خالد محمد سعيد "شهيد الطوارئ

[Howayda Ismail]

اه يا شياطين خرس يا ساكتين عن الحق يا بتوع الطب اللاشرعى خوفوكم وخرسوا السنتكم خلاص

حسبى الله ونعم الوكيل

يمكن هددوهم والناس خايفة على نفسها

[fatfouta]

تم تعديل 24 يونيو 2010 بواسطة fatfouta

[se_ Elsyed]

بمناسبة الثقة في الشرطة والقضاء .

بأتكلم مع واحد صاحبي .. طلع من منيا القمح بالشرقية .. عن الإنتخابات وكده وبالذات إنتخابات مجلس الشورى الأخيرة ..

فبيحلف لي إنه بعد ما خلص جامعة وكان بيدور على شغل ... إشتغل فترة كده مع الهتيفة بتوع الإنتخابات .. وكان نازل في دايرتهم واحد حزب واطي .. وأمامه واحد من الأخوان مُكتسح وذو شعبية كبيرة جداً وسط ابناء دائرته .... فبيقول لي والله العظيم وإحنا بننقل الصناديق بعد ما أتقفلت والناس صوتوا ولطموا ... وذلك من مقر لجان الإنتخاب لمقر الفرز الرئيسي ... عربية الشرطة وقفت جنب الترعة وقالوا لهم " إنزل يالا أنت وهو أرموا كل الورق ده في الزبالة "

وكان في صناديق تانية متقلوظه لعضو الحزب الواطي اللي فاز بأكتساح ....

هههههههههه أبتسم فأنت في عصر الفرعون الطاغية ...

[fatfouta]

شوفوا الاطباء بيقولوا ايه على تقرير الطب الشرعى

[fatfouta]

وده كلام طبيب اخر

-------------------------

نظرة تفصيلية لصورة وجه خالد شهيد تعذيب الشرطة بالاسكندرية لتكذيب ادعاءات وزارة الداخلية

الشهيد خالد طبعا زي ماكلنا عارفين ,كان تقرير الطب الشرعي في حالته هي اسفكسيا (اختناق) وفسروها بسبب وجود لفافة البانجو في القصبة الهوائية

خالد فعلا ممكن يكون توفي نتيجة اسفكسيا بس هل نتيجة لفافة البانجو؟؟؟

تعالو نشوف تعريف كلمة اسفكسيا:

الاسفكسيا تعنى الموت خنقا أو غرقا أو بأى طريقة لها علاقة بمنع دخول الهواء للجسد سواء كانت مرضيه او عرضيه أو انتحارية او جنائية ولذلك فهى تتطلب الحرص الشديد وعدم التسرع فى إبداء الراى عن كيفية حدوثها قبل استبعاد أى كيفية أخرى

جميل جدا, ده معناه ان ليها اسباب كتير غير وجود جسم غريب (اللفافة) وممكن يكون سببها كسر مثلا

هاشرح الموضوع بالتفصيل علي صورة خالد الله يرحمة (انا زودت حدة الصورةsharpness علشان تبقي اوضح)

هنا في الصورة انا مشاور علي كل علامة و هاكتب مدلولها من انواع الكسور

واعذروني لان الكلام ده مش عارف ترجمته بالعربي فهاحاول ترجمته بصورة مبسطة علي حد مقدرتي

طبعا انا هاكتب كل الاحتمالات لان الصورة مش كفاية لتشخيص محدد لنوع الكسر

رقم 1 عندنا فيه جزء من الوجه مقعر للداخل

ورقم 2 جزء بارز محدب للخارج وواضح جدا امام الاذن

الجزء المحدب للخارج البارز ده هو رأس عظمة الفك السفلي المشاركة في مفصل الفك

وده ناتج عن خروجها من المفصل للخارج

وده فيه احتمالين

اما كسر في رأس العظمة وفصلها عن الفك وخروجها خارج المفصل

او ازاحة للعظمة خارج المفصل بدون كسرها

والمرجح هو كسرها

رقم 3 هنلاقي ان الحد السفلي لجسم الفك السفلي من اليمين بارز

وده نتيجة واحد من احتمالين: - الكسر السابق في الجهه اليسري هيخلي عضلات الوجه تشد الجهه اليمني للخارج لليمين وتظهر بارزة كما سبق

او

-نتيجة كسر في جسم الفك السفلي

رقم 4 واضح ان فيه جرح في الدقن

وواضح انه مرتطم بحافة صلبة غير حادة نتج عنه كدمة

الضربة اللي في الدقن دي ممكن تعمل انواع كتير من كسور الفك

وبتكون اما مباشره ( يعني في مكان الضربة) في الذقن او علي جانبيها

او غير مباشرة ( يعني في غير مكان الضربة ) مثلا في مفصل الفك في جانب واحد او المفصلين علي الجانبين

رقم 5 دي علامة مهمة جدا وهي ان العضة الامامية للاسنان مفتوحة

ودي برضه بتحتمل انواع كتير من الكسور

منها الكسرين السابق ذكرهم الناتجين عن ضربة الدقن

رقم 6 جرح قطعي واضح في الشفه السفلي

وده غالبا نتيجة الضربة اللي في الدقن وزنق الشفه السفلي مابين الجسم الصلب والسنان السفلي الامامية

طبعا ممكن يكون كمان فيه كسر في الفك العلوي و ممكن يكون دليله هو العلامة رقم 5

--------------------------

من الكسور السابق ذكرها فيه 3 كسور ممكن يعملوا اسفكسيا اذا لم يراعي اسعافهم بصورة طارئة وصحيحة

- كسر مفصلين الفك علي الجانبين

-كسر علي جانبي الدقن

وده نتيجة شد اللسان للخلف وغلقه لمجري الهواء او بالبلدي(بلع اللسان)

-كسر عظمة الفك السفلي وانفصالها عن العظام الأخري

قبالتالي فعلا خالد ممكن يكون توفي نتيجة اسفكسيا ولكن بسبب الكسور وليس لفافة البانجو

------------------------

طبعا لو مش اسفكسيا ففيه احتمالات نزيف داخلي بالمخ وواضح ان الضربات كانت قوية جدا وممكن تعمل نزيف بالمخ وكسر بعظام الجمجمة

--------------------------

وطبعا علشان ننفي حوار ان الصورة اخذت قبل التشريح او بعد فبكل بساطة

اولا :التشريح من مشارق الارض لمغاربها لا يفتح في الوجه

لانه بكل بساطة لا يهمة شيء في الوجه

ولكن يفتح في الجمجمة من الخلف ليخرج المخ ويري ماذا حدث بداخل الجمجمة او اخذ عينة من المخ وتحليلها

ويفتح ايضا من الصدر لاسفل البطن علي شكل حرف واي ليري اذا كان هناك شيء غريب بالداخل ولبأخد عينات من مختلف الاعضاء وتحليلها لمعرفة سبب الوفاة

ثانيا وده الاهم: اي تشريح بيفتح في مكان بيخيطوه بغرز بعد التشريح

وثالثا : جروح التشريح في خطوط مستقيمة واضحة الملامح

ورابعا : جروح التشريح لا تسبب كدمات او زرقان

وفي اسفل الموضوع صورة لجرح تشريعي بعد خياطته لمعرفة شكله

وفيديو تشريح جثة انثي لمعرفة وتأكيد شكل التشريح وعدم علاقته بالوجه(انا وضعتهم في اخر الموضوع علشان مش كل الناس تشوفهم وياريت اللي بتدايقه المناظر دي ما يشوفهاش )

انا حبيت بس من خلال الموضوع ده اوضح للناس البسيطة قد ايه وزارة الداخلية عاوزه تستعبطنا سواء من خلال نفي الصورة وانها بعد التشريح او من خلال نفي الكسور

او من خلال القول بان السبب للاسفكسيا هو لفافة البانجو

انا طبعا فسرت الكلام ده من خلال دراستي لجراحة الفكين والكسور واتمني اني اكون قدرت اترجم الكلام للعربي بشكل جيد ومبسط

وانشاء الله حق خالد مش هيضيع طول ماكل واحد بيعمل اللي بيقدر عليه بشكل ايجابي لان خالد مش مجرد شاب مصري

خالد هو رمز للانسان المصري اللي بيتعرض للتعذيب نتيجة قهر جهاز الشرطة

ربنا يرحمك يا خالد

[Howayda Ismail]

بمناسبة الثقة في الشرطة والقضاء .

بأتكلم مع واحد صاحبي .. طلع من منيا القمح بالشرقية .. عن الإنتخابات وكده وبالذات إنتخابات مجلس الشورى الأخيرة ..

فبيحلف لي إنه بعد ما خلص جامعة وكان بيدور على شغل ... إشتغل فترة كده مع الهتيفة بتوع الإنتخابات .. وكان نازل في دايرتهم واحد حزب واطي .. وأمامه واحد من الأخوان مُكتسح وذو شعبية كبيرة جداً وسط ابناء دائرته .... فبيقول لي والله العظيم وإحنا بننقل الصناديق بعد ما أتقفلت والناس صوتوا ولطموا ... وذلك من مقر لجان الإنتخاب لمقر الفرز الرئيسي ... عربية الشرطة وقفت جنب الترعة وقالوا لهم " إنزل يالا أنت وهو أرموا كل الورق ده في الزبالة "

وكان في صناديق تانية متقلوظه لعضو الحزب الواطي اللي فاز بأكتساح ....

هههههههههه أبتسم فأنت في عصر الفرعون الطاغية ...

عندنا فى اسكندرية ابن واحد من اياهم دفع كذا مليون رشوة لناس تقيلة فى مجلس الشعب عشان ينجح لكنه سقط فى الدورة

اللى فاتت مما تسبب فى اصابته بجلطة اوذبحة شئ من هذا القبيل ونقل على اثرها المستشفى وعولج وقام زى العفريت تانى

السنة دى بقدرة قادر نجح فى انتخابات مجلس الشورى بالتزكية ازاى ؟(نعرف بس مش حنقول)

[مغتربة]

قراءة مهنية في تقرير الطب الشرعي الصادر بشأن إصايات خالد سعيد

قبل التوجه الى مدافن أسرة خالد سعيد، اليوم الأربعاء، الموافق 16 يونيو 2010، لاستخراج جسده واعادة تشريحه بناء على طلب الاسرة وموافقة النائب العام، تقدم الاستاذ محمود عفيفي المحامي بالمذكرة التالية الى كبير الأطباء الشرعيين بشأن ما صدر عن الطب الشرعي حتى الآن من تفسير للاصابات:

1- لم يوضح التقرير لون الدم، والواضح من الصورة ان اللون أحمر وليس غامقا كما هو متعارف عليه في الاسفكسيا

2- لم يوضح التقرير مدى سيولة الدم وقدرها، حيث معروف ان سيولة الدم تزيد في حالات الأسفكسيا

3- لم يوضح التقرير مدى شدة الزرقة الرمية في الجسم ومدى وضوحها وما اذا كان هناك زرقة في الوجه عموما أو بروز في العينين كما هو الحال في الاسفكسيا.

4- لم يوضح التقرير حالة الدم في القلب في البطين الأيمن والأذين الايمن والنصف الأيسر منه، وهل به دم أم كان خاليا منه، وكذا الأوردة الغليظة ومقدار الدم بها وهل كانت الشعب الهوائية مليئة بالزبد الرغوي من عدمه.

5- لم يوضح التقرير حالة اللسان وهل كان بارزا من عدمه.

6- لم يوضح التقرير كنه السحجات الموجودة بالشفاه، وهل هي سحجات ظفرية من عدمه، خاصة أن هناك زرقة بالشفتين، ووجود سحجات ظفرية الى جوار الفم والأنف، الأمر الذي يشير الى وجود نوع آخر من أنواع الأسفكسيا غير الذي انتهى اليه التقرير.

7- لم يتضح من التقرير ما اذا كانت اللفافة التي وجدت بمنطقة البلعوم الحنجري بجثة المتوفي الى رحمة مولاه بها حواف من عدمه، وكذا لم يوضح التقرير أماكن اغلاق تلك اللفافة ولا كيفيته، ومن ثم يتعذر علينا الجزم بأن ابتلاع تلك اللفافة لم يتسبب في أي آثار اصابية بمنطقة البلعوم الحنجري، خاصة ان هناك الامارات التي تشير الى وجود نوع آخر من الأسفكسيا. كذلك، ورغم كبر حجم اللفافة، لم يوضح التقرير مقدار ضغط هذه اللفافة على الغضاريف الحنجرية، وهل أثر ذلك الضغط عليها وأحدث بها اصابات من عدمه، حيث كل ما ذكر ان الغضاريف الحنجرية سليمة بالرغم من كبر حجم اللفافة (2.5 سم في 7.5 سم)، بالاضافة الى ان اللفافة لم تعاد الى النيابة لتحريزها، أو حتى للتعرف علي شكلها من خلال مناظرتها، وذلك حيث قرر الطيب الشرعي انه حرز اللفافة بمعرفته وارسلها الى المعامل.

8- نريد من معاليكم توضيح مدى امكانية ادخال هذه اللفافة عنوة الى فم المجني عليه واستقرارها في المكان الذي اشار اليه التقرير سواء حال الحياة أو بعد مفارقتها

9- قرر الطبيب الشرعي ان مجري عملية التشريح لم تشمل الفم ورغم ذلك واضح من الصورة، سواء كانت قبل التشريح أو بعده، فقد الجثة لسنتين على الأقل من الفك العلوي في الجانب الأيمن. لذا نرجو توضيح الأمر. و اذا كانت الأسنان غير موجودة، برجاء توضيح ما اذا كانت الجذور موجودة من عدمه، وهل كان فقدها حيويا أو غير حيوي.

10- بيان حال الجمجمة وكذا ملاحظة خياطة الرأس، سواء كانت من الخلف أم من الأمام، وكذلا ملاحظة خياطة العنق، ونرجو توضيح حالة المخ، وما اذا كانت عليه نقط نمشية من عدمه، وكذا حالة سحايا المخ.

11- بيان كم من الوقت كان المتوفي الى رحمة مولاه يستطيع ان يظل على قيد الحياة في حالة صدق رواية المخبرين والضباط ورجال الاسعاف رغم انسداد القصبة الهوائية له بفعل اللفافة حتى نستطيع أن نصدق روايتهم، فإن المجني عليه ظل على قيد الحياة طيلة فترة انتظار سيارة الاسعاف وهي حوالي نصف ساعة ثم نقله الى سيارة الاسعاف،

12- وكذا بيان ما اذا كان سوف يقبل أن يوضع على جهاز الأوكسجين من عدمه، وهل كان هذا الكسجين سوف يمر خلال القصبة الهوائية من عدمه رغم انسدادها بفعل اللفافة على حد زعمهم.

القاهرة، 16 يونيو 2010

–

مركز النديم للعلاج والتاهيل النفسي

المقال دا انكتب قبل ظهور التقرير التانى

لكنى لم اجد ان التقرير الثانى غطى اى جزئيه مما وردت فى هذا المقال المستقل

[مغتربة]

المنظمة المصرية لحقوق الإنسان قدمت في بيانها الصادر في الخامس والعشرين من يوليو سنة 2005 أرقام يحسن التوقف عندها، يشير البيان إلى أن مصر عرفت من سنة 1993 إلى سنة 2004 مائتين واثنين وتسعين حالة تعذيب بالغ توفي منهم مائة وعشرون في سنة 2004 سجلت اثنتان وأربعون حالة تعذيب وثلاثة وعشرين حالة وفاة سنة 2005 سجلت سبع وعشرون حالة تعذيب وثلاث وعشرون حالة وفاة بسببه،

يالها من اعداد فرديه لا تستحق حتى الالتفات

[مغتربة]

أسرة خالد سعيد تستنكر تقرير الطب الشرعي وتلجأ للأمم المتحدة.. والنيابة تحاكمها بتهمة البلاغ الكاذب

اضغط للتكبير

ظاهرات من أجل خالد سعيد - مصراوي

احفظ الخبر

اطبع

أضف تعليق ارسل

6/24/2010 9:26:00 AM

القاهرة - محرر مصراوي - تسبب تقرير اللجنة الثلاثية من الاطباء الشرعيين بقضية خالد سعيد "شهيد الطوارئ" في حالة من الصدمة لدى أهالي الضحية والنشطاء وكذلك الصحفيين والإعلاميين خلال المؤتمر الصحفي الذي أعلن فيه نتيجة التقرير.

وكان المستشار ياسر رفاعي المحامي العام الأول لنيابة استئناف الإسكندرية قد أعلن الأربعاء براءة الداخلية من دم الشاب السكندري خالد سعيد.

وعرض التقرير المبدئي الوارد من مصلحة الطب الشرعي بشأن نتائج إعادة تشريح جثة المتوفى خالد سعيد، وفي وجود اللجنة الثلاثية التي أمر المستشار عبد المجيد محمود النائب العام بتشكليها.

وقال رفاعي "إن سبب وفاة خالد سعيد نتيجة إسفكسيا الاختناق بانسداد المسالك الهوائية بجسمٍ غريب ثبت من تحليله أنه عبارة عن لفافة بلاستكية تحوي مادةً خضراء اللون ثبت أنها لنبات البانجو المخدر".

ومن العجيب أنه طبقا لهذا التقرير فإنه سيتم استدعاء أسرة ضحية التعذيب للتحقيق معها في النيابة، بتهمة البلاغ الكاذب بأن مسؤولين في الداخلية هم الذين قاموا بتعذيب نجلهم حتى الموت.

ومن جانبها قالت أسرة خالد سعيد اختصام: "سنختصم اللجنة الثلاثية في القضية وعلى رأسها كبير الأطباء الشرعيين الذي أصدر التقرير، ونتهمهم بالكذب والتزوير".

وأضاف محامي الأسرة: "إننا بدانا بالفعل السعي لمقاضاة دولية للقتلة ونعد بأن يكون ملف خالد سعيد سيكون أول الملفات على مائدة المؤتمر الدولي لحقوق الانسان الذي سيعقد في الأمم المتحدة الشهر المقبل.

وقال:"للأسف كنا لا نريد ان نلجأ للقضاء الدولي لكن دفعنا لذلك الظلم وقد اضطرتنا الحكومة المصرية الى هذا الإجراء بسبب إصرارها على تبرئة المعتدين على خالد سعيد".

على صعيد أخر ندد العديد من رموز المعارضة المصرية بالتقرير.

وقال الدكتور محمد البرادعي إن "النتيجة التي كشف عنها التقرير تلقي الضوء على ان الأجهزة الأمنية تسيطر على مقاليد الأمور وأنه ليس بوسع أي جهة الخروج عليها".

وأضاف: "لن يرهبنا التقرير ولا من يقفون وراءه ولن نعترف به وسنبدأ حملة عاتية من أجل ملاحقة قتلة سعيد وأنه آن الوقت لكبار المسؤولين في النظام المصري لأن يدركوا أن مثل تلك الجرائم لا يمكن أن تمر بدون أن يصرخ من أجلها العالم ويقتص من قتلتها".

وأشار إلى أن القضية لا يمكن أن يهال عليها التراب قبل أن يتم محاكمة الجزارين الذين يفتكون بالمواطنين في عرض النهار.

وقال عبد الجليل مصطفى المنسق العام الأسبق لحركة كفاية والأستاذ بكلية طب قصر العيني إن "اطباء مصر يرفضون تقرير الطب الشرعي الصادر مؤخراً بالنسبة لمقتل سعيد ولا بد من محاكمة كل من شارك في التقرير وأن على نقابة الأطباء دورا عاجلا عليها القيابه هو محاكمة الأطباء الذين مرروا ذلك التقرير".

ودعا المستشار محمود الخضيري لعدم الصمت على الجريمة وتكوين جبهة شعبية تضم كافة رموز المعارضة من أجل إستمرار التحقيق في القضية معتبراً أن تقرير الأمس لن يجد من يقتنع به إلا الذين وقفوا خلفه.

المصدر: صحيفة "القدس العربي"، مصراوي.

[لولا]

ومن العجيب أنه طبقا لهذا التقرير فإنه سيتم استدعاء أسرة ضحية التعذيب للتحقيق معها في النيابة، بتهمة البلاغ الكاذب بأن مسؤولين في الداخلية هم الذين قاموا بتعذيب نجلهم حتى الموت.

المصدر: صحيفة "القدس العربي"، مصراوي.

متهيألى اليهود فى عز الفجوووور انظف من كده !!

بقى طلبوهم فى النيابه بتهمه البلاغ الكاااااااااااااذب !!

انا شايفه يعدموهم اقل حاجه عشان يكونوا عبره لمن لا يعتبر !!

والشهود كمان .. يسحلوهم فى الشارع ويعذبوهم وكل واحد ياخدله كده كام خبطه محترمه فى دماغه فى نفس الرخام

اللى ضربوا راس خالد عليه لغايه الموت عشان يبطلوا الكذب والتلفيق على اسيادهم والمخبرين الشرفاء .

[لولا]

التضحية بالضحية!

محمود سلطان

23-06-2010 23:52

المصرى اليوم

غيرت موضوع مقالي في اللحظات الأخيرة، بعد أن بلغني ظهر أمس، أن اللجنة الثلاثية التي كلفت بإعادة تشريح قتيل الإسكندرية خالد سعيد، انتهت إلى أنه مات بـ"لفافة بانجو"!

وبغض النظر عن "صدقية" التقرير الأخير، وما إذا كان صحيحا أم تم "طرمخته".. فإنه لن ينهي المشكلة، بل ربما ـ وهو المتوقع ـ أن يزيد الأمر اشتعالا، لأن المسألة منذ بدايتها لم تكن موضع ثقة الرأي العام.. لأن الدولة ـ كمؤسسات ـ لم يعد أحد يصدقها ولو أقسمت بكل كتب السماوية المنزلة.. فالذي يكذب مرة لن يصدقه أحد حتى لو كان صادقا.

الدولة في مأزق حقيقي.. والتقرير لن ينفعها، لأنه سيظل محض دليل على "كذبها" وليس على "تبرأتها".. خاصة وأن الناس كانت تتوقع أن يكون مستنسخا من تقرير سيدي جابر "المضروب" بحسب الإفادات التي قطعت بقتل الشاب المسكين على يد الشرطة.

خصومة الدولة مع الناس باتت مثل مباراة كرة قدم مصرية حساسة، ولا تثق الجماهير ولا اللاعبون ولا الأندية في "عدالة" الحكام المصريين.. ولن يقبلوا إلا باستيراد حكام أجانب لإدارة المباراة.. خاصة إذا كان أحد أندية "النفوذ" والسلطة طرفا سيستفيد أو سيتضرر من نتيجة المباراة.

الدولة ستطالب الناس بأن يصدقوا التقرير الأخير.. لأن "الشك" في مؤسسات الدولة المناط بها تحقيق العدالة، مسألة بالغة الخطورة ربما يمس استقلال الدولة وسيادتها الوطنية.. ولكن كيف يصدق الناس بأن التقرير صدر مستقلا عن أية اكراهات إدارية، والمتهم بارتكاب الجريمة تابع لوزارة بيدها تقرير مصير أي إنسان في مصر من الوزير إلى الخفير ومن لحظة الميلاد إلى ساعة الدفن وتلقي العزاء؟!

حتى ـ كتابة مقالي ـ لم يعلن عن التقرير رسميا في وسائل الإعلام، ولا أدري كيف سيقابل الرأي العام فحواه ومضمونه: بالتصديق والتسليم أم بتكذيبه وتصعيد الموضوع إلى أسقف لا ندري حدودها ونتائجها على وجه الدقة أو التقريب؟!

ولا أدري كيف ستواجه الدولة الأزمة، إن تصاعدت إلى حد تنظيم احتجاجات شبابية عنيفة في الشوارع.. لا أعرف ما بحوزة السلطات من حلول للحيلولة دون دفع الشارع "المتحفز" إلى غضب عفوي يفوق القدرة الأمنية في السيطرة عليه؟!

أخطر ما في هذا المشهد، أن الناس لم تعد تثق في الدولة.. وتعتقد أنها تُحكم من قبل نظام سياسي كذاب ومناور ومزور ويضرب التقارير وليس أمينا على أرواح المواطنين.. إنها فعلا إرهاصات ببداية الانهيار.. فالأخير قادم لا محالة.. هكذا تُقرأ العناوين والمانشيتات الكبيرة الممتدة بطول الوطن وعرضه.. فيما لم يعد بوسع أحد أن يتكهن بحجم ما سيخلفه من دمار.. وربنا يستر.

[Howayda Ismail]

استدعاء اهل القتيل للنيابة: مهزلة جديدة

لو ده حصل فعلا يبقى دى رسالة تحذير معلنة وواضحة للشعب (اضرب المربوط يخاف السايب)

ده ارهاب ومنع لاى شخص يجرؤ على فتح بقه حتى ولو اللى مات ده ابنه فلذة كبده .

الموت اهون على الواحد من انه يشوف ابنه بيتقتل مرتين و هو عاجز عن اخد حقه.

[herohero]

اللي قريته اناخو خالد معاه الجنسية الامريكية وطلب من السفارة الامريكية حمايته

[لولا]

استدعاء اهل القتيل للنيابة: مهزلة جديدة

لو ده حصل فعلا يبقى دى رسالة تحذير معلنة وواضحة للشعب (اضرب المربوط يخاف السايب)

ده ارهاب ومنع لاى شخص يجرؤ على فتح بقه حتى ولو اللى مات ده ابنه فلذة كبده .

الموت اهون على الواحد من انه يشوف ابنه بيتقتل مرتين و هو عاجز عن اخد حقه.

رساله وحده بسسسسسسس.. طب قولى رساااااااايل ورسااااااااايل..

امباح كنت حاسه بكل غضب الدنيا ..

غضب ومش صدمة لأنى اكيد توقعت النتيجه دى..

الغضب كان على فجور الفجور..

على بجاحه البجاحه

على اجرام الإجرام..

وعلى شدة قذارة القذارة !

كنت اتوقع مثلا تقرير طبعا يطابق تماما روايه الداخليه المتعجرفه فى بيانها الفاجر المتعالى من الأيام الأولى لكن على الأقل المرادى

يبقى شكله متقن شويه ..

شويه بس للدرجه اللى يكون فيها احترام للعقل البشرى !

شويه بس للدرجه اللى يجتاج لواحد متخصص عشان يكتشف الركاكه والتضارب واللامنطيقه فى معلوماته وبرمجته

شويه بس بحيث ميبقاش المزور المرتشي الفاسد اللى كتبه ريحته فايحه بالطريقه القذرة دى دون اى ذرة حيااااااااااااااء..

لكن معليش..

وعسي ان نكره شيئا وهو خير لنا..

وصل الفساد فعلا كل حد..

وجاوز المدى

ومازالت العقليه الغبيه التى تدير الأزمات تتصرف بنفس الوقاحه والبجاحه والتعالى ونظام العبيد واضربوا راسكم فى الحيط

لكن اللى غايب عن النظام الغبى ان لما شعب كامل هيضرب راسه فى الحيطه.. الحيطه فى يوم هتتكسر من تكرار الضرب

واحنا فعلا كلنا كشباب قررنا نضرب راسنا فى الحيطه !

حد هينزل النهارده يا جماعه ويلبس اسود ولالسه فى حاجه تانيه اهم فى الحياة ؟؟

القضيه مش خالد كشخص..

القضيه احنا

خالد مات وملايين صحيت .

لولا

[لولا]

بإذن الله النهاردة هيكون يوم جميل .. هنوري العالم كله يعني إيه مصري إيجابي .. هنوريهم قوتنا بصمتنا .. برقينا .. هنوري بلدنا قد ايه بنحبها وقد ايه زعلاين منها .. وقد ايه عايزينها تبقى أحسن بلد في الدنيا .. هننزل مع اصحابنا واخواتنا وقرايبنا وزمايلنا ... هنقول لأ من غير ما نفتح بقنا .. وهنوصل رسالة للداخلية: مش عايزين نش...وف خالد سعيد أو نشوى سعيد تاني في مصر لأنها مش فوضى!

دعوة من جروب: كلنا خالد سعيد

وقفة صامتة بالملابس سوداء حدادا على ضحايا التعذيب وأولهم خالد سعيد

قوتنا في صمتنا .. صمتنا أقوى رسالة

المكان: كل أنحاء مصر

الزمان: من ٦ ونصف لـ ٧ ونصف يوم الجمعة

عدد الحضور: مش مهم .. المهم إني نازل ولابس إسود وزعلان وحزين

مهم جدا: أكد حضورك هنا وادعو كل أصحابك

http://bit.ly/91EluP

مهم جدا: اطبع الصفحة دي واقراها كذا مرة وانشرها لكل الناس اللي تعرفها. ويا ريت تخش على جروبات خالد سعيد عشان تعرف آخر الأخبار وأي تطورات

المرة اللي فاتت كنا بنقول يا شباب ويا بنات مصر .. دلوقتي بنقول يا مصر كلها .. يا أم شافت صورة خالد ومش عايزة تشوف ابنها أو بنتها يحصله كده .. يا أب خايف على ولادهم وعايزهم يعيشوا في مصر عيشة كويسة .. يا شباب حسوا إنهم خالد لما شافوا صورته. الدعوة دي ليكم كلكم. اللي بنعمله ده أقوى حاجة ممكن تتعمل ونفس أي مصري يعملها من سنين .. إحنا بنتوحد كلنا على قلب واحد عشان نحارب أي حاجة وحشة في مصر. وده أسلوبنا .. والله العظيم رسالتنا قوية جدا ورهيبة .. صمتنا له معاني كتير. والمرة دي الإعلام مش هيسيب الوقفة دي من غير تغطية كبيرة جدا.

الجمعة اللي فاتت نجحنا نجاح باهر في إسكندرية والقاهرة لأن فيه شباب مصريين بيحبوا بلدهم وبيخافوا على بعض نزلوا بغض النظر عن أعدادهم .. وقوتنا في إننا مش منظمين قوتنا في إننا مش جماعة ولا حزب ولا جهات منظمة لمظاهرات .. إحنا مصريين.

شوفوا الصور هنا: http://bit.ly/dvj6Th

شوفوا الفيديو هنا: http://bit.ly/c1xdUd

الجمعة دي بجد لازم كلنا نلتزم بالقوانين لأن كان فيه حالات عدم التزام .. الأمن هيبقى أصعب المرة دي ولازم كلنا نوصل رسالتنا بشكل حضاري وبدون ما أي واحد فينا يتخانق مع أي أمن:

- الوقفة الصامتة هتكون في كل أنحاء مصر من إسكندرية لأسوان. أي شباب في أي محافظة يتفقوا مع بعض .. وهتكون في أي مكان فيه بحر أو نيل. والمحافظة اللي مفيهاش بحر أو نيل يبقى في الحدائق العامة وتجمعات الناس. ومش مهم الأعداد المهم إننا نثبت إننا شباب إيجابي رافض للظلم.

- ممنوع منعا باتا إنك تجيب معاك أي منشورات أو أوراق أو يفط. مش عايزين نعرض أي حد للخطر أو تطبيق قانون الطوارئ عليه. واللبس يكون إسود وبلاش أي حد يلبس تي شيرت عليه صورة خالد أو شعارات ضد الحكومة.

- اتفق مع شوية من إصحابك كمجموعة إنكم تروحوا مع بعض بس قبل ما توصلوا للمكان اللي هتقفوا فيه اتفرقوا واقفوا كل واحد على بعد خمسة متر من التاني.

- كل واحد يكلم أهله .. والده ووالدته يروحوا معاه .. عايزين نشوف الأطفال والأمهات والآباء كلهم .. محدش هيعرف يوقفنا لو كلنا كنا ايد واحدة. وصور الأمهات كانت مالية فيديوهات وصور الوقفة.

- مهم جدا يا شباب .. يكون بيننا وبين بعض مسافة تلاتة إلى خمسة متر .. عشان منبقاش شكلنا متجمع وعشان ننتشر على البحر والكورنيش المنظر أقوى بكتير من منظرنا واحنا جنب بعض بالإضافة إلى إنه أقل مخاطرة.

- ضهرنا للشارع ووشنا للبحر .. إنا زعلانين متضايقين مش بنكلم حد مش بنضحك مش راضيين عن اللي بيحصل في مصر من إهانة لشباب مصر.

- برضه هنجيب معانا القرآن أو الإنجيل أو جهاز الإم بي ثري ونسمع حاجة مفيدة.

- إذا تعرضلك الأمن وقال لك مينفعش تقف هنا .. اتكلم معاهم بكل أدب وبلاش أي عصبية وقول لهم إنك مش بتعمل أي حاجة غلط وإنك واقف في يوم اجازتك بتحضر منظر الغروب وإنك إنسان محترم ومش بتضايق أي حد. ولو زادت حدة الكلام بتاعهم اتحرك وامشي في حتة تانية. ولو منعوا الوقفة على الكورنيش اتمشي في وسط الشوارع وصور أي حد لابس اسود زيك.

- متسمعش كلام أي حد بيقول لك إنه من اللي بينظموا الوقفة .. مفيش أي منظمين للوقفة دي .. ومتتكلمش مع أي حد حتى لو لابس إسود زيك.

- مهم جدا .. لو إنت واقف في حتة وابتدى مجموعة شباب لابسين إسود يخالفوا أي من القوانين اللي فوق دي يا ريت تسيب المكان بسرعة وتختار مكان تاني.

- يا ريت تاخد معاك كاميرا كويسة عشان تصور نفسك وتصور بقيت الناس .. الصور اللي احنا صورناها المرة اللي فاتت بتدب الأمل في نفوس كل الناس .. يا ريت يبقى عندنا صور جميلة المرة دي كمان.

- لو رحت مكان ولقيته فاضي أقعد برضه .. أقوى صور المرة اللي فاتت كانت شباب راح وقعد على البحر زعلان وصور نفسه .. المهم مش اللي شايفينك وانت قاعد .. احنا رسالتنا هتوصل قوية جدا المرة دي للإعلام خاصة إنهم شافوا الوقفة اللي فاتت.

[لولا]

مش هاكون من تاني بغضب ... واصفي بعد يومين

مصر مش هتنام وتسكت .... تاني للظالمين

شعبنا قامت قيامته .. وأي حد يهين كرامته يقل قيمته .. نبقى كلنا ايد في ايد

http://www.youtube.com/watch?v=0oYes-AGdVA...player_embedded

[لولا]

كلمة غاندي بتنطبق على اللي احنا بنعمله في قضية خالد بالظبط: "في البداية لن يلتفتوا لما تقوم به ... ثم سيسخرون منك .. وبعدها يحاربونك .. وفي النهاية ستنتصر" ... مش هارد على أي إساءة .. معلش يا شباب الداخلية أنا والله مشغول جدا دلوقتي في التحضير للوقفة

http://www.facebook.com/ElShaheeed#!/ElShaheeed

نزولك النهارده معناه انك قررت تبقى ايجابى من النهارده

استوعبت انك مسؤول عن كل شيء فى البلد وكل اللى وصلنا ليه

استوعبت انك كنت سلبى قبل كده ومستنى الأمور تتغير بمعجزة او بإيد غير ايدك وصوت غير صوتك

التغيير مسؤليه كل فرد

التغيير يبدأ منك ومنى

يبدأ لما نعرف حقوقنا

نطالب بيها بنفسنا

نغير من سلبيتنا اللى كانت على طول الخط

نفكر بجديه مطلوب مننا ايه وعملنا ايه قبل كده وهنعمل ايه دلوقتى

نزولك النهارده معناه انك مؤمن ان الشعب هو مجموعه من الأفراد والفرد هو اساس القوة

اتغير

انزل

شارك

اغضب

هتلاقى ناس مش عارفه حتى انت واقف كده ليه

ناس فعلا لسه مش عارفه اللى بيحصل

حاول تشرحلهم

فهمهم

انشر القضيه

ممكن بوقفتك تغير من سلبيه فرد تانى

لولا

[لولا]

[لولا]

[لولا]

اوعى تفتكر انك بخوفك وسكوتك انت بعيد عندهم .. نشوى كانت بتركن عربيتها نزل ملازم أول لطشها بالاقلام .. واللواءات هددوها لو عملت محضر .. وهرب الجبان بجريمته .. يا ريت تشوفوا الفيديو ده وتعرفوا يعني إيه لازم يبقى عندنا كرامة .. ومنبقاش جبنا

http://www.facebook.com/ElShaheeed#!/v...0576&ref=mf