من يقدر على ثمن الحقيقة ؟؟؟؟

[herohero]

مقال للدكتور / علاء الاسواني

كنت فى زيارة لأحد أصدقائى عندما دخلت علينا ابنته التلميذة فى المرحلة الابتدائية وسألته ببراءة:

ــ بابا.. ما هى الانجازات العظيمة العملاقة للرئيس مبارك..؟

رد صديقى ساخرا:

ــ الرئيس مبارك ليست لديه انجازات عملاقة.

هزت البنت رأسها وخرجت واستأنف صديقى حديثه معى وسرعان ما بان القلق على وجهه فنهض ونادى ابنته وسألها:

ــ لماذا سألتينى عن انجازات الرئيس مبارك..؟!

قالت الطفلة:

ــ هذا موضوع التعبير الذى أكتبه الآن وسأقدمه غدا فى المدرسة..

ــ ماذا كتبت فى الموضوع..؟

ــ كتبت ما قلته حضرتك.. الرئيس مبارك ليست لديه انجازات عملاقة.

بان الهلع على صديقى وراح يقنع ابنته بأنها يجب أن تكتب ما قاله لهم المدرس فى الفصل وليس رأى أبيها ولم يتركها حتى تأكد بنفسه أنها كتبت المديح المطلوب فى الرئيس مبارك. انصرفت من بيت صديقى وأنا أفكر فى أننا نتعلم الكذب فى سن مبكرة.. نتعلم منذ طفولتنا أن الحقيقة شىء وما يجب أن يقال شىء آخر. ستكبر هذه البنت وتتزوج وتنجب أطفالا وسوف تعلمهم، كما تعلمت، أن الحقيقة لا يجب بالضرورة أن تقال.

ستعلم أطفالها أنه ليس من المفيد دائما أن يقولوا ما يعتقدون وانما الأفضل أن يقولوا ما ينجيهم من العقاب أو يجلب عليهم المنفعة حتى لو كان مخالفا للحقيقة.. هذا الشرخ الذى يحدث مبكرا فى وعى المصريين بين الحقيقة والصورة، بين ما يحدث فى السر وما يظهر فى العلن، لا يفارقهم بعد ذلك أبدا..

هذا الأسبوع تذكرت حكاية ابنة صديقى ثلاث مرات:

رأيت فى التليفزيون تلاميذ صغارا، أولادا وبنات تم جمعهم ووضعهم أمام الكاميرات ليرقصوا ويغنوا مرددين أناشيد سخيفة مليئة بالنفاق للرئيس مبارك قام بتأليفها وتلحينها مدرسون أخذوا على عاتقهم تعليم تلاميذهم النفاق بدلا من تعليمهم الاستقامة والصراحة.

بعد ذلك تابعت ما يسمى بانتخابات مجلس الشورى ورأيت كيف حشدت وسائل الإعلام الحكومى عشرات المثقفين، من صحفيين وإعلاميين وأساتذة جامعيين، مختلفين فى كل شىء إلا فى قدرتهم الفائقة على الكذب.. ظل هؤلاء يؤكدون أن الانتخابات تمت بمنتهى النزاهة والشرف بينما هم يعلمون، مثلنا جميعا، أن الانتخابات تم تزويرها بالكامل لصالح الحزب الحاكم بل ان التزوير هذه المرة كان شاملا بعد استبعاد الإشراف القضائى الحقيقى، فقد تم منع الناخبين بالقوة من الإدلاء بأصواتهم وتم تقفيل الصناديق لصالح مرشحى الحكومة.

ظللت أراقب وجوه المثقفين الكذابين فى التليفزيون ووجدتنى أتساءل: كيف يجرؤ رجل يحترم نفسه على هذا الكذب الفاحش..؟!. ألا يخجل من زوجته وأولاده عندما يرونه وهو يكذب على الملأ..؟!.. لا شك أن هؤلاء المنافقين قد تعلموا مبكرا، مثل ابنة صديقى، أن الحقيقة لا يجب إعلانها دائما واأنه من المفيد والمقبول أن نكذب لنحصل على مكافآت وامتيازات..

