انت في دولة عربية

[pink rose]

دولة عربية

اقراها بدون نقاش ...أنت في دوله عربيه‏

عندما تمتلئ (المقاهي) بالشباب .... وتشكوا المكتبات من الغياب..

ابتسم .....أنت في دولة عربية

ـــــــــــــــــ...

عندما يستضيفون (راقصة) لتتحدث عن (تحرير) فلسطين ....

ابتسم .....أنت في دولة عربية

ـــــــــــــــــ...

عندما تدرس الابتدائي 6 سنوات .. والإعدادي 3 سنوات ومثلها المرحلة الثانوية .. وأربع سنين في الجامعة أو خمسة .. لتعمل بعدها في سوق الخضار ...

ابتسم ....أنت في دولة عربية

ـــــــــــــــــ...

عندما يكون هناك ستة ملايين (عامل) أجنبي .. وثلاثة ملايين (عاطل عربي) .

ابتسم ....أنت في دولة عربية

ـــــــــــــــــ...

عندما تقوم من النوم لتجد في هاتفك المحمول رسائل ليس لها أي معنى .....

ابتسم ....أنت في دولة عربية

ـــــــــــــــــ...

عندما تكون هناك (خمسة عشرة) مجلة تهتم بـ (الشعر الشعبي( ولاتكون هناك مجلة واحدة أو (نشرة) تهتم بالأمور العلمية ...

ابتسم ....أنت في دولة عربية

ـــــــــــــــــ...

عندما تذهب إلى تلك المنطقة في بلدك .. فلا تجد منهم من يتحدث العربية وتظن أنك تعديت الحدود حتى وصلت إلى (دكا)...لا تستغرب .... أنت في أسواق إحدى دول الخليج حيث كل البائعين أجانب

ابتسم ...أنت في دولة عربية

ـــــــــــــــــ...

عندما (تضحك(عليك شركة الاتصالات في بلدك و(تشفط) كل اللي في جيوبك ..

ابتسم ....أنت في دولة عربية

ـــــــــــــــــ...

عندما تقود(سيارتك الأمريكية) وتأكل (الهمبورجر) وتشرب)البيبسى) ثم تطالب بمقاطعة المنتجات الأمريكية .....

ابتسم .....أنت في دولة عربية

ـــــــــــــــــ...

عندما لا تحصل على الترقية في عملك إلا (بواسطة) ولا تجيب تقدير في الجامعة إلا (بواسطة) ولا تجد الوظيفة إلا (بواسطة) ولا تنتقل إلا (بواسطة) ولا تحصل على (حقوقك إلا بواسطة .(

ابتسم ....أنت في دولة عربية

ـــــــــــــــــ...

عندما تدخل المنتديات و تتحدث مع رجل يستعمل الإنترنت باسم (بنت)

ابتسم ....أنت في دولة عربية

ـــــــــــــــــ...

عندما ترى لافتات مكتوب عليها ( أنقذ غزة ) بدولة منتجة للنفط ومن أغنى دول العالم وينتظرون منك المساعدة ،

فإبتسم فأنت أكيد عربي .....وتعيش بدولة عربية

-----------------...

عندما تصلي الجمعة وتكون الخطبة عن كيفية الوضوء الصحيح ،

بوقت تكون فيه الدبابات الإسرائيلية تسحق عظام طفلة فلسطينية

وعندما يتم إلغاء حفلة لشاكيرة وأليسا تضامنا مع أطفال غزة

ابتسم ...لأنك عربي عايش في دولة عربية

-----------------...

عندما ترى هوجو شافيز يقطع علاقته مع اسرائيل ويطرد سفيرها تضامنا مع فلسطين

وبلدك المحاذ لأسرائيل مازال سفيرهم يحكمها !

انتحر فأنت في دوله عربية.

-----------------...

عندما تمسك جريدة وتجد أنك تقرأ خبرا يهاجم فيه المجلود ويلتمس فيه عذرا للجلاد ،

فأنت تقرأ جريدة عربية

______________

وأخيرا

إذا وصلك هذا الإيميل وشعرت بالرهبة وأنت تقرأه وخشيت من إعادة إرساله ،

فإبتسم فأنت أكيد عربي .....وتعيش بدولة عربية

[بركة]

شكرا ياريمو

افضفض

عندما تجد مدير شركة يقولك اسفين مش هنعينك انت اوفر كواليفايد ...

