بين زغاريد ام ترتر ، وصويت ام دجدج .. إحزن ياقلبى

[أبو محمد]

أم ترتر هى أخت سماسم العالمة .. دايما مهيصين .. مزأططين نفسهم واللى حواليهم .. الدنيا تضرب تقلب ، هم مالهمش دعوة .. دايما زآطيط ، فرافيش ، نعانيش .. قعدتهم كلها زغاريد

أم دجدج هى أخت أم بِلـِّس الندابة أو "المعددة" .. شغلتهم الندب والتعديد والنواح على راس الميت .. وفى الخمسان وطلعات القرافة .. شغلتهم الكآبة للى حواليهم .. بارعون فى تقطيع نياط قلوب أهل الميت عليه .. إدرار الدموع من مآقيها حتى تجف المآقى .. يقودون باقتدار عمليات لطم الخدود وشق الجيوب .. لغاية ما يهدُّوا حيل اللى حواليهم .. وبعدين يلموا الغلة ويروَّحوا ..

يناموا ؟ .. ممكن ..

يحششوا ؟ .. ممكن ..

يسكروا ؟ .. ممكن ...

إنما مش ممكن يكونوا حزانى على الميت .. مش ممكن

أم ترتر وام دجدج وسماسم وام بلـِّس .. شخصيات حقيقية .. تتبادل الأدوار .. أتذكرهم كلما قرأت صحيفة (حكومية أو خاصة ما تفرقش) أو شاهدت برنامج حوارى (بكسر الحاء أو بفتحها ما تفرقش) .. شخصيات أتذكرها عندما أقرأ على الشبكة العنكبوتية مناقشة المواجهات بين الكنيسة والقضاء .. بين المحامين والقضاء .. بين الشعب والقضاء .. بين الشرطة والقضاء .. وأخيرا ( من كام يوم فاتوا) بين الصحافة والقضاء ...

شخصيات أتذكرها وأنا ألاحظ ملاحظة .. "غبية" .. وهى أن كل المواجهات فى هذه المرحلة مع القضاء ، وكل الضرب (فوق الحزام أو تحت الحزام ما تفرقش) ضرب غشيم فى القضاء .. الحصن الأخير الباقى قبل أن تتفكك أقدم دولة فى التاريخ ..

ملحوظة : هذا موضوع شخصى .. فى باب مواضيع شخصية .. أكتبه بعد غياب فترة عن "المحاورات"

ومع ذلك

أرحب بكل زميل من أصحاب القلوب الرحيمة ، إذا قرر أن يدخل ليواسينى ..

فالمصاب جلل ..

أقدم دولة فى التاريخ .... تتعرض لحرب تفكيك الوطن ..

وزهرة شباب الوطن ملتفون ..

إما حول ام ترتر وأخواتها يزغردون ..

أو حول ام دجدج وأخواتها يلطمون الخدود ويشقون الجيوب

حاسس إن مفيش كبير للقعدة .. فين القانون ؟ .. فين الدستور ؟ .. فين الدولة ؟

كله ضاع

بين زغاريد ام ترتر ، وصويت ام دجدج ..

:wub: إحزن ياقلبى :ninja:

[mekkawy]

أخويا الكبير و أستاذي أبو محمد

أولاً بأسجل إعجابي برؤية حضرتك النافذة و اللي لا بتتشغل بزغاريد أم ترتر ولا نحيب أم التانية دي :wub:

و هأمسك في كلمة واحدة من موضوعك و من كلامك و هي اللي بدأت بيها اسم الموضوع .... بين

دائماً يوجد بين

البين ده باة مش كل الناس بتوصله

البين ده باة غالباً بيكون هو الصح الوسط المعتدل اللي تسير في هداه أمتنا الاسلامية التي أبى الله لها إلا أن تكون خير أمة أخرجت للناس رغم أنف الجميع

البين ده هو اللي هيعدل الميزان و هيخلي فيه وعي عند الشباب الملتف حول أم ترتر و الآخرين الملتفين حول أم دجدج

لازم يكون فيه بين ... في دي بالذات فيه بين ...

ليه يا ناس نكون مع أم ترتر اللي مش في دماغها ولا الهوا .. اللي يروح يروح و اللي يجي يجي و طالما احنا عايشين خلاص ... ايكش تولع

و ليه يا ناس نكون مع أم دجدج دي .. صويت و نحيب و عويل و خلاص ؟؟

هناك ايجابية متوسطة و معتدلة .. ايجابية شعارها .. لا ضرر ولا ضرار .. إيجابية مخططة و مدروسة لا هوجاء ولا موكوسة.

