خالد محمد سعيد "شهيد الطوارئ

[hanzalah]

فريدة الشوياشي كتبت في عمودها في المصري اليوم (عدد الخميس) تحت عنوان

عذراً يا خالد !

http://www.almasry-alyoum.com/article2.asp...mp;IssueID=1804

وبفرض أن خالد فعل كل ما قالوه عن ماضيه،

فإن ذلك وأكثر منه يستحيل أن يفسر أو يبرر هذا السلوك الوحشى وإلا فلنقل على القوانين، بل حتى على الدنيا، السلام..

ومازلت لا أستوعب - رغم سنى - كيف يكون شخص له ملامح مثلى ومثلك ويفتك بشاب أعزل، لأنه متحصن بالسلطة..

أى معدن هذا..

وكيف استسلم المعتدى لشهوة القتل دون قطرة شجاعة لأن الضحية كان أعزل، وقد أقول كان أسيراً..

ماذا جرى لنا وكيف باتت السادية فى التعامل سمة من سمات مجتمعنا،

وهو ما جعلنا نتعجب ونحن نستمع إلى شعارات.. منها شعارات «الأمن والأمان»!..

[لولا]

لا تثقوا كثيرا في رجال النيابة ولا القضاء و السبب انه حصل في العقدين الماضيين تفريغ النيابة و القضاء على مراحل و احلال رجال الشرطة و ابنائهم المختارين ليصبحوا وكلاء نيابة خطوة فخطوة و هكذا سيطر رجال الشرطة على النيابة و القضاء وهذا عن معرفة شخصية بعدد من وكلاء النيابة و القضاة الصغار الي تم تصعيدهم من الشرطة لهذه المناصب وهنا تكمن المصيبة و الكارثه

الرائحه العفنه تفوح من كل مكان يا زعلان ومن لم يشمها يبدو انه يعيش فى عالم آخر .. الشرفاء اما فى القاع او الخلف والقوة كلها فى ايدى كل الفسده.

من الطبيعى بعد كل ذلك ان يفقد المواطن الثقه فيهم ..

آن للشغب ان يغضب

آن له ان يرتفع صوته دول ذل ولا خنوع ولا ضعف

لولا

[لولا]

فى الشرق الأوسط كتبت دينا مقلد .

الرواية الرسمية لهذه القضية التي أثارت الشارع السكندري والمصري بدت مفككة وفيها الكثير من الثغرات. لم يكن ممكنا لتبريرات من نوع ما ذكر من ادعاءات إدمان خالد سعيد وانحرافات مزعومة في مسلكه أن تصمد أمام سيل الصور والفيديو والمعلومات التي شرّعت المدونات وموقع إلكترونية ساحتها لها. ذاك الحراك والتواصل الإلكتروني أفضى لقيام مظاهرة غاضبة في الإسكندرية حيث قتل خالد سعيد، وأفضى إلى تحويل محنة تعذيب وقتل الشاب إلى قضية رأي عام، ما أجبر السلطات المصرية على إعادة سحب جثة الشاب وتشريحها والتحقيق في الأمر من جديد.

لا شك أن الناشطين المصريين خصوصا الإلكترونيين منهم يخوضون معركة جديدة بإعلان تحويل قضية خالد سعيد إلى قضية رأي عام تهدف إلى وقف الانتهاكات التي يتعرض لها مواطنون كثر. صحيح أن تاريخ هؤلاء المدونين هو تاريخ غض نسبيا لكنه حافل أيضا. لقد سبق أن خيضت معارك ناجحة أهمها صور عنف بعض الشرطة ضد المواطنين، التي أفضت إلى محاكمات وإدانات لمتورطين. وهنا مرة جديدة يبرز الإعلام الجديد بصفته صاحب قدرة على التفلت من صيغ الرقابة التقليدية، كما أنه يبرز بصفته إدانة لوسائل الإعلام التقليدية، إذ إن هذه الأخيرة ما زالت تحت عين الرقيب، وهذا الأخير أنتج لضبطها آليات في حين يبدو اليوم عاجزا عن اللحاق بالإعلام الحديث الإلكتروني.

