مين مابيحبش البطيــــــــــــــــــــــــــــــــــــــــــــــــــــــــــــــــخ؟؟

[رضوي]

طبعاً أنا علشان اقدر ادخل الموضوع دة

جبت طبق بطيخ واكلته علشان اقدر اواصل القراءة

واضح ان كل الناس بتحب البطيخ .......... مما يجعلنا شعب من كفر البطيخ ( فيه بلد اسمها كدة بجد علي فكرة تقريباً في دمياط الشقيقة )

مكاوي ............ اخويا الكبير صحيح

بس لحد هنا واستوووووووب

ايه اللي انت عامله دة بس ....... اهه انا مافهمتش منه غير البطاطس

ليه بس كدة يادي الغربة اللي بتخلي اولادنا يخترعوا اختراعات غريبة ........ اتعلموا بقي م الشيف بندق

العزيزة هناء

بصراحة طريقة التقطيع دي جديدة اخر حاجة .......... افتكاسة يعني

انا بقطعة بنفس الطريقة اللي شرحتها ضحي عادي يعني

واعتقد انها الطريقة الشائعة ..........بس واضح انها مش الوحيدة

ضحي حبيبتي

اه البطيخ بيتاكل مع الجبنة ........... واي نوع بقي ياحياتي مش مهم

نعمل صندوتش جبنة ........ وجنبه طبق بطيخ لذيذ زي اللي اكلتة دلوقتي

زي الباتون ساليه مع الشاي بلبن ......... عادي يعني واديها بفي

واكيد احلي طريقة لتقطيع البطيخ بالطول مش بالعرض ........... مع استخدام سكينة طويلة لسهولة التقطيع

فتفوتة الرقيقة

ان شاء الله تيجي مصر بالسلامة وتتذوقي طعامة البطيخ المصراوي الأصيل .......... وبما انك من سكان خلفاوي ( تعظيم سلام ) فأكيد عارفة بتاع البطيخ اللي هناك في :rolleyes: السوق ......... ودة عنده احلي بطيخ .......... بعد البطيخ اللي بنجيبه م الشرقية يعني

[Howayda Ismail]

جربتوا البطيخ بالجبنة القديمة والمش فى ناس بتحبها مع الجبنة البيضاء لكن خلى بالكم من الضغط اللى مرفوع خلقة

[ساره احمد]

بصي يامس ضحى هما بياكلو البطيخ مع جبنة تكون حادقة شوية يعنى ساندويتشات جبنة مع بطيح صحيح انا بنفيهم في اوضة لوحدهم لما ييجو ياكلوها بس عارفة بتتاكل ازاى

رضوى حبيبتي مش المشكلة في طريقة التقطيع خالص يعنى المانجة مثلا لازم تتاكل وتبقعي هدومك وتشرشرى علي نفسك وانتى بتاكليها النفس بقي :)

مسيو مكاوى اية اللي اكلتو دة؟!هية البطاطس والجبنة كويسين بس بالف هنا وشفا

[صافى]

طب ياريت حد يشرح لنا الطريقة يعني بيتغمس بالجبنة ولا بيتعمل معاها سندويتشات ولا ايه وجبنة ايه الي بتتحط معاه فيتا يعني ولا اسطمبولي ولا كله ماشي ؟ بصراحه نفسي بتجزع من مجرد تخيل الفكرة بس طالما انتم مجربينها وبتمدحوها كده فاتوقع انه لذيذ .. ياريت حد يقولي الوصفة بالظبط هل هتطلع زي سندويتشات البرجر بالآيسكريم والجبنة المش ولا احلى ؟

بصى بقا يا ضحى يا اختى انتى تجيبى البطيخ بع تقطيعة كدة وجمبة طبق الجبنة البراميلى او التلاجة قصدى الجبنة التلاجة لحسن تفتكريالتلاجة نفسها و طبعا هتكونى جايبة العيش السخن دة وتديها لقمة جبنة مع شوكة بطيخة لغايييييييية ما تشبعى وبعديها كوباية سفن عشان الهضم وبلهنا والشفاااا :)

[صافى]

صح يا ضحى والله كنت داخلة اقول اللى ماكلش البطيخ المصرى يبقى اكلش بطيخ

انا بموووووووووت فى البطيخ المصرى المرمل

لكن الحبحب بتاع السعودية ده اجارك الله لا طعم ولا ريحة

:unsure:

الاخت الفاضلة فتفوتة هانم بما اننا شبراوية زى بعضينا كما هو موضح اعلاة من الاخت رضوى فانى اشكرك انتى والاخت ضحى لتوضيح نقطة ان الحبحب المذكور الا وهو البطيخ بلغة المصرية الفصحة طعمة مش حلووو فلحمد للة كنت هدبس بكرة فى شرائة شكرا لكم :)

[Damo]

بصراحة محسيتش باني كنت محرومه بطيخ غير من حوالي اسبوع لما رجعت مصر وكانت اول فاكهة كلتها هي البطيخ .. ياخبر ابيض ياجدعان اتاريهم في السعودية كانوا بياكلونا خيار منفووخ واحنا مش واخدين بالنا ..

صح يا ضحى والله كنت داخلة اقول اللى ماكلش البطيخ المصرى يبقى اكلش بطيخ

انا بموووووووووت فى البطيخ المصرى المرمل

لكن الحبحب بتاع السعودية ده اجارك الله لا طعم ولا ريحة

بطيخ كندا مش بطال :unsure:

انا بصراحة زاي مكاوي كده..مش بحب الفاكهة اوي ولا بكرهها بس مش بحس اني عايزه اكول فاكهة. في الوقت الحالي انا بطزغط فاكهه (مامتي كتر خيرها).

و بالنسبة للبطيخ بحبو اطزغطوا بالجبنة البيضة :) ...بس بكسل قوي الحقيقة. بحس الفاكهة اكلها عايز مجهود بجد.

[pocy]

رضوتى وحشانى يا قمرايه جدا بصي بقي يا ستى انا شوفت البطيخ قلت اجى اخد حته

وخصوصا ان كان وحمى على البطيخ فى عمر تخيلي وكنا في الشتا ولفيت لفيت ومش لقيته فى المنطقه اللى انا فيها وفين وفين رحنا سلطان السالميه ولقيته هناك وسساعتها جوزى صورنى وانا باكل ه علشان يفكرنى اباللى عملناه علشان نجيب نص بطيخه ب40جنيه ههههههههههههههههههههههههههههه

شوفتى بقي انا بحب البطيخ اد ايه ههههههههههههههههههه

تم تعديل 17 يونيو 2010 بواسطة pocy

[ابو محمد بن مصطفي]

واضح ان كل الناس بتحب البطيخ .......... مما يجعلنا شعب من كفر البطيخ ( فيه بلد اسمها كدة بجد علي فكرة تقريباً في دمياط الشقيقة )

كفر البطيخ دي بلد الفدائي السابق والملقب بالسد العالي عصام الحضري الله يرحمه

ثم ان البطيخ ده لون النادي الاهلي حبيب قلبي

ممكن حد يقول ان ده اسمه تعصب وايه يعني مش مشكلة

وعلي فكرة البطيخ المصري له شهرة عالمية فاتذكر عندما قامت مصر بتنظيم بطولة كأس العالم للناشئين 1997

كان فريق البرازيل معسكر في بورسعيد وكان من ضمنهم رونالدينهو كان الفريق فطار غدا عشا بطيخ من حلاوته

[رضوي]

بطيخ كندا مش بطال :blink:

انا بصراحة زاي مكاوي كده..مش بحب الفاكهة اوي ولا بكرهها بس مش بحس اني عايزه اكول فاكهة. في الوقت الحالي انا بطزغط فاكهه (مامتي كتر خيرها).

و بالنسبة للبطيخ بحبو اطزغطوا بالجبنة البيضة :ninja: ...بس بكسل قوي الحقيقة. بحس الفاكهة اكلها عايز مجهود بجد.

مجهوووووووووود ....... يابنتي حرام عليكي ........فكرتيني بأختي ........ بتكسل تاكل اصلاً ........... وانا كمان بكسل اكل لوحدي ...... بس ادام البطيخ ...... مافيش مقاومة اصلاً

رضوتى وحشانى يا قمرايه جدا بصي بقي يا ستى انا شوفت البطيخ قلت اجى اخد حته

وخصوصا ان كان وحمى على البطيخ فى عمر تخيلي وكنا في الشتا ولفيت لفيت ومش لقيته فى المنطقه اللى انا فيها وفين وفين رحنا سلطان السالميه ولقيته هناك وسساعتها جوزى صورنى وانا باكل ه علشان يفكرنى اباللى عملناه علشان نجيب نص بطيخه ب40جنيه ههههههههههههههههههههههههههههه

شوفتى بقي انا بحب البطيخ اد ايه ههههههههههههههههههه

حبيبة قلبي ام عموري وحشاني جداً ياحياتي ........... وليكي عندي بطيخة مرملة تحفة اخر حاجة ........ بالهنا والشفا

واضح ان كل الناس بتحب البطيخ .......... مما يجعلنا شعب من كفر البطيخ ( فيه بلد اسمها كدة بجد علي فكرة تقريباً في دمياط الشقيقة )

كفر البطيخ دي بلد الفدائي السابق والملقب بالسد العالي عصام الحضري الله يرحمه

ثم ان البطيخ ده لون النادي الاهلي حبيب قلبي

ممكن حد يقول ان ده اسمه تعصب وايه يعني مش مشكلة

وعلي فكرة البطيخ المصري له شهرة عالمية فاتذكر عندما قامت مصر بتنظيم بطولة كأس العالم للناشئين 1997

كان فريق البرازيل معسكر في بورسعيد وكان من ضمنهم رونالدينهو كان الفريق فطار غدا عشا بطيخ من حلاوته

اوباااااااااااااا

مع اني ماليش في الكورة اصلاً وبشجع الاهلي للرخامة ليس الا ........... الا ان كدة الموضوع دخل نقطة صعبة شويتين

بلاش احسن الزمالكاوية يتعصبوا علينا ونلاقيهم فاتحين موضوع للموز باللبن

والاسماعلاوية يفتحوا موضوع للمانجو

وهتبقي حكاية كل فريق ياكل فاكهه بلون معين وبس :blink: