أغرب حالات الطلاق

[فــيــروز]

في عام 1960م نشرت إحدى المجلات الأمريكية مقالا حول أسباب طلب الزوجات للطلاق في الولايات المتحدة

وهذه الأسباب مستقاة من سجلات المحاكم الأمريكية وهي :

1- إمرأة طلبت الطلاق من زوجها لأنه يعشق روايات الجرائم .. ويشغل معظم السهرات بإلقائها على الأرض كأنها جثه ليتمكن من تصور الأحوال التي حدثت فيها الجريمة التي يقرئها

2- وطلبت أخرى الطلاق لأن زوجها ظل يأكل البصل في السرير عشرين عاما . وقد وجدت أن هذه العادة منفرة ومزعجة

3- أحدهم طلق زوجته الرابعه وعمرها 106 سنوات .. لأن ميولهما غير متقاربة

4- أكل الزوج المكسرات في السرير.

5- عدم دعوة الزوج حماته إلى العشاء أبدا.

6- عدم استحمام الزوج طوال المدة التي عرفته زوجته فيها

7- إصرار الزوج أن ينام كلبه في الفراش نفسه الذي تشاركه فيه الزوجة

8- وخز الزوج زوجته بالدبوس لأن هذا يثير ضحكه mc(:

9- ضرب الزوج كلب زوجته دائما

10- إصرار بعض الأزواج على أن إبراهام لنكولن هو أعظم رئيس مر على الولايات المتحدة

منقول طبعا

تم تعديل 17 مايو 2004 بواسطة فــيــروز

[amir]

4- أكل الزوج المكسرات في السرير.

استر ياللى بتستر !!

[Lighthouse]

4- أكل الزوج المكسرات في السرير.

استر ياللى بتستر !!

ياعيني ياأمير

هو انت منهم ههههههههه

الحق نفسك بسرعة mc(:

[فــيــروز]

انا شخصيا معنديش اى مشاكل مع الموضوع ده arg::

بس على شرط

بالنص .. mfb: فيها لاخفيها

"المكسرات يعنى" و بشرط ان تتضمن الفزدق بالتاكيد taz::

وكمان ياكل من غير صوت عشان انا نومى خفيف مش هيعمل لنا بقى زى اسماعيل ياسين ويفضل يقزقز بصوت عالى و يرمى القشر عليا mc(:

[سقراط المصري]

وطلبت أخرى الطلاق لأن زوجها ظل يأكل البصل في السرير عشرين عاما . وقد وجدت أن هذه العادة منفرة ومزعجة

وهي الست دي اكتشفت دا بعد عشرين سنه فجأه ولا حد قالها.

[فــيــروز]

وطلبت أخرى الطلاق لأن زوجها ظل يأكل البصل في السرير عشرين عاما . وقد وجدت أن هذه العادة منفرة ومزعجة

وهي الست دي اكتشفت دا بعد عشرين سنه فجأه ولا حد قالها.

يعنى هى الحق عليها ان ادته فرصه تلو الاخرى وماخرطتوش للوز من اول راس بصل اكلها فى السرير mc(: يا ساتر مفيش حاجه تعجبكم ابدا

تم تعديل 17 مايو 2004 بواسطة فــيــروز

[سقراط المصري]

فعلاً يا فيروز هي ادته فرصه فعلاً بس باين عليها كانت فرصه بعجوه. mc(:

[فــيــروز]

فعلاً يا فيروز هي ادته فرصه فعلاً بس باين عليها كانت فرصه بعجوه. ups:

اكبر صح bk:

بس الظاهر العجوه كان فيها نوايه وقفت فى زوره mf(

كان راجل طيب mc(:

الحقيقه انا اكتر حاجه ضحكت عليها كانت الحاله الاولى

إمرأة طلبت الطلاق من زوجها لأنه يعشق روايات الجرائم .. ويشغل معظم السهرات بإلقائها على الأرض كأنها جثه ليتمكن من تصور الأحوال التي حدثت فيها الجريمة التي يقرئها

ولو انه يبدو زوج مسلى للغايه bk: .. بس مش معقول كل مره الضحيه تبقى الست وتضطر هى اللى تترمى على الارض عشان تمثل ده حتى له دلالات سيئه على تفكيره الباطنى .. مش كده بقى يا دكتور سقراط؟ تحليلك ايه للحاله دى؟ mfb:

تم تعديل 17 مايو 2004 بواسطة فــيــروز

[se_ Elsyed]

- إمرأة طلبت الطلاق من زوجها لأنه يعشق روايات الجرائم .. ويشغل معظم السهرات بإلقائها على الأرض كأنها جثه ليتمكن من تصور الأحوال التي حدثت فيها الجريمة التي يقرئها

طب ما يمكن الراجل معذور ياخوانا وبيشتغل مثلاً طبيب شرعي فبدل ماهو قاعد في البيت بيتفرج على التليفزيون بيحب يراجع دروسه عملي .

2- وطلبت أخرى الطلاق لأن زوجها ظل يأكل البصل في السرير عشرين عاما . وقد وجدت أن هذه العادة منفرة ومزعجة

أهي دي بقى تلاكيك فارغة ، يعني اللي خلاها تصبر 20 سنة ، ماتصبر كمان الكام سنة اللي فاضلين في عمر الراجل.

3- أحدهم طلق زوجته الرابعه وعمرها 106 سنوات .. لأن ميولهما غير متقاربة

ممكن الزوج يكون عنده 90 سنة يعني لسه مراهق بالنسبة لها فعشان كده مش قادرين يفهموا بعض ،

4- أكل الزوج المكسرات في السرير.

