييييييييييييد مفيش اشرف من رجاله الشرطه ولا اصدق من تصريحات الداخليه.

بطلوا افترى بقى يا وحشين !!

ليسقط الإستعمااااااااااااااااار !!

فليسقط الإستعمار الفاسد !!

لولا

[لولا]

اقروا معايا كده الجزء ده كمان ..

بليز بعد ما تخلصوا كل واحد يضرب سلام مربع للدستور !!

سلامات يا دستور..

يا دستور سلامات .

كذلك مواد الدستور الأخرى التي جرمت التعذيب ومنها المادة 40 من الدستور " المواطنون أمام القانون سواء وهم متساوون في الحقوق والواجبات العامة ولا تمييز بينهم بسبب الأصل أو الجنس أو اللغة أو العقيدة ،

والمادة 41 من الدستور " الحرية الشخصية حق طبيعي وهي مصونة لا تمس وفيما عدا حالة التلبس ولا يجوز القبض على أحد أو تفتيشه أو تقييد حريته بأي قيد أو منعه من التنقل إلا بأمر تستلزمه ضرورة التحقيق وصيانة أمن المجتمع ويصدر هذا الأمر من القاضي المختص أو النيابة العامة وذلك وفقا لأحكام القانون ويحدد القانون مدة الحبس الاحتياطي "

ومادة 42 من الدستور " كل مواطن يقبض عليه أو يحبس أو تقيد حريته بأي قيد تجب معاملته بما يحفظ كرامة الإنسان ولا يجوز إيذاؤه بدنيا أو معنويا كما لا يجوز حجزه أو حبسه في غير الأماكن الخاضعة للقوانين الصادرة بتنظيم السجون وكل قول يثبت انه صدر من مواطن تحت وطأة شئ مما تقدم أو التهديد بشئ منه يهدر ولا يعول "

و المادة 57 من الدستور " كل اعتداء على الحرية الشخصية أو حرمة الحياة الخاصة للمواطنين وغيرها من الحقوق والحريات العامة التي يكفلها الدستور والقانون جريمة لا تسقط الدعوى الجنائية ولا المدنية الناشئة عنها بالتقادم وتكفل الدولة تعويضا عادلا لمن وقع الاعتداء عليه .

أما على مستوي القوانين المحلية نجد أن القانون الجنائي المصري لم يضع تعريفا للتعذيب ولكن أورد مجموعة من القوانين وضعت إطارا قانونيا لحماية المواطنين من التعذيب مثل قانون العقوبات رقم158 لسنة 1937 حيث جرمت " المادة 126 " من قانون العقوبات تعذيب المتهم لحمله على الاعتراف حيث نصت المادة على انه " كل موظف أو مستخدم عمومي أمر بتعذيب متهم أو فعل ذلك بنفسه لحمله على الاعتراف يعاقب بالإشغال الشاقة أو السجن من ثلاث سنوات إلى عشر سنوات وإذا مات المجني عليه يحاكم بالعقوبة المقررة للقتل العمد " و "

المادة 127 " من قانون العقوبات حيث جرمت المادة التعسف في استخدام العقوبة ونصت على "أنه يعاقب بالسجن كل موظف عام وكل شخص مكلف بخدمة عمومية استعمل القسوة اعتمادا على وظيفته بحيث أنه أخل بشرفهم أو أحدث الأمر بأبدانهم يعاقب عليه بالسجن لمدة لا تزيد على سنة أو غرامة لا تزيد عن مائتي جنيه " و " مادة 282 "من قانون العقوبات تنص على أنه " يحكم في جميع الأحوال بالأشغال الشاقة المؤقتة على من قبل على شخص بدون وجه حق وهدده بالقتل أو عذبه بالتعذيبات البدنية

-----------

ايها الشعب ادى الدستور بيضع القواعد المنظمه لحمايتكم

اما تطبيق الحمايه خصوصا لو كانت جراء اعتداء من رجال الشرطه فتلك مسؤليتكم..

هنا لا تطبيق للدستور

لن تجد من يحميك

هنا استعمل قنون حمورابى وطبقه بنفسك يا شعب

العين بالعين، السن بالسن، والبادىء اظلم..

لولا

[Howayda Ismail]

طبعا حيخرجوا براءة والمجنى عليه هو المذنب كاعادة وخالد مش اول ولااخر واحد لان ده اضرب المربوط يخاف السايب واحنا مش حننسى قتيل قسم المنتزة الذى قذفوا به من اعلى وقالو ا حاول الهرب وقع من الشباك حسبنا الله ونعم الوكيل

ياريت تسألوا على سجن الغربنيات فى برج العرب ولا معتقل ابو غريب ولا الجن اقل ادعاء موت باتهاب رئوى او مات من شدة البرد

مع الاعتذار لسيد درويش (انا المصرى كريم العنصرين) طبعا كان يقصد مصر والسودان

دلوقت انا المصرى قتيل العنصرين(وزارة الداخلية ووزارة المالية)

الاولى تقتل والثانية تجبر على الانتحار

[لولا]

بصوا يا جماعه الأبنودى قالها زمان عننا وكان عنده حق ..

عارفين الأبنودى قال ايه ؟؟؟

احنا ولاد الكلب الشعب !!

ياعم الظابط إنت كداب

واللي بعتك كداب.

مش بالذل حشوفكم غير

أو استرجى منكم خير

إنتو كلاب الحاكم

وإحنا الطير

إنتو التوقيف

وأحنا السير

.إنتوا لصوص القوت

واحنا بنبني بيوت

إحنا الصوت

ساعة متحبوا الدنيا سكوت

.....

إحنا شعبين شعبين شعبين

شوف الاول فين والتاني فين

وأدي الخط مابين الاتنين

بيفوت

إنتوا بعتوا الارض بفاسها

بناسها

في ميدان الدنيا فكيتوا لباسها

بانت وش وضهر

بطن وصدر

ماتت

والريحه سبقت طلعت أنفاسها

.

واحنا ولاد الكلب الشعب

احنا بتوع الاصعب وطريقه الصعب

والضرب ببوز الجزمه وبسٍن الكعب

والموت في الحرب

لكن انتوا خلقكم سيد المُلك

جاهزين للمُلك

إيدكم نعمت

من طول ما بتفتل وبتفتل

ليالينا الحلك

احنا الهلك

وانتو الترك

سواها بحكمته رب الملك

أنا المسجون

المطحون

اللي تاريخي مركون.

وانت قلاوون

و"ابن طولون"ونابليون

.الزنزانه دي مبنيه قبل الكون

قبل الظلم ما يكسب جولات اللون

---------

--------

-------

رأينا خٍلف خلاف

سففني الحنضل وإتعسني

راينا خلف خلاف

احبسني أو اطلقني وادهسني

راينا خلف خلاف

واذا كنت لوحدي دلوقتي

بكره مع الوقت

حتزور الزنزانه دي اجيال

واكيد فيه جيل

أوصافه غير نفس الاوصاف

إن شاف يوعى

وإن وعي ما يخاف

.....

إنتوا الخونه

منك ضعفي وجبروتك مني

خد مفتاح سجنك وياك

واترك لي وطني

وطني غير وطنك

[لولا]

رابط صفحة الشهيد خالد على الفيس بوك

http://www.facebook.com/khaledkilled#!...edkilled?v=wall

اشتراكك فى الصفحة

زيارتك لها

نشر رابطها لكل من تعرفهم

كل ذلك لن يأخذ من وقتك شيئا لكنه يمثل دعم لقضيه وصوت من الممكن ان يحمى من قتل خالد قادم كما قتل خالد ومن قبله آخرون..

مشاركتك فى التعبير عن الغضب وتضامنك والحرص على التعبير عن ذلك فى كافه المواقع الإخباريه والصحفيه يمثل دعم وضغط من الرأى العام

لتتم محاكمة الطغاه..

خالد كان ممكن ان يكون اخوك او ابنك

خالد ببساطه كان يمكن ان يكون انا او انت

انتفض هذه المره لدم مصرى مهدر وكرامه مصريه مداسه فى ظل قانون الطوارىء الذين يندسون خلفه ويتجبرون به..

المرادى لازم يبقالنا صوت

صدقنى لو كان اخوك مكنتش هتسكت/لو كان ابنك مكنتش هتسكت

للحظه كل واحد يحط نفسه مكان المقتول واهله .. لحظه تخيل وحده وشوف مفروض تعمل ايه !

لولا

تم تعديل 14 يونيو 2010 بواسطة لولا

[لولا]

أسرة ضحية التعذيب تصدر بيانا للرد على "الداخلية"

الإثنين، 14 يونيو 2010 -

أصدرت أسرة خالد محمد سعيد، ضحية تعذيب أفراد من الشرطة، بياناً لتوضيح بعض الجزئيات التى رأت توضيحها بعد الرجوع لهيئة الدفاع رداً على بيان وزارة الداخلية، أولها أن خالد أنهى الخدمة العسكرية، وليس كما هو مذكور فى بيان وزارة الداخلية وثابت ذلك بجواز السفر الخاص به، وثانياً: أعلنت وزارة الداخلية بياناً تؤكد فيه أن سبب الوفاة هو الخنق نتيجة ابتلاع مادة مخدرة قبل صدور تقرير الطب الشرعى بنحو 3 أيام.

وقال البيان إنه من المتعارف عليه قانوناً أن تقرير الطب الشرعى بخصوص أى جريمة يتم تسليمه للنيابة العامة فى ظرف مغلق، ولا تطلع عليه الشرطة، ولا تعرف هيئة الدفاع عن أسرة خالد من أين أتت الداخلية بالمعلومات التى جاء بها التقرير بالفعل بعد 3 أيام.

وبناء عليه تم طلب إعادة تشريح الجثة قبل صدور التقرير الذى توقعت هيئة الدفاع أن يأتى بنفس ما ذكره البيان، أما ثالثاً فقد ركز بيان الداخلية على محاولة إثبات أمور ليست فى صلب القضية الأساسية المتهم فيها بعض العاملين فى الوزارة وهى قضية قتل خالد، وتجاهل البيان أقوال الشهود الذين أكدوا فى تحقيقات النيابة اتهامات أسرة القتيل.

ورأت الأسرة توضيح تلك المعلومات بعد الرجوع إلى إسلام العبيسى وحاتم قاسم، المحاميين من هيئة الدفاع فى القضية، بما لا يمثل معلومات مجانية للمتهمين فى القضية، وإن كان هناك الكثير يمكن الرد عليه.

الإسكندريه_ هناء ابو العز

[لولا]

اهتمام عالمى واسع بقضية ضحية التعذيب بالإسكندرية

الإثنين، 14 يونيو 2010 -

كتبت رباب فتحى

لقيت قضية مصرع الشاب خالد سعيد ضحية التعذيب بالإسكندرية، اهتمام وسائل الإعلام العالمية. وقالت وكالة الأسوشيتيد برس إن جميع معطيات الحادث تزيد من احتمالات تورط رجال الشرطة فى قتل سعيد، خاصة بعدما انتشرت صور له تظهر كيف تعرض لتعذيب وحشى استمر حتى وفاته.

وذكر تقرير الوكالة الذى نشرته صحيفة واشنطن بوست الأمريكية أن قوات الأمن المصرية حاولت جاهدة تفريق صفوف المتظاهرين أمس الأحد الذين تجمعوا أمام وزارتى العدل والداخلية للتنديد بمقتل سعيد ، وضربت عددا منهم قبل أن تلقى القبض على بعضهم.

من ناحية أخرى، أكدت جماعات حقوق الإنسان أن استخدام الشرطة التعذيب، بما يشمله من إساءة جنسية، بات أمرا روتينيا فى مصر على الرغم من نفى الحكومة المتكرر لتبنيها هذا النهج. ويرى الإصلاحيون أن انتشار مثل هذا الأسلوب العنيف ما هو إلا نتيجة لتطبيق قانون الطوارئ على مدار ثلاثة عقود، فنادرا ما تنتهى القضايا ضد وحشية الشرطة بلا عقاب.

وأشارت الأسوشيتيد برس إلى أن بعض أفراد قوات الأمن ارتدوا زيا مدنيا، وضربوا المتظاهرين، وأوقعوا بعضا منهم على الأرض، ونقلت عن أحمد ماهر، أحد منظمى المظاهرة قوله "رجال الأمن تعاملوا بوحشية مع المتظاهرين عندما كانوا يقبضون عليهم"، مشيرا إلى أنها احتجزت ما يقرب من ثمانين شخصا. وأمرت السلطات المصرية بصورة متكررة الصحفيين بالابتعاد عن المنطقة ومنعت كاميرات التليفزيون من التصوير.

وقال التقرير إن نجل زعيم حزب الغد أيمن نور كاد أن يحتجز من قبل رجال الشرطة الذين كانوا يرتدون زيا مدنيا قبل أن يتمكن نور من الإمساك به وحمايته منهم.

للمزيد من الاطلاع اقرأ عرض الصحافة العالمية على الأيقونة الخاصة به.

[محمد عبدالعزيز]

على فكرة...

البنات اللى فى الصورة محشورين فى وسط زمايلهم ووسط عساكر الأمن المركزى مش هما اللى راحوا حشروا نفسهم فى المنطقة الضيقة دى عشان يتم هتك عرضهم, وزمايلهم الشباب مش محاوطين عليهم كده عشان يحتكوا بيهم أو يهتكوا عرضهم.

