خالد محمد سعيد "شهيد الطوارئ

[لولا]

غدا السبت ستقام صلاة الغائب على خالد عقب صلاة الظهر من مسجد سيدى جابر.

ياريت كل اسكندريه تصلى عليه ..

ياريت كل حد يقدر يسافر مخصوص عشان يحضر الصلاة يعمل كده من غير اى تردد..

ياريت تكون وقفه شعبيه ..

كفايه خنوع بقى ..كفايه سلبيه ..

كان ممكن فعلا خالد ده يبقى اخويا..

يبقى اخوك ..

يبقى حتى انا او انت او انت..

خالد هو احنا ..

اى حد يقدر يعمل حاجه لازم يعملها

بليز محدش يقرا الخبر وعنيه تدمع من الصور وقلبه يوجعه ويقول حسبى الله ونعم والوكيل وخلاص على كده

لو سمحت ادخل موقع جروب خالد فى الفيس بوك

انشر الرابط

شارك

ادخل موقع البرادعى.. اكتب فى الموضوع والحمله اللى اتفتحت لمحاسبه كل مسؤول عن دم خالد..

اعمل حاجه

اعملى حاجه

ارجوكم اعملوا حاجه خارج حدود الكلام

اعملوا حاجه يا جماعه

اعملوا حاجه عشان فعلا جاوز المتجبرون كل حد..

خمس دقايق من وقتك ادخل على المواقع دى وشارك

خمس دقائق من وقتكِ ادخلى على المواقع دى وشاركى

ممكن دقايق بس ؟؟

ممكن ؟؟

لولا

[fatfouta]

لسه بعد مقريت لخبر علطول من ضمن الافكار للى جت فى دمعى هو ان لو واحد اتظلم بالشكل ده ومافيش حد ف بلده انصفه طب يعمل ايه وبعدين قولت طب مش فيه حاجة اسمه حقوق انسان....يلجأ ليها بقى ويخد حقه

ولما قريت لخبر ده حسيت باحباط شديييييييد مش قادرة اوصفه.......هى فين حقوق لانسن دى يا ناس لم واحد يتدمر بالشكل ده؟؟؟؟

اقرأو معايا الخبر!!!!!!!!!

بعد ساعات من حادث الإسكندرية.. إشادة عربية بتقرير مصر لحقوق الإنسان!

اعتمد المجلس الدولي لحقوق الإنسان التابع للأمم المتحدة بشكل نهائي، تقرير مصر حول حالة حقوق الإنسان والذي عرضه الدكتور مفيد شهاب وزير الدولة للشؤون القانونية والمجالس النيابية، وذلك في إطار الاستعراض الدوري الشامل لملف حقوق الإنسان في الدول الأعضاء بالمجلس.

وقد أشادت الدول العربية في تعقيباتها حول ملف مصر بالجهود التي بذلتها الحكومة المصرية، والخطوات التي اتخذتها فيما يتعلق بالعمل على تحسين الأوضاع. ورحب مندوب الجزائر بالتقرير المصري، وثمن ما وصفه بالمساعي العملاقة التي قامت بها مصر في مجال حقوق الإنسان لاسيما تطبيق قانون الطوارئ على حالتين محددتين، كما رحب بقبول مصر بـ 21 توصية إضافية، مشيدا بالدور الفعال الذي تلعبه مصر في مجال تعزيز حقوق الإنسان.

وأكد مندوب المملكة العربية السعودية على الجهود التي بذلتها مصر، والخطوات التي اتخذتها بشأن تعزيز مسيرة حقوق الإنسان، كما أشادت معظم الدول العربية اليمن وقطر والإمارات بالدور الذي قامت به مصر بشأن تعزيز هذه المسيرة.

وطلبت الدول العربية في تعقيباتها بضرورة اعتماد ملف مصر، وعرض رئيس مجلس حقوق الإنسان تقرير مصر للتصويت عليه ولم يعترض عليه أحد.