هؤلاء الفجره الذين يظنون ان يخرسون الأصوات بالسوط والترهيب آن لهم ان يفيقوا ويستوعبوا انهم فى عصر جديد

آن لعقولهم الضيقه ان تواكب متغيراته وتستوعب آن هناك قوة جديده على الساحه لا يملك اياً كان ان يخرسها

قوة لا تتحرك بناء على توجيهات ولا تمسح الجوخ وليس لها مصالح مع آحد وليست موجهه من قبل اى جهه

وزاره الداخليه الغاضبه جدا من هذا الهياج للإعلام الإلكترونى الحديث وتحاول ارهابه بطرق سخيفه وبدائيه وتعكس ضعفهم

مازالوا يظنون ان المصرى يركب الدابه !

صباح الخير يا ....... عادلى .

لولا

[لولا]

المواطنون فى اليوم السابع يكتبون امس الأربعاء

.

اقرأ معى .

اللي بيحصل فاق كل الحدود .. واحنا لو عندنا ذرة كرامة لازم نغير الوضع ده .. لان الجماعة دول وعلى راسهم الوزير مش ظلموا الناس واهانوهم بس .. دول زرعوا الخوف داخل الناس وعلموهم الذل ، وخلوا كل واحد يقول يللا نفسي كأننا في غابة .. والدليل ان كل الناس وقفت تتفرج والمخبرين البلطجية بتوع العادلي بيموتوا خالد ومحدش اتحرك ، ده حتى صاحل السايبر بيقول ان كل اللي قدر عليه انه قال لهم خدوه اضربوه بعيد .. ماعدش فيه نخوة والبركة في الحكومة وخصوصا الداخلية .. ولسه

-----

فى دوله يسودها الظلم والقهر والجباروت والدكتاتوريه ماذا عساه ان يفعل اى موظف والظبيب هو موظف حكومه فى النهايه لذلك ارجو ان نلتمس له العذر لان هذا هو حال الطب الشرعى فى بلدنا هاتو طبيب شرعى يجرؤ على ادانه عسكرى فى بلدنا المحروسه دون ان يتعرض الى اى اذى ياعالم فوقو بقى ماتطلبوش المستحيل لو عيزين تقرير حقيقى لابد من تقرير دوللى محايد وباشراف الامم المتحده وهذا لن يحدث اذن ريحوا دمغكم وسلموا امركم لله هو حسبكم ونعم الوكيل.

-----

اطالب بمنظمة تقوم بتصفية عناصر الشرطة المتورطة فى كل عمليات التعذيب والقتل وانى اتعهد بانى سانضم اليها عن قناعة ولن اخاف من الموت لاقناعتى بان جهاز الشرطة المصرى ليس لامن البلد وانما لامن نظام وفرد وان هذا النظام جعل من اجهزة الامن عصابة ومجرمين اعتادو الاعتداء على الشعب وانتهك حرماتهم وحرياتهم دون خوف من عقاب وادعو كل شريف للانضمام لهذة المجموعات لتكون رادع لمن لارادع لة وكلنا فداء لهذا الوطن لكى يعيش حر وكريم

----

نحن المصرين باستراليا نتضامن مع كل مابينادو باظهار الحقيقه في مقتل خالد ومن قتل يقتل ولو بعد حين ودمه ودم اللي زيه في رقبتنا جميعا الي يوم الدين

-----

يوم بعد يوم تظهر حقيقه ماجرى لخالد سعيد ..كل الشهود صوتا وصوره اجمعوا على ان خالدا قدتم التنكيل به بضرب راسه فى رخام السيبر ثم بوابه العماره المجاوره ناهيك عن الرفس والركل و"البونيات" ...ان لم تتم معاقبه الجناه ومرسلهم وكبيرهم فى جريمه مثل تلك ..اذن لا تسال عن العداله بعد ذلك لانها وبمنتهى الثقه قد ماتت فيكى يامصر !!!!

-----

يا جماعة ممكن يكون صحيح ام سبب الوفاه هو اسفاكسيا الاختناق بسبب بلع اى شئ خوفا من اعتباره حرز امام النيابة . المشكلة هى ماسبب ضرب الشاب وجره من الكافيه الى المنزل المجاور ثم ما هى صلاحية المخبرين فى تفتيش اى فرد بدون اذن من النيابة.

