التامين الصحى للزياره العائلية

[مهندس محمد ابراهيم]

دخلت اليوم على موقع وزارة الخارجية اقدم على طلب زياره

لقيت التعهد الاتى اول الصفحه

https://visa.mofa.gov.sa/Agreement_FamilyVisa.asp

أتعهد بتدوين جميع بياناتي بالشكل الصحيح من واقع السجل المدني أو رخصة الإقامة وتدوين بيانات المطلوب للزيارة من واقع جواز سفره وأتعهد بتوفير السكن العائلي المناسب والتأمين الطبي ومغادرة الشخص المطلوب للزيارة قبل إنتهاء مدة الإقامة المحددة في تأشيرة الدخول وان يكون طيلة مدة إقامته في المملكة خاضعاً للأنظمة والقوانين المرعية وأن الغرض من الطلب هو للزيارة للعائلية فقط وليس لأداء الحج أو العمرة وأتحمل كامل المسئولية إذا ثبت خلاف ذلك.

ايه حكاية التامين الطبي على الزائر دى

مكنتش موجوده قبل كده

يا ريت لو حد عمل زياره قريب يقولنا الكلام ده اجراء روتيني ولا هنعمل تامين طبي ولا ايه النظام ؟؟

[Diab]

لا مش هتعمل ولا حاجة دي كلمة كدة مكتوبة وخلاص

كبر دماغك

[مهندس محمد ابراهيم]

الف شكر يا دياب على الرد

انا على فكره لما عملت الزياره السنه اللى فاتت مكنش فى اي سيره عن التامين الطبي ده ففكرت انها حاجه جديده ضافوها اليومين دول

[mekkawy]

طيب أنا عندي سؤال يا جماعة لأهل الخبرة في الزيارات

بس يا ريت إجابة أكيد بوليز

المفروض إني إحتمال أعمل زيارة لزوجتي .. هل الداخلين بزيارة (الزوجة و البنت) بيكون ليهم تأمين صحي ؟

أنا عاوز أعملهم تأمين .. الشركة بتعمل التأمين الصحي للموظف و أسرته لكن هل الأسرة لو داخلة بفيزا زيارة هيكون ليهم تأمين صحي؟

جزاكم الله خيراً

مكاوى

[jamalpody]

طيب يا جماعة انا لو عندي والدتي بتأشيرة زيارة عائلية هل ممكن اعمل لها تأمين صحي ؟؟؟؟؟؟؟؟؟؟؟

[خالد شحاته]

طيب يا جماعة انا لو عندي والدتي بتأشيرة زيارة عائلية هل ممكن اعمل لها تأمين صحي ؟؟؟؟؟؟؟؟؟؟؟

ممكن جداااااا

بس انت هتعمل لها تامين وهي ممكن تجالس كم شهر والتامين بيخد منك سنه كامله

[خالد شحاته]

دخلت اليوم على موقع وزارة الخارجية اقدم على طلب زياره

لقيت التعهد الاتى اول الصفحه

https://visa.mofa.gov.sa/Agreement_FamilyVisa.asp

أتعهد بتدوين جميع بياناتي بالشكل الصحيح من واقع السجل المدني أو رخصة الإقامة وتدوين بيانات المطلوب للزيارة من واقع جواز سفره وأتعهد بتوفير السكن العائلي المناسب والتأمين الطبي ومغادرة الشخص المطلوب للزيارة قبل إنتهاء مدة الإقامة المحددة في تأشيرة الدخول وان يكون طيلة مدة إقامته في المملكة خاضعاً للأنظمة والقوانين المرعية وأن الغرض من الطلب هو للزيارة للعائلية فقط وليس لأداء الحج أو العمرة وأتحمل كامل المسئولية إذا ثبت خلاف ذلك.

ايه حكاية التامين الطبي على الزائر دى

مكنتش موجوده قبل كده

يا ريت لو حد عمل زياره قريب يقولنا الكلام ده اجراء روتيني ولا هنعمل تامين طبي ولا ايه النظام ؟؟

الاقرار المكتوب في موقع وزارة الخارجيه علشان الزياره

لان فيه ناس للاسف بتكون المهنة عامل والموقع مش بيسجل بيكتب مهنة اخري وكدا بيتحمل المسئوليه

[jamalpody]

جزاكم الله خيرا يا استاذ خالد ............ انا عاوز اعمل لوالدتي تأمين صحي علي اساس انها كبيرة في العمر ودائما

مريضة لذلك حتي اذا تعبت لا قدر الله ولا حاجة اعالجها علي حساب التأمين حيث ان مرضها مكلف جدا في العلاج

ودعواتكم لها بالشفاء ان شاء الله .................

[mama nona]

سؤال بخصوص الزيارات

عاوزة اعمل لزيارة لوالدى ووالدتى

بس عاوزة اعملها قرب الحج علشان يحجو

هل اكيد الزيارات بتفتح بعد رمضان ولا مجرد كلام

وانا بقدم على الزيارة بيقولولى هى مدتها كام شهر ولا بتتحدد من السفارة فى مصر

شكرا ليكم

[ahmos1]

طيب بعد ماندخل البيانات على موقع الخارجية اية الخطوات اللى بعد كدة و شكرا

[ahmos1]

ماحدش عندة رد يا جماعة

[kitkat]

موضوع ذو صلة

http://www.egyptiantalks.org/invb/?showtopic=82439

طيب أنا عندي سؤال يا جماعة لأهل الخبرة في الزيارات

بس يا ريت إجابة أكيد بوليز

المفروض إني إحتمال أعمل زيارة لزوجتي .. هل الداخلين بزيارة (الزوجة و البنت) بيكون ليهم تأمين صحي ؟

أنا عاوز أعملهم تأمين .. الشركة بتعمل التأمين الصحي للموظف و أسرته لكن هل الأسرة لو داخلة بفيزا زيارة هيكون ليهم تأمين صحي؟

جزاكم الله خيراً

مكاوى

ماتخليها استقدام أفضل يا ميكو ؟

الشركة عندك هترحب بالتأمين الصحي علي الناس الي جايين زيارة لان فترة مكوثهم في السعودية مش كبيرة بس المشكلة انها هاتدفع تكاليف الاشتراك سنة كاملة

سؤال بخصوص الزيارات

عاوزة اعمل لزيارة لوالدى ووالدتى

بس عاوزة اعملها قرب الحج علشان يحجو

هل اكيد الزيارات بتفتح بعد رمضان ولا مجرد كلام

وانا بقدم على الزيارة بيقولولى هى مدتها كام شهر ولا بتتحدد من السفارة فى مصر

شكرا ليكم

الزيارة أصبحت شهر وتغلق أبوابها في رمضان ، ممكن تتجدد لو فيه معارف

تم تعديل 20 يونيو 2010 بواسطة kitkat

[خالد شحاته]

سؤال بخصوص الزيارات

عاوزة اعمل لزيارة لوالدى ووالدتى

بس عاوزة اعملها قرب الحج علشان يحجو

هل اكيد الزيارات بتفتح بعد رمضان ولا مجرد كلام

وانا بقدم على الزيارة بيقولولى هى مدتها كام شهر ولا بتتحدد من السفارة فى مصر

شكرا ليكم

اعملي الزياره من الان ويخد التاشيره في اول رمضان والصلاحيه بتكون ثلاث شهور بس كدا هما هيجو قرب الحج هينزلو مطار الرياض لانك لو انتي في جده من اول رمضان بيقفلو الزياره في جده ويقولو بعد الحج

[خالد شحاته]

طيب بعد ماندخل البيانات على موقع الخارجية اية الخطوات اللى بعد كدة و شكرا

بعد ما دخلت البيانات اطبع الطلب ووثقه من الغرفه التجاريه وروح به الخارجيه

[se_ Elsyed]

التأمين الصحي معمول عشان حاملي الإقامات النظامية فقط ولا يتم التأمين على حاملي تأشيرات الزيارة ..

التأمين على الأب والأم لو هما معاهم إقامات زي ناس كتير مقيمين هنا .... بيبقى بسعر عالي جداً جداً لان شركات التامين مش عبيطه وعارفه إن كبار السن مشاكلهم كتيره وبيكلفوا ... وبالتالي لو في شركة عندها نظام تأمين صحي وأستطاعت بمفاوضة شركة التأمين إضافة إختيار التأمين على الأباء .. فتقريباً السعر بيبقى مضروب في 3 ... عندنا مثلاً متوسط التأمين للموظف وزوجته واولاده بيبقى 2000 ريال سنوياً ( متوسط يعني ولا أقصد فئة معينه ) .. في حين التأمين على الأباء بيبقى 8000 ريال سنوياً للأب أو الأم .

---------

الزيارة ... بالذات تتبع سياسة مزاجية أنا مسميها " سياسة التميس "

يعني لا تعرف إمتى تبقى شهر ولا 3 شهور ولا بتترفض ليه ولا تتقبل ليه ...

وقدم كده في نفس الوقت إنت وزميل مثلاً ...

لنفس الأب او الأم أو الزوجة

هو ممكن ياخد تأشيرة زيارة " سنة 360 يوم " ...

وسيادتك جنبه والحيط في الحيط .. وتاخد شهر ....

يروح أبو سنة القنصلية ... القنصل مزاجه ما يكونش رايق والتميس كان بايت وطعمه مش حلو .. يروح محولها لشهر ....

حاجه أغرب وأعجب ...

الاعزب مش ممكن يعمل تاشيرة زيارة لوالده أو والدته .... صح ؟

لأ مش صح ..

قدم كده في مره .. ممكن تترفض وده الغالب

طب واحد تاني يقدم ( لا واسطه ولا كوسه ولا اي نوع من انواع شوربة الخضار ) .. وتتوافق له ... وكام ؟

3 شهور

لسه واحد صاحبي أعزب واخدها طازه ما كملش شهر ... ودي مش أول مره

ومن غير واسطه قولت ..

طبعاً بتفرق لما والدته بتوصل هنا .. لأن التمديد دلوقت بيبقى على حسب أول تأشيرة ...

واخده 3 شهور .. يبقى تتجدد كل 3 شهور بنفس الـ 100 ريال ونفس المدة وإجمالاً ممكن تقعد 9 شهور هنا

واخده شهر . يبقى أسكن أحسن جنب مبنى الجوازات لأنك مش هاتلاحق مرواح ومجي

وبالمناسبة .. التمديد الأن ( في الرياض ) ما بقاش في مبنى الترحيل ... ولكن نقلوه مبنى الجوازات الرئيسي في طريق الملك فهد بعد وزارة الداخلية ...

وفي الغالب الاعم بيتم غلق باب قبول طلبات تاشيرات الزيارة من قبل رمضان كمان ... إلا للزوجة والأولاد ... وإلا لمهن معينه زي الطبيب او المهندس ...

غير كده ينتظر بقى بعد الحج وعليك خير ..

عشان كده أفضل حل .. الواحد يلحق يعمل تأشيرة الزيارة في رجب مثلاً .... ويستنى اسبوعين تلاتة يعني أقل من شهر ويقدم الورقة للقنصلية . ياخد التأشيرة اللي بتبقى صالحة 3 شهور .... ويحجز زي ما قال خالد شحاته .. في رمضان مثلاً وعادي لو حتى جم الرياض ممكن سهل لأغنهم يروحوا جده أو مكه في أي وقت .

[مهندس محمد ابراهيم]

طيب بعد ماندخل البيانات على موقع الخارجية اية الخطوات اللى بعد كدة و شكرا

فى لينك اسئلة واجوبه على الصفحة الرئيسيه لموقع وزاره الخارجيه مكتوب فيه الاتي

س ما هي الأوراق المطلوبة للحصول على تصريح زيارة عائلية ؟

ج تعبئة طلب زيارة عائلية الموجود في هذا الموقع و طباعته وتدوين الاسم كاملاً والتوقيع عليه وتصديقه من الغرفة التجارية إذا كان العمل في القطاع الخاص ومن جهة العمل إذا كان طالب الزيارة يعمل في القطاع الحكومي ومراجعة وزارة الخارجية أو فرعيها في كل من جدة أو الدمام بأصل الطلب المصدق وإحضار الهوية أو الإقامة وصورة منها وإرفاق ما يثبت صلة القرابة إذا توفر مع ملاحظة تدوين جميع البيانات باللغة العربية عدا اسم المطلوبين للزيارة إذا كانوا من جنسيات غير عربية. ثم يتم متابعة الطلب عبر نفس الموقع من خلال (البحث عن تأشيرة مقدمه إلى وزارة الخارجية) برقم الطلب ورقم السجل وذلك من اجل الحصول على تذكرة المراجعة المدون فيها رقم التأشيرة الصادرة إلى السفارة أو القنصلية إذا تمت الموفقة على الطلب.

اللى كان مكتوب زمان انك تاخد صورة الاقامه وصور اقامه العائله اذا معاك عائلة واللى يثبت العلاقه ده اللى هو شهادة الميلاد بس المره اللى فاتت رجعهالى تانى ومخدهاش

[مهندس محمد ابراهيم]

سؤال بخصوص الزيارات

عاوزة اعمل لزيارة لوالدى ووالدتى

بس عاوزة اعملها قرب الحج علشان يحجو

هل اكيد الزيارات بتفتح بعد رمضان ولا مجرد كلام

وانا بقدم على الزيارة بيقولولى هى مدتها كام شهر ولا بتتحدد من السفارة فى مصر

شكرا ليكم

اعملي الزياره من الان ويخد التاشيره في اول رمضان والصلاحيه بتكون ثلاث شهور بس كدا هما هيجو قرب الحج هينزلو مطار الرياض لانك لو انتي في جده من اول رمضان بيقفلو الزياره في جده ويقولو بعد الحج

مطار جده ومطار المدينه من يوم 10 ذو القعده لحد يوم 10 ذو الحجه بيمنعو استقبال اى حد جاى على تاشيرة عمره او زياره

السنه اللى فاتت كنت حاجز لبابا وماما يوم 20 ذو القعده عرفت الكلام ده يوم 10 طلعت على مطار جده اسئل ايه النظام قالولى منعرفش اى حاجه عن الكلام ده المهم لقيت رحله جايه من الاسكندريه قلت استني يمكن يكون معاهم حد جاى زياره اشوف النظام ايه كان فى اكتر من واحد جاى زياره ودخلو عادى خالص الكلام ده كان يوم 12 ذو القعده يعنى المفروض ان الكلام متطبق

قمت رجعت كلمت بابا قلتله غير حجز وتعالو على طول قبل ما الكلام يتطبق فعلا ولا حد ياخد باله على اما ضبطو امورهم والحجز وكده حجز يوم 15 ذو القعده مصر للطيران القاهره جده تمام كده

فى مطار القاهره منعوه من السفر الموظف بتاع الحجز بعد ما خد منه الشنط بيشوف الجواز لقي التاشيره زياره رجع له الشنط تانى وكان في معاهم 7 حالات بالشكل ده

حجزو تانى يوم على الرياض ورحت جبتهم من هناك وانا بحجز من الرياض لجده بسئل عادى ولا فى مشكله انهم ينزلو جده بتاشيرة الزياره قالولى عادى مفيش اي مشاكل بس الظاهر بردو الموظفين مكانوش عندهم علم بالكلام ده لان بعد اسبوع واحد حب يعمل اللى انا عملته ومردوش يطلعوه من مطار الرياض لجده

معلش طولت عليكو بس قولت اقول بالتفصيل ايه اللى حصل معايا علشان اكيد حد هيقرا الكلام ويستفيد منه

[hosambob]

يا جماعة كل الكلام دة صح بس انا عندي طلب --- لو حد عرف ان الزيارة اتفتحت لجميع المهن -- بالله عليكم يبلغني فورا ً -- في واحد صاحبي نفسه يجيب زوجته و انا كمان نفسي اجيب زوجتى و ابني تاني --- في اي وقت يسمع انها فتحت لجميع المهن -- ارجو ان يتصل بي علي المحاورات -- او يبعت رسالة خاصة يبلغني فيها بهذا