الحكاية كلها إن دى طريقة معروفة للأمن فى تفريق المظاهرات اللى عددها قليل بالشكل ده, وبيسموها عملية العصر, وهى إنهم يحاوطوا المتظاهرين بالعساكر فى شكل حلقة, والحلقة تفضل تضيق تضيق تضيق, لحد ما المتظاهرين يبقوا مش قادرين ياخدوا نفسهم ويستسلموا, وفى الحالة دى الأمن شترط عليهم يخرجوا فى طابور واحد ورا واحد, ويفتح لهم فتحة فى الحلقة ماتخرجش غير واحد بس, وبالتالى يبقى سهل عليهم يقبضوا على المتظاهرين من غير ما يجروا وراهم ويدوخوهم هنا وهناك.

شفتوا الأمن بتاعنا ذكى إزاى؟

اكون مجرمه ولا استحق الحياه لو قلت ان البنات دي هي الي راحت حشرت نفسها .. سبق وقلت ان معنديش ذرة شك في شرف واحترام البنات دول .. بس معليش سيدي الفاضل .. تخيل ان وحده منهم هي زوجتك .. وايوه الي في ظهرها ده زميلها مش عسكري امن مركزي ولا حاجه هو كمان زيه زيها شريف عفيف نظيف النية ونازل بس يتظاهر مش يعمل شيء تاني .. تخيل كده انها عرضك وان الصورة المنشورة لها دي هتفضل كده هتشوفها هي وعيالها وعيال عيالها من بعدها ..

معليش لو حضرتك مقتنع ان الوضع ده طبيعي وطالما الي معاها ده زميلها مش حد غريب وان نيته يتظاهر مش يهتك عرض يبقى مفيهاش حاجه قولي كده انك او اي حد من اهالي البنات دول يقدر يعلق الصورة دي في الصالون يفتخر بيها قدام الرايح والي جاي ..

ايوه البنات دي محترمه وايوه وقفوا وقفات ايجابيه لكن لاه والف لاه مش بالطريقة دي وانا لما اكون رايحه مظاهرة وعارفه ان ده هيحصل فيها وزي ماحضرتك بتقول ان ده اسلوب الداخليه من زمان ومعروف وله مسمى كمان يبقى انا نازلة اهبب ايه وتغور الحقوق الي هتيجي باهدار حقي الانساني بالطريقة دي ..

سواء اعترفنا بذلك لانفسنا او لم نعترف البنات دي انتهك عرضها وحسبنا الله ونعم الوكيل في الي اضطرهم لكده ..

طبعاً ده ما يرضينيش لا لزوجتى ولا لبنتى ولا لأى واحدة غريبة عنى حتى, بس حضرتك بتحاسبى مين بالظبط؟ بتحاسبى الجانى ولا المجنى عليه؟

وبعدين ماينعفش أقول أيوه البنات دول شرفاء وأشهد بكده وبعدين أرجع أقول مادام هى عارفة إن ده ممكن يحصل لها يبقى هى اللى جابته لنفسها, ماهو ده بالظبط اللى ممكن يتقال لما واحدة تغتصب والناس تقول ماهى اللى جابته لنفسها عشان ماشية مش محجبة مثلاً.

الكلام ده بيخلى الجانى ضحية والضحية هو الجانى, واللى بيحصل ده الهدف منه التخويف عشان البنات دول ماينزلوش تانى, ولما ماينزلوش تانى, وكل واحد يتم تخويفه بالطريقة اللى تناسبه ماينزلش تانى, يبقى توقعى اللى بيحصل ده ممكن يحصل وأشد منه كمان لأى حد من غير حتى ما يكون مشارك فى مظاهرة.

وساعتها لا يلوم إلا نفسه لأنه لم يرى فى الصورة أى شئ غير إنه البنات المشاركة تم هتك عرضهن, على كده كل البناب اللى بيركبوا مواصلات عامة أتوبيسات أو قطارات مثلاً تم هتك عرضهن, ماهو مش كل البنات عندهم إمكانية يركبوا تاكسى أو مواصلة محترمة.

الله يرحمك يا خالد ويرحم كل من توفى نتيجة تعذيب البلطجية بتوع الشرطة, وينتقم من اللى عذبوهم شر انتقام.

[om marawan]

القضية حاليا فى مكتب النائب العام وعلى الرغم من صعوبة اللى حصل لكن فيه مؤشرات تقول ان الوضع مش بالسوء اللى شايفيه

يعنى اصحاب خالد رحمه الله قالوا ان فيه تهديد للشهود العيان وصوروا الموضوع انه فعلا مراكز قوى وسيطرة وفساد

اللى قريته ان النيابة نزلت وبتاخد أقوال الناس عادى جداا لا حد متهدد ولا حد اتخطف ولا صاحب السايبر اللى اتكلم فى التليفزيون حد قتله

يعنى انا اسفة اقول انى ماقدرش اصدق اى حاجة يقولوها كامر واقع زى مثلا الاطباء الشرعيين اللى مش عاوزين يقولوا اسمهم واللى ممكن يكونوا دكاترة اصحابهم وبس عاوزة اسأل ليه الاطباء دول اذا كانوا بالنزاهة دى ماقالوش للناس ان القطع اللى فى الرقبة والفك والخياطة اللى واضحة جداا هى فعلا نتيجة تشريح الطب الشرعى مش معنى كلامى انه كل الاثار الوحشية اللى فى وشه هى بس تشريح اكيد واضح ان فيه اصابات تانية لكن انا باقصد انه التوضيح مش كامل

وانا اسفة على الصورة اللى هارسمها لكن تشريح الطب الشرعى هو اسوأ من الصورة اللى فى بالنا وبلاش اوضح كتير لكن كفاية اقول انه المفروض بيتكشف عن الصدر وبيتعمل كسر فى الضلوع عشان يشوفوا الرئتين بشكل واضح لتحديد اذا كانت الوفاة نتيجة اسفكسيا او لأ لان طبعا شكل الرئة بيختلف تماما

وطبعا الخياطة مش بتكون تجميلية وزمان حتى كان فيه كلمة معروفة بين الناس انه مش من السهل حد من اهل المتوفى يطلب تشريح الجثة الا لو متاكد ان فيه شبهة فى الوفاة لأنها بتتقال بين الناس " التشريح بيبهدل الجثة تماما "

انا اسفة مرة تانية على الصورة دى لكن حبيت اوضح انه مش من مصلحتنا نسارع فى استنتاجات واعتبار فساد الاطباء الشرعيين كلهم ده الى جانب الشرطة والقضاء

ومش متخيلة ان طبيب شرعى يطلع يقول ان مافيش دم هيطلع اثناء التشريح لان اللى اعرفه وياريت حد من الافاضل اطباء المنتدى يصححلى انه لو تم التشريح فى نفس اليوم بيكون لسه ماحصلش تجلط او تجمد للدم كاملا

مش معنى كده انه مانضربش ماحدش يفهمنى غلط لكن تعليق الاطباء اللى ذكره الشباب على الفيس بوك غير منطقى فى امور كتيرة

ورغم بشاعة الموقف لكن جهاز الشرطة اللى زى ماضحى قالت بيحمونا بقالنا سنين ومش منطقى نفقد الثقة فيهم عشان حوادث فردية مهما كانت صعوببتها لانهم زيهم زي كل المهن اللى فيها " بعض " الاطباء معدومى الرحمة و" بعض " المهندسين الغشاشين و " بعض " الموظفين المرتشين واللى كل دول تصرفاتهم وجرايمهم بتؤدى الى مقتل ناس فى كتير من الاحيان وضياع حقوق ناس اكتر

ومرة تانية كل واحد فينا له أقارب او معارف او اصدقاء شرطة او نيابة وكتير منهم ناس محترمين واولاد ناس حتى لو كانوا جايبين 50 % فى الثانوية العامة !!! فهل شايفين انه منطقى انه يطلع ناس يقولوا لو شفت ظابط شرطة هاقتله

مش عاوزين نفترض ان كله مايصدر عن جهاز الشرطة هو خطأ بين وكل مايصدر عن الناس هو عين الحق والصواب

وعلى ابسط الامثلة صحيح التعليق اتقال بغباء فى بيان الداخلية عن قضية الهروب من الخدمة العسكرية لكن ثبت من الشهادة نفسها اللى اوردها اهل المرحوم خالد انه فعلا اترفد من العسكرية نتيجة الهروب من اكمال الخدمة زى ماذكر الفاضل Mohammed والفاضل hanzala يعنى ممكن يكون فعلا انتهت خدمته نتيجة قرار الرفد وده اللى مكتوب فى الشهادة

الى جانب زى ماذكرت انه مستحيل تقريبا الفق لحد "قضية " وحكم قضائى وليس محضر بتاريخ قديم ومش معنى كده انه ده سبب للمعاملة البشعة اللى ادت الى وفاة المرحوم خالد او لاى شخص حتى لو كان عتيد الاجرام لكنه معناه ان فيه امور لم تتضح لنا بعد وانه محتاجين فعلا نشوف قرار النائب العام وقرار التشريح اللى لسه ماصدرش أصلا

ماحدش يفهم انى مش معترضة على اللى حصل وانى مش شايفة فيه ظلم واعتداء على حقوق لا اقبله على اى حد حتى لو مش اخويا او انا او حد من اهلى كل اللى باقوله انه الفساد اللى بتكلم عنه يطول البعض ويحدث من البعض من جهاز الشرطة ولايؤدى الى ضياع الثقة فى الكل ولا يجعلنا نعمم الصورة لتطول ناس من اهلنا او اقاربنا

وبالمناسبة انا ماحدش من اقاربى على الاقل للدرجة التانية من الشرطة لكنى اكيد زى كل الناس اعرف منهم ناس محترمين او حتى اعرف انه مش الجميع ببشاعة الصورة اللى واخدينها حاليا فى راسنا نتيجة الموقف

تم تعديل 15 يونيو 2010 بواسطة om marawan

[om marawan]

أبشع ما يمكن ان يحدث لاى شخص ان تنتهك حريته

وان يكون واقعاا تحت ظلم من لا يرحم

وان يهدد فى نفسه او ماله او اهله او أمنه

ان يفقد احساسه بالامان ويتعرض ليس فقط للتعذيب والاهانة بل وحتى بالتهديد باى منهما

وليس اقسى منه سوى ان يفلت الجناة ليكونوا سببا فى تهديد شخص اخر وألمه بل وقتله

انتظر وكلى أمل فى تطبيق العدالة و النيل من المجرمين باقسى العقوبة

كما اسعى الى ألا اكون سببا فى ظلم او تعميم باتهام يشمل رجال يخافون الله ويتقونه فى عملهم وفى حياتهم

رحم الله موتانا وموتى المسلمين جميعا

[se_ Elsyed]

الأخت أم مروان

بعيداً عن تفاصيل التشريح اللي عفواً لست مقتنعاً بها ..

فمثلاً لمعرفة سبب الوفاة بأسفكسيا الخنق .. يتم تشريح الصدر والرئتين .. متفق معكي ..

لكن بديهياً .. الفك يتشرح ليه ؟

والأّذن تتشرح ليه ؟

والتورمات حول العينين ... دي نتيجة إيه ؟

الشيء الأخر المهم ....

الثابت فعلاً بشهادة الشهود المحايدين إن الشاب إتعرض لضرب غبي داخل السايبر .. وإتاخد في بيت قريب من السايبر وأنضرب لحد ما مات ..

ونفس اللي أخدوه جم بعد كده ورموه أمام السايبر كما تُرمى الكلاب الميته

فحتى يا ستي لو مات نتيجة اسفكسيا الخنق نتيجة إبتلاع لفافة الحشيش ..

إيه ما فيش حُرمه للميت ولا قانون بيُطبق في مثل تلك الحالات ؟

ورغم بشاعة الموقف لكن جهاز الشرطة اللى زى ماضحى قالت بيحمونا بقالنا سنين ومش منطقى نفقد الثقة فيهم عشان حوادث فردية مهما كانت صعوببتها لانهم زيهم زي كل المهن اللى فيها " بعض " الاطباء معدومى الرحمة و" بعض " المهندسين الغشاشين و " بعض " الموظفين المرتشين واللى كل دول تصرفاتهم وجرايمهم بتؤدى الى مقتل ناس فى كتير من الاحيان وضياع حقوق ناس اكتر

كلام مش صحيح بالمره وأسف يعني مغلوط

فأنا لا أساوي موظف بياخد عشرة جنية رشوى أو مهندس غش في مواد بناء مسكن أو خلافه ..

بشخص أعطت له الحكومة الديكتاتورية سُلطة مُطلقة ليقوم بإنتهاء أعراض الناس بشكل مُنظم .. وبشكل يومي ..

اتحدى تروحي قسم شرطة حضرتك وتستحملي اللي هاتشوفيه وهاتسمعيه حواليكي ....

يا فندم الشخص العاقل السوي أكرم له يموت في عمارة أساساتها مغشوشة وأهي موته والسلام ..

على أنه زوجته تُختطف أو هو يُختطف داخل قسم شرطة لتُفعل به الفاحشة لسحق شخصيته ..

إيه كل ده يتساووا عند البعض ؟

وهل تجاوزات الشرطة حالات فردية ؟

أبداً وعزة جلال الله .

لكنها تجاوزات ممنهجه ومنظمة لزرع الخوف تحت جلد الشعب المصري لكي لا يفتح فمه على اي فساد ..

وأدينا بنشوف اللي بيحصل في المظاهرات من قوات الأمن المركزي .. والأفظع منهم البلطجية اللي متأجرين .. والأفزع منهم جميعاً الشرطة اللي في ملابس مدنية ...

نحن هنا امام جهاز فاسد ..... ظالم .. لا له دين ولا مله ولا يخشى الله ......

إذن فردة الفعل هي ردة فعل طبيعية جداً .. وأنا أتفق مع الغاضبون اللي بيقولوا " إنه لو شاف ظابط شرطة هايقتله "

فإذا كانوا هم يقتلون الناس بغير وازع ولا تأنيب ضمير .... فمن الطبيعي أن يُقتلوا جميعاً بنفس الطريقة إلى أن يعودوا إلى رشدهم ويشعروا إن مثلهم مثل أي موظف يأخذ راتبه منا نحن الشعب .

وهناك من يقول : بس كده هاتبقى غابة ؟

يا سلام ..... وهو اللي بيحصل فينا ده كشعب " حديقة اسماك " مليئة بالأشجار والمناظر الجميلة ؟؟؟؟؟

[se_ Elsyed]

أحلى تهجيص صحفي ...

ده على أساس إن النيابة بتعمل تحقيقاتها على المشاع وأمام الجميع في ميدان عام ..

المصري اليوم تشترك في مسلسل التهجيص ..

إضحك مع المصري اليوم

المصري اليوم» تنشر تفاصيل تحقيقات النيابة وأقوال الشهود فى قضية «خالد»

كتب أحمد شلبى و يسرى البدرى ومروان عبدالعزيز والإسكندرية- نبيل أبو شال وناصر الشرقاوى ١٥/ ٦/ ٢٠١٠

حصلت «المصرى اليوم» على تفاصيل تحقيقات النيابة العامة فى قضية مقتل الشاب «خالد» فى الإسكندرية. وتضمنت أقوال صديق الضحية وصاحب «السيبر» الذى شهد الحادث، وحارس العقار المجاور له والمسعف وعامل المشرحة والطبيب الشرعى.

وتحمل السطور التالية تفاصيل أقوال الشهود والطب الشرعى والأم فى النيابة بعيداً عما قالته وزارة الداخلية فى بيانها أو ما قاله حقوقيون عن الواقعة.

فور علم النيابة العامة بالواقعة أجرت اتصالاً بقسم سيدى جابر وطلبت منه إرسال المحضر الذى تم تحريره فى تلك الواقعة التى انتهت بوفاة الشاب «خالد محمد سعيد» فى منطقة كليوباترا بالإسكندرية.

وجاء المحضر الذى حرره ضابط الشرطة الموجود بالقسم وحمل رقم ٧٤٣٨ إدارى سيدى جابر، أنه أثناء تفقد عريف الشرطة محمود صلاح وزميله عوض نسيم الحالة الأمنية فى المنطقة. شاهدهما الضحية أثناء جلوسه فى أحد المحال الخاصة «سيبر - إنترنت» وما أن رآهما حتى أسرع بالهروب من مكانه، وأثناء ذلك التهم «كيس بلاستيك ملفوف». ( للي ما يعرفش البانجو يا جماعة ممكن نقول له .... هانقول الحشيش بيبقى قطع صغيرة وممكن تتبلع .. لكن البانجو عامل زي الملوخية الناشفة بالظبط ... وبالتالي تصور معايا حضرتك شخص معاه كيس ملوخية ممكن يبلعه كله بالكيس بالملوخية بالتقلية وكإن بؤه ده بلاعه مثلاً ... أبقوا معنا )

وتمكن أفراد الشرطة من الإمساك به، وأثناء اقتياده إلى سيارة الشرطة سقط منهم على الأرض، مما أدى إلى ارتطامه بالأرض، فاقداً الوعى، اتصل أفراد الشرطة بسيارة الإسعاف التى حضرت بعد ١٠ دقائق وأثناء قيام المسعف بمعاونة أفراد الشرطة بحمله إلى السيارة وقع منهم واصطدم بباب السيارة، [/ مما أدى إلى إصابته بالذراع وأسفل العين اليمنى. وأضاف المحضر أنه تم نقل الضحية إلى المستشفى ولكنه كان قد فارق الحياة. ( إيه خير يا جماعه .. ده أنتو كنتوا ماسكين كوره بقى بتدحرج منكم وعماله تخبط نفسها في الأرض وتخبط نفسها في باب عربية الأسعاف ... أبقوا معنا )

بدأت النيابة العامة تحقيقاتها فى الواقعة بأن قررت تشريح الجثة لمعرفة سبب الوفاة. وانتقلت لمعاينة المكان وحددت الأشخاص الذين شاهدوا الواقعة، وبناء عليه طلبت إستدعاء كل من صديق الضحية وشهرته «محمد حشيشة"" وموظف بإحدى شركات البترول ( طبعاً اومال يقفلوا القضية إزاي ... لازم صديقة المفضل يبقى اسمه محمد حشيشه ... وصاحبة الأنتيم يبقى أسمه على أفيونه .. وكده يعني ... خليك معانا ما تروحش في أي حته ) . وصاحب السيبر وحارس العقار والمسعف وعامل المشرحة والطبيب وأهل المتوفى.

كان صديق الضحية أول من بدأت النيابة بالاستماع إلى أقواله، وقال إنه وصديقه «الضحية» خالد كانا متواجدين داخل سيبر بالقرب من مسكنهما. وأثناء جلوسنا - الكلام على لسان الصديق - شاهدت «خالد» يفزع من مكانه مسرعا تجاه الباب. وعرفت أنه يريد الهروب من مخبرين كانا فى طريقهما إلى السيبر.

وأخرج «خالد» لفافة بانجو كانت داخل ملابسه ووضعها فى فمه. أسرعت إليه ونصحته بعدم ابتلاعها ولكنه لم يهتم وابتلعها. وقبل خروجه مسرعا من الباب أمسك المخبران به وطرحاه أرضا وتدخل عدد من الموجودين فى محاولة للدفاع عنه وإنقاذه من الشرطة. إلا أن المخبرين رفضا تركه واستمرا فى ضربه. مما دفع صاحب السيبر إلى دفعهم خارج المكان قائلا «اضربوه بره المكان.. مش ناقصين مصيبة».

