خالد محمد سعيد "شهيد الطوارئ

[لولا]

[fatfouta]

من الفيس بوك

الأمن منع حتى الحبيبة يقعدوا على كورنيش النيل ... ايه الفزع ده من شوية شباب هايف على الفيس بوك زي ما بتسموهم؟

[لولا]

[لولا]

الوقفة الصامته .. في المندرة

http://www.facebook.com/khaledkilled...7636410&ref=mf

ولدي نصحتك لما صوتي اتنبــــــــــــح

ما تخفش من جني و لا من شبـــــــــح

و ان هب فيك عفريت قتيل إسألـــــــــه

ما دافعش ليه عن نفسه يوم ما اندبح

عجبي !!

دبحوا خالد

دبحوا قبل خالد

وهيدبحوا بعد خالد طول ما الخوف بيكتم كل صوت

تم تعديل 18 يونيو 2010 بواسطة لولا

[لونا]

حقيقي وقفة إسكندرية شكلها يفرح

[لولا]

من الإسكندريه

من القاهره

[لولا]

خالد سعيد ... الدم نازف مالوريد ... والظلم قابض من حديد ... بس الصراحة فيه جديد ... فيه جيل عنيد ... عزمه شديد ... مفيهوش عبيد ... فيه الف إيد ... حالفة تجيب حق الشهيد

[لولا]

نطالب بمحاكمة حبيب العادلى وليس المخبرين فقط

من حق كل مصر ى ان يشعر بالحرية والمساواة وفى الحادثة التى حدثت لخالد سعيد يجب ان يحاكم كل مسئول فى هذة الدولة يدخل فى اختصاصة مقتل خالد من اكبر شخص فى الدولة الى اصغر شخص.

ونرى جميع وسائل الاعلام المتعاطفة مع قضية خالد سعيد تدعوا الى تقديم الجانى الى المحاكمة ومقصود بهم المخبرين ونسينا انه هناك اكثر من جانى فى هذة القضية .

اولا :المخبرين وهم اداة التنفيذ.

ثانيا:الضابط الذى اعطى لهم الاوامر بقتل خالد.

ثالثاوالاهم :وزير الداخلية حبيب العدلى الذى اعطى السلطة لهذا الكلب ان يفعل ذلك والا ماكان يتجراء لفعل هذه الجريمة الا وانه يعلم انه لم يحاسب.

فنضموا معنا حتى لا تتكرر الماساة مرة اخرى وقد تكون هذه المرة انت او اخيك او صديقك

http://www.facebook.com/group.php?gid=1007...8125&ref=mf

[لولا]

كورنيش النيل يكتسي باللون الأسود حدادا على خالد سعيد

آخر تحديث: الجمعة 18 يونيو 2010 8:54 م بتوقيت القاهرة

نقلا عن الشروق

ميساء فهمي -

الأمن يسأل الواقفين على الكورنيش عن أسباب وقوفهم

اطبع الصفحة "شباب وفتيات على امتداد كورنيش النيل من التحرير إلى المعادي يرتدون اللون الأسود، بعضهم أعطوا ظهورهم للشارع والبعض الآخر ساروا على أقدامهم في صمت".. كان هذا هو المشهد على كورنيش النيل، عصر اليوم الجمعة، في استجابة منهم للدعوة التي أطلقها عدد من المتضامنين مع شهيد الطوارئ خالد سعيد.

ورغم أن الدعوة سلمية وشددت على عدم حمل لافتات أو أعلام ومنعت الهتافات في المنطقة التي حُددت في الدعوة، والتي تمتد من التحرير إلى المعادي، فإن قوات الأمن انتشرت وبشكل مكثف على جانبي الطريق، واصطفت سيارات الأمن المركزي بطول الكورنيش.

ومنع الأمن وقوف أي شخص سواء ارتدى اللون الأسود أو لا، واختفى مشهد العائلات والعشاق المعتاد على الكورنيش خاصة في أيام الأجازات.

وقامت الأجهزة الأمنية بمساءلة كل شخص يمر على الكورنيش وتوقيفه وسؤاله عن سبب تواجده على الكورنيش في هذا اليوم وفي هذا التوقيت تحديدا، وكانت الإجابة "النهاردة الجمعة وبحب أتمشى يوم الأجازة".

