نفسك تقول لمين .... "واحشنى"

[ريحانة]

وحشنى الرسول "صلى الله عليه وسلم " أووووى

ونفسى الغيبة مطولش

[bentmasria]

بجد المرة دى مختلفة

من غير فلسفة

وحشتنى البنت المصرية بتاعة زمان

بضحكة صافية وقلب دافىء يحب الكون ولساه قادر وموش آسف على الأحلام

اصلى بصراحة بصيت ف مرايتى لقيتها غايبة من زمان اوى

بلا رجعة

:wub:

[alsaher]

واحشني حاجات كتير

صباح أهلي وبيتنا

واحشني أنزل أصبح على جدتي وأبوس إيدها وأفطر معاها

واحشني اللمه اللي قربت أفقد الأمل بأنها ممكن تحصل تاني

واحشني أتكلم بدون تحفظ ، مع حد أثق بيه

مشتاق للأرض وللشجر اللي فيها

مشتاق أسقي الزرع

مشتاق للنخل وشجر التين والزيتون والبرتقال ،

مشتاق لنفسي اللي تاهت مني

[hosambob]

وحشاني الذكريات الحلوة

وحشاني قعدتي مع صحاب عمري

وحشني هوا مصر ( ما انه فيه تراب )

وحشاني شوارع مصر ( ما انها زحمة )

وحشاني سندوتشات الفول و الطعمية ( ما انها بتهيج عندي القولون )

وحشاني يايايا يا يا يا يا يا يا يا مصــــــــــــــــــــــــــــــــــــــــــــــــر ;)

وحشاني يا أمي ( أمي بجد مش مصر ) mf-:

وحشاني يا أم آدم ( مراتي )

وحشني يا دومة ( ابني ) :wub:

وحشني كلكم

نفسي ارجعلكم

[مغتربة]

امى

نفسى اقولها وحشتينىىىىىىىى جدا اااااااااااااااااااااااااا باكبر فونت فى الدنيا كلها

[hosambob]

mf-:الرجاء من مشرف المنتديي .. اغلاق هذا الموضوع فورا ً .. بجد انا لما قعدت اقرري المشاركات .. عنيه دمعت .. هنحتاج مناديل كتيييرة كدة ..

ربنا يجمع شملنا من تاني

و يا رب سهلها علينا

مع تحياتي

[الباشمهندس ياسر]

اياااااااااد

ابن اخويا

واحشنى اوى

[pink rose]

الموضوع دا بجد مؤذي جدا

ليه كده يا جماعة تقلبوا علينا المواجع

انا قريت كل المداخلات مش قادرة ابطل عياط و في نفس الوقت مش قادرة اقفل

انا بقى واحشني ماما و بابا الله يشفيه يا رب و يقومه لينا بالسلامة

و واحشني اخواتي و اهلي كلهم اللي في مصر ربنا يديهم كلهم الصحة و يطول عمرهم و يجمعني بيهم على خير ان شاء الله

اللي بجد بقى قلبي مقهور لحد دلوقتي على فراقها جدتي

صحيح هي سابتنا من زماااااااااااااااااااان اكتر من 13 سنة دلوقتي بس نفسي اشوفها و لو حتى في الحلم

واحشاني اوي واحشاني حنيتها و ضمتها و ضحكتها و كلامها الحلو

ربنا يرحمك يا حبيبتي و تكوني مرتاحة اكتر عندك

ربنا يجمعني بيكي يا حبيبتي في الفردوس الاعلى ان شاء الله

[الباشمهندس ياسر]

وحشنى اوى ... اوى

انى اتمشى ع الكورنيش

[الباشمهندس ياسر]

وحشنى الاقيها

تعبت من كتر اللف ...

دورت ف كل حتة

و برده لسه مش لاقيها

[محمد يوسف]

و

ح

ش

ن

ي

النظرة في عنين أصحاب

كانوا في يوم أصحاب

وحشني أشوف وشي في نهر النيل

وحشني أشوف عمري اللي راح

يوم ماكنا صغيرين

وحشني اللعب بالكورة الشراب

وحشني السمك والبوري وأم الخلول

وحشني البحر وميته

وحشتني السما والأرض مخلوطة بالندى

وحشتني أمي

وأبي يرحمهم ربنا

وحشتني

وحشتني

دموعي اللي إتحجرت

[Nassarlink]

واحشني الكعبه الشريفه

واحشني قبر الرسول عليه الصلاة والسلام

بقالي 18 سنه مشفتهمش وجها لوجه

[عنبو]

واحشنى

ابوس ايد امى واقولها يامى راضيه عنى ؟؟ وهى تقولى هو انا عندى اعز منك

واحشنى العب مع البنت منه ومى بنات اختى واشوف الضحكه على وجوههم

واحشنى اقعدة اصحابى لما نقعد نتكلم ونبقى مضايقين ان الليل خلص

واحشنى الناس الطيبه اللى بتدعى ليك بدون ما تبقى عارفاك ولا عاوزه منك اى حاجه

واحشنى ايام الشتا لما الجو بيكون بيمطر وانا واقف فى البلاكون واستمتع بشم رائحة المطر

واحشنى افراح مصر والناس كلها فرحانه لبعض والكل بيشارك فى الفرح

واحشنى كل شىء جميل فى مصر

[حسام يوسف]

مهيـــــــــب

[عصام]

فعلا والله يا حسام ..

الجدع دا له وحشة كبيرة

ربنا يرده بالسلامة

[elfakhrany]

وحشتنى... أمى .. أمى ..أمـــــــــــــــــــــــــــــــــــــــــــــــــــى

[bentmasria]

واحشنى يا صاحبى ورفيقى وصديقى

يافاهم حكايتى ووطنى ف ضيقى

تلملم جروحى ف قلبك وتيجى

بأحلى ابتسامة تنسينى ضيقى

[galaxy]

والدي الحبيب....حاسه انه مشي بدري اوي.......الحمدلله

ولاد اختي ...........عمري ما بشبع منهم.

اسكندريه.................... رغم اني مش اسكندرانيه بس بحبها .

[لولا]

واحشنى ناس كتير ..

واحشانى قلوب كان وجودها حوليا بيدفينى

وحشانى مصر ..

وحشانى قوى

واحشنى الدفا اللى بيملا قلبى هناك حتى وانا فى عز الشتا..

واحشنى صوت ورق الشجر بالليل ,, ياااااااه قد ايه كان بيسحرنى

واحشنى الهوا نفسه هناك .. ستاير الأوضه اللى بتطير لما افتح الشبابيك

وحشنى صوت اذان الفجر ..

اذان الفجر فى مصر معرفش ليه مش شبه اى صوت بسمعه فى اى بلد ..

وحشتنى الوشوش .. ايوه الوشوش .. وشوش مصريه فى كل حته حوليا ,, فرحانه او زعلانه ..طايره او شايله كل هموم الدنيا .. المهم انهم وحشونى ..

وحشتنى الركنه ع الكورنيش .. باللللللللللللللللليل خالص .. النيل بيقى منور قوى .. وبتلاقى نفسك بتسرح والوقت ياخدك من غير ما تحس

وحشتنى حاجات هايفه قوى فى مصر .. لكن بجد وحشتنى

وحشنى اسمع صوت دوشه الشارع الصبح ..

روبابيكا .. وغيره وغيره

كنت وانا وسط الأصوات دى بسميها صوت الدوشه !!

حاليا بسميها صوت الحياة !!

وحشونى اصحابى .. قرايبى .. اهلى .. وحتى بواب العماره وصاحب الكشك اللى ع الناصيه !!

وحشتنى صوت المزيكا .. جنان الشباب ,,ضحكهم .. والسهر فى الصيف لحد الفجر ..