وأكمل الشاهد كلامه: بعدها اصطحبه المخبران إلى الخارج، وكان يبدو على خالد أنه فاقد الوعى بسبب ما ابتلعه، وفجأة سقط منهم على سلم المنزل المجاور ( والله عسل وفيلم هندي عظيم ... بيقول لك بقى السبب إنهم أخدوه للبيت المجاور .. إن خالت واحد من المخبرين دول ساكنه في البيت ده .. فالراجل قال صلة رحم وكده أروح أزور خالتي بالمره طالما أنا جنب البيت .. لإن الخالة والده .... فخدوا خالد معاهم وهو ميت وكده يعني عشان يسلم على الست وياخد واجبه برضوا ) ، مما أدى إلى ارتطامه فى السلم وحجر موجود فى المكان، ظن المخبران أنه يحاول التلاعب بهما، لكنه فقد الوعى ولم يحرك ساكناً، وهو ما دفع الأهالى إلى إجبار المخبرين عن التوقف عن ضربه وإخطار الإسعاف لإنقاذه، وحضرت سيارة الإسعاف وسيارة شرطة بعدها ( نركز مع بعض الله يكرمكم .. وأفتكروا الجُملة دي ) بها ضابط وعدد من المجندين وطلبوا من الأهالى أن يبتعدوا عن المكان.

ويكمل الشاهد فى التحقيقات: هذا المشهد أثناء وقوع خالد على الأرض كان آخر شىء أشاهده بالنسبة لى.

وبناء عليه قررت النيابة صرفه واستدعت صاحب «السيبر» الذى أكد فى تحقيقات النيابة التى جرت بإشراف المستشار ياسر الرفاعى، المحامى العام لنيابات الإسكندرية، أنه بعد حضور المخبرين إلى المكان والاعتداء بالضرب على الشاب، طالبهم بالخروج من المكان، وأنه اتصل بالإسعاف بعد أن شاهد الضحية يرتعش وينتفض على الأرض، وأجبرت الشرطة المواطنين الذين تجمعوا على مغادرة المكان ولهذا لم يشاهد أحد من الأهالى شيئاً بعد ذلك.

وأكد حارس العقار «يوسف على»، ما قاله الصديق وصاحب السيبر حول الواقعة، أنه شاهد دماء على سلم العقار فى اليوم التالى، وقام بغسله، وأكد أنه بعد خروجهما به من المحل اصطحباه إلى مدخل العقار الذى يقوم بحراسته

واستدعت النيابة المسعف الذى حضر بسيارة الإسعاف إلى المكان لنقل الضحية إلى المستشفى، وقال: تلقيت إشارة من غرفة إسعاف الإسكندرية بالتوجه إلى مكان الحادث، وبمجرد الدخول إلى الشارع شاهدت تجمهراً لعدد كبير من المواطنين ولم أكن أعلم ما سبب الحادث، فنحن ننتقل إلى المكان بسرعة لإسعاف المريض بغض النظر عن التفاصيل، وشاهدت الشرطة تحيط بالمكان، ( ما ترسوا لكم على رأي ... مين اللي جه الأول الشرطة ولا الإسعاف ؟؟؟ ) وطلب الضابط نقل شخص كان ملقياً على الأرض، أنزلت السرير وساعدنى اثنان لا أعرفهما فى وضعه على السرير.

وكانت حالته سيئة ويرتعش وبه إصابات فى الوجه والذراعين. حاولت إسعافه بفتح فمه بعد أن أخبرنى بأنه ابتلع كيساً به مخدر إلا أننى فشلت بسبب سوء حالته وطلبت نقله بسرعة إلى المستشفى. وأثناء وضعه على السرير انتفض مما أدى إلى سقوطه وارتطامه بحافة باب سيارة الإسعاف مما أدى إلى إصابته فى الذراع اليمنى ولم يرتطم فى وجهه.

فيما أكدت الأم ليلى مرزوق فى التحقيقات أن ابنها يعيش بمفرده فى شقة بالمنطقة، وأنه يشترك مع أصدقاء آخرين فى إنشاء شركة استيراد وتصدير، وأنها فوجئت بصديقه يوم الحادث يتصل بهم فى المنزل ويخبرهم بما حدث، ويؤكد أنه فى حالة غيبوبة بالمستشفى، أسرعت وابنها وعدد من الجيران إلى المستشفى وهناك عرفت أنه توفى، وبمجرد أن شاهدت الجثة فوجئت بدم وكدمات وإصابات بها.

وسألتها النيابة عن تعاطى ابنها الضحية مخدراً من عدمه فردت الأم «زى باقى الشباب فى الإسكندرية يمكن يكون بيشرب معاهم بس مش كتير.. على فترات بعيدة». ( فعلاً أنا سمعت الست بتقول كده على إبنها .. حتى بالأمارة كررت ما قالته أم وزوجة قتيل بورسعيد اللي حرس مبارك قتلوه لما كان رايح يعطي ورقة فيها مطالب للرئيس وهو يمر بسيارته في زيارته للمدينة . وجابوا أمه وزوجته وقالت بالنص - آه وكتاب الله يا جماعة - أحسن اللي خلصتونا منه ... )

واتهم أحمد، شقيق الضحية، فى محضر التحقيقات المخبرين بقتله عمداً بعد أن عذباه بالضرب أمام أعين الأهالى، وأرجع سبب تعديهما عليه بالضرب إلى قيام أخيه الضحية بنشر فيديو متداول فى الإسكندرية يظهر عدداً من المخبرين والضباط أثناء تقاسم المخدرات بعد ضبطها فى إحدى القضايا.

واستمعت النيابة لأقوال عامل المشرحة الذى استقبل الجثة بعد ساعات من الحادث، وسألته النيابة عن الإصابات التى كانت متواجدة بالجثة أثناء وصولها إلى مقر المشرحة، فأكد أن الجثة كان بها كدمة أسفل العين اليمنى وكدمات فى أنحاء متفرقة بالوجه والبطن، والذراع اليمنى والقدم اليسرى وجرح فى الشفة السفلى، وآثار رغاوى على الفم. ( أخص عليك ما تقولش كده يا عامل يا حقير .. ده يابني نتيجة إنه كان بيتدحرج منهم وهما واخدينه على البوكس معزز مكرم وجايبن له ح ساندوتشات كومبو من ك ف سي )

كما استمعت النيابة لأقوال الدكتور أكرم شحاتة، الطبيب الشرعى، الذى أعد تقرير الطب الشرعى، وأكد أن ما سيقوله جاء فى التقرير الذى سلمه إلى النيابة، وهو أن التشريح ومن قبله المناظرة للجثة، أثبتا وجود سحجات بالكوع والركبة إثر الارتطام بالأرض وكدمة أسفل العين اليمنى ويرجح حدوثها نتيجة الارتطام بجسم صلب، كما أثبتت المناظرة وجود سحجات فى القدمين يرجح حدوثها نتيجة السحب على أرض خشنة ( هانغلط بقى .. كده المحافظ هايتلط في الموضوع والناس تعمل مظاهرات وتلومه إنه ما بيسفلتش الشوارع كويس عشان الشرطة لما تسحلنا تبقى الأرض ناعمه وكلها حنيه على رجلنا ) . أما فيما يتعلق بسبب الوفاة فجزم الطبيب أن سببها يرجع إلى إسفكسيا الخنق نتيجة انسداد القصبة الهوائية للضحية.

