موقف بسيط...من اجله افتخر ولو للحظات انى مصرى

[ابوهنا]

ابنتى هنا ولدت فى مصر منذ اربعة اشهر

اخدت تطعيم عند شهرين فى مصر

وجاءت الى السعوديه

فؤجت اول امس بمكتب الصحه فى مصر يتصل بى هنا فى السعوديه ويبلغنى بأن موعد تطعيم هنا لاربعة اشهر هو غدا

وفى غدا اتصلوا بلى يسألونى هل طعمت هنا ام لا

فى هذه اللحظه احسيت بادميتى ولو للحظه

شئ بسيط وغير مكلف ولكن رده المعنوى على كبير جدا

انا كنت اكثر المتشأمين ان مافيش فايده

بس بعد هذا الوقف اقول انشاء الله فيه فايده

[بركة]

فعلا الناس المسؤلة عن تطعيمات الاطفال عندنا لهم مواقف مشابهه معنا

ياريت كل موظف صغيرا كان ام كبيرا يعمل بهذا الحرص ..

يارب

[fatfouta]

ربنا يخليلك هنا يارب وتفرح بيها

بيعمول كده من زمان على فكرة بس انا مش عارفة من امتى

لما ولدت محمد ابنى قعدوا يشددوا على ان يكون العنوان واضح ونمرة التليفون واحدة عشان يعرفوا يوصولو لنا

عشان انا كنت والداه مكتوب فى صحة المهندسين تبع المستشفى اللى كنت والدة فيها لكن فى تطعيم شهرين طعمته عندنا فى الخلفاوى لقيتهم فى نفس اليوم فى صحة المهندسين بيكلمونى وبيقولولى ماجيتيش طعمتى محمد ليه؟؟ قلتله طعمته هنا فى الخلفاوى قاللى طب تعالى عشان نغير العنوان

عشان ماحدش يقاضيكى ولا حاجة.....وروحت فعلا وفرحت بجد بالاهتمام ده والله

بلدنا لسه بخير يا ابو هنا وان شاء الله هتفضل بخير

ربنا يسعدك ويفرح قلوبنا جميعا

[اغابي]

شوف يا ابو هنا

احنا كلنا بنفتخر اننا مصريين ومش معنى اننا بنفتخر - يبقى ما نتلكمش عن سلبيات بلدنا - والظروف المرة اللى بتمر بيها مصر حاليا

واكيد السبب مش فينا كشعب اد ما ان السبب الحقيقي فى الحكومة اللى خلت شعب كامل تعداده 80 مليون اقلية وهى الاغلبية

احنا لما بنتكلم عن البهدلة اللى فيها مصر علشان يبقى فى توعيه فكرية عند الشعب وعلشان كدا بنعمل حملة عبر الانترنت تساعد الناس فى فهم مشاكل بلدنا

وعيوبها وسلبياتها ونقدر نعالجها ومش معنى كدا اننا مستنيين موقف صغير عن مجرد تطعيم نفتخر فيه بمصريتنا - لاء -

طبعا افتخارنا بارضنا وشعبنا اكبر من مجرد موقف

وفى اسباب كتير تخلينا نفتخر بمصريتنا ..

عندك تاريخ مصر - عندك زويل ومحفوظ ومجدى يعقوب

عندك عمالقة الفن والموسيقى والتاريخ ولم يتكرر اى منهم فى دولة اخرى عربية . .

لكن المشكلة كله صيغة الماضي

هو مفيش حاجة - الحاضر - كله ماضي ماضي

طب ايه فى المستقبل ؟؟

هو داه اللى بنقوله - هو اللى عاوزين نوصله

ايه المستقبل ممكن يخلينا نقول - من اجله افتخر انى مصري - علطوووووول مش للحظات وبس

ملحوظة اخيرة :

نخلى بالنا - جذورنا كشعب واخلاقنا وقيمنا لسة جوانا ما اتغيرتش - لما بننزل زيارة ونشوف جيرانا والجيران لبعضيها

الجيران الحلوين - الشارع المصري هو هو - الناس الطيبين - واللى بيحصل من وقت للتانى داه كلام فاضي مش هما الشعب الحقيقي بتبقى مجموعة مرتزقة . .

ربنا يخليلك هنا ويحافظ عليها وتفرح بيها

اغابي

تم تعديل 16 يونيو 2010 بواسطة اغابي

[ابوهنا]

شوف يا ابو هنا

احنا كلنا بنفتخر اننا مصريين ومش معنى اننا بنفتخر - يبقى ما نتلكمش عن سلبيات بلدنا - والظروف المرة اللى بتمر بيها مصر حاليا

واكيد السبب مش فينا كشعب اد ما ان السبب الحقيقي فى الحكومة اللى خلت شعب كامل تعداده 80 مليون اقلية وهى الاغلبية

احنا لما بنتكلم عن البهدلة اللى فيها مصر علشان يبقى فى توعيه فكرية عند الشعب وعلشان كدا بنعمل حملة عبر الانترنت تساعد الناس فى فهم مشاكل بلدنا

وعيوبها وسلبياتها ونقدر نعالجها ومش معنى كدا اننا مستنيين موقف صغير عن مجرد تطعيم نفتخر فيه بمصريتنا - لاء -

طبعا افتخارنا بارضنا وشعبنا اكبر من مجرد موقف

وفى اسباب كتير تخلينا نفتخر بمصريتنا ..

عندك تاريخ مصر - عندك زويل ومحفوظ ومجدى يعقوب

عندك عمالقة الفن والموسيقى والتاريخ ولم يتكرر اى منهم فى دولة اخرى عربية . .

لكن المشكلة كله صيغة الماضي

هو مفيش حاجة - الحاضر - كله ماضي ماضي

طب ايه فى المستقبل ؟؟

هو داه اللى بنقوله - هو اللى عاوزين نوصله

ايه المستقبل ممكن يخلينا نقول - من اجله افتخر انى مصري - علطوووووول مش للحظات وبس

ملحوظة اخيرة :

نخلى بالنا - جذورنا كشعب واخلاقنا وقيمنا لسة جوانا ما اتغيرتش - لما بننزل زيارة ونشوف جيرانا والجيران لبعضيها

الجيران الحلوين - الشارع المصري هو هو - الناس الطيبين - واللى بيحصل من وقت للتانى داه كلام فاضي مش هما الشعب الحقيقي بتبقى مجموعة مرتزقة . .

ربنا يخليلك هنا ويحافظ عليها وتفرح بيها

اغابي

الفاضله اغابى

تحياتى

سيبينى افرح ببلدى شويه

انتى عملتى وكأنى ارسم لوحه جميله وجيتى حضرتك رشيتى عليها حبر ازرق بوظت اللوحه

سبيبينا نفرح ببلدنا شويه ياست الكل وبلاش نقد حتى لو النهارده بس

[herohero]

لو قولتكم هتستغربوا ان معظم المواقف الايجابية اللي تشرف مش من الناس الكبيرة اللي المفروض تكون قدوة لكن من الصغيرين

لكن انا بابقى طاير من الفرحه لما الاقي اي مصري ف منصب مرموق وخاصه لو كان مرتبط بمكانه علمية

ياسلام لما بشوف برنامج ع قناة اون تي في اسمه ناس من مصر ياسلام ع الفخر

ياسلام لما اشوف مجدي يعقوب

ولا احمد زويل ف منتدى الاعلام العربي ومحمد بن راشد قاعد يسمع له والحضور كان كله مركز

ولا لما اشوف فاروق الباز وغيييييره كتير

وصحفيين وادباء ولا علاء الاسواني وغيره كتير

ع اد ما بفرح ع اد ما بزعل ان كل دول عندنا بس راكنينهم ع جنب لما شوفت المؤتمر اللي كانوا جايبين المصريين اللي ف الخارج وكلهم حملة دكتوراة وعلماء

شعور بالحزن ع ان حكومتنا اهملت الاخذ براي هؤلاء لكن ايضا امل كبير لان الاساس موجود وهو البشر فالدولة التي تمتلك هذا الشعب المليئ بالكفاءات ما يتخافش عليه

الواحد بينقد من حبه لبلده ورغبته انها تبقى رقم واحد وده حق مشروع لاي انسان بيحب بلده

وكمان لان الواحد زهق من وشوش كلها فساد وريحتها فاحت قوي خلاص زهقنا وزير فاشل يقعد يتنقل من وزارة لوزارة ماهو فاشل ارميه

وغيره وغيره كتير

لكن بجد لما الواحد بيشوف صاله 3 ف مطار القاهرة بيحس ان الواحد يقدر يقول ان الحكومة اللي بننتقدها لو حبت تعمل حاجه كويسة وحلوة بتعمل

اللي هيجنني ساكتة ليه يا حكومة ماتعملي حارمنا من حلاوتك ليه وقارفانا عسل اسود

[اغابي]

الفاضله اغابى

تحياتى

سيبينى افرح ببلدى شويه

انتى عملتى وكأنى ارسم لوحه جميله وجيتى حضرتك رشيتى عليها حبر ازرق بوظت اللوحه

سبيبينا نفرح ببلدنا شويه ياست الكل وبلاش نقد حتى لو النهارده بس

ماشي يا ابو هنا وحقك عليا وعلى راسى كمان

بس المشكلة بجد ان الواحد اليومين دوول قلبه موجوع اوى من اللى بيحصل فى البلد داه

عموما بضم صوتى لصوتك بفرحتنا ان فعلا فى ناس - اخيرا اخيرا - اتصلت واهتمت باولادنا وصحتهم وبالطفولة الضايعة فى مصر ..

بــــــس

ما تنساش اطفال الشوارع فى مصر وعددهم ( مليون ونص طفل ) ما بين تسول ونوم تحت الكبارى وفى مراكب النيل فى عز الشتا مرميين . .

ما تنساش ان مفيش لجان مهتمة تأويهم وتدور عليهم - كل ملجأ ايتام او جمعية طفولة - مستنيين الطفل يروح لغاية عندهم مش هما اللى المفروض يدورو عليه . .

ما تنساش عصابات خطف الاطفال - علشان يبيعوا اعضاؤهم لليدفع اكتر والدولة مش عاملة حاجة . .

ما تنساش اطفال المناديل اللى منتشريني يبيعو المناديل فى الاشارات . .

ما تنساش اطفال الفقراء فى المناطق النائية والجبلية اللى محرومين حتى من التعليم واللقمة الكويسة والعلاج والبس . .

ما تنساش الاطفال اللى عددهم بيكون 7 وساكنين كلهم فى اوضة مع ابوهم وامهم فى سطح عمارة - انا شفتم بنفسي بينامو على الارض كمان . .

معلش انا علشان قلبي موجوع اوى بتكلم كدا

عموما كفاية عليك نهارده لغاية كدا واسيبك تفرح شوية ببنتك - وما تزعلش منى - كنت حابة افضفض

اغابي

[Howayda Ismail]

ربنا يبارك لك فى هنا وتخويها وتشوفها فى الجامعة ان شاء الله

على قد مافى حاجات وحشة فى مصر فى حاجات حلوة كتير وكفاية طيبة المصريين اللى بتلاقيها فى كل مكان

[doha]

فكرتني بمن ست سنين كده لما بنتي اتولدت وعرفت ان في حاجه اسمها تحليل لاكتشاف وجود خلل في الغده الدرقية او لا وعرفت ان التحليل ده لازم يتعمل لكل المواليد احتياطيا عشان لو اكتشفوه مبكرا بينقذ الطفل من تخلف عقلي اكيد هيصاب بيه لو كان عنده الخلل ده ومتعالجش بدري .. وعرفت برضه ان تكلفة التحليل ده غاليه جدا مقارنة بالتحاليل العاديه

المفاجأه ان التحليل ده طلع بيتعمل كاجراء روتيني لكل الاطفال المصريين في خلال اول اسبوع من الولاده .. ومجاني بشكل تام ..

[رضوي]

طبعاً فيه أمل ............. أكيد فيه أمل

[om marawan]

ربنا يبارك لحضرتك فيها ويحفظها ويجعلها ذرية صالحة ويفرحك بيها دايما ياااااااارب

وخالص الشكر ليك على موضوعك الجميل

على فكرة ياهيرو مش بس صالة 3 فيه حاجات كتير تخليك فخور اوى اوى ببلدك من بنية تحتية لمدن جديدة لمشروعات للقرية الذكية يعنى بجد فيه حاجات كتير مشرفة

[herohero]

ربنا يبارك لحضرتك فيها ويحفظها ويجعلها ذرية صالحة ويفرحك بيها دايما ياااااااارب

وخالص الشكر ليك على موضوعك الجميل

على فكرة ياهيرو مش بس صالة 3 فيه حاجات كتير تخليك فخور اوى اوى ببلدك من بنية تحتية لمدن جديدة لمشروعات للقرية الذكية يعنى بجد فيه حاجات كتير مشرفة

هو لو عاوزة الحق لفخر مشبالمباني احنا مش هنعمل زي الخليج الفخر بالابراج لا طبعا

الفخر بجد لما الاقي كل مواطن مصريواخد حقه وحكومته بتعامله باحترام ده يهمني بكتيييييييييييييير من اي مطار واي قرية ذكية لان ده حاجات مش بيستفيد بيها عم حسين البواب ولا ام محمد بتاعت الانابيب

القرية الذكية ده لولاد البطة البيضة اما الناس اللي عايشين ف البلد دول اللي نفتخر ونقول ان بلدنا ده مفيش زيها لما نلاقي فيه سيادة للقانون والعدل

[الغريب]

الحمدلله ،، فعلا لازم نفخر أننا بالشكل ده في ظل الظروف دي

أفضل متعلمين بالرغم من سوء أحوال التعليم

أفضل دكاترة بالرغم من تدهور القطاع الصحي في البلد

يكفي أنك لما تروح الحرمين تلاقي الغالبية هناك مصريين بالرغم من أن سعر العمرة والحج في مصر أغلى من أي بلد تاني

الحمدلله فعلا أننا مصريين

[fatfouta]

الحمدلله ،، فعلا لازم نفخر أننا بالشكل ده في ظل الظروف دي

أفضل متعلمين بالرغم من سوء أحوال التعليم

أفضل دكاترة بالرغم من تدهور القطاع الصحي في البلد

يكفي أنك لما تروح الحرمين تلاقي الغالبية هناك مصريين بالرغم من أن سعر العمرة والحج في مصر أغلى من أي بلد تاني

الحمدلله فعلا أننا مصريين

حمد لله عالسلامة يا الغريب يا خويا

يسلم فُمك على الكلام ده :)

[herohero]

وبصراحه الواحد اتبسط رغم صعوبة الظروف بس احنا برده فييييسة وبنصرف

وكشف "بيوش ماثيور" -المدير الإقليمي لشركة "نيلسن" العالمية لبحوث السوق- خلال المؤتمر الذي عقدته المؤسسة، عن بلوغ حجم الإنفاق الاستهلاكي في مصر "الفقيرة" نحو 131 مليار دولار في عام 2009، مقارنةً بنحو 119 مليار دولار في السعودية "الغنيّة" خلال نفس العام، أي أن المصريين الغلابة ينفقون أكثر من السعوديين الأثرياء! مؤكدًا أن المصريين يقومون بعادات استهلاكية غير صحيّة

[ابوهنا]

احنا والحمد لله عندنا كل الامكانيات ان نصبح دوله عظمى

واقول دوله عظمى ولسه فقط دوله متقدمه

الموضوع بسيط

1- قانون حازم يطبق على الجميع

2- اداره ناجحه فى كل المجالات

3- بعد كده مش مهم نظام الحكم هيبقى ايه

[om marawan]

ربنا يبارك لحضرتك فيها ويحفظها ويجعلها ذرية صالحة ويفرحك بيها دايما ياااااااارب

وخالص الشكر ليك على موضوعك الجميل

على فكرة ياهيرو مش بس صالة 3 فيه حاجات كتير تخليك فخور اوى اوى ببلدك من بنية تحتية لمدن جديدة لمشروعات للقرية الذكية يعنى بجد فيه حاجات كتير مشرفة

هو لو عاوزة الحق لفخر مش بالمباني احنا مش هنعمل زي الخليج الفخر بالابراج لا طبعا

الفخر بجد لما الاقي كل مواطن مصرياخد حقه وحكومته بتعامله باحترام ده يهمني بكتيييييييييييييير من اي مطار واي قرية ذكية لان ده حاجات مش بيستفيد بيها عم حسين البواب ولا ام محمد بتاعت الانابيب

القرية الذكية ده لولاد البطة البيضة اما الناس اللي عايشين ف البلد دول اللي نفتخر ونقول ان بلدنا ده مفيش زيها لما نلاقي فيه سيادة للقانون والعدل

ماهو ياهيرو ياخويا ابن عم حسين البواب ومحمد ابن ام امحمد لما اتفتح المشاريع دى و المدن الجديدة لقوا شغل والشغل زى مانت عارف هو شرف الناس دى واكل عيشهم وجزء من حق اللى لسه بيتعلموا فى البلد دى مجانااااا وجزء كمان من احترام الدولة لهم

على فكرة انا والله من الزقازيق لو تعرفها يعنى وليا 4 قرايبى مقربين جدااا بيشتغلوا فى القرية الذكية وكلهم تحت 28 سنة

[om marawan]

عفوا للفاضل ابو هنا انى خرجت عن الموضوع لكن هو برضه والله جزء من الفخر بمصريتى :) يعنى فى بيتها

[ابوهنا]

حازم باشا

عمدة الاطباء المصريين فى الغربه

فخر لى ان سعادتك تقرأ موضوعى

واتمنى ان تدلى بدلوك فى هذا الموضوع

[doha]

وبصراحه الواحد اتبسط رغم صعوبة الظروف بس احنا برده فييييسة وبنصرف

وكشف "بيوش ماثيور" -المدير الإقليمي لشركة "نيلسن" العالمية لبحوث السوق- خلال المؤتمر الذي عقدته المؤسسة، عن بلوغ حجم الإنفاق الاستهلاكي في مصر "الفقيرة" نحو 131 مليار دولار في عام 2009، مقارنةً بنحو 119 مليار دولار في السعودية "الغنيّة" خلال نفس العام، أي أن المصريين الغلابة ينفقون أكثر من السعوديين الأثرياء! مؤكدًا أن المصريين يقومون بعادات استهلاكية غير صحيّة

ايوه بواقع كام دولار للفرد ؟؟؟

حضرتك بتقارن السعوديه الي عشرين تلاتين مليون نفس بمصر الي داخله على المية مليون ؟؟؟

انا مش بقولك كده عشان تغير وجهة نظرك في مصر لاني عارفه هي مش هتتغير معاك انت بالذات شكلها مشكلة شخصية .. لكن حبيت اوضح يمكن حد يكون متابع ويصدق الاحصائيات دي الي مكتوبه على طريقة لا تقربوا الصلاه ..