خالد محمد سعيد "شهيد الطوارئ

[se_ Elsyed]

أي رجال دين تقصدون؟

رجال الدين الذين أتوا بالتعيين كالبابا شنودة ولا المرحوم طنطاوي ولا علي جمعه ولا أحمد الطيب ؟

طب تيجي إزاي ؟

وهل يُمكن لهؤلاء ان يعضوا اليد التي امتدت اليهم واجلستهم على الكراسي

أما رجال الدين الشرفاء فإما مطاردون او مطردون او مهمشون

اما التفهاء فمنشغلون كما قال الزميل ايمن بإرضاع الكبير وقتل ميكي ماوس الكافر

[mekkawy]

السلام عليكم و رحمة الله و بركاته

مش نتقِ الله شوية بأة في رجال الدين يا شباب ولا الموضوع مفتوح عشان ننهش في لحمهم؟

رجال الدين يا سادة لهم هموم كبيرة و جسيمة و لكل واحد منهم على اختلاف مشاربهم همه و دعوته .. مين قال إن رجال الدين ما همهمش اللي حصل لخالد و لغيره و لغيره و لغيره

و مين قال إن رجال الدين نفسهم ما حصلهمش زي سواء أقل أو أكتر من اللي حصل لخالد و غيره

هو إحنا كل لما يصيبنا مصيبة نقول رجال الدين و نعدد و نزود في النقد الغير نافع ليهم؟

الفاضلة لولا لما فتحت الموضوع فتحته علشان تقول آآآآآه (ده اللي فهمته) .. فمفيش داعي إن كل واحد يدخل و يقول و يزين كلام في النقد و السخرية من رجال الدين

لما نحمل هم الدين زي رجال الدين ساعتها هنشوف هنتصرف إزاي

و فضلاً لا داعي لتغطية سلبيتنا و خوفنا بالذم في رجال الدين .. اللي عنده كلمة يحولها لفعل و يفكر يعمل ايه .. أفضل

الفاضلة لولا

رسالتك واصلة و ألمك ألمنا كلنا .. لكن للأسف في ناس اتخذت الموضوع للولولة و العويل و الذم الغريب في رجال الدين .. سبحان الله

خالد يا جماعة مش أول ولا آخر واحد .. و معظمنا للحكومة علامات في حياته .. و أصلاً إحنا لسة ما نعرفش إيه حقيقة موقف خالد و لو إنها غالباً معروفة .. خالد زي آلاف الخوالد اللي راحوا في المعتقلات

لينا إخوة في المعتقلات بدون أي ذنب زي خالد تمام .. محدش قام يعني و قال حرام و تعبنا

حسيت بإيه لما تكون شلة كبيرة و تلاقي نصها في السجن و النص التاني مش لاقي شغل .. عشان بيصلوا في الجامع .. بس

اللي بيصلي الحكومة بتموته و اللي بيشرب بانجو بردو الحكومة بتموته (ما بأقوش خالد بيشرب بانجو) مصر في حالة تخبط عامة

يا ريت كل واحد يكون له منهج في الاصلاح يبدأ فيه بنفسه أولاً .. و أول الاصلاح هو عدم التهجم على الآخرين (أي كانوا) لتغطية عجزنا الشخصي

أ.هـ

مكاوى

[sohagy]

ما يحدث فى هذه الحادثة هو قمة المهزلة فان تكون فاسد فهذا طبيعى فى مصر لكن ان لا تحاول ان تخفى فسادك فهذا قمة البجاحة بيان الداخلية اقل ما يقال عنه انه بيان ساذج لم يحاولوا التفكير عن قصة محبوكةعشان يضحكوا بها علينا ولكن ما قالوه لا يدل الا على الأستهتار التام والامبالاة بما حدث وعلمهم المسبق بعدم قدرة الشعب على اتخاذ اى اجراء بصراحة بجاحة متوصفتش من وزارة الداخلية

[صافى]

اييييية يا لولا انتى عاوزة رجال الدين يفضو من فتاويهم الباطلة ويتكلمو على دم واحد من 80 مليون دة هيكون اية فدام الفتاوى الى عملين يفتو فيها كل شوية مرة الموظفة ترضع زميلها عشان ميعملوش حاجة مش كويسة ومرة اصدار عدم لبس النقاب ولسة ياما هنشوف فتاوى فتاوى واحنا الى رايحين فى الرجلين اكررررررررررررررررررررر حسبى الل ونعم الوكيل هو بس الى هياخد حق خالد وحق كل وحق كل مسلم حسبى اللة ونعم الوكيل انا مش عارفة انا م من ساعة مشفت الصور ربنا يتولانا ويرحمنا برحمتة :lol:

[se_ Elsyed]

ليس جديداً على دولة بوليسية بحته

دولة يحتمي رئيسها وحاشيته وراء متاريس الشرطة والجيش

وعشان كده المكافأت بتبقى فوريه

شوفوا اكتر من 90 % من المحافظين اما شرطة او جيش

حتى رؤساء الاحياء وسكرتاريتهم اما شرطة او جيش

ضحكت قوي ايام فضيحة عماد الكبير اللي الشرطة هتكت عرضه علانية وتم تداول الفيديو الذي يصور الافعال التي لم يأتي بها الكفره في عز كفرهم ..

ضحكت لما كانت الداخلية مصدرة المتحدث الاعلامي بتاعها اللواء دكتور احمد ضياء الدين عشان يطلع في الاعلام يلمع وجه الشرطة القبيح وكل يوم طالع علينا يدينا في مواعظ

وهوووووووووب ما فيش كام اسبوع تم تعيينه محافظاً للمنيا

رحم الله الشهيد .. وانتقام ربنا من الظلمه ليس ببعيد

[pink rose]

أي رجال دين تقصدون؟

رجال الدين الذين أتوا بالتعيين كالبابا شنودة ولا المرحوم طنطاوي ولا علي جمعه ولا أحمد الطيب ؟

طب تيجي إزاي ؟

وهل يُمكن لهؤلاء ان يعضوا اليد التي امتدت اليهم واجلستهم على الكراسي

أما رجال الدين الشرفاء فإما مطاردون او مطردون او مهمشون

اما التفهاء فمنشغلون كما قال الزميل ايمن بإرضاع الكبير وقتل ميكي ماوس الكافر

الله اعلم

[se_ Elsyed]

بالراحة يا مكاوي شويه

اي هم يا اخي يحملونه اكتر من هم كرامة الانسان ؟

وهل الدنيا كلها تساوي ازهاق دم بريء ؟

وما هي تلك الهموم التي يحملونها ولمن يحملونها اذا كان الانسان في بلدنا بيداس بالأحذية ؟

[لولا]

يوم جديد بيخلص.. وسواد ليل تانى بيغطى الكون .. والوجع فى القلب هو هو .. الوجع لسه بيخطف من جوه جوه القلب آه .

ممكن الإنسان يوصل لإيه اكتر من الغضب ؟؟

اكتر من ثورة كل شيء فيه رافض الخنوع والذل والهمجيه ؟؟

ياااه دا الواحد بعيد قوى عن انه يقدر ينزل بكره يصرخ بأعلى صوته بأنه كفايه ..كفايه بجد

ابعد بكتير من انه يروح لأم خالد يطبطب عليها

ياخدها بالحضن

يواسي قلبها المفطور على شاب زى الورد اتخطف من حضنها وهو فى عز شبابه والجريمه انه اتولد فى الزمن ده !!

زمن مبارك ..

وفى زمن مبارك شفنا العجب..

فى زمن مبارك عشنا العجب

فى زمن مبارك دقنا العجب..

وعجبى على عجبى مبقاش كفايه .. قلبى اتوجع .. بس مش اكتر من امه .. مش اكتر من اخوه.. مش اكتر من اصحابه..