ابتسم فانت في دولة عربية

عندما يتحكم فيك كفيل

ابتسم فأنت في دولة عربية

عندما تمرض او يمرض عزيز لديك ..

وعشان يتعالج في مكان آدمي تخلص عليه كل فلوسك وفلوس اللي جابوك

ابتسم فأنت في دولة عربية

عندما تـاكل حاجات وتتعالج بحاجات مصنوعة بغير معايير الصحة العالمية

ابتسم فأنت في دولة عربية

عندما يوضع الخبز على التراب والاحذية في السلوفان

ابتسم فانت في دولة عربية

عندما تشرب مياة تجيبلك فشل كلوي

ابتسم فأنت في دولة عربية

عندما تكون رخيص اوي ودمك ما يسواش

لا تبتسم ..انت في دولة عربية

[doha]

ولما تلاقي ناس احترفت جلد الذات واستعذبت التفتيش عن العيوب وابرازها بحجه الاصلاح وترك مهمه الحديث عن الايجابيات لاي حد تاني غيرهم على اساس اننا مش فاضيين احنا بس نقول القرف والانحراف فين ونبروزه ونعزوا اسبابه بعد كده مش لخلل طاريء او سلوك ومنهج غلط وانما لعيب ( في السلاله ) الي انحدرنا منها فساعتها بس متبتسمش وتقول انك في دولة عربية وانما الطم وصوت انك فيها ..

[pink rose]

افضفض انا كمان معاكي يا بركة

عندما تذهب لمستشفى بمريض في حالة حرجة و يرفضوا يدخلوه من باب المستشفى بحجة انهم مش عاوزيين يزودا عدد الوفيات عندهم

الطم على وشك انت في دولة عربية

عملوا كده في جدى الله يرحمه رحمة واسعة رفضوا يدخلوه من الباب رفضوا مجرد محاولة انقاذه قال عشان دا خلاص بيودع ما ينفعش نقبله ما ينفعش نزود عدد الوفيات

[عنبو]

عندما بكون عندك مناسبه وتلاقى الناس كلها حواليك ابتسم انت فى دوله عربيه

عندما تعطس تلاقى الناس بتقولك يرحمك الله ابتسم انت فى دوله عربيه

عندما تجد شىء من الحياء ابتسم انت فى دوله عربيه

عندما تجد منظر الناس بعد انتهائهم من صلاة الجمعه ابتسم انت فى دوله عربيه

عندما تجد سواق التاكسى يقفل التسجيل لما يسمع الاذان ابتسم انت فى دوله عربيه

عندما تجد روح وموده بين الناس ابتسم انت فى دوله عربيه

عندما تجد الرجال يغيرون على نسائهم ابتسم انت فى دوله عربيه

عندما تجد فرق بين معاملة الرجال والنساء فابتسم انت فى دوله عربيه

عنبو فى دوله عربيه

[hanzalah]

عندما لاتسمع صت الآذان (حي على الفلاح) لسنوات

ابكي .. انت لست في دوله عربية

عندما يموت ابوك وتجد مئات ومئات يتزاحمون لحمل جثمانه و اكرامه ودفنه والدعاء له ..

ابتسم .. انت في بلدك .. وقريتك .. ومدينتك العربية ..

عندما يجد طفلك عم وخال ويقول ابن عمتي وبنت خالتي

افرح .. انت وسط اهلك .. انت في بلدك العربية

عندما تتقيء من التلفزيون والصحافة الحكومية أو من برامج مفيد فوزي

ابتسم

واترك عينيك تلمع

بذلك البريق الذي يميز المصري الذي يعلو فوق كل مشاكله وهمومه .. بابتسامه

فعلا ابتسم

انت في مصر

انت مصري يعيش في بلده ..

ولن يتركها تضيع بسبب مولانا الخديوي المعظم وانجاله !!