يبقى كده بقى على رأى لولا خدعونا فقالوا حقوق الإنسان

[صافى]

حسبى اللة ونعم الوكيل اللة يرحمةو يجعل مثواة الجنة :blush2:

[لولا]

حقوق الإنسان ؟؟

انسان مين بس يا فتفوته ؟؟

هو احنا بنى آدمين أصلا فى نظر كلاب النظام النتن الفاسد ؟؟

بلد ماشيه بقانون الطوارىء وتعليمات للكلاب لنشر الرعب والخوف فى نفس المواطن وسحله وتعذيبه لدرجه القتل لما يطلب انه يتعامل كإنسان !!

انسان مش حيوان !!

لكن لما الكلاب المسعوره تلاقى مين يدافع عنها ويجهز التقارير لحمايتها ويفرج بعد ساعات عنهم يبقى ده ايه ؟؟

ياترى احس ايه لما اشوف شاب فى السن ده حصله كده "ايا كان السبب " ؟؟

ياترى يحس بايه كل شاب مصرى على ارضك يا مصر تعب ..تعب بجد واتخنق من كتر الظلم ؟؟

لولا

[لولا]

قبل ما تخرج من الموضوع من غير ما تشارك بكام دقيقه من وقتك فى الجروب المفتوح ع الفيس بوك لخالد او موقع البرادعى افتكر/افتكرى

مصر كل يوم فيها خالد بيتقتل على ايد الكلاب دول ومش كل خالد بتوصلنا صوره كده ونسمع عنه اصلا .

لما تعدى ع الخبر كده ومتحسش بمسؤليتك انك تشارك بشيء فى اى موقع خاص بالحادثه دى

خليك عارف وخليكى عارفه اننا كلنا قتلنا خالد مع الكلاب دول.. قتلناه بسلبيتنا مره والناس فضلت تتفرج من غير ما تتدخل

وقتلناه تانى دلوقتى لما استخسرنا كام دقيقه تعبر عن صوت بيرفض الظلم ويفضح الفساد .

كان فعلا خالد ممكن يكون اخوك ..او اخويا .. انا .. او انت ..

خالد هو كل شخص شريف اعتقد انه مواطن محترم ليه فى البلد دى حقوق

افتكر المسكين انه بنى آدم من حقه يتعامل بأحترام !!

لولا

[fatfouta]

اليو تيوب بتاع المظاهرة اللى عملوها الشباب احتجاجا على قتل الشهيد والشرطة بتضرب فيهم وبتقبض عليهم وبتجرهم جر فى الشارع عشان ماحدش يفتح بؤه ولا يتكلم ولا حتى يعترض

[لولا]

نقلا عن احد المواقع ..

وفى ذات السياق أكد أحمد محمد سعيد شقيق المجني عليه – أمريكي الجنسية - في تصريحات خاصة لـ"الشروق" أنه علم من أصدقاء المجني أنه توفي إثر عمليه تعذيب تعرض لها على يد 2 من مخبري سيدي جابر، أثناء تواجده داخل "النت كافيه" على الفور ذهبت إلى المقدم عماد الدين عبد الظاهر رئيس مباحث قسم شرطة سيدي جابر للسؤال عن سبب القبض على شقيقي، أجابني أن شقيقي مدمن الأقراص المخدرة، وأرجع سبب الوفاة هو تناوله كمية كبيرة من الأقراص المخدرة داخل الحجز.

وأضاف في تصريحاته لـ "الشروق" أن أخي لم يتم حجزه في هذه الليلة بالتحديد داخل القسم أو غيرها، وأنه حسن السير والسلوك ويتمتع بسيرة طيبة بين جيرانه ومحبوب من جميع أصدقائه ومعارفه.

وأوضح شقيق المجني عليه قائلا: "عقب سماعي اتهام القسم لشقيقي توجهت على الفور إلى السفارة الأمريكية وأخطرتها بالواقعة بصفتي مواطن أمريكي قد يحميه الجواز الأمريكي بدلا من الجواز المصري الذي يهين أبنائه، مؤكدا إنني لن أتنازل عن حق شقيقي".ووجه أحمد رسالة من خلال "الشروق"، إلى الرئيس محمد حسنى مبارك مطالبا فيها بصفته مواطن مصري وليس مواطن أمريكي بحق شقيقه المجني عليه الذي ضاعت حياته على يد مخبرين لا يملكون قدر من الرحمة والإنسانية، كما طالب اللواء حبيب العادلي وزير الداخلية أن يعاقب المخبرين المتسببين في الحادث، مؤكدا أن أمثال هؤلاء يحصدون كراهية الشعب لرجال الشرطة.

اهو البسبور الأجنبى دوت لو كان معاك يا خالد كانت بقيت ليك قيمه فى بلدك واعترفوا بيك بنى آدم !!

عاش السيد رئيس الجمهوريه ..

عاشت وزارة الداخليه

ادام الله علينا نعمه وزراه العدل

الناس دى مش هتغزى فى خالد ولا ايه ؟؟؟

ولا ليه بس .. الناس مقامات طبعا يجى ايه خالد ده جنب حفيد الريس اللى البلد اتقلبت لما مات موته ربنا .

الله يرحمك يا خالد..

اللهم احتسبه فى الشهداء وادخله فسيح جناتك.

هما الشيوخ فين ياترى من الكلام عن دم خالد ؟؟

ولا دم خالد رخيص كمان عند دول ؟؟

اللهم انت المطلع .

انا لله وانا اليه راجعون وحسبنا الله ونعم الوكيل .

لولا

[fatfouta]

ده جروب تانى اهو لخالد عالفيس بوك لما تدخلوا هتشوفوا جارته بتتكلم عن اخلاقة اذاى

http://www.facebook.com/ElShaheeed?v=wall#...104570642926142

ودى صورة لاهله اخوه ووالدته واخته الكبيرة وسبحان الله عالسكينه اللى نازلة عليهم

رينا يصبرهم

تم تعديل 11 يونيو 2010 بواسطة fatfouta

[aimen]

ممكن حد بقى يعرفنى يعنى ايه كلمة وطن ؟ لا امن على نفسى فيه

ممكن حد يعرفنى حضارة ال7000 سنة اللى قرفتونا بيها

ممكن حد يعرفنى ازاى احب بلد كل ما اقرب منها تهينى

ممكن حد يعرفنى ناقص ايه ؟

ممكن حد يعرفنى ازاى اعلم اولادى حب مصر وانا خايف من مصر ؟

ممكن حد يعرفنى احنا ليه بنعمل فى بعضنا كده ليه ؟

أنا مش عارف أقولك ايه يا مصر , بس مش هضحك عليكي و أقولك اني بحبك لأني خايف أهو .. عايش مرعوب .. كرامتي دي بقت .. عاملة زي ربع الجنيه الفضة .. قاعد يصغر و بيختفي أصلا .. و اذا كنت عايش خايف و من غير كرامة و حاسس اني ناقص لأني مصري .. و حاسس بأن الدنيا عندنا أصعب بكتير من أي حتة تانية .. و بعدين يا مصر تضحكي عليا و على أحلامي المتواضعة بكاس أفريقيا و لا بشم النسيم و لا بالأهرامات و الحاجات دي عشان أقول اني بحبك؟

لأ

أنا اسف جدا , أنا مش بحبك

النهاردة .. أنا بكرهك .. و ما تقوليليش أحل حاجة لأنك دمرتي حبة العزم اللي فيا خلاص و متقوليليش لازم أحاول لأن دا ابتزاز صريح و اغتصاب علني ليه و لشرفي و لتفكيري , و متقوليليش عاطفة المصريين مع بعض و حب الناس لي بعض و تضحكي على بكلمتين , أنا بموت في الناس , كلهم مرعوبين زي .. مرعوبين منك .. بس معلش أنا بكرهك انهارده