واستدعت نيابة استئناف الإسكندرية، أمس، ليلى مرزوق والدة خالد سعيد بعد قرار المستشار عبدالمجيد محمود، النائب العام، بإحالة القضية إلى نيابة الاستئناف.

وأمر المستشار ياسر رفاعى، المحامى العام الأول لنيابات الاستئناف، بالاستماع إلى أقوال والدة خالد مرة أخرى، إلى جانب استدعاء حارس العقار المجاور «للكافيه نت» والذى قال محامى الضحية إن الشرطيين اصطحباه إلى داخله وتعديا عليه فيه، ( ييييييه .. لأ يا حبيبي .. ما تتعبوش قلبنا .. قلنا المخبر كان رايح يزور خالته ... يزور خالته عشان كمان يهنيها بقدوم شهر رجب المبارك . .. افهموا بقى ) بالإضافة إلى مسعف سيارة الإسعاف التى حضرت إلى موقع الحادث بناء على استدعاء الشرطيين له لسؤاله حول الحالة التى كان عليها «المتوفى» وقت وصوله والإصابات التى كانت بالجثة وقتها، وكذلك الاستماع إلى أقوال «فكرى» و«الفلاح» الشرطيين بقسم شرطة سيدى جابر المتهمين بضرب «خالد» وقتله.

وأكد مصدر قضائى لـ«المصرى اليوم»، أنه تقرر تشكيل لجنة ثلاثية من الطب الشرعى لاتخاذ قرار بإعادة تشريح جثة المتوفى من عدمه، وهذا يتوقف على نتائج التحقيقات التى يجريها المستشار أحمد عمر، رئيس نيابة الاستئناف وأقوال شهود الواقعة.

كانت نيابة الاستئناف قد تسلمت أمس تقرير الطب الشرعى فى وفاة «خالد سعيد» وثبت منه أن الوفاة حدثت نتيجة إسفكسيا الخنق بسبب انسداد القصبة الهوائية لابتلاعه لفافة بانجو. وأشار التقرير إلى وجود بعض الإصابات فى جثة الضحية عبارة عن سحجات وكدمات بالكوع والساعد يرجح حدوثها نتيجة الوقوع على الأرض وكدمة بالعين اليمنى نتيجة الاصطدام بجسم صلب. وانتهى التقرير إلى أن الإصابات الموجودة بالجثة لا يمكن أن ينتج عنها الوفاة.

وقال مصدر أمنى إن الشاب خالد محمد سعيد الذى أثيرت حول وفاته العديد من المغالطات، لم يؤد الخدمة العسكرية وهرب منها ٤ سنوات وشهراً و٣ أيام، وتمت محاكمته عسكرياً بسبب هروبه من الخدمة، وفصله منها ومنحه شهادة خدمة رديئة، وأن هذا لا يتنافى مع بيان وزارة الداخلية، الذى أكد هروبه من أداء الخدمة، وأنه تمت محاكمته داخل السجن بسبب حيازته للمواد المخدرة بقصد التعاطى داخل المعسكر، وفى الوقت ذاته حصلت «المصرى اليوم» على الشهادة الخاصة بتأدية خالد الخدمة العسكرية.

وأضاف المصدر أن خالد تم تجنيده ٢ يناير ٢٠٠٢، ومحاكمته فى الدعوى رقم ٨٨١ لسنة ٢٠٠٣ كلى محكمة النزهة بالقضاء العسكرى فى القاهرة بسبب حيازته لمادة مخدرة بقصد التعاطى، داخل المعسكر، بما يخالف الضبط والربط العسكرى، والحكم عليه لمدة ٣ أشهر، مع الشغل والنفاذ، وأن المحكمة صادرت المادة المخدرة، وصدر الحكم بجلسة ٢١ يناير ٢٠٠٤، وتم التصديق عليه بجلسة ٨ مارس ٢٠٠٤.

وأوضح المصدر أن خالد تمت محاكمته فى الدعوى رقم ٣٣٣ عليا مركزية لسنة ٢٠٠٨ الإسكندرية، بجلسة ٦ أبريل ٢٠٠٨، بسبب الهروب من الخدمة، وأن المحكمة حكمت عليه بالحبس لمدة عام واحد مع الشغل والنفاذ، وتم التصديق على الحكم ٦ أبريل ٢٠٠٨، وتم رفته من الخدمة بعد استيفائه شروط الرفت الانضباطى الوجوبى فى نفس تاريخ التصديق على الحكم ومنحه شهادة خدمة رديئة برقم ٤٤٤٩٨/٢١٣٣/٢٠٠٨، وتسليمه الشهادة ٢٨ أكتوبر ٢٠٠٨.

وحصلت «المصرى اليوم» على نسخة من شهادة التجنيد الخاصة بـ«خالد» تفيد بأدائه الخدمة لمدة عامين و١٧ يوماً، وإنهائها فى ٦/٤/٢٠٠٨ بقرار من لجنة الرفت الانضباطى بشهادة «خدمة رديئة».

[زعلان]

خلوا بالكم بعدين الي حيتنفخ في قسم الشرطة ويتحط على الخابور ويموت حيطلع تقرير طبي انه كان شاذ جنسيا وبيمارس الشذوذ بلا تمييز و انه معتاد على الدعارة و مات نتيجة تهتك في فتحتة الشرج والاحشاء الداخلية لما شاف خابور مصدي ومقدرش يقاوم وراح قاعد عليه ده مصيرنا يا شعب مع زبانية مبارك

[زعلان]

وحيجيبوا صاحبه توتو يشهد انه قال للضابط و حياة سوسو لاوديكم في داهية و راح جاري و قاعد على الخابور المصدي

[زعلان]

دعوه وحملة لوضع صورة الشاب المصري خالد على كل السيارات الخاصة و الاجرة في كافة انحاء مصر فهي ترهب الشرطة و تخيفهم دعوه صورة مقاس A4 على كل السيارات بس مش اكثر من كده الصورة ده حترعب النظام

[om marawan]

الأخت أم مروان

بعيداً عن تفاصيل التشريح اللي عفواً لست مقتنعاً بها ..

