محاكمة مبارك و اعوانه قريبا

[زعلان]

محاكمة مبارك و اعوانه قريبا

خبر عاجل ومهم محكمة امريكية تسمح بمحاكمة الحكام و المسؤليين العرب على جرائم التعذيب و القتل سواء كانوا في السلطة او بعد خروجهم بهذه الطريقة صيصبح مبارك و غيره مطلوبيين دوليا و لن يستطيعوا السفر الى اي مكان واذا ما سافروا سيقبض عليهم

اقتباس:وتحت عنوان "محكمة أمريكية تسمح بمحاكمة الحكام العرب في قضايا التعذيب وانتهاكات حقوق الإنسان"، كتبت صحيفة المصريون: "أصدرت محكمة الاستئناف الاتحادية العليا في الولايات المتحدة الأمريكية قرارا يجيز محاكمة أي حاكم عربي وبالتبعية الوزراء والمسؤولين، سواء أثناء الوجود بالسلطة أو خارجها، أمام المحاكم الفيدرالية الأمريكية بتهمة التعذيب."

وأضافت الصحيفة المصرية: "ويلغي القرار الذي صدر منذ أيام قانونا أمريكيا سابقا كان لا يسمح للمحاكم الاتحادية الأمريكية بمحاكمة الحكام والمسؤولين الأجانب عن جرائم التعذيب التي ترتكب ضد مواطني دولهم أمام المحاكم الأمريكية."

محاكمة مبارك و اعوانه قريبا

--------------------------------------------------------------------------------

خبر عاجل ومهم محكمة امريكية تسمح بمحاكمة الحكام و المسؤليين العرب على جرائم التعذيب و القتل سواء كانوا في السلطة او بعد خروجهم بهذه الطريقة صيصبح مبارك و غيره مطلوبيين دوليا و لن يستطيعوا السفر الى اي مكان واذا ما سافروا سيقبض عليهم

اقتباس:

وتحت عنوان "محكمة أمريكية تسمح بمحاكمة الحكام العرب في قضايا التعذيب وانتهاكات حقوق الإنسان"، كتبت صحيفة المصريون: "أصدرت محكمة الاستئناف الاتحادية العليا في الولايات المتحدة الأمريكية قرارا يجيز محاكمة أي حاكم عربي وبالتبعية الوزراء والمسؤولين، سواء أثناء الوجود بالسلطة أو خارجها، أمام المحاكم الفيدرالية الأمريكية بتهمة التعذيب."

وأضافت الصحيفة المصرية: "ويلغي القرار الذي صدر منذ أيام قانونا أمريكيا سابقا كان لا يسمح للمحاكم الاتحادية الأمريكية بمحاكمة الحكام والمسؤولين الأجانب عن جرائم التعذيب التي ترتكب ضد مواطني دولهم أمام المحاكم الأمريكية."

http://arabic.cnn.com/2010/middle_east/6/1...6Jun/index.html

تم تعديل 16 يونيو 2010 بواسطة زعلان

[رضوي]

السلام عليكم ورحمة الله وبركاته

معلش علي الرغم انهم لازم يتحاكموا ............ وعلي الرغم من الفساد اللي حصل في البلد

بس من وجهه نظري الخاصة ماينفعش بلد أجنبي ( تحت شعار اي منظمة عالمية ....... تحكمها قوانين بلد أجنبي ) انه يحاكم هؤلاء

ماينفعش ......... ببساطة لأن الدول دي لها تخطيط تاني خالص .........

يعني امريكا شايفة ان حاكم ليبيا ( علي سبيل المثال ) حاكم فاسد يبقي تحاسبه وتحاكمه ؟؟

أكيد دة موش صح

أنا مش ضد المحاكمة في حد ذاتها ......... ولكن انا ضد ان اللي يقوم بيها بلد أجنبي مش اكتر

لأننا هنرجع ف الاخر نقول ............. أُكلت يوم أُكل الثور الأبيض

تحياتي

[زعلان]

الي حيحاكمه هم الضحايا و من لهم صلة بهم حيرفعوا قضايا امام المحاكم الامريكية و حتصدر احكام ضد المجرميين وده شيء عادي ومطلوب زي اي محكمة دولية بالعكس خطوة ممتازة للضحايا و اسرهم و للاقتصاص من الجناة

[MZohairy]

انا عن نفسي ارفض مبدأ وجود محاكمه من جهه اجنبيه لمواطن مصري مهما كانت جرائمه

يا محكمه مصريه يا بلاش

[زعلان]

مالي ايده في المية مش زي الي ايده في النار يا زوهيري باشا

نحن في عالم انساني واحد تحمه قيم انسانية ومباديء و احده

الغير متضررين من النظام الحالي و الي مش تحت طائللة البطش و التنكيل و التعذيب بامكانهم ان ينظروا على الشعب المطحون لكن من حق هؤلاء المطحونين ان يحصلوا على حقوقهم ويقتص لهم بكل السبل الممكنة

والقضية هنا مش قضية ضد الوطن ده قضية شعب ضد دكتاتور و نظام عنصري قمعي يعني قضية كل انسان حر

وطن تم اغتصابه يحاول اصحابه ان يستردوه ويجدوا لأنفسهم مكانا تحت سمائه ومن حقهم ولكل انسان خياراته

[Howayda Ismail]

الكلام ده بيمشى مع الررؤساء والدول اللى بتخالف امريكا ومش تحت طوعها زى صدام قبل كده ودلوقت ايران وليبيا وسوريا لكن

احنا والحمد لله بنسمع الكلام يمين يمين شمال شمال وبعدين امريكا من اكبر الدول اللى بتنتهك حقوق الانسان واكبر دليل سجن

ابو غريب فى العراق وسجن جوانتيمالا اللى حبسوا فيه احداث صغار السن بدعوى محاربة الارهاب وبعدين مصر من الدول اللى

استقبلت سجناء عرب واجانب فى سجونها لصالح امريكا وقت احداث سبتمبر يعنى كارت المحاكمة ده محروق بالنسبة لنا

موضوع حقوق الانسان ده ورقة بتلعب به امريكا للضغط على الدول فى الوقت اللى يناسب اجندتها او الوقت اللى يتعارض مع مصالحها

[زعلان]

توضيح مرة اخرى الشعب الامريكي مش كله مع النظام الامريكي و القضاء الامريكي قضاء مستقل بجد وحر بجد مش زي عندنا

يعني الموضوع بعيد عن الحكومة الامريكية

[Howayda Ismail]

طيب اما هو قضاء مستقل ماخدش موقف ليه من اللى حصل من اسرائيل مع سفينة الحرية ولا هم بيشطروا على العرب بس

[elshafey]

امريكا مين دي اللي تحاكم رئيس مصري مهما كان اللي عمله .... ايه ياعم الهلفطة الامريكية دي

والله الخبر عصبني جدا وحرق دمي

وبعدين مايروحوا يحاكموا اكبر مجرم حرب في التاريخ اللي عندهم اللي اسمه جورج بوش علي الاقل حسني مبارك ماعملش زيه

[زعلان]

محدش قال امريكا الي حتحاكم الي قلنا ان المتضررين هما الي حيرفعوا دعوا قضائية طالما في منفذ دولي قانوني يسمح بذلك

وحتى اسرائيل المتضررين منها يقدروا يرعوا قضائية ضد شخوص الحكم فيها

خليكم واقعيين هذا هو المنفذ المسموح من خلاله اعادة الحق لاصحابه

[Howayda Ismail]

ياريت بس تساعدنا فى اقامة انتخابات نزيهة وقتها بس كل حاجة حينصلح حالها ويكون فى امل نخرج من حالة العفن والفساد اللى ملى البلد

[hanzalah]

استاذي الفاضل ..

تحية طيبة ..

خليكم واقعيين هذا هو المنفذ المسموح من خلاله اعادة الحق لاصحابه

الحق لايعود لاصحابه بمنه او منحه او هبه او عطية او احسان من هذا وذاك !!

الحق يعود لاصحابه

فقط

عندما يريد اصحابه النهوض بمسؤولياتهم والقيام بدورهم بايجابيه ورفض تام للظلم بكل اشكاله

انا ارفض ان يأتي حقي من عند الامريكان

بس هما يتشطروا على ارساء قواعد الحق والعدل عندهم بحق وحقيق مش شعارات ..

لانه بعد اجبار هيلين توماس على الاستقاله لانها عبرت بصراحة عن رأيها في عصابة اسرائيل !!

امريكا بكل زيف شعاراتها سقطت من عيون كثيرين

شكراً

تم تعديل 16 يونيو 2010 بواسطة hanzalah

[زعلان]

القضاء الدولي جزء من الحق و من حق المصريين ان يلجؤا لكل محاكم العالم لأنهم شعب من شعوب العالم وجزء من الامم التي اتحدت و لهم حقوق في هذا العالم ولن يكون ابدا منحة من احد او هبة هو حق صعب المنال في ظل طغيان النظام المصري

وهو جزء من نضال الشعب المصري ضد الطغيان في كل مكان هي رسالة الاحرار حول العالم ولو محدش له دعوة بحد في المجتمع الدولي يبقى كل شعب ينكفيء على نفسه و يسكت

الشعب قام وبدأ مرحلة من النضال داخل مصر و جزء من المعركة هو فضح النظام المصري دوليا و الزام العالم بوقف دعمه دوليا ولن يتسنى هذا الا باحكام قضائية دولية

فلسطين ضاعات من الفلسطينين بغبائهم و رفضهم عروض المجتمع الدولي الي هما جزء منه ومش من المفروض نكون بنفس الغباء واحنا في الالفية الثالثة

[MZohairy]

يا عمي فيه فرق بين القضاء الدولي و القضاء الأمريكي

رغم ان الاتنين شاربين من بعض حاليا كتير و بقوا زي بعض تقريبا

[fatfouta]

وماله وفى الاخر يبقى حسنى مبارك هو صدام

واحنا العراقيين ونشرب بقى

[kitkat]

السلام عليكم ورحمة الله وبركاته

معلش علي الرغم انهم لازم يتحاكموا ............ وعلي الرغم من الفساد اللي حصل في البلد

بس من وجهه نظري الخاصة ماينفعش بلد أجنبي ( تحت شعار اي منظمة عالمية ....... تحكمها قوانين بلد أجنبي ) انه يحاكم هؤلاء

لأننا هنرجع ف الاخر نقول ............. أُكلت يوم أُكل الثور الأبيض

تحياتي

بيدي لا بيد عمرو

صح كلامك

[herohero]

طبماالطيب احسن بصواولا محاكمة ولا غيره اللي نهبوه يرجعوه

عادي كلنا اخوات وعادي يعني

لو ع اد الفلوس تتحل الحكاية

انما التربة اللي افسدوها بالمبيدات المسرطنة اطفال بتتولد متسرطنه

التلوث ف الغذاء

التلوث ف الهواء

التلوث ف الاخلاق

التعليييييييييييييييييييييم

يالهوي ياجدعان انا مش عارف انا شايف ان حكم البشر ما ينفعشمعاهم

منهم لله ربنا وحده كافي ينتقم منهم ويحاسبهم اصل دول ما ينفعش معاهم حكم بشر والله

[زعلان]

هو حد قال يجوا بجيوشهم احنا عايزين نحاكمهم

لو عليهم حيسحلونا ويسلمونا لجوانتناموا

[engmido]

سبحان الله

ربنا اسمه المنتقم

[رضوي]

ماشاء الله

بجد ردودكم اسعدتني جداً ......... خلاص يامصريين ...... اتعلمنا م اللي حصل علي مر التاريخ

وعرفنا اخرة اي تدخل أجنبي بأي شكل م الأشكال نهايته وهدفه ايه

أستاذ زعلان

صدقني ........ مش احنا اللي نجري علي المحاكم نشتكي ظلم حكامنا مهما عملوا فينا

لأننا مش عاجزين عن أخذ حقوقنا ........... بدل لما تكون خطوتنا الايجابية هي رفع دعوة جنائية لأي محكمة أجنبية

لا معلش ........ ممكن نعمل أكتر من كدة .......... لأننا مابنصدقش اي شعارات براقة للحرية والديمقراطية والعدالة

ارساء قواعد العدالة في اي بلد ....... أمر لايستطع فعله الا مواطن هذا البلد

تقبل تحياتي :rolleyes: