خالد محمد سعيد "شهيد الطوارئ

[fatfouta]

وقفه صامته فى القاهره والأسكندريه

هنعبر عن غضبنا بطريقه راقيه وحضاريه

إنزل إدى ضهرك للشارع وبص للنيل أو البحر

ألبس تيشيرت أسود

كلنا إيدينا فى إيدين بعض

[pink rose]

السلام عليكم و ورحمة الله و بركاته

ممكن اسال سؤال

لو قالوا تعالوا نعمل وقفة احتجاجية قدام السفارة المصرية في دبي......الرياض......الدوحة.....الكويت.....هنروح....و لا لأ؟؟؟

سالته لنفسي.....

و لقيت اني مش هروح

يبقي انا حد وحش!!!!!

يبقي انا مش بحس!!!

يبقي انا سلبية....!!!

==========================================

اتفرجت علي كليبات الشرطة....طول عمري بسمع عنها من اخواتي.....مكملتش دقيقة واحدة و طفيت.....و بعدها حسيت بخوف في كل ذرة في جسمي.....

أنا حسيت اني بقيت جبانة اوي...

كده خلص الكلام

من ساعة ما الموضوع دا حصل و من ساعة ما شوفت الصورة

و انا عندي حالة غريبة مش عارفه اوصفها ابدا

لحد امبارح و انا باتابع كل اللي بيتكتب في الموضوع دا

لكن وقفت كتير قدام مداخلتين للولا و لقيتني خلاص مش قادرة اسنحمل الكلام اللي بيتكتب

و باقول للولا الله يكرمك يا شيخة كفاية كده

الله يكرمك كفاية ترعبي فينا اكتر من كده

المداخلتين اللي اقصدهم لما كتبت نقلا طبعا عن الفيس بوك ان تم هتك عرض نادين فهمي من قبل الشرطة النسائية في البوكس

اد ايه حسيت برعب بجد

و المداخلة التانية الحكاية عن لسان الراجل اللي حرقوه و سحلوه و في الاخر طلع تشابه اسماء

كفاية يا لولا كفاية بقى كلام كده كفاية ارحمونا

انا بالليل انهرت من العياط و من الرعب قولت لجوزي مش عاوزة انزل اسكندرية

بقيت عمالة اعيط و اقوله لازم يكون لنا ضهر في البلد دي او يكون معانا جواز تاني لازم حاجه تحمينا من الناس دي

لولا انتي كده معلش مش بتفضحيهم انتي بترعبينا زي ما هما عاوزين بالظبط

كفاية الله يكرمك كفاية بقىىىىىىىىىىىىىىىىىىى

[Howayda Ismail]

انتم بتقولوا كده امال احنا فى اسكندرية نعمل ايه

[herohero]

هتقولوا اني وحش وكاره للبلد انا مستمتع بالمشاهده للايجابية السلبية

ياجماعه انا عاوز كلنا ننفس ونطلع طاقه الغضب اللي عندنا عشان ماننفجرش اظاهر حضراتكم مكنش لكم احتكاك بالامن ابقى احكيلهم يا سي السيد على قسم الحدائق والاشكال اللي ع القهوة ف شارع 10 ف الوايلي وشوف الضباط بيتعاملوا ازاي

على فكرة انا عاوز اقولكم ان فيه ناس من ابو 50% كويسة بس المهنة بتفرض عليهم كده انت بتتعامل مع اشكال وسخه لازم تنسى نفسك انا اعرف واحد استقال لانه مش قادر يكمل معندناش قوانين ولا اليات تقدر تاخد الاعترافات من غير عنف

اما الفاسدين فهم كثر بابي دخله الشرطة وهو بكرش ونظارة وانا اعرف واحد كده نظاره وكرش محترم وكان ف الكلية كده ولا بيحضر تمارين الكلية ولا حاجه والحمد لله بقى ضابط اد الدنيا فده هيتعامل مع النس ازاي كل مايريده بياخده

وانا ليا اتنين للاسف الشديد سابوا هندسة ولما طلع نتيجه الشرطة دخلوا وللعلم اتخرجوا واحد منهم رافض يطلع رخصه مع ان والله العظيم كانوا ملايكة اتغيروا من الجو اللي حواليهم الناس بتعظم لهم يقولك هطلع رخصهة سواقه ليه

وبيقارن نفسه بيا ولا حاجه هوبيمشي ف الشارع امن ع نفسه انت دكتور ولا مهندس ولا حاجه

هتزعلوا من كلامي

مصر = نفوذ + فلوس

وياسلام لو بنتك ولا ابنك يتجوز حد ف الشرطة بابي لواء شرطة او بنتك تتجوز ضابط شرطة وتبقى ناسبت الحكومة

خالد وغيره كتيييييييييير

والدور علينا هتقولوا نبطل سلبية

انا موافق انا هكون سعيد لو كل ده جاب نتيجه انسوا

ده فساد من 50 سنة وخوف ورعب اتزرع فينا

عاوز تعيش ف امان ف مصر ناسب الحكومة اويكون معاك جنسية تانيه بلدها تحميك

[Amr Radwan]

الاخت ريمو ..

تصدقي انا عكسك تماما ,,

انا زهقت من اني ابعد عن البلاوي السودا اللي بتحصل حواليا .. و قررت من مده اكون ايجابي ..

قررت اني ما اغطيش وشي ..

قررت اني اشوف الحقيقة اللي قدامنا كلنا و مش عاوزين نشوفها ...

دي الحقيقة فعلا ..

انا شايف ان الموضوع ده اصبح القشة .. يعني خلاص .. الناس زهقت ..

انتو مش ملاحظين ان في الفترة الاخيرة كم المظاهرات و الاحتجاجات اللي بين الشعب و الحكومة و بين طوائف الشعب و بين المحامين و القضاة و بين المحاميين و انفسهم و بين القضاة و انفسهم ...

يا جماعة ماحدش طايق حد .. و الكل زهق من الوضع اللي احنا فيه .. من كل حاجة .. و اولها طلب احترام لانسانية المواطن المصري ..

المواطن المصري .. لا بد ان يعاد تعريفه "كمصطلح" لدي الحكومة و الشرطة علي انه "بني ادم" .. "انسان" .. له حقوق كما ان عليه واجبات و ليس "عبد" يتم التصرف في املاكه و خصخصتها و التهاون في حقوقنا في الخارج و القهر في الداخل !!!

لا بد ان يتم اعادة تعريفه علي ان عقله (الذي في اعلي جسمه) له احترام .

لا بد ان يتم الاعتراف انه وسيلة التقدم .. و ليس عائق للتقدم

لا بد ان يتم اعادة تعريفه علي انه المحور الذي تدور حوله كل الهيئات و المنظمات و الوزارات الحكومية و ارفض وضعه في صورة "محور الشر" الذي يلتهم اي نمو اقتصادي و تطور تقوم به الوزارات المغلوبه علي امرها .

فكرو معايا لو فيه اثنين بينهم مشكلة و واحد منهم مثقف و محترم و مؤدب و الثاني قليل الادب و بلطجي و لا يحترم الطرف الاخر تتوقعو اية اللغة اللي المفروض الاثنين يتكلموا بيها عشان يحلو المشكلة ..

الصوت الهادي و الحوار و النقاش ؟؟

و لا كل واحد منهم يضرب الثاني و اللي يعرف يعمل حاجة يعملها ..

و محدش يقولي الاختيار الثالث ان كل واحد يتعامل بالطريقة اللي هو متعود عليها المثقف بهدوء و البلطجي بالشومة !! لان المثقف هيحصل له زي ما حصل لخالد ..

ارفض بشده الاستخفاف بعقل المواطن المصري و التعامل معه علي انه "شئ" .. و يتم توجيهه الي اي اتجاه تراه الحكومة مناسبا !!!

شاهدت امس خبر امر النائب العام استخراج جثة الشهيد "خالد" و اعادة تشريح الجثة من القناة الفضائية المصرية .. و ابتسمت حينما قالوا في الخبر ان الوفاة حدثت بعد ان ابتلع الشاب المتوفي لفافة من الحشيش عند القبض عليه !!!

هذا ما تراه الحكومة .. او ما تريدنا ان نراه ..

و هذا ما نرفض جميعا ان نراه بهذا الشكل ...

تحياتي لكم

[goodnewss]

هو ايه الفرق بين البيحصل ده وبين البيعمله جيش الاحتلال في فلسطين وفي العراق؟

[لولا]

عم صابر ..... مواطن بسيط ماشى "جنب الحيط"ظنا منه أن الحيط سيجعله يعيش مستور .كل ذنبه أنه أعترض على أزالة كشكه الصغير فهو مصدر رزقه الوحيد.ليقتاده رجال الشرطة و هو يمشى على رجليه و لكن - بكل أسف - لم يخرج الا جثة هامدة محمولة على الأكتاف.

حدوتة و بتتكرر

عم صابر 60 سنه عنده 6 بنات منهم رضا .... عنده كشك قدام الحي واخده من 40 سنه وهو مصدر رزقه الوحيد.ليفأجا ذات يوم برئيس الحى يأمر بأزالته "لتشويهة المظهر العام".

عم صابر كل جريمته انه قاله " حرام عليك هجيب عشايا منين انا وعيالي هاكلهم منين ".

و فى اليوم التالى أثناء مرور رئيس الحى و جد عم صابر يجلس مكان كشكه متحسرا حائرا كيف سيحصل على قوت أولاده؟ ... نهره رئيس الحى و قاله"انت تاني قوم من هنا"

لكن عم "صابر" ارتكب جريمة شنعاء و هى أنه أجاب رئيس الحى قائلا"ايه الافترا ده انت راجل مفتري "

ليتم بعد ذلك أقتياده لقسم أول مدينة نصر و يحتجز هناك لأربعة أيام بحجة أن هناك تشابه أسماء بينه و بين شخص ما و هيخرج لما يكشفوا على أسمه.

فى اليوم الخامس فوجىء أهله بظباط القسم يخبرونهم بوفاة والدهم و يقولون لهم:"تعالو استلمو والدكم والبقاء لله توفى وقع علي الارض اتخبط و مات"

دخلو يستلمو جثه والدهم برغم الحزن والوداع من غير سلام لكنهم مؤمنين بالله وقالو قدره لتكون الصدمة أمامهم.

بداية الشك

فوجىء أهل عم صابر بأثار ضرب بالرأس و باقى الجسد و طفى سجائر بقدمه و ظهره و سحجات مختلفة بالجسم .... كانت صدمة تعذيبه حقا أقوى عليهم من خبر وفاته.

أحقاق الحق

فور العلم بالواقعة توجة ثلاثة من موقع شاب 6أبريل لأجرا حوار كامل مع أهل المجنى عليه لمعرفة الحقيقة بعيدا عن التزييف.و نحن بصدد كتابته و نشره خلال ساعات.و أن ثبت التعذيب فلن نترك حقه يضيع لأن دم عم صابر ليس بأقل من دم خالد أو أحمد عز أو حتى مبارك و نجله أن لم يكن أجل و أطهر.

أدارة حوار - أنجى حمدى

http://6april.org/modules/news/article.php?storyid=1258

[fatfouta]

شوفتوا القاهرة اليوم امبارح؟؟

عمر اديب سأل الناس عالتليفون لو بيان الداخلية طلع صحيح هتصدق ولا مش هتصدق؟؟ معظم الناس قالت مش هنصدق الداخلية حتى لو شرحه الجثة عالهوا ادا عينينا وناس قالت والقليل جداااا اللى قال مصدقين الداخلية

اتفرجوا عاليوتيوب.....فعلا والله وطن بلا ثقة

[hanzalah]

من ضمن الاشياء اللي تفرس في الموضوع ده ..

موضوع القتل ع الكيف وبالمزاج !! طالما مسنود !!

ان فيه ناس في دنيا الصحافة

بصراحة

عااااااااااااااااااااااااار على الصحافة وعار على الكلمة الشريفة وعار على البلد كمان !!

اليوم في جريدة الجمهورية في الصفحة الاولى خبر صغير بعنوان يعبر عن حقارة هذا الصنف من اهل الصحافة !!

يقول في عنوان الخبر

النائب العام يأمر بإعادة تشريح جثة .. شهيد البانجو

ياسيدي على دمك اللي يلطش !!

انسان حقير فعلا ولايدري هل هو ينتمي لدنيا البشر ام لدنيا الحيوان !!

هل هو مبسوط ان غيره يركبه ويقول : شي .. حا .. ساعتها هيبقى مبسوط فعلا

يا صحفي يا من منحك الله نعمة العقل ..

حتى لو هذا القتيل مجرم ويتاجر في الحشيش فعلا .. فلا في مجتمع محترم هذا النوع من العقاب والضرب والتشويه والسحل بلا محاكمة !!

حتى بعد المحاكمة

لو فرضنا ان القاضي حكم عليه بالسجن مدى الحياة .. فليس من حق انسان محترم يعيش في دولة محترمه ان يضربه كف !!

يا ناس .. فين عقلكوا

فين اسلامكوا

فين ادميتكوا

ده النبي صلى الله عليه وسلم منع صحابي انه يلعن شارب خمر اثناء اقامه الحد عليه وجلده..

ليس من حقك ان تشتم هذا المخطيء !!

فما بالك بسحله و تقطيع وجهه بهذه الطريقة البشعة !!

والله اللي اختشوا ماتوا فعلا

جرايد تحرق الدم ع الصبح

[fatfouta]

بصوا الضابط بمنتهى السفالة بيزق البنت وبيوقعها فى الارض

البنت اللى ارجل منه......البنت اللى ب100 راجل ذيه واحسن منه

الهى ربنا ينتقم منك عشان استضعفتها وزقتها وقعتها....منك لله وحسبى الله ونعم الوكيل فيك

http://www.facebook.com/video/video.php?v=119255364784181

تم تعديل 16 يونيو 2010 بواسطة fatfouta

[fatfouta]

من ضمن الاشياء اللي تفرس في الموضوع ده ..

موضوع القتل ع الكيف وبالمزاج !! طالما مسنود !!

ان فيه ناس في دنيا الصحافة

بصراحة

عااااااااااااااااااااااااار على الصحافة وعار على الكلمة الشريفة وعار على البلد كمان !!

اليوم في جريدة الجمهورية في الصفحة الاولى خبر صغير بعنوان يعبر عن حقارة هذا الصنف من اهل الصحافة !!

يقول في عنوان الخبر

النائب العام يأمر بإعادة تشريح جثة .. شهيد البانجو

ياسيدي على دمك اللي يلطش !!

انسان حقير فعلا ولايدري هل هو ينتمي لدنيا البشر ام لدنيا الحيوان !!

هل هو مبسوط ان غيره يركبه ويقول : شي .. حا .. ساعتها هيبقى مبسوط فعلا

يا صحفي يا من منحك الله نعمة العقل ..

حتى لو هذا القتيل مجرم ويتاجر في الحشيش فعلا .. فلا في مجتمع محترم هذا النوع من العقاب والضرب والتشويه والسحل بلا محاكمة !!

حتى بعد المحاكمة

لو فرضنا ان القاضي حكم عليه بالسجن مدى الحياة .. فليس من حق انسان محترم يعيش في دولة محترمه ان يضربه كف !!

يا ناس .. فين عقلكوا

فين اسلامكوا

فين ادميتكوا

ده النبي صلى الله عليه وسلم منع صحابي انه يلعن شارب خمر اثناء اقامه الحد عليه وجلده..

ليس من حقك ان تشتم هذا المخطيء !!

فما بالك بسحله و تقطيع وجهه بهذه الطريقة البشعة !!

والله اللي اختشوا ماتوا فعلا

جرايد تحرق الدم ع الصبح

ليه هو حضرتك ماشوفتش المقالة بتاعة رئيس تحرير الجمهورية تانى يوم من الوقفة الاحتجاجية؟؟

عنوان المقالة بالخط العرييييييييض

وقفة احتجاجية من أجل حشـــــــــــاش

هدور عالمقالة واجيبهالكم

ده عادى من جرايد الحكومة الصفراء

[se_ Elsyed]

يا فتفوته هانم ما بيان الداخلية إتنشر .. هانصدق ليه ؟

مش قالوا إن أثناء تفقد المخبرين للحاله الأمنية في الشارع لقوا الولد ومعاه بانجو ..

والموضوع كله طلع كان في السايبر وكانوا رايحين للولد على طول ...

وكمان حكاية هروبة من الجيش ؟

ما طلعتش حقيقة ... والولد قضى فترة جيشه ...

وموضوع إنه أترفد من الجيش عشان كان بيشرب مخدرات داخل المعسكر ..

فده ما بيحصلش غير في جيش بديعه ماصبني .... ما صبني اللي صابني

لأن ما كانش أي عسكري غُلب وكان تاجر في البانجو لو كانت هاترسي على رفد من الجيش ههههه

----------

الغريب بقى .. من خلال متابعتي للمقالات اللي في الجمهورية والمسا بالذات ...

عندي سؤال للي بيربوا حيوانات

السؤال هو

هو الكلب ساعات بيتجنن وما يحسش إنه كلب ؟

أيوه يعني بيبقى مقتنع إنه كلب وحقير ولا بيبقى فاكر إنه أسد ؟

هاتعرفوا الأجابة من المقال ده في جريدة المسا

مفاجآت جديدة في قضية "قتيل البانجو" بالإسكندرية

"شعر" المجني عليه كشف حقيقة صورة النت

"الحلاقة" تمت قبل تشريح الجثة.. والتشوهات نتيجة فحص الجمجمة والفم

شهود النفي والإثبات اتفقا في أقوالهم.. أمام النيابة

الإسكندرية دينا زكي:

كشفت تحقيقات المستشار أحمد عمر رئيس نيابة استئناف الإسكندرية عن مفاجأة جديدة في قضية وفاة قتيل البانجو خالد سعيد "28 سنة" حيث أكد شهود النفي والاثبات معاً بمن فيهم صاحب محل "السايبر" الذي تواجد فيه المتوفي قبل القبض عليه أن شكل "شعر" المتوفي مختلف لأنه تم حلاقته وقصه أثناء عملية تشريح الجثة.. وأن المجني عليه كان شعره قبل القبض طويلاً وهذا يدل علي أن الصور المعروضة علي الإنترنت هي صور للمتوفي بعد تشريحه. ( دخلنا بقى في نظام الحلاقين .... وقًصه وكاريه وكلام فاضي )

كما أكد الشهود علي أن الطاولة الرخامية الخاصة بالمشرحة تظهر بوضوح بالصور.

كانت النيابة قد استمعت لأقوال عامل المشرحة "فتحي حكيم" الذي حضر عملية التشريح فأكد أن شخصاً لا يعرفه قام بتصوير الجثة بعد تشريحها بتليفونه المحمول وليس قبل.. وأن جثة المتوفي لم يكن بها سوي كدمتين إحداهما أسفل العين والأخري بالقدم ورجح أنهما قد تكونان أثناء اسعافه ( هأ هأ هأ ( ده أسعاف باللكاكيم والشلاليت ياجماعه وده أحدث أساليب العلاج وعلم الأسعافات الأولية .. فيرست إيد ) .. ولم تكن بالجثة اصابات وهذا أيضاً ما أكده الشيخ "سيد" الذي قام بعملية غسل وتكفين الجثة.

كما قامت النيابة بأخذ فكرة عامة عن كيفية حدوث عملية التشريح من الكشف علي جدار الجمجمة وفتح البطن والفم للتأكد من عدم وجود كسر بالفك وهو ما جعل الصور تظهر كما رأها الجميع علي مواقع الإنترنت.

كما تبين أن الصور الشخصية المعروضة علي النت للمتوفي والتي تبين ملامحه قبل الحادث تم التقاطها منذ أكثر من "11 سنة" لأنها هي نفسها الصورة الموضوعة في جواز سفره الذي سافر به للولايات المتحدة الأمريكية عام ..99 وأن شكله الحالي مختلف تماماً للنحافة الشديدة والتغير في لون أسنانه نتيجة شراهته في التدخين.

علي الجانب الآخر يتوجه اليوم الأربعاء فريق من نيابة الاستئناف الي مقابر "المنارة" بوسط المدينة لاستخراج جثة المتوفي لاعادة تشريحها من جديد من قبل اللجنة الثلاثية المشكلة من كبير الأطباء الشرعيين وأطباء من قصر العيني بناء علي طلب أسرة المتوفي.. ولعل أغرب ما تشهده الإسكندرية هي التجمعات التي يقوم بها الطامعون في مقاعد نيابية بالدورة القادمة بمجلس الشعب خاصة من أحزاب المعارضة بالمناطق الشعبية الذين ارتدوا ثوب البطولة وأخذوا في شحن الشباب علي المقاهي للنوم علي الأرصفة في مواجهة "البحر" كدليل علي علامات الغضب والامتعاض من الحادث في أغرب دعوي من نوعها بالإسكندرية.

أمبارح وأول الكلب بتاع الجمهورية .... ما يشرفنيش إني أقول إسمه ... ماسك الولد ومقطع فيه والله ولا كأن في حُرمه لواحد لسه ميت ...

ده جزء من عواء الكلب

وكتب محمد علي ابراهيم، رئيس تحرير الجمهورية، مقال في نفس العدد على الموقع الإلكتروني للصحيفة عن الواقعة، يحمل عنوان "المسكوت عنه .. وشهيد البانجو!".

قال إبراهيم فيه، "إذا كانت الداخلية قد رأفت بالقتيل ولم تشأ أن تظهر سجله المخزي حرصًا علي حرمة الأموات. إلا أن الصحف الخاصة والمواقع الالكترونية هي التي حرضت الداخلية علي نشر ما يسيء للقتيل رغم امتناعها عن ذلك في البداية".

الجدير بالذكر أن رئيس التحرير، كان قد كتب مقالاً آخر الثلاثاء، - أثار حفيظة قراء كثيرون على المواقع الإلكترونية -، عنونه بـ "آه يابلد.. وقفة احتجاجية..من أجل "حشاش"!

قال إبراهيم فيه "لا أدري ماذا جري لمصر؟ اندهشت من كمية الضلال والتضليل التي نعيش فيها.هل لنا أن نتخيل جماعة من شباب مصر تدعو لوقفة احتجاجية أمام وزارة الداخلية للمطالبة بمحاكمة المتورطين في فضيحة قتيل الاسكندرية؟.. لقد كانت "الجمهورية" سباقة إلي تقديم وصف ساخر لهذا القتيل وقالت عنه إنه "شهيد" البانجو!.

واستكمل محمد علي ابراهيم الحديث في مقاله عن قتيل الاسكندرية قائلاً ""مدمن وسوابق سرقة وسلاح أبيض وتحرش جنسي وهروب من التجنيد أصبح فجأة "ضحية" الداخلية. صحيح أننا لا تعجبنا الحكومة في تصرفات عديدة. لكن هذا ليس معناه أن نضع صورة "القتيل" بعد أن قام الطب الشرعي بتشريحه علي أنها صورة له وهو تحت التعذيب! "

وأكد إبراهيم في مقاله أن الربط بين قانون "الطوارئ" ومقتل "خالد سعيد"، ربط ظالم.

[se_ Elsyed]

بصوا الضابط بمنتهى السفالة بيزق البنت وبيوقعها فى الارض

البنت اللى ارجل منه......البنت اللى ب100 راجل ذيه واحسن منه

الهى ربنا ينتقم منك عشان استضعفتها وزقتها وقعتها....منك لله وحسبى الله ونعم الوكيل فيك

http://www.facebook.com/video/video.php?v=119255364784181

بيزق البنت ؟

طيب

ده راجل محترم وكويس إنه عمل كده بس

مقارنة باللي حصل للصحفيات البنات في مظاهرات تعديل الدستور ...

[لولا]

بصوا الضابط بمنتهى السفالة بيزق البنت وبيوقعها فى الارض

البنت اللى ارجل منه......البنت اللى ب100 راجل ذيه واحسن منه

الهى ربنا ينتقم منك عشان استضعفتها وزقتها وقعتها....منك لله وحسبى الله ونعم الوكيل فيك

http://www.facebook.com/video/video.php?v=119255364784181

عارفه يا فتفوته انا شفت الفيديو ده من بدرى..

وما هالنى اكثر من الفيديو هى تعليقات البعض من عينه تستاهل !

هى فاكره نفسها مين عشان تعلى صوتها!

دى نسيت انها ست وهو راجل ما تحترم نفسها !!

دى انسانه مستفزه تستاهل كل اللى يجرالها !!

طبعا الفيديو فى مواقع مختلفه ووجدت تعليقات كهذه !!!!!!!!!

عارفه المشكله فى ايه يا فتفتوته؟؟

المشكله ان المواطن مش عارف حقوقه والظاهر اتربى على الذل منذ الولاده !!

ده لو عميله فى فودافون ولا موبينيل ودخلت شتمت محدش يقدر يرد عليها ..

للأنها ببساطه عميله لدى شركه يفترض انها بتخدمها والموظفين فى الشركه دى بياخدو رواتبهم من جيوب العملاء عشان كده تلاقى فى تدريبات

وتعليمات وملاحظة شديده الصرامه لكل طاقم خدمه العملاء والعميل لا يمكن ابدا ان يكون على خطأ!!

فى مشكله فى الوعى يا فتفتوته..

المواطن المصرى يا امش عارف حقوقه

يا حتلاقيه متنازل عنها طواعيه وراضى بالإهانه !

لولا

تم تعديل 16 يونيو 2010 بواسطة لولا

[لولا]

واستكمل محمد علي ابراهيم الحديث في مقاله عن قتيل الاسكندرية قائلاً ""مدمن وسوابق سرقة وسلاح أبيض وتحرش جنسي وهروب من التجنيد أصبح فجأة "ضحية" الداخلية. صحيح أننا لا تعجبنا الحكومة في تصرفات عديدة. لكن هذا ليس معناه أن نضع صورة "القتيل" بعد أن قام الطب الشرعي بتشريحه علي أنها صورة له وهو تحت التعذيب! "

وأكد إبراهيم في مقاله أن الربط بين قانون "الطوارئ" ومقتل "خالد سعيد"، ربط ظالم.

هو فعلا آه يا بلد ..

متى ستتم مخاطبه عقولها ببعض الإحترام والكف عن معاملتنا اننا تحت سن الخامسه؟؟!!!!!!!!!!!

متى ستكف هذه الصحف الصفراء عن التطبيل والرقص لأسيادها..

ومتى سيعرف كل من يمسك قلم ان لا شيء فى الدنيا يستحق ان يهوى بنفسه فى جوف جهنم نتيجه ما يخطه قلمه.

المتوفى الآن بين يدى الله سبحانه وتعالى..

رحم الله خالد رحمة واسعه ومهما كان سلوكه الشخصى فليس لأى كان الحق فى قتل الناس وتعذيبهم وسحلهم فى الشوارع ورميهم كالكلاب..

قاتلهم الله واماتهم الموته التى اذاقوها لكل من قتلوهم يارب.

لا اعرف حقا اين المعمل الجنائى من كل القصه الذى سيجد اثار من دماء الشاب فى كل الأماكن التى تم سحق جمجمته بها سواء فى السابير او مدخل العماره المجاور

امال DNA اللى بنشوفه بتحلل فى كل الأفلام وفى كل مسرح جريمه ولا خلاص غسلوا مسارح الجريمه بالكلوركس!!!!!!!

لولا

[لولا]

الاخت ريمو ..

تصدقي انا عكسك تماما ,,

انا زهقت من اني ابعد عن البلاوي السودا اللي بتحصل حواليا .. و قررت من مده اكون ايجابي ..

قررت اني ما اغطيش وشي ..

قررت اني اشوف الحقيقة اللي قدامنا كلنا و مش عاوزين نشوفها ...

دي الحقيقة فعلا ..

انا شايف ان الموضوع ده اصبح القشة .. يعني خلاص .. الناس زهقت ..

انتو مش ملاحظين ان في الفترة الاخيرة كم المظاهرات و الاحتجاجات اللي بين الشعب و الحكومة و بين طوائف الشعب و بين المحامين و القضاة و بين المحاميين و انفسهم و بين القضاة و انفسهم ...

يا جماعة ماحدش طايق حد .. و الكل زهق من الوضع اللي احنا فيه .. من كل حاجة .. و اولها طلب احترام لانسانية المواطن المصري ..

المواطن المصري .. لا بد ان يعاد تعريفه "كمصطلح" لدي الحكومة و الشرطة علي انه "بني ادم" .. "انسان" .. له حقوق كما ان عليه واجبات و ليس "عبد" يتم التصرف في املاكه و خصخصتها و التهاون في حقوقنا في الخارج و القهر في الداخل !!!

لا بد ان يتم اعادة تعريفه علي ان عقله (الذي في اعلي جسمه) له احترام .

لا بد ان يتم الاعتراف انه وسيلة التقدم .. و ليس عائق للتقدم

لا بد ان يتم اعادة تعريفه علي انه المحور الذي تدور حوله كل الهيئات و المنظمات و الوزارات الحكومية و ارفض وضعه في صورة "محور الشر" الذي يلتهم اي نمو اقتصادي و تطور تقوم به الوزارات المغلوبه علي امرها .

فكرو معايا لو فيه اثنين بينهم مشكلة و واحد منهم مثقف و محترم و مؤدب و الثاني قليل الادب و بلطجي و لا يحترم الطرف الاخر تتوقعو اية اللغة اللي المفروض الاثنين يتكلموا بيها عشان يحلو المشكلة ..

الصوت الهادي و الحوار و النقاش ؟؟

و لا كل واحد منهم يضرب الثاني و اللي يعرف يعمل حاجة يعملها ..

و محدش يقولي الاختيار الثالث ان كل واحد يتعامل بالطريقة اللي هو متعود عليها المثقف بهدوء و البلطجي بالشومة !! لان المثقف هيحصل له زي ما حصل لخالد ..

ارفض بشده الاستخفاف بعقل المواطن المصري و التعامل معه علي انه "شئ" .. و يتم توجيهه الي اي اتجاه تراه الحكومة مناسبا !!!

شاهدت امس خبر امر النائب العام استخراج جثة الشهيد "خالد" و اعادة تشريح الجثة من القناة الفضائية المصرية .. و ابتسمت حينما قالوا في الخبر ان الوفاة حدثت بعد ان ابتلع الشاب المتوفي لفافة من الحشيش عند القبض عليه !!!

هذا ما تراه الحكومة .. او ما تريدنا ان نراه ..

و هذا ما نرفض جميعا ان نراه بهذا الشكل ...

تحياتي لكم

ريمو العزيزة..

لا اظننى املك ما ازيده على كلام الفاضل عمرو رضوان .

كونى بخير

[لولا]

محامي شهيد الطوارئ يتقدم بمذكرة لكبير الأطباء الشرعيين

آخر تحديث: الاربعاء 16 يونيو 2010 3:45 م بتوقيت القاهرة

http://www.shorouknews.com/ContentData.aspx?id=248874

صفاء عصام الدين وأحمد عادل -

تقدم محمود عفيفي محامي الشاب خالد سعيد "ضحية الطوارئ"، بمذكرة لكبير الأطباء الشرعيين اليوم الأربعاء، طالبه فيها بتوضيح عدد من الأمور التي لم تظهر في تقرير الطبيب الشرعي السابق، والذي حمل الكثير من التناقضات والمغالطات.

وطالب المحامي في مذكرته، بضرورة توضيح ما ذكره التقرير الأول حول لون الدم، والواضح من الصور التي التقطت للمتوفي، أن اللون أحمر وليس غامقا كما هو متعارف عليه في إسفكسيا الخنق، كما أنه لم يوضح مدى سيولة الدم وقدرها، مشيرا إلى أنه معروف أن سيولة الدم تقل في حالات الإسفكسيا.

وتحدثت مذكرة عفيفي، أيضا عن تساؤلات بشان عدد من الآثار الظاهرة في جسد خالد، مثل مدى بروز العينين الذي يظهر بوضوح في حالات الإسفكسيا، وطالب بتوضيح حالة الدم في القلب والأوردة الغليظة بالإضافة إلى حالة اللسان ومدى بروزه.

كما أشار إلى عدم تحديد التقرير السابق لطبيعة الإصابات الموجودة في شفاه خالد، وعدم توضيح التقرير لمكان وجود اللفافة إلى البلعوم، ومدى ضغط اللفافة على الغضاريف الحنجرية.

وألمحت المذكرة إلي أنه رغم كبر حجم اللفافة، لم يوضح التقرير مقدار ضغط هذه اللفافة على الغضاريف الحنجرية، وهل أثر ذلك الضغط عليها وأحدث بها إصابات من عدمه، حيث كل ما ذكر أن الغضاريف الحنجرية سليمة بالرغم من كبر حجم اللفافة (2.5 × 7.5 سم)، بالإضافة إلى أنها لم تعاد إلى النيابة لتحريزها، أو التعرف علي شكلها من خلال مناظرتها، حيث قرر الطب الشرعي أنه حرز اللفافة بمعرفته وأرسلها إلى المعامل.

وطالب محامي خالد سعيد، كبير الأطباء الشرعيين، توضيح مدى إمكانية إدخال هذه اللفافة عنوة إلى فم المجني عليه واستقرارها في المكان الذي أشار إليه التقرير سواء حال الحياة أو بعد مفارقتها، وأضاف أن الطبيب الشرعي قرر أن مجري عملية التشريح لم تشمل الفم، ورغم ذلك واضح من الصورة -سواء كانت قبل التشريح أو بعده- فقد الجثة لسنتين على الأقل من الفك العلوي في الجانب الأيمن، لذا نرجو توضيح الأمر، وإذا كانت الأسنان غير موجودة، برجاء توضيح ما إذا كانت الجذور موجودة من عدمه، وهل كان فقدها حيويا أو غير حيوي.