دا مش استسلام قد ما هوه أمر واقع .. دي مش حاجة أنا عايزها ف بعملها .. لأ دي حاجة أنا صحيت لقيتها جوايا

مصر .. انا بكرهك النهارده

مصر انا بكرهك

تم تعديل 11 يونيو 2010 بواسطة aimen

[fatfouta]

لا يا ايمن مش هقدر اقول بكرهها ولا هقدر اكرهها طول عمرررى

انا كارهة الرئيس

كارهة النظام

كارهة الفساد

كارهة الوزراء كلهم

كارهة السلبية بتاعتنا

كارهة الظلم

كارهة السكوت وكفاية كده بقى

لكن مصر مستحيل اقولها ولا اقدر انطقها ابداااااااا ...............كلمة بكرهها دى

لما بعض بقوا يكرهوكى يا بلدى يبقى هيبقالك مين؟؟؟؟؟؟؟ ماتخافيش لسه فيه ناس بتحبك وباقية عليكى

لك الله يا مصر

[لولا]

ممكن حد بقى يعرفنى يعنى ايه كلمة وطن ؟ لا امن على نفسى فيه

ممكن حد يعرفنى حضارة ال7000 سنة اللى قرفتونا بيها

ممكن حد يعرفنى ازاى احب بلد كل ما اقرب منها تهينى

ممكن حد يعرفنى ناقص ايه ؟

ممكن حد يعرفنى ازاى اعلم اولادى حب مصر وانا خايف من مصر ؟

ممكن حد يعرفنى احنا ليه بنعمل فى بعضنا كده ليه ؟

أنا مش عارف أقولك ايه يا مصر , بس مش هضحك عليكي و أقولك اني بحبك لأني خايف أهو .. عايش مرعوب .. كرامتي دي بقت .. عاملة زي ربع الجنيه الفضة .. قاعد يصغر و بيختفي أصلا .. و اذا كنت عايش خايف و من غير كرامة و حاسس اني ناقص لأني مصري .. و حاسس بأن الدنيا عندنا أصعب بكتير من أي حتة تانية .. و بعدين يا مصر تضحكي عليا و على أحلامي المتواضعة بكاس أفريقيا و لا بشم النسيم و لا بالأهرامات و الحاجات دي عشان أقول اني بحبك؟

لأ

أنا اسف جدا , أنا مش بحبك

النهاردة .. أنا بكرهك .. و ما تقوليليش أحل حاجة لأنك دمرتي حبة العزم اللي فيا خلاص و متقوليليش لازم أحاول لأن دا ابتزاز صريح و اغتصاب علني ليه و لشرفي و لتفكيري , و متقوليليش عاطفة المصريين مع بعض و حب الناس لي بعض و تضحكي على بكلمتين , أنا بموت في الناس , كلهم مرعوبين زي .. مرعوبين منك .. بس معلش أنا بكرهك انهارده

دا مش استسلام قد ما هوه أمر واقع .. دي مش حاجة أنا عايزها ف بعملها .. لأ دي حاجة أنا صحيت لقيتها جوايا

مصر .. انا بكرهك النهارده

مصر انا بكرهك

ليه يا ايمن ما بدأتش الإقتباس من هنا :lol:

--

بصراحة أنا مش شايف حاجة مقززة أكتر من انك تصحي الصبح بعد البشاعة اللي بتحصل دي و تضحك عليا و على نفسك و تقول انا بحب مصر .. بجد .. بجد عشان خاطري .. كفاية قلة ذوق. و على فكرة أنا عارف ان انا بعمم بس معلش يعني اذا كنت مش هعمم هنا اممال هتنيل على عيني اعمم امتى؟ ها؟ بقالنا عشرين الف سنة بنقول كفاية تشائم .. البلد لسه بخير .. لسه في أمل .. بلاش نعمم

لأ معلش .. أنا شايف التعميم هنا أقل حاجة خالد يستحقها لأن دي خيانة عظمى .. لما أشوف الولد و هو وشه مشوه و متكسر بالطريقة المرعبة دي و بعدين لساني يطاوعني و أقول فيه أمل؟ دي مش بس قلة ذوق لأ دي خيانة كمان و استنكار و تخلف أزلي و بصراحة حاجة مقززة .. عاملة كده زي لما تشوف واحد بيكذب عليك و هو عارف انك عارف انه بيكذب عليك بس برده بيكمل الكذبة بتاعته ..

----------

اول مره فى حياتى بجد اوصل للمرحله دى من الغضب والوجع والإحساس ان المصرى رخيص كده ومهدد داخل بلده وكأنه تحت حكم صهيونى !!!.

تفتكروا مين اللى مفروض يتحاسب فعلا ؟؟؟ الكلاب الخسيسه اللى عملت فيه كده ؟؟

ولا اللى تعبنا واحنا بنقوله كفايه .. كفايه بقى ..كفايه ياشيخ خاف ربنا شويه فى البلد اللى عملت فيها كده

خاف ربنا شويه فى كل بنى آدم قتلته بإيد كلاب الحراسه بتوعك حراس النظام

خاف ربنا شويه بقى كرهتنا فى بلدنا يا شيخ ..كرهتنا فى كل حاجه .

معليهش يا فتفوته مش الليلادى اللى هقول فيها انا بحبك يا مصر !!!

انا الليلادى قلبى ما فيهوش حب .. قلبى فيه وجع .. وجع وبس .

لولا

[لولا]

مفروض انى حنام .. لكن مش عارفه فى ليله زى دى سواد الليل حيبقى فى ظلمة الأوضه ولا فى ظلمة قلبى المحفورة فيه صور شهيد الكرامة المصريه

المنحوره ..الظاهر من زمان وانا مكنتش بحب اركز قوى !!

طب هعرف انام ؟؟

طب لو نمت هحلم بخالد الشاب المبتسم الملىء بالحياة والأحلام واللى كان فاتح حضنه للحياة ولا خالد الجثه المشوه المسحول؟؟

وياترى الصبح هلاقى حد بيقولى الحل ايه ؟؟

هلاقى حد بيقولى ان فى حل اصلا ؟؟

وبكره .. بكره هعمل ايه ؟؟ هيبقى يوم تانى بستنى فيه اللحظة اللى انزل فيها اجازه واخد كل حاجه فى حضنى من لحظة وصولى المطار؟؟

ولا يمكن كلها كام يوم وانسى !!

آه طبعا انسى هو انا اللى هشيل همك يا مصر !! يوووووووه هى ناقصه خنقه !!

ما هى حادثه زى مليون مليون حادثه مش بنسمع عنها من اساسه !!

وحل ايه اللى هيحصل ؟؟ طب قولى معجزه !!

الحل ان النظام كله يتغير .. ان شرفاء البلد يا خدو فرصه يرجعوا الأمل ويستحقوا الكراسى بتاعتهم باختيار الشعب وبمحاسبه من الشعب وبضمير يخدم الشعب

بس النظام هيتغير امتى ؟؟

يوووووه كمان بتسألى ؟؟

نظام ايه بس اللى يتغير وعشان مين ؟؟

هتقولى عشان الشعب ..

طب طزززز فى الشعب !!!

يموت الشعب يا شيخه !!

يموت الشعب

المهم الريس

المهم ماما سوزان

المهم علاء

المهم جمال

المهم ولادهم

المهم حبابيبهم

كل دول يعيشوا فى كرنفال الحكم الرئاسي الديموقراطى اللى مالوش نهايه ..

دول هم اسياد الشعب !

دول هما اصحاب مصر !!

شعب ؟؟؟ !!

ياشيخه ضحكتينى .. الشعب مات من زمان !!

عاش الريس يا جماعه ..

عاش الريس

مش بتقولوا ورايا ليه ؟؟ :lol:

لولا

[ذهبية]

اليوم كرهت اسمى فى البطاقة و مكتوب جنبها الجنسية مصرية ياااااااة كم نطقها يعتصر قلبى

كم انا حزينة انى ولدت فى الحياة وجدت ابى و امى مصريين

الم يكن اشرف لى ان اكون تركية او امريكية او هندية او صينية انجليزية

كم اشفق على اولادى و ااسف لهم انى ولدت مصرية وليس عيب فيا ....اجدادى يتحملوا هذا العيب معى

لماذا لم يرحل احد منهم لاى بلد لتغير جنسيتهم

لن اقول هناك غدااا لن اقول فية امل

نهايتك داخل بلدتك اتين لا ثالث لهم لا تنتحر لا تموت بايديهم

وصية سوف اكتبها لاولادى

امشوا من هنا سبوها سبوهاااا

مفيش فيها امل مش عايزة افقدكم يا ولادى

مش عايزة اكبر و اتعب و ملقيش

يا حسرة قلب امك يا خالد يا تعب السنين الى راح هدر يا ابنى يا اللى شوفت الدنيا بعيونك و اربيك علشان تودينى مش انا الى اوديك ربنا يصبر قلبها و احساسها

سبوها الى طايل يسبها يسبها مفيش اى بكرة مفيش اى امل

السرطان انتشر فى كل الاعضاء و البتر مش هيعالج ولا دوا هينفع

[Howayda Ismail]

والله ياناس العيب مش فى البلد ولا ناسها العيب فى الحثالة اللى مسيطرة على كل حاجة فى البلد واول سيطرة على افواهنا

كاتمة انفسنا خنقة احلامنا العيب فى استسلامنا للامر الواقع العيب فى خوفنا اللى قزمنا وجعل مارد الظلم والقهر يقوى يوم بعد

يوم الحل ان احنا نفوق من سبات الموتى اللى احنا فيه نسيب خوفنا على لقمة عيشنا ونفكر فى ارواحنا المسجونة قبل بطونا

الجائعة الموت من الجوع مع كرامة اشرف الف مرة مع تخمة مع مهانة .

عقمت احلامنا فرضينا بالامر الواقع واجهضوا احلام ولادنا لكن برضه الامل فى الله كبير و لكن الله لايغير ما بقوم حتى يغيروا من

انفسهم البداية مننا فلا نتواكل ونرجع نقول مافيش امل

[unlimitedsmartness]

إلى جهنم إن شاء الله

[se_ Elsyed]

يا نهار مش فايت ..

يعني الولد عليه كمية أحكام وجرايم تخليه ياخد إعدام مستريح ..ده ولا خُط الصعيد في زمانه

الأهم بقى .. وزارة الداخلية بتقول إن أهله ألتقظوا الصورة المشوهه له بعد تشريح الطب الشرعي ..

من أمتى لا مؤخذه الطب الشرعي بيشرح وش الميت ويخلع له سنانه ويعمل وشه خريطة ؟

صورة الفقيد قبل التعامل مع الشرطة اللي في خدمة تشوية الشعب

أسف لبشاعة الصورة ...

وحسبنا الله ونعم الوكيل في كل ظالم وكل مشارك في الظلم ... وبإذن الله نشوفهم في قاع الجحيم

[the consultant]

عارفين المنطقة اللي اتقتل فيها الشاب ده انا إتربيت فيها و السايبر اللي إضرب فيه ياما قعدت فيه و القسم اللي لامم شوية البهايم دول ياما دخلته بصفتي محامي، و أكتر من كدة كمان انا عمري زي عمره بالظبط، انا اسف في اللي انا حقولة بس مصر مبقتش مصر بتاعة ابويا و ابوك، و هو ده اول واحد يموت لا والله ، اللي يدخل منكو اقسام الشرطة حيشوف فعلا اد ايه الناس دي مش بني ادمين و لا حتى حيوانات دول اوطى من الحيوانات. و انا كان لازم امشي عشان انا هنا قيمتي عالية و محفوظة و كان لازم امشي عشان ابني ميحصلوش اللي حصل كان لازم امشي عشان انا ميحصليش اللي حصل، انتو فاهمين يعني ايه بعد ما حضرتك صرفت و اتعلمت و اخدت ماجستير و كمان ماجستير و بقيت ادام نفسك و قدام الناس استاذ في القانون و بعدين تيجي تدخل قسم تحاول انك ما تستفذش امين شرطة أو مخبر أو تحاول انك تشتري القسم بالفلوس عشان يدولك برستيجك في جنينة الحيوانات و قدام الباشا اللي معلوماته القانونية لا تساوي ذرة في معرفتك و محدش يقولي إرجع مصر...!!!!!!!