وحشتنى المصايف وريحة البحر واللمة والضحك اللى من القلب

وحشتنى خالتو

وحشتنى ماما

وحشنى بابا واخواتى

ووحشنى بيتنا

وحشتنى كراكيبى فى اوضتى القديمه

وحشتنى البنت الشغالة اللى كنت مش طايقه رخامتها ولا كلامها الكتير ,, بس وحشتنى

وحشتنى حاجات كتير

وحشتنى انا !! ايوه انا وسط كل ده ..

وحشتنى طاقة الرغى اللى كانت عندى والتهريج .. مش عارفه ساعات بتضيع منى ليه هنا !!

وحشتنى السينما ............... يااااااااااااااااااااه وحشنى العالم اللى كنت بنفصل جواه عن العالم لمده ساعتين ..

وحشتنى الحالة نفسها

الإنبهار

الخيال

واحساس كل جماليات الصوره والإخراج والأداء والتفاصيل الصغيره ..

واحشنى ايه ؟؟

واحشنى كتير

واحشنى كتير جدا ومهما قلت مش هخلص

لولا

[fatfouta]

واحشنى ناس كتير ..

واحشانى قلوب كان وجودها حوليا بيدفينى

وحشانى مصر ..

وحشانى قوى

واحشنى الدفا اللى بيملا قلبى هناك حتى وانا فى عز الشتا..

واحشنى صوت ورق الشجر بالليل ,, ياااااااه قد ايه كان بيسحرنى

واحشنى الهوا نفسه هناك .. ستاير الأوضه اللى بتطير لما افتح الشبابيك

وحشنى صوت اذان الفجر ..

اذان الفجر فى مصر معرفش ليه مش شبه اى صوت بسمعه فى اى بلد ..

وحشتنى الوشوش .. ايوه الوشوش .. وشوش مصريه فى كل حته حوليا ,, فرحانه او زعلانه ..طايره او شايله كل هموم الدنيا .. المهم انهم وحشونى ..

وحشتنى الركنه ع الكورنيش .. باللللللللللللللللليل خالص .. النيل بيقى منور قوى .. وبتلاقى نفسك بتسرح والوقت ياخدك من غير ما تحس

وحشتنى حاجات هايفه قوى فى مصر .. لكن بجد وحشتنى

وحشنى اسمع صوت دوشه الشارع الصبح ..

روبابيكا .. وغيره وغيره

كنت وانا وسط الأصوات دى بسميها صوت الدوشه !!

حاليا بسميها صوت الحياة !!

وحشونى اصحابى .. قرايبى .. اهلى .. وحتى بواب العماره وصاحب الكشك اللى ع الناصيه !!

وحشتنى صوت المزيكا .. جنان الشباب ,,ضحكهم .. والسهر فى الصيف لحد الفجر ..

وحشتنى المصايف وريحة البحر واللمة والضحك اللى من القلب

وحشتنى خالتو

وحشتنى ماما

وحشنى بابا واخواتى

ووحشنى بيتنا

وحشتنى كراكيبى فى اوضتى القديمه

وحشتنى البنت الشغالة اللى كنت مش طايقه رخامتها ولا كلامها الكتير ,, بس وحشتنى

وحشتنى حاجات كتير

وحشتنى انا !! ايوه انا وسط كل ده ..

وحشتنى طاقة الرغى اللى كانت عندى والتهريج .. مش عارفه ساعات بتضيع منى ليه هنا !!

وحشتنى السينما ............... يااااااااااااااااااااه وحشنى العالم اللى كنت بنفصل جواه عن العالم لمده ساعتين ..

وحشتنى الحالة نفسها

الإنبهار

الخيال

واحساس كل جماليات الصوره والإخراج والأداء والتفاصيل الصغيره ..

واحشنى ايه ؟؟

واحشنى كتير

واحشنى كتير جدا ومهما قلت مش هخلص

لولا

يااااااااااااااه يا لولا تسلم إيدك اللى كتبت الكلام ده

كإنك بتقولى كل اللى جوايا وخصوصا آذان الفجر فعلا صوت الآذان فى مصر ليه طلعم تانى خالص غير اى بلد تانيه معاكى حق