فى نفس الأسبوع ارتكبت إسرائيل مجزرة بشعة أضيفت إلى سجلها الأسود الحافل بالمذابح عندما هاجم الجنود الإسرائيليون سفينة الحرية فى المياه الدولية وأطلقوا النار فقتلوا وأصابوا العشرات من دعاة السلام العزل الأبرياء الذين جاءوا من دول مختلفة لفك الحصار عن مليون ونصف المليون إنسان فى غزة.

هذا الحصار المشين تشترك فيه الحكومة المصرية بإغلاق معبر رفح، والغرض من ذلك إرضاء إسرائيل حتى يضغط اللوبى الصهيونى على الإدارة الأمريكية حتى تقبل توريث الحكم فى مصر من الرئيس مبارك لنجله جمال.. الغريب أن الحكومة المصرية بعد أن أدانت المذبحة باعتبارها استعمالا مسرفا للقوة..

(لاحظ ليونة التعبير) دعت دول العالم إلى العمل على فك الحصار عن غزة.. يالها من أكذوبة كبرى.. كيف يدعو النظام المصرى إلى فك الحصار عن غزة بينما هو طرف أصيل فى هذا الحصار؟!. بدلا من هذه الدعوة البلاغية الفارغة لماذا لا يبدأ النظام المصرى بنفسه ويفتح معبر رفح بشكل دائم حتى تتدفق الأغذية والأدوية والمساعدات على إخواننا المحاصرين فى غزة..؟..

ان الأكاذيب قد انتشرت فى حياتنا اليومية لدرجة أن معظم ما نراه يبدو كأنه حقيقى وهو كاذب.. كبار المسئولين عندنا يفاخرون بالإصلاحات الديمقراطية التى حققوها. أول مبادئ الديمقراطية تداول السلطة بينما الرئيس مبارك يحكم مصر منذ ثلاثين عاما فأين الإصلاح الديمقراطى؟..

فى مجلس الشعب تدور مناقشات ساخنة تصل إلى حد المشادات العنيفة بين النواب مما قد يعطى انطباعا بأن فى مصر برلمانا حقيقيا والواقع أن كل ما يحدث فى البرلمان قد قرره سلفا الرئيس مبارك الذى تكفى إشارة واحدة منه لكى يغير نواب الحكومة رأيهم فورا من النقيض إلى النقيض.

ان معنى الاستبداد أكبر بكثير من الاستحواذ على السلطة. الاستبداد يعنى، فى جوهره، اغتصاب حق الناس فى الاختيار وكسر إرادتهم وإخضاعهم بالقوة لرغبات شخص واحد.. الأمر الذى يقضى على احترامهم لأنفسهم ويجعلهم أكثر قابلية للإذلال. الأسوأ من ذلك أن الاستبداد يعطل مبدأ الانتخاب الطبيعى ويقدم الولاء على الكفاءة فلا تمنح المناصب غالبا لمن هم أهل لها، انما يكافأ بها الاتباع والمريدون على إخلاصهم للحاكم..

الأمر الذى يؤدى بالضرورة إلى غياب العدالة مما يجعل الأسباب لا تؤدى إلى النتائج.. فالاجتهاد والذكاء لا يؤديان بالضرورة إلى النجاح والانحراف لا يؤدى بالضرورة إلى العقاب. هنا يتحول الكذب من نقيصة إلى مهارة تجلب المنافع ويتحول النفاق إلى نوع من الكياسة واللياقة يؤدى بالمنافق إلى الحصول على مغانم كان بالتأكيد سيفقدها إذا قال الحقيقة، وهكذا يتلف شيئا فشيئا إحساسنا الفطرى بالشرف ونقع فى ازدواجية بين ما نقوله وما نفعله.. ان الانحراف الأخلاقى الناجم عن الاستبداد سرعان ما ينتقل من المؤسسات السياسية إلى كل مجالات الحياة.. ففى مصر (وفى الدول العربية الواقعة جميعا، للأسف، فى براثن الاستبداد)..