------

اوللاً واخيراً كل المصريين يعرفون الدخلية هم اساس البانجو والمخدرات مش خالد الضحية واللى زيه والمفترى عليه ربنا

[لولا]

إخوان الإسكندرية يصعدون هجومهم على الداخلية بجمع 100 ألف توقيع

الخميس، 17 يونيو 2010 -

الإسكندرية - هناء أبو العز

أعلنت جماعة الإخوان المسلمين بالإسكندرية عن تدشين حملة لجمع 100 ألف توقيع، حتى يتم تقديم اللواء محمد إبراهيم للمحاكمة بصفته مدير أمن الإسكندرية، والمسئول عن أمن وسلامة المواطنين، وذلك بعدما رصدت الجماعة بالمحافظة العديد من انتهاكات الشرطة فى حق المواطنين، وكان آخرها مقتل الشاب خالد سعيد.

وأعلن حسين إبراهيم، عضو مجلس الشعب عن الكتلة الإخوانية بالإسكندرية، أن الحملة ستشمل أربعة محاور هى محور برلمانى وآخر قضائى ومحور حقوقى وشعبى، ومن المنتظر عقد مؤتمر صحفى للإعلان فيه عن متحدث رسمى باسم الحملة، وإعلان خطوات ومراحل وفعاليات تلك الحملة

[لولا]

تعليق القراء فى اليوم السابع على مقال الإخوان

اقرأ معى

هذه الجماعة ماكرة

وهي الذراع الخفي للنظام المصري

وهي جماعة باطنية " تبطن عكس ما تظهر "

ولن تفعل أي شيئ الا بعد موافقه جهات أمنية في اطار خطة كبرى

واتفقت الجماعة مع النظام على أن تكون هي المعارضة للنظام وهذا في العلن فقط

أما في حقيقة الأمر هي داعمة للنظام

وهذا يبرر نجاح النظام في جميع معاركة السياسية السابقة

وهذه تمثيلية كبرى تدور على الشعب

وانا كنت واحد منهم وتاب الله علي بعد اختلافات و معارك فكرية وأعرف جيدا كيف يخططون

لتدمير أي قوه متصاعدة

لأنها لن تقبل بتصاعد اي تيار سياسي عليها

والدليل على ذلك هبوط الحركة السياسية في السنوات الأخيرة صاحبة تصاعد حركة الاخوان

وليس هذا من قبيل الصدفة ولكنه كان مخطط له من قبل النظام وقيادات الاخوان وبالفعل نجحا في ذلك

احذروا احذروا هذه الجماعة

ربنا ينتقم منهم شر انتقام لما فعلوه من ضرر لهذا الشعب

قولوا آمين

-----

ربنا معاكم وينصركم على البلطجية الداخلية والشرطة وحسبي الله ونعم الوكيل فيهم وفي الوزير والحكومة الظالمة المستبدة .. أشوف فيهم يوم مثل يوم 11 سبتمبر 2001 يارب العالمين .. اللهم أهلك الظالمين بالظالمين وأخرج المصريين من بينهم سالمين يارب العالمين

----

كدة خلينا نتحرك وكل واحد يعرف ياخد حقه في البلد دى وكل مسؤول امنى يعرف انه مساءل ومحاسب على انتهاكاتهمش دم المواطنين مستباح وقتلهم شئ عادي اللهم على من ظلمنا

---

أن الأوان لوضع حد لأنتهاكات الشرطة وإلا سيكون كل يوم فيه قتيل للشرطة بعدما حصل الضباط والمخبرون على التصريح والتأييد من وزارة الداخلية بذلك ودعم النيابة وتتطنيش الحكومة

----

كنت اتمني اكون في مصر علشان اوقع وعلي فكرة الجبان هو الي مش هيوقع مصر كلها خالد سعيد معاد طبعا الحزب وعصابتة حسبي الله ونعمي الوكيل

---

اه بتهيصوا فى الزيطة بس احسن من قعدتكم اهوه اخيرا نستفيد منكم بحاجة ربنا يهديكم

---

عايز اقولك حاجه ياريس اكيد الخونه ماقوهاش لسيادتك لاخوان عاملين حمله وعايزين يفضحو الخونه والظلمه هتعمل ايه ياريس ؟ هاتقف فى صف عيالك ولا هتدافع عن الخونه ياريس؟

----

مدير أمن الاسكندريه هو اللواء خيري موسي مش اللواء محمد إبراهيم

و علي فكره التعديل ده بس علشان القضيه تترفع علي الواحد الصح

أصلنا بجد طهقنا منه و والله هتبقوا عملتوا فينا اكبر معروف في الدنيا

أحنا مين بقي مش لازم لاسباب امنيه -والمعني في بطن الشاعر-

[لولا]

كان عندى ليك سؤال يا مصر.

دلوقتى بقوا سؤالين.

ليه ؟؟

http://www.youtube.com/watch?v=jKgYUS8RPrU...player_embedded

[shawshank]

... تحتمل جدااااااا ان يخرج النائب العام باتهام للمخبرين وللظباط كما حدث من قبل بل واعتقد انه الاصلح للنظام السياسي اتهامهم بالقتل حتى وان لم يكن صحيحا لتهدئة الرأى العام ولكسب ثقتهم ...

يبقى حضرتك متفقة معي على عدم استقلالية النائب العام . يعني لما يتهم ناس باتهامات باطلة عشان بس الرأي العام يبقى ده فاسد واللا مش فاسد ؟

إذن فالقرار السياسي يحرك النظام القضائي في القضايا الكبرى التي تمس الرأي العام . يعني لو فيه قضية كبيرة عند النائب العام وشاغلة الرأي العام ، هيتصل زكريا عزمي بالنائب العام يقول له مثلا : "يا سيادة المستشار الموضوع ده لازم الناس ياخدوا حقهم فيه والعدالة تاخد مجراها" . يروح النائب العام منفذ . موضوع تاني ، يتصل برضه زكريا عزمي بالنائب العام : "يا سيادة المستشار احنا في فترة حرجة دلوقت ومش عايزين مشاكل ولازم العيال دي تقف عند حدها ، وجهاز الشرطة برضه جهاز ليه احترامه" . يروح النائب العام منفذ . وهكــذا . وفي كثير من الأحيان يكون النائب العام عارف لوحده دوره ، ولو مش عارف ، يمشي ونجيب غيره يكون عارف .

أنا مش بتكلم عن القضية دي بعينها ، لكني أتكلم عن عدم استقلالية القضاء في القضايا الكبرى وخضوعه للنظام الحاكم .

[لولا]

رابط الجمعيه الوطنيه للتغيير

http://www.taghyeer.net/

والهدف الرئيسي من الجمعية هو العمل على التوصل إلى نظام سياسي يقوم على الديمقراطية الحقة والعدالة الاجتماعية، والخطوة الأولى على هذا الطريق هي كفالة الضمانات الأساسية لانتخابات حرة ونزيهة تشمل جميع المصريين، بحيث تكون هناك فرصة متكافئة للجميع، سواء الانتخابات التشريعية أو الانتخابات الرئاسية، وهي ضمانات وإجراءات تطالب بها فئات عريضة من المجتمع المصري منذ سنوات عديدة وفي مقدمتها:

1.إنهاء حالة الطوارئ

2.تمكين القضاء المصرى من الاشراف الكامل على العملية الانتخابية برمتها.

3.الرقابة على الانتخابات من قبل منظمات المجتمع المدنى المحلى والدولى.

4.توفير فرص متكافئة في وسائل الإعلام لجميع المرشحين وخاصة في الانتخابات الرئاسية.

5.تمكين المصريين في الخارج من ممارسة حقهم في التصويت بالسفارات والقنصليات المصرية.

6.كفالة حق الترشح في الانتخابات الرئاسية دون قيود تعسفية اتساقاً مع التزامات مصر طبقاً للاتفاقية الدولية للحقوق السياسية والمدنية، وقصر حق الترشح للرئاسة على فترتين.

7.الانتخابات عن طريق الرقم القومي. ويستلزم تحقيق بعض تلك الإجراءات والضمانات تعديل المواد 76 و77 و88 من الدستور في أقرب وقت ممكن.

------

التغيير لا تُحدثه المعجزات !

التغيير تُحدثه اراده الشعوب الحرة .

يكفى سلبيه..

لولا

[لونا]

هناك موضوع كلنا مشاركين فيه وكلنا ندفن رؤوسنا في الرمال .. ولم أره يوماً يُثار في برنامج تليفزيوني أو حتى مقال في جريدة .. على أستحياء كده

ها ..

ممكن تقولوا لي : كيف يتم أختيار المتقدمين لإختبارات كلية الشرطة ؟

ولما دي منطقة محظورة ومُحرم الأقتراب منها ؟؟؟؟؟

لما نعرف الطريقة ... هانكتشف ساعتها سبب الفساد اللي فيه هذا الجهاز الهام والحيوي في حياتنا ومجتمعنا

اضافة لكلامك كمان

فيه مشكلة اكبر

موضوع غسيل المخ اللى بيحصلهم داخل الكلية والتحول اللى بيحصلهم من شخصياتهم الطبيعية اللى شخصيات هما عايزنها بالتحديد

للتوضيح اكتر فيه واحد صحبى ابن ناس اوى يعنى لما تقارنة بيا بحس انى صايع وهو ابن ناس اوى

مجموعه ماشاء الله كان يدخله طب بيطرى

واد ممتاز فوق كل الوصف وفيه كل الحجات الحلوة اللى تتمناها

تحول كلية

بقى شخص اخر

شتيمة وسخرية من الناس وحجات تانية كتيرة

بقى عنده شوية تكبر

فعلاً ..... غسيل مخ على أصوله

من أشخاص ثقة ... إبنهم بعد ما كان بيصلي الفروض كلها

أثناء دراسته بكلية الشرطة .. لم يعد قادراً على أداء معظم الفروض

بسبب ضيق الوقت أولاً و الإرهاق الشديد ثانياً .. فلا يسمح لهم بأداء الصلوات أثناء الدراسة

و بالطبع جداول الدراسة ليس لها علاقة بمواعيد الصلاة

[pink rose]

تعليق من الفيس بوك

العساكر بتوع الامن المركزى واقفين فى وشنا

تخيلوا انهم ميعرفوش مين خالد ولا اتقتل ازاى ولا اتقتل ليه

كل الى سالهونى عساكر الامن المركزى

يا كابتن هتخلصوا المظاهرة دى امتى عايزين نروح ونبى

غلاااااااااااااااااااااااااااااابة

مش عارفه ليه لما تيجي سيرة عساكر الامن المركزي بافتكر فيلم البرئ لاحمد زكي

تم تعديل 17 يونيو 2010 بواسطة remo

[Howayda Ismail]

عساكر الامن المركزى اكثرهم غلابة ومغلوب على امرة عشان كده الحكومة بستعين بالبطلجية والمرشدين والمخبرين عدماء الضمير

[herohero]

الامن المركزي ده زي احمد سبع الليل ف فيلم البريء بتاع احمد ذكي

مش عارفين حاجه ومضحوك عليهم

وعن موضوع غسيل المخ اللي بيقوله سي السيد طب هو اللي ساب كلية مدنية ودخل شلرطة دخل ليه

انا عندي ابناء عمي سابوا هندسة ودخلواشرطة ومنهم واحد بيسوق ومصمم من غير رخصه وكالمعتاد السيارة ممسوحه الارقام ومتفيمة اسود وساب هندسة وراح شرطة وسعيد جدا بيقولي انا مش عاوز اطلع بره مصر ووظيفه ضابط شرطة هي المناسبة لمصر

فالراجل مخه مغسول من الاول وجاهز لان عنده نموذج شايفه فبنى حكمه ع اساه طب وهندسة ايه اديها شرطة وروق نفسك

البلد عاوزة كده وقواعد اللعبه كده

[لولا]

[لولا]

اهانه الفرد .. اهانه للوطن .

[لولا]

تعرف انا مين يا له ؟؟ انا ابو لهب..

كنت أتمنى الموت، وبقيت طوال المدة مكبل اليد لم أنم على جنبي، معصوب العينين بخرقة قذرة مما تسبب في إصابتي بحساسية في العين، أعاني منها للآن. كنا ننام واقفين أو جالسين القرفصاء في ممر المبنى، وأصبت بجلطة في الساق.. وحتى الآن أتعاطى عقار ’ماريفان’ كمسيل للدم، وكان الضباط يركلوننا بأقدامهم كلما مروا علينا مع وابل من السباب، واستمر التحقيق معنا مساء كل يوم وحتى الصباح بينما نحن معلقين من الأرجل متدليين من السقف ونتعرض للضرب والصعق بالكهرباء المعروفة باسم ’العنبوكة’، كان الضباط يقولون لنا:تعرف أنا مين ياله أنا أبو لهب..أنا أبو جهل يا... إحنا زبانية جهنم 20 سنة صد عن سبيل الله

عن شهادة المعتقل هشام دياب

[لولا]

التعذيب والكهرباء لمحمود لانه احتج على معاكسة الأمين لابنته!!

