نفسك تقول لمين .... "واحشنى"

[بنت النيل]

البعد ماهوا جفا .. والقرب ماهوا وفاا

الاهم شوق القلوب حتى لو الشخص اختفى

والدى وحشتنى ااوى اوى

هو ده اكثر انسان وحشنى جدا الذى توفاه الله منذ اكثر من خمس سنوات

وهو وحشنى من اول يوم غياب له عن الدنياا

وحشتنى يا والدى العزيز وحشتنى اوى

معلش كان نفسى اقولك اكثر من كدا ولكن امتلكنى البكاء ولم استطع الكتابه

مع تحياتى

تم تعديل 17 ديسمبر 2006 بواسطة بنت النيل

[inas]

يووووووووه دا انا نفسي اقولها لناس كتير

اولهم بابا و ماما اغلى واطيب قلب في العالم كلو ربنا يديها الصحه يارب وحشااااااااااااااااااااني اوي

وثانيه زوجي ربنا يجيبو بالسلامه

وثالثهم داركر ربنا يجمعنا على خير يارب

ورابعهم اخويا الكبير الي سافر من سبع سنين ونفسي اطمن عليه

واخيرا نوره ودي اكتر واحده من السهل اني اشوفها عشان كده خلتها للاخر

ربنا يجمعنا على خير يارب ويلم شملنا المشتت بجد نفسي ولو يوم واحد نقضيه كلنا في بيتنا واحنا سهرانين في البلكونه مع ماما اهو حلم جميل بتمناه

[Siwa]

وحشني بابا وماما واخويا جدا :sad: :sad: ....ربنا يخليهم ويبارك فيهم ديما...

ويخليلكم ويباركلكم في كل اللي بيحبوكم وبتحبوهم :sad::

وحشني اصحابي كلهم.... ونفسي اشوفهم جدا

وحشاني مصر بطريقة وحشة خالص جدا : : :sad: :sad:

وحشني ميدان التحرير :wub:

وحشاني 6 اكتوبر :o

وحشاني الطعمية المصري السخنة الجميلة :unsure:

تم تعديل 17 ديسمبر 2006 بواسطة Siwa

[nash]

يا يمّـه .. منتهي جيتك وطالب منك الغفران

أقبـّـل قاعة أقدامك واغسلها بدمعاتي

يا يمّـه .. كل مافيني يناديلك أنا ندمان

طلبتك ! قولي سامحتك وردي لوجهي بسماتي

أنا أدري قلبك الطيب كسرته بصدمة النكران

غلطت .. وغلطتي هذي تعير كل غلطاتي

تشوفي الشيب يا يمّـه ترى ماجا وأنا فرحان

وربي إللي رفع ذاتك ونزّل للردى ذاتي

فقدت الراحة من بعدك .. فقدت الطيبه والتحنان

بدونك .. راحتي غاية بدينك هذي راحاتي

أنا بعدك ولا حاجة أنا بعدك ترى عميان

أشوف .. ولا أشوف إللي يوريني مساواتي

أنا وسيد الشّـقى والهم من بعدك غدينا أخوان

يجيب هموم هالعالم .. ويرميها بمتاهاتي

صِدقتي .. يوم قلتيلي تدين اليوم بس تندان

رميتك في بداياتي .. ورموني في نهاياتي

أنا من شالك بيده ورماك بأسفل البركان

نخيتيني .. وطلبتيني .. ولا حصلتي نخواتي

مثل ماهنتي بعيوني .. عليهم قلبي يمّـه هان

رموني وضعتهم فزعه .. وأنا الدمعات فزعاتي

يا يمّـه لا تظنيني أنا من فعلهم زعلان؟

سواتٍ فيك سويته وسوّو فيني سواتي

يا يمّـه .. يالله ظميني ودفيني بهالأحضان

أنا أدري فيك مشتاقه .. وهمك بس ملاقاتي

يا يمّـه (حيييييييل) ضميني أبي أرتاح أنا تعبان

تعبت أهرب من ذنوبي ابيك آخر مسافاتي

أبسمع منك أي كلمه .. لصوتك مسمعي ولهان

أبسمع (يمّــه) بصوتك أبذكر فيها نشواتي

أشوفك ساكته يمّـه ؟!!.. غفيتي ولا أنا غلطان؟

غفيتي يا بعد عمري؟.. تعبتي من مواساتي؟

يا يمّـه طالبك قومي .. إذا لي في عيونك شان

أشوف الموت بعيونك .. عساها تخيب هقواتي

تعالوا يا بشر شوفوا أنا محتار .. أنا تلفان

أنا أمّي مدري وش فيها .. أنا مدري أنا أحاتي

شنو ؟؟ أمّي أنا ماتت ! لا لا.. لا ترى غلطان!!

أنا أمّي ما تخليني على حزني ووناتي

أنا أمّي قلبها طيب ولا يمكن تبكي إنسان

أنا أمّي ما تبكيني .. ولا تتمنى آهاتي

يا يمّـه صح ما متي؟ .. وصح الموت تو ماحان؟

إذا متي أنا بعدك أبقضي وين ساعاتي..؟

يا يمّـه قومي يا يمّـه .. وقولي الموت لا ما كان

أنا جتيك وأنا ناوي أببدي فيك جناتي

تركتيني ومتي ليـه؟؟ تركتيني وأنا غرقان؟

ولا مسموح يا وليدي!! .. ولا تلعنك لعناتي!!

أنا الجاني .. وأنا المجني .. وأنا المخطي .. وأنا الندمان

وأنا بإيدي رميتك إيه .. وبعثرت أهم ملفاتي

وجيت من الهنا مفلس .. وقلبي من الضنا خسران

تركتيني على ناري أعدد فيك زلاتي

ولاني مرضيٍ ربي .. ولاني تابع الشيطان

أنا بعدك ترى مابين نهاياتي وبداياتي

يا يمّـه منتهي جيتك وكلي مرتجي غفران

وشفت الناس تلعني .. وتحذرني من الآتي..

