خلطة عُمر طاهر ... يخرب بيت الدماغ

[se_ Elsyed]

أنا لو فاضي وما عنديش شغل ولا مذاكرة ولا عيال بترضع ...

كنت كتبت حاجات أفظع من بتاعت عُمر طاهر ..

لكن هم وتعب الرضاعة بقى ....

ههههههههههههه

----------------------------------------

أوعي الجاز

لو كان الأمر بيدي لمنحت سيناريست حملة «خلطة مش منطقية من دولسيكا» أوسكار أفضل إعلان مصري ، وبالرغم من ضآلة شأن المنتج الذي تروج له الحملة (آيس كريم بالعسلية) فإنه جاء معبراً عن روح مصرية خالصة ، فهو يروج لخلطة غير منطقية في بلد يعمل بنفس الميكانيزم تماماً، وإذا كان شعار الناس في بداية السبعينيات «أفرم أفرم يا سادات» فالشعار الذي يليق بالمرحلة هو «دخَّلْهم يا حسين»، وحسين هو الشخص الذي يُدخل في ماكينة غريبة (رائد فضاء مع ماكيت القرية الذكية) فيخرج من الماكينة آيس كريم بالعسلية.. وهكذا تجري الأمور في مصر... خد عندك..

700 جرام سليكون + مدير أعمال صايع (دخَّلْهم يا حسين) والناتج مطربة تكسر الدنيا.

كرتونة بيض + جهاز ديكودر (دخَّلْهم يا حسين) والناتج استوديو تحليلي.

شقة مفروشة + رخصة جريدة (دخَّلْهم يا حسين) والناتج حزب معارض.

شقة إيجار قديم + رخصة سلاح (دخَّلْهم يا حسين) والناتج الحزب الوطني.

قطعة أرض صحراوية + مدير ائتمان في بنك حكومي... والناتج ملاعب جولف.

80 متر قماش + سيارة نصف نقل بميكروفون... والناتج عضو مجلس شعب.

موبايل بجراب + جاكيت جلد... والناتج أمين شرطة.

مدينة الإنتاج الإعلامي + 12 لفة قمر الدين... والناتج شهر رمضان.

اتنين مابيحبوش بعض + تقرير عن اعتصام أمام مجلس الشعب... والناتج برنامج توك شو.

أتوبيس نقل عام + محصول الأرز عن 2009... والناتج مستشفي الصدر.

طبلة وصاجات + نعي لناس ماتت... والناتج جريدة قومية.

طبلة مكتومة + نعي لناس عايشة... والناتج جريدة مستقلة.

مهاجر غير شرعي + سيارة نقل محملة بالبطيخ... والناتج عصام الحضري.

عيدية رمضان + 3 إيشاربات ملونة فوق بعض... والناتج تحرش جماعي.

سلعوة بـ 3رجلين + شريط حبوب مخدرة... والناتج سواق ميكروباص.

أم بتدعي + شحنة أعلام مصرية قادمة من الصين .. والناتج كأس الأمم الأفريقية.

شاب حاصل علي بكالوريوس تجارة + تشكيلة من الصابون المعطر... والناتج دكتور صيدلي.

مسَّاحات عربية مرفوعة + شخص هارب من أحكام بالسجن... والناتج باركنج.

جهاز قياس الضغط + لبانة سكرها راح... والناتج مشجع زملكاوي.

[Alattar]

بجد الحمد لله ان انا في الشغل لوحدي..و لسه ما بدأتش أشتغل لحد دلوقتي

كانت الناس قالت ان البرمجة لحست نافوخي..و اني اتهبلت

بجد انا كان هيجرالي حاجة من كتر الضحك

انت ياعم بتجيب الكلام ده منين؟؟

سؤال علي جنب.. : مش عمر طاهر ده اللي كان عامل سوبر هنيدي؟؟

[أسد]

فظيع ....

صحيح ملوش حل ..

فظيع جداً ....

[engmido]

حلوة يا عمو س س

[رضوي]

هايل

كلام جميل

كلام معقول

:lol:

[sarmar]

عبقرى

[مغتربة]

مالهوش حل

ايه الدماغ دى

تم تعديل 13 يونيو 2010 بواسطة مغتربة

[fatfouta]

جهاز قياس الضغط + لبانة سكرها راح... والناتج مشجع زملكاوي.

الزمالك قادم يا عمر يا طاهر واسأل حسام حسن :hi:

[ابو محمد بن مصطفي]

تابع كمالة للخلطة

حشيش + لفافة بانجو + قتيل + مخبرين + ظابط شرطة = فساد كبير

[shiko]

مسخــــــــــــــــــــــــــــــرة أخر حاجة ؟؟

طب ممكن بقى يا سين سين

تحضرلنا خلطات من واقع المنتدى؟؟

مستنية اسمع منك خلطات جهنمية ...؟؟

[اكرام زعزوع]

كلام جميل وكلام معقول مقدرش اقول حاجه عنه

لكن خيال الحزب المهبول

مش لاقى فيك حاجه منه