خالد محمد سعيد "شهيد الطوارئ

[Morial]

شعب رخيص

بلد وضيع

منتهي الحمق أن تظن أن هناك املا

[Morial]

إلى جهنم إن شاء الله

وليس أي جهنم

اللهم ألقي به وأهله ألي الدرك الاسفل من النار

مع فرعون

اللهم لا تأخذك به وأهله شفقه أو رحمة

اللهم أبتلي كل من رفع يده علي هذا الشاب المسكين أو أمر بضربه بسرطان يأكل قلوبهم

أللهم أرينا علي وجوههم حسرة علي أبنائهم وذويهم وأورثهم ذلا وعارا

اللهم أنت الحكم العدل

اللهم أنك أكبر منهم

يا من لا تغير ما بقوم حتي يغيروا ما بأنفسهم

لقد عجزنا فأحمنا من فرعون وأهله وزبانيته

نحن أمة حبيبك محمد

ولسنا بأقل عندك من بني أسرائيل الذين كنت وليهم

فلا تولي وجهك عنا

وأرنا فيهم أية غضبك

يا مجيب الدعاء

تم تعديل 13 يونيو 2010 بواسطة Morial

[eTiger]

فين عبلة الكحلاوي اللي طلعت تعيط على وفاة حفيد مبارك وتدعيله وتدعي لأبوه ولجده.

***************

شوفو عبلة الكحلاوي :

http://www.youtube.com/watch?v=Hm7XK-f0IoA

إتقي الله يا أخي ..

دي مهما كان ست ومش هاتنزل تحارب .. ويكفي الأعمال الخيرية التي تقوم بها وتقدم خدمات لألاف المحتاجين ...

الإدارة

تم تعديل 13 يونيو 2010 بواسطة se_ Elsyed

[بركة]

ركزوا على الهدف وبلاش ننسى المقتول يا مصريين

كلنا اخوات خالد

كلنا امهات

كلنا اباء

نستنى الفضائيات النهاردة ونشوف مين اللي هيقف قدام نفسه والناس وقفة حق ؟؟

[MZohairy]

اما معظم من تشاهديهم على الفضائيات فهو نوع من الديكور متدرج الدرجات يعمل تحت عبائة النظام وعندما يحيد عن دورة يتم استبداله

الله يفتح عليك يا دكتور

دي شراكه كاملة بين الكثير من رجال الدين و اولي الأمر

و هدف هذه الشراكه الرئيسي هو الهاء الناس عن قضايا مجتمعهم و وطنهم

و ابعادهم عن خطايا و آثام الحكم

و توجيههم فقط الى كل ما هو تافه و قشري لينشغلوا به حتى يحين ظهور موضوع آخر

و المقابل هو الشهره و المال و الاستقرار بالطبع

و هذا الأمر ليس في مصر فقط و لكن في كل الدول التي تتأثر شعوبها بصوت الدين

أو ممثلي الدين

[المصمم]

انا ليا ملاحظات على موضوع خالد احب اشاركها معاكو

الى موجود على الانترنت لخالد الله يرحمه بعد ما قتلوه صورة واحده فقط

تخيلو معايا لو مكنتش الصورة ديه اتصورت حد كان حس بموضوع خالد

فيه كام واحد بيموت كل يوم من غير ما حد يحس بيه

فيه كام بيان او تحقيق بيخرج من الداخلية او الطب الشرعى او النيابة عن حالات موت او انتحار او حتى جنان والناس بتصدقها او بتوهم نفسها بصدقها

وبيكون الضحية فيها واحد زى خالد

ديه الصورة صورة واحد راسه مكسره ووشة ممزق وبيقولو مات مخنوق ده غباء

مثلا يقولو وعندما حاول المجرم خالد (حسب وصفهم) الهرب صادف ذلك مرور سيارة بمقطورة فصدمته ومات فى الحال ده ممكن يكون واقعى اكتر

الله يرحمه ويرحمنا

تم تعديل 13 يونيو 2010 بواسطة المصمم

[se_ Elsyed]

شعب رخيص

بلد وضيع

منتهي الحمق أن تظن أن هناك املا

مداخلة غير مقبولة يا مدام موريال ...

وأرجو أن تتذكري أن حضرتك مازلتي من هذا الشعب الرخيص والبلد الوضيع ..

وإذا قبلتي تلك الأوصاف على نفسك وكنتي سعيدة بها ..فإننا كمصريين لن نقبلها منك ....

وأرجو ألا تُكرري مثل تلك الإساءات مره أخرى

[se_ Elsyed]

ولسه ياما هتشوفوا

هو انتم لسه شوفتوا حاجة

تمانين مليون أخرس من كام سنه

عايزين تنطقوا دلوقتي

يــــــــــا رب أنفد بجلدي أنا وأبني

وعمار يا مصر كمان وكمان

وقال إيه ؟

إنتماء

ده أنا بس أخرج منها

وهمسحها من ذاكرتي بأستيكه

بلد العــــفن والــــــــــذل والقهر

وعلي رأي عمرو أبن العاص

وهم عبيد لمن غلب

للأسف

سيتم وضع مداخلات حضرتك تحت الرقابة لمدة 10 أيام لحد ما تهدي شويه .. أو لحد ما تنفدي منها وتسيبي لنا بلد العفن اللي سيادتك منها وكنتي مشاركة في هذا العفن بشكل أو بأخر .

[Amr Radwan]

حسبنا الله و نعم الوكيل ..

مش غريب ان دمنا كمصريين يستباح في الخارج .. لان دمنا مستباح في الداخل ..

حسبنا الله و نعم الوكيل ..

احنا مش رخاص .. احنا غاليين ..

حسبنا الله و نعم الوكيل ..

الصوت العالي دليل علي ضعف الحجة و العنف دليل علي ضعف الارادة و الحجة و دليل علي خسة و بشاعة في التفكير

حسبنا الله و نعم الوكيل ..

احنا بنقول اليهود مجرمين لانهم قتلة الانبياء و الابرياء و التاريخ يشهد ..

حسبنا الله و نعم الوكيل ..

و دلوقتي نقول اية علي المجرمين قتلة الابرياء ؟؟

حسبنا الله و نعم الوكيل ..

كل واحد منهم خايف علي منصبه بيدافع .. و لو فكروا ان البني ادم ده لو كان ابنهم او ابن البواب بتاعهم حتي .. كانت الدنيا اتشالت و اتهبدت لو بس حد ضربه مش موته من الضرب !!!

صدقوني .. ربنا كبير .. و عادل و قوي و متين .. و انا متأكد من عدالة السماء .. و ده لا يمنع العمل و الاخذ بالاسباب

لازم هيجي يوم نشوف فيه النور .. بس نتحرك له

[عنبو]

Morial مشاركة بتاريخ اليوم, 03:37 AM

وعلي رأي عمرو أبن العاص

وهم عبيد لمن غلب

تصحيح بسيط بس

عمرو ابن العاص مقلش كده عن المصريين دى روايه منسوبه الى عمرو ابن العاص

وارجوا من الاخوه الا يسبوا الشعب المصرى مستغلين الموضوع

فسبك للشعب المصرى مش هيحل المشكله

عاوز تحل المشكله خليك اجابى وقول لاء لكل حاجه غلط فى المجتمع

قاطع كل ما هو غير صحيح

انكر كل ما هو غير سوى

لا تقبل الا بالصح فقط

متقولش انا هعمل ايه وغيرى مش بيعمل مهو لو كل واحد قال نفس الكلمه يبقى مفيش حد هيعمل اى حاجه

كان فيه محطة مياه فتحت عندنا فى المنطقه والراجل لا كان متخصص ولا احزنوا ولا ترخيص ولا اى حاجه

والمحطه دى كانت بتنتج مياه خاليه من الاملاح تماماً ولجهل الناس فاكرينها مياه صحيه

والكل بيشترى من المحطه

وبعدين لما فهمت الناس الناس كلها اقعدت تسب الحكومه

مع ان الموضوع سببه الناس

الناس هى اللى اشترت مياه مجهولة المصدر

لو الناس كلها قاطعت المياه دى ورفضت شرائها اكيد مالك المحطه هيضطر

يمشى صح

لو الناس عندها ثقافة قبول الصح ورفض الخطأ هتلاقوا احاجات كتير قوى تغيرت

وده دورنا ان احنا نوعى الناس

Morial مشاركة بتاريخ اليوم, 03:42 AM

شعب رخيص

بلد وضيع

منتهي الحمق أن تظن أن هناك املا

ان شاء الله فيه امل بس كل واحد يعمل اللى عليه وميقولش يلا نفسى

عنبو

[Amr Radwan]

شعب رخيص

بلد وضيع

منتهي الحمق أن تظن أن هناك املا

مداخلة غير مقبولة يا مدام موريال ...

وأرجو أن تتذكري أن حضرتك مازلتي من هذا الشعب الرخيص والبلد الوضيع ..

وإذا قبلتي تلك الأوصاف على نفسك وكنتي سعيدة بها ..فإننا كمصريين لن نقبلها منك ....

وأرجو ألا تُكرري مثل تلك الإساءات مره أخرى

انا كنت هعقب نفس التعقيب ..

احنا غاليين مش رخاص يا موريال ... و اذا كان حد بيرخصنا يبقي هو الرخيص ..

الصدمة كبيرة علينا كلنا و كلنا مخنوقين بس مش نقول كده ..

[se_ Elsyed]

السادة الزملاء

نرجو منكم مساعدة الإدارة في العملية التنظيمية .. ومش معقول كل ما نفتح باب من الأبواب نلاقي نفس العنوان أو تساؤل يخص هذا الموضوع الهام ونفضل نجري ورا كل موضوع في كل مكان ...

تم ضم كل الموضوعات التي تخص الشهيد خالد في موضوع واحد هنا

[زعلان]

رجال الدين و الاعلاميين كلهم مرتزقه وبيجروا ورا مصالحهم

شوفوا تعليقات منى الشاذلي و عمرو اديب و مش فاكر اسمه ابن كريمة مختار

اما شنوده فهو لا يهمه الا الشعب المسيحي اما شعب مصر فليس له علاقة به وهو شريك للسلطة في اجرامها زي ما عمل مع المغيبة وفاء قسطنطين

اما المفتي و شيخ الازهر فدول اعضاء في الحزب الوطني ومن اتباع النظام

[fatfouta]

يا حرية فينك فينك

الطوارئ بينا وبينك

حبيب العادلى دارى خيانتك

خالد سعيد دمه فى رقبتك

ادخلو وشوفوا الفيديو ده

ربنا يحمى شبابك يا بلدى ويارب مايخمدش صوتكم تانى ابدااا

http://www.facebook.com/video/video.php?v=...118282988200174

فيديو حلقة برنامج القاهرة اليوم.......واتفضلوا شوفوا الكذب والتلفيق ده لو ابنك يا عمرو اديب يا صديق قصر الرئاسة انت واخوك.......لو ابنك هتتكلم عليه كده....منك لله يا اخى انت وكل كلااااااب السلطة منك لله ربنا يورينا فيكم يوم يا منافقين

تم تعديل 13 يونيو 2010 بواسطة fatfouta

[MZohairy]

رجال الدين و الاعلاميين كلهم مرتزقه وبيجروا ورا مصالحهم

شوفوا تعليقات منى الشاذلي و عمرو اديب و مش فاكر اسمه ابن كريمة مختار

اما شنوده فهو لا يهمه الا الشعب المسيحي اما شعب مصر فليس له علاقة به وهو شريك للسلطة في اجرامها زي ما عمل مع المغيبة وفاء قسطنطين

اما المفتي و شيخ الازهر فدول اعضاء في الحزب الوطني ومن اتباع النظام

ده الوضع الطبيعي لأي شعب تحت الاحتلال يا زعزع

بل على العكس

اعتقد ان الشعب المصري كان تحت الاحتلال الانجليزي اكثر كرامه!!!! و على الأقل المحتلين كانوا بينهبوا خيرات البلد و بيحاولوا يراعوا انسانية الشعوب المحتله شويه

[fatfouta]

دريم بتناقش القضية دلوقتي.....شوفي بيقولوا ايه يا لولا

ايوه بتابع ويا ريت الكل يتابع ..

البدايه كانت ممتازه من منى وبدات مباشره بموضوع التصوير"الكليب" اللى يملكه خالد وعن النشطاء ..

ده شيء كويس جدا.

لولا

البداية ممتازة والنهاية احباط

حطت ايدها عالسماعة وسمعت قالولها اطلعى فاصل وفى الفاصل قالولها اخرسى ولااااااااا كانك كنتى بتتكلمى على حاجة

ورجعت كملت البرنامج كان مافيش حاجة حصلت وعاااااااااااادى

حسبى الله ونعم الوكيل انا اتحرق دمى من القاهرة اليوم والعاشرة مساءا و90 دقيقة

تم تعديل 13 يونيو 2010 بواسطة fatfouta

[زعلان]

يا جماعه ما ينفعش نلوم عملاء النظام احنا لازم نلوم نفسنا و نبدأ نتحرك خلاص حنخسر ايه اكثر من كده لو كلنا اتحركنا مش حيقدروا علينا ولا حنبقى نستاهل كل الي يجرالنا و بدل لفافات البانجو حنلع جزم

[fatfouta]

http://www.facebook.com/notes/ana-asmy-kha...134565656558974

كثرت الادعاءات والاقاويل .. الصيد في المياه العكره لا يتوقف

وبعد ان كان همهم نفي مسئوليتهم عن قتل خالد .. اصبح همهم نفي مسئوليتهم عن قتله بهذه الطريقه البشعه

يدعون ان ما بوجهه من اصابات وتهشيم نتيجة للتشريح .. يستخفون بنا حقا

وهل السحجات والكدمات في جسده من التشريح ؟؟

وهل اثار اعقاب السجائر في جسده من التشريح ؟؟

حسنا اليكم الرد العلمي يها الساده

تم عرض الصور على عده أطباء متخصصون بالطب الشرعي رفضوا ذكر أسماءهم فتم تقرير الآتي:

1- أن القتل كان نتيجة تعذيب مستمر نتج عنه كسر الفك السفلي من الجهة اليمنى وكسر بالأنف وكسر بالرقبة بالإضافة لارتجاج بالمخ ونزيف داخلي بالدماغ وجرح غائر فوق العين اليمنى بالإضافة لكسر في عظام الجمجمة الخلفية أدت لتهتك في انسجة المخ.

2- أن الصور التي التقطت للشهيد في حالته هذه يستحيل أن تكون قد تمت بعد وفاته باحداث تشويهات في جمجمته للادعاء على وزاره الداخلية زورا بقتله, حيث أن كمية الدماء النازفة بالإضافه للون الرضوض التي نتج عنها كسر الفك السفلي لا تدعه مجالا للشك في أن هذا التعذيب والتنكيل قد تم قبل موته.

3- أن هذه الجروح قد تمت نتيجة لضرب مستمر للرأس باليد في الجهة اليمنى من الفك السفلي وضرب للرأس إما بشي صلب غير قاطع أو ضرب الرأس نفسها في شئ صلب غير قاطع كجدار أو بوابة حديدية بالإضافة لضرب منطقة ما فوق العين اليمنى في شئ حاد كحافة منضده أو خلافه.

4- الأسفكسيا وهي الموت بالإختناق لا تؤدي لأي تشوهات خارجية على الوجه إلا بعض النقاط الصغيرة الحمراء بعد الاختناق في منقطة مثلث الوجه ولا تؤدي لأي تشوهات أو أي جروح خارجية .. بالإضافة إلى ذلك فهي تؤدي إلى جحوظ ملحوظ في مقلتي العين وهو ما لم يحدث في حالة المنجني عليه.

5- أن ذلك كله يستحيل حدوثه نتيجة لاختناق ببلع عبوة ما كما قالت وزاره الداخلية في بيانها.

6- موت المجني عليه كان نتيجة ضرب أفضى للموت وليس اختناق

خالد قتل بإيديهم .. فبئس الأمر ما يدعون

[the consultant]

أطباء شرعيون: وفاة (شهيد الطوارئ) يستحيل أن تكون بسبب الاختناق كما قالت الداخلية

[the consultant]

الأمن حاصرهم بـ 10 آلاف عسكري ..آلاف المواطنين يصلون الغائب على روح ضحية التعذيب بالإسكندرية

الإسكندرية: أدهم المصري ( بر مصر ) :: بتاريخ: 2010-06-13

المتظاهرون: "خالد خالد نام واتهنى مستنينك على باب الجنة" و"يا عادلي يا مش حبيب أرحل يا وزير التعذيب"

أدى الآلاف من المواطنين صلاة الغائب، على روح ضحية تعذيب الشرطة في الإسكندرية "خالد سعيد" بعد صلاة الظهر أمس السبت في مسجد سيدي جابر الشيخ، وسط هتافات حارة من أهله وأصدقائه وجيرانه، بالإضافة إلى المئات من الناشطين السياسيين والحقوقيين.

وشارك في أداء صلاة الغائب والوقفة الاحتجاجية التي نظمها الأهالي والقوى السياسية، أعضاء ونواب من جماعة الإخوان المسلمين، وناشطين من أحزاب الجبهة الديمقراطية، والغد، والكرامة، وحركة كفاية، و6إبريل، والجمعية الوطنية للتغيير، جمعية بلدي لتنمية الديمقراطية ومركز ضحايا لحقوق الإنسان، وعشرات الناشطين.

وقامت وزارة الداخلية بحشد أكثر من 10 ألاف من أفراد الأمن لمواجهة أي تحرك من المتظاهريين، أو تنظيم أي مسيرات احتجاجية حول منزل "خالد سعيد"، أو مكان "المقهى" الذي قامت أفراد الشرطة بالإعتداء عليه وقتله بجواره.

وردد المتظاهرون هتافات، "يسقط يسقط حسني مبارك"، و"يا عادلي يا مش حبيب أرحل يا وزير التعذيب"، و"يوم القيامة هاتقول إية عزبت المصرين لية"، و"خالد خالد نام واتهنى مستنينك على باب الجنة"، و"يالي حاكمنا بالمباحث كل الشعب بظلمك حاسس"، و"حركة وطنية واحدة ضد الشرطة اللي بتدبحنا"، و"أة يا مصر وأة يا مصر لسة فيكي كلاب وقصر".

فيما رفعوا صور "خالد سعيد"، واللافتات المندده بمقتله، مثل "بأي ذنب قتل خالد"، و"نطالب بإقالة الجزارين"، وأسمك خالد وهاتفضل بينا خالد".