انت في دولة عربية

[herohero]

السلام عليكم و رحمة الله و بركاته

اتصدقووا و تامنوا بالله....قولو لا اله إلا الله

التوبيك ده مع انه متصنف خفيف لطيف...نضيف...الا انه بقي شبه كل توبيك بنخشه اليومين دول....

ناس تخش تشيل مصر...العالم العربي فوق....

و ناس تخش تشيل برضه مصر..... العالم العربي ....برضه فوق....بس بيمسكوها من الرجلين زي العيل اللي لسه بيفلفص و بيزعق اول ما انصدم بالحياة

عايزة بس افهم حاجة....هو مينفعشي نحب حد او حاجة كده و السلام من غير ما ندي اسباب....

من غير لا نشتم و لا نغني

ينفع و لا لا...اصل كل ما بندي اسباب محدش من الفريقين بيقتنع بكلام الفريق التاني

و بعدين....فيه حاجات و بني آدمين يتحبوا كده و يتاخدوا كده لوكشة واحدة...صح و لا لأ؟؟؟

هقولكم حاجة....انا طول عمري بيتقالي الشعب المصري ده شعب ابن نكتة....صح

طب انا عشت فترة مع جماعة افارقة...من تنزانيا و غانا و الحتت بتاعت هاكونا ماطاطا دي....و لقيت فيهم خفة دم...غير عادية.....انا مكنتش بقفل بوقي من الضوحك معاهم لدرجة انهم افتكروني هبلة....

عايزين رايي.....حبها او اكرهها...مصر او اي بلد عربي....مش هيفرق لا معايا و لا مع البلد الصراحة

المهم حب حاجة...

حب حتة....

خد احلي ما فيها.....

و خليه في ملامحك.....و افتح شبابيكك ع الناس التانية....خلي برضه عينك تلقط حاجات تانية كتير

مش هتحتاج ساعتها تقارن...هنا و لا هناك....و لا هونيك ...علي راي الدلع اللبناني

هتعيش كبني آدم بدماغك انت

موضوع انتمائنا مش سؤال محتاج اجابة حتي في موضوعات خفيفة

موضوع انتمائنا اتحسم خلاص و من زمان

الدنيا اكبر بكتير ....و كل ما تتعود انك تخرج بره دماغك....و تلف و تشوف....كل ما هتحس ان دماغك اتصنفرت اكتر...(مع انها ممكن متعجبشي غيرك...بس كفاية انها عجباك انت)

بس خلاص

صباحكم....علم....و نسر.....و حاجات حلوة....يمكن عينيك انت بس اللي بتشوفها بس الحمد لله انك لسه قادر تشوف

فوتكم بعافية

قفلتيها يا بنت الايه

طب دلوقتي حبة الكآبة اللي عندنا هنوديهم فين يعني كده مفيش اي نظرة سلبية هنعرف نطلعها

بجد صح والله زي ما انت ماقولت كل واحد عاجباه دماغه عاجبك المكان ده او ده المهم انك لقيت شيئ ف حياتك مرتاح فيه وعاجبك استمتع بقى وعيش فعلا المهم نبقى مرتاحين وفرحانين وخلاص مش لازم ندور ع اسباب

برافو عليك بجد

وضيعتي علينا حبة اسواد والتشاؤم

ندور لنا ع حته تانيه نتشائم فيها

[kitkat]

عياله ؟

فين ياعم المليون مصرى دول

ويا سلام بقى لما يحصل له مشكله مع واحد سعودى ويطلع عين اهله بسبب غلطه عملها ولا مصيبه يقعد يسب فى مصر وكأن مصر هى اللى غلطت ولا لما يجى يطلب منك طلب وتتأخر عليه يقعد يقول هو احنا كده المصريين مش بنحب بعض وهو اساساً مش بحب حد وبالعكس بيضر كل المصريين ان مكنش بافعاله بكلامه الزباله عن البلد

ن

فى مصر اى حاجه بتعملها او بتاكلها مهما كانت بسيطه ليها طعم هنا بتبقى راكب احدث عربيه واحدث كل حاجه وتحس ان مافيش روح يمكن بسبب جفاف المعامله معرفش بس دى حاجه انا سألت ناس كتير عليها ولقيتها عند الكل مش عندى انا بس

مش معنى كلامى ان السعوديه مفيهاش مميزات بس مصر بلدى وانا بحبها لله فى لله

أخويا عنبو : شكلك مهندس مدني زي حالاتي

تعالي شرفني في الموقع وانا اعرفك علي اول 15 نفر من المليون ونعمل الارنب سوا سوا هههه

علي فكرة مفيش نفر منهم حقير ولازبالة زي ماوصفت سيادتك ولا بيسب بلده الي كلنا بنحبها بس زي ماقلت قبل كده : فيه ناس رضوا بالحياة الدنيا !

وفيه ناس طموحها عالي وعندها تطلعات لوطنها أكثر من تطلعاتها لنفسها ، الناس دول فيه منهم بره مصر وفيه منهم اتغربوا زيك وزيي

بس الطموح منهم بيبقي صادق ،،،، علي الأقل مع نفسه !!

بلدنا مالهاش ذنب في تصرفاتنا حب البلد ده شيء فطري

حتي الأن ، مع العلم اني باشتغل في مكان مش حلو في السعودية ، أنا شايف ان الغالبية الي اتعاملت معهم من الشعب السعودي ودود وهادئ الطباع (أحيانا بتقلب ببرود بس ده أفضل من العصبية ، مش ناقصهم غير شوية نشاط للعمل زينا وهايتفوقوا علينا بكل المقاييس) راجع الفصل الأول - السيارة السعودي غزال 1 :D

وأنا بأحب بلدي وعندي غيرة اني اشوف الفساد أقل من مصر بنسبة كبيرة في بلد تاني وعندي غيره اني اشوف اهتمام بحياة المواطن في بلد تاني وتوسعة الطرق ووضع طبقة حديد تسليح في الطرق الهامة وعدم الغش في تنفيذ النيو جيرسي كونكريت باريير (الي بيتهشم في مصر لو صدمته سيارة 128 !! )

وعندي غيرة لما أشوف تريلات شايلة حديد تسليح ومقفولة من الخلف مش متساب الحديد لحد مايدخل في صدر الي راكبين سيارة ماشية خلف التريلا (يوميا علي الدائري ومرة حصلت في شارع البطل أحمد عبد العزيز في المهندسين !!!!!!!!! )

حنطور يجره (أعزكم الله ) حمارين يسير في شارع البطل أحمد وخلفه سيارة هيونداي تسير علي سرعة 40 كيلو في الساعة ، أحد الحمارين تزحلقت قدمه لتتوقف العربة الحنطور فجأة ومع الريأكشن يرتد الحديد ليدخل في صدر الغلبان الشاب الي سايق الهيونداي

تأتي سيارة الاسعاف بعد نصف ساعة ( الوقت كان 2 صباحا) ويترجاها المواطنون لتحمل الشاب الذي كان لا يزال علي قيد الحياة ولكن رجل الاسعاف يرفض ويرد ( مش هانشيله لانه بيخلص) !!!!!!!!!

الناس كادت ان تفتك بسائق الاسعاف (مهازل x مهازل) برنامج جديد علي النايت سات

الي عايز يشوف الفيديو ابعتهوله عالخاص لانه يحتوي علي الفاظ غير لائقة

ياباشمهندس كيت كات انت راجل عملي واظن معظم الناس اللي تفكيرهم عملي بيبصواللنتائج والقيم لهمارقام يعني تصميمك صح ومشروعك ناجح بالورقه والقلم

الله ينور علي جنابك ، أنا راجل عملي بس مش لدرجة الي يتجوز سوسن أقله يا فهمي والكلام السوقي ده

ان شاء الله يا هيرو مصر هاتتغير وتبقي أحسن دولة في الشرق الاوسط

السلام عليكم و رحمة الله و بركاته

اتصدقووا و تامنوا بالله....قولو لا اله إلا الله

مش هتحتاج ساعتها تقارن...هنا و لا هناك....و لا هونيك ...علي راي الدلع اللبناني

صباحكم....علم....و نسر.....و حاجات حلوة....يمكن عينيك انت بس اللي بتشوفها بس الحمد لله انك لسه قادر تشوف

فوتكم بعافية

وعليكم السلام ورحمة الله وبركاته :)

لا إله الا الله

أختي الصغننة ريهام ،

انا عشت أجمل أيام حياتي ( رغم انها لم تكن بلا سلبيات) في مصر !

أه وكتاب الله !