شاب عنده 28 سنه احلامه كانت قد ايه ؟؟

ياترى كانت جريمته ايه بس ؟؟

جريمته ايه بس ؟؟

بكره الوقفه الإحتجاجيه الساعه خمسه قصاد وزاره الداخليه

لو خالد كان اخوك كنت هتطنش ؟؟

لو خالد كان اخوكى كنت هتطنشى ؟؟

اللى يرضى بالعبوديه هيفضل طول عمره عبد .. طول عمره عبد ..

حاول تعمل حاجه

حاولى تعاملى حاجه

ربنا هيسألنا كلنا عملنا ايه حاول تلاقى اجابه تقولها لما يجى السؤال .

لولا

[لولا]

الفاضلة لولا

رسالتك واصلة و ألمك ألمنا كلنا .. لكن للأسف في ناس اتخذت الموضوع للولولة و العويل و الذم الغريب في رجال الدين .. سبحان الله

أ.هـ

مكاوى

ممكن تقول بدل كلمه "المى " لأنه مش شيء خاص بيا انا كقضيه شخصيه المكم كلكم .... قول المنا كلنا من البدايه ..

وعشان هو كده هستنى تشارك بشكل ايجابى فى القضيه او المواضيع الخاصه بيها المفتوحه فى المحاورات ..

اما دور رجال الدين المفقود ..

فده بقى مفهوم ليا حاليا اعتقد ..

لما يسيء رجل الدين فهم المسؤليه التى يتحملها امام الله عز وجل ويتقاعس عن دوره .. يبقى مفهوم لأى درجه هو فاهم واجبه صح !!

شىء مش محتاج منك توضيح يعنى ان فى مشاغل اهم بتشغل وقتهم الثمين !!

تحياتى

لولا

[mekkawy]

بالراحة يا مكاوي شويه

من عنيا الجوز و منخيري اللوز :lol:

اي هم يا اخي يحملونه اكتر من هم كرامة الانسان ؟

يا أخويا س س .. هم يحملون هم كرامة الانسان و الله و ده بيتضح في دعوتهم لدين الله و إن الناس تتبع هدى الاسلام .. و علشان ألخص كلامي في النقطة دي هأقوله في جملة أمير المؤمنين عمر ابن الخطاب الشهيرة (كنا أذلاء فاعزنا الله بالإسلام) رضي الله عنه .. ده هم الدعاة .. بأتكلم طبعاً عن الدعاة الحقيقيون الربانيون (سلفية .. إخوان .. مجددون.. قدامي .. جدد .. مش هتفرق) فتطبيق شرع الله كل واحد في نفسه أولاً هو اللي هيرجعلنا كرامتنا المسلوبة

وهل الدنيا كلها تساوي ازهاق دم بريء ؟

لا و الله لا تساوي .. فدم المسلم عند الله خير من الدنيا و ما فيها

وما هي تلك الهموم التي يحملونها ولمن يحملونها اذا كان الانسان في بلدنا بيداس بالأحذية ؟

المشكلة يا سي السيد في بلدنا ... أنا بس مش عاوز أقول حتى الدعاة بيحصل معاهم كدة لأنهم أكرم على الله من كدة .. لكن هنروح بعيد ليه .. لما أستاذ عمرو خالد حقق نجاح غير مسبوق و انتشر في المجتمع بشكل رائع جداً .. و فعلاً رد لينا كشباب كرامتنا و لمنا من على القهاوي و دخلنا المساجد .. راح فين ؟؟

و يا ترى تأثيره في مجتمعنا المصري و هو برة هيكون نفسه تأثيره و هو وسطينا ؟

و معلش يا إخواني على الحدة السيكا دي في المشاركة اللي فاتت .. بس عز عليا كله يدخل يقطع في رجال الدين.

مكاوى

[mekkawy]

ممكن تقول بدل كلمه "المى " لأنه مش شيء خاص بيا انا كقضيه شخصيه المكم كلكم .... قول المنا كلنا من البدايه ..

وعشان هو كده هستنى تشارك بشكل ايجابى فى القضيه او المواضيع الخاصه بيها المفتوحه فى المحاورات ..

الفاضلة لولا

موافقك تماماً في إنه ألمنا كلنا و ده اللي بدأت بيه مشاركتي .. أنا شفت الولد ما شاء الله صعب أوي يكون ده تاجر مخدرات ..

خلينا نتكلم عن الشكل الإيجابي .. مفهومي للشكل الإيجابي تطبيقي .. يعني تطبيقي على نفسي و على بيتي و على بنتي و ابني و إخواتي و أمي و أبي و أصحابي و بالتالي المجتمع.

لما حضرتك و أنا و ده و دي نبدأ بالوعي في نفسنا .. الوعي بجميع مناحيه .. الاجتماعي الحقوقي الديني المالي الثقافي .. كل الأصناف .. و نبدأ ننشر الوعي ده في إطاره السليم المحدد بالضوابط الشرعية و المصادر السليمة الموثوقة أكيد المجتمع حاله هينصلح .. مش الإيجابية إني هأعمل مظاهرة أمام وزارة الداخلية أو هأنضم لجروب على الفيس بوك .. أوكيه .. دي حاجات جميلة و ساعات بتوصل الصوت خاصة وسائل الاعلام و اهمها طبعاً الانترنت .. لكن الأرجى و الأقوى تأثيراً هو ما سلف ذكره فوق ده .. تحقيق الوعي في أنفسنا و مجتمعاتنا المحيطة .. و ده شئ عملي لا يكتب على صفحات المنتديات .. إنما يتم تطبيقه مباشرة.

فلو حضرتك تقصدي بالمشاركة الإيجابية الكلام اللي فوق ده - اذا كان ايجابي يعني :lol: - فانا يسعدني و يفرح قلبي إننا هنا على صفحات المحاورات نتبادل الخبرات الحياتية علشان إحنا نكون جيل واعي فاهم حقوقه و واجباته و عشان أولادنا من بعدنا يكونوا أوعى مننا .. و بدأت بينا لأن مش هينفع كل جيل يعشم في الجيل اللي بعده و هكذا تظل الحلقة مفقودة و نظل ننتظر الأجيال اللي ما بتجيش أبداً

خلاص بأة .. هنبدأ من أولنا إحنا مش هنقول نبدأ من الأجيال الجاية .. مش هنأجل تربية اليوم لتربية الغد .. هنربيهم و نتربى معاهم على كل شئ واعي و هادف و إيجابي

اتمنى أكون رديت على تساؤل حضرتك

مكاوى

[Alrefaey]

رجال الدين الشرفاء مش هتسمعيهم يا لولا لأنهم مغيبون وصوتهم قصير وكلمتهم لا تتعدى ان تصل حتى مترا امامهم شاءو ام أبو فلا نلقى باللوم الكامل عليهم وهم مكممون الافواه

اما معظم من تشاهديهم على الفضائيات فهو نوع من الديكور متدرج الدرجات يعمل تحت عبائة النظام وعندما يحيد عن دورة يتم استبداله

تم تعديل 12 يونيو 2010 بواسطة Alrefaey

[لولا]

هو ايه الاهم دم الانسان وروحه أم الكورة والمونديال ؟؟؟؟

الشيوخ ..

والله اللي بيقول منهم انطرد من البلد

واللي موجود بيدعي من غير صوت "في سره يعني"

زي ما قال احمد الشقيري في احدى حلقاته " اللهم حرك هذه الطاولة "

وهذا حالنا وحال شيوخنا "اللهم عليك بالظلمة "

والناس

ادام ولادي لسه بخير وفيه اكل في التلاجة ومعايا قرشين يبقى هنعمل ايه

ربنا كتبله كده ...الله يرحمه

والحقيقة الله يرحمنا كلنا كل واحد فينا عليه الدور في التسلسل الفسادي

ومدام شاركنا في السلبية يبقى محدش ييجي بعد كده ويقول الحقوني

او شوفوا عملوا ايه في ولادي ..

اللهم عليك بالظلمه ..

يعنى رجال الدين الذين لا يخافون فى الحق لومه لائم لم يعد لهم وجود حقيقى حولنا... ولا صوت يندد بالطغيان .

[بركة]

قامت الدنيا لاجل مروة الشربيني وكلنا قمنا معاها عشان حق اختنا من القاتل

هل سنقوم لاخونا عشان حقه من القاتل ؟؟؟؟؟؟

[لولا]

بالراحة يا مكاوي شويه

اي هم يا اخي يحملونه اكتر من هم كرامة الانسان ؟

وهل الدنيا كلها تساوي ازهاق دم بريء ؟

وما هي تلك الهموم التي يحملونها ولمن يحملونها اذا كان الانسان في بلدنا بيداس بالأحذية ؟

الدم بقى رخيص يا سين سين ..

والكرامه بقت ماضى ..

والحق بقى خايف يطلع من جوه الظلام..

واللى مستنيهم يكونوا القدوه ويكون ليهم صوت خدتهم الدنيا والفضائيات والبزنس ..

اصل الدين بيتجزأ باين .. وبتتقدم فيه حاجات وتتأخر حاجات حسب الجو العام والقوى الحاكمه..

تفتكر الأزهر حد منه هينزل الوقفه الإحتجاجيه بكره ؟؟

ولا ده عمل هايف تسبقه مشاغل الأمه ومصالحها الأكثر اهميه

آه ولا يمكن هما كمان اصحاب مبدأ انا ايجابى بس بينى وبين نفسي !!

اللهم لك المشتكى انت المطلع .

لولا

[لولا]

قامت الدنيا لاجل مروة الشربيني وكلنا قمنا معاها عشان حق اختنا من القاتل

هل سنقوم لاخونا عشان حقه من القاتل ؟؟؟؟؟؟

نقوم ونهب لموته خالد بنفس الحماس والطاقه اللى حصل فى قضيه مروه ؟؟

طبعا مش هيحصل يا بركه !!!!!!!!!!!!!!

ليه ؟؟؟

الإجابه طويلة طويلة..

الإحابه مختصرها اننا منافقين وجبناء وعندنا معايير مزدوجه ولازم نضمن ان العدو بعيد قوى عشان نطلع لسانا ونحدف الشتيمه واحنا مستخبين ورا الحيطه !!

خالد للأسف راجل مكنش لابس حجاب !

خالد مات جوه بلده مش فى ارض اجنبيه لأعداء الإسلام الكفار حاربهم الله !

خالد قتلوه مصريين مش اجنبى عدو للأسلام!

خالد قتله الحمد الله الحمد الله مسلمين زيه ومننا وفينا يعنى مش فتنه طائفيه ندخل نولع فيها!

خالد معلش محدش يزعل هو اللى كمان استفز المخبر وعمل فيها بنى آدم وكرامه والكلام الفاضى دوت!

خالد معندوش ظهر ومحدش مستعد يبقى ظهره يتحمل بقى ضرب البطن حتى وهو ميت !

خالد ميستاهلش وقت رجال الدين القيم عشان يجيبوا سيرته من اساسه !

الوقفه لخالد مش هتقرب المنافقين لأتباع النظام وتلمع الأسامى فى الفضائيات عشان الفضائيات اصلا عليها تعتيم فى القضيه دى !

النداء لدم خالد هو خروج على امر الحاكم وهذا فجووووووووور هداكى وهدانا الله يا بركه !

المشاركه فى اى جروب يخص قضيه خالد ويخدمها ممكن يخلى الواحد مهدد لو وقع تحت ايد حماه الوطن من المواطنين !

المشاركه فى وقفه خالد شعب مش زى المشاركه فى وقفه مروه الذى يثاب يثاب فاعلها !

خالد شأن داخلى بحت والحكومه حره تربينا زى ما هى عايزه عن طريق المخبرين ويعلمونا الأدب وابويا لما يضربنى على خدى اليمين الف وشى واديه الشمال كمان!

فى لسه مليون اجابه بس انا تعبت..

بكره الوقفه الإحتجاجيه انزلها/انزليها

بلاش تضحك على نفسك بحجج وهميه وبلاش تدعى مبدأ انا ايجابى بشكل اوعى من كده واعمق من كده ودى حاجات فاضيه لأن لو كان خالد ده اخوك مكنتش هتقول كده.. بلاش تخلى دم اخوك فى الإنسانيه ودمه مصرى زيك رخيص كده ..

استوعب انه كان ممكن تكون انت

كان ممكن ببساطه تكون انت

اعمل حاجه تخليك تنام بالليل وضميرك مرتاح

اعمل حاجه تقول بيها يوم الحساب يارب انا على ضعفى وقله حيلتى عملت كذا..

انزل

انزلى

بلاش الخوف والجبن والخنوع يوصل بينا لكده..

ادخل شارك فى الفيس بوك

انشر الروابط

استوعب انك عليك مسؤليه

استوعب انك مش مخير تعمل كده انت لازم تعمل كده

ولو قررت تسكت .. يبقى رحمة الله على رجالتك يا بلد بلاش تبص لنفسك فى المرايه وتفتكر انك راجل بعد النهارده !!!!!!!

لولا

[لولا]

الموضوع مش هياخد دقايق بسيطه عشان تشارك/تشاركى فيه..

فكر ان الدقايق دى شيء بتعمله تبرىء بيه ذمتك امام الله سبحانه وتعالى يوم السؤال.

فكر ان الغضب مش كفايه وان سبب كل اللى احنا فيه هو السلبيه ..

ممكن الكام دقيقه دى من وقتك؟؟

لولا

[Ahmed Anwer]

أنا مش فاهم هوا إحنا للدرجة دي مالناش لازمة ؟؟؟

للدرجة دي مالناش قيمة ؟؟؟؟

أنا افهم الكذب و القوة عشان يحموا الريس مثلا ؟

يحموا نظام الحكم ،،، يحموا العائلة المالكة ؟؟؟

لكن شوية مخبرين أو ضابط فاسد أو وكيل نيابة من أبو مقبول

فيها ايه حتي لمجرد تهدئة الرأي العام فيها لو ياخدوا منهم أي موقف ؟؟؟

ممكن حد يفسرلي

[صافى]

يا نهار مش فايت ..

يعني الولد عليه كمية أحكام وجرايم تخليه ياخد إعدام مستريح ..ده ولا خُط الصعيد في زمانه

الأهم بقى .. وزارة الداخلية بتقول إن أهله ألتقظوا الصورة المشوهه له بعد تشريح الطب الشرعي ..

من أمتى لا مؤخذه الطب الشرعي بيشرح وش الميت ويخلع له سنانه ويعمل وشه خريطة ؟

صورة الفقيد قبل التعامل مع الشرطة اللي في خدمة تشوية الشعب

أسف لبشاعة الصورة ...

وحسبنا الله ونعم الوكيل في كل ظالم وكل مشارك في الظلم ... وبإذن الله نشوفهم في قاع الجحي

من امتى طبعا من ساعة الحكومة الزبالة مسكت البلد وخليت الى يسوة والى ما يسواش يتحكم فى خلق اللة ربنا يرحمنا برحمتة دا الشريط

الى بيقولو ان خالد اتقتل بسببة يدين القسم بحالة انهم هما الى تجارررر مخدرات مهى بلد سايبة ملهاش حاكم حسبى اللة ونعم الوكيل :lol:

[Morial]

ولسه ياما هتشوفوا

هو انتم لسه شوفتوا حاجة

تمانين مليون أخرس من كام سنه

عايزين تنطقوا دلوقتي

يــــــــــا رب أنفد بجلدي أنا وأبني

وعمار يا مصر كمان وكمان

وقال إيه ؟

إنتماء

ده أنا بس أخرج منها

وهمسحها من ذاكرتي بأستيكه

بلد العــــفن والــــــــــذل والقهر

وعلي رأي عمرو أبن العاص

وهم عبيد لمن غلب