[لولا]

قضايا التعذيب ستؤدى الى ثورة او بمعنى ادق الى انتفاضة شعبية ولن تكون مثل السابق بل اشد لان لكل فعل رد فعل مساوى لة فى المقدار ومضاد لة فى ا لاتجاة ان الراى العام اصبح لايثق قى تصريحات المسؤلين حتى لو كانت شبة حقيقية . ان الصغار اصبحوا مثل عصابة عتريس فى قصة ثروت اباظة توحشوا وافتروا على مخاليق ربنا ولية لا طالما عتريس نفسة فى برج عاجى مطمئن البال و… إقرأ المزيد ..لا يعترض ولكن دعنا نعمل العقل لحظة سنرى ان هؤلاء الصغار سيكونون السبب فى اشعال النار فى الهشيم وكما قال محمد انور السادات من قبل تعليقا على احداث الشرابية يجب على المسؤلين الا يغضوا الطرف على كل من يسىء فى استخدام السلطة والا ستكون النهاية هى نفسها نهاية عتريس وكل عتريس مش كدة ولا اية . [^]

[fatfouta]

عن لسان صاحبه وجاره انه كان بيحب الصيد وفى اليوم ده كان النت قطوع وهو ده اللى خلاه نزل الصبح اصطاد شوية وبعدين رجع البيت ونزل تانى راح السايبر وكان رايح لقضاه...سبحان الله

اقفوا عالكورنيش وادعوله سواء فى الاسكندرية او القاهره

انا عاوز اسأل سؤؤؤؤؤؤؤؤؤال هو المحافظات التانية فيييييييييين؟؟؟

مافهاش كورنيش ولا ايه.؟؟؟ ولا خالد ده ابن القاهرة واسكندرية بس؟؟؟

والله جارتى من المنصورة ست كبيرة كده ومحترمة ماكنتش بتشوف غير اخبار التليفزيون الصرى وكده وامبارح بتقولى قوليلى الحكاية ايه بالضبط يا بنتى ولما وريتها صورته بعد وقبل التعذيب

قالت....... يا نهار ازرق ده لو عندنا فى بلدنا كانوا زمانهم قطعوا المخبرين دول والضابط وكسروا القسم......ومافيش بصراحة بعد كده كلام يتقال

اين المحاااااااافظاااااااااااااات؟؟؟؟؟؟؟؟؟؟

[fatfouta]

بصوا الضابط بمنتهى السفالة بيزق البنت وبيوقعها فى الارض

البنت اللى ارجل منه......البنت اللى ب100 راجل ذيه واحسن منه

الهى ربنا ينتقم منك عشان استضعفتها وزقتها وقعتها....منك لله وحسبى الله ونعم الوكيل فيك

http://www.facebook.com/video/video.php?v=119255364784181

عارفه يا فتفوته انا شفت الفيديو ده من بدرى..

وما هالنى اكثر من الفيديو هى تعليقات البعض من عينه تستاهل !

هى فاكره نفسها مين عشان تعلى صوتها!

دى نسيت انها ست وهو راجل ما تحترم نفسها !!

دى انسانه مستفزه تستاهل كل اللى يجرالها !!

طبعا الفيديو فى مواقع مختلفه ووجدت تعليقات كهذه !!!!!!!!!

عارفه المشكله فى ايه يا فتفتوته؟؟

المشكله ان المواطن مش عارف حقوقه والظاهر اتربى على الذل منذ الولاده !!

ده لو عميله فى فودافون ولا موبينيل ودخلت شتمت محدش يقدر يرد عليها ..

للأنها ببساطه عميله لدى شركه يفترض انها بتخدمها والموظفين فى الشركه دى بياخدو رواتبهم من جيوب العملاء عشان كده تلاقى فى تدريبات

وتعليمات وملاحظة شديده الصرامه لكل طاقم خدمه العملاء والعميل لا يمكن ابدا ان يكون على خطأ!!

فى مشكله فى الوعى يا فتفتوته..

المواطن المصرى يا امش عارف حقوقه

يا حتلاقيه متنازل عنها طواعيه وراضى بالإهانه !

لولا

يعنى خلاص امشى فى الشارع وانا متأكده انه لو حاصلى حاجة انا وولادى وقولت الحقونى ماحدش هينجدنى؟؟؟

خلاص؟؟؟؟؟

شفتى الرجالة اللى حوالين البنت ماحدش قال حاجة!!!!!

صعب فعلا الاحساس بعدم الامان

تم تعديل 16 يونيو 2010 بواسطة fatfouta