كثيرا ما يعيش الناس انفصالا كاملا بين القول والفعل، بين المظهر والجوهر، بين الصورة البراقة والحقيقة المؤلمة.. يكفى أن تطالع صفحات الحوادث فى الصحف لتجد معظم المتهمات بالجرائم محجبات، يكفى أن تمشى على ضفاف النيل لتجد عشرات الشبان الذين يختلسون اللمسات والقبلات مع فتيات محجبات، بل ان فتيات كثيرات يرتدين مع الحجاب ملابس ضيقة تثير الغرائز أكثر من ملابس السافرات المحتشمات.. أنا أحترم المحجبات وأحترم الحجاب كاختيار شخصى لا يمنع المرأة من التعليم والعمل لكننى ببساطة ضد الانفصال بين المظهر والسلوك كما أننى أعتقد أن ما نفعله فى هذه الحياة أهم بكثير مما نرتديه من ملابس.. ا

لمسئولون فى الدولة المصرية الذين يقمعون المصريين ويزورون إرادتهم فى الانتخابات ويتسببون فى نهب أموالهم وافقارهم وتجويعهم. معظم هؤلاء المسئولين يؤدون الصلاة فى أوقاتها ويصومون ويحجون إلى بيت الله الحرام ويؤدون العمرة أكثر من مرة وهم لا يرون أى تناقض بين ورعهم الدينى والجرائم التى يرتكبونها فى حق الناس.. إن الازدواجية التى يبدأها الاستبداد فى قمة السلطة، سرعان ما تنتشر مثل السرطان فى جسد المجتمع كله لتدمر خلاياه الأخلاقية وتعلم الناس الكذب والخداع والنفاق.

هذا بالضبط ما يحدث الآن فى المجتمعين المصرى والعربى، لا يعنى ذلك بالطبع أن المصريين والعرب جميعا كذابون، بل إن قلة ممتازة من الناس سوف تظل قابضة على الجمر، متمسكة دائما بالقيم الأخلاقية الصحيحة مهما تكن الظروف غير مواتية.. لكن كثيرا من البشر لديهم من الضعف الإنسانى ما يجعلهم غير قادرين على التمسك بالاستقامة فى مجتمع معوج ودولة استبدادية ظالمة.

إن اتساق القول مع الفعل والاستقامة والصراحة وكل مفردات الشرف لا يمكن أن تتحقق من قاعدة المجتمع فقط دون قمته فالسمكة تفسد دائما من رأسها كما يقول الصينيون.. ستظل الدعوة الفردية لإصلاح الأخلاق قليلة التأثير ما لم يصاحبها إصلاح سياسى يعيد إلى الناس حقهم الطبيعى الأصيل فى اختيار حكامهم ويجعلهم سواسية أمام قانون عادل وقاض محايد مستقل لا سلطة عليه إلا من ضميره.. عندئذ فقط سوف يبرأ المجتمع من الكذب والنفاق وسيقول الناس ما يعتقدونه ويفعلون ما يقولونه.

الديمقراطية هى الحل

[masraweya]

السلام عليكم

في الصميم

احنا اتربينا على الخوف و المصيبة اننا بنكرر ده مع اولادنا

نفسي على الاقل نربي اولادنا صح و نعلمهم دينهم صح

تم تعديل 22 أغسطس 2010 بواسطة masraweya

[أحمد سيف]

الديمقراطية هى الحل

[المهندسه]

سمعت كتير اوى هنا فى السعوديه ناس بتقول على المصريين انهم مابيشتغلوش غير لما يتشد عليهم شويه طبعا فهمين المعنى الاكبر بس محروجه

اقوله ده لان المصرى بطبعه متمرد و مش سهل ترويضه ومش خواف داخل الدنيا بصدره يعنى غير السورى واللبنانى او اى جنسيه اخرى

بوجه عام ....دى مقدمه للعاوزه اقوله ان مش الديموقراطيه مع نفس الفئه الحاليه القياديه هى الحل لان الشعب المصرى لو فتحت

معاه باب النقاش هيتقلب الحوار لهرجله و عشوائيه وانقلابات واعتصامات علشان الموجودين دلوقت كقياده معندهمش الكلام ده خالص

ديمقراطيه ايه بالنسبالهم طبعا معندهمش استعداد للسمع اصلا يعنى الشعب المصرى انسب حل معاه هو ان يقوده فئه من الناس تتقى

الله و يكون عندها ضمير و حازمه فى نفس الوقت علشان العشوائيه و الانقلاب هو احنا ناسيين القتلوا السادات عاملوا ايه لما بس

فتحلهم شويه الباب انقلبواعليه و كانوا اول من غدر بيه...يعنى العلاقه من طرفين لازم شعب واعى عارف حقوقه وواجبات و

قياده عادله وحازمه و تخاف الله ...الشعب المصرى عاوز حزم من ناس بتتقى الله وعندهم دماغ شغاله و...بس كفايه بلاش اكتر فى

الكلام احسن انا على الاخر بس بلاش اتكلم مش عاوزه مشاركتى تتحذف تانى زى المرات السابقه لانى بسخن فى كلامى السياسى اوى و لا اروح فى كلابوش العيال و ابوهم يعملوا ايه من غيرى

ربنا يحفظ الشعب المصرى و ياخد بأيده بقه كفايه عليه كده

تم تعديل 22 أغسطس 2010 بواسطة المهندسه

[أحمد سيف]

سمعت كتير اوى هنا فى السعوديه ناس بتقول على المصريين انهم مابيشتغلوش غير لما يتشد عليهم شويه طبعا فهمين المعنى الاكبر بس محروجه اقوله ده لان المصرى بطبعه متمرد و مش سهل ترويضه ومش خواف داخل الدنيا بصدره يعنى غير السورى واللبنانى او اى جنسيه اخرى

بوجه عام ....دى مقدمه للعاوزه اقوله ان مش الديموقراطيه مع نفس الفئه الحاليه القياديه هى الحل لان الشعب المصرى لو فتحت معاه باب النقاش هيتقلب الحوار لهرجله و عشوائيه وانقلابات واعتصامات علشان الموجودين دلوقت كقياده معندهمش الكلام ده خالص

ديمقراطيه ايه بالنسبالهم طبعا معندهمش استعداد للسمع اصلا يعنى الشعب المصرى انسب حل معاه هو ان يقوده فئه من الناس تتقى الله و يكون عندها ضمير و حازمه فى نفس الوقت علشان العشوائيه و الانقلاب هو احنا ناسيين القتلوا السادات عاملوا ايه لما بس فتحلهم شويه الباب انقلبواعليه و كانوا اول من غدر بيه...يعنى العلاقه من طرفين لازم شعب واعى عارف حقوقه وواجبات وقياده عادله وحازمه و تخاف الله ...الشعب المصرى عاوز حزم من ناس بتتقى الله وعندهم دماغ شغاله و...بس كفايه بلاش اكتر فى الكلام احسن انا على الاخر بس بلاش اتكلم مش عاوزه مشاركتى تتحذف تانى زى المرات السابقه لانى بسخن فى كلامى السياسى اوى و لا اروح فى كلابوش العيال و ابوهم يعملوا ايه من غيرى

ربنا يحفظ الشعب المصرى و ياخد بأيده بقه كفايه عليه كده

يعني حضرتك متفقة مع أحمد بيه نظيف إن الشعب المصري لم يصل لمرحلة النضج السياسي؟

[doha]

من يومين بفكر بيني وبين نفسي كده في حال الشعب المصري وكم الصعوبات الي بنواجهها كمصريين عشان نعيش مقارنة بالدنيا الي حوالينا ..

يعني مش بس الحالة الاقتصادية في مصر .. ده كل شيء تقريبا منهار ..

قعدت افكر واقول في نفسي لابد في سبب .. ليه ربنا سبحانه وتعالى مش بيرزق المصريين ويوسع عليهم .. ليه مزنقة من كل ناحية كده ..

انا مكنتش بفكر ليه المصريين ميشتغلوش ويبطلوا سلبية ويبقوا دولة متقدمة كنت بفكر ليه متسلط علينا كل حاجه وحشة في الدنيا برغم ان ربنا سبحانه لو اراد كل ده هيتغير ..