[bentmasria]

وحشتونى بجد

عبد الله

سكوب

مهيب

والدى

محمد

الطيار المصرى

مى

وائل الشال

مدام سلوى

وناس كتيره عارفين نفسهم بطلوا يسألوا من غير سبب

ياترى ليه :wub: :unsure:

[عازفه على أوتار الذهب]

سؤال جمييييل

نفسي أقول لناس كتير قوي وحشتوني

وحشني كل الناس اللي قابلتهم فحياتي

وفارقتهم

وحشني أصحابي اللي مشفتهمش من سنين

وحشتني براءة الطفوله

ووحشتني كمان ضحكه زمان

وفرحة زمان....

والقلوب الطيبه

اللي مفتقدينها النهارده.....

[عبده بيه]

نفسي اقول وحشتني

للناس الشرفاء للموظفين المحترمين للمدرسين النبلاء اصحاب الرسالة الحقيقية في التربية للسائق عندما يقف امام الناس الكبار والصغار حتي يعبروا الشارع في طمئنينة للمستشفيات الادمية والنظيفة والدكتور المخلص في عمله والعمال في مصانعهم واشغالهم تحية لهم للراديو والتليفزيون لما يحترموا عقلية المستمع والمشاهد لمصر لما كانت مصر وحاجات كتيرة بتالمنيء لما بفتكرها امتي يرجع الكلام ده والله حرام

[nora]

ربنا يسامحك يا ناش ......

قهرتيني من العياط

بجد ماما وبابا وداركر وحشوني اوي اوي اوي كل حاجه الهزار والضحك كفايه لمتنى على الغدا سوى وكفايه لما كنا بنبقى مخنوقين كنا نخرج سوي ولا ماما وطيبت قلبها الكبير الي عمري ماشفت زيو ماما دي احلى حاجه عندي في الدنيا هي مش بس امي والله دي صحبتي ودي اكتر حاجه بحبها فيها عمرها محسستني انها امي طول عمرها حبيبتي وصحبتي والقلب الكبير الي بحكيلو كل حاجه يارب يشفيها ويبعد عنها كل شر ..........

واخويا محمد وحشني اوي سبنا من 7 سنين وهاجر استراليا ولو كان يعرف يقرى كلامي او حتى يوصله اني دايما بقولو ارجع قبل ما الغربه تاخدك دي ياما خدت ناس كتير ....

واما عن ايناس فهي الوحيده الي بقيالي هنا في مصر رغم بعدها في محافظه غيري

.......

يارب جمع شملنا تاني من بعد ما اتشتتنا ولو ليوم :wub:

[عصام]

وحشنى جدا ..

راحة البال .. والاحساس بالأمان

[se_ Elsyed]

واحشني قوي الجنيه المصري اللي كان محترم

واللي كل ما كنت تصرفه يقوم راجع لك تاني

[Eldisel]

بجد ... وانا مبهزرش

نفسي اقول وحشني جداً جداً لـــ حبيبتي الي معرفهاش ( زوجة المستقبل ) ;) :)

[الباشمهندس ياسر]

نفسى اقول وحشتينى

لعروستى اللى لسه مش لاقيها

[لولا]

خالتو الله يرحمها .. بتوحشنى جدااااااااااااااااااااااااااااااااا .

بابا وبابا وبابا ...

ماما كمان ..

اخواتى

دودى ابن اخويا

بتوحشنى ريحة مصر ... النيل والليل هناك.

[شاب مصري]

جدتي رحمها الله

[dawn walker]

ايام الطفولة ..واصحاب الطفولة....

[fatfouta]

وحشتنى مصر اوى

وحشنى امى وابويا الله يرحمهم

وحشونى اخواتى جداااااااااا فى مصر

وحشنى اخويا جداااااااا اللى متغرب فى اسبانيا وده اكتر واحد واحشنى بجد

وحشنى مصر زمان والامان اللى كنت بحسه فيها

وحشنى وشوش الناس فى مصر بحزنها وفرحها وحتى بجهلها

وحشانى حاجات كتييييييييييير اوى

وبجد والله عيطت

[osmel33]

أمي وأبي الله يرحمهم فعلاً وحشوني جداً

زوجتي وولادى اللى لأول مرة افترق عنهم واللى كانوا معايا على طول وفى الغربة ودلوقت بعيد عنى

وحشاني مصر الجميلة بتاعتنا مش بتاعة الناس التانين

تم تعديل 17 فبراير 2009 بواسطة osmel33

[الحياة حلوة]

أمي وأبي الله يرحمهم فعلاً وحشوني جداً

زوجتي وولادى اللى لأول مرة افترق عنهم واللى كانوا معايا على طول وفى الغربة ودلوقت بعيد عنى

وحشاني مصر الجميلة بتاعتنا مش بتاعة الناس التانين

وانا كمان وحشانى جدا مصر بتاعتنا احنا اللى كانت زمان ونفسى نرجع ذى زمان لكن الظاهر صعب شوية دلوقتى

ووحشنى اصحابى واهلى اللى فى مصر

وحشنى بيتنا بيت اليلة يعنى اللى كان بيضمنا كلنا قبل مانفترق كل واحد فى مكان ووحشتنى جدتى وجدى وطيبتهم الله يرحمهم

[Alrefaey]

راحة البال

ايام زمان

ايام الصبا

[Emo]

نفسي أأقول لمحل الكشري اللي اسمه السلطان..

وحشني اكل مكرونة منه..