خالد محمد سعيد "شهيد الطوارئ

[herohero]

عشان مانبقاش سلبيين خلينا نحاول نفكر رغم ان الحلولاللي بتتبع ف دول العالم المتحضر مش هتمشي عندنا

يعني انا امبارح دورت ع لافيسبوكلقيتف جروب خاصهبكده وكانوا بطلبوا انك ع اد ماتىقدر تنشر الخبر عشان يكون العدد بتاع الجروب كبير

طيب هل فيه حد عنده خلفية مثلا نبعت ايميلات لاماكن معينه يعني هل فيه وسيلة ع الاقل نطلع شجبنا من ورا المكيفات هقولكم ايه ماهو المشكلة اننا لو كلنا روحنا وقفنا ادام القسم ده للاسف السلبيين اكتر مننا يعني هنضرب كلنا وهنحصل خالد بدون فايده

محدش يزعل مني شايف ان الوب الفضيحه هو الافضل لكني فوجئت يضا ف 48 ساعه امبارح انه اتذكر ومتاكد ا برنامج زي مانشيت ع قناة اون تي في مع جابر القرموطي هيتكلم

وبرنامج زي العاشرة مساء هيتكلم

بس اللي نفسي فيه مكتب وزير الداخليه يطلع بيان يحسسنا بحاجه

انا مش عارف ايه اللي ممكننعلمه ايجابي الواحد من قرفه ومن زهقه مش عارف يفكر ومحدش يقولي انت بتكره مصر لا يابهوات هي اللي عاوزة تكرهنا فيها

بذمتكم حد منكم يتمنى ان ابنه يعيش ويتهان كده احنا خلاص اللي عدى 30 ولا اللي هيعديها دول انسوهم خلاص انتهى زمانهم بس الاطفال

برده هنورثهم مع الامراض اللي بلانا بيها النظام الذل والهوان هنورثهم انهم يمشوا جوا الحيط

ماشي مش عاوزين سلبية حد يقترح نعمل ايه

انا شاركت ف اللي كنت بلاقه ع الفيس بوك بس حد هياخد بيه لقيت برامج اتكلمت طب وبعدين هنعمل ايه ماهو ناس وحكومة معندهاش دم نعمل ايه

حد يقترح؟؟؟؟؟؟

[fatfouta]

الدنيا مليااااااانة مظاهرات

حاجة تفرح بجد....أدخلوا هنا هتشوفوا بس مش عارفة المظاهرة الكبيرة دى فين بالضبط

http://www.facebook.com/khaledkilled?v=wall

[عنبو]

اصرخ واقول للظالم لاء وايه يعنى

لما نموت علشان الحق وايه يعنى

[Howayda Ismail]

انا شايف يا فتفوتة إن احسن تغيري اسم الموضوع الى (خالد محمد سعيد "شهيد الطوارئ".) عشان يكون أكثر تحديدا و نتكلم عن المشكلة دي بعينها بدل منتكلم عن سلبيات الداخلية بصفة عامة لعلنا نستطيع فعل شئ.

يعني نحط كل الروابط و نتابع الموضوع لحد اخرة و نفكر ممكن نساعد إزاي...!!

[/quot

من المعروف ان قانون الطوارئ له مدة محددة واسباب معينة واهم هذه الاسباب (الحروب_االارهاب_ان تعم البلاد فوضى عارمة

المخدرات...........)لكن قانونا المفبرك موضوع من سنة82 واخر حرب لنا 73 وبالنسبة للارهاب قضى عليه من مدة طويلة

ومافيش خيال فوضى فى البلد والمخدرات زادت 100فى 100 وزادت أموال تجارتها ودخلت انواع جديدة البلد وزاد عدد المدمنين

يعنى قانون زى عدمه لكن حقيقة وضعه لاسباب سياسيه تخدم النظام بدليل انه يطبق على ناس وناس

لابد لاصحاب العقول الراجحة فى مصر او خارجها والمفكرين والمثقفين وكل شخص يريد تحرير مصر من نفقها المظلم ان

يبحثوا عن حلول عاجلة حتى لو لجأنا لقوى خارجية او رفع شكوى للجنة حقوق الانسان الخارجية مش عارفة الحلول

بالضبط لكن ده اضعف الايمان والحلول بيد الخبراء والمستشارين واصحاب العقول المستنيرة لابد كل الكل يتكاتف حتى

ننظف مصر ولا بلاش ننظف دى لاحسن انا كرهت النظافة من اسمها

[لولا]

انا شاركت ف اللي كنت بلاقه ع الفيس بوك بس حد هياخد بيه لقيت برامج اتكلمت طب وبعدين هنعمل ايه ماهو ناس وحكومة معندهاش دم نعمل ايه

حد يقترح؟؟؟؟؟؟

جميل انك شاركت وجميل اكتر انك تطلب من كل حد حوليك يشارك من ما تطلب منه فى سطر وتقوله فى السطر اللى بعده بس مش هيحصل حاجه

وادينى بقولك قبل ما تعمل !!

كام واحد من الرافض الوضع فى البلد دخل وقع على بيان تغيير الدستور ؟؟

كام واحد بجد ؟؟

كام واحد شغل تفكيره ازاى وهو قاعد كده ورا التكييف يعمل حاجه وهو مؤمن انه جزء من مجتمع مش هيتغير لوحده ..

لولا

[fatfouta]

ياللا يا شباب كفاية كده بقى هنشوف ايه تانى......ربنا يحميكم

[fatfouta]

كفايانا منظمات عملت لنا ايه المنظمات؟؟؟؟؟؟؟ حقنا لاااااااازم ناخده بايدينا

ماتحاولوش تهدوا الشباب سيبوه يثور ويغضب كفاية كده

العفو الدولية تطالب مصر بالتحقيق بمقتل مصري بمركز شرطة

6/12/2010 11:39:16 AM

طالبت منظمة العفو الدولية السلطات المصرية فتح تحقيق رسمي في حادث مقتل شاب مصري خلال احتجازه في احد مراكز الشرطة بمدينة الاسكندرية.

وقد شهدت المدينة احتجاجات عقب مقتل الشاب المصري (28 عاما) شارك فيها العشرات امام مركز الشرطة الذي وقع فيه الحادث.

وقد نشرت صحف مصرية الجمعة ما قالت انها شهادات شهود عيان افادوا فيها ان اثنين من رجال الأمن حققا مع القتيل، واسمه خالد محمد سعيد صبحي قاسم، بينما كان في احد مقاهي الانترنت.

وقال الصحفي أحمد علي مراسل صحيفة المصري اليوم إن رجلي الشرطة اللذين كانا يرتديان الزي المدني انهالا بالضرب على الشاب بعد أن رفض تفتيشه أو الحديث معه بطريقة اعتبرها غير لائقة.

وأضاف أن رواية الأهالي تشير إلى أن افراد الشرطة اقتادوا القتيل الى مركز الشرطة بعد ضربه امام الناس.

وقال أن الأمر تطور وفوجئ السكان بوصول جثة الشاب ما اسفر عن نوع من الغضب بين الناس وقام عدد من اعضاء مجلس الشعب بالتقدم بطلبات احاطة فيما أصدرت مراكز حقوقية بيانات تندد وتدين الحادث.

لكن اللواء حمدي عبد الكريم المسؤول الإعلامي في وزارة الداخلية المصرية اعترض في حديث لبي بي سي على طريقة تناول وسائل الإعلام للحادث.

وأشار المسؤول الأمني المصري إلى ضرورة انتظار تحقيقات النيابة وتقرير الطب الشرعي قبل الحكم على حقيقة ما حدث.

وكانت صحف مصرية قد نشرت الجمعة أن عددا من النشطاء نظموا مساء الخميس وقفة احتجاجية أمام مركز شرطة سيدي جابر، طالبوا فيها بمحاسبة اثنين من مخبري القسم اعتديا بالضرب حتى الموت على الشاب.

[لولا]

كفايانا منظمات عملت لنا ايه المنظمات؟؟؟؟؟؟؟ حقنا لاااااااازم ناخده بايدينا

ماتحاولوش تهدوا الشباب سيبوه يثور ويغضب كفاية كده

عندك حق ..

الشباب لازم يحس بالغضب والثورة ولازم ينزل الشارع ولازم يكتب من ورا الكبيورد ولازم يدور على كل الجروبات ويشترك فيها

ولازم الناس اللى متخصصه فى زرع الخنوع والسلبيه ثم السلبيه ثم السلبيه وتوزيع الكلام اللى مش وقته لأغراض وانتصارات شخصيه يعرفوا ان مش وقته

بلاش الكلام من عينه هو الكلمتين اللى هكتبهم هيغيرو حاجه

بلاش تشيل ذنب نفسك وذنب غيرك بأنك فى عز ما مفروض تثور وتغضب وتحس ان القضيه مش شخصيه دى قضيه شعب كامل زاد قوى الطغيان عليه

تلف وشك الناحيه التانيه وتقول بخيابه وايه اللى هيتغير من غير حتى ما تثبت لنفسك انك رفضت الظلم بأبسط وسيله انك شاركت انك وقعت على بيان التغيير

انك صرفت جزء من ساعات وساعات على النت فى مليون حاجه كان فيها ميه حاجه هايفه ومستخسر دقايق تكون فيها انسان حر مؤمن بمبادىء بيعمل عشانها حاجه..

اللهم خذ هؤلاء الكلاب الفجره الطغاه اخذ عزيز مقتدر ..

اللهم ارحمنا يارب .

لولا

[fatfouta]

فين الجنازة؟؟؟ حد شافها

فين التليفزيون المصرى؟؟؟ ولا جايب سيرة عن الموضوع ولاااااا كأن

الله يرحم ساعة ماتوفى الطفل محمد علا مبارك والنفاق اللى عملوه القنوات المصرية والتليفزيون المصرى

طب حتى كانوا يذيعوا الجنازة وبلاش يقولوا اى تفاصيل......بس صحيح هيقولوا جنازة مين؟؟؟ هو مين ده أصلا واحد من الشعب؟؟ طب مايتفلق الشعب والل يموت يموت

وحسبى الله ونعم الوكيل

[لولا]

ازاى تاخد بتار خالد

من الفيس بوك

http://www.facebook.com/topic.php?uid=1292...7&topic=186

من الاخر ,, هكلمكم عن اللى نقدر نعمله و ده يفرق شويه عن اللى عايزين نعمله , يعني لما نقول المفروض يحصل كذا و كذا و انتا عارف ان الشعب ميقدرش يبقا بنضحك على نفسنا , لعبه نفسيه يعني علشان نهرب من المسئوليه الجماعيه , , فعلشان كده هكلموكوا عن اللى ممكن نعمله و نقدر نعمله

اللى حصل فى خالد بيحصل كل يوم و كل ساعه مع ناس كتير و بدرجات متفاوته , السبب فيه مش جوز المخبرين , السبب فيه النظام من الاخر ,, النظام ده يجب بتره , ازاى بخطوات عمليه

اولا زى الباشا توقع على بيان التغيير , اكتر من خمسه و ستين الف واحد وقعوا على بيان التغيير و محصلهمش حاجه علشان هما وقعوا , شايف البيان مهم او مش مهم , تبطل فلسفه و توقع او ممكن تستخدم اى حجه نفسيه علشان تبرر لنفسك انك متوقعش و عادي بأه مفيش داعى تكمل قرايه , متوجعش عينيك على الفاضى طالما بتدور على حجه انك متعملش حاجه

ثانيا تنضم لحزب معارض , احزاب كرتتونيه احزاب ورقيه سميها زى منتا عايز , مش عاجباك النظام و ماله انضم لحزب معارض و تانى مبيقبضوش على حد علشان انضم لحزب معارض , ديتها عشرين جنيه تمن العضويه و صورة البطاقه و كام صوره شخصيه , الاحزاب اللى نوعا ما محترمه و متحالفه مع مطالب التغيير هيه الجبهه و الدستورى الحر و الغد .. و تانى لو ناوى تعمل حاجه من غير فلسفه نقى حزب منهم و انضمله و هوه يرقى نفسه و يبقى حزب معارض قوى مع الوقت لما ناس كتير من المحترمين امثالك ينضموله

ثالثا ادعم مرشح رئاسي , عندك البرادعي و عمرو موسى و نور و الصباحي , اختار اللى يعجبك منهم و انضم لحملته

رابعا: انضم لنشاط خدمي تساعد بيه بلدك , عندك جمعية رساله على الارض و موقع لا مستحيل على النت , انضم و اعمل نشاط

ده اللى عندي و مليش عازه اسمع لت و عجن من ناس لا بتعمل ولا بتسوى و كبيرها الكلام و الجدل ,, عندك اعتراض و ماله,, شد اللحاف و نومه هنيه , الموضوع يومين و يتنسي و لو مستعجل هوه زغروف تمام ينسيهولك من دلوقتي