الغريب سبحان الله لسه امبارح بقرأ في القرآن لافاجأ بالآية دي الي كأني اول مرة اقراها ..

(( وَلَوْ بَسَطَ اللَّهُ الرِّزْقَ لِعِبَادِهِ لَبَغَوْا فِي الْأَرْضِ وَلَكِنْ يُنَزِّلُ بِقَدَرٍ مَا يَشَاءُ إِنَّهُ بِعِبَادِهِ خَبِيرٌ بَصِيرٌ )) الشورى ..

تقريبا كده والله اعلم ياجماعة اننا وصلنا لدرجه من السوء اننا لو ربنا فتحها علينا هنفتري ونتجبر في الارض بالظبط كده زي رجال الاعمال المصريين ( الكبار اوي ) ولا الساده المسؤولين الي في اعلى مستويات السلطة.. كل دول لما ربنا فتحها عليهم شوفوا عملوا ايه في بقية المصريين .. امال بقى لو ربنا فتحها على كل مصر هنعمل ايه في بعض ..

لاول مرة في حياتي افكر ان احتمال يكون الي احنا فيه كمصريين رحمة .. mfb:

[saidkotb]

(( وَلَوْ بَسَطَ اللَّهُ الرِّزْقَ لِعِبَادِهِ لَبَغَوْا فِي الْأَرْضِ وَلَكِنْ يُنَزِّلُ بِقَدَرٍ مَا يَشَاءُ إِنَّهُ بِعِبَادِهِ خَبِيرٌ بَصِيرٌ )) الشورى ..

تقريبا كده والله اعلم ياجماعة اننا وصلنا لدرجه من السوء اننا لو ربنا فتحها علينا هنفتري ونتجبر في الارض بالظبط كده زي رجال الاعمال المصريين ( الكبار اوي ) ولا الساده المسؤولين الي في اعلى مستويات السلطة.. كل دول لما ربنا فتحها عليهم شوفوا عملوا ايه في بقية المصريين .. امال بقى لو ربنا فتحها على كل مصر هنعمل ايه في بعض ..

لاول مرة في حياتي افكر ان احتمال يكون الي احنا فيه كمصريين رحمة

من أفضل ما قرأت في هذا الموضوع:

مغزى الحياة بقلم د.راغب السرجاني

http://www.islamstory.com/%D9%85%D8%BA%D8%B2%D9%89-%D8%A7%D9%84%D8%AD%D9%8A%D8%A7%D8%A9

نفعني الله به وإياكم

[المهندسه]

..يعنى العلاقه من طرفين لازم شعب واعى عارف حقوقه وواجبات وقياده عادله وحازمه و تخاف الله ...

يعني حضرتك متفقة مع أحمد بيه نظيف إن الشعب المصري لم يصل لمرحلة النضج السياسي؟

حضرتك مقرتش كلامى كويس يا استاذ احمد انا بقول العلاقه من طرفين و بعدين والله انا مش عاوزه افتح فى الكلام خايفه على العيال هههه

ماتتخيلش لما قريت تعليقك ضحكت قد ايه اصل انت سايب كل القياده السياسيه و ذكرت احمد نظيف بس اصلك ماتتصورش معزته قد ايه

عندى ده حده ابو زمل ...بعزه لدرجه ان انا من اسبوعين كتبت موضوع عنه هنا على المحاورات و الموضوع قعد ساعه واحده فقط حقق 120 مشاهده

و اتخذف صاروخ من كتر الكلام الحلو اللكان فيه ههههههههه الظاهر ان حضرتك ماكنتش قريته كنت عرفت معزته قد ايه عندى

[masraweya]

السلام عليكم

"الشعب المصرى عاوز حزم من ناس بتتقى الله وعندهم دماغ شغاله " أحب أكمل الجملة بس

يكون همه بناء الشعب المصري من جديد .. بناء شامل .. دينا و علما و ثقافة

ينشئ نظام للدولة و صف تاني و تالت .. يحسسهم ان دي بلدهم من تاني ..عشان ميسيبوهاش لحد يسرقها و يخربها تاني .. عشان يقدر يحاسب الحكومة و يبقى أهل للشورى ..

و الاهم .. ميخافش يقول الحق

كل ده مش محتاج أجيال .. لو صدقت النية ممكن يحصل في سنوات معدودة

للأسف التغيير في مصر لازم يبدأ من الراس لأن الحكومة نجحت في إفقار الشعب و إفساده

[المهندسه]

السلام عليكم

"الشعب المصرى عاوز حزم من ناس بتتقى الله وعندهم دماغ شغاله " أحب أكمل الجملة بس

يكون همه بناء الشعب المصري من جديد .. بناء شامل .. دينا و علما و ثقافة

ينشئ نظام للدولة و صف تاني و تالت .. يحسسهم ان دي بلدهم من تاني ..عشان ميسيبوهاش لحد يسرقها و يخربها تاني .. عشان يقدر يحاسب الحكومة و يبقى أهل للشورى ..

و الاهم .. ميخافش يقول الحق

كل ده مش محتاج أجيال .. لو صدقت النية ممكن يحصل في سنوات معدودة

للأسف التغيير في مصر لازم يبدأ من الراس لأن الحكومة نجحت في إفقار الشعب و إفساده

تكمله جيده للعاوزه اقولوا هو فعلا مش محتاج كتير لو صدقت النيه يارب نشوف مصر زى الصين فى سنين تعد قليله بعد الدمار الشامل و الكامل لها بعد الحرب العالميه قدرت تكون قوه عظمى بتخاف منها امريكا نفسها

قوه فى كل المجالات الواحد بقه يبص حواليه فى كل حاجه يلاقى مكتوب عليها صنع فى الصين حتى سجاده الصلاه حتى فوانيس بناتى كل حاجه عملوها علشان عاوزين كلهم يعملوا

من اول الحكومه لغايه افقر طبقه فى الشعب ...الحكومه عاوزه تدخل التاريخ وتنهض بالبلد و الفقير بيشتغل و ينتج املا فى تحقيق مستوى معيشى افضل يعنى اختلفت الامانى و

والغايات لكن النتيجه واحده ان الصين بقت اكبر قوه فى العالم بعد ماكانت مدمره تماما مش زى مصر الكل شويه تنزل درجه لغايه ما بقة فى الحضيض

عاوزه يتعملها عمليه اصلاح ثم تدخل غرفه الافاقه بس يارب العمليه تنجح هههههبس هو فين الدكتور الهيعمل العمليه(رئيس) ومساعدينه(حكومه) و فريقه الطبى من الممرضين(الشعب)

[Mostafa Kasem]

رأيي ان الشعب المصري زي اي شعب خلقه ربنا - يثأر للظلم و الاستبداد و يستكين اذا تم التعامل معه بعدل و رحمة

و لتاريخنا شواهد كثيرة رضي فيها المصريون عن حكامهم و اخرى قاموا عليهم

الديموقراطية مدخل حقيقي لاصلاح هذا الشعب اذا واتته الظروف المناسبة سيقوم مرة اخرى من سباته العميق

مع اني اعيش في الغرب و استغرب من مدى الاستخفاف بشعوبهم في كثير من الاحيان باسم الديموقراطية و مساومة شعوبهم في ارزاقهم و لكن بها الكثير الايجابي بالتأكيد

[Ahmed Anwer]

الأخت مهندسة و من وافقها الرأي ،،،

الديكتاتور العادل ،،، كلمة بسمعها أنا برده شخصيا من زمان

و ناس كتير في مصر مقتنعين بيها رغم إنها حاجة زي العنقاء و الخل الوفي

كلمتين متناقضتين أساسا ،،،،

برده من التاريخ ،،

يمكن حتي أعداء الزعيم جمال عبد الناصر

ميقدروش يزايدوا علي وطنيته و نظافة يده و إخلاصه لبلده

و مع ذلك المحصلة و نتيجة عهده زي الزفت ،،

لأنه ديكتاتور بغض النظر عن أي صفات ملائكية تانية ممكن تكون فيه

بس ديكتاتور معندهوش شوري ، معندهوش عمل جماعي ، معندهوش أهل كفاءة