حد يساعدني سؤال مهم جدا عيزة جوابة!!!!!!!!

[nora]

اولا ازيكم كلكم انا الحمد لله كويسة وبأذن الله هتجوز اخيرا في الصيف الفرح بتاعي في المنيا وحجزولي قاعة القوات المسلحة في المنيا الجديدة وبما اني مرحتش هناك من سنتين فمعرفش حاجة عنه فعيزة اي معلومات عن الفندق مستواه و عدد نجومة ونظافته و غرفة وياريت لو فيه صور عنه فأجو المساعده :unsure: :blink: bk:

[فــيــروز]

انا تعبت النهارده من الزغاريد بقى :D

الف مبروك يا نورا و ربنا يتمم بخير ان شاء الله و تسعدى بحياتك و تسعدى زوجك باذن الله bk: :blink: :unsure:

للاسف لم اذهب للمنيا من قبل لكن باذن الله استاذنا اخناتون المنيا يبقى عنده معلومات .. او حتى جده الشيخ حسن

[achnaton]

اولا ازيكم كلكم انا الحمد لله كويسة وبأذن الله هتجوز اخيرا في الصيف الفرح بتاعي في المنيا وحجزولي قاعة القوات المسلحة في المنيا الجديدة وبما اني مرحتش هناك من سنتين فمعرفش حاجة عنه فعيزة اي معلومات عن الفندق مستواه و عدد نجومة ونظافته و غرفة وياريت لو فيه صور عنه فأجو المساعده :unsure:  :blink:  bk:

ألف بركة .. يا نوارتنا .. والله صعبت على نفسى .. وكان نفسى أرجع شباب تانى .. عشان آجى واحضر الفرح .. وأمسك العصا وارقص .. لكن بقى مفيش غير لسان .. صحيح مش حا أعرف أزرغرد زى فيروزة المنتدى .. ولكن ها اهمس به فى ودنك واقولك الف مبروك وربنا يتمم بخير ..

والفندق اللى حجزوا لك فيه .. ده مش فندق يا بنتىت .. دول ضحكوا عليكى .. والظاهر إنهم بيحبوكى قوى .. ده حاجة كده اتفرجت عليها قبل الأفتتاح بكام شهر .. مصدقتش إن يبقى فيه حاجة زى دى فى المنيا .. وناوى إن شاء الله احجز هناك ثلاثة اربعة أسابيع واقضى الأجازة فيه .. صحيح قالوا لى روح أصبغ شعرك عشان يفتكروك .. لواء او فريق .. تكمل الحكاية ..

ده سبعة نجوم يا ماما .. لم تبخل عليه القوات المسلحة لا بالجهد ولا بالمال .. ولا حتى بذوق المهندسين الشباب .. وغرفة على مستوى راق جدا من التأثيث .. وفيه تراس روعة .. واسع وجميه جدا واتخيل نفسى كل يوم الصبح وانا بآخد الشاى فيه .. لأنه متصل مباشرة بخباز الحلويات واوفيس القهوة والشاى .. هو صحيح مساحته كبيرة والخوف إن العريس يلاقى صعوبة فى العثور عليكى وانت بتتمتعى بالأفطار الملوكى فيه ..؟؟ لكن ولا يهمك .. إستلفى لمبه من لا يت هاوس .. والفندق ده فيه كل وسائل الترفيه اللى ممكن تفكرى فيها من العاب رياضية .. او مركو صحى تحت إشرف اخصائئين للرياضة الطيبية .. ورغم حر المنيا فيه سونا .. وملاعب تنس ..

وموقعة يجنن .. ورغم إنه تبع القوات المسلحة .. وتحت إدارتهم الا إنك حتلاقى المحافظ بيجامل الكل فيه .. مفيش حد بيعمل فرح هناك أو بيسعد فيه بمناسبة الا وتلاقى لمسة من لمسات أجهزة المحافظة .. بصرف النظر مين هو صاحب المناسبة .. المهم إنه شرف المنيا .. بالزيارة

مرة تانية الف بركة واطمئنى جدا .. خير ما اختاروا .. والظاهر العريس طيب قوى .. وانت عارفة الكماله .. عقبال باقى اخواتنا فى المحاورارات وبراهاها قريبا ..

اخناتون المنيا

[Lighthouse]

الف مبروك يانورا

وربنا يتمم بخير ويارب تعيشي اسعد الايام

احجزي لنا نصيبنا من الحلويات بقى :unsure:

[حشيش]

ألف مبروك يانورا bk: ...أخيراً...صبرتى ونولتى :blink:...الفندق ده له مراسم عريقة فى زفة العروسين حيث تقوم المدفعية بإطلاق 21 طلقة بقذائف المورتر على الزفة ويتخلل ذلك عروض لقوات الكوماندوز والمظليين :unsure:...وقد سمعت أن أحدث ما توصل إليه خبراء الفندق العسكريين هو أن تهبط العروسة ببراشوط من طائرة سى 130 فى حين يصعد العريس على متن صاروخ سام 6 ليلتقيا فى منتصف الطريق وهذا يعتبر أحدث ما فى الموضوع...ربنا يتمم بخير :D

[nora]

شكرا يا فيروز عقبالك يارب وشكرا يا ليت هاوس مش عرفة اقول عقبالك ولا لاه :unsure: :blink:

اما الاستاذ اخناتون طمنتني ربنا يطمن قلبك وشكرا ليك يارب وتنوروني كلكم في الفرح بس كل واحد يجيب كرسي وهوا جي bk: :D

وعموما انا هقول اية الي ناقصني في بيتي علشان الهدايا تفدني معنديش مانع ان حد يجبلي مطبخ عيزاه يكون خشب لونه غامق وياريت السجاجيد والنجف وكمان الكرستال وحجات المطبخ :P :D smk:

[nora]

ألف مبروك يانورا :P ...أخيراً...صبرتى ونولتى :blink:...الفندق ده له مراسم عريقة فى زفة العروسين حيث تقوم المدفعية بإطلاق 21 طلقة بقذائف المورتر على الزفة ويتخلل ذلك عروض لقوات الكوماندوز والمظليين :unsure:...وقد سمعت أن أحدث ما توصل إليه خبراء الفندق العسكريين هو أن تهبط العروسة ببراشوط من طائرة سى 130 فى حين يصعد العريس على متن صاروخ سام 6 ليلتقيا فى منتصف الطريق وهذا يعتبر أحدث ما فى الموضوع...ربنا يتمم بخير :D

smk: smk: انا مش عيزه امووووووووووووووووووووووت هو انت مدخلني فيلم رعب في اية

عموما الله يبارك فيك يارب وعقبال ما افرح فيك وانت في القفص bk: :D ntw:

[Lighthouse]

وشكرا يا ليت هاوس مش عرفة اقول عقبالك ولا لاه :unsure:  :blink:

طبعا تقولي ونص كمان :P

وانا بالمثل ماعنديش اي مانع استقبل هداياكم من دلوقتي علشان تشتروا براحتكم بدون اي استعجال

وبرضه سجاجيد ونجف وتحف وخلافه

ولو شقة بعريسها وعليها عربية موديل 2005 مش ح اكسفكم وح اقبلهم bk: :D

[nora]

:blink: bk:

مش ممكن انتى كمان عيزة العريس لاه وفقها عربية طيب معندكيش اي شروط تنية في العريس

ربنا يوفقك للخير وانا هقولك على الوصفة السحرية بس متعمليش عملتي انا قعدت 4 سنين يا بنتي مكتوب كتابي وهو في بلد وانا في بلد وكنا بنشوف بعض كل سنة مرة

طبعا كان فيها حلو وفيها مر بس الحمد لله اهي ايام وعدت وقربت تنتهي وهتبقى ذكرى اه انا خيفة ومرعوبة لاني هقدم استقلتي ورجعه مصر للابد بس بحاول اني اقلم نفسي على الوضع ربنا يستر هو قرار مش سهل بس :unsure:

انا حسة اني اليومين دول من كتر الضغط النفسي انهى هتجنن مش طيقة حد يقولي كلمه وبتخانق مع الكل مش عرفة كل ده لاني همشي وخيفة وشغلي وهقدم استقالة وهيفنشوني قريب لو محولتش الاقامة مشاكل كتير في الشغل بأختصار

بس بحاول ابقى مبسوطة :D :P

تم تعديل 18 مايو 2004 بواسطة nora

[فــيــروز]

بسم الله ما شاء الله :blink:

ولا حول ولا قوة الا بالله

ربنا يحفظك يا نورا انت و زوجك و يتم عليكما السعاده و الهناء باذن الله :unsure:

اما يا لايت بخصوص العربيه و العريس فانا اؤيدك تماما فى هذا المطب .. قصدى المطلب الشرعى bk: .. ربنا يوفقك يا بنتى و يبعت لك العربيه و العريس و يا سلام لو كمان سواق للعربيه .. انا عارفه ان كده كتير بس كرمكم فاق الوصف :D

[Lighthouse]

ايه ياجماعة بس

انت مالكم اتخضيتوا ليه

علشان حتة عربية موديل 2005 بس

ياساتر عليكم

انا متعاونة ومش عايزة اكسر بخاطركم

خلاص

السواق مرتبه على

هه بس

خلاص بقى

ومش ح اقدم تنازلات تانية هههههههههههه

ياساتر عليكو كركركرككركركركركركر

[SANAA]

الف مبروك يانواره

وربنا يباركلك ان شاء الله

متخفيش من الاستقاله ان شاء الله ربنا حيوفققك في الزواج وسيبيها علي الله

لايت هاوس شقه وعربيه وعريس والهدايا علينا بس طب المبيل علي مين؟؟؟؟؟؟؟؟؟؟؟؟؟؟؟؟

تم تعديل 18 مايو 2004 بواسطة SANAA

[Lighthouse]

ههههههه

الموبايل على فيروز

هي وعدتني بكده

والاشتراك ح يدفعه الاستاذ محمد ابوزيد

باعتباري عضو في المحاورات فأنا مسؤليتهم :blink:

ولا ايه :unsure:

[فــيــروز]

الموبايل على فيروز

باعتباري عضو في المحاورات فأنا مسؤليتهم :blink:

ولا ايه  :unsure:

إيه :P bk: :D

تم تعديل 18 مايو 2004 بواسطة فــيــروز

[se_ Elsyed]

أنا شكلي دخلت قاعة الحريم ... أسف يا جماعة . كنت بادور على واحد إسمه حشيش لابس بدلة ميري وماسك كلاشينكوف بيحيي به العروسة والعريس.. وكمان بأدور على راجل شعره أبيض ودقنه بيضا ولابس لبس عامل زي المأذون وإسمه اخناتون .. تفتكروا ممكن الأقيهم فين .. مشكر وأقعدوا بالعافية ..

آه بالحق ألف مبروك يا نورا يا عروس البحر الأبيض المتوسط اللي هاتبقي قريب عروس الصعيد .. وشكلك كده يا نواره هاتعيشي هناك وهاتملي محاورات المصريين علينا عيال صعايده ( هريدي وبشندي وهنومه ) مش عيب كلها أسامي تراثية وحلوه :unsure: .. ماحدش يضرب نار الصعايدة اجدع ناس والمناينه أجدع واجدع ..

إدينا دفعة كلاشبن يا حشيش ومافيش مانع ترمي قنبلة تحيه للعروسين .

وعايز أسمع سلام صعيدي شحط محط وعشان خاطري سمعني تحية ذئاب الجبل أو الضوء الشارد اللي موجود منهم يا حشيش باشا .

[Salwa]

الف الف مبروك يانورا .

ربنا يتمم بخير..ولا تقلقى من اى شئ ..اللى فى نصيبك حاتشوفيه وان شاء الله حاتبقى اجمل عروسة فى مصر فى الليلة دى ..

توكلى على الله قبل الاقدام على فعل اى شئ .

ربنا يسعدك ويوفقك ....

دلوقت ماتفكريش فى الشغل ولاتحزنى على الاستقالة ....مين عارف ايه اللى حايحصل بكرة ؟؟..ربنا حايعوضك كل الخير ..

لايت هاوس العزيزة .....

دى بشرة خير ان نورا حاتتجوز قريب ......

وهى كدة بتفتح لكن ابواب السعادة ....وان شاء الله قريب جدا

...حانفرح فيكن .....

ربنا يكتر الأفراح ...ويسعد الجميع .

[Lighthouse]

شكرا يامدام سلوى

ربنا يخليكي وتفرحي بأولادك يارب

وربنا يفرح الجميع

اما انت بقى يافيروز كله كوم والمحمول كوم تاني

انتي عايزة تخربي على الدنيا ولا ايه :blink:

:unsure:

[nora]

:P :D flx:

شكرا ليكم كلكم يا سس ويا مدام سلوى و سناء وفيروز وعقبال كل البنات يارب :huh: smk:

انا والله مش زعلانة اني هسيب الشغل بس الي مدايقني اني تعبت كتير علشان اوصل للي انا فيه ولان اصل لهذا المعهد وذلك بعد جهد عظيم فصعبان عليا تعبي الي هيروح وهرجع ابدأ تاني من الصفر lo::

بس الي مصبرني اني اخيرا ربنا هيجمعني انا وزوجي بعد فراق 3 سنوات وبدعي ربنا ان ربنا يسترها معانا وتعدي اول 3 سنوات على خير بدون مشاكل لاني خيفة اوي من الي بسمعه من مشاكل 3 سنوات الاولى من الزواج :unsure:

الي بيزعلني ان اي اتنين متجوزين لما بيكونوا هيتجوزوا بيعدوا يسدوا الدنيا في وش اي اتنين مقبلين على الزواج بدل ميدوا النصيحة الطيبة للبعد عن المشاكل mf-:

لكن سبحان الله لازم يرعبوا الواحد

بس ربنا يستر ups:

[nora]

صحيح يا سس انا بيتي في القاهرة هعيش في القاهرة بأذن الله في النزهه الجديده انشاء الله بس معرفش برضوا نظام الحياة هناك اية اهى كله تجربة :unsure: :huh:

[سقراط المصري]

الو ..الو...الوهل تسمعني!!

الف مبروك الزواج السعيد للأخت نورا.

انتهت الرساله ...حول

:unsure: :huh:

سقراط