كان الناس ألطف وأنقي من الأن بكثير ، أما البلد نفسه فهو في القلب لم ولن يخرج منه أبدا

رغم صغر سنك لكن اسألي من عايش اوائل التسعينات في مصر ، سوف يؤكد كلامي ويطلب مقابلتي كمان :)

هونيك - نانسي عجرم-أغنية شخبط شخابيط - ياسيدي عالدلع

صباح العلم الصغنن بتاع مصر زي الي كان بيحطه جورج بوش ومش لاقيه في السعودية .... :lol:

[doha]

ان شاء الله يا هيرو مصر هاتتغير وتبقي أحسن دولة في الشرق الاوسط

وده الي متاكده منه بس لما الطابور الخامس يلاقي سبوبه تانيه تصرف عليه غير التجريح فيها اكيد هتبقى بخير ..

[herohero]

يعني كل برامج التوك شو واللي زي والناس الوحشة ده موافقين والل يا اخت ضحى

نضحي بنفسنا عن سلامة الام ياه ده سهل قوي الطابور الخامس ده نريح مصر منه بس لما نشوف الطابور الاول والتاني والتالت هيعملوا ايه

ابقى اسمعي قصه فساد جزيرة امون وانت تعرفي مين اللي بيضر مصر شوفي قضايا الفساد اللي من كترها بقينا نتلخبط فيها كلهم واللهحلفوا واقسموا ع خدمة الوطن

واتربوا وكلوا من خير البلد بس اظاهر خدمة الوطن لها مفهوم تاني عندهم

هو قبل الناس الوحشة اللي مسودةالدنيا اللي هم الناس الوحشة بتاعت التوك شو ياترى كان ايه الوضع كان فساد برده اوعوا حد يكون فاكر الفساد ده جالنا كده فجاة لا زالف لا ده البلد بتتنهب من زمممممممممممممان

وارجع واقول لما تلاقي بلد كانت داينة بريطانيا وقعدت تتنهب وناس جم شوهوا العمارات والذوق العام والرقي اللي كان ف المجتمع وبقوا يربوا فراخ فوق الاسطح

وبقالنا من سنة 52 بننتنهب ولسه ف فلوس ف البلد يبقى انت اكيد ف بلد عربي

ولما تلاقي ثورة او انقلاب قعدوا يحفظونا مبادئ الثورة ده السته اللي الحمد لله كلهم ماتحققوش دلوقتي بعد 50 سنة يبقى انت اكيد ف بلد عربي

[ذهبية]

هو انت لما تعتب على ابنك لانة مش بيذاكر و لما تضربة على ايدة لما بيعمل حاجة غلط و لما بتخاصمة و بالايام عشلان يحس على دمة انة غلط

دة معناة انك مش بتحبة بالعكس .......معناة انك بتحبة و بتموت فية

مش علشان هو حلو و لا وحش لا؟؟؟؟

عشلان....... هو ابنك....... حتة منك

ما فية ولاد احلى من ابنك بكتيررررر.... و اجمل و اشطر ..... هتروح تحبهم و تسيب ابنك لا ؟؟؟ لا لية ؟؟؟ علشان ابنك ؟؟؟

منك ؟؟؟

هى دى مصر حتة مننا اتولدنا فيها فيها كل ذكريات فيها اهلنا

حلوة وحشة بنتنا وابنا

احنا زعلانين منها

عايزينها تصالحنا

صلحينا بقى يا مصرررررر؟؟؟

احنا غاضبنين ؟؟؟؟ صلحينا ؟؟؟؟ بنحبك و بنموت فيك صلحينا ؟؟؟؟ فية الى احلى منك ؟؟؟؟ بس بنحبك انتى صلحينا ؟؟

لفينا و روحنا و جينا اهلنا فيكى ووجدودنا فيكى صلحينا ؟؟؟؟

امتى هتصلحينا قلبك قسى علينا ؟؟؟؟؟و قلبنا مفتوح.... للحظة اللى هتفتحى ايديك ....و تحضينا من تانى صلحينا

وحشنا حضنك قوى يا مصرررررررررررر مصر الىل احنا عايزنها ابننا الى ربناها و كبرنا معناة

صلحينااااااا بقى يا مصرررررر

تم تعديل 16 يونيو 2010 بواسطة ذهبية

[عنبو]

المهندس كت كات

اولاً : انا مش مدنى اخويا هو اللى مدنى ايه اللى جاب سيرة اخويا معرفش انا كيمياوى

ثانياً : كلامى عن الناس اللى بيسبوا مصر واللى حضرتك وصفته انه سوقى

فااحب اقولك انى مش اسلوبى كده معاهم انا اسلوبى اوسخ من كده بكتير قوى لانى بتعتبرهم خونه

