خالد محمد سعيد "شهيد الطوارئ

[لولا]

قناة الناس تناقش قضيه خالد ..

انا لسه متابعه..

بيقولوا ان حتى الضابط اللى اتحكم عليه فى قضيه عماد الكبير طلع بعد شويه !!

ما الورق ورقهم والسجن سجنهم !!

[لولا]

نقلا عن الشروق

كشف تقرير الطب الشرعي حول وفاة المحكوم عليه صابر عبد السميع، والذي توفي في قسم شرطة مدينة نصر أول، أن الوفاة "طبيعية ولا توجد شبهة جنائية".

وجاء في التقرير المقدم لنيابة مدينة نصر، أن الإصابة في رأس المتوفى "حدثت بعد موته، وهو ما يتفق مع تأكيدات رجال الأمن، أن رأس المتوفى ارتطمت بالأرض بعد موته أمام باب القسم بعد خروجه من القسم مباشرة".

وورد في التقرير الذي قدمه رجال الأمن في تحقيقات النيابة أن المتوفى "تم القبض عليه في قضية مرافق وتقرر إخلاء سبيله، وأثناء إجراء الكشف عليه جنائيا لإتمام إجراءات الإفراج تبين أن عليه حكمين، وبعد التأكد تم اكتشاف أنه نفذ أحدهما بينما الحكم الآخر ضد شخص آخر يتشابه اسمه معه، وبالفعل تم إخلاء سبيله ولكن بعد خروجه من باب القسم سقط على الأرض وتبين وفاته من نوبة سكر".

لقاهرة - محرر مصراوى - واصلت نيابة استئناف الإسكندرية الخميس تحقيقاتها فى واقعة خالد سعيد (قتيل الإسكندرية) حيث استمعت لأكثر من 11 شاهداً تحت إشراف المستشار ياسر رفاعى المحامى العام لنيابات الاستئناف .وتضاربت اقوال الشهود فى القضية، حيث تم عرض صور جثة خالد المنشورة على الإنترنت على حسن مصباح صاحب "السايبر"، وأكد مصباح أن الصور الملتقطة لشاب أصلع دون شعر، فى حين أنه شاهد خالد أثناء حمله على نقالة الإسعاف بشعر كثيف يغطى جبهته وعينيه.

وأضاف مصباح فى تحقيقات النيابة، أنه فوجئ بدخول المخبرين إلى «السايبر» وقيامهما بـتكتيفه ووضعا يديه خلف ظهره، واعتديا عليه بالضرب.

وقال فتحى حكيم عامل المشرحة أن " شقيق المتوفى حضر وبصحبته عدد من الأشخاص لمشاهدة جثة شقيقه، وصور أحدهم الجثة بواسطة هاتف محمول، مضيفاً أن الجثة لم تكن بها الإصابات الموجودة بالصور لدى وصولها إلى المشرحة" .

وأكد الحاج سيد القائم بـالغُسْل أنه شاهد الجروح التى تظهر بالصور أثناء قيامه بعملية غسل المتوفى وعقب انتهاء الطب الشرعى من مهمته، مشيراً إلى وجود عدد من أسرة المتوفى أثناء الغسل وقيام أحدهم بتصويره.

كانت النيابة قد استمعت إلى أحمد سعيد شقيق خالد، الذى قرر أن لديه تصوير فيديو لجثة شقيقه قبل تشريحها وبها العديد من الإصابات والكسور، وقرر أنه صور جثة شقيقه داخل المشرحة عقب وصوله مباشرة وقبل وصول الطبيب الشرعى لتشريح الجثة، إلا أنه لم يتمكن من تقديم الفيديو إلى النيابة عندما طلبته منه وادعى أن تليفونه المحمول فقد منه.

وصرح الدكتور محمد عبدالعزيز، الطبيب الشرعى الذى قام بعملية تشريح جثة المتوفى بأن " الإصابات الموجودة بجثة المتوفى والتى شاهدها قبل عملية التشريح هى نفسها الإصابات الموجودة فى مناظرة النيابة وثابتة فى تقريره" .

وأجاب الدكتور محمد عبدالعزيز بعد سؤاله عن الحالة التى كان عليها المتوفى قبل التشريح قائلاً : " أن جميع عظام الجثة، منها عظام الجمجمة والرأس كانت سليمة بالكامل ولا يوجد بها أى كسور وأن الرأس تحديداً لم يكن به أى ارتشاحات أو نزيف دموى والأسنان كانت موجودة بالكامل فى مكانها ماعدا سنة واحدة بالفك العلوى كانت مكسورة " .وقال الطبيب الشرعي فى تحقيقات النيابة أنه أوضح كافة المعلومات فى تقرير الصفة التشريحية بشأن المتوفى، مؤكداً أن الوفاة حدثت نتيجة إسفكسيا استنشاقية نتيجة انسداد المسالك الهوائية بفعل اللفافة المنحشرة فى البلعوم .

وبسؤال الطبيب محمد عبد العزيز حول إمكانية أن يقوم أحد الأشخاص بإدخال اللفافة عنوة إلى حلق المتوفى، أجاب : " باستحالة إدخال اللفافة عنوة سواء أكان حياً أو ميتاً " .

وأضاف الطبيب الشرعي أنه أخرج اللفافة أثناء عملية التشريح وبها مادة تشبه نبات البانجو المخدر تم إرسالها إلى المعمل الكيميائى إلى جانب عينة من أمعاء المتوفى تم سحبها للتحليل ولم تصل النتيجة الخاصة بها بعد .

واختتم الطبيب أقواله قائلاً : " أن الإصابات التى شاهدتها فى جثة المتوفى وهى عبارة عن كدمة تحت العين وسحجات بالساعد والكوع وبعض السحجات الأخرى لا يمكن أن تؤدى إلى حدوث الوفاة " .يذكر أن اللجنة الثلاثية للطب الشرعي، برئاسة الدكتور السباعى أحمد السباعى كبير الأطباء الشرعيين قد استخرجت جثة الشاب خالد سعيد بحضور شقيقه، والبدء في إعادة تشريحها وسط حراسة أمنية مشددة على ان تعلن نتيجة التشريح خلال عشرة ايام .

والجدير بالذكر أن النائب العام المستشار عبدالمجيد محمود قد أمر الثلاثاء الماضي باستخراج جثة الشاب خالد سعيد، الذي يُعتقد أنه قُتل في الاسكندرية على يد 2 من رجال الشرطة، وذلك لبيان سبب الوفاة.

وقرر المستشار عبد المجيد محمود ندب لجنة ثلاثية من مصلحة الطب الشرعي بالقاهرة برئاسة كبيرالأطباء الشرعيين لإعادة تشريح جثة القتيل لبيان سبب الوفاة والإصابات الموجودة بالجثة وسببها وتاريخ وكيفية حدوثها والاداة المستخدمة في احداثها .

المصدر : اخبار مصر ، مصراوى

شعب فااااجر بصحيح..

اهو الطب الشرعى النزيه .. النزيه..النزيه بكل معانى الكلمة

أظهر الحق ..

اييييييه يا ابنودى هو فعلا زى ما انت قلت احنا ولاد الكلب الشعب !

[لولا]

محمود جاد- اليوم السابع

البانجو مش بتاعى.. وخالد معرفوش

الخميس، 17 يونيو 2010 - 19:17

قطعاً لا اعرفه، لكن أعرف القاتل جيداً.. لا أمتلك من الخيال ما يمكنى من تصور ما جرى، لكن جريمة خالد، ذاك الشاب السكندرى (ضحية التعذيب) أعلمها علم اليقين، جريمته أنه عاش بينى وبينك، واختار أن يقف وحيداً فى وجه عناصر الفساد بالداخلية.. وأن يفضحهم بمفرده على موقع "يوتيوب".. لا جرم لديه سوى صمتنا.. ولم يقترف من الذنوب سوى الخروج من طابور الصامتين.

قطعاً لا أعرفه، لكنى أرى الوجوه ذاتها، والعناوين العريضة نفسها، وبيانات الداخلية التى تقطر كذباً، وأقلام النظام التى لا تعرف الخجل. كذلك أرى وسط الوجوه الفقيرة الغاضبة سماسرة المعارضة، يجرحون حناجرهم بالصياح اليوم، ليحولوا من شهيد التعذيب مادة انتخابية، يجنون من ورائها مقعداً بالبرلمان، أو تصريحاً صحفياً ساخناً يصعد بهم لصدارة الصفحات الأولى من جرائد الغد.. لنقرأها أنا وأنت فى الصباح، وإن تكبدنا عناء التعليق فلن يكون أكثر من نظرة بلهاء إلى العدم، مسبوقة بعبارة: حسبى الله ونعم الوكيل.

قطعاً لا أعرفه، لكنى أعرف جيداً من سيشجبون ويعربون عن بالغ القلق، وماذا سيحمل سفراؤهم ودبلوماسيوهم من ورق، حين يأتون ويحققون، وأعلم جيداً ثمن صمتهم مستقبلاً، معبراً يغلق، أو سفينة حربية تمر بسلام من قناة السويس، أو أوكازيون على الغاز المصرى لإسرائيل أو غير ذلك.

قطعاً لا أعرفه، لكنى أعلم أن كلانا معرض للمصير ذاته، طالما ارتضينا الظلم، واكتفيت أنا بأن أكتب، وآثرت أنت أن تقرأ لى.. لا أعرفه، لكنى أعلم أنه لم يكن الأول، وأبداً لن يكون الأخير.. وأدرك أن الحلول المتاحة لن تغير وزيراً ولن تقلب نظام حكم.. ومهما تفاءلت فإن إعدام الجناة لن يغير موروث العبث الذى يسكن علاقة رجل الشرطة والمواطنين.. وربما نصادف اليوم الذى تعتمد فيه الداخلية خدمة "توصيل التعذيب للمنازل والشوارع"، ليصلب المتطاولون على أعمدة الإنارة كقتيل "كترميا" اللبنانية.

أنصحك بالابتعاد عن الـ"يوتيوب"، والبانجو فهو لم يعد مادة مخدرة رديئة كما يزعم الجميع، وإنما أداة قتل فتاكة، وتجنب اللماضة مع أبناء وزير الداخلية "الحبيب".. أما أنا فلو سئلت يوماً عن خالد، سأجيب: البانجو يا باشا، ضار جداً بالصحة "ويسبب الوفاة".. وخالد أنا كتبت عنه جملة واحدة "قطعاً لا أعرفه".

[لولا]

اقرأ معى هذا المقال الرائع عن التعذيب فى مصر

شهيد ... "سيدى جابر"

مختار نوح | 16-06-2010 23:43

محطة سيدى جابر دخلت التاريخ .. ذلك أنها كانت لوقت قريب ليس لها من ذكر إلا أنها تعبر عن نهاية التذاكر الصفراء فى ترام الرمل لأنها فى نصف المسافة وأهل الأسكندرية فقط هم الذين سيعرفون معنى نهاية التذاكر الصفراء .. فى ترام الرمل أما باقى المسافة من سيدى جابر إلى محطة الرمل .. فتذاكرها حمراء .. أما الآن فقد أصبحت محطة سيدى جابر تعبر عن نهاية للتذاكر الصفراء ونهاية أرواح الأبرياء أيضاً فآخر شهداء التعذيب اسمه " خالد سعيد " .. ولا يهمنا من الذى قتل " خالد سعيد " سواء أكان الشاويش عوكل أم كان مأمور قسم سيدى جابر نفسه فالذى قتله من وجهة نظرنا هو نظام سياسى يسمح بقتل الناس فى السجون والأقسام كما لا يهمنا إن كان خالد سعيد هذا تاجر مخدرات أم تاجر سجاجيد صلاة .. فالمهم أنه " إنسان مصرى " .. له حق الحياة .. والمهم أيضاً ياساده إن هذا الشهيد هو آخر شهداء التعذيب فى مصر .