عن مركز النديم للتأهيل النفسي لضحايا العنف

في عصر يوم الخميس الموافق 2 يوليو 2009 كان محمود رمضان رزق يتريض مع ابنه رمضان (10 سنوات) وابنته أسماء (14 سنة) بجوار سور كلية الزراعة في شبرا حين مرت بهم سيارة شرطة زرقاء بها أربع رجال من بينهم أمين شرطة قام بمعاكسة الفتاة الصغيرة .. احتج الأب على المعاكسة فنزل الأمين وحدثت مشادة بين الاثنين انتهت بأن وعده الأمين بأنه "سوف يجعله يكره نفسه". لم يدع الاب الحادثة تفسد عليهم الفسحة فأكملوا نزهتهم وفي طريق العودة شاهد الأب الأمين وعدد من الرجال فشعر بالقلق على ابنته واستدعي أخيه، عنتر رمضان رزق ليصحبها الى المنزل. وقد صدق توقع الأب فقد حاصرهم رجال الشرطة وألقوا القبض عليه وعلى ابنه الصغير

ضربوا بابا بايديهم قعدوا يضربوا فيه ييجى نصف ساعة وكهربوه بسلك فى ظهره ورجليه، كان بيصرخ وانا كنت بعيط..

شهادات نجل وشقيق المواطن محمود رمضان رزق

واحنا راجعين كنا قلقانيين.. اختى اتصلت بعمى جه أخذها.. بعدها على طول جت عربية شرطة ثانية وقبضوا عليه انا وابويا، فى القسم (شبرا أول) ضربوا بابا بايديهم قعدوا يضربوا فيه ييجى نصف ساعة وكهربوه بسلك فى ظهره ورجليه، كان بيصرخ وانا كنت بعيط.. جه شخص طلعنى بره شوية ورجعت تانى، اخذونى فى حجره انا وبابا (هنا تعرف الطفل على اثنين ممن كانوا في سيارة الشرطة هما على الشيمى من مباحث القسم والضابط احمد موسى،) قعدت انا وبابا لغاية الساعة عشرة".

وفي العاشرة أفرج عن الطفل حسبما يروي عنتر رمضان رزق، شقيق محمود

http://tortureinegypt.net/taxonomy/term/452

[fagrmasr]

لولا ........

ما حدث لخالد وما حدث لمحمود رمضان وما حدث فى قسم العمرانية وفى كل اقسام مصر .. يحدث باستمرار ... والكارثة ان كلنا شهود ... لكنه الخضوع والخنوع .. الشعب خايف من وهم اسمه السلطة.. مع ان كل الشعوب اللى بتثور مبتعرفش تقف قدامها سلطة .. وان طال التحدى

اننا باذن الله قادمون

شكرا ان بنت من بنات مصر هى اللى بتكتب وبتحرك فينا النخوة .. احنا الرجالة.. او .. اللى مكتوب فى بطاقة الرقم القومى رجالة

لو رجالة بجد ... ميعادنا بكرة الساعة خمسة على الكورنيش

ولو سكتنا ... يبقى مفيش نخوة.. ويبئا ليهم حق يدوسوا علينا بجزمهم كمان وكمان ويعاكسوا بناتنا ويكسروا كرامتنا ..... دا لو سكتنا ومكسرناش رقبتهم ورقبة اللى يشتدد لهم

وماعتقدش ان مصر هاتسكت

مش من طبعها الخضوع ولا الخنوع ... حتى وان طال الصمت .. قدرتها على الحركة والتطهير مفيهاش اى شك

مصر ولادة

[لولا]

وماعتقدش ان مصر هاتسكت

مش من طبعها الخضوع ولا الخنوع ... حتى وان طال الصمت .. قدرتها على الحركة والتطهير مفيهاش اى شك

مصر ولادة

التغيير لا تحدثه المعجزات..

التغيير تحدثه ارادة الشعوب الحرة

وارادة الشعوب الحرة لن ترتضى العبوديه

لن ترتضى المهانه

لن ترتضى هدر الكرامه المصريه من قبل اجهزة وافراد يفترض انهم موظفين لدى الشعب

وصل الفساد مداه وآن للكرامة المصريه ان تنتفض

آن للغضب ان يكون له صوت هادر

تم تعديل 17 يونيو 2010 بواسطة لولا

[لولا]

نقلا عن الفيس بوك

تعليمات هامة في كل من القاهرة والإسكندرية:

- متقلقوش قانونا الامن ميقدرش يعمل لكم أي حاجة وطالما انتم مش هتعطلوا المرور أو تتجمعوا مش هيحصل أي مشكلة.

- الكل يرتدي تيشيرت اسود سادة لو يقدر .. بلاش المشجر او المقلم .. أسود سادة يا جماعة ونفس الكلام للبنات

- هات معاك مصحف أو إنجيل أو جهاز إم بي ثري واسمع حاجة مفيدة

- الوصول للكورنيش الساعة خمسة بالضبط يا ريت محدش يتأخر لأن لو فيه ناس اتأخرت بالربع أو النصف ساعة هيفقد الموضوع معناه. يا ريت الوصول الساعة خمسة بالدقيقة وأماكن الوصول هيتم ذكرها أدناه لكل من القاهرة والإسكندرية.

- يمنع منعا باتا اصطحاب أي منشورات أو أوراق أو لافتات أو أعلام وما شابه

- ممنوع الهتاف بأي شكل من الأشكال .. نحن صامتون لا نتحدث .. نحن غاضبون بصمتنا .. مش هنتكلم مع حد .. حتى اللي زينا.

- ظهرك للشارع .. احنا زعلانين من البلد والحكومة ومدينها ضهرنا ووشنا للبحر أو النيل.

- لا تتجمهر بعد انتهاء الساعة .. بل قم بالتحرك مباشرة وفورا بعيدا عن الكورنيش في الناحية الأخرى. ويجب ألا يكون هناك أي مجموعات حتى ولو أصدقاء متواجدين على الكورنيش بعد انتهاء الوقفة.

- لا تتحدث مع أي شخص لا تعرفه ولا ترد على أي إساءة شفهية لك من قبل أحد المارة وده وارد يا جماعة لأننا بنعمل حاجة غريبة.

- المسافة بينك وبين أي زميل ليك لابس تيشيرت إسود تكون على الاقل خمسة متر. ومينفعش اتنين يقفوا جنب بعض ويتكلموا لأن عايزين ننتشر على أكبر رقعة في الكورنيش.

- من الساعة ستة إلا ربع للساعة ستة يمكن ان ترفع ايدك للدعاء الاختياري لخالد سعيد ان ربنا يرحمه وانه ميحصلش كده لأي واحد تاني.

- إذا شعرت بأي خطر أمني مثلا شخص يرتدي ملابس ميري أو مدني يأمرك بالتحرك من مكانك لا تدخل في أي نقاش وتحرك بالفعل من مكانك وامشي على الكورنيش.

- في حالة مخالفة أي قواعد من المذكورة سابقا من طرف الناس اللي قاعدين جنبك يا ريت تقوم فورا وتتحرك من مكانك وتختار مكان تاني .. أي مجموعة تخالف القواعد دي محدش يقعد جنبهم.

- في حالة وجود عساكر الداخلية لمنطقة الكورنيش وده أمر مستبعد جدا بسب طريقتنا الحضارية فساعتها الخطة هتكون اننا نمشي في شوارع الاسكندرية الداخلية لمدة ساعة .. وبرضه تاني نمشي مع نفسنا مش مع أي حد ومش هنتكلم مع أي حد من المارة

- عايزين شباب يجيب معاه كاميرات ديجيتال ويصور الأحداث دي .. عايزين ناس تعدي بالعربية وتصور الكورنيش واللي ان شاء الله هيتملي بالناس.

- لو حضر ٣٠٠٠ شخص في القاهرة والاسكندرية هنملا مالايقل عن ١٠ كيلو ودي مسافة رهيبة.

يا جماعة محدش يتخلف عن الحضور من فضلكم!

~-~-~-~-

نقاط التجمع:

اختر المنطقة التي تقترب من بيتك .. ولا تقف في وسط الزحام إذا وجدت شبابا وبنات بتيشرتات سوداء تحرك وابتعد مسافة خمسة متر عن أقرب واحد فيهم واجلس

~-~-~-~-~-~-~-~-

الإسكندرية:

- منطقة المنتزه بجوار فندق شيراتون المنتزه

- منطقة كليوباترا

- منطقة سان ستيفانو

- منطقة مكتبة الاسكندرية

~-~-~-~-~-~-~-~-

القاهرة:

- مقابل ميدان التحرير

- أمام فندق الفور سيزونز

- قبل منطقة القصر العيني

- أمام المعادي مدخل 1