قتلوك ياولدى سكان القصر

fagrmasr · 16 يونيو 2010

قتلوك ياولدى سكان القصر إهداء لروح خالد سعيد

فى رحمة الله يا إبن مصر

لكن قسم بالله .. دمك مش ها يروح من غير عقاب

ارتاح يا ضنايا فى تربتك..بيك ابتدى وقت الحساب

خضوعنا هو السبب لكن انتهى زمن الخضوع

من بعد موتك يا وليدى راح يقف وقت الخنوع

ومفيش ركوع تانى لهم .... لربنا بس الركوع

وحق مصر اللى اتسرق .. بدمنا وجب الرجوع

ومفيش سكوت ياشهيد .. بعد الضنا مفيش أعذار

ليه ولاده يعيشوا فى جنة ووولادى تعيش فى النار

قومى اصحى يابلادى

انا لازم أحمى ولادى

ومهما كان بطشهم

مش هاسكت المرة دى

جمال جابر- فجر مصر

تم تعديل 16 يونيو 2010 بواسطة fagrmasr

Howayda Ismail · 16 يونيو 2010

لاتجزعن فبعد العسر تيسير

وكل شئ له وقت وتقدير

وللمقدر فى احوالنا نظر

وفوق تدبيرنا لله تدبير

ان الله شديد العقاب

fagrmasr · 17 يونيو 2010

شكرا جزيلا هند على المرور الكريم

تم تعديل 17 يونيو 2010 بواسطة fagrmasr

Recommended Posts