"المنطقة من القصر العيني إلى المنيل" كانت صاحبة النصيب الأعلى من تواجد الشباب والفتيات الذين جلسوا فرادى وأعطوا ظهورهم للشارع ووجههم إلى النيل ولسان حالهم "إحنا زعلانين من البلد والحكومة ومدينها ضهرنا"، حيث كان منهم من يقرأ القرآن أو الإنجيل ومنهم من كان يردد الدعاء لخالد سعيد ودموعه على خديه.

المتضامنون مع شهيد الطوارئ لم ييأسوا من محاولات الأجهزة الأمنية منعهم من تلبية الدعوة طوال الموعد المحدد لها، وهو من الساعة 5 وحتى 6 مساء، حسبما قال أحد الشباب لـ"الشروق" الذي اتخذ من حديقة مجمع التحرير مكانا له.

هذه الوقفة تأتي بالتزامن مع وقفة مماثلة على كورنيش الإسكندرية، وتجمع مئات المواطنين في الإسكندرية في أماكن متفرقة بمنطقة الكورنيش وقفات احتجاجية صامتة بالملابس السوداء أمام مكتبة الإسكندرية، وسان ستيفانو، وكانت الأكثر احتشادا بكليوباترا.

وأعلن القائمون على المجموعة الرئيسية لدعم البرادعي تعليق المجموعة عن الكتابة بشكل مؤقت تزامنا مع الوقفة الاحتجاجية الصامتة في القاهرة والإسكندرية التي استمرت من الساعة الخامسة إلى السادسة، احتجاجا على ما حدث لخالد سعيد على أيدي مخبرين بقسم شرطة سيدي جابر، بحسب روايات شهود عيان.

وقد قرر شباب الجمعية الوطنية للتغيير تنظيم وقفة احتجاجية، غدا السبت، على سلم نقابة الصحفيين تضامنا مع قتيل الإسكندرية، بالإضافة إلى وقفة احتجاجية أخرى في ميدان التحرير بعد غد الأحد.

-----------

حسنا .. افشلتو وقفه القاهره لكن ..

حسين: تعرف خالد سعيد؟سؤال سمعته وانا واقف لوحدى على كورنيش النيل اقرأ القرأن امام ماسبيرو بعد ان فشلت ان اقف فى التحرير بسبب التواجد الامنى بصيت لقيت طفل لا يتعدى عمره 12 سنه ... استغربت جدا لكن ابتسمت و قلتله :ايوه اعرفه ...قالى امال الناس فين ... قلت : الناس واقفه بطول الكورنيش بس التحرير متقفل فبلاش تروح ... قالى ماشى وكمل طريقه فى عكس اتجاه التحرير ... وبرغم خوفى عليه الا انى كنت فرحان جدا ان لسه فى امل

الموقف ده حصل النهارده فى القاهرة..

الموقف ده بيقوووووول كتير ..كتييييييير ..

اسكندرية تنجح فى وقفتها ..

[fatfouta]

جريدة الدستور

الجمعة, 18-06-2010

رئيس الطب الشرعي الأسبق : بيان «الداخلية» حول خالد سعيد «استخفاف بالعقول»

نفي فخري صالح -كبير الأطباء الشرعيين والرئيس الأسبق لمصلحة الطب الشرعي- صحة بيان وزارة الداخلية حول أسباب وفاة قتيل الإسكندرية «خالد سعيد» وقال: «من المستحيل إحداث أي كدمات أو إصابات نزفية بجسم شخص متوف لافتا إلي أن علامات الاختناق يكون لها دلالات واضحة تظهر بسهولة علي جسم المتوفي مثل احتقان الملتحمة وظهور نقط نزفية بالأنف و لون أزرق داكن تحت أظافر الأطراف وقال «صالح»: إن لجوء النائب العام لتشكيل لجنة ثلاثية لإعادة تشريح جثة «خالد» من خبراء الطب الشرعي هدفه التيقن من سلامة التقرير السابق الذي ادعي أن سبب الوفاة هو الاختناق بعد ابتلاع لفافة بانجو.

وأضاف: القول بأن سبب الكدمات في وجه الضحية هو سقوط القتيل من ترولي الإسعاف يستخف بعقول المتخصصين خاصة أن الكدمات والإصابات التي تحدث قبل الوفاة يصاحبها انسكابات دموية أو كدمات داخلية دفينة بالأنسجة وهو ما يتضح بالتشريح، مشيرا إلي أن الإنسان المختنق عبر تناول جسم عن طريق الفم يظهر من تشريح جثته وجود ضغط وانسداد بالمريء و القصبة الهوائية نتيجة انحسار المادة داخل القصبة الهوائية، بالإضافة إلي وجود بقع نزفية كثيرة علي سطح الرئتين والقلب، لافتا إلي أن الصورة المنشورة للقتيل لا تكفي للجزم بطبيعة الإصابات خاصة أن معاينة الجثة يمكنها الجزم بتعرض المتوفي للتعذيب.

وأوضح أنه عادة ما يتم تشريح الجثث من أسفل الذقن إلي منطقة العانة منعا لتشويه الجثة.. مشيرا إلي أنه من السهل التعرف علي طبيعة الإصابات بالجثة من حيث إنها حيوية، أي حدثت قبل الوفاة أو بعد الوفاة..

وقال «فخري» في أثناء عضويتي لوفد مصر لحقوق الإنسان بجنيف اعترفت الحكومة بوجود جرائم تعذيب واستخدام قسوة مع المتهمين من جانب محققي الشرطة وهو ما يتكرر حدوثه في العديد من دول العالم، مشيرا إلي أن الاعتراف بجرائم التعذيب يحد و يمنع انتشارها وله أثر إيجابي خاصة مع تلقي المسئولين عن تلك الجرائم العقاب الرادع كما حدث في أمثلة كثيرة في مصر.

[لولا]

كلنا ايد وحده هنغير مصر للأحسن..

ايدك فى ايدى هنغير مصر للأحسن

صوتك مع صوتى هنغير مصر للأحسن

http://www.youtube.com/watch?v=wwEyvd4vT_k...layer_embedded#!

اسمع بقلبك .. مصر احلفلك بتناديك ؟؟

مصر بتناديك ..

برضوا لسه مش حاسس انك عايز تحط ايدك فى ايدى ؟؟

متستناش حد يجى يغير ..

التغيير احنا اللى هنعمله.. انا وانت وهو وهى

التغيير مش معجزة هتتحقق..

التغيير تعمله ارادة الشعب الحر.

لسه برضو مش حاسس بدورك ؟؟

لولا

[fatfouta]

شباب يفرح وحاجة تدعو للفخر هما دول ولادك يا مصر

ربنا يحميم يااااارب

تم تعديل 18 يونيو 2010 بواسطة fatfouta

[mekkawy]

مبروك عليك يا خالد جمعت الناس

معلش يا حبيبي قتلوك بلا احساس

ألف عايش و عايش لكن أموات

و إنت لوحدك يا ميت بتقول هيهات

يا بلدنا اصحي من نومتك و كفاية بقى

ذل و مهانة و تعذيب و قتل و شقى

هنيالك يا خالد من تحت التراب

مش هنعيش في بلدنا أبداً أغراب

حقك راجع يا أخويا مهما غاب

و الناس أهي خرجت و كسرت كل الأبواب

أبواب الرعب و الخوف و كل الإرهاب

.......

شفت إخواتك عاملين ايه و مش ساكتين

و الله ما صدقت يا ابني .. صحيت ملايين

سبحان الله من قبلك كنا نايمين

و كأنك رحت و بتقولنا خليكوا فاهمين

أنا مش أول خالد ولا آخر

دي بلدنا كلها خالد و من الآخر

لازم نثبت ع الحق و بإيدينا نعافر

في الظالم و أعوانه و نظامه الفاجر

غير منقول .. متألف طازة

تم تعديل 18 يونيو 2010 بواسطة mekkawy

[Howayda Ismail]

اللى كان يشوف الشوارع المحيطة بجامع ابراهيم بمحطة الرمل قبل صلاة الجمعة وهى متروسة بعربات الامن المركزى كأنهم داخلين

حرب يعرف مدى خوفهم من المواطنين وعلمهم جيدا ان بركان الغضب على وشك الانفجار.

اللهم انصرنا على القوم الظالمين

[mekkawy]

و الله يعني الصراحة الواحد عايش و عافر و اشترك في حاجات ياما و لكن ....

من أيام انتخابات 2005 و بم إني من الشرقية اللي اتسحلت و اتبهدلت و الإخوان فيها كانوا بيدبحوا في الشوارع من البلطجية و من الحكومة سواء .. و غيرهم و كل الناس كانت بتتقطع بالسنج و السيوف .. و مع ذلك كانت ضربة غير عادية للنظام بنجاح المعارضة بمختلف طوائفها و بالذات الإخوان .. إنما

من ساعة الانتخابات اللي فاتت الواحد ما شافش صحوة بالشكل ده .. ولا تجمع و توحد شعبي بالمنظر ده

و الله بأقول و بأقر و بأعترف .. فعلاً الواحد ما شافش صحوة بالشكل ده من زمان .. لا أيمن نور ولا كفاية ولا برادعي ولا أي حاجة .. الصحوة المرة دي مجمعة جميع الطوائف .. فعلاً كأن ربنا بعت لمصر وفاة خالد عشان تجمعهم .. التأثير مش بس في الوقفات و المظاهرات و مجموعات الفيس بوك و المنتديات .. لا لا التأثير أوسع من كدة بكتير

تعالوا نبص بعنينا .. فين مواضيع الاختلاف ؟؟ مفيش .. فين النقاشات الغير هادفة و المقتولة .. اختفت .. فين .. و فين .. و فين ... سلبيات كتير اختفت و ظهر مكانها أصالة المصري اللي بيظهر في الشدة ..

الصور معبرة جداً .. مسلمين + نصارى + محجبات + متبرجات + منتقبات + كل الطوائف .. الشعب كإنسان رافض اللي حصل .. الانتماءات على جنب دلوقتي شوية كدة .. و الكل كبنى آدم بيحس و بيشعر رافض بأة خلاص .. الناس ما بقاش عندها خلق للهم ده .. سألت نفسي سؤال أول إمبارح .. و كل واحد هنا سأله لنفسه .. لو كنت في مصر كنت عملت ايه ؟!!

في اللي طلع طلعات عنترية و قال نازل نازل و فيه اللي قال مش نازل و فيه و فيه .. أنا قلت لنفسي لأ مش نازل في المظاهرات و الحاجات دي .. لكن الوقفة دي شدتني أوي .. بجد الوقفة دي محترمة أوي و تأثيرها كبير أوي .. محلياً و عالمياً و دلوقتي لقيت نفسي و بوضوح مع نفسي بأجاوبها و بأقول .. اه .. لو كنت هناك كنت وقفت .. مش كتير يعني على الشاب اللي اتقتل ده لما أحاول أقف ساعة عشان أعترض على اللي حصله .. ولا كتير على مصر أحط بصمتي على الأسفلت عشان أقول بجد كدة حرام و كتير و أوفر!!!!

مبحبش الشحن و الطلعات العنترية و الشعارات .. أوكيه ... بس اللي حصل النهاردة ده شئ راقي و جميل و مؤثر أكتر من الضرب و البهدلة و المظاهرات المحكوم عليها بالفشل بجبروت النظام و تحكمه السافر

كلمة حق كان لابد منها

مكاوى

[لولا]

من القاهرة

[لولا]

هنا يمكن ان تشاهد كل صور الوقفه

http://www.youtube.com/watch?v=NDmwQLFwUeU...eature=youtu.be

[Howayda Ismail]

غاندى استطاع انه يهزم الانجليز ويجبرهم على الرحيل بسبب وقفات زى دى كانت وقفات سلمية حتى انه طلب منهم ماحدش

يقاوم قوات الاحتلال رغم الاعتداءت القاسية عليهم وتساقط الاف الهنود صرعى لكن استطاعوا بعزيمتهم فضح مماراسات

الاحتلال وده اللى بيحصل دلوقت عشرات بل مئات الاجانب فى اسكندرية اكيد استرعاهم هذا الموقف وتسالوا عن اسبابه

[mekkawy]

غاندى استطاع انه يهزم الانجليز ويجبرهم على الرحيل بسبب وقفات زى دى كانت وقفات سلمية حتى انه طلب منهم ماحدش

يقاوم قوات الاحتلال رغم الاعتداءت القاسية عليهم وتساقط الاف الهنود صرعى لكن استطاعوا بعزيمتهم فضح مماراسات

الاحتلال وده اللى بيحصل دلوقت عشرات بل مئات الاجانب فى اسكندرية اكيد استرعاهم هذا الموقف وتسالوا عن اسبابه

و الله الله يبارك في حضرتك الصراحة

مهو ده اللي إحنا بنقوله .. كام مظاهرة مرت على مصر في كم مصيبة و كم حدث و كم و كم و كم .. و النتيجة ؟

وقفة إحتجاجية واحدة قد يصل بها صوت الشعب إلى ما شاء الله .. وقفة متحضرة .. و النتيجة .. ستظهر قريباً جداً إن شاء الله

مكاوى

[لولا]

نبض الشارع من خلال تعليقات القراء بعد وقفه القاهرة..

من اليوم السابع.

الوقفه نجحت فى اسكندريه و كلو يدخل على صفحه الشهيد على الفيس بوك هاتشوفوا مناظر هاتسعدكوا اوى

همه دول شباب مصر ربنا يبارك فيه

----

الحكومه مش عايزه نعمل عزاء لخالد ( حرموه من الحياة و حرمونا من الحزن عليه ) و ده كان عزاء للحريه و للضمير و للانسانية .

---

مفيش فايدة(وكان الأمن قد حاصر طريق الكورنيش بأكمله ) (اللافت للنظر أن أعداد المشاركين فى الوقفة لم يتعدَ العشرات، ) يمكن كانو عاوزين يقفو معاهم

---

والله مانا فاهم حاجه عن الفيس بوك ده بس باسمع عن حاجات حلوة بتتعمل عليه المهم انا نفسي اعمل جروب اسمه " باكره مصر" واللي اعتقد انه هيدخلها على الاقل 79999990 مصري طبعا العشرة اللي فاضلين معروفين وهم بيحبو مصر لأنها الحلة اللي عمالين يغرفوا منها لغايه ما هيكحتوها ويرموها فاضية

----

انا رحت التحرير عشان اكون في الوقفة دي لكن طبعا الامن كان مانع اي حد يقف لابس اسود وضربوا واحد واخدوا منه موباليله عشان صور غير كل الموبيلات اللي اتخادت عشان كانت بتصور وكلمت احد اللؤات الموجودين بصراحة وقلتله ( انا جاي عشان خالد سعيد ) رد عليا بصراحة برده وقلي (انت شكلك ابن ناس روح ) يعني من الاخر لو مروحتش انت عارف ايه اللي هيحصل

غير اننا فضلنا قاعدين تحت الكوبري ولما الامن لقانا عدد جم عندنا وقلولنا اتفرقوا مش اقفوا بعيد لا قلولنا اتفرقوا

واخير هي دي العدالة في مصر يا عبلة و جزاء كل من يتطاول ويطالب بحقه ان يكون مصير ان يكون خالد سعيد الثاني

حسبي الله ونعم الوكيل

----

الحكومه ركبها بتخبط من شوية شباب واقف على الكورنيش

صحيح ، فلا نامت أعين الجبناء

----

كان من الافضل اقامة صلاة الغائب فى كل المساجد بعد صلاة الجمعة على شهيد التعذيب خالد سعد ربنا يرحمه ويزيل الغمه والكرب عن المصريين اللهم امين

---

يحكى أنَ الظلم استشرى ... و الدم مطرطش فى

النشره ... يحكى أنَ ان احنا سكتنا...و اتنيلنا كده بخيبيتنا....و كأننا ما

كأنَاش كنَا...و الذل بيوصل لعينينا...و الله رحمه ان احنا بكينا...و الله

رحمه ان احنا نعسنا...و الضلمه غطت فوانيسنا...بس خساره ما حلمناش ...يحكى

أنَ ... و ما يحكاش

---

انا اتمنى ان الى بيحصل فى الاسكندرية والقاهرة من مظاهرات رافضة للظلم تحصل عندنا فى قنا بس للاسف الناس عندنا فى العسل

---

البسوا اسود علي الحرية و اختها الديمقراطية