فمثلاً لمعرفة سبب الوفاة بأسفكسيا الخنق .. يتم تشريح الصدر والرئتين .. متفق معكي ..

لكن بديهياً .. الفك يتشرح ليه ؟

والأّذن تتشرح ليه ؟

والتورمات حول العينين ... دي نتيجة إيه ؟

أخى الفاضل سين سين

اولا أشكرك ان حضرتك مازعلتش من كلامى او اعتبرتنى من حراس السلطة لانى لا أدافع عنها

انا طبعا لم أقصد ان كل التفاصيل اللى فى وجه او جسد خالد رحمه الله نتيجة التشريح انا قصدت انه مافيش كمان مصداقية من النقل اللى جاء على لسان الشباب وده مش فى صالح القضية والله ولا فى صالح الرأى العام

الناس فى بلدنا تميل لتصديق روايات التضليل وعندما يثبت ان رواية الشرطة المضللة فيها شىء من الحقائق قد يؤدى الى تصديقهم للرواية بأكلمها ونكون خسرنا كتير

وكذلك ممكن العكس ان انكار الناس لكل ماجاء فيها يجدوا ان البعض من هذه الرواية اقره النائب العام فيؤدى الى فقدان الثقة فى النيابة العامة وفى وجود العدل على الاطلاق ونرجع نسمع بصوت اعلى نبرة الكره للبلد والمجاهرة بعدم الولاء ومش بعيد ناس منهم تصحا يلاقوا ولادهم بقوا جواسيس

لذلك تحرى الصدق فى النقل عما يقوله الشهود او الاطباء اساسى لكسب الراى العام بشكل اوسع واكبر

ورغم بشاعة الموقف لكن جهاز الشرطة اللى زى ماضحى قالت بيحمونا بقالنا سنين ومش منطقى نفقد الثقة فيهم عشان حوادث فردية مهما كانت صعوببتها لانهم زيهم زي كل المهن اللى فيها " بعض " الاطباء معدومى الرحمة و" بعض " المهندسين الغشاشين و " بعض " الموظفين المرتشين واللى كل دول تصرفاتهم وجرايمهم بتؤدى الى مقتل ناس فى كتير من الاحيان وضياع حقوق ناس اكتر

كلام مش صحيح بالمره وأسف يعني مغلوط

فأنا لا أساوي موظف بياخد عشرة جنية رشوى أو مهندس غش في مواد بناء مسكن أو خلافه ..

بشخص أعطت له الحكومة الديكتاتورية سُلطة مُطلقة ليقوم بإنتهاء أعراض الناس بشكل مُنظم .. وبشكل يومي ..

اتحدى تروحي قسم شرطة حضرتك وتستحملي اللي هاتشوفيه وهاتسمعيه حواليكي ....

يا فندم الشخص العاقل السوي أكرم له يموت في عمارة أساساتها مغشوشة وأهي موته والسلام ..

على أنه زوجته تُختطف أو هو يُختطف داخل قسم شرطة لتُفعل به الفاحشة لسحق شخصيته ..

إيه كل ده يتساووا عند البعض ؟

وهل تجاوزات الشرطة حالات فردية ؟

أبداً وعزة جلال الله .

لكنها تجاوزات ممنهجه ومنظمة لزرع الخوف تحت جلد الشعب المصري لكي لا يفتح فمه على اي فساد ..

وأدينا بنشوف اللي بيحصل في المظاهرات من قوات الأمن المركزي .. والأفظع منهم البلطجية اللي متأجرين .. والأفزع منهم جميعاً الشرطة اللي في ملابس مدنية ...

نحن هنا امام جهاز فاسد ..... ظالم .. لا له دين ولا مله ولا يخشى الله ......

إذن فردة الفعل هي ردة فعل طبيعية جداً .. وأنا أتفق مع الغاضبون اللي بيقولوا " إنه لو شاف ظابط شرطة هايقتله "

فإذا كانوا هم يقتلون الناس بغير وازع ولا تأنيب ضمير .... فمن الطبيعي أن يُقتلوا جميعاً بنفس الطريقة إلى أن يعودوا إلى رشدهم ويشعروا إن مثلهم مثل أي موظف يأخذ راتبه منا نحن الشعب .

وهناك من يقول : بس كده هاتبقى غابة ؟

يا سلام ..... وهو اللي بيحصل فينا ده كشعب " حديقة اسماك " مليئة بالأشجار والمناظر الجميلة ؟؟؟؟؟

ماهو " هم " مين

ده اللى انا قصدته

هل كل مانعرفهم من ظباط فى حياتنا اشتركوا فيما حدث ؟؟

انا لا اساوى ابدا المنحرفين فى اى مهنة عن المنحرفين من جهاز الشرطة لان السلطة اكسبتهم جنون ومرض مضاف الى ماهم عليه من عقد

لكن قصدت انه برغم البشاعة فهم " بعض " مش كل ظابط شرطة هاتعامل معاه او اتعاملت معاه بنفس العقلية المنحرفة المريضة

لكن اسلوب فرضهم للسلطة والتخويف و جرائمهم وتعدياتهم اللى بتخللى الاعتراض والامتعاض والثورة عليها أكبر

يعنى تخيل حضرتك اذا كانت السلطة اللى بيحصلوا عليها بهذا الحجم والافلات من العقاب قد يكون متوقع ومع ذلك مازال منهم من يخاف الله ولا يتعدون حدودهم فهل يتساوون مع وحوش النظام

وبالمناسبة حتى الموظف المرتشى بتاع العشرة جنيه ربما لو وضعت فى يده يوما سلطة رجل الشرطة يكون زيهم او اسوأ وكذلك المهندس اللى قبل فلوس عشان يموت ناس بدم بارد

خالص تحياتى لشخصك الكريم وسعة صدرك

[زعلان]

النظام مش حيقدر يحبس الشعب كله و الي بيخوف الشعب هو جزء من النظام خايف انه يخسر مش خايف ابدا على الشعب

يا اما نكون مع الشعب يا اما نكون مع النظام

انا مرة شخطت وهزأت عميد و رائد ونقيب و وقفوا مخضوضين في نص الشارع والنقيب عمال يسألني انت مين علشان كان في حاجة غلط و اعترضت عليها وقعدوا يبروروا انهم صاحيين و النقيب بييسأل بدهشة هو انت مين

و العميد واقف مخضوض

وسبتهم ومشيت وانا بلوح بايدي ومحدش فتح بقه

احنا الشعب ومن حقنا نصرخ و نعلي صوتنا و الله انهم جبناء

الي يشوف حاجة غلط بتحصل لازم يقف و يعترض ويصرخ و يقول للغلط غلط خصوصا من جهاز الشرطة احنا الي حنراقبهم من هنا ورايح و نمنعم انهم ينتهكوا حرمات الناس