اعمل ايه ...فى البيليسيه؟؟؟

[قلب ابيض]

نخش فى الموضوع

كعاده اى ام فى الدنيا بتجهز بنوتتها تشترى وتعبى وتشييل لليوم الموعود

المشكله تتلخص فى انى اشتريت فساتين سواريه تتميز بالبيليسيه " القماش ستان " واثناء نقلها فى الشنط طبعا من فتره مش كبيره ولكنها مطبقه فى الشنط

اصبح البيليسيه مكسر ومش واخد شكله المعروف ...

السؤال : ازاى يرجع زى ماكان ؟

طبعا المكواه ماتنفعش لانه كله كسر " بضم الكاف"

هل فى مكان او طريقه لارجاعه على اصله ؟

افيدونى افادكم الله ولا تبخلوا على بالرد " اخوكو مسنووووووء"

لا احرمنى الله منكم :blink:

[doha]

جربي المكواه البخار الي بيبقى لها خرطوم وشكلها زي المكنسة الكهربائية

دي احد انواعها

بعلقي الفستان على الشماعه وتكويه بيها هيطلع جديد خالص ولا هتتاثر الكسر الي فيه

المكواه دي ممتازه لقمصان النوم والستاير واي حاجه خفيفه ممكن تنحرق بالمكواه العاديه .. لومش عندك هاتيها وهتبقى حلوة في جهاز البنت برضه ..

الف مبروك مقدما..

[fatfouta]

حمد لله عالسلامة يا القلب الابيض يا ختى وحشتينى

بصى اقلبيه على ضهرة وافردية بمنتهى الحرص وشغلى المكوة على درجة خفيفة وبعدين دوسى عليه بالمكواه

ان شاء الله هتلاقيه اتفرد بس خدى بالك جداااا من درجة حرارة المكواة واوعى تعليها

او اقولك استنى اما اجيلك بقى :blink:

ربنا يتمم بخير يارب

[ذهبية]

حمد الله على السلامة يا قلب ابيض

انا راى انك تروحى لبتوع البليسية نفسهم

فية ناس بيشتغلوا فية فى محلات اللى بتبيع حاجات الخياطة

هتلاقى ناس هناك بتعمل بليسية

يعنى اية بتعملة يعنى لو عندك حتة قماش و لكى مزاج نعمليها بلسية هما بيعملوها ليكى

لو روحتى لهم بيتهايلى ممكن يفدوكى حتى لو حبيبتى تعيدى علية من تانى

انتى روحى و اساليهم و دى شغلتهم اصلا

[myusername]

و لو انى مش عارف يعنى ايه بيليسيه؟ بس انا داخل اقول ألف مبروك.. و يا رب ايامكم كلها تكون فرح باذن الله...

ما تجربى مكوه رجل؟ :blink:

تم تعديل 24 يونيو 2010 بواسطة myusername

[قلب ابيض]

جربي المكواه البخار الي بيبقى لها خرطوم وشكلها زي المكنسة الكهربائية

دي احد انواعها

بعلقي الفستان على الشماعه وتكويه بيها هيطلع جديد خالص ولا هتتاثر الكسر الي فيه

المكواه دي ممتازه لقمصان النوم والستاير واي حاجه خفيفه ممكن تنحرق بالمكواه العاديه .. لومش عندك هاتيها وهتبقى حلوة في جهاز البنت برضه ..

الف مبروك مقدما..

ضحا .....ازيك يا دوك

انا فعلا عندى المكواه دى باستعملها للستاير والجاكتات وتقريبا كل شىء وجربتها فعلا فى البليسيه قبل كده بس بتفرد الكسر مش بتأكد عليها

مشكووووره يا ضحا على اهتمامك

حمد لله عالسلامة يا القلب الابيض يا ختى وحشتينى

بصى اقلبيه على ضهرة وافردية بمنتهى الحرص وشغلى المكوة على درجة خفيفة وبعدين دوسى عليه بالمكواه

ان شاء الله هتلاقيه اتفرد بس خدى بالك جداااا من درجة حرارة المكواة واوعى تعليها

او اقولك استنى اما اجيلك بقى wst::

ربنا يتمم بخير يارب

هاجرب يا فتفت ولو باظ اكيييييييييييييد هاستناكى wst::

وحشتينى يا ام محمد اوى

[قلب ابيض]

حمد الله على السلامة يا قلب ابيض

انا راى انك تروحى لبتوع البليسية نفسهم

فية ناس بيشتغلوا فية فى محلات اللى بتبيع حاجات الخياطة

هتلاقى ناس هناك بتعمل بليسية

يعنى اية بتعملة يعنى لو عندك حتة قماش و لكى مزاج نعمليها بلسية هما بيعملوها ليكى

لو روحتى لهم بيتهايلى ممكن يفدوكى حتى لو حبيبتى تعيدى علية من تانى

انتى روحى و اساليهم و دى شغلتهم اصلا

ذهوبه كيفك يا ياست الكل عامله ايه؟

ما هو انا عاوزه اعرف النقطه دى بالذات مين وفين؟؟

انا فعلا ببقى تايهه هنا ومش عارفه حاجه

هاحاول واجرب واقولكم 0000بس كان نفسى يكون فى طريقه مفتكسه كده اعملها فى البيت

تسلموا يا رب وماتحرمش منكم ابدا

يوزرررررر

تصدق جبت التايهه يا يا يوز!!!!

احنا نديها مكوه رجل ونعمله ملايه لف احسن بلا وجع دماغ ياراجل

الله يبارك فى عمرك يارب wst::

[doha]

خلاص طالما جربتي المكواه البخار ومنفعتش يبقى مقدامكيش غير حل سهل .. انتي خذي واحد منهم وابعتيه للمكوجي دي شغلته وهيعرف يتصرف هيمشي عليهم بالمكواه كسر كسر لغايه مايفرده كويس بدون مايبوظ التكسير الي فيه وياخذ الي ياخذه بقى مش مشكلة

لو نفعت الحكايه ابعتي له بقية الفساتين وريحي دماغك . .

ملاحظه : انا كنت بشوف عند بتوع ادوات التفصيل ورق مكسر معمول زي المروحه الي بنلعب بيها زمان وسالت ايه ده قالوا ده ورق للبليسيه معرفش هل بيعملوا بيه القماشه من الاساس بليسيه ولا ممكن نستخدمه في الكوي كمان .. اسألي كده عند بتوع الخردوات لو مريتي عليهم بالصدفة ممكن يفيدوكي في الحكايه دي ويكون الورق ده هو الحل ..

[بركة]

معلش الحته دي بتاعتي wst::

الورق اللي بتقولي عليه المكسر ده يا ضحى بيبقى ورق كان ناتج خلاص عن عملية الكبس البليسية

يعني ايه: يعني اولا كبس البليسية ده بتبقى حتة قماش عندك مش بلوزة مش جيبة قماااااش فقط ..

ثانيا : يوضع القماش بين فرخين ورق لحمايته من مكبس البليسية الشديد الحرارة وبعد كبس البليسية بالمكبس

بيطلع القماش مكسر جوا فرخين الورق السابق ذكرهم ..

ثالثا : ما ينفعش اطلاقا ان احنا نكبس قماش مكبوس بليسية قبل كده خالص يعني بتوع المكبس ماينفعش يحطوا

الفستان يتكبس تاني ياجميل لانه لازم يتكبس وهو جديد و قماش مش متفصل اي حاجة

رابعا : المكواة البخار هتخليه شبة انبوبة البوتاجاز يعني منفوخ مش بليسية

خامسا : مافيش قدامك يا قلب الا انك تشوفي مكوجي شاطر وتودي الفساتين عنده ولو ماتعرفيش

انا اعرف واحد ممتاز في مصر الجديدة لا أأتمن احد غيره الصراحة عملت عنده سواريهات واقمشة حساسة كتير

انا مش عارفة انت فين في مصر حاليا لو ينفع بالنسبة لك مصر الجديدة هوصفهولك ..

[صافى]

معلش الحته دي بتاعتي

الورق اللي بتقولي عليه المكسر ده يا ضحى بيبقى ورق كان ناتج خلاص عن عملية الكبس البليسية

يعني ايه: يعني اولا كبس البليسية ده بتبقى حتة قماش عندك مش بلوزة مش جيبة قماااااش فقط ..

ثانيا : يوضع القماش بين فرخين ورق لحمايته من مكبس البليسية الشديد الحرارة وبعد كبس البليسية بالمكبس

بيطلع القماش مكسر جوا فرخين الورق السابق ذكرهم ..

ثالثا : ما ينفعش اطلاقا ان احنا نكبس قماش مكبوس بليسية قبل كده خالص يعني بتوع المكبس ماينفعش يحطوا

الفستان يتكبس تاني ياجميل لانه لازم يتكبس وهو جديد و قماش مش متفصل اي حا

حمدا للة على السلامة والف مبروك هو فعلا احسن شى زى ما الاخوة قالو المكوجى ويكون شاطر فعلا زى ما قالت بركة انا كان عندى زمان جيب بليسية وكنت بودية للمكوجى على طول يرجع كانة جديد ولسة معمول بلتوفيق ان شاء اللة wst::

[قلب ابيض]

بركه يا بركه

لافينى بالعنوان عالخاص 0000" عشان الاعلانات ممنوعه هنا" :D

صافى .... تسلمى على المعلومه الجميله دى :rolleyes: والله يبارك فى عمرك يارب

[صافى]

بركه يا بركه

لافينى بالعنوان عالخاص 0000" عشان الاعلانات ممنوعه هنا" :lol:

صافى .... تسلمى على المعلومه الجميله دى والله يبارك فى عمرك يارب

ربنا يبارك لنا فى عمرك انتى يا امو القلب الابيض :unsure: :)

[hazemtara]

و لو انى مش عارف يعنى ايه بيليسيه؟؟!! بس انا داخل اقول ألف مبروك.. و يا رب ايامكم كلها تكون فرح باذن الله...

ماتجربى مكوة رجل؟ :)

:unsure: :lol: :lol: :lol: ههههههههههههههههههههههههه.

الله يجازيك خير جيبت التايه فعلاً

[doha]

و لو انى مش عارف يعنى ايه بيليسيه؟؟!! بس انا داخل اقول ألف مبروك.. و يا رب ايامكم كلها تكون فرح باذن الله...

ماتجربى مكوة رجل؟ :)

:unsure: :lol: :lol: :lol: ههههههههههههههههههههههههه.

الله يجازيك خير جيبت التايه فعلاً

بس كده .. ده شكله عامل معضله .. طيب اتفضل ياسيدي ..

البليسيه نوع من القماش اللماع زي الستان كده او الحرير بيتكسر كسر كتير جنب بعضها فيطلع شكله اجمل وبتستغل القماش ده بعد كده في عمل فساتين السهرات وماشابه

ودي صورة من على النت لقماشه بليسيه

[بركة]

كلمة بليسية تعني مكسر

وممكن يتعمل في اي نوع قماش

حتى الصوف :rolleyes: