تشويش على قنوات الجزيرة الرياضية أثناء مباراة أفتتاح كأس العالم

[عماد حمدي]

قامت إدارة النايل سات بحجب إشارة بث قنوات الجزيرة الرياضية القطرية في مصر وأغلب البلدان العربية بسبب إذاعة الجزيرة لافتتاح مباراة كأس العالم 2010 بين جنوب أفريقيا والمكسيك على قنواتها المفتوحة ما يعني تحول كافة المشاهدين لمتابعة القناة القطرية وتدمير مصالح التلفزيون المصري الذي انفق مبالغ طائلة زادت عن الـ20 مليون للحصول على حقوق نقل البطولة...

خاص/ القاهرة

11‏/06‏/2010 5:59:00 م

ويعد ما حدث إهداراً للمال العام بالنسبة للحكومة المصرية وبعض الحكومات العربية فلم تعلن قنوات الجزيرة قبل المونديال عن اذاعتها للمباريات على القنوات المفتوحة مؤكدة أن شروط الفيفا تفرض عليهم إذاعة المباريات على القنوات المشفرة، واعتقد التلفزيون المصري وإدارة النادي سات مع بقية القنوات العربية التي قامت بشراء حقوق بث البطولة ان كل شيء يسير حسب القواعد واطمئنوا كثيراً وذهبوا نحو الاستعداد بشكل جيد للبطولة والتعاقد مع الكثير من الرعاة، ولكن فجأة ودون سابق انذار اكدت قناة الجزيرة إذاعتها للبطولة على القنوات المفتوحة قبل حوالي أسبوع من البطولة وقيل ان هذه تكهنات غير صحيحة وقمنا في جول.كوم بنشر هذا الخبر ومع مرور الأيام جاء أحد العاملين في القناة "هشام الخلصي" ليعلن بنفسه عن بث 20 مباراة على القنوات المفتوحة قبل ساعات قليلة من الافتتاح، ما استفز التلفزيون المصري وإدارة النايل سات ودعاه لإتخاذ قرار عاجل بحجب إشارة الجزيرة في مصر لاخلالها بكل العهود ولإجبار المشاهدين العرب على متابعة المباراة على التلفزيون الأرضي.

وكانت مباراة جنوب أفريقيا والمكسيك قد بث منها 11 دقيقة تقريباً على شاشة قناة الجزيرة الرياضية الثانية بتعليق المعلق الإماراتي علي سعيد الكعبي قبل أن تقوم إدارة النايل سات بحجب إشارة القناة ومنع مواصلة الجماهير من متابعة اللقاء، ما سبب حالة من الفوضى بين الشعب المصري الذي تعجب من القضية، واضطر للذهاب لبعض القنوات الاوروبية ومتابعة اللقاء من على الإنتر نت والإذاعات المختلفة.

مزيد من التفاصيل سنعرفها لاحقاً ، وترى ماذا ستكون ردة فعل الجزيرة الرياضية بعد ردة فعل التلفزيون المصري؟

http://www.goal.com/ar/ لمزيد من التفاصيل

ههههههههههههههههههههههههههه والله رجالة ضحكوا علينا وقبل المباراة بربع ساعة يعرضوها مجانا ً وضيعوا علينا 120 مليون دا أبسط رد .. والله والله موقف محترم محترم من النايل سات .. عماااااااااااار يا مصر

عقبال باقي المجالات .. شاطرين أوي أوي في الهيافات ..

تم تعديل 11 يونيو 2010 بواسطة omda2006

[herohero]

يالعبك ياجزيرة والله لما سمعت البر بتاع الجزيرة من يومين قولت ياعيني عليكي يامصر

حركة جاده بجد مصر دفعت الفلوس واجزيرة هب لبستنا السلطانية وربنا يسهل الجزيرة بالعند تروح عارضه كل المباريات عادي تعملها اصل الجزيرة شغاله عند ف مصر

واهو ارزاق بس بجد حركة حلوة قوووووووووي من الجزيرة احسن مااحنا ف مصر فلوسنا كتير والله فرحان ونفسي الجزيرة تبث كل المباريات مجانا ياه هابقى فرحان قوي

شاطرين قوي ف رمي الفلوس ف الكورة اما الواد اللي اتبهدل ومات متكسر بتاع اسكندرية ولا كلمة ومات فطيس

مناوشات تقنية بين النايل سات والجزيرة الرياضية

وعجبني قوي حركات الكتاكيت ف النايل سات ياخيبتها

سادت حالة من الاستياء الشديد لدى مشاهدي مباراة افتتاح كأس العالم الحال بين جنوب أفريقيا والمكسيك، وذلك بسبب انقطاع الصورة أكثر من مرة على كل قنوات الجزيرة الخمسة التي تنقل المباراة.