يا بشمهندس كان فيه قصه كنت ذكرتها قبل كده بتعت الراجل اللى لقى مراته بتخونه

مش هذكرها تانى هنا علشان مش متزعلش

اللى اعرفه الوطن مش هتيغر بالسب ولا باظهار كل ما هو سلبى

دون اتخاذ خطوات حقيقه من اجل التغير

مش كفايه انى اعرف السلبيات المهم انى اعرف ازاى اتخلص من السلبيات دى

لو حضرتك بتتكلم عن مصر كده قدام ناس غير مصريين يبقى كارثه بجد

واول واحد هيحس بالكلام ده هو حضرتك

على العموم تقبل تحياتى

عنبو

[fatfouta]

السلام عليكم و رحمة الله و بركاته

اتصدقووا و تامنوا بالله....قولو لا اله إلا الله

التوبيك ده مع انه متصنف خفيف لطيف...نضيف...الا انه بقي شبه كل توبيك بنخشه اليومين دول....

ناس تخش تشيل مصر...العالم العربي فوق....

و ناس تخش تشيل برضه مصر..... العالم العربي ....برضه فوق....بس بيمسكوها من الرجلين زي العيل اللي لسه بيفلفص و بيزعق اول ما انصدم بالحياة

عايزة بس افهم حاجة....هو مينفعشي نحب حد او حاجة كده و السلام من غير ما ندي اسباب....

من غير لا نشتم و لا نغني

ينفع و لا لا...اصل كل ما بندي اسباب محدش من الفريقين بيقتنع بكلام الفريق التاني

و بعدين....فيه حاجات و بني آدمين يتحبوا كده و يتاخدوا كده لوكشة واحدة...صح و لا لأ؟؟؟

هقولكم حاجة....انا طول عمري بيتقالي الشعب المصري ده شعب ابن نكتة....صح

طب انا عشت فترة مع جماعة افارقة...من تنزانيا و غانا و الحتت بتاعت هاكونا ماطاطا دي....و لقيت فيهم خفة دم...غير عادية.....انا مكنتش بقفل بوقي من الضوحك معاهم لدرجة انهم افتكروني هبلة....

عايزين رايي.....حبها او اكرهها...مصر او اي بلد عربي....مش هيفرق لا معايا و لا مع البلد الصراحة

المهم حب حاجة...

حب حتة....

خد احلي ما فيها.....

و خليه في ملامحك.....و افتح شبابيكك ع الناس التانية....خلي برضه عينك تلقط حاجات تانية كتير

مش هتحتاج ساعتها تقارن...هنا و لا هناك....و لا هونيك ...علي راي الدلع اللبناني

هتعيش كبني آدم بدماغك انت

موضوع انتمائنا مش سؤال محتاج اجابة حتي في موضوعات خفيفة

موضوع انتمائنا اتحسم خلاص و من زمان

الدنيا اكبر بكتير ....و كل ما تتعود انك تخرج بره دماغك....و تلف و تشوف....كل ما هتحس ان دماغك اتصنفرت اكتر...(مع انها ممكن متعجبشي غيرك...بس كفاية انها عجباك انت)

بس خلاص

صباحكم....علم....و نسر.....و حاجات حلوة....يمكن عينيك انت بس اللي بتشوفها بس الحمد لله انك لسه قادر تشوف

فوتكم بعافية

قفلتيها يا بنت الايه

طب دلوقتي حبة الكآبة اللي عندنا هنوديهم فين يعني كده مفيش اي نظرة سلبية هنعرف نطلعها

بجد صح والله زي ما انت ماقولت كل واحد عاجباه دماغه عاجبك المكان ده او ده المهم انك لقيت شيئ ف حياتك مرتاح فيه وعاجبك استمتع بقى وعيش فعلا المهم نبقى مرتاحين وفرحانين وخلاص مش لازم ندور ع اسباب

برافو عليك بجد

وضيعتي علينا حبة اسواد والتشاؤم

ندور لنا ع حته تانيه نتشائم فيها

ياربـــــــى عاليأس

[عنبو]

هو انت لما تعتب على ابنك لانة مش بيذاكر و لما تضربة على ايدة لما بيعمل حاجة غلط و لما بتخاصمة و بالايام عشلان يحس على دمة انة غلط

دة معناة انك مش بتحبة بالعكس .......معناة انك بتحبة و بتموت فية

مش علشان هو حلو و لا وحش لا؟؟؟؟

عشلان....... هو ابنك....... حتة منك

ما فية ولاد احلى من ابنك بكتيررررر.... و اجمل و اشطر ..... هتروح تحبهم و تسيب ابنك لا ؟؟؟ لا لية ؟؟؟ علشان ابنك ؟؟؟

منك ؟؟؟

هى دى مصر حتة مننا اتولدنا فيها فيها كل ذكريات فيها اهلنا

حلوة وحشة بنتنا وابنا

احنا زعلانين منها

عايزينها تصالحنا

صلحينا بقى يا مصرررررر؟؟؟

احنا غاضبنين ؟؟؟؟ صلحينا ؟؟؟؟ بنحبك و بنموت فيك صلحينا ؟؟؟؟ فية الى احلى منك ؟؟؟؟ بس بنحبك انتى صلحينا ؟؟

لفينا و روحنا و جينا اهلنا فيكى ووجدودنا فيكى صلحينا ؟؟؟؟

امتى هتصلحينا قلبك قسى علينا ؟؟؟؟؟و قلبنا مفتوح.... للحظة اللى هتفتحى ايديك ....و تحضينا من تانى صلحينا

وحشنا حضنك قوى يا مصرررررررررررر مصر الىل احنا عايزنها ابننا الى ربناها و كبرنا معناة

صلحينااااااا بقى يا مصرررررر

يا ذهبيه

مهو لو حضرتك بتضربى ابنك وتخاصميه وبس يبقى الضرب ولا المخاصمه كان ليهم لازمه

لما حضرتك تقعد تقولى فى وسط الناس الاغراب انا ابنى فاشل انا ابنى بايظ انا ابنى مفيهوش امل

تفتكرى ابنك هيتغير بالكلام ده

بالعكس دانتى كده كرهتى الناس فى ابنك وحتى لو ابنك فى يوم من الايام اتصلح حاله هيلاقى الناس كارهته من كلامك

انتقد مصر بينك وبين نفسك بينك وبين اخواتك المصريين لكن اى واحد تانى ستوب ومية الف ستوب

انتقد بس برده ياريت وانتى بتنتقد تدينى الحلول العمليه

تحياتى عنبو

[herohero]

طبعا ياعنبو ومين قالك اننا نقبل اي حد ينتقد بلدنا غيرنا

المنتدى ده للمصريين بس وشوف اي حد تاني بيدخل بيكلم اي كلمةبيكون رده ايه وجزاؤه ايه

احنا كلنا ولو كان كلامنا فيه نظرة سلبية وتشاؤم او بلاش احنا كلنا انا عن نفسي مقتنع بان اللي بيقولي عيوبي هو اللي بيحبني

اللي ف مصر شوية ع الوش وحشين اللي هم الادارة المصرية مش قادر اقول ان هم ما بيحسنوشالتصرف مش عاوزاقول حرامية ووحشين عشان مانظلمش حد

كل اللي بتمناه مادام انت فشلت سيب لغيرك المجال

اما حلولنا العملية اللي زينا يقدروا يعملوا ايه بذمتك حد بيعبر ف كلامك روحتنا طلعنا بطاقة انتخابية زوروا الانتخابات وناس معرفتش تروح تدي صوتها وانا شوفت الكلام ده بعنيا

يبقى انت عاوزني ابقى سلبي

اتحمقنا قوي وجرى طلعنا 120 مليون عشان مباريات كرة قدم يعني معلش بتحس انهم بيستهيونا بينا

اتكلم من هنا لبكرة ولا حد هيسمعك ياما الواحد شاف وهيشوف واتكلم جرب كده وانت ف مصر اركب وسيلة نقل عام واتكلم

حاليا بقى فيه تجاوب لكن لسه السلبية موجوده شعب مش عاوز يساعد نفسه

يبقى لما تلاقي شعب عمال يشتكي ومضيع فلوسه ع الموبايلات يبقى انت اكيد ف بلد عربي

[pink rose]

لو سمحتم يا حضرات الموضوع دا مش للخناق و لا توجيه اتهامات

فتحت الموضوع و كتبت سلبيات موجودة في الدول العربية ككل مش دولة بعينها و مش مصر بالخصوص

و ناس تانية كتبت ايجابيات و الموضوع كان و مازال مقبول

يبقى ليه نعكر الجو باتهامات ما منهاش فايدة

الموضوع عام و مفتوح

انت في دولة عربية

يعني متاح نكتب سلبيات و متاح نكتب ايجابيات

فا لو سمحتم ما فيش داعي للخناق اللي مالوش لازمة و تغيير مسار الموضوع

شكرا جزيلا لحضراتكم

[herohero]

ماهو ده بيصب ف خدمة الموضوع مادام لقيتي كده ف اي حواريبقى المتحاورين عرب

[ذهبية]

اولا يا عنبو انا باشتكى لاهلى و ناسى لا روحت للجيران و لا جيران جيران اشتكى لهم

مع ان برضة جيرانى و جيران جيرانى هتلاقيهم برضة بيشتكوا من عيالهم

يعنى عايز تقولى ان كل شعوب العالم مبسوطين بحوكمتهم و بلادهم و قاعدين يتغزلوا فيها و احنا الناكرين للجميل و مش لابسين الا نضارة سودا

ما كل واحد فية الهم الى مكفية لا هو عيب و لا حرام انك تقول ان فية مشكلة

و بعدين يا عنبو المفروض اية ما نشتكيش يعنى لما ابنى عيارة بفلت اسكت علية و اغمض عيونى

علشان خايفة على احساسة لانى باحبة

طيب هيتعدل حالة ازاى ماهو كدة هيبوظ اكتر و اكتر

يعنى ااشوف الغلط و اقول لالا انا بتهايلى

ولما اتكلم ابقى برضة غلط لازم اسكت و ادراى على عيوبى لان كدة هافضح نفسى

مش هتتحسب كدة يا عنبى لانى فى الاخر هاموت من الحسرة و اللى بايز هيفضل برضة بايز

لان محدش فضحة ووقفة عند حدة

لما ابنى يغلط مش هاسكت علية يا عنبى

مركب ملهاش ريس تفتكر لو طلبتش النجدة و زهقت و هللت و قالت الحقونى حد هيعبرها و ينقذها

[ذهبية]

اسفة يا ريمو انى غيرت موضوعك بس باوضح نقطة معينة

من حق اى انسان انة يتكلم

من حقة يشتكى و يشكر من حقة لما يتوجع يقول و لما يفرح يقول

زى ما نتشارك فى الوطن بافراحنا بنتشارك باحزنا

[pink rose]

اسفة يا ريمو انى غيرت موضوعك بس باوضح نقطة معينة

من حق اى انسان انة يتكلم

من حقة يشتكى و يشكر من حقة لما يتوجع يقول و لما يفرح يقول

زى ما نتشارك فى الوطن بافراحنا بنتشارك باحزنا

لا يا حبيبتي ما تتأسفيش و لا حاجه حصل خير

والله يا ذهبية الموضوع كان ماشي كده

الاحزان و الافراح و مش بس في مصر في الوطن العربي كله

[hanzalah]

إقتباس(remo @ Jun 15 2010, 07:35 PM)

تفتكر يا استاذ حنظلة بعد اللي حصل لخالد لسا في حد عنده استعداد يفكر كده؟

كتير يا فندم و كتير جداً

أيوة .. بلدنا و مش هنسيبها .. هنروح فين ؟ هي في الآخر بلدنا مهما كان فيها من زفت و ظلم .. اسف

مكاوى

والله يا استاذه ريمو مش عارف اقول لحضرتك ايه

انا عن نفسي عشت كتير داخل مصر

وعشت كتير خارج مصر

بصراحه

مصر برغم سلبيات موجوده فيها بسبب سلوكيات الناس اللي تغيرت الى الاسوأ وبسبب فشل النظام الذريع في الاصلاح !!

برغم كل ذلك لايزال ابويا وامي واخواتي عايشين فيها ..

طب حتى لو عندي باسبور تاني .. اخلع منهم واروح اعيش في بلد تانية .. تفتكري دي تبقى جدعنه مني !!

وبعدين الغربة غربه

حتى لو عايش ف سويسرا

هتحس انك اقليه

هتحس انك نسيج مختلف عنهم

دماغهم غير دماغك .. وطباعهم غير طباعك في حاجات كتير ..

طب اذا كان احنا بنقول مش هتنفعك الا الزوجه المصرية

هي اللي تفهمك وتعرف دقائق شعورك واحتياجك .. ومش ممكن زوجه اخرى من جنسيه اخرى تكون اقرب لك منها ..

تخيلي ان احنا يبقلع جذور نبات عمره مئات السنين .. عمليه مش سهله .. ومؤلمه للنبات طبعا

وتخيلي كذلك عملية اعادة زراعته في تربة وجو ورطوبة ورياح وامطار مختلفة تماما عما تعود عليه ..

انا مش عايش اخلي الموضوع شاعري ...

لكن صدقيني السلبيات والايجابيات موجوده في كل وطن وكل شعب

بس انا قدري اني مصري

ومبسوط بكده

وباحاول قدر استطاعتي اني اكون - مصري كويس -

بس كده

وكما كان يقول اهل زمان

الموعد .. الله

والغاية .. الجنه ..

:)

[mekkawy]

السلام عليكم كدة

شوفوا يا أجمل شعب في الدنيا

بأكرر تاني و أقول .. و الله كل يوم اعتزازي بإسلمي و عربيتي و مصريتي بيزيد و يزيد

لما ألاقي إن المصري متميز عن كل من حوله - باتكلم عن هنا - في الفكر العملي

لما ألاقي مبيعات المصري تفوق غيره من الجنسيات بحوالي 10 مرات .. باتكلم بالأرقام .. حقائق يعني

لما ألاقي المصري بيفهم كل الجنسيات بمجرد النظرة ..

لما يكون مديره لبناني .. بيتفوق .. لما يكون مديره سعودي .. بردة بيتفوق .. لما يكون مديره هندي بردو بينجح .. لما يكون هو نفسه المدير ... بيبدع

لما ألاقي واحد مستنيني أعدي في دوار الاحساء و موسعلي الطريق .. باعرف فوراً إنه مصري .. و كمان من إشارة إيده الجميلة

لما ألاقي طفل صغير في الهايبر بيكتشف كل حاجة و نافر من وشه الذكاء .. على طول دمه بيقول إنه مصري

لما ألاقي واحدة منتقبة بجد مش منظر و مش رافعة النقاب و كاشفة وشها في الفود كورت .. بتعرف على طول إنها مصرية

لما تلاقي أخ ليك في الله يقفلك بالسيارة و إنت رايح تصلي الضهر و ياخدك معاه من عز الحر .. و يطلع مصري

عشان نكون منصفين لا بأعمم الإيجابيات ولا باعمم السلبيات .. بس أنا كدة .. بأحب أشوف المناطق الإيجابية في الشئ و أركز عليها و أكبرها .. و أعفو عن السلبيات مش أغمض عنها

مكاوى

[لونا]

عشان نكون منصفين لا بأعمم الإيجابيات ولا باعمم السلبيات ..

بس أنا كدة ..

بأحب أشوف المناطق الإيجابية في الشئ و أركز عليها و أكبرها ..

و أعفو عن السلبيات مش أغمض عنها

مكاوى

أستاذ مكاوي ..عجبتني أوي الجملة اللي بالأحمر

و يا ريت كلنا نفكر بالطريقة دي

زي ما فيه الحلو .. فيه الوحش

و احنا لو فضلنا نبص للعيوب بهدف إنتقادها .. مش بهدف تغييرها .. يبقى ما عملناش حاجة

عارفين أنا باشبه مصر - أو أي بلد في الدنيا - بإيه ؟ ... ... بإنسان

فيه صفات كويسة .. يعني مثلاً حنين و عطوف و كريم ...

وفيه صفات مش كويسة .. عصبي .. مهمل .. أي حاجة

شكله حلو في حاجات .. مثلاً عنيه سودا و واسعة .. رموشه طويلة

و فيه حاجات في شكله مش حلوة .. شعره خشن مثلاً

لو الإنسان ده طول الوقت قعد يفكر و يقول لنفسه .. أنا شعري خشن .. أنا عصبي .. أنا مهمل

النتيجة حيكره نفسه .. و حيكون إنطباع الآخرين عنه .. إنه سيء للغاية

بعكس لو فكر إنه زي أي حد في الدنيا فيه عيوب و مميزات

و يشتغل عشان يحسن عيوبه .. و يزود مميزاته

حتلاقي نفس الشخص .. بقى عنده حب للحياة .. و أمل في بكرة أحسن

بس يكون عارف في النهاية .. إن فيه حاجات خلقة ربنا مش بتتغير بسهولة

تحياتي :ninja: