ازاى نعمل استفتاء؟

[فــيــروز]

عاوزه اعمل استفتاء

اول استفتاء فى حياتى يا ناس

اخترت بدل "موضوع جديد" اعمل "اضافة استفتاء"

وكتبت كل حاجه فى مكانها وبعدين آجى ابعت الاقيه بيقول

"الإستفتاء هو إختيار إختيار 1 لا يعتبر إستفتاء" !! :rolleyes: يعنى ايه الكلام ده !! اتبعت كل التعليمات ووضعت اجابه فى كل سطر قصاد خيارات التصويت .. يبقى ايه المشكله taz::

[Handicraft]

يا فيروز الكلام واضح لازم تكتبى اكتر من اختيار وكل واحد فى سطر والا لو اختيار واحد يبقى مفيش داعى تعملى استفتاء انا لسع مجرب وعامل استفتاء حاولى تانى.

والله اعلم

[فــيــروز]

كده بردو يا هاندى

ده رايك فيا؟

انا طبعا عامله اربع اختيارات فى الاستفتاء

عشان كده مستغربه انه وقف عند الاختيار الاولانى و زرجن

ده انا حتى شلت اول اختيار قلت يمكن اضحك عليه ويتلخبط ولا الهوى

بردو بيطلع نفس المشكله

طيب سؤال

هو الواحد بيعمل موضوع الاول و بعدين يضيف له استفتاء ولا اما اعمل استفتاء ده يغنى عن عمل موضوع جديد .. انا فهمت انى يكفى اختار "اضافة استفتاء" يقوم هو زى الشاطر يفهم انه موضوع جديد وجوا استفتاء .. مش صح؟

[Handicraft]

لأ تفتحى استفتاء وهو حيقوم باللازم ويفتحلك الموضوع.

طيب حاولى ما تسبيش سطور فاضية بين الإختيارات ، وكمان اكتبى الموضوع تحت فى المكان المخصص ليه يمكن هو زعلان من كده.

[عصام]

فيروز

أسأل سؤال؟

إنتى تركتى سطر فاضى بين كل اختيار والتانى؟ (إنتر يعنى)

إذا كانت إجابتك "أيوه" أقولك غلط .. يجب الا يكون هناك أى أسطر فارغة بين الاختيارات ..

يمكن يكون ده السبب .. :rolleyes:

[فــيــروز]

فعلا يا شباب ys):

لقد تركت سطورا فاضيه بين الاختيارات :rolleyes:

الف الف شكر .. rs: معلش انا جديده فى الاستفتاءات .. "عاوزين وش مكسوف فى الايموشنز"

اجرى اعمل الاستفتاء بقى :o

[Advisor]

الفاضلة فيروز

أهم شئ فى الإستفتاء هو تصميم السؤال و الإجابات الممكنة.

شرط مهم أن الإجابة تقع فقط و أكرر فقط فى أحد الإختيارات.

و ألا تكون صيغة السؤال موحية بإجابة بديهية.

ستجدين فى البداية أن الأمر ليس سهلا لكن للحقيقة كثير من الإستبيانات التى تنشرها الجرائد أو المواقع العربية لا تمثل إضافة لأن تصميم الإستبيان لا يؤدى إللا الخروج بنتيجة.

و الشئ بالشئ يذكر .... ينقصنا فى مصر آليات قياس الرأى أيا كانت تبعيتها - اللهم إلا إذا كانت موجودة و تعمل فى السر -

و قياس الرأى يا سادة هو آلية مهمة جدا للمساعدة على إتخاذ القرار.

[se_ Elsyed]

و الشئ بالشئ يذكر  .... ينقصنا فى مصر آليات قياس الرأى  أيا كانت تبعيتها - اللهم إلا إذا كانت موجودة و تعمل فى السر -

و قياس الرأى يا سادة هو آلية مهمة جدا للمساعدة على إتخاذ القرار.

بصراحة كثيراً ما أقف مذبهلاً ومتعجباً امام ما أسمعه في وسائل الإعلام عن إستطلاعات الرأي عن كل صغير وكبيرة تحدث في أوروبا وأمريكا وحتى إسرائيل ..

لدرجة إني ساعات بأتصور إن الناس بتوع إستطلاعات الرأي دول عايشين في الشوارع وحابسين مجموعة من الناس في مكان مغلق وكل ما يحصل حاجة يجيبوهم ويعملوا إستطلاع .. :rolleyes:

[فــيــروز]

الحقيقه ان هذه فعلا اول مره فى حياتى اعمل استفتاء عن شئ

حاولت ان تتدرج الاجابات من اقصى اليمين لاقصى اليسار مرورا باجابات وسطيه وان كنت اشعر بالضيق من وجود هذه الاجابات الواقعه فى المنطقه الرماديه لكن ما باليد حيله

وادينا بنتعلم :rolleyes: