ما الفرق بين اسباب ثورات المصريين قديما و ما يحدث الآن؟

[MZohairy]

اسباب قيام ثورة القاهرة الأولى و الثانية على الفرنسيين:

1- فرض الفرنسيين للضرائب الباهظة خاصة على التجار على عكس وعود نابليون عند قدومه لمصر،

2- تفتيشهم للبيوت والدكاكين بحثا عن أموال،

3- هدم أبواب الحارات لتسهيل مطاردة رجال المقاومة

4- انتشار الفقر و الأمراض

5- سوء معاملة كليبر و جيشه للمصريين

اسباب قيام ثورة 1952 ضد الإنجليز و الملك:

1- فساد الوضع السياسي في مصر

2- فساد حاشية الملك

3- قضية الأسلحه الفاسده

4- سوء توزيع الأرض الزراعية

ما هو الوضع الآن؟

[pink rose]

اسباب قيام ثورة القاهرة الأولى و الثانية على الفرنسيين:

1- فرض الفرنسيين للضرائب الباهظة خاصة على التجار على عكس وعود نابليون عند قدومه لمصر،

2- تفتيشهم للبيوت والدكاكين بحثا عن أموال،

3- هدم أبواب الحارات لتسهيل مطاردة رجال المقاومة

4- انتشار الفقر و الأمراض

5- سوء معاملة كليبر و جيشه للمصريين

اسباب قيام ثورة 1952 ضد الإنجليز و الملك:

1- فساد الوضع السياسي في مصر

2- فساد حاشية الملك

3- قضية الأسلحه الفاسده

4- سوء توزيع الأرض الزراعية

ما هو الوضع الآن؟

فرنسيين و انجليز

لكن المعلمين اللي عندنا مصريين و بالتالي احنا اسرة مع بعضينا :lol:

[fatfouta]

ثورة؟؟؟؟ يا ريتها ماكانت قامت الثورة

اهو اللى احنا عايشينه دلوقتى ده نتيجة الثورة

[se_ Elsyed]

للأسف لم تكن ثورات بالشكل الكامل ..

بدليل إن إنت لما تتكلم عن ثورة القاهرة الأولى في عصر الإحتلال الفرنسي ...

لا يُمكن أن نغفل الاف السنين عشناها في منتهى الإستكانة والوداعة والمعايشة السليمة مع صنوف المحتلين ..

كمان ثورة يوليو كانت القبضة الأنجليزية تكاد تكون منتهية ... وكمان الملك العثماني فاروق كان إتهد بعد حرب 48 وحريق القاهرة .. فكانت فُرصة مُهيئة لأي حد يستولي على الحكم ..

خلينا في دلوقت ..

بقى لنا 60 سنة من ساعة ثورة العسكر وأستيلاءهم على مصر .. وخلق طبقة من الحكام العسكر ( جيش وشرطة ) وبث الرعب في نفوس الشعب المغلوب على أمره

يا راجل شوف أيام الديكتاتور عبد الناصر وزوار الفجر والمعتقلات وشمس بدران وحمزه البسيوني وصلاح نصر ... رررررررررررعب

ويوم ما الناس ثارت على غلاء الأسعار وإلغاء الدعم في 79 .. قالوا عليها ثورة حرامية ... فاكر ؟

وحتى أيام مبارك السودا ... أستمر الرعب .. واستمرت الطواريء وأستمرت الإعتقالات ... والمحاكمات العسكرية للمدنيين في سابقة مخزية وتُسطر بالحبر الأسود في تاريخ هؤلاء المليء بالسواد ..

[سكر]

السبب هو

ارتفاع نسبه المستفدين من النظام الفاسد

ووضع هولاء المستفيدين فى المواقع التى لها تاثير على اتخاذ القرار من اول تحت السلم لغايه اعلى السلم

وتيسير الامور بقانون شيلنى واشيلك

فى وضع الثورات يكون خير البلد لاجانب بوضوح وبطريقه فجة ويكون اصحاب البلد اقل من القليل هو المستفيد

[سكر]

بالمناسبه شخصيات كثيرة تتنكر من ثورة يوليو ويعترفون انها ليست ثورة ولكنها انقلاب عسكرى

وفرق كبير بين المعنيين

الثورة الحقيقة فى مصر هى ثورة 1919

تم تعديل 13 يونيو 2010 بواسطة موعود

[اغابي]

الموضوع كبير يا استاذ زوهير - وفيه خطوط حمرا

لو حاتكلم عن الفرق بين قديما وحاليا - كشعب مصري بيقدر يقوم بثورات

لكن مش عاوزة اغير مسار الموضوع الاصلى لان مش متاكدة ان مداخلتى اللى عاوزة انزل بيها

ايه ظروفها من عنوانك الاصلى . .

فاصـــــل ونواصــــــل

اغابي

:lol:

تم تعديل 13 يونيو 2010 بواسطة اغابي

[مغتربة]

عفوا

الشعب المصرى ليست له طبيعه ثوريه

و هذه الحقيقه لا يستطيع ان يجادل فيها احد

الشعب المصرى يميل الى توفيق اموره و الصبر و قد يخرج غضبه بينه و بين نفسه

و لكن لا يثور ابدا على حكامه

انظروا عمر التاريخ المصرى الحديث و القديم

و انظرا الى عدد الثورات ( هذا ان جاز لنا تسميتها بذلك )

لتتضح لكم انه شيىء لا يذكر

و حتى الثورات التى حدثت حدثت لظروف خاصه و اغلبها كانت بفعل وجود محتل خارجى

( محتل و ليس حاكم )

لان اغلب تاريخ مصر حوكمت فيه بواسطه حكام اجانب الا قله تعتبر هى الاستثناء و ليس الاصل

[اغابي]

ويعنى لما اتحكم بحكام مش اجانب كان افضل حال ؟؟؟؟

اغابي

[MZohairy]

انا مبدئيا يا اخواني شايف الفرق في تغير شخصية المواطن المصري و ليس في قوة الأسباب المؤدية للثوره

فأسباب قيام الثورات لم تتغير بل ربما نحن الآن في وضع اسوء من الكثير من الحقب الزمنيه التي قامت فيها ثورات مصريه

اعتقد ان الإنسان المصري و انشغاله في دوامة الحياه و الطاحونه اليوميه ادى الى تغيره تغير كبير

فأصبح انسان مستهلك و مغيب يجهل اكثر مما يعلم, و يهتم فقط بمشاكله و اموره الشخصيه و العائليه

و دخل عليه العلم فقط في صورة ساتالايت و ديشات و موبايلات و انترنت و فاست فوود... ففرح بها فرحا كبيرا و هو لا يدري انه بها يشنق نفسه بنفسه

ثم شغلوه بقضايا تستهلك المتبقي من وقته مثل كرة القدم و صراعات الفنانين و الاعلاميين و التوك شو

فأصبح مدفونا بين همومه و فقره و مرضه و مسؤلياته الصعبه لا يفيق ابدا

و ابتعد تفكيره عن السياسه تماما و اصبحت آخر شيئ يمكن ان يفكر فيه ...بل لنقل انه لا يمكن ان يفكر فيه اطلاقا

لذلك اصبح يقبل اي رشوه من الحاكم و يفرح بها

مثل مترو الانفاق , افتتاح الكباري , شبكة الصرف الصحي , ,,,,,,,,,

كل هذه الرشاوي اصبحت هدايا يمن بها الحاكم على شعبه

و يفرح بها الشعب الطيب و يقول والله الحكومه دي بتحبنا و بتعملنا حاجات كتير لمصلحتنا

و في نفس الوقت التفت الحاكم الى ضرورة ابراز و توضيح قوة جهازي الأمن (الجيش و الشرطه) في حمايته من اي تهور شعبي

و فهم الشعب الرساله و فهم مدى قوة هذه الأجهزة التي لا قبل له بها

فاستكان و نام و استسلم لفقره و جهله و مرضه

فالشعب في هذا الوضع لا يمكن ابدا ان يفكر في ثوره شعبيه

بل في فرخه مشويه و طبق ملوخيه و راحه ابديه

[اغابي]

لو الحاكم بيعتبر ان البنية الاساسية فى الدول زى ( الكبارى - الصرف الصحى - المشاريع - المترو - استصلاح الاراضى - الطرق - المواصلات ....... الخ )

لو بيعتبر انه بيمن علينا كشعب بيها مع انها اصلا من حقنا الطبيعى زى افقر دولة ربنا خلقها فيها كل داه . .

يبقى كدا كفاية ونفوق من الاوهام

دى مش رشوة ومش لقمة بيرمهالنا ويحن علينا بيها

دى حقوق ولسة لينا حقوق كتير ما اخدنهاش - زى الدفعات اللى متخرجة من الجامعات من 15 سنة ولسة ما جالهم تعيين ويا عالم ان جه حيبقى بكام مالطوش فى الشهر

وزى حاجات كتيررررررررررررررررررررررررررررررررررررررررررررررررررررررررررررررررررررررررررررر

رررررر شفنا الدول حوالينا بتمتع رعاياه بيها واحنا محرومين من ابسطها

مش بقول انا عاوزة اسكت احسن - وما اتكلمش علشان الموضوع داه كبير جدا - يا زوهير - مش موضوع نتكلم فيه كلمتين وخلاص - بالعكس

اغابي

تم تعديل 13 يونيو 2010 بواسطة اغابي

[عنبو]

ممكن أسال سؤال

هو مينفعش واحد مسالم يخلف عيال ثوار ولا قوانين الوراثه لا تسمح

بجد بتعصب قوى لما بلاقى الناس كلها بتقول ان الشعب المصرى شعب مسالم بناءً على تاريخه

الكلام ده هو اللى بيجب الى الخلف

لان لم يبقى الناس فاكره كده هتبقى مصيبه

اى شعب ممكن يثور وممكن يتحول على حسب الظروف اللى بعيش فيها

[Howayda Ismail]

الفرق ان التركيب الجينى للمصريين اختلف عن زمان الهندسة الوراثية لعبت دورها معانا اصبحنا السلبية نمط حيلتنا واسفة للتعبير اصبحنا زى القرد

لانسمع لانرى لانتكلم

[ذهبية]

لا هو ضعف جينى و لا قلة حيلة ولاتغير فى الشخصية السبب

مفيش بطل قومى ولا قائد

يلم الشعب وراة اى ثورة محتاجة قائد ياترى مصر فيها قائد قادر بالمهمة دى

هو دة السبب الحقيقى

لعدم قيام الثورة الحقيقية حتى الان

[MZohairy]

و يعمل ايه القائد لو لقى كل فريقه من المرضى النفسيين ؟

الفريق كله بقى خامل نائم مستسلم غافل قانع

و فريق زي ده مش محتاج قائد

محتاج مقبره

[ذهبية]

اختلف مع حضرتك يا استاذ زهيرى الفريق مش عاطل ولا خامل و لا نفسين الفريق مشتت

مبعثر كل واحد ماشى فى اتجاة

طاقة مهدرة بدون هدف محدد

الشعب تعبان بس خايف

لا هو خامل ولا جاهل ولا مريض

هو خايف والخوف نفسة بيجيب الاعراض الى حضرتك قولت عليها

انا مش خايفة الا من نقطة الصفر اللى هتيجى لما الى فى بالى يموت

لما البعبع اللى ماسك فى الدنيا بايدية و سنانة يجى وقتة

ساعاتها بس الله بس عالم اية الى هيحصل وقتها

[رضوي]

انا مبدئيا يا اخواني شايف الفرق في تغير شخصية المواطن المصري و ليس في قوة الأسباب المؤدية للثوره

طيب معلش استفسار بسيط ....... ايه اللي حصل في شخصية المواطن المصري ؟؟؟؟؟؟ يعني اتغيرت ازاي ؟؟؟؟وامتي ؟؟؟ وايه اوجه الاختلاف اللي حصلت ؟؟

فأسباب قيام الثورات لم تتغير بل ربما نحن الآن في وضع اسوء من الكثير من الحقب الزمنيه التي قامت فيها ثورات مصريه

اعتقد ان الإنسان المصري و انشغاله في دوامة الحياه و الطاحونه اليوميه ادى الى تغيره تغير كبير

فأصبح انسان مستهلك و مغيب يجهل اكثر مما يعلم, و يهتم فقط بمشاكله و اموره الشخصيه و العائليه

و دخل عليه العلم فقط في صورة ساتالايت و ديشات و موبايلات و انترنت و فاست فوود... ففرح بها فرحا كبيرا و هو لا يدري انه بها يشنق نفسه بنفسه

يعني الانسان المصري في العصور اللي حضرتك ذكرتها كان انسان واعي ومدرك ومنتج ؟؟؟؟ مما ادي به الي القيام بالثورات ضد الاحتلال وأعوانه ........ وحالياً اتغير وأصبح انسان مغيب وغير قادر علي النظرة السليمة لمايحدث ؟؟؟

ثم شغلوه بقضايا تستهلك المتبقي من وقته مثل كرة القدم و صراعات الفنانين و الاعلاميين و التوك شو

اتفق مع حضرتك في تلك النقطة تمام الاتفاق ......... فعلاً تم النجاح في شغل المصري بقضايا جانبية تستهلك كل طاقته للخروج منها ....... والامثلة لاتعد ولا تحصي ....... ودي اول نقطة لنجاح الخطة

فأصبح مدفونا بين همومه و فقره و مرضه و مسؤلياته الصعبه لا يفيق ابدا

و ابتعد تفكيره عن السياسه تماما و اصبحت آخر شيئ يمكن ان يفكر فيه ...بل لنقل انه لا يمكن ان يفكر فيه اطلاقا

فعلاً ابتعد تفكيره عن السياسة ........ ربما خوفاً من العقاب الرادع الذي يتوهمه ........ ربما لعدم ثقته وايمانه بدوره في التغيير ........ ربما لعدم وعيه وقلة ثقافته ........ ربما لان المعلومات اللي بتوصله بالظبط هي المعلومات اللي المفروض يعرفها بس .......... يعني دي كلها اسباب لتغيب المشاركة السياسية للمواطن المصري ........ اضف اليها ازمة الثقة ........ والخوف من التغيير ...... والكلمة الازلية ........ اهه اللي نعرفه احسن من اللي مانعرفوش

لذلك اصبح يقبل اي رشوه من الحاكم و يفرح بها

مثل مترو الانفاق , افتتاح الكباري , شبكة الصرف الصحي , ,,,,,,,,,

كل هذه الرشاوي اصبحت هدايا يمن بها الحاكم على شعبه

و يفرح بها الشعب الطيب و يقول والله الحكومه دي بتحبنا و بتعملنا حاجات كتير لمصلحتنا

و في نفس الوقت التفت الحاكم الى ضرورة ابراز و توضيح قوة جهازي الأمن (الجيش و الشرطه) في حمايته من اي تهور شعبي

و فهم الشعب الرساله و فهم مدى قوة هذه الأجهزة التي لا قبل له بها

فاستكان و نام و استسلم لفقره و جهله و مرضه

وهي دي الكارثة الحقيقية والنهاية المعلنة لاي أمة

فالشعب في هذا الوضع لا يمكن ابدا ان يفكر في ثوره شعبيه

أكيد استحالة يفكر في اي ثورة شعبية .......... بس مش علشان الاسباب الثلاثة سالفة الذكر وبس ........ علشان افتقاره لروح الجماعة ......... ببساطة شديدة ..........شوف اي مظاهرة او احتجاج او اعتصام زي اللي حصلوا في الفترة الاخيرة في بلدنا في كذا قطاع من قطاعات الدولة ......... اهم مايميز تلك الوقفات هو سيادة روح الجماعة والتنظيم ووحدة الهدف والموضوع ..... يعني لما عمال الغزل والنسيج يعتصموا ......... ويقفوا وقفة لزيادة الاجور ........ لو قدرنا نفرقهم يعني نقول لكل واحد فيهم علي جنب بلاش تشارك وندفعلك مبلغ معين ....... نظام فرق تسد يعني ..... اكيد مش هيبقي فيه اعتصام ولايحزنون ......... لو كل واحد دور علي نفسه اولاً وأخيراً .......مش هيبقي فيه وحدة هدف ومش هيبقي فيه وقفة اصلا

ودة اللي احنا بنفتقده دلوقتي

ماأجبن الفساد المتخفي وراء عباءة السلطة ........ يستطيع الشعب ان يمحوه فقط بوقفة جماعية صارمة ولكن اينما تحلي الشعب بروح الجماعة وبوحدة الهدف ......... لما نقف امام الفساد بقلب رجل واحد ويد رجل واحد ........ لما هدفنا يبقي واحد وروحنا تبقي واحدة

لكن معلش ....... الفساد تفشي جوانا احنا ........ وسطنا مابقناش نقدر نفرق بين فاسد وصالح

اصل ازاي هنجمع امة تطلع تندد بالفساد والفاسدين ........ وواقف وسطنا طبيب قاتل وتاجر للاعضاء البشرية ....... وتاجر غشاش ......... ومسئول مرتشي ........ ووكيل نيابة فاشل وااتعين بالوسطة ........واعلامي جبان ........... ازاي دول هيقفوا وسط الشعب وهما اصلاً م الشعب وينددوا بالفساد ؟؟؟؟؟؟؟

ماينفعش

طيب وازاي هنفصل العناصر الفاسدة دي من العناصر الصالحة ؟؟؟؟

هي دي الاسئلة اللي لما نلاقي اجابتها هنقدر نقوم بالثورة

مع ان في اعتقادي ان الامر لايحتاج لثورة ........ يكفيهم فقط وقفة صارمة تعبر عن وحدة وقوة الشعب وقدرته علي الاطاحة بالفاسدين

بل في فرخه مشويه و طبق ملوخيه و راحه ابديه

تحياتي

[رضوي]

الفرق ان التركيب الجينى للمصريين اختلف عن زمان الهندسة الوراثية لعبت دورها معانا اصبحنا السلبية نمط حيلتنا واسفة للتعبير اصبحنا زى القرد

لانسمع لانرى لانتكلم

السلام عليكم ورحمة الله وبركاته

أختنا العزيزة هند ......... عندي استفسار صغير بعد اذنك

يعني ايه التركيب الجيني للمصرين اتغير ؟؟؟

وياتري ايه دور الهندسة الوراثية في تفشي السلبية ؟؟؟

حبيبتي ياريت توضحي تقصدي ايه ........ ولا دة مجرد تهكم علي أوضاعنا الحالية ..... معلش عايزة أفهم

ولكي مني كل تقدير واحترام

**************

علي جنب بقي

ياجماعة الخير

الانسان المصري لم يتغير

فلاتتهموا الأجيال الحديثة او المعاصرة اتهامات مدمرة .......... يعني مافيش فينا احمد عرابي مثلاً ؟؟

ولا تقصدوا تقولوا ان زمان كان كل الناس احمد عرابي ؟؟

[رضوي]

و يعمل ايه القائد لو لقى كل فريقه من المرضى النفسيين ؟

الفريق كله بقى خامل نائم مستسلم غافل قانع

و فريق زي ده مش محتاج قائد

محتاج مقبره

سيدي الفاضل

عذراً

هل تقصد أن كل المصريين مرضي نفسيين ؟؟؟؟

وبأي مرض تتهمهم ؟؟؟

حقاً نحن شعباً أكثر مانفعله هو الكلام .......... ليس لأننا لانملك سواه .......... وليس لأننا مقتنعون وراضون عما يحدث

وليس لأننا شعباً خامل يخاف ليس ذو طبيعة ثورية

كلا

أختلف معكم في هذا

نملك الجرأة .......... نملك القدرة ......... نملك الارداة ....... نملك العقلية القادرة علي التغيير

ولكننا نفتقر لروح الجماعة ....... نفتقر للايمان بالقدرة علي التغيير ....... وهذا لاينفي امتلاكنا لتلك القدرة

اخواني

كلنا مصريون ............. فلا داعي لذكر سلبياتنا دون الالتفات لمايميزنا من ايجابيات

نحن شعباً لايستهان به ........... الا اذا استهان بنفسه

دعونا نعيد بناء الثقة في نفوسنا ثانيةً ............ دعونا نعمل علي تأكيد قدرتنا

" لا تقل لي ما لا أستطيع فعله "

تحياتي

[herohero]

روح الجماعه فعلا هي مفتاح حل قضيتنا الجماعه ده من اول المجموعه اللي بتركب الميكروباص وبترفض اسلوب السواق ف استغلال الركاب ف زياده الاجرة من غير وجه حق

هتتضحكوا وتقولوا مالنا ومال الميكروباص دلوقتي

ماهي مصر ميكروباص اه ميكروباص والسواق الريس والصبي اللي بيلم الاجرة هو وزير المالية قارنوا كده الموقف هتلاقوه قريب قوي

الصبي بيروح طالب اجرة زيادة الناس هتتكلم ليه يابني هيرد كلامه مش مقنع يقوم يرد السواق هنعمل ايه يابهوات البنزين "العربية بالسولار" غلي واساعره ارتفعت والكارته يابهوات ومخالفات المرور "وهو مقضيها بلطجة اصلا" يقوم الناس تقول اه ماهو كلامه صح كتر خيره انه ركبنا "نفس موقفمعايرتنا اليومية بمناسبة ومن غير مناسبة بعدد السكان"

هنلاقي ناس تعترض وترفض كلام السواق هيقولها ايه السواق "ضربة فرامل اتفضل انزل يابيه " نفس فكرة اللي عاوز يمشي يمشي من البلد الباب يفوت جمل والناس التانيه تسكت وتقوله اللي عاوزة ياسطى بس نوصل لمصالحنا ويتكرر السيناريو كل فترة ويزود الميكروباص الاجرة

وده الي حاصل كل شوية يزيد سعر البنزين وغيره وغيره والاكل والزيوت

السودان الناس هاجت لما البنزين سعره ارتفع السودان .... واخدين بالكم اللي كنا بنقول عليهم كسالى والاردن البنزين بيقل وبيرتفع مع السوق وطبعا الاردن بتستورد مش بتصدر غاز ببلاش للاخت الصغرى

زمان بقى كانوا كلهمةبيروحوا نازلين من الميكروباص يقوم السواق هيعمل ايه بيسكت وانا والله العظيم شوفت الموقف ده الركاب قالك هننزل ونزلوا والله السواق بقى سايق زي الكلب وانت بتتشطروا عليا ايه الدو الفقر ده وف الاخر وصلوا لمصالحهم

لما نبقى نقدر ننزل من الميكروباص ونقول لا يبقى ساعتها حالنا هيتغير

حاليا احنا معظمنا بنقول وانا مالي وانت الي هتصلح الدنيا ، مفيش امل هي خربانة خربانة ياعم كبر

هتيجي عليك انت وتستمر روح الانهزامية ف السيطرة ع كل تصرفاتنا ونصل لما نحن عليه

سموها تغيير جينات تغيير دم سموها زي ماتسموها بس شايف ان احنا كشعب مش هنثور دلوقتي ليه معرفش ؟؟؟