ازرع عيالك في طين بلدك

ولا تترك الفساد يزرع فيك اليأس .. أبداً

انت عربي يعيش في دولة عربيه

[اغابي]

ميرسي يا ريمو على الموضوع

مع انه فعلا بيوجع القلب -

ولازم نتكلم عن السلبيات لانها كتير

وياريت نبقى واقعيين بلاش تفاؤل اوى يا جماعة - خلونا نتكلم الحقيقة شوية

احب اضيف حاجة مهمة حصلت :

لما المدرسة تجريبي ويقولولك احنا ما عندناش عقاب الضرب للاطفال ويجيلك ابنك فى اول اسبوع دراسى وهو بيتضرب عادى .

ويرجعوا يقولولك داه عقاب خفيف - هو داه اسمه ضرب - ما هو مش حنقدر نمنع الضرب بتاتا يعنى

ولما ابنك يجيلك ويحكيلك انه اتفادى ضربة المسطرة المعدن من المدرس المحترم لان المدرس كان حيضربه بيها على دماغه

راحت فوتت وجات الضربة فى تورلى شنطتة بالصدفة البحتة و ترولى الشنطة اتكسر على قطعتين رغم انه معدن ما بالك بدماغ الولد

كان ايه ممكن يجرا فيها لو كانت الضربة جات فى دماغه يعنى - يبقى احنا فى دولة عربية . .

ملحوظة : الولد يبقى ابن اختى وعمره 7 سنين مع انهم ماكدين ان ما عندهمش حاجة اسمها العقاب بالضرب فى المدرسة

اغابي

[mekkawy]

السلام عليكم كدة

و من اعتزازي اليومي المتزايد بإسلامي ... ثم عربيتي .. ثم مصريتي ... فأقول

عندما تحزن و تخرج من حزنك بلمسة يد طفل صغير ... فانت في دولة عربية

عندما لا تجد مكان تشكو فيه همك و تسمع آذان الفجر فتهرع إلى المسجد .. فأنت في دولة عربية

حينما تترك اولادك يلعبون بالشارع ولا تخشى عليهم .. فانت في دولة عربية

حينما تكف عن العويل و الولولة و تعتمد على الله ثم على نفسك و تجد وظيفة .. فانت في دولة عربية

عندما تشعر بالروح في كل شئ حتى في علبة التونة التي تأكلها .. فانت في دولة عربية

حينما تجد الناس تضحك بدون داعي و تبتسم في وجهك و يقدموك على أنفسهم في الدخول و الخروج و ما إلى ذلك .. فانت في دولة عربية

عندما تمشي زوجتك محترمة معززة مكرمة بلا سفور و تجد كل احترام لها في الشارع .. فأنت في دولة عربية

حينما تذهب ابنتك للمدرسة بالحجاب و تعود به .. فانت في دولة عربية

حينما يفوز ابنك بالمركز الأول في مسابقة القرآن الكريم بمسجد الحي .. فانت في دولة عربية

حينما ترفع سماعة الهاتف و تتنهد قائلاً (وحشتيني ياما) .. ثم تجدها على بابك تحتضنك بدفئ .. فأنت في دولة عربية

عندما تتصل بأصحابك و تجدهم (تيت تيت تيت ) تحت بيتك بكل حب و مرح و شقاوة .. فانت في دولة عربية

حينما ترى عجوز يسعى على أولاده بكل الرضا و الحب و التفائل .. فانت في دولة عربية

عندما تعاين كل ما سبق .. فانت في دولة عربية .. اسمها ... مصر

مكاوى

[herohero]

لماذا افترضنا ان هذه السلبيات مش موجوده فقط الا ف الدول العربية ارى ان ماذكرناه من ايجابيات وسلبيات هو ليس حكرا على العالم العربي لكن ما اجزم انه حكر ع العالم العربي

هو عندما ترى اهل الثقه يتولون المناصب ويتركون اهل الكفاءات ...... فانت ف بلد عربي .......

عندما ترى العلماء لايقيمون ونقيم من يلعب بقدمه لا من يلعب بعقله اذا انت في بلد عربي....

عندما يهرب من الخدمة الالزامية (التجنيد) شاب سليم ومعافى ويهرب من ادء واجب الوطن ونجد هناك لوحه كبيرة على كوبري اكتوبر يبقى انت اكيد في بلد عربي

عندما تجد الجهل هو سيد الموقف وهو المتحكم في شئون الحياة يبقى انت اكيد في بلد عربي

اظن ان هذه الصفات حكر ع الدول العربية

[ذهبية]

لما اللى يضرب وكيل نيابة يدخل السجن خمس سنين والى يموت بنى ادم يخر ج براءة

لما يدخل الجامع يصبح ارهابى و اللى يدخل انتر نت كافية يصبح تاجر مخدارت

لما اللى يقول لا ينسحل و يتعذب و الى يقول اة يعلى و يوصل

لما تتفتح قناة اسلامية تدعو لدين الله يتقفل من لوبى يهودى و لما تتفتح قناة تدعو للرزيلة يزادد عليها الاقبال

لما يعملوا حفلات للشباب داخل الجامعات من رقصات و مغنين و لما تتمنع ندوات دينية لدواعى امنية

لما تصبح اكبر دولة مستهلكة للملابس و الموبيلات على مستوى الشرق الاوسط

لما يذهب زمن مصطفى كامل و طلعت حرب واحمد عرابى و يجى مكانهم احمد عز

لما تتحكم دولة من شخص واحد اكتر من تلاتين سنة

ابتسم جدااااا جداا انت فى مصر

[pink rose]

تفتكر يا استاذ حنظلة بعد اللي حصل لخالد لسا في حد عنده استعداد يفكر كده؟ :rolleyes:

انت مصري يعيش في بلده ..

ولن يتركها تضيع بسبب مولانا الخديوي المعظم وانجاله !!

ازرع عيالك في طين بلدك

ولا تترك الفساد يزرع فيك اليأس .. أبداً

[pink rose]

لما يبقى المبلغ المصروف على مساحيق التجميل 2 مليار دولار في السنة

و المبلغ المخصص للبحث العلمي في نفس البلد ب 600 مليون

صوت و لم الناس انت في بلد عربي :rolleyes:

[kitkat]

السلام عليكم كدة

حينما تترك اولادك يلعبون بالشارع ولا تخشى عليهم .. فانت في دولة عربية

حينما تكف عن العويل و الولولة و تعتمد على الله ثم على نفسك و تجد وظيفة .. فانت في دولة عربية

حينما تجد الناس تضحك بدون داعي و تبتسم في وجهك و يقدموك على أنفسهم في الدخول و الخروج و ما إلى ذلك .. فانت في دولة عربية

عندما تمشي زوجتك محترمة معززة مكرمة بلا سفور و تجد كل احترام لها في الشارع .. فأنت في دولة عربية

ة

وعليكم السلام يا حاج

مبروك العمرة وعقبال الحج ان شاء الله :)

عندما تعاين كل ما سبق .. فانت في دولة عربية .. اسمها ... مصر

مكاوى

ميكو أخبارك ايه ؟

انا مش بأبص عن طريق نفس النظارة السوداء الي البعض بينظروا منها ولكن ،،،،،

وسعت منك شوية يا برنس :ninja:

أحد أقاربي كان ساكن في مدينة الشروق ، فوجئت بيه بيطلع ولاده البيت من قبل المغرب (أطفال)

ليه يابني الخنقة دي ؟

أصل حصلت أكتر من حادثة اغتصاب للأطفال ، بيخطفوا الأطفال ويغتصوبهم فوق أسطح العمارات !!!!!!!!!1

مش بأقلك وسعت منك يا برنس ؟؟؟

صديق أعرفه بيشتغل في أحد المطاعم ، مدير وكان بيمر فلاحظ زباين بيزعقوا للجارسون وبيقلوا ادبهم راح قالهم ان الكلام ده مايصحش

خطفوه في سيارة سوداء من غير لوحات

سلملي علي التفائل يا عم الحاج

ذهبية ،،،، انتي فعلا ذهبية !!!

علي فكرة بكل أمانة وصدق مع النفس ومع حضراتكم ، السعودية أفضل من مصر ، بالرغم من حبي لبلدي لكن هأكدب يعني ولا ايه ؟! :rolleyes:

مبروك صناعة السيارة الجديدة غزال 1 يا سعودية وعقبال بلدنا ( أخر مشروع الترامكو ايه صحيح يا عم المتفائل ) ؟ هأو :P

ربنا يصلح الحال

[mekkawy]

تفتكر يا استاذ حنظلة بعد اللي حصل لخالد لسا في حد عنده استعداد يفكر كده؟ :rolleyes:

كتير يا فندم و كتير جداً

أيوة .. بلدنا و مش هنسيبها .. هنروح فين ؟ هي في الآخر بلدنا مهما كان فيها من زفت و ظلم .. اسف

مكاوى

[mekkawy]

علي فكرة بكل أمانة وصدق مع النفس ومع حضراتكم ، السعودية أفضل من مصر ، بالرغم من حبي لبلدي لكن هأكدب يعني ولا ايه ؟! :rolleyes:

ربنا يصلح الحال

أوس حبيب قلبي

إزيك و إزي عرعر على حسك

شوف يا أوس .. دي بأة أكبر كدبة حصلت في التاريخ .. شوف كل المحاوراية اللي هنا و اعمل استفتاء السعودية أحسن ولا مصر .. الاجابة واحدة و معروفة .. مصر

يا باشا مفيش مقارنة أصلاً و بلاش نحول دفة الموضوع .. بس الأمر ده منتهي و محسوم من قديم الأزل .. و سؤال واحد يكفي

أمال إحنا بنرجع بلدنا ليه بعد طول سنين الغربة ؟

مكاوى

[رضوي]

عندما تكون في قمة ضيقك وحزنك وتجد أصدقاؤك بجوراك يحاولون التهوين عليك

فابتسم انت في بلد عربي

عندما تجد الأحبة علي الرغم من بعدهم عنك الا انهم قريبون جداً منك

فابتسم انت في بلد عربي

عندما تذهب في الصباح الباكر قاصداً عملك وتمشي طريقك اليومي ......... وتمر علي بائعة الجرائد لتجدها مهتمة بجريدتك اليومية وتلقي عليك السلام المعتاد والدعاء اليومي (يسعد صباحك ياحبيبتي ربنا ينور ايامك ويسهلك امورك ) فابتسم انت في بلد عربي

عندما تشعر بغربتك في مكان عملك أو دراستك .......... وحينما تمر بأزمة أو مشكلة تجد كل من حولك يشاطرك أحزانك

فابتسم انت في بلد عربي

عندما تتسابق أنت واصدقاؤك ........ من منكم من سيوقظ الآخرون اليوم لصلاه الفجر

وتجد هاتفك يومياً قرب صلاه الفجر يصيح عالياً ........ ومهما تقول ........ ياعيال خلاص والله صحيت واتوضيت ...... مافيش فايدة

فابتسم انت في بلد عربي

عندما لايصبح للعيد معني الا بلمة العائلة .......... والاتصال بالمغتربين من العائلة صباح يوم العيد

فابتسم انت في بلد عربي

ياجماعة ........... صحيح بنعاني من سلبيات لاتعد ولاتحصي ..........بس عندنا ايجابيات استحالة نلاقيها في اي مكان تاني

اتحدي اي حد يقدر يجيبلي انسان بيحصله اللي بيحصلنا وبيشوف اللي بنشوفه كل يوم من احباطات والم .......... ويصحي كل يوم مبتسم ...... ويتفنن في رسم الضحكة الحلوة علي وجهه ووجه من حوله حتي ولو بالتريقة علي اوضاعه !!!!!!!!!!

مين يقدر يعمل كدة غيرنا ؟؟؟؟؟

لازم نبتسم لاننا وسط اهلنا في الدولة العربية

تحياتي :rolleyes:

[kitkat]

علي فكرة بكل أمانة وصدق مع النفس ومع حضراتكم ، السعودية أفضل من مصر ، بالرغم من حبي لبلدي لكن هأكدب يعني ولا ايه ؟!

ربنا يصلح الحال

شوف يا أوس .. دي بأة أكبر كدبة حصلت في التاريخ .. شوف كل المحاوراية اللي هنا و اعمل استفتاء السعودية أحسن ولا مصر .. الاجابة واحدة و معروفة .. مصر

يا باشا مفيش مقارنة أصلاً و بلاش نحول دفة الموضوع .. بس الأمر ده منتهي و محسوم من قديم الأزل .. و سؤال واحد يكفي

أمال إحنا بنرجع بلدنا ليه بعد طول سنين الغربة ؟

مكاوى

لا لا لا لا وألف لا

هو الموضوع ريشونال وفيه وجهات نظر مختلفة بس انا مش معاك

بقا يا راجل يا طيب الكدبة اني أقول رأيي ورأي أكتر من مليون مصري منهم من قضي جل عمره هنا هو وعياله ؟

ولا الكدبة الكبري (كدبة يوليو الي جاي ) اني اقول ان مصر أفضل (بلا منافسة كمان ) وأكتب الكلام ده من السعودية ومش بعيد يكون من شبكة موبايلي :D

فاكر الشارع الي قلتلك اني ساكن فيه ؟

ادامه الناحية التانية فيه مكاتب (مصر للطيران والمغربية والسعودية) ، بس ابقي خلي بالك وانت بتعدي الطريق أحسن الناس هنا متهورين في القيادة

عندما تكون في قمة ضيقك وحزنك وتجد أصدقاؤك بجوراك يحاولون التهوين عليك

فابتسم انت في بلد عربي

عندما تجد الأحبة علي الرغم من بعدهم عنك الا انهم قريبون جداً منك

فابتسم انت في بلد عربي

فعلا فيه ايجابيات في الوطن العربي مش موجودة في بلاد الغرب ، التي لا أستبعد أن تكون السبب وراء هذه الايميلات التي تصلنا

بس الايجابيات دي ايموشنال اوي ، ماتأكلش عيش

[عنبو]

لا لا لا لا وألف لا

هو الموضوع ريشونال وفيه وجهات نظر مختلفة بس انا مش معاك

بقا يا راجل يا طيب الكدبة اني أقول رأيي ورأي أكتر من مليون مصري منهم من قضي جل عمره هنا هو وعياله ؟

فين ياعم المليون مصرى دول انا بقالى هنا حوالى سنتين ومنتشر يعنى زى لما بيقولوا وكل يوم فى موقع وملقتش مصرى الا لما بيقول مصر احسن

فيه عينه من الناس هى اللى بتقول بلا مصر بلا قرف ودول عينة اللى يتزوج امى اقوله ياعمى يعنى اللى يدفع اكتر يبقى حبيبى واللى ميدفعش يبقى بلا قرف

ويا سلام بقى لما يحصل له مشكله مع واحد سعودى ويطلع عين اهله بسبب غلطه عملها ولا مصيبه يقعد يسب فى مصر وكأن مصر هى اللى غلطت ولا لما يجى يطلب منك طلب وتتأخر عليه يقعد يقول هو احنا كده المصريين مش بنحب بعض وهو اساساً مش بحب حد وبالعكس بيضر كل المصريين ان مكنش بافعاله بكلامه الزباله عن البلد

فعلا فيه ايجابيات في الوطن العربي مش موجودة في بلاد الغرب ، التي لا أستبعد أن تكون السبب وراء هذه الايميلات التي تصلنا

بس الايجابيات دي ايموشنال اوي ، ماتأكلش عيش

فى مصر اى حاجه بتعملها او بتاكلها مهما كانت بسيطه ليها طعم هنا بتبقى راكب احدث عربيه واحدث كل حاجه وتحس ان مافيش روح يمكن بسبب جفاف المعامله معرفش بس دى حاجه انا سألت ناس كتير عليها ولقيتها عند الكل مش عندى انا بس

مش معنى كلامى ان السعوديه مفيهاش مميزات بس مصر بلدى وانا بحبها لله فى لله

[herohero]

ياباشمهندس كيت كات انت راجل عملي واظن معظم الناس اللي تفكيرهم عملي بيبصواللنتائج والقيم لهمارقام يعني تصميمك صح ومشروعك ناجح بالورقه والقلم

يني خلينا نقولاننا بنحكم ع الامور بعقولنا مش بقلوبنا

فبلاش تخلي الموضوع يتغير دفته وبعدين هتلاقي السكاكين كترت عليك وعليا انا ف المنتدى هنا ع طول شغالين عليا فبلاش كفاية انت

وعن اللي بقولوا برنجع لبلدنا ماشي معظم اللي رجعوا بمزاجهم ندمانين والباقي رجع غصب عنه اما رجع ف صندوق او رجع لانه طلع معاش

انا مش بتكلم ع السعوديه ولاغيره

انا بتكلم عن اننا ناس عمليين حب الاوطان ده شيئ طبيعي خلينا نقول الحياة اسهل بس مش اكتر عادي انا ممكن اكون بحب واحده وهي مطلعه عيني عادي مشحسين الجسمي غناها "بحبك وانت مطلعه عيني" وناس كتير لسان حالها كده بتحب الوطن وهو مطلع عنيه يعني ده مبدا زيواحد مستحمل مراته وهيمطلعه عينه بحجه انه بيحبها فعادي يا كيت كات

انا مبدئي كلواحدحر ف اختياراته وصدقني يا كيت كات انا شوفت ناس ب30 سنه بره مصر وبتتغنى بحبها وهي تهرب من الضرائب شغال من الجمارك شغال استغلال لمصر والفساد اللي فيها شغال ورجع مصر ف صندوق و30 سنه بيقولك يلعن ابو الغربة

وفيه جوا مصر وبيحبها وهوبيسرقها ويمكن ده بجد ظهارة فريده كل المفسدين ف بلدنا بيحلفوا بسماها وترابها

مش كل الوزراء حلفوا اليمين ع خدمه البلد وشعبه والنتيجه انت شايفها

انت تبقى ف دولة عربية لما قصه زي قصة جزيرة امون ف اسوان يحصل فيها المهزلة اللي شايفينها اليومين دول

تبقى ف بلد عربي لما تلاقي اللي قتل 1300 شخص بره وعايش زي الملك وعادي جدا

تبقى ف بلد عربي لما مطابع البنك المركزي يختفي منها 2 مليون جنيه على مدى فترة ومحدش دريان

وتبقي ف بلد عربي لما تلاقي بترول وخير وتلاقي بطاله

[لماضة مصرية جدا]

السلام عليكم و رحمة الله و بركاته

اتصدقووا و تامنوا بالله....قولو لا اله إلا الله

التوبيك ده مع انه متصنف خفيف لطيف...نضيف...الا انه بقي شبه كل توبيك بنخشه اليومين دول....

ناس تخش تشيل مصر...العالم العربي فوق....

و ناس تخش تشيل برضه مصر..... العالم العربي ....برضه فوق....بس بيمسكوها من الرجلين زي العيل اللي لسه بيفلفص و بيزعق اول ما انصدم بالحياة

عايزة بس افهم حاجة....هو مينفعشي نحب حد او حاجة كده و السلام من غير ما ندي اسباب....

من غير لا نشتم و لا نغني

ينفع و لا لا...اصل كل ما بندي اسباب محدش من الفريقين بيقتنع بكلام الفريق التاني

و بعدين....فيه حاجات و بني آدمين يتحبوا كده و يتاخدوا كده لوكشة واحدة...صح و لا لأ؟؟؟

هقولكم حاجة....انا طول عمري بيتقالي الشعب المصري ده شعب ابن نكتة....صح

طب انا عشت فترة مع جماعة افارقة...من تنزانيا و غانا و الحتت بتاعت هاكونا ماطاطا دي....و لقيت فيهم خفة دم...غير عادية.....انا مكنتش بقفل بوقي من الضوحك معاهم لدرجة انهم افتكروني هبلة....

عايزين رايي.....حبها او اكرهها...مصر او اي بلد عربي....مش هيفرق لا معايا و لا مع البلد الصراحة

المهم حب حاجة...

حب حتة....

خد احلي ما فيها.....

و خليه في ملامحك.....و افتح شبابيكك ع الناس التانية....خلي برضه عينك تلقط حاجات تانية كتير

مش هتحتاج ساعتها تقارن...هنا و لا هناك....و لا هونيك ...علي راي الدلع اللبناني

هتعيش كبني آدم بدماغك انت

موضوع انتمائنا مش سؤال محتاج اجابة حتي في موضوعات خفيفة

موضوع انتمائنا اتحسم خلاص و من زمان

الدنيا اكبر بكتير ....و كل ما تتعود انك تخرج بره دماغك....و تلف و تشوف....كل ما هتحس ان دماغك اتصنفرت اكتر...(مع انها ممكن متعجبشي غيرك...بس كفاية انها عجباك انت)

بس خلاص

صباحكم....علم....و نسر.....و حاجات حلوة....يمكن عينيك انت بس اللي بتشوفها بس الحمد لله انك لسه قادر تشوف

فوتكم بعافية