ودي فيها إيه دي كمان ؟ هي ممكن تكون مشكلة لو بياكل المكسرات وبيرمي القشر في قفاها .. كده بقى قفاها هايستحمل إيه ولا إيه

5- عدم دعوة الزوج حماته إلى العشاء أبدا.

أظن مش ممكن البني آدم ياكل ويبقى قاعد قدامه شخص مش طايقه ... ده حتى اللقمه ماتنزلش .

6- عدم استحمام الزوج طوال المدة التي عرفته زوجته فيها 

ده بقى إفترا وظلم .. فرضاً فرضاً الزوجين لسه مايعرفوش بعض غير من يومين بس .. تقوم هي تتبلى عليه وتقول قدام المحكمة إنه طوال فترة زواجهم ماستحماش ..

7- إصرار الزوج أن ينام كلبه في الفراش نفسه الذي تشاركه فيه الزوجة

ده بقى زوج إبن شحيبر صحيح ، وممكن الزوجة هي كمان تجيب المعزة اللي مربياها فوق السطح وتنيمها في السرير وبكده لا يبقى لا يفل الحديد إلا المعيز .

8- وخز الزوج زوجته بالدبوس لأن هذا يثير ضحكه 

لأ مالوش حق إنه يشُك فيها بالطريقة دي .

9- ضرب الزوج كلب زوجته دائما 

وله الحق إنه يديله بالشوز كمان .. هو الحب بالعافية .

10- إصرار بعض الأزواج على أن إبراهام لنكولن هو أعظم رئيس مر على الولايات المتحدة

حتى في دي كمان الحريم عايزين يحشروا مناخيرهم فيها .. واحد بيحب لينكولن .. هي إيه مضايقها في كده .

- سيبك إنت الخلع حل جميع هذه مشاكل .. ولا تقوليلي كلاب بتنام في السريري ولا بيجرح أحاسيس الكلب ..

[فــيــروز]

طب ما يمكن الراجل معذور ياخوانا وبيشتغل مثلاً طبيب شرعي فبدل ماهو قاعد في البيت بيتفرج على التليفزيون بيحب يراجع دروسه عملي

وليه ماتقولش انه بيحلم باليوم اللى تبقى فيه جثه هامده ومش طايق نفسه وعمال يعمل بروفات على المشهد mfb:

أهي دي بقى تلاكيك فارغة ، يعني اللي خلاها تصبر 20 سنة ، ماتصبر كمان الكام سنة اللي فاضلين في عمر الراجل.

يا ساتر يا رب

انا اصلا مش عارفه الست دى عشات عشرين سنه كده ازاى

وجاى تقول لى تستحمل كمان كام سنه !! ايه الجبروت ده !!

هو فيه حد ياكل بصل اصلا فى السرير الا اذا كان عاوز يطهقها فى عيشتها !! بصل ايه ده اللى يتاكل فى السرير

ممكن الزوج يكون عنده 90 سنة يعني لسه مراهق بالنسبة لها فعشان كده مش قادرين يفهموا بعض ،

من حقه فعلا يخاف على نفسه من الفته .. قصدى الفتنه

ودي فيها إيه دي كمان ؟ هي ممكن تكون مشكلة لو بياكل المكسرات وبيرمي القشر في قفاها .. كده بقى قفاها هايستحمل إيه ولا إيه

ما هو لو بيشترى مكسرات متقشره كان ريحنا من النقاش العلمى الساخن ده .. بس شكله كان بخيل .. bk:

أظن مش ممكن البني آدم ياكل ويبقى قاعد قدامه شخص مش طايقه ... ده حتى اللقمه ماتنزلش .

ومين اللى قال له يقعد يتعشى مع حماته؟ bk: كفايه يعزمها فى البيت و يتكل على الله يقعد على القهوه ويلعب عشره كوتشينه

ده بقى إفترا وظلم .. فرضاً فرضاً الزوجين لسه مايعرفوش بعض غير من يومين بس .. تقوم هي تتبلى عليه وتقول قدام المحكمة إنه طوال فترة زواجهم ماستحماش

تتبلى ايه بس ده هو اللى عاوز يتبل و يتنقع كمان ups:

ده بقى زوج إبن شحيبر صحيح ، وممكن الزوجة هي كمان تجيب المعزة اللي مربياها فوق السطح وتنيمها في السرير وبكده لا يبقى لا يفل الحديد إلا المعيز .

طول عمرك حقانى يا س.س. mf(

لأ مالوش حق إنه يشُك فيها بالطريقة دي .

أنظر الرد السابق mc(:

وله الحق إنه يديله بالشوز كمان .. هو الحب بالعافية

أسحب ردى السابق :)

حتى في دي كمان الحريم عايزين يحشروا مناخيرهم فيها .. واحد بيحب لينكولن .. هي إيه مضايقها في كده .

مش يمكن لينكولن ده كان زوج المرحومه مامتها وكان بيعاملها وحش؟ مش لازم تدى الست عذرها !!

تم تعديل 17 مايو 2004 بواسطة فــيــروز

[سيد كبريتة]

موضوع ظريف جدا يا فيروز والتعليقات عليه أظرف خاصة تعليقات سي السيد

بس فيه شيء بسيط جدا ينقصه

إن 80% من دعاوى الطلاق في الولايات المتحدة الأمريكية يرفعها الأزواج وليس الزوجات، وإليكي جانبا من الأسباب الشهيرة لطلب الأزواج للطلاق من ازواجهم في أميركا حسب اهميتها :

1 - وجود اطفال صغار في المنزل.

2 - الخلافات بين الزوجة وكلب الزوج.

3 - زيادة وزن الزوجة عن 60 كجم.

4 - غيرة الزوجة من صديقات الزوج.

5 - توقف الزوجة عن العمل.