والغريب أيها الساده أن حكومتنا تملك بجاحه ليست لدى أى حكومة فى العالم مثلها.. فإذا ما تم مناقشة التعذيب فى مصر فى الأمم المتحدة ومجالس حقوق الإنسان وجدت المندوب الحكومى المصرى وهو "بربند" ينطق بالأكاذيب حتى تتخيل أن المسجون المصرى حينما يأتى إليه قرار الإفراج يبكى من شدة الحزن حيث أنه ما كان يتمنى أن يترك نعيم الشرطة والأقسام والسجون .

فقد شاهدت فى حياتى العديد من ضحايا التعذيب وكان آخرهم شاب أسمه "محمد عبد القادر "مات -رحمه الله - فى قسم حدائق القبة بعد تعذيب أكاد أن أقسم أنى شاهدت آثاره بعينى على جثته .

ولأن القتله فى مصر يعصبون عيون الضحايا فمن الصعب حتى أن يصدر حكم على الجلاد القاتل ... حتى لو أرادت الدولة أن تقدمه للمحاكمة .. والمؤكد أن الدولة لا تريد ذلك فحماية التعذيب سياسة ومنهج .

وأذكر أنه كانت قد أحالت محكمة أمن الدولة العليا أكثر من أربعين ضابطاً إلى محكمة الجنايات بتهمة التعذيب فى عام 1988 بحكم من المستشار خالد الذكر " عبد الغفار محمد " رحمه الله إلا أن المحكمة التى نظرت القضية والتى كانت برئاسة المستشار "عدلى أيوب" وعضوية المستشار السابق والمحافظ الحالى " عدلى حسين " برأت جميع الضباط .. ثم قامت وزارة الداخلية برحلة للحج خُصصت للساده الضباط المُعذبين .. وخرج منهم من أصبح محافظاً .. بعد ذلك .. وما زال حتى تاريخه ..

إذن يا ساده فجريمة التعذيب ليست جريمه فرد وإنما جريمة نظام سياسى بأكمله .. وللمعلومات فقط أقول لأحبابى القراء الذين تم تعذيبهم أو ضربهم على قفاهم فى الأقسام أو الذين ينتظرون فى قائمة الإنتظار ـ أنه لا توجد جريمة فى القانون أسمها التعذيب وإنما الجريمة التى ينسبونها إلى الضابط الذى يُعذب الضحية على قفاه ويجعل له خازوقاً مقاس 44 ليجلس الضحية عليه ثم يقوم بتوصيل الكهرباء فى أماكن حساسة .. هذه الجريمة كلها على بعضها هى جنحة أسمها فى القانون " جنحة إستخدام قسوة " حتى لو مات المواطن أثناء إستخدام الشاويش عوكل للقسوة فهو قتل خطأ .

وغنى عن الذكر أن الصحف الحكومية سوف تبدأ فى حملة صحفية تؤكد فيها أن القتيل قد قرصته نمله أو أنه ابتلع سفنجه سدت حلقومه أو أنه غرق فى الحوض بينما كان يغسل فرشاة أسنانه .

ففى عام 1981 استشهد الأستاذ " كمال السنانيرى " .. ثم قالوا كذباً إنه إنتحر وكرروا هذه المقوله مع العشرات من بعده .. حتى الشهيد " أيمن حسن " والذى كان قد حكم عليه بالسجن لقيامه بقتل الصهاينه على الحدود المصرية وجدناه مشنوقاً بملايات بيضاء .. زى الفل .. وقالوا أيضاً إنه إنتحر .. ألم أقل لكم يا ساده إن التعذيب جريمة نظام وليست جريمة أفراد ..

والآن أعلن لكم أنى قد فهمت لماذا كانت الحكومة تُدرس لنا فى المدرسة أن عمر بن الخطاب " رضى الله عنه " كان يؤكد أنه لو تعثرت بغله فى العراق لخشى أن يسأله الله عليها لماذا لم يمهد لها الطريق .. نعم فهمت وفهمت جداً كمان وعرفت إن الإنسان المصرى أقل عند الحكومة المصرية من البغل بكتييييييييير ... وعجبى

http://www.almesryoon.com/news.aspx?id=32837

[لولا]

اعرف نبض الشارع من خلال تعليقات المواطنون فى صحيفه المصريون

في احد القرى في اسيوط كان ضباط الشرطه عشان يقبضوا على واحد ياخده مراته او اخته او امه رهائن عشان يسلم نفسه قرر اهل البلد ان اي ضابط شرطه يقبض على اي سيده يتم قتله وحدثت اكثر من واقعه قتل لضباط شرطه ااعتدوا على نساء المتهم وجرجروهم لقسم الشرطة الى ان عرف كل الضباط المنقولين الى هذه البلده ما يحدث فالتزموا الادب - اعتقد ان هذه السياسه هي الوحيده التي ستجدي نفعا في مصر مع هذه النوعيه من رجال الشرطه مع احترامي لكل المعرضين لي وان هناك اساليب اخرى يمكن ان تجدي نفعا لكنهم يحقنون في جسد ميت

-----------

رغم عدم تاكدي من نزاهه خالد سعيد رحمه الله ، بس برضو حتى لو كان حشاش ليس من حق اتخن تخين في الشرطة التعرض له بالضرب فقط يقبض عليه ويحال للمحاكمه ، كمان من حق اسرة خالد سعيد اخذ حقها من المخبرين وضباط الشرطه اللي بعتوهم - اخذ التار يعني لان البلد دي مش بلد تطبيق عدل ولا هي بلد قانون والتزام من الحكومه والداخليه دي بلد فوضى واللي معاه وعنده واسطه يدوس على اللي معهوش

-----------

قبل م نقراء التعليقات "تتحسبن" علي الظالمين و تستنزل اللعنات علي قانون الطواريئ و اللي خلفوه...أحب أقولكم إن ربنا مش حيعمل حاجه للناس دي لو إحنا معملناش حاجه عشان نوقفهم عند حدهم. و قبل م حد يتهمني بالكفر أحب أقوله إن محدش فينا بيقعد علي القهوه و يدعي ربنا يرزقه (كلنا بنشتغل لما بتطلع عينا)...طب ليه لما تيجي للحريه عاوزين ربنا يخلصنا من الظالمين من غير م نعمل حاجه؟؟؟؟

----------

[لولا]

مينا وليام يروى ما حدث معه الأحد الماضى فى مظاهرة لاظوغلى

اللى هتقروه ده يوم وتجربه عشتها ليوم واحد ومش ندمان عليها و لو هتتكرر تانى دفاعا عن اى ظلم على اى حد

مش هتاخر يا بلدى يا حره وهتفضلى حره بشعبك الاصيل:

انا مينا وليم 23 سنه من المنيا ومتزوج من فيبى انور وعايشين فى المنيا وبنزل القاهرة كثيرا , انا متابع الى حد ما جيد الى احوال البلد واللى بيحصل فيها وبحاول اشارك براى عن طريق الفيس لغاية لما قررت اشارك مشاركة فعلية على ارض الواقع فى مظاهرة لاظوغلى علشان خالد سعيد الشاب المسكين قليل الحظ مثل اى شاب مصرى علشان ممكن يحصل كدة لاى حد فينا وعلشان احنا تعبنا خلاص من كتر الظلم .

توجهت انا وزوجتى الى مكان المظاهرة بصعوبة بالغة لان الامن المركزى والظباط كان ملغم المكان متقولش داخلين على حرب وكانوا بيرجعونا تانى فضلنا نلف من الشوارع الاخرى لغاية ما وصلنا للميدان وكانت الساعة الخامسة ونصف وكانوا مطوقين على مجموعة كبيرة من المتظاهرين والباقى كان برا مش عارف يدخل .

واقفنا بالخارج انا ومجموعة كبيرة من الشباب ومش عارفين ندخل ازاى وكنت ارى الظباط ياخذوا شباب من المتظاهرين وما يحاول الدخول مع المتظاهرين بطريقة مهينة وكنت مترقب للموقف وانا بداخلى بركان من الغضب والثورة حتى وجدت شاب بحماس يحث الجميع للنزول الى منتصف الشارع لنحاول الدخول الى المجموعة التى فى الداخل .

نزلنا انا وكثرين ووقفنا فى منتصف الشارع مترابطى الايدى وبدانا فى الهتاف والتقدم وبالمثل تقدم الامن نحونا و بداو بالضرب ومحاوله تشتتنا والجرى ورانا للامساك بمن تطوله ايديهم تراجعنا جرايا الى الخلف بضعة امتار وورانا الظباط والمخبرين والعساكر على شكل كردون وابتدا الظباط والمخبرين بامساك الشباب وجرهم لعربيات الترحيلات .

وفجاه وجدت ظابط خلفى بمسافة قصيرة يحاول ابعادنا واثناء ذلك حدث اشتباك بالالفاظ فقط بين الظابط الذى ورائى بعدة امتار وشاب امامى بعدة امتار فقال الظابط هاتوة ابن ال ــــــــــــــــ جرى المخبرين وراءه للامساك به ولكنهم لم يستطيعوا ولم اتحرك ولم اجرى لانى لم افعل شئ خاطئ وفاجاه حدث ما لما اتوقعه , اتى الظابط من خلفى وقال لى ( انا معرفتش امسك ــــــ امة همسك ــــــ امك انت ) وبدا بامسكى هو واربعة اخرين وحولت مقاومتهم ولكن لم تجدى نفعا وفى محاوله من زوجتى لعدم اخذى , احتضنتنى بشدة على امل انهم لن يمدوا ايديهم اليها ويتروكونى ولكن بمنتهى الواقحة قاموا بانتزع ايديها بشدة ورميها على الارض بعنف حتى ياخذونى , رفعونى من على الارض ثم حملونى من ايدى و رجلى و مشوا بى الى قرب عربة الترحيلات بهذا الشكل و عندما كنت اقاومهم كنت انال الكثير من السباب و كحت جسدى بالاسفلت مما تسبب بجرح بسيط فى ظهرى من اثر الاحتكاك بالارض .

بعد ان انزلونى على الارض , جاء ظابط ابعدهم عنى و كمرنى من البنطلون و قالى (امشى معايا بقى انا كان ممكن اسيبهم يكسروك )روحت قولتله ( حلو الى بتعملوه فى البلد وحلو اللى بتعملوه فينا ) , راح قالى تانى ( امشى امشى انا اخدتك منهم كانو ممكن يكسروك ) قولتله ( مش هتفرق التكسير من برا , انا خلاص اتكسرت من جوا بالسحله الى اتسحلتها ده ) رد بكل برود قالى معلش معلش واخدنى لعربية ترحيلات ومسكنى مخبر وقالى اطلع ولقيت اتنين مخبرين تانى قدامى واحد منهم مسكنى وقالى طلع بطاقتك وموبيلك طلعتهم واديتهمله و زقنى دخلنى , جوا دخلت لقيت حوالى 6 افراد منهم اللى كانوا معانا وعايزين يدخلوا المظاهرة دخلت وقعدت . الجو جوا العربية كان ولعه وكمان كان كتمه , انا سالت الناس اللى كانوا موجودين هما هيعملوا اية معانا قالولى كام ساعة وهيمشونا وكان كل شوية يطلع حد تانى لغاية ما بقينا 27 واحد و البعدا من غبائهم اخدوا كمان واحد امريكانى علشان يا عينى الواد شعره مش اصفر ولا عينه خضرا , و كان يا عينى عمال يكلم روحه بالانجليزى و يقول هو فيه ايه ؟ هما خدونى ليه ؟ انا امريكى انا امريكى وقفلوا علينا الباب فضلنا واقفين مكانا شوية وبعد كدة العربية اتحركت بينا ومشيت فى وسط البلد شوية وطول الوقت اللى كانت في العربية بتلف فى وسط البلد او اى اماكن سكنية كنا بنهتف جوا العربية علشان الناس تعرف اننا مش مسجين وكلنا كنا غرقانين ميه من الحر وكنا هنموت من العطش بعد كدا العربية طلعت فى اماكن فاضية بصنا من الشباك معرفناش احنا فين بس كان فى مدافن وفضلت العربية واقفة شوية كتير وبعد كدة فتحوا الباب ودخل مخبر قال اللى معاة موبيل يطلعوه يا رجاله بالادب احسن بدل ما نتعامل احنا ردينا قلنا هاتوا ميه واحنا هنديكوم الموبيلات الباقية قالوا هنجيب مية قلنا طيب ماشى هاتوا واحنا نديكوم الموبيلات قالوا لا هاتوا الاول من هنا لهنا قلنا لا الميه قصاد الموبيلات قالوا ماشى خرجوا وقفلوا الباب وشوية وجابوا ميه وشربنا كلنا بعد كدة سابوا الباب مفتوح وكانوا واقفين على الباب ودخلنا فى حورات ومجادلات معاهم المهم قاعدوا يثبتونا ويقولوا انتوا اخوتنا قلت لهم لما احنا اخواتكم ايه السحلة اللى سحلتهالنا دى قالوا دة شغلنا المهم كان فى مخبر منهم واحد ساله انت شوفت صورة الولد دة واثار التعذيب قال لا قاله طيب ابقى شوفها , بعدها بشوية انا افتكرت ان فى صورة فى جيبى رحت قلت للمخبر انا معايا صورة اتفضل شوفها خدها ونزل من العربية يبص عليها فى النور وفضلنا واقفين مكانا كتير وكل شوية العربية تتحرك وتروح حته تانى تركن فية وبعد كدة بداوا ينزلوا منا شوية فى كل مكان بالاختيار العشوائى فضلت قاعد لغاية ما قالوا تعالى قمت نزلت كنت فى صلاح سالم رحت للظابط كان نفس الظابط اللى جابنى وكان راكب فى الكابية من قدام قالى ( اسمك سنك عنوانك ) قولتله قالى ( انت تبع حزب) قولتله ( لا ) قالى ( ايه اللى جابك ) قولتله ( علشان خالد اللى الظباط عذبوه وقتلوه) رد قالى( يابنى اللى بيغلط بياخد جزاءه واحنا بنتعب كتير علشانكوا يابنى الشغلانه دى متعبه انتو كده هتبوظو البلد والمصحف ) ادانى البطاقة والموبيل وقالى ( خد متعملش كدة تانى ) اول ما مسكت الموبيل لقيت فيبى بتتصل رديت قولتلها انا خرجت دلوقت انتى فين قالت وسط البلد قدام النائب العام واكانت الساعة عشرة بالليل وقتها اخدت تاكسى ورحت لقيت لسة فى مجموعة من الشباب بيهتفوا و حواليهم كردون من العساكر وفى ظباط واقفين بردة بس الوضع هدى دخلت فى وسطيهم لقيت فيبى جريت عليا اخدتنى بالحضن وكأن اترديت فيها الروح وانا كنت مش مصدق انها قدامى بعد يوم زى ده واتبسطت اوى , و قابلت فتحى فريد وجانيت وعرفت انهم واقفوا مع فيبى طول الوقت واقفة جدعان اوى وكمان عصام فضل وحنان صوفى وشكرا ليهم كلهم .

.

.

.

و فى نهايه النوت احب اقول ان التجربه اللى عديت بيها هى تجربه بيعشها ساعات كل يوم الشباب المهتم بالبلد دى , انا بوجه ليهم تحيه لانى الى شوفته فى يوم هما بيشفوه كل يوم وبقول انى مش ندمان على التجربه ده , ده اهداء منى لروح شهيد الطوارىء خالد شقيقى فى الوطن

[لولا]

هيا للثأر وقتال الجلادين من رجال الشرطة

الشرطة أصبحت عدو الشعب الاول بلا منازع، واستبدلت دورها من خدمة الشعب وحمايته إلى سحل الشعب وسحقه حتى الموت، ليس في المعتقلات فقط بل وعلى مرآى من الشعب. لم ولن يكن الشاب السكندري خالد سعيد هوآخر ضحايا جلادي خفير داخلية مصر المدعو "حبيب العادلي"، تبعه وللأسف وبنفس الطريقة البشعة سحل وقتل المواطن صابر عبدالسميع (59 عاما) في قسم أول مدينة نصر لأنه حاول حماية بضاعته بعد أن أزال الحى الكشك الذي كان يتعايش منه وهو رجل مريض (بينما يمنح النظام الأراضي والهبات لبعض المحظوظين في الحزب الوثني)، وطالبت ابنته بعدم الصمت على هذه الأحداث وقالت " لو سكتنا ماحدش هيبقى ليه لازمة أبويا حقه عند ربنا لكن أنا عايزه أضمن حق ولادنا اللى عايشين" حسب ما جاء في جريدة الشروق القاهرية يوم الأربعاء الموافق 16/6/2010 . التعذيب والسحل والقتل رسالة واضحة لكل من تسول له نفسه في مجرد التحدث إلى نفسه بما يمكن أن يعكر صفو النظام أو بما يجيء ضد الكلاب ناهشى لحوم البشر. ولسنا بصدد سرد ولا إحصاء من سحلتهم الشرطة جهارا نهارا من أبناء الشعب المصري في العهد المباركي، ولكننا بصدد تذكرة ما سيؤول إليه فعل الشرطة مستقبلا من حرب أهلية بين الشرطة والشعب، ناسية أنها من صلب هذا الشعب لحماية ذاك الكلب الصهيوني ونظامه المحتل. الشرطة تظن أنها تملك القوة لسحق وإذلال هذا الشعب، وتنسى الحكمة القائلة: لاتحتقر كيد الضعيف"، والضعيف المهمش الذي هانت عليه نفسه وضاعت حياته وصار وجوده والعدم سواء، لايبالي بما يصنع.. ولايفكر إلا في الانتقام، ويمكن أن يخترع ماهو أكثر خطرا ودمارا مما تملكه الشرطة من أسلحة ومصفحات وربما طائرات. وجلادو الشرطة يدفعون الشعب من خلال تصرفاتهم إلى البحث عن أدوات لرد الفعل غير مأمونة العواقب وخارج السيطرة، فهل الشرطة تريد دفع المهمشين باقتفاء أثر الجلادين ومطارادتهم وقتلهم فرادى بدعاوى الثأر والانتقام؟ وهل الشرطة تريد من الشباب المطحون والعاطل عن العمل القيام باختراع أو إعادة نماذج قديمة عفا عليها الزمن للانتقام منها؟ مثل استخدام المفرقعات والشعل ذات البنزين الحارق، والمسامير وغيرها كثير يمكن تحضيره بسهولة، ويمكن رمى الشرطة به بسهولةأيضا ومن أماكن مختلفة وغير مرئية، وربما باستخدام أطفال الشوارع نظير دراهم معدودة لشراء لقيمات يقمن صلبهم المتيبس. الشرطة بحاجة إلى إعادة النظر في في مهمتها ومعاملاتها، ولا جدال فإن فعل الشرطة وتكراره خلق ثأرا بينها وبين الشعب، وعلى القانون أن يقتص الظالمين وعلى رأسهم خفير الداخلية جلاد مصر الأول والأكبر حبيب العادلي" فهو المسؤل وكبار قادته عن قتل المواطنين بالتعذيب، أقول القصاص بالقانون، قبل أن يموت القانون، ويتأكد أننا في غابة قانونها البقاء للأقوى، وكل يمكن أخذ حقه وثأره بذراعه. أقولها وقبل فوات الآن وقبل أن تنطلق دعوات شعبية وشبابية قائلة لا للذل وعلينا بتعقب وقتل من قتلونا، وتدخل الاغتيالات الفردية مسرح الأحداث اليومية، وتطال السفيه والبرئ على حد سواء. وأول من سينفذ هذه الاغتيالات عند معرفة الخبر من باب التقية أو الوقاية هم جلادو مصر بقيادة خفير داخليتها. أحذر قبل فولا الآوان وربما يكون قد تناثر حول مسامعى كلام غير مفهوم في لحظات غضب من شباب انتهكت كرامتهم بالحديث عن الثأر وعن آلياته وعن استعدادهم للموت فالحياة ليس فيها ما يستحق سوى مزيد من النتهاكات الآدمية كل يوم. تقديم حبيب العادلى وكبار قادته لمحاكمة فورية أولى خطوات التهدئة، والتليفونات المحمولة والكاميرات تقوم بتصوير كل الجلادين والمجرمين الذين يتخفون في ملابس مدينة ويسحلون المواطنين، للتأكد من أشكالهم استعدادا ليوم الثأر إذا أخفق القانون في القصاص، قبل أن يصبح شعار المهمشين والمطحونين "الحياة بلا كرامة تساوى الموت، فهيا للثأر والانتقام وقتال الجلادين من رجال الشرطة.. المعركة بيننا وبين الشرطة" والجلادون مسجلون بالصوت والصورة. واخشى أن نصحو ذات يوم على نبأ اغتيالات وقد يكون المغتال بريئا من جماعات تتبنى العنف وتعتبره الثأر والقصاص العادل في الغابة البشرية. وفي انتظار زوار الفجر والحقيبة خلفا الباب جاهزة منذ زمن

د. يحيى القزاز - الفكر القومى العربى

http://www.alfikralarabi.org/modules.php?n...le&sid=8026

الأربعاء 16/6/2010

[لولا]

رجائي لو مت....

أن تتركوا عيني مفتوحتين على اتساعهما..

فأنا أريد أن أعرف..

أيهما أكثر ظلاما..

قبري؟

أم

الوطن؟

[لولا]

سمير جرجس .

حملة مقاضاه من اجل دم خالد سعيد ..

http://www.facebook.com/group.php?gid=100709643313478

[صافى]

رجائي لو مت....

أن تتركوا عيني مفتوحتين على اتساعهما..

فأنا أريد أن أعرف..

أيهما أكثر ظلاما..

قبري؟

أم

الوطن

اختى الفاضلة لولا انا احى فيكى انتى وباقى الاعضاء روح الوطنية واتمنى من اللة عز وجل ان لا يضيع حقوقنا وتعب شعب بلكامل عرض نفسة

للمخاطر لاجل الحرية والاستقلالية ومنع الظلم اللة معنا ومع الجميع :ninja:

[لولا]

صافى ..

الحقوق التى يعرفها اصحابها لا تضيع ..

ذات يوم قال فاروق جويده

اغضب فإن الله لم يخلق شعوباً تستكين

اغضب فإن الأرض تـُحنى رأسها للغاضبين

اغضب ستلقىَ الأرض بركاناً ويغدو صوتك الدامي نشيد المُتعبين

اغضب فالأرض تحزن حين ترتجف النسور

ويحتويها الخوف والحزن الدفين

اغضب ولا تُسمع احد فإنك إن تركت الأرض عارية

يُـضاجعها المقامر .. والمخنث .. والعميل

سترى زمان العُـهر يغتصب الصغار ويـُـفسد الأجيال

جيلا ً.. بعد جيل وترى النهاية أمة . مغلوبة . مابين ليل البطش . والقهر الطويل

ابصق على وجه الرجال فقد تراخى عزمُهم

واستبدلوا عز الشعوب بوصمة العجز الذليل

آن الآوان لنُعامل كأصحاب للوطن وليس كعيبد على ارضه !

آن للغضب أن يتفجر عزا وكرامه

آن له ان ينتفض للدم البرىء المهدر وللكرامه المصريه المهانه وللحقوق المسلوبة

آن للغضب أن يهز عروشهم ويقلق مضجعهم ..

التغيير لن تحدثه معجزات

التغيير تحدثه اراده الشعوب الحره

المشوار حتما طويل..

لكن البدايه من هنا..

لولا

[صافى]

المشوار حتما طويل..

لكن البدايه من هنا..

لولا

باذن اللة عز وجل ستكون حتما هذة هى البداية واللة معانا الذى لا يضيع اجر من احسن عملا :ninja:

[عبير يونس]

صافى ..

الحقوق التى يعرفها اصحابها لا تضيع ..

ذات يوم قال فاروق جويده

اغضب فإن الله لم يخلق شعوباً تستكين

اغضب فإن الأرض تـُحنى رأسها للغاضبين

اغضب ستلقىَ الأرض بركاناً ويغدو صوتك الدامي نشيد المُتعبين

اغضب فالأرض تحزن حين ترتجف النسور

ويحتويها الخوف والحزن الدفين

اغضب ولا تُسمع احد فإنك إن تركت الأرض عارية

يُـضاجعها المقامر .. والمخنث .. والعميل

سترى زمان العُـهر يغتصب الصغار ويـُـفسد الأجيال

جيلا ً.. بعد جيل وترى النهاية أمة . مغلوبة . مابين ليل البطش . والقهر الطويل

ابصق على وجه الرجال فقد تراخى عزمُهم

واستبدلوا عز الشعوب بوصمة العجز الذليل

آن الآوان لنُعامل كأصحاب للوطن وليس كعيبد على ارضه !

آن للغضب أن يتفجر عزا وكرامه

آن له ان ينتفض للدم البرىء المهدر وللكرامه المصريه المهانه وللحقوق المسلوبة

آن للغضب أن يهز عروشهم ويقلق مضجعهم ..

التغيير لن تحدثه معجزات

التغيير تحدثه اراده الشعوب الحره

المشوار حتما طويل..

لكن البدايه من هنا..

لولا

كلام جميل يا لولا

واسمحيلي أضيف حاجة مهمة

التغيير قادم

و لكن فقط

ابدأ بنفسك

أقولها لكل من يؤجلون الحياة حتى تتغير بشكل يلائمهم

غير ما بنفسك أولا

تتغير حياتك

و صدق الله العظيم

(إِنَّ اللَّهَ لا يُغَيِّرُ مَا بِقَوْمٍ حَتَّى يُغَيِّرُوا مَا بِأَنْفُسِهِمْ)

تحياتي

[fatfouta]

اسمي خالد واتظلمت عذبوني كالعبيد

بس انا في قبري سمعت صوتكوا عالي من بعيد

جالي يصرخ جالي يبكي كلنا خالد سعيد

النهاردة بكل صمت صرخة أقوى وايد في ايد

[fatfouta]

حاجة تحزن والله

يارب انصرنا عالظلم ياااااااارب

[fatfouta]

أم الشهيد هتصلي صلاة غائب بعد صلاة الجمعة في محطة الرمل وإن شاء الله هتمشي على الكورنيش وتشوف ولادها الساعة خمسة

يا أمي ياللي مشفتكيش ..

بلاش دموع متعيطيش ..

خالد أخويا ومتخافيش ..

اللي حصله ميرضنيش

تم تعديل 18 يونيو 2010 بواسطة fatfouta

[se_ Elsyed]

استكملت نيابة استئناف الإسكندرية برئاسة المستشار أحمد عمر اليوم، الخميس، التحقيقات فى مقتل الشاب خالد سعيد المتهم بقتله شرطيين بقسم سيدى جابر.

واستمعت النيابة اليوم لشهادة اثنين من الجيران خالد السيد، فكهانى بالشارع المقيم فيه خالد التى حدثت عنده الواقعة، وآمال كامل، إحدى الجيران التى شاهدت واقعة الضرب، حيث أكدا فى التحقيقات أن الشرطيين قاما بالاعتداء على خالد، وتقييده من الإمام والخلف، ثم قاما بسحبه إلى مدخل العقار المجاور والاعتداء عليه بالضرب، حيث ظل خالد يصرخ "هموت هموت"، ثم حملاه بسيارة الشرطة وأحضراه بعد 10 دقائق جثة هامدة.

كما طالب حاتم قاسم ومحمود عفيفى أعضاء هيئة الدفاع عن المجنى عليه بتعويض مدنى مؤقت قيمته نصف مليون جنيه.

قرأت تعليق لشيء غير أدمي بالمره على موقع اليوم السابع بيقول

إذا أثبتت التحقيقات إن خالد كان تاجر بانجو .. فهل تفرق ساعتها إنه مات على يد المخبرين عن إنه يموت موته طبيعية ؟

----

شوفتوا قلة الأدب

[herohero]

معلش ياريت تبقوا تدخلوا ع جروب اسمه "الجروب الرسمي لضباط الشرطة المصرية "

انا اشتركت ف الجروب ده عشان نعرف الاخر ده الي تعبني ف عيشتي بيفكر ازاي صدقوني افكارهم غريبة خالص

واحد لسه مخلص كلام معاه تخيلوا بيقولي احنا عندنا معلومات هامه جدا وان مصر مستهدفة وماتدوش الاعداء الفرصه

ياريت تبقوا تدخلوا وتتكلموا معاهم يمكن ظالمينهم

[لولا]

اسمي خالد واتظلمت عذبوني كالعبيد

بس انا في قبري سمعت صوتكوا عالي من بعيد

جالي يصرخ جالي يبكي كلنا خالد سعيد

النهاردة بكل صمت صرخة أقوى وايد في ايد

عارفه يا فتفوته متهيألى مصر كلها كلها مفروض تلبس اسود النهارده وتنزل الشوارع..

الإسود مش علشان خالد اتقتل

الإسود على حاجات كتييييييييييير قتلوها الكلاب جوانا..

جيهان العادلى تكتب: عصر الجاهلية

اليوم السابع

الخميس، 17 يونيو 2010 - 22:23

هل عدنا إلى عصر الجاهلية أم جاءت الجاهلية إلينا فى ثوبها الجديد؟.. فى العهد القديم كان الكفار هم أسياد القوم وكانوا يقومون بتعذيب من يخرج عن عاداتهم أو تقاليدهم أو دينهم، وكانت أيضا طريقه التعذيب عبارة عن تقييد الأيدى والأرجل بالجنازير الحديدية ومنع الطعام والماء ووضع الأحجار الثقيلة على الصدور وأجساد القوم، والآن عندما أنظر حولى أرى الوضع لا يختلف كثيرا عن العهد القديم، ولكن الاختلاف الوحيد هو طريقة التعذيب نظرا للتطور والتعليم والتكنولوجيا.

الآن نرى من يطلقون على أنفسهم قادة البلاد وأولياء أمورنا يقيدون الأيدى والأرجل، ليس بالجنازير الحديدية، ولكن بشىء أصلب منها وأشد بكثير، وهو ما يطلقون عليه لقمة العيش أما الماء والطعام فهو غير ممنوع وموجود بكثرة فى كل مكان، ولكن كيف تستطيع الحصول عليه وهو أصبح شبه مستحيل، وذلك أشد بكثير من منعه،، وقاموا باستخدام الهموم بوضعها على الصدور لأنهم اكتشفوا أنها أقوى وأثقل بمراحل من الأحجار،، وعندما أتلفت حولى وأنظر إلى القوم أو ما يطلقون عليهم نظرا للتطور، الشعب، أراهم فى كل مكان يصرخون بلا صوت أحد أحد،، أحد أحد،، أحد أحد،، أسمعهم بقلبى لا بأذنى،، وأشعر بألمهم النابع من قلبهم بإحساسى،، وأرى آثار التعذيب فى أجسادهم من النظرات الصادرة من أعينهم،، هكذا عدنا إلى عصر الجاهلية أو لقد جاءت الجاهلية إلينا من جديد تحياتى.

فرد من أفراد القوم لم يقيد لسانه حتى الآن.

-------------------

اللى مش فارق معاه بنى آدم يموت لأنه ببساطه مش اخوه ولا ابنه..

ينزل النهارده ويلبس اسود على الأقل عشان نفسه هو وعشان حقه فى وطن يكون ليه فيه حقوق كامله كمواطن محترم على ارض وطن.

وقفه مش زى اى وقفه كان ممكن تقفها فى طابور عيش ولا غاز ولا تأمين صحى بالساعات وتحس بكل اهانه الدنيا وذلها

وقفه ساعه تلبس فيها اسود وتنزل انت واهلك الشارع متكلمش فيها حد تتوجه نحيه الكورنيش وانت ساكت,, تدى وشك للبحر وظهرك لكل حاجه..

ولما تبص ع البحر وترفع ايدك وتدعى فكر وقتها دقائق التغيير لكل اللى احنا فيه ممكن يحصل ازاى ؟؟

وياريت تعرف انه هيحصل لما انت تتغير..

لما تتغير فى كل سلوكك اليومى

لما تبطل سلبيه

لما ترفض الخنوع والذل

لما تعرف حقوقك وتطالب بيها

لما تعرف ان صوتك مهم فى كل شيء وانك تبطل تبقى سلبى ومكتوف الإيدين..

واسأل نفسك كمان ياترى وقعت على بيان التغيير ؟؟

رابط الجمعيه الوطنيه للتغيير

http://www.taghyeer.net/

ياترى لما جريمه زى دى هزت الشعب ونزلت الاف منه مظاهرات فى شده الغضب وكنت انت بعيد عشان تشارك فكرت على الأقل تدور ازاى ممكن تشارك؟؟

فكرت تتضامن فى الجروب ده

http://www.facebook.com/khaledkilled

او ده

http://www.facebook.com/ElShaheeed

فكرت تنضم للحمله دى

http://www.facebook.com/group.php?gid=100709643313478&v=wall

فكرت تعبر عن غضبك ورفضك للمقالات الصفرا والبرامج الموجهه وتكشف اصاحبها وتقاطع البرامج دى والجرايد اللى بتطبل للنظام للصعود على جثه الشعب؟

انا عن نفسي مكنتش بعمل حاجات كتير..

قصرت كتير جدا قبل كده وكنت سلبيه كتير

لكن خلاص قررت مبقاش سلبيه بعد النهارده

صوتى اللى زى نقطه فى بحر اكيد مش هيعمل حاجه.. لكن انا فى كل مرة هبقى حريصه انى اتأكد انى عبرت عنه فى كل مكان وبكل طريقه

لأن صوتى مع صوتك هو صوت شعب..

والشعب لازم يجى يوم وصوته يبقى اعلى من صوت النظام الفاسد

الشعب لازم ياخد كل حقوقه..

حقك فى بلدك وعلى ارض بلدك مش هيجيلك بمعجزه

مش هيجيلك بإيد غير ايدك

لو مكنتش فى مصر خليك حريص تتصل بكل حد تعرفه هناك تعرفه موضوع الوقفه وتطلب منه يلبس اسود

لولا

تم تعديل 18 يونيو 2010 بواسطة لولا

[لولا]

النهارده من خمسه لسته وقفه صامته على كورنيش مصر واسكندريه بالتيشرتات السوده .

فى صحفيين من كل الجرائد المصرية هتحضر الوقفة.. الشروق لسه منزلة خبر على موقعها الالكتروني ..

شباب مصر تعالوا نعمل تاريخ جديد ..

تعالوا بجد نوري العالم شباب مصر ونعمل اكبر وقفة صامتة في العالم .. لو عددنا ١٠ الاف بس هنعمل التاريخ .. مين هينزل؟

ده نقلا عن شباب الفيس بوك ..

ياترى ايه اللى يمنع مصر كلها تنزل فى وقفه سلميه صامته بالملابس السوده تمثل اعتراض صامت وغضب بشكل غير مسبوق فى مصر؟؟

ايه اللى ممكن يمنع ؟؟

ايه اللى ممكن يكون اهم ؟؟

ايه المشوار الأهم من كده؟؟

ايه الخروجه الأهم؟؟

ايه الماتش اللى ممكن يخليك تفضله على بلدك ؟؟

ايه بس ؟؟ ايه ؟؟

لولا