هو ايه اللي حيحصل بردة شجب و مظاهرة و تنديد و مطالبة بالحرية ، يا جماعة الشعب خايف. و على فكرة العيب في النظام ،اه بس النظام مش مبارك و اعوانه و لا اقسام الشرطة، النظام هو 80% من الشعب المصري اللي اتسعر للاسف و نسى مميزاته بتاعة زمان من شهامة و اصالة و رجولة خلاااص، و بقى مع الاسف واطي و حرامي و مرتشي و جبااان و ظالم.

انا عن نفسي فقدت الثقة في بلدي. و مصر عندي هى عائلتي و رابطة الاسلام تعلو على رابطة الوطن.

[Howayda Ismail]

عارفين المنطقة اللي اتقتل فيها الشاب ده انا إتربيت فيها و السايبر اللي إضرب فيه ياما قعدت فيه و القسم اللي لامم شوية البهايم دول ياما دخلته بصفتي محامي، و أكتر من كدة كمان انا عمري زي عمره بالظبط، انا اسف في اللي انا حقولة بس مصر مبقتش مصر بتاعة ابويا و ابوك، و هو ده اول واحد يموت لا والله ، اللي يدخل منكو اقسام الشرطة حيشوف فعلا اد ايه الناس دي مش بني ادمين و لا حتى حيوانات دول اوطى من الحيوانات. و انا كان لازم امشي عشان انا هنا قيمتي عالية و محفوظة و كان لازم امشي عشان ابني ميحصلوش اللي حصل كان لازم امشي عشان انا ميحصليش اللي حصل، انتو فاهمين يعني ايه بعد ما حضرتك صرفت و اتعلمت و اخدت ماجستير و كمان ماجستير و بقيت ادام نفسك و قدام الناس استاذ في القانون و بعدين تيجي تدخل قسم تحاول انك ما تستفذش امين شرطة أو مخبر أو تحاول انك تشتري القسم بالفلوس عشان يدولك برستيجك في جنينة الحيوانات و قدام الباشا اللي معلوماته القانونية لا تساوي ذرة في معرفتك و محدش يقولي إرجع مصر...!!!!!!!

هو ايه اللي حيحصل بردة شجب و مظاهرة و تنديد و مطالبة بالحرية ، يا جماعة الشعب خايف. و على فكرة العيب في النظام ،اه بس النظام مش مبارك و اعوانه و لا اقسام الشرطة، النظام هو 80% من الشعب المصري اللي اتسعر للاسف و نسى مميزاته بتاعة زمان من شهامة و اصالة و رجولة خلاااص، و بقى مع الاسف واطي و حرامي و مرتشي و جبااان و ظالم.

انا عن نفسي فقدت الثقة في بلدي. و مصر عندي هى عائلتي و رابطة الاسلام تعلو على رابطة الوطن.

بمناسبة كلام حضرتك فعلاا احنا خايفين انا كنت ماشية امبارح فى الشاطبى بجوار قسم شرطة الشاطبى وبمجرد انى شفت اللى مايسموش جسمى انتفض وشعرت بعدم ارتياح لانى اصلا باكرهم لكن بعد موضوع خالد انقلبت الكراهية الى خوف ويمكن رعب

ولو ماكنش خوفى على نفسى خوفى على ابنى الصغير اللى كان معايا .

الحادثة التانية ابنى الكبير 19سنة مسكوه تحرى فى المنشية ليلا مسكوا عشرات الشبان عشان اللى حاصل فى الاسكندرية لكن

لحسن حظه معه البطاقة وكارنيه الكلية وبعد التفتيش تركوه .مش عارفة قانون الطوارئ ده معمول لمين ومش بيتمسك الا المحترمين والله الحكومة عارفة اسماء تجار المخدرات واماكنهم وكذلك البلطجية اللى بتستعين بيهم فى الانتخابات لكنهم مش مشكلة بالنسبة لها

[لماضة مصرية جدا]

هنقعد نتكلم

و نتكلم

و نتكلم

و بعد يوم او اتنين....هننسي

من شوية كان اسطول الحرية

و دلوقتي خالد

و ايه باقي

شوية كلام

ليه خالد بس

يمكن ده اللي عارفين عنه؟؟؟

طب و اللي مش عارفينهم...يا تري مين و فين

ليه خالد بس؟؟؟؟

علي راي استاذنا

خلص الكلام

[herohero]

لا بجد زعلتوني

ايه انتوا لسه حاسين ان حكومتنا مش عامله لنا قيمة وانشعور الكره بدا يبقى بيزق شعور الحب من جوا قلبنا لمصر

مش معقولة ايه معقوله تكرهوا سلبيات مصر ده سلبيات مصر ده احلى حاجه بنفتقدها اه

بجد بذمتكم السلبيات ده بتلاقوها ف اي حته يبقى اللي بيوحشنا ف مصر ماهو الا سلبياتها محدش يزعل مني

احنا نستاهل كل اللي بيجرى لنا وع فكرة ده من زمان ياغليين واحنا رخاص ع بلدنا

اخوكم الغلبان ده من 13 سنة وهو مقتنع ان بلده مش بتحبه ياه من سنة 1990 مازلت لا نسى الموقف قنصل مصر ف الكويت طلع لنا وكانت السفاره او القنصلية تقريبا ف منطقة السرة

وقال لنا بالنص ولا بالحرف اعملكم ايه وكل اللي كنا عاوزينه وثيقة سفر لان العراقيين بيقطعوا جوازات سفرنا وياسلام بجد البلد خدت بالها مننا قوووووووي

لولا الكويت اللي ساعدتنا من عمان ع طيارات سعوديه ع حساب الحكومة الكويتية ولا قصه التعويضات اللي الحكومة نهبت منها

كل اللي بتشوفوه ده طبيعي جدا جدا جدا مش احنا كمصرييين وده بلدنا يبقى نستحق كل اللي بيجرى

بحبك يامصرررررر قووووووووووووووووووووووي ياللي رخصتينا ف بلدنا قوووووووووووووووي بذمتكم لما يجي حد مصري يتهان ف اي بلد مش ده يبقى طبيعي

مش عارف ليه عاوز احط لكم كلمات اغنيه " بالورقة والقلم " وبحبك يامصر بحبك وانت مطلعه عيني والاغنية ده اهادءلكل محبين العسل الاسوووووووووود

بالورقة والقلم

خدتينى 100 ألم

انا شفت فيكى مرمطة وعرفت مين اللى اتظلم

ليه اللى جايلك اجنبى

عارفة عليه تطبطبى

وتركبى والش الخشب وعلى اللى منك تقلبى

عارفة سواد العسل

اهو ده اللى حالك ليه وصل

ازاى قوليلى مكملةوكل ده فيكى حصل

يا بلد معاندة نفسها

يا كل حاجة وعكسها

ازاى وانا صبرى انتهى لسة بشوف فيكى امل

طرداك وهى بتحضنك

وهو ده اللى يجننك

بلد ماتعرف لو ساكنها والا هى بتسكنك

بتسرقك وتسلفك

ظلماك وبرضه بتنصفك

ازاى فى حضنك ملمومين وانتى على حالك كده