خالد محمد سعيد "شهيد الطوارئ

[لماضة مصرية جدا]

..................................................

يا استاذ هيرو.....

كفاياك بقي حرام

اول مرة بجد ااقول لحضرتك خنقتنا

المشرحة مش ناقصة قتلي

خلاص يا سيدي عرفنا انك مش بتحبها و بصمنا بالعشرة.....سبنا احنا نتخنق منها و نفضل نحبها

اول مرة حد يعصبني كده

زهقتنا يا اخي

متصطادش في الميه.....اصلها عكرة اوي و احنا خايفين علي ايدين حضرتك لتتوسخ

خلص الكلام اوي

[herohero]

..................................................

يا استاذ هيرو.....

كفاياك بقي حرام

اول مرة بجد ااقول لحضرتك خنقتنا

المشرحة مش ناقصة قتلي

خلاص يا سيدي عرفنا انك مش بتحبها و بصمنا بالعشرة.....سبنا احنا نتخنق منها و نفضل نحبها

اول مرة حد يعصبني كده

زهقتنا يا اخي

متصطادش في الميه.....اصلها عكرة اوي و احنا خايفين علي ايدين حضرتك لتتوسخ

خلص الكلام اوي

ياسلام بقى كده يالماضة يعني انا اللي خنقتك كل الاهانات اللي بتحصل لينا ده ناقص تقولي ان اناالسبب فيها

اغنيه عسل اسود ده اللي عاملاها هي نورعبدالله اللي عملت ما شربتش من نيلها

وانامش بقول الا حقائق بدون اي مبالغه وبالعكس اشك اذا كان حد ينكر كده وانا لا اعبر الا عن وجهة نظزري

والف بعد الشر على اي حد يتخنق بالعكس انا بس كنت فاكركم بتحبوا العسل الاسود انتوا عارفين مفيد للانيميا

وحقكم عليا وع اي حد اتخنق بس بجد وحياة الغالية اللي بنحبها كلنا نبقى واضحين مع نفسناوصرحاء

[fatfouta]

واحد من المتظاهرين بيروى قصته مع اللى حصل امام قسم الشرطة

[عاشق الترحال]

إلى جهنم إن شاء الله

? ؟ ؟

[fatfouta]

لا حول ولا قوة الا بالله

إنا لله وإنا إليه راجعون وربنا يصبر قلبك فى مصيبتك فى ابنك يا ام خالد...على رأيك يا ذهبية ومين اللى عالم مين اللى هيوصل مين......يارب ترحمه وتنزل على امه الصبر

لن تقوم الساعة قبل ان يأخد خالد حقه من اللى غدورا بيه ان شاء الله

تم تعديل 12 يونيو 2010 بواسطة fatfouta

[fatfouta]

إلى جهنم إن شاء الله

? ؟ ؟

أكيد قصده عالمخبرين يا عاشق الترحال

[عاشق الترحال]

حسبي الله ونعم الوكيل

[unlimitedsmartness]

ايوه المخبرين طبعاً ده في ناس ما شاء الله اذكيه جدا فعلا على رآي واحد زمان قالها ربنا يسهله ( أصعب حاجه في الدنيا إنك تتعامل مع واحد غبي )

[ذهبية]

السبت12-يونيو-2010

انتهاء التحقيق مع نشطاء تظاهروا أمام قسم سيدي جابر.. وانتشار فيديو يقال انه السبب في مقتل (شهيد الطوارئ)

اضغط للتكبير

شهيد الطوارئ المجني عليه خالد محمد سعيد

احفظ الخبراطبعأضف تعليق ارسل6/12/2010 12:09:00 PM

كتب هاني ضوَّه - انتهت نيابة سيدي جابر من التحقيق مع النشطاء الذين كانوا قد تظاهروا الجمعة أمام قسم شرطة سيدي جابر للمطالبة بمحاسبة المتسببين في مقتل (شهيد الطوارئ).

ووجهت النيابة 7 اتهامات وهي: تكدير الأمن العام، ازدراء نظام الدولة، تعريض النقل البري والمواصلات للخطر، القيام بأعمال تهديد وتدابير غير مشروعة ومحاولة اقتحام مبنى حكومي (قسم سيدي جابر)، الاشتراك في التجمهر، القيام وآخرين في تجمهر مكون من 30 شخص، التعدي بالقصف على جهة من جهات الدولة (وزارة الداخلية) وموظفين عموميين، التعدي بالسب على المقدم أحمد عثمان والضابط إلهامي عبد المنعم والرائد أحمد عز والنقيب خالد عبدالفتاح وذلك بترديد عبارات سب تجاه الحكومة.

ومن جانبه طالب محامي الدفاع بإخلاء سبيل جميع النشطاء وخاصة الطلبة منهم.

كما طلب الدفاع من النيابة عرض النشطاء على مصلحة الطب الشرعي لبيان ما بهم من إصابات أحدثتها بهم أجهزة الأمن.

وفي نفس السياق تم التحقيق مع ضابط الشرطة إلهامي عبد المنعم وسيتم التحقيق مع بقية الضباط صباح السبت.

وعلى صعيد أخر انتشر مقع فيديو على الإنترنت قال ناشره أنه كان السبب وراء مقتل خالد محمد سعيد "شهيد الطوارئ".

ويظهر الفيديو ضابط شرطة ومعاونوه قال ناشر الفيديو أنهم ضمن قوة قسم سيدي جابر وهم يقومون بتقسيم ضبطية أحراز 80 كيلو من مخدر الحشيش وبعض النقود، وتحديد الكمية التي سيتم تسلميها للنيابة كحرز والكمية الأخرى التي سيتقاسمونها فيما بينهم -بحسب ناشر الفيديو-.

شاهد الفيديو

الفيديو الذي انتشر بالاسكندريةكما يظهر في الفيديو اقتطاع الضابط لأجزاء من الحشيش، ويسمع صوت أحد الموجودين وهو يقول "لزوم المزاج"، وصوت أخر يقول "مبروك عليك يا باشا" لضابط القسم والذي يعرض عليه أخذ قطعة من الحشيش فيرفضها.

ويقول ناشر الفيديو أن أحد المخبرين الموجودين بالمقطع هو الذي قتل الشاب خالد محمد سعيد شهيد الطوارئ..

ولم يظهر في المقطع ما يدل على أن هذا الفيديو قد تم تصوير داخل قسم شرطة سيدي جابر أم لا مما قد يثير رفض لربط هذا الفيديو بمقتل الشاب.

وكانت السيدة ليلى مرزوق والدة الشاب خالد محمد سعيد "شهيد الطوارئ" قد قالت إن السبب الحقيقي وراء قتل ابنها على الشرطة هو أنه كان لديه فيديو يظهر قيام ضباط ومخبرين بقسم الشرطة وهم يقومون بالاتجار في الحشيش.

وأضافت أن خالد قام بنشر الفيديو بين أصدقاءه وكان ينوى انشاء مدونة على الإنترنت لنشره عليه وفضحهم، مشيرة إلى أنها قامت بتحذيره مراراه من نشر الفيديو حتى لا يقوموا بإيذائه.

[لولا]

غدا السبت ستقام صلاة الغائب على خالد عقب صلاة الظهر من مسجد سيدى جابر.

ياريت كل اسكندريه تصلى عليه ..

ياريت كل حد يقدر يسافر مخصوص عشان يحضر الصلاة يعمل كده من غير اى تردد..

ياريت تكون وقفه شعبيه ..

كفايه خنوع بقى ..كفايه سلبيه ..

كان ممكن فعلا خالد ده يبقى اخويا..

يبقى اخوك ..

يبقى حتى انا او انت او انت..

خالد هو احنا ..

اى حد يقدر يعمل حاجه لازم يعملها

بليز محدش يقرا الخبر وعنيه تدمع من الصور وقلبه يوجعه ويقول حسبى الله ونعم والوكيل وخلاص على كده

لو سمحت ادخل موقع جروب خالد فى الفيس بوك

انشر الرابط

شارك

ادخل موقع البرادعى.. اكتب فى الموضوع والحمله اللى اتفتحت لمحاسبه كل مسؤول عن دم خالد..

اعمل حاجه

اعملى حاجه

ارجوكم اعملوا حاجه خارج حدود الكلام

اعملوا حاجه يا جماعه

اعملوا حاجه عشان فعلا جاوز المتجبرون كل حد..