في المقابل كانت صورة البث في قنوات التليفزيون المصري الأرضية سواء النيل للرياضة أو القناة الثانية. تسير منتظمة

وترددت أنباء قوية من مسئولي القناة القطرية عن وجود نوع من التآمر من النايل سات وتسببهم في مشكلة انقطاع الصورة.

ورد مسئولي "الجزيرة الرياضية" بقطع الصورة عن التليفزيون الأرضي الذي اكتفى في آخر عشر دقائق بعرض لقطات معادة من المباراة، كما نشرت القناة القطرية تنويها في شريط إخباري يحث مشاهديها على متابعة المباراة بشكل أفضل على ترددات القمر الصناعي "عرب سات

بجد انا فرحان قوووووووووووووووووي نفسي كدولعربية نتشطر ع بعض ف الخيبة ده ونفسي الفلوس اللي دفعها التليفزيون المصري تروح ف الهوا

احسن يمكن حد يحاسبهم ع السفه يعني الشعب خلاص مش ناقصه الا انه يتفرج ع مباريات كاس العالم

[emsadeck]

موقف النايل سات مش محترم ولا حاجة، بالعكس ده كده ممكن يحط نفسه في موقف بايخ

المفروض لو التليفزيون المصري له حقوق ممكن ياخدوها بالطرق القانونية ويدفعوا الجزيرة غرامة محترمة، إنما طبعا أكيد العقود مع الجزيرة مافيهاش حاجة تمنعها من بيعها لأطراف أخرى او انها تذيعها على قنواتها المفتوحة يبقى يشربوا بقى،

إنما اللي عملوه ده ما اعتقدش انه قانوني او من حقهم خصوصاً ان المفروض النايل سات ده شركة مستقلة مالهاش علاقة بالتليفزيون المصري انما كده بقت مهلبية خالص!

[ابوهنا]

الموضوع كله بيزنس

الجزيره مش هتخسر فلوسها علشن تعاند فى التليفزيون المصرى

طبعا هى لبست التليفزيون المصرى وكل مشتركينها السلطانيه

لان خلاص اللى اشترك اشترك وانتهى الامر

وفى هذا الوقت اذاعتها مفتوحه سوف تجلب لها ارباح اكثر من اذاعتها مشفره

طبعا لو الناس اللى فى التليفزيون المصرى يفهموا فى البيزنس كان اذاع المباريات مجانا

لان هذا العام هناك انتخابات مجلس الشعب...وممكن تمنع الجزيرة من تغطية الحدث

[doha]

الحمد لله مليش في الكوره كنت داخله بس اسألكم سؤال .. بس قبلها معليش اعلق على الي قريته هنا ..

على حسب مافهمت منكم فمصر دفعت ( دم قلبها ) عشان تشتري حق اذاعه المباريات ثم اتضح ان الجزيرة ناوية تبثها عادي فكان رد فعل مصر هو التشويش على بث الجزيرة ..

انا الي اعرفه في حاجه زي دي ان اولا الموضوع على مستوى المسؤولين في التلفزيون المصري كونهم اهدروا من المال العام مبلغ كذا .. يطرحوه بينهم وبين بعض او نطرحه احنا عن طريق نواب الشعب كطلب احاطه سريع ..

يطلع المسؤولين مايفيد في عقود الاتفاق ان المباريات دي مش هتذاع على قنوات مفتوحه وان الجهة الي باعت لهم حق الاذاعه تضمن لهم الحكايه دي وبناء عليه دفعوا فيها دم قلوبنا الي اندفع ده ..

حاجه من اثنين .. اما ان العقود فيها مايضمن لنا هذا الحق وبالتالي المسؤولين دفعوا الفلوس دي على امل ترجع ( لنا ) في هيئة اعلانات ففي الحاله دي في جهة ثانيه ينرد عليها وهي اما الجزيرة او الضامن الي قال اشتروا وعلى ضمانتي محدش غيركم هيذيع ..

او ان بند كهذا مش موجود اصلا وفي الحاله دي يتم محاسبة المسؤولين بجد ان ده مش مال سايب ياجماعه على راي عبد المنعم مدبولي .. ده مال امواااات .. ومن زمان ... مش معقول ان الناس دي تدفع الفلوس دي كلها بدون مايكون في ضمان بحدوث ماحدث من اذاعتها على قنوات تانية ومجانا ..

وفي كل الاحوال مش من حقنا اننا نشوش على قناة الجزيرة فكونا مالكين للنايل سات فهذا لايعطينا الحق في التحكم في القنوات الي فيه بالشكل ده وان كانت الجزيرة خالفت نصوص تعاقدها مع ادارة النايل سات يبقى ينفسخ العقد او توقع عليها عقوبه لكن مش نخل بالخدمه من طرفنا بطريقة العيال لما تزعل من بعضها في اللعب والا هيبقى من حقهم بكل اسف هم الي يقاضونا مش العكس ..

ده غير انتهاك حق الشعب المصري في مشاهدة المباريات على القناه الي تعجبه خاصه وهي متاحه بدون اشتراك .. يعني من الآخر سرقوكم مرتين .. مرة بفلوسكم الي دفعوها في شراء المباريات والمرة التانيه لما منعوكم من الفرجه على ابو بلاش .. اعتقد الموضوع محتاج وقفة بجد ..

ماسبق كان استغلالا لا بد منه ..

مكانش ده الي داخله عشانه كنت داخله اسألكم ياجماعه بعد اذنكم حد يقولي بطولة كأس العالم تتابع ازاي على اي قناه ياريت جدول كده بالتواريخ ومواعيد المباريات لو امكن وعلى اي قناه غير مشفرة عشان زوجي العزيز من المغضوب عليهم ال بيحبوا يتابعوا الحاجات اليع الي زي دي ..

تم تعديل 11 يونيو 2010 بواسطة doha

[عماد حمدي]

التليفزيون المصري رد وقال أنه ملوش أي علاقة باللي حصل دا

الخبر دا لسة سامعة دلوقتي

بس أيا كان فانا شايف انه أقل رد من التليفزيون بتاعنا .. بس بصراحة لبسنا السلطانية ههههههههههههههههههههههههههههههه

منظرنا تيت خالص ضحكوا علينا وع فكرة الجزيرة مستحيل تعمل حركة زي دي إلا لو كان موقفها القانوني في العقد المبرم بينها وبين التليفزيون المصري سليم 100 %

خدوا بالكم بس من حاجة 120 مليون دول ثمن 12 مباراه فقط لحد يفتكر انه تمن كل المباريات

12 مباراه فقط ب 120 مليون هههههههههههههههههه وفي اللاخر تتذاع ببلاش ..

التليفزيون المصري دمه إتحرق فقال نعملهم حركة هايفة كدة ,, وبصراحة عملوها بس إحنا برده اللي خسرنا خاصة ان الجزيرة طرحت قنوات جديدة ع العرب سات

والله انا ما بقتش عارف أي حاجة في أي حاجة قاعدين ناخد ع قفانا من كل حتة من هنا ومن هنا ويضّحك علينا زي البشوات

آه ياني يامه ههههههههههههههههههههههه هموت وربنا من الضحك

إشترينا الهوا هههههههه ب 120 مليون .. مش حرام بالله عليكم دا مش حرام .. المصيبة السودة ان التليفزيون عندنا قال وإعترف بنفسة ان الحملات الإعلانية مستحيل تغطي المبلغ دا وع أقصي تقدير هتغطي نص المبلغ والباقي هدية مننا للشعب المصري حبيبنا لازم ندلّعة .. ياعني راميتم 60 مليون في الأرض ..

أهو موقف الجزيرة دا فكرني بمقولة : إحنا اللي دهنا الهوا دوكو :lol:

بس مصر ع الأقل عملت حاجة " هايفة بقا مش هايفة أهي عملت حاجة ".. لو لجأوا للقضاء يكون كاس العالم 2014 بدأ وخلص

وكنا إستثمرنا المبلغ دا في أي حاجة تانية .. العيب في اللي مدققش في بنود التعاقد وأنا واثق ان دي ثغرة في العقد .

دي الجزيرة يا باشا مش سبيس تون

____________________________________

ضحي

دا جدول مباريات كأس العالم

بالمواعيد والتواقيت وبيحسب عدد النقاط وغيرة من المزايا

http://www.egyptiantalks.org/invb/?showtopic=103005

_____________________________________

[ذهبية]

انا مش متابعة قوى للرياضة لكن بيتهايلى ان الموقف دة متعاد قبل كدة بنفس الحزافير بالضبط

هو احنا مش بنتعلم و لا اية

هو هو نفس الغباء و هوهو نفس العقود اللى بتتمضى من غير ما يكون فيها شرزط جزائية

يعنى بالله عليكم حاجة تجنن يعنى مفيش واحد محامى عدل فى التلفزيون يكون قارى العقد كويس

و يكتب شرط جزائى على الجزيرة لاى حركة عيالى زى دة

و الله اخمن الى هيحصل العكس انها هى الى هتاخد منا غرامة

و ياريت و النبى مراجعة سريعة كدة على تاريخنا من اول بيع عمر افندى الى بيع شركة الكتان الى بيع كل اراضى الدولة

بنفس اليلوب و نفس الطريقة

هاموت و اعرف

الناس الى بترمى فلوس الشعب دى مش بتتحاسب لية و المووضع بيدفن ازاى

[Howayda Ismail]

انا مش متابعة قوى للرياضة لكن بيتهايلى ان الموقف دة متعاد قبل كدة بنفس الحزافير بالضبط

هو احنا مش بنتعلم و لا اية

هو هو نفس الغباء و هوهو نفس العقود اللى بتتمضى من غير ما يكون فيها شرزط جزائية

يعنى بالله عليكم حاجة تجنن يعنى مفيش واحد محامى عدل فى التلفزيون يكون قارى العقد كويس

و يكتب شرط جزائى على الجزيرة لاى حركة عيالى زى دة

و الله اخمن الى هيحصل العكس انها هى الى هتاخد منا غرامة

و ياريت و النبى مراجعة سريعة كدة على تاريخنا من اول بيع عمر افندى الى بيع شركة الكتان الى بيع كل اراضى الدولة

بنفس اليلوب و نفس الطريقة

هاموت و اعرف

الناس الى بترمى فلوس الشعب دى مش بتتحاسب لية و المووضع بيدفن ازاى

يابنتى( الخيبة واهدار المال العام ده ماركة مسجلة عندنا ولايجوز التنازل عنها)

[doha]

مصر طلعت براءة

[جبار سينج]

المدينة نيوز – خاص وحصري - كشفت مصادر داخل قناة الجزيرة عن تحقيقات اولية بخصوص التشويش المتعمد على بث القناة الحصري لبطولة كاس العالم ، وقالت المصادر ان الاتهام الاولي يتجه نحو اسرائيل التي استخدمت تقنيات متطورة في هذا الصدد. واكد عاملون في الجزيرة الرياضية للمدينة نيوز : ان التحقيقات ستثبت في الايام القادمة صدق هذه التوقعات . من جهة ثانية وتأكيدا لاتهامات الجزيرة لاسرائيل ، شكا مواطنون من انقطاع بث المباريات لهذا اليوم اكثر من مرة وبشكل مفاجيء ، وقال اخرون : ان بث القناة الاسرائيلية الثانية كان يحل محل البث المباشر لبعض المباريات الخاصة خلال مباراة غانا وصربيا.

المصدر

هنا

[MZohairy]

غريبه جدا!!!

مع ان اللي اعرفه ان قطر و اسرائيل حبايب و مايجوش على بعض ابدا !

سبحان الله

[جبار سينج]

ممكن يا زهيرى علشان يوقعو بين مصر وقطر او العرب

[mfarag]

اكيد كمان اسرائيل هى اللى قتلت شهيد الطوارى

[se_ Elsyed]

كل الأوليات دي في الهجايص ..

فحسب أراء كل المتخصصين في مجال البث الفضائي والأتصالات .... أن من رابع المستحيلات ولو جبت مين حتى ..... مستحيل يكتشف مكان البث المسبب للتشويش أو نوعية التشويش ...

لأن ببساطة الموضوع خلص وما ينفعش يتم بعد البث .....

أما لو أثناء التشويش فهناك إحتمالات كبيرة لإكتشاف ذلك ..

لكن أقول للأخوة المسخناتية واللي عاوزين يوقعوا بين مصر وقطر وخصوصاً شلة الفساد الجزائري والفلسطيني في قطر واللي بيمسحوا لهم جوخ وبيتهموا مصر بإنها فعلت ذلك ..

فهذا بيان من موقع الجزيرة نفسه ..

أقرأوا وإنتوا تعرفوا أيهاء الجهلاء الصهاينه

موقع قناة الجزيرة الرياضية كتب ما يلى :

((( وجاءت عملية القرصنة التي تجلت بالتشويش على ترددات قنوات الجزيرة الرياضية الخاصة بالمونديال وإشاراتها على القمرين الصناعيين "نايل سات" و "عرب سات" طوال مجريات المباراة الافتتاحية )))

على الرابط

http://www.aljazeerasport.net/news/footbal...1924435333.html

فبديهياً كده ..

مصر بتسيطر على قمر النايل سات وممكن تعمل تشويش وتهبيش ....

طيب .. بالنسبة لعرب سات ... برضوا ده تبعنا ونقدر نعمل كده ؟

المهم في الموضوع إنه لا يتعلق بالقمر إطلاقاً .. لكنه محتاج جهاز بث قوي بتكنولوجيا خاصة لا يقدر عليها أفراد ... ويقوم الجهاز ببث إرسال صاعد للقمر بنفس تردد القناة المراد التشويش عليها ..

[se_ Elsyed]

اكيد كمان اسرائيل هى اللى قتلت شهيد الطوارى :wub:

ما هذا يا أخي الكريم ؟؟؟؟؟؟؟؟؟؟؟؟؟؟؟؟؟؟؟؟

هو اي كلام وخلاص

[mfarag]

ما هو اكيد مش كل مشاكلنا السبب فيها اسرائيل

اسرائيل مش دولة عظمى و رغم اماكانيتها لكن برضة محدودة

و اكيد عندهم اولويات تانية غير التشويش على مبارة كرة قدم بتتذاع فى التلفزيون

[من بعيد]

الفاضله ذهبيه تتساءل

انا مش متابعة قوى للرياضة لكن بيتهايلى ان الموقف دة متعاد قبل كدة بنفس الحزافير بالضبط

هو احنا مش بنتعلم و لا اية

وانا ارد

بالطبع لا

وليس لدينا رغبه فى التعلم الامور على ما هى عليه زى الفٌل وميه ميه

طالما المسئولون يتصرفون فى ممتلكات الدوله واموالها كما لو كانت امولهم الخاصه عزبه تركها لهم الوالد قبل وفاته هنتعلم ليه؟

قرأت تعليق على موقع الجزيره نت من احد المواطنين العرب وهو من سوريا ان المسئولين فى قناه الجزيره هم من قاموا بالتشويش والعمل على منع المشتركين من مشاهده المباريات وهذ نص التعليق بالرغم من صعوبه فهم مجمله ولكن المحتوى مفهوم

Karem ali ocee

syria

الجزيرة والحتكار اشتريتي جق البث للمنديال ب50 مليون دولار فوق اعلى عرض تقدمة اى شركة منافسة وبعتي الكروت الخاصة بكي فتفاجئتي بان الكرت يفك تشفيك كل باقة الجزيرة مشبس القنة9-10فعملتي تشويش وبلبلة من اجل ارجاع كل الكروت وتعديل الخطأ لا سامحكم الله على هذا العمل مصداقيتكم انهرت

واسكمالا لما اود ان اقوله بالرغم من انه قد يتنافى مع ما اقتبسته لاستشهد به انه ربما قد يكون قد تم اتفاق بين المسئولين فى الجزيره الرياضيه والمسئولين فى التليفزيون المصرى على حبك هذه المسرحيه السخيفه وتقديمها لملايين المشتركين الذين قدموا مبالغ ضخمه لمشاهذه المباريات ولكن للاسف تم الاحتيال عليهم وتبادل الاتهامات شئ لزوم الشئ للهروب من المسؤليه وعدم تعويض المشتركين

وعندى سؤال لمن لديه المعرفه وباستطاعته الرد

اليس هناك شركه ام مالكه لحقوق بيع حق بث المباريات ؟

هل لم يكن فى استطاعه التلفزيون المصرى شراء حق البث من هذه الشركه مباشره دون اللجوء الى قناه الجزيره الرياضيه ؟

تم تعديل 14 يونيو 2010 بواسطة من بعيد