ما الفرق بين اسباب ثورات المصريين قديما و ما يحدث الآن؟

[Howayda Ismail]

أختنا العزيزة هند ......... عندي استفسار صغير بعد اذنك

يعني ايه التركيب الجيني للمصرين اتغير ؟؟؟

وياتري ايه دور الهندسة الوراثية في تفشي السلبية ؟؟؟

حبيبتي ياريت توضحي تقصدي ايه ........ ولا دة مجرد تهكم علي أوضاعنا الحالية ..... معلش عايزة أفهم

ولكي مني كل تقدير واحترام

********

اختى العزيزة رضوى

ربما يكون كلامى فيه تجريح لشخصية المصرى ولكن هو ده حال المصرى انهاردة ساوضح لحضرتك معنى كلامى كان زمان المصرى رجل حر ودمه حامى لايقبل المهانة كان بيقاوم رغم يقينه ان نهايته الاعتقال والتعذيب وربما القتل لكن كلن بيقاوم كان التحاقه بالجيش شرف وخوضه الحرب كرامة وشهادة دلوقت ايه حروب من تأدية الخدمة العسكرية .

وقت الميكروجيب وندرة الحجاب ماكنش فيه معاكسات ولاتحرشات بالصورة اللى شايفنها دلوقت محجبات بتتعرض لشد ملابسهم وطرحهم فى الشارع وده اقل تحرش غير الالفاظ الفجة والجارحة حالات الاغتصاب اللى زادت فى البلد وصلت لحد خطف نساء من

منازلهم او من ازواجهم فى الطريق العام.

الرشوة او القهوة اللى كانت زمان تطلب على استحياء وبالتلميح دلوقت عينى عينك والمرتشى بيحدد القيمة والا مصلحتك مش حاتمشى ويطلبها ببجاحة ومابقتش فى الدرج من تحت الطرابيزة بقت فوق المكتب وعلنى قدام زملاءه وياما يتقاسموا فيها ياما شريف مش بيقدر يفتح بقه لانه الاضعف وعارف نهايته النقل او تلويث سمعته بقضية ملفقة فيأثر السلامة خوفا على لقمة عيشه

وده ماكثره فى مستنقع المحليات ومهندسى الاحياء المرتشين وكل المصالح الحكومية دون استثناء .

ابسط مثل كان الناس زمان اللى عنده عربية كان من الاعيان فكانت المواصلات العامة هى وسيلة معظم الناس لكن الصغير كان يقوم للكبير والرجال يجلسوا النساء دلوقت المرأة الحامل تقف على رجليها ولاحد يعبرها واحدة شايلة ابنها او رجل مسن مريض وانا مالى واللى عنده بقايا نخوة يعمل نايم عشان مايحرجش نفسه كل ده عشان الدم بقى بارد والدم ايه غير جينات .

اظن الصحافة فى مصر من مئات السنين لكن لم نسمع ان واحد ضرب ابوه او امه وطردهم من شقتهم ليستولى عليها ماسمعناش عن دور المسنين اللى اتملت بالعجزة وكبار السن اللى ولادهم تملصوا من مسؤليتهم ورموهم فيه او فى الشارع وتولاهم اهل الخير .

لمنكننسمع ان الراجل يقعد فى البيت ومراته ربنا يعفينا تسرح عليه وهو مغض طرفه لم نكننسسمع عن واحد قتل امه او غرز سكينة فى قلب ابوه . الحرامى زمان كان بيدارى واخره حلة او حبل غسيل دلوقت اقله مصنع او الاف الافدنة وبعدين هب تلاقيه فى (وكسة ) قصدى مجلس الشعب عشان الحصانة تحمى مصالحه .

اختى لاأعمم ولكن الشرف والنزاهة اصبحت حالات فردية والمعطوب فى السلة اصبح اكتر من السليم

الامراض المستعصية بتظهر وتتحور نتيجة خلل جينى كذلك الامراض الاخلاقية

[hanzalah]

طب ليه لما بنخرج خارج مصر

تاني يوم بنقف طابور وننخرط ف النظام الموجود عندهم بلا اي مشاكل

بل نحن من اقل الجنسيات اثارة للمشاكل في بلاد الاغتراب والهجرة !!

طب ليه بيحصل نوع من التفوق والنبوغ للمصري خارج بلده

والامثله على ذلك كثيرة

طب ليه نندمج في روح الفريق والعمل الجماعي والعمل التطوعي مع جنسيات من كل خلق الله لما بنكون خارج بلدنا

طب ليه لايوجد لدينا ثقة في قائد واحد نلتف جميعا حوله

طب ليه وجهاء مصر لم يختاروا واحد منهم ... بل اختاروا محمد علي - الغريب عنهم - والتفوا حوله

وبدأ بعضهم يضرب بعض زونب عند الوالي الجديد !!

طب ليه جمال حمدان مات محروق !!

[ذهبية]

طب ليه لما بنخرج خارج مصر

تاني يوم بنقف طابور وننخرط ف النظام الموجود عندهم بلا اي مشاكل

لانك رايح تشتغل و تقبض مرتب متاكد انك مش هتلاقى زية فى بلدك فتعمل المطلوب منك على اكمل وجة للمحافظة على الدخل اللى مش هتلاقى مقابلة

بل نحن من اقل الجنسيات اثارة للمشاكل في بلاد الاغتراب والهجرة !!

للحفاظ على لقمة العيش

طب ليه بيحصل نوع من التفوق والنبوغ للمصري خارج بلده

لتوافر الامكانيات و رؤس الاموال و الجو المناسب فى البيت و الشغل للاجتهاد على قد الشغل على قد التقدير

والامثله على ذلك كثيرة

طب ليه نندمج في روح الفريق والعمل الجماعي والعمل التطوعي مع جنسيات من كل خلق الله لما بنكون خارج بلدنا

لوجود الشفافية والتقدير

طب ليه لايوجد لدينا ثقة في قائد واحد نلتف جميعا حوله

لعد م ايمانا بنزاهتة و اعتبار دائما ان المصالح الشخصية تعم على العامة

طب ليه وجهاء مصر لم يختاروا واحد منهم ... بل اختاروا محمد علي - الغريب عنهم - والتفوا حوله

وبدأ بعضهم يضرب بعض زونب عند الوالي الجديد !!

لان محمد على جاء بافكار جديدة لصالح الشعب لم توجد من قبل فى مصر

طب ليه جمال حمدان مات محروق !!

يسال فيها الكيان الصهوينى اللى دائما لة يد فى اى عالم يكشف اكاذبهم و يهدد كيانهم

[hanzalah]

شكراً يا استاذه " ذهبية "

على تلك الاجابة " النموذجية "

:)

[قلب يريد العقل يستفيد]

و يعمل ايه القائد لو لقى كل فريقه من المرضى النفسيين ؟

الفريق كله بقى خامل نائم مستسلم غافل قانع

و فريق زي ده مش محتاج قائد

محتاج مقبره

لاء محتاج قائد يصحيهم من الى هما فية

قائد يعرفهم امكانياتهم الحقيقية ايه

قائد يقول انتم كدا ليه

ومين اللى عمل فيكم كدا

أنتم قادرين أنكم تعملوا أيه وايه وايه

عشان تبقوا أحسن

قائد يلم الشعب حوالية

فى مرة من المرات وانا راجع من الامتحان

كان فى راجل بيدهن مواسير على كوبرى

فجاءة سمعته بصوت عالى بيقول يا بلد مفكيش ولد يخلصك من الحرامية اللى فيكى دول

ضحكت وقولت اه يا بلد مش فيكى ولد

تم تعديل 17 يونيو 2010 بواسطة قلب يريد العقل يستفيد

[MZohairy]

يعني حضراتكم شايفين ان لو كان تم استبدال ايمن نور مثلا في عام 2005 بشخص مثل مصطفى كامل او سعد زغلول او احمد عرابي كان الوضع اتغير حاليا؟

ام كان سيوضع قبل اسم عرابي و كامل و زغلول لقب مسجون و خلص الفيلم؟

[قلب يريد العقل يستفيد]

أيوة بشرط التفاف الناس حوالية

أيمن نور لو كان قدر يقنع الناس أو الناس أمنت بيه

أنا مكنتش استبعد قيام ثورة

وعلى ذلك لو تم أستبداله باحدى الشخصيات السابق ذكرها فى مداخلة حضرتك

ايوة كان هيحصل ثورة

والوضع كان هيتغير

[Howayda Ismail]

يعني حضراتكم شايفين ان لو كان تم استبدال ايمن نور مثلا في عام 2005 بشخص مثل مصطفى كامل او سعد زغلول او احمد عرابي كان الوضع اتغير حاليا؟

ام كان سيوضع قبل اسم عرابي و كامل و زغلول لقب مسجون و خلص الفيلم؟

الاسماء الوارد ذكرها ماكنش همها منصب ولاكرسى ولا قرشين معونة زى ايمن نور وغيره اللى بيحوموا حوالين كرسى

وهتافات مزيفة المنصب ده عايز واحد مش بيسعى له بل الناس ترشحه وبلاش اقول اخترناك عشان زهقنا منها