خمس دقايق من وقتك ادخل على المواقع دى وشارك

خمس دقائق من وقتكِ ادخلى على المواقع دى وشاركى

ممكن دقايق بس ؟؟

ممكن ؟؟

لولا

ممكن دقايق من وقتك ؟؟

ممكن دقايق ؟؟

موقع زى محاورات المصريين بيجتمع فيه كوكبه من خيره مثقفين مصر وابنائها اصحاب العقول المستنيره نصيب موضوع كهذا فيه فى اكثر ساعاته الحرجه

وقمه الغضب الشعبى 1500 مشاهده وحاجه واربعين مشاركه اكترها مكرر من نفس الأعضاء .

حتى استنكار الغضب بكلمة تتكتب من ورا كبيورد واحنا تحت التكيف بقيت كتير قوى على دم مصرى شريف اتقتل على ايد كلاب خسيسه

عشان افتكر انه من حقه يكون انسان بيتعامل باحترام .

مش بطلب كتير ..

دقايق بس من وقتكم تكتبوا فى المواقع دى وبليز .

خالد كان ممكن يكون اخويا

كان ممكن يكون اخوك

كان ممكن يكون انا

وكان ممكن يكون انت

هما قتلوا خالد واحنا بنقتله تانى بالسلبيه التى تخلى نصيب موضوع زى ده من الإهتمام والمشاركه فى اكبر المواقع الحواريه المصريه لمثقفين البلد

هو 1500 مشاهده وعدد بسيط من المشاركات و4 صفحات !!!

اللهم لك المشتكى..

اللهم اغفر له واحتسبه من الشهداء واربط على قلب والدته .

لولا

[the consultant]

انا شايف يا فتفوتة إن احسن تغيري اسم الموضوع الى (خالد محمد سعيد "شهيد الطوارئ".) عشان يكون أكثر تحديدا و نتكلم عن المشكلة دي بعينها بدل منتكلم عن سلبيات الداخلية بصفة عامة لعلنا نستطيع فعل شئ.

يعني نحط كل الروابط و نتابع الموضوع لحد اخرة و نفكر ممكن نساعد إزاي...!!

[the consultant]

الفيديو الذي يقال انه تسبب بمقتل (شهيد الطوارئ)

[لولا]

كان مجرد شاب اتربى يكون انسان محترم

اكيد كانت عنده احلام كتير

اكيد كان مش مستوعب انه الإحترام اللى اتربى عليه هو شىء خارج حدود المعادله لما يبقى اللى داس عليك وعليه هو كلب واطى من مخبرين الداخليه

السفله .

اهله كان واضح انهم نسيوا يعلموه انه لما يشوف واحد من الكلاب دول يكش ويخاف ويترعب ويتحول لذليل يوطى راسه ولا يرفعها فى عنيهم..

اهله الظاهر نسيوا يعلموه حاجات كتير !!

وربنا يخليك يا ريس

طول ما انت بخير مصر كلها بخير .. انتوا الأسياد واحنا العبيد.

عاشت الكرامه المصريه المحفوظه على ارضك يا مصر..

قال غضب لمقتل شاب فى لبنان ومش عارفه ايه حصل فى الكويت !!

ولسه ياما هيحصل لأن اللى يسكت انه يتعامل كعبد هيفضل طول عمره عبد.

ربنا يطول فى عمرك يا ريس ..

قولوا آمين يا جماعه

قولوا آمين.

لولا

[hOuSsAm]

حسبى الله ونعم الوكيل

[عنبو]

كلها يومين وتنسوا يا اولاد

انا مقدر مشاعركم بس متخفوش المصريين عندهم اوبشن النسيان اتوماتيك

دلوقتى ناس بتفكر تسيب مصر

وناس تانيه هتجتهد فى قرار الهجره

وناس تالته قالت اديكوا شوفتوا بعينكم علشان لما اقول انا بكره مصر يبقى الكل يعزر

وكل دول كل واحد منهم بيقول يلا نفسى

والمشكله الكبيره قوى اللى وصلت مصر الى هذا الوضع اللى مش عاجب حد فيكم

هى كلمة يلا نفسى

فمتخفوش يا اولاد كلها يومين وتنسوا

واللى عاوز يشتم يشتم واللى عاوز يمشى يمشى واللى بيلعن اليوم انه اتولد لقى نفسه مصرى يفضل يلعن

اصل التغير مش هيجى من الناس دول

التغير هيجى لما كل الناس تعمل زى خالد

التغير هيجى لما تبقى دى ثقافة الشعب المصرى

لا واللى يحصل يحصل

انا مصرى وهفضل احب مصر للابد

تحياتى

عنبو مصرى وافتخر

[MZohairy]

نظام فاسد جبان مجرم

و شعب غلبان قانع مغيب

لا يمكن ان تكون النتائج مختلفة عما حدث ابدا

[لولا]

وقفه احتجاجيه يوم الأحد القادم امام وزاره الداخليه الساعه الخامسه..

لو كنت فى مصر هتروح ؟؟

لو كنتى فى مصر هتروحى ؟؟

مؤمن انك انسان فى البلد دى ليه حقوق وكرامه ؟؟

مؤمنه انك انسانه فى البلد دى ليها حقوق وكرامه ؟؟

عندك فرصه ترفض الفساد للكلاب دول بوقفه احتجاجيه تافهه هتعمل ؟؟ هتعملى ؟؟

مستنى ايه ؟؟ مستنيه ايه ؟؟

لازم خالد ده يكون اخوك من دمك ؟؟

لازم يكون اخوكى من دمك؟؟

فين الشيوخ ؟؟

فين رجال الدين ؟؟

فين ؟؟ فين دول ؟؟ فين فتاوى التيك واى السريعه للجهله بأمور الدين والبديهات الإنسانيه اللى عشانهم بتطلع فتاوى "تزغيط البط وفق رؤيه شرعيه ؟؟؟؟؟؟؟؟"

اللى بتلاقى اللى يدافع عنها على اساس انها مش بتاخد دقايق ؟؟

فين الدقائق الهايفه دى دلوقتى ؟؟؟

طب بلاش الدين أصله فى حاجات وحاجات لأ الظاهر ... فين الإنسانيه ؟؟ يتكلموا من منظور انسانى ؟؟

الدين علمنا نقول واحنا مالنا ؟؟

ده الجنود فى اسرائيل مش بتعذب الفلسطنين كده فى الشوارع وتسحلهم ؟؟

دول عندهم رحمه اكتر وكبيرهم رصاصه سريعه وموته محترمه برضوا !!

فينكم يا شيوخ مصر وعلماء الأزهر ؟؟

فينكم تعلمونا عشان احنا جهله ومعندناش احساس آدمى ان المشاركه فى الوقفه مش اختيار دى واجب واجب على كل انسان بيجرى فى عروقه دم بشرى..

يارب اليك المشتكى .

لولا

[fatfouta]

انا شايف يا فتفوتة إن احسن تغيري اسم الموضوع الى (خالد محمد سعيد "شهيد الطوارئ".) عشان يكون أكثر تحديدا و نتكلم عن المشكلة دي بعينها بدل منتكلم عن سلبيات الداخلية بصفة عامة لعلنا نستطيع فعل شئ.

يعني نحط كل الروابط و نتابع الموضوع لحد اخرة و نفكر ممكن نساعد إزاي...!!

ماعنديش مانع من تغيير العنوان لو انتوا عاوزين كده والادارة شايفة كده خلاص...مافيش مانع

[fatfouta]

الفيديو الذي يقال انه تسبب بمقتل (شهيد الطوارئ)

لا حول ولا قوة الا بالله

يعنى كان فيه فيديو فعلا اومال كانوا مكذبين والدته وبيقولوا انه مافيش كلام من ده

شهيد يا خالد ان شاء الله شهيد

[لولا]

كلها يومين وتنسوا يا اولاد

ا

ولغايه ما يعدوا اليومين دول كتير فيهم تعمل حاجه ؟؟

اعمل حاجه ؟؟

تعملى حاجه ؟؟

تعبر عن غضب ؟؟

اعبر عن غضب ؟؟

اشارك فى مواقع القضيه

اسجل صوت ووجود برفض اللى بيحصل ؟؟

كلنا هننسي وكل واحد هياخد وقته ولغايه ما تقل هوجه الغضب فكر تعمل حاجه وتطلب من كل اللى حوليك انه يعملوا حاجه

لولا