استرجل و اشتغل و ساعتها لما كلنا نشتغل مع بعض , التغيير يتحقق و النظام يتم بتره و يجيلنا ناس نضيفه

ساعتها بس , اقبل منك العزا و اقولك

حياتك الباجيه يا ولدي

-----

لسه برضوا شايف انك متقدرش تعمل حاجه ؟؟

لسه شايفه انك مش فى ايدك اى حاجه ؟؟

هو حب مصر شعار بس نجرى بيه فى المواضيع اللى زى دى عشان نأكد عليه وكأنه شعار ونثبت بيه ان الوحشين التانين كرهوكى يا مصر

لكن انا لسه انا لسه بعشق ترابك وهواك وبحلم اعيش واموت على ارضك يا امى يا حنينه يا بلاد طيبه !

ياريت الحب يبقى مش مجرد كلمه .

امبارح لأول مره فى حياتى انام وانا حاسه ان الكلام عن حبك يا مصر فى ليله سوده زى امبارح كدب.. مجرد كدب لأن مصر مكنتش عايزه حب امبارح

كانت محتاجه تسمع صوت الغضب ..صوت الرفض .. صوت الوجع وحتى الدموع

مصر محتاجه يعيش على ارضها بنى آدمين مش كائنات شكلهم بس من بره بشر وكل شيء جواهم مشوه..

عيطوا على حالنا

وبعد ما تعيطوا او حتى تصوتوا او حتى تلطموا اعملوا حاجه ..

دقائق من وفتك اعمل حاجه ..

دقائق من وقتك اعملى حاجه ..

لسه الموضوع فى اشد لحظات الجرح والنزف محدش فاضى يعدى عليه فى اكبر موقع حوار ثقافى فى مصر لخيره مثقفين البلد.. !!!!!!!!!!

اللهم لك المشتكى ..

لولا

[لولا]

محمد الدسوقى رشدى

حراس جهنم الجدد على أكتافهم نسر ودبورة

السبت، 12 يونيو 2010 - 12:34

أن تعيش تحت رحمة نظام لا يرحم.. فتلك مشكلة ما زلنا نبحث لها عن حل؟! وأن تعيش تحت عين نظام لا يخجل رجاله أصحاب الشنبات من انتهاك حرمات البيوت والتلذذ باقتحام غرف النوم وسحل الزوج وضربه على قفاه أمام زوجته وأطفاله، فذلك هو العذاب بعينه وبالمناسبة يشرب من كأس العذاب هذا العديد من الأسر الإخوانية وشباب المعارضة، وأن تعيش تحت رحمة نظام يفخر رجال أمنه بأن شعار (الشرطة فى خدمة الشعب) قد تغير على الورق، وأصبح (الشعب والشرطة فى خدمة الوطن)، ثم غيروه هم فى الواقع ليصبح الشعب والوطن فى خدمة البيه الضابط أو تحت جزمته إن أمكن.. فذلك هو القرف بعينه!

قد لا تدرك قسوة هذا العذاب المخلوط ببهارات الذل، لأنك لم تجرب يوما أن ترى دبابات بشرية تحمل على أكتافها نسور ودبابير الذى منه تقتحم عليك غرفة نومك، ولم تجرب يوما أن ينتزعك أحد من حضن زوجتك أو من حضن طفلك الذى تسقط دموعه أمامك دون أن تفعل شىء، ولم تجرب أن يأخذوك من على الكافيه أو من الشارع ليضربوك ويسحلوك ويقتلوك ثم يعودوا بك إلى الشارع ميتا أو شبه ميت، ممدا على أسفلت الأرض تواسيك أنفاسك الأخيرة، هكذا فعلوا مع خالد سعيد فى الإسكندرية، عذبوه وقتلوه ولم يكتفوا بذلك فقاموا بتشويه سمعته ولفقوا له قضية بانجو..

آسف لم أنجح فى استكمال هذا المقال.. لم أجد ما أكتبه، فكثيرا ما لا يكون للكلام أى معنى، وكثيرا ما تكون الكلمات أشرف من أن تستخدمها للكتابة عن البلطجية وقطاع الطرق الجدد الذين يملأ أغلبهم الشوارع بملابس رسمية وتحمى أكتافهم نسورا لا تأكل إلا الجيف وعقول خاوية وقلوب كالحجر وذمة كالأستيك، آسف لأن الكتابة عنهم أصبحت شيئا مقرفا ومقززا والتوقف عنها أفضل حتى وإن كانت تفضحهم.. فمن مثل هؤلاء لا يخجل من الفضيحة، ولا تقشعر خلايا جسده ولا تصيبه دعوات المظلومين بالارتباك.. لأن الله بدأ عذابه لهم مبكرا حينما ابتلاهم بنزع الإنسانية والرحمة من قلوبهم وعقولهم..

[لولا]

فين الجنازة؟؟؟ حد شافها

فين التليفزيون المصرى؟؟؟ ولا جايب سيرة عن الموضوع ولاااااا كأن

الله يرحم ساعة ماتوفى الطفل محمد علا مبارك والنفاق اللى عملوه القنوات المصرية والتليفزيون المصرى

طب حتى كانوا يذيعوا الجنازة وبلاش يقولوا اى تفاصيل......بس صحيح هيقولوا جنازة مين؟؟؟ هو مين ده أصلا واحد من الشعب؟؟ طب مايتفلق الشعب والل يموت يموت

وحسبى الله ونعم الوكيل

الجثه اكيد مش هتندفن دلوقتى يا فتفوته وهتفضل فى المشرحه لغايه ما يخلصوا تعديلات السيناريو المضحك البجح اللى الفوه عن لسته الجرائم

المهوله الملفقه للولد وانه موت نفسه !!

يس شور قتل نفسه ..باين جدا حتى استحاله رجال الشرطه الشرفاء يكون ليهم دخل

الواد اكيد خبط راسه فى عامود النور ولا الحيطه لما اتفجرت والمخبرين الحنينين حاولوا بكل الطرق يلحقوه بس ما امكنش..

عمره بقى !!

عشان كده الصلاه كانت صلاة الغائب .

حسبنا الله ونعم الوكيل.

اللهم اغفر له وارحمه وتقبله فى شهدائك يارب واربط على قلب والدته وصبرها.

لولا

[fatfouta]

طب والله توهت عمالة ادور عالموضوع اتارى اسمه اتغير وانا معرفش.....ياللا مش مهم المهم هو المضمون

فعلا يا لولا التلفيق شغلانه الحكومة والشرطة وامن الدولة

زمان كانت الشرطة فى خدمة الشعب وبعد كده بقى الشعب والشرطة فى خدمة مبارك قصدى الوطن

غيروا الشعار ليه عشان يفتروا براحتهم صح؟؟؟

تم تعديل 12 يونيو 2010 بواسطة fatfouta

[ام نور محمود]

رحمه الله عليه

يارب يصبر اهله ويرزقهم الصبر والسلوان

انا من ساعة ماشفت الصورة مش عايزه تفارق تفكيري

بفكر لو ده اخويا

مش عارفه اقول ايه

العبره خنقاني

[لولا]

تعليقات للقراء فى الدستور خاصه بموضوع الشهيد خالد

----

التعليم.....فاشل

الصحة...تحت الصفر

كان فاضل لنا أمل وحيد..

فى العدل

النيابة والقضاء

كنا بنصبر نفسنا ونقول طول ما هما بخير يبقى فيه أمل

أتارينا كنا مسنودين على حيطة مايلة!!

-----

هو ده قانون الطوارىء اللى قالوا انه لن يستخدم إلا ضد الإرهاب والمخدرات؟

فإذا به يستخدم لإرهاب من بفضح تجارة البوليس فى المخدرات.

رحم الله الفقيد، وجعل جنة الخلد مثواه

وأعاننا على بلوانا.

---

كدب + افثراء + ثلفيق + كفر + رشوة + فساد + ظلم +تزوير انتخابات + ارهاب = وزارة الداخلية ....والحل ان يخرج الشعب المصرى عن سلبيته ويقف وقفة رجل واحد خلف الجمعية الوطنية للتغيير بقيادة الدكتور محمد البرادعى..فلنكن رجالا لمرة واحدة ونستعيد شهامة هدا الشعب الاصيل بعد ان اصابوه بالجبن والاستكانة...صدقونى سينهار هدا النظام الفاسد عن قريب بادن الله....اتحدوا...تجمعوا..انهم الان يرتعدون منكم ولنوجه سهامنا جميعا الى راس الافعى وزعيم العصابة..مع خالص عزائى لاسرة الشهيد " خالد "..اللهم احتسبه عندك من الصديقين والشهداء جزاء مقاومته للظالمين..اللهم اهلك فرعون وجنوده وارنا فيهم عجائب قدرتك ..حسبى الله ونعم الوكيل وانا لله وانا اليه راجعون

----

انتظروا قريبا مقتل افراد و ضباط شرطه على يد مجهولين لان دا وضع و تطور طبيعى للذى يحدث هم اول من ينتهك الامن هم رجال الامن ثم فيما بعد الثوره الشعبيه و اللى مش مصدق يقرا التاريخ و الايام دول و اى حد مش حياخد موقف من اجل هذا الشاب كيف يامن على ابنه او اخيه فكلنا معرض لنفس الموقف طول مالجهله من مخبرين و امناء و عساكر واخدين صلاحيه و اذا كان الشهيد خالد سعيد تاجر مخدرات ليه مقبضوش عليه و لا لازم يشوهوه الاول فين الاجراءت القانونيه فلتبشر الداخليه بانها سوف تلتلم جثث ابنائها من الشوراع و لن تصل لفاعل لان الشعب سيتضامن ضدها

---

اخطبوط الفساد الذى طالت اذرعه وقويت حتى احتوت الوطن بأسره هى المسؤله عن كل مانعانيه فى حياتنا.....لن اقول الكل ولكن اقول كثير ممن هم مسؤلون عن وظيفة او منصب او امانه حكوميه قد طالهم الفساد واستغلال النفوذ وخيانة الامانه واصبحت تلك الامانه ملكا خاصا من منظور المؤتمن يرتع فيها كيفما شاء .... قد يقول قائل (يجب محاسبة المسؤل عن جرمه واستغلاله نفوذه)ولكن من سيحاسب من اذا كان الفساد قد طال من بيده الحساب .... ووقائع الفساد ليست بحاجة الى السرد فنحن غارقين فيها الى الاذان من عسكرى المرور الذى كنا نحترمه ونشفق على معاناته مع وظيفته الشاقه الى وزراء زكمت فضائحهم الانوف...وعلى الجانب التشريعى مجموعه منتقاه اتت بمعرفة المزورين الأكثر افسادا لتشريع القوانين التى تخدم مصالحهم الخاصه فى الانتفاع بخير هذا الوطن وضمان البقاء فى مناصبهم حتى يأتيهم الموت ... وحتى مابعد الموت وعرضهم على جهنم التى سيصلون فيها سيستمر فسادهم وافسادهم بذريتهم التى ضمنوا توريثهم مقاعدهم قبل موتهم ... وتأتى الطامة الكبرى فى الحصن الذى كان شامخا وبدأ فى الانهيار يوم ان سمح لنفسه بتقبل الوسائط لتعيين ابن المستشار فلان او ابن فلان باشا دون النظر الى المعايير الاخلاقيه والذهنيه ... وزاد ان خضع للسلطه التنفيذيه مقللا من قدره بعد ان كان فوق رأس الجميع...وكم احزننى استبدال عبارة يحيا العدل بعبارة حكم اونطه صدر فى طنطا ... واعتقد ان الحال لن يدوم طويلا

---

وانتوا رأيكم ايه ؟؟؟

[MZohairy]

تحياتي لك يا لولا

تأكدي ان هذا النظام سيخرج لنا قريبا بكبش فداء لتهدئة المصريين

و لعل روح خالد الطاهره ستكون سببا و لو مؤقتا في حماية الشعب المسكين من بطش زبانية الشرطه

[ذهبية]

بلد على صفيح ساخن هى مصر

مستنين اية من نظام بيستمد قوتة مش من الشعب لا من القوة و العنف و سجون التعذيب فى وزارة الداخلية

يعنى صلحيات كاملة يعمل اللى هو عايزة بالطريقة اللى تضمنة ان الحكم يظل فى امان

حد شاف الانتخابات فى الشورى اتعملت ازاى و انتهت على اية ؟؟؟

كلة لوى دراع حياتنا كلها لوى دراع و اللى ييتكلم ياخد درس بكون عبرة لغيرة

سالؤا مفيد شهاب النهاردة على الهواء مباشرة لية مصر رفضت تمضى على وثيقة حقوق الانسان الى بتتضمن عدم التعذيب

رد قال نحن نرفض ان يتم عمل تفتيش خارجى على سجونا

احنا نراقب نفسنا بس

و الله ضحكت جدااا اجابة فعلا مقنعة جداااا فعلا عندنا ناس عندها ضمير بتعرف تفتش جدااا

سالتة المديعة و اية رايك فى خالد اللى مات من يومين

رد قال خالد مين ؟؟؟

الحادثة دى من امتى المذيعة استغربت جدا و قالت من يوم الخميس الى فات يعنى بقى لها تلات ايام ازاى مشفتهاش

رد قال لا انا خارج مصر

و سبقها باجابة تدل على عدم معرفتة فعلا بالحادثة قال النيابة تعرف اكتر و متسبقوش الاحداث

واكيد النيابة ادرى و لو حد مقصر هياخد عقابة

تاكدت انة فعلا عمرة ما سمع على حد اسمة خالد

[fatfouta]

ده السايبر اللى اخدوه منه المخبرين

صاحب السايبر قال انه دخل السايبر وبعد دقايق دخلوا المخبرين وراه واخدوه فى العمارة اللى جمب السايبر وقعدوا يضربوا فيه لغايت ما مات

ده السايبر اللى اخدوه منه

ودى العمارة اللى قتلوه فيها

[لولا]

بكره الوقفه الإحتجاجيه الساعه خمسه قصاد وزارة الداخليه ..

هتنزل ؟؟

هتنزلى ؟؟

ولا قررت تسكت / تسكتِ وتقول انا مالى ؟؟ انا مش ناقص ؟؟ هو انا هزود حاجه ؟؟ هى جات عليا ؟؟ يعنى حاجه هتتغير ؟؟

مستوعب ان خالد كان ممكن يبقى انت ؟؟ انتِ؟؟

كلمت اهلك تشوف هيعملوا ايه ؟؟ بلغت كل شخص تعرفه ان بكره وقفه الساعه خمسه لازم يشارك فيها لو كان فى مصر ؟؟

اعمل حاجه ..

اعملى حاجه ..

اعملوا حاجه

وقفه احتجاجيه يوم الأحد القادم امام وزاره الداخليه الساعه الخامسه..

لو كنت فى مصر هتروح ؟؟

لو كنتى فى مصر هتروحى ؟؟

مؤمن انك انسان فى البلد دى ليه حقوق وكرامه ؟؟

مؤمنه انك انسانه فى البلد دى ليها حقوق وكرامه ؟؟

عندك فرصه ترفض الفساد للكلاب دول بوقفه احتجاجيه تافهه هتعمل ؟؟ هتعملى ؟؟

مستنى ايه ؟؟ مستنيه ايه ؟؟

لازم خالد ده يكون اخوك من دمك ؟؟

لازم يكون اخوكى من دمك؟؟

فين الشيوخ ؟؟

فين رجال الدين ؟؟

فين ؟؟ فين دول ؟؟ فين فتاوى التيك واى السريعه للجهله بأمور الدين والبديهات الإنسانيه اللى عشانهم بتطلع فتاوى "تزغيط البط وفق رؤيه شرعيه ؟؟؟؟؟؟؟؟"

اللى بتلاقى اللى يدافع عنها على اساس انها مش بتاخد دقايق ؟؟

فين الدقائق الهايفه دى دلوقتى ؟؟؟

طب بلاش الدين أصله فى حاجات وحاجات لأ الظاهر ... فين الإنسانيه ؟؟ يتكلموا من منظور انسانى ؟؟

الدين علمنا نقول واحنا مالنا ؟؟

ده الجنود فى اسرائيل مش بتعذب الفلسطنين كده فى الشوارع وتسحلهم ؟؟

دول عندهم رحمه اكتر وكبيرهم رصاصه سريعه وموته محترمه برضوا !!

فينكم يا شيوخ مصر وعلماء الأزهر ؟؟

فينكم تعلمونا عشان احنا جهله ومعندناش احساس آدمى ان المشاركه فى الوقفه مش اختيار دى واجب واجب على كل انسان بيجرى فى عروقه دم بشرى..

يارب اليك المشتكى .

لولا

[ahmos1]

و الله الواحد قرف و زهق و مل - حسبى الله و نعم الوكيل