مصررر بتتباع يا مصريين

[doha]

ناس بقالها سنين شغاله في افخم فنادق القاهرة اكيد لو محبوش يكملوا في الفندق هيلاقوا الف غيره يتمنوا يستعينوا بخبرتهم ده طبعا على اعتبار ان المستثمر هيفكك الفندق اوض ويشحنها بلده وبالتالي لازم يدوروا على مكان تاني يشتغلوا فيه ..

اختى الفاضلة ضحى دا فى حالة وجود خورم ابرة للشغل فى مصر وكلامى هذا عن تجربة 8 سنين من البطالة مع تحياتى

وقبل الثمان سنين دول ياصافي كنتي شغاله في حته ( توب ) ورجعتي لقيتي نفسك بلا شغل ولا كنتي زيك زي غيرك يادوب خريجه ويادوب معاكي شويه مؤهلات وخبرات من الي مع خمسة مليون شاب في سنك ؟

منضحكش على نفسنا الفكر ( الاشتراكي ) ده هو الي ودانا ورا بان العامل له حق اكتر من صاحب العمل وبالتالي فهو يروح ( يدور الماكينة ) ويفرش وينام جنبها ..

افهم ان العمال يبقى لها حقوق في حد ادنى للراتب ومقنن لساعات العمل واجازات معروف اوقاتها وتامينات لازم تندفع عنه لكن توصل لانه يورث مع صاحب الملك وميبيعش غير باذنه فسمحي لي ياصافي .. كده كتير .. كتير اوي

لو فكرتي في الموضوع هتلاقي اننا ( اتبرمجنا ) اننا لازم نلطم ونصوت على اي حاجه تحصل .. غلط صح مش مهم المهم اننا نعدد على قد ماربنا يقدرنا ..

ملاحظة : عندك موضوع مفتوح اليومين دول عن واحد حصل له موقف ايجابي مع بتوع التطعيم وكتب عن مشاهداته دي .. شوفي كم ( التعديد ) الي انكتب في موضوعه .. ياستي في ناس خلاص دي مهنتها واكل عيشها وده السبب الي يخليهم عايشين في الدنيا يتنفسوا ويحسوا ان لهم قيمه .. هو ده الي مكرسين حياتهم عشانه انهم يسودوا عيشتنا عشان نبقى احنا وهم سواء ..

متعمليش زيهم ياصافي وتصدقي ان الدنيا سوده اوي كده ... يمكن يكون حوالينا سواد ايوه بس مش بالشكل ابدا الي بيصوروه لينا ..

لسه في امل ..

[قلب يريد العقل يستفيد]

أستاذتى ممكن توقفينى مكان حضرتك شوية

[herohero]

وانا كمان يا اخت ضحى عاوزك تقولي لي فين فمصر كل الكلام الحلو ده وماتقوليش انت كاره مصر والكلام ده

انا عاوز كده تقولي ل ع المواقفالجميلة اللي كلها امل وكل اايجابيات الي انت شايفاها

مش فاهم ازاي ان شايفه ايجابيات ف سياسة حكم مصر بالعكس حكومتنا اللي انت شايفاها ايجابية كلها عامله بلاوي وموضوع بيع الفندق هو شيئ شخصي لكن بينضم لسلسة من البيع داخل مصر صح ده صفقه كسبانة بس غيره

وعن موضوع لو شغال ف مكان محترم هتلاقي مكان تاني اه كلامك صح بس مش دايما

ومشكلة بيع الجزيرة بتاعت امون وبيع مصانع الغزل والنسيج وبيعات كتيرة تمت كانت صح وانا وامثالي من اللي وحشين وبيكرهوا البلد كلامهم غلط

يعني هل مطلوب مننا اننا نفضل نتغنى ونسبح بفضل الحكومة السنية هتقولي سلبية ماشي بس اهو حاجه نطلع قرفنا منهم فيها

شكلك من الناس اللي البلد بتتقدم بيهم "حزب .... "

[doha]

عني هل مطلوب مننا اننا نفضل نتغنى ونسبح بفضل الحكومة السنية هتقولي سلبية ماشي بس اهو حاجه نطلع قرفنا منهم فيها

شكلك من الناس اللي البلد بتتقدم بيهم "حزب .... "

بالظبط كده اديك عرفت اني م الناس الي البلد بتتقدم بيهم حزب الي مش عارف ايه الي قلت عليه ..

ياريت لو تيجي تنضم لنا انت كمان نعمل للبلد دي حاجه قصاد المعدداتيه الي محسسينا ان مفيش حاجه ممكن تتعمل .. ولا صحيح هتنضم لينا ازاي عندك اكسب ..

على كل حال لو متقدرش فياريت تخليك في الي انت فيه بس الله يكرمك شوف لك حد تاني تطلع قرفك الي بتقول عليه ده فيه اصل مش معقول تبقوا عايشين برا وفلوسكم بتاخذوها من الي برا عشان تيجوا بعد كده تقرفونا احنا الي انخنقنا من التعديد جوا ..

[herohero]

مقال للدكتور محمد حبيب "النائب الاول للمرشد العام للاخوان "

تحقيق: حسونة حماد

بدأت الحكومة المصرية في اتخاذ إجراءاتها لبيع عددٍ من الأصول والشركات المصرية الهامة، بل إن قطار الخصخصة بدأ ليمتد إلى أهم القطاعات حيوية في مصر مثل قطاع المواصلات، وقطاع الكهرباء ومياه الشرب، ولعل هذه الخطوات تؤكد أن حكومة الدكتور أحمد نظيف أطلقت حملتها لبيع مصر دون توقف أو تراجع، وهي الحملة التي بدأت ببيع عمر أفندي وبنك الإسكندرية وعشرات الشركات الرابحة.

وفي الإطار نفسه تعتزم الحكومة طرح هيئة النقل العام للبيع في مزادٍ علني، حيث قررت هيئة النقل العام بالقاهرة في منتصف شهر ديسمبر 2006م، تقليص عمليات الصيانة والإحلال والتجديد لحافلاتها البالغ عددها ثمانية آلاف في 23 جراجًا، في إطار خطتها الرامية إلى التخلص منها بشكلٍ متدرج واستبدالها بأخرى جديدة، وأكدت أخبار ومعلومات صحفية أن الهيئة توقفت عن إجراء عمليات الإحلال والتجديد للحافلات التي تعاني من تلفٍ في محركاتها أو في صندوق السرعات "الفتيس" والشاسيه؛ وذلك تمهيدًا لتكهينها وعرضها في مزاداتٍ علنيةٍ للبيع.

وهو ما يتلاحم مع رغبةِ الحكومة في تقليص عدد الحافلات القديمة- فئة 25 قرشًا و50 قرشًا- والتوسع في الحافلات المميزة- فئة 75 قرشًا و100 قرش- بالتزامن مع توسعها في تشجيع الشركات الخاصة العاملة في مجال النقل والمواصلات مقابل حصول الهيئة على نسبة من الأرباح، كما أن الخطة الحكومية تسعى للتخلص من الحافلات القديمة خلال خمس سنوات قادمة واستبدالها بحافلات مميزة، وكذلك التخلص من الاشتراكات وإعفاء العسكريين والصحفيين وضباط الشرطة والمعوقين من تعريفة الركوب، بل إنَّ الهيئة بدأت أيضًا خطوات جادة لاستقدام سائقين أجانب للعمل لديها.

وبعيدًا عن المواصلات فإنه ورغم تحفظ الحكومة المصرية في الإعلان عن هذه الصفقة فقد أعلنت شركة "دوراد" الصهيونية للطاقة أنها وقَّعت صفقةً جديدةً بقيمة ملياري دولار لشراء الغاز الطبيعي من مصر، وقال المتحدث باسم الشركة إن مدة العقد تتراوح ما بين 15 و20 عامًا، ويقضي بتوريد 1.2 مليار متر مكعب من الغاز الطبيعي المصري للكيان الصهيوني سنويًّا اعتبارًا من عام 2008م، وإن السعر سيتغير وفقًا لأحوال السوق.

ووقَّعت الصفقة من الجانب المصري "EMG" المصرية- الصهيونية لتوريد الغاز، ومن المقرر أن تتم عملية نقل الغاز من خلال خط أنابيب سيكمل بناؤه في عام 2008م، ويمتد من سيناء إلى مدينة عسقلان حيث ستبني شركة "دوراد" محطة توليد كهرباء تعمل بالغاز تبدأ العمل عام 2010م.

وبنفس الغموض الذي تسير به صفقات الغاز بدأت المعلومات تتناثر عن خصخصة جزءٍ كبيرٍ من شركات تصنيع الدواء في مصر وتضارب آراء المسئولين حول هذا الموضوع بين النفي والتأكيد يؤكد استمرار نزيف كوارث قطار الخصخصة في مصر الذي سيمتد ليشمل الأخضر واليابس وبشكلٍ يصعب الوقوف أمامه.

والمشكلة هنا ليست في برنامج الخصخصة ولكن المشكلة تكمن في تطبيق البرنامج نفسه والقائمين عليه وهم مجموعة "وزراء البيزنس"؛ حيث إنَّ الهدفَ الأساسي من عملية الخصخصة وبيع المال العام هو تحرير الاقتصاد الوطني وتطوير شركات القطاع العام التي فشلت الحكومة في إدارتها وتحقيقها للأرباح؛ لأنه من المنطقي أن تستمر الحكومة في بيع الشركات الخاسرة ولكن ليس من المنطقي أو المقبول بيع هذه المؤسسات أو الشركات بأقل من قيمتها الفعلية كما حدث في عملية بيع شركة عمر أفندي ومن قبلها شركة "إيديال" وغيرها من البيوع الأخرى التي راحت بأقل من تقييمها الحقيقي.

والسؤال هنا لماذا ولمصلحة مَن يتم تطبيق برنامج الخصخصة بهذه الطريقة؟

[Howayda Ismail]

الخصخصة دى لمصلحة الفلوس المنهوبة اللى الناس ماتعرفش عنها حاجة وبتتحول لبرة اول باول عشان لما تنهار الدولة

يبقوا هم وفلوسهم فى امان وطظ فى الشعب وطظ فى الانتماء وطظ فى الوطنية.

السؤال الاهم اموال الشركات اللى اتخصخصت راحت فين وعددها كام ؟

والاكثر اهمية اتحولت لحساب مين؟ والله سؤال برئ

بس برئ منهم

[صافى]

]ناس بقالها سنين شغاله في افخم فنادق القاهرة اكيد لو محبوش يكملوا في الفندق هيلاقوا الف غيره يتمنوا يستعينوا بخبرتهم ده طبعا على اعتبار ان المستثمر هيفكك الفندق اوض ويشحنها بلده وبالتالي لازم يدوروا على مكان تاني يشتغلوا فيه ..

اختى الفاضلة ضحى دا فى حالة وجود خورم ابرة للشغل فى مصر وكلامى هذا عن تجربة 8 سنين من البطالة مع تحياتى

وقبل الثمان سنين دول ياصافي كنتي شغاله في حته ( توب ) ورجعتي لقيتي نفسك بلا شغل ولا كنتي زيك زي غيرك يادوب خريجه ويادوب معاكي شويه مؤهلات وخبرات من الي مع خمسة مليون شاب في سنك ؟

منضحكش على نفسنا الفكر ( الاشتراكي ) ده هو الي ودانا ورا بان العامل له حق اكتر من صاحب العمل وبالتالي فهو يروح ( يدور الماكينة ) ويفرش وينام جنبها ..

افهم ان العمال يبقى لها حقوق في حد ادنى للراتب ومقنن لساعات العمل واجازات معروف اوقاتها وتامينات لازم تندفع عنه لكن توصل لانه يورث مع صاحب الملك وميبيعش غير باذنه فسمحي لي ياصافي .. كده كتير .. كتير اوي

لو فكرتي في الموضوع هتلاقي اننا ( اتبرمجنا ) اننا لازم نلطم ونصوت على اي حاجه تحصل .. غلط صح مش مهم المهم اننا نعدد على قد ماربنا يقدرنا ..

ملاحظة : عندك موضوع مفتوح اليومين دول عن واحد حصل له موقف ايجابي مع بتوع التطعيم وكتب عن مشاهداته دي .. شوفي كم ( التعديد ) الي انكتب في موضوعه .. ياستي في ناس خلاص دي مهنتها واكل عيشها وده السبب الي يخليهم عايشين في الدنيا يتنفسوا ويحسوا ان لهم قيمه .. هو ده الي مكرسين حياتهم عشانه انهم يسودوا عيشتنا عشان نبقى احنا وهم سواء ..

متعمليش زيهم ياصافي وتصدقي ان الدنيا سوده اوي كده ... يمكن يكون حوالينا سواد ايوه بس مش بالشكل ابدا الي بيصوروه لينا ..

لسه في امل

الاخت الغالية ضحى انا مبتكلمش عن نفسى انا والحمد للة كنت شغالة لمدة عشر سنوات كمدربة تخاطب الحمد للة وانا عارفة انى لو حاولت ارجع هرجع لانى معى شهادة خبرة بس غيرى كتير مش عندة خبرة ويقدر يشتغل بيها بس انا بتكلم عن زوجى الى قعد من اول التخرج يدور على شغل ويدفع فلوس ويتنصب علينا ومش هو بس ناس كتير بلمنظر دة وفى الاخر ولما اتسددت كل شى فى بلدة لجاء للغربة والحمد للة على كل شى

انا مش شابفاها سودة كدة اوى زى ما بتقولى بس الى شفناة والى بيحصل يخلينى اخاف على ابنى وبنتى واقول حرام للفساد والظلم والامل طبعا فى ربنا كبيرر

تم تعديل 18 يونيو 2010 بواسطة صافى

[se_ Elsyed]

حد ينده لنا صافي يا جماعة من المطبخ

-------------------

ما يحدث الأن أيها السادة هو مصيبة ....

بل مصيبة المصائب .. وابشع من بيع أراضي البلد او مؤسساتها الأقتصادية ... لأن ما يُباع الأن هو البلد بأكملها بمستقبلهاالسياسي المظلم

الموضوع وما فيه أيها السادة إن إشاعة انتشرت أنتشار النار في الهشيم في الأيام القليلة الماضية عن إن مقرات الحزب الوطني ( في الأحياء الشعبية والريف بالذات حيث الفقر المدقع ) قررت صرف قرض مُيسر للفقراء وقدره 6000 جنيه للرجل .. و 4000 للست ... على أن يُسدد القرض 100 ج شهرياً .. كل ده تحت مُسمى " قرض جمال مبارك " ..

على أساس إنها بلد أبوه ... وبيبعتبر فلوس زي ما هو عاوز

وأندفع الناس الغلابة بالمئات نحو مقرات الحزب .. وحاصروها ... وبدأت فعلاً تلك المقرات تتلقى الطلبات .... وكان المطلب الوحيد لهم .. بسيط جداً .. عبي أستمارة عضوية في الحزب .. وسيب صورة بطاقتك ... وابقى عدي علينا بعدين ...

وبعدين دي بقت إشاعة والحزب نفى ذلك .. وبيستغربوا مين أطلق الإشاعة القذرة دي ؟

وكلنا عارفين صور البطاقات دي هايعملوا بها إيه في إنتخابات مجلس الشعب بعد شهرين بالظبط .. وأنتخابات الرئاسة العام القادم ..

وسلم لي عالبرادعي ..

[جسار]

[ أصدر الكونجرس الامريكى عام 1974 توصية من لجنة الشئون الخارجية

توصية للادارة الامريكية وقتئذاك بضرورة أتخاذ الاجراءات المناسبة نحو تفكيك مصانع وشركات القطاع العام

المصرى ، حيث أن كافة الدراسات والتقارير التى جمعت من مراكز البحث ومصادر المخابرات الامريكية قد

أجمعت على الدور الخطير والحيوى للقطاع العام أثناء فترة 67-74 ولولا وجود هذا القطاع الهام ما قرت

مصر على الصمود ستة شهور فقط ، فلقد تم توجيه أغلب أنتاجه وسلعه للوفاء باحتياجات القوات المسلحة المصرية

وقد نفذ مهمته على أفضل وجه ، ولذا لابد من تصفية هذا الصرح الضخم لمنع مصر من القدرة على شن حروب مستقبلا .