طبعاً كلنا فاهمين بنتكلم عن ايه ... عن الوضع الراهن اللي إحنا عايشينه في بلدنا

كلامي لا هو دعوة للخنوع و الذل .. ولا هو دعوة للعنف الغير مدروس .. إنما كلامي دعوة للوسطية في التصرف و في التفكير

و عشان اكون واضح في كلامي .. هأضرب مثال باللي حاصل اليومين دول

المظاهرات اللي حصلت .. أنا شايفها أسلوب غير حضاري (في بلدنا) لأنها أصلاً ما بتجيبش نتيجتها المطلوبة و أخرتها هتك عرض و اعتقالات و بهدلة و قلة أدب ..

إنما الوقفة الاحتجاجية النهاردة .. أنا بردو شايفها .. شئ رائع و متحضر و أسلوب متقدم جداً لتسجيل الاعتراض .. و النتيجة؟؟؟ البنات راحت و روحت باحترامها .. الشباب وقفوا و خلصوا و روحوا بيوتهم .. الشعب صوته وصل للعالم كله مش بس للحكومة ... الناس شافت إن عادي ممكن تقف و مش هتتسحل ولا هتتهتك عرضها ....

حد فهمني ؟

مكاوى ... بين

[أسد]

أبو محمد العزيز الغالي ..

أنا أيضاً أسجل حزني العميق على ما نحن فيه ...

أنا أيضاً أسجل إستيائي الشديد ..

حزين جداً على كل المحاولات المتعمدة والمنظمة لإشاعةالفوضى في مصر بهذا الشكل ..

بكل أسف .. في مصر لا يوجد شخص شجاع .. يحاول أن يوقف هذا المشروع ...

مشروع إشاعة الفوضى في مصر ..

مشروع التشكيك في كل شئ ..

حتى القاتل المعترف .. والدلائل الدامغة .. والبينات كلها .. نجد من يشكك في أن الحكم عليه بالإعدام هو نوع منالخداع .. والظلم ..

أمر غريب . وعجيب ..

الشارع أصبح الميدان للكل .. الكل يتحدث ويتكلم ويبدي رأيه في كل شئ .. بداية من مباريات كرة القدم .. أو الفيديو كليب .. أو الحكم القضائي ..

من يحاول أن يقول رأي مخالف لتلك الهوجة أصبح يتم إرهابه .. وإتهامه ...

الحالة الموجودة أصبحت بالفعل غريبة جداً .. ونخيفة ..

إذا عمت الفوضى .. لن يمكن لأي شخص في مصر أن يبحث عن ساتر يحتمي خلفه ..

سيصبح الوضع كارثي ..

تذكروا أننا من هنا كنا نحذر ...

وتذكروا أن الفوضى المتعمد إشاعتها في مصر الآن أمر مخيف جداً ..

لا تعتقدوا أنها ستكون سبيلاً للخلاص من ظلم كبير ..

بل هي فاتحة الطريق لكارثة كبيرة ...

العزيز الغالي أبو محمد ..

خالص مواساتي إليك ..

معبراً أيضاً عن حزني العميق لما يحدث اليوم ...

[doha]

خايفة اتكلم يجي كلامي خدش في التابلوه الرائع الي حضرتك رسمته بتعبيرك والي مش لاقيه اي حاجه اضيفها عليه ..

جبت الخلاصه ..

بس خلاص ..

تم تعديل 18 يونيو 2010 بواسطة doha

[محمد عبدالعزيز]

مين المسؤول عن غياب القانون؟

مين المسؤول عن عدم احترام الدستور؟

مين المسؤول عن إدارة شئون الدولة والحفاظ على هيبتها؟

هل احنا لقينا كبير بحق وحقيق -مش واحد متعين علينا كبير بالغصب أو الواسطة أو الرشوة- ولم نحترمه أو نسمع كلامه ونمشى وراه؟

ياريت اللى شايف نفسه كبير ويقدر يتحمل المسؤولية بجد ويعمل لمصلحة البلد ويطبق القانون ويفرض احترام الدستور ويحافظ على هيبة وكيان الدولة يتقدم الصفوف ويثبت للناس إنه قلبه على البلد بجد مش على مصالحه الشخصية, ساعتها ابقوا لوموا اللى يمشى ورا أم ترتر ولا أم دجدج.

[Howayda Ismail]

أم ترتر هى أخت سماسم العالمة .. دايما مهيصين .. مزأططين نفسهم واللى حواليهم .. الدنيا تضرب تقلب ، هم مالهمش دعوة .. دايما زآطيط ، فرافيش ، نعانيش .. قعدتهم كلها زغاريد

أم دجدج هى أخت أم بِلـِّس الندابة أو "المعددة" .. شغلتهم الندب والتعديد والنواح على راس الميت .. وفى الخمسان وطلعات القرافة .. شغلتهم الكآبة للى حواليهم .. بارعون فى تقطيع نياط قلوب أهل الميت عليه .. إدرار الدموع من مآقيها حتى تجف المآقى .. يقودون باقتدار عمليات لطم الخدود وشق الجيوب .. لغاية ما يهدُّوا حيل اللى حواليهم .. وبعدين يلموا الغلة ويروَّحوا ..

يناموا ؟ .. ممكن ..

يحششوا ؟ .. ممكن ..

يسكروا ؟ .. ممكن ...

إنما مش ممكن يكونوا حزانى على الميت .. مش ممكن

أم ترتر وام دجدج وسماسم وام بلـِّس .. شخصيات حقيقية .. تتبادل الأدوار .. أتذكرهم كلما قرأت صحيفة (حكومية أو خاصة ما تفرقش) أو شاهدت برنامج حوارى (بكسر الحاء أو بفتحها ما تفرقش) .. شخصيات أتذكرها عندما أقرأ على الشبكة العنكبوتية مناقشة المواجهات بين الكنيسة والقضاء .. بين المحامين والقضاء .. بين الشعب والقضاء .. بين الشرطة والقضاء .. وأخيرا ( من كام يوم فاتوا) بين الصحافة والقضاء ...

شخصيات أتذكرها وأنا ألاحظ ملاحظة .. "غبية" .. وهى أن كل المواجهات فى هذه المرحلة مع القضاء ، وكل الضرب (فوق الحزام أو تحت الحزام ما تفرقش) ضرب غشيم فى القضاء .. الحصن الأخير الباقى قبل أن تتفكك أقدم دولة فى التاريخ ..

ملحوظة : هذا موضوع شخصى .. فى باب مواضيع شخصية .. أكتبه بعد غياب فترة عن "المحاورات"

ومع ذلك

أرحب بكل زميل من أصحاب القلوب الرحيمة ، إذا قرر أن يدخل ليواسينى ..

فالمصاب جلل ..

أقدم دولة فى التاريخ .... تتعرض لحرب تفكيك الوطن ..

وزهرة شباب الوطن ملتفون ..

إما حول ام ترتر وأخواتها يزغردون ..

أو حول ام دجدج وأخواتها يلطمون الخدود ويشقون الجيوب

حاسس إن مفيش كبير للقعدة .. فين القانون ؟ .. فين الدستور ؟ .. فين الدولة ؟

كله ضاع

بين زغاريد ام ترتر ، وصويت ام دجدج ..

:sad: إحزن ياقلبى :sad:

سيدى المكان باق والاشخاص فى زوال مصر مرت بنوائب عديدة عبر الضهر احتلت من ايام الهكسوس حتى وقتنا هذا

بمصيبة الخصخصة والاحتلال الجديد.بالاضافة انها اصبحت وسية لحفنة مصريين لصوص لكن مصر ستبقى هى مصر

ولابد ان يكون املنا اقوى من كده الروح الانهزامية دى ترفع المبخارتية والشمرشجية والاسامى التى ذكرتها حضرتك

يكون صوتها اعلى من صوتنا اكيد فى وسط معتدل يستطيع النهوض بمصر من كبوتها الحالية وشكرا

[أبو محمد]

أخويا الكبير و أستاذي أبو محمد

أولاً بأسجل إعجابي برؤية حضرتك النافذة و اللي لا بتتشغل بزغاريد أم ترتر ولا نحيب أم التانية دي :sad:

و هأمسك في كلمة واحدة من موضوعك و من كلامك و هي اللي بدأت بيها اسم الموضوع .... بين

دائماً يوجد بين

البين ده باة مش كل الناس بتوصله

البين ده باة غالباً بيكون هو الصح الوسط المعتدل اللي تسير في هداه أمتنا الاسلامية التي أبى الله لها إلا أن تكون خير أمة أخرجت للناس رغم أنف الجميع

أخى الفاضل "مكاوى"

أشكرك على كلماتك الرقيقة .. وأتفهم ما جاء "بين" سطورك عن الوسطية "المفقودة" .. أو الوسطية "الصامتة" .. أو تلك الخافتة الضائعة بين الزغاريد والنواح

المظاهرات اللي حصلت .. أنا شايفها أسلوب غير حضاري (في بلدنا) لأنها أصلاً ما بتجيبش نتيجتها المطلوبة و أخرتها هتك عرض و اعتقالات و بهدلة و قلة أدب ..

إنما الوقفة الاحتجاجية النهاردة .. أنا بردو شايفها .. شئ رائع و متحضر و أسلوب متقدم جداً لتسجيل الاعتراض .. و النتيجة؟؟؟ البنات راحت و روحت باحترامها .. الشباب وقفوا و خلصوا و روحوا بيوتهم .. الشعب صوته وصل للعالم كله مش بس للحكومة ... الناس شافت إن عادي ممكن تقف و مش هتتسحل ولا هتتهتك عرضها ....

حد فهمني ؟

مكاوى ... بين

موقع عملى على الكورنيش .. رأيت الوقفة .. وسمعت دوى الصمت .. دوى ، أدعو الله أن يُسمِع من فى آذانهم وقر من حدة الزغاريد والصويت

فليكن القتيل كما تغنى أم ترتر وأخواتها .. حشاش .. هارب من الخدمة ,فيه كل العبر .. فليكن كما تنوح و"تعدد" أم دجدج وأخواتها .. زينة شباب الحى .. فليكن ما يكون .. فهو مواطن كأى مواطن ممكن أن يكون صالحا أو طالحا ..

ولكن ..

ليس للحادث أى علاقة بقانون الطوارئ أو حتى قانون ساكسونيا .. الأمر متعلق بامتهان كرامة مواطن مصري ، له الحق فى الحياة .. حق من حقوق الإنسان التى نص عليها الإعلان العالمى لحقوق الإنسان (المادة 3 : لكل فرد حق في الحياة والحرية وفى الأمان على شخصه)

الأمر متعلق بثقافة متأصلة وضاربة بجذورها عند كل صاحب سلطة (مخبر أو ضابط أو ناظر مدرسة أو رئيس فى العمل) ثقافة النظر إلى المواطن نظرة استعلاء وكأن هذا المواطن ليس إنسانا أو على أحسن تقدير على أنه إنسان "درجة تانية أو ترسو" وربما يكون – أى المواطن – أعلى شأنا وأنفع لوطنه من صاحب تلك السلطة

هذا الأمر تناولته كل من أم ترتر وأم دجدج بطريقتها .. لتظل الفوضى ضاربة أطنابها ولتضيع الحقيقة .. بين صاجات ام ترتر .. وعويل أم دجدج

[أبو محمد]

أبو محمد العزيز الغالي ..

أنا أيضاً أسجل حزني العميق على ما نحن فيه ...

أنا أيضاً أسجل إستيائي الشديد ..

حزين جداً على كل المحاولات المتعمدة والمنظمة لإشاعةالفوضى في مصر بهذا الشكل ..

بكل أسف .. في مصر لا يوجد شخص شجاع .. يحاول أن يوقف هذا المشروع ...

مشروع إشاعة الفوضى في مصر ..

مشروع التشكيك في كل شئ ..

حتى القاتل المعترف .. والدلائل الدامغة .. والبينات كلها .. نجد من يشكك في أن الحكم عليه بالإعدام هو نوع منالخداع .. والظلم ..

أمر غريب . وعجيب ..

الشارع أصبح الميدان للكل .. الكل يتحدث ويتكلم ويبدي رأيه في كل شئ .. بداية من مباريات كرة القدم .. أو الفيديو كليب .. أو الحكم القضائي ..

أشكرك يابو أدهم على صادق مواساتك

أعرف أنك تقصد قاتل بنت ليلى غفران وصديقتها .. القاتل المعترف فى التحقيقات بأنواعها (شرطة ونيابة) وفى المحاكمات بدرجاتها .. ألم أقل لك يا عزيزى أن الضرب فى هذه المرحلة موجه إلى القضاء ؟ .. ذلك الحصن المستقل الباقى

من يحاول أن يقول رأي مخالف لتلك الهوجة أصبح يتم إرهابه .. وإتهامه ...

وهذا هو أكبر دواعى حزنى وحزنك .. حتى هذا ينكرونه علينا .. أصله ما ينفعش مع صاجات وزغاريد ام ترتر .. وبالرغم من أنه حزن مختلف إلا أنه يمثل نوعا من تضارب المصالح مع ام دجدج .. بائعة الحزن

الحالة الموجودة أصبحت بالفعل غريبة جداً .. ونخيفة ..

إذا عمت الفوضى .. لن يمكن لأي شخص في مصر أن يبحث عن ساتر يحتمي خلفه ..

سيصبح الوضع كارثي ..

تذكروا أننا من هنا كنا نحذر ...

وتذكروا أن الفوضى المتعمد إشاعتها في مصر الآن أمر مخيف جداً ..

لا تعتقدوا أنها ستكون سبيلاً للخلاص من ظلم كبير ..

بل هي فاتحة الطريق لكارثة كبيرة ...

لما تخرب مش حتلاقى حتى اللى يقعد على تلها .. لامن الفرقة "دى" ولا من الفرقه "دوكها" ..

[fatfouta]

الأب الفاضل ابو محمد

عاوزة اقول حاجة لحضرتك شخصيا.....الحاجة دى انا بحس بيها كل ما اقرك لك موضوع او رد

عارف حضرتك هى ايه؟؟ انى دايماااا بحس ان مواضيعك كلها وفى اى باب من ابواب المحاورات وبلا استثناء.....بحس انها فوق مستوى تفكيرى

وببقى فى كوووول مواضيع حضرتك نفسى أسأل هو حضرتك قصدى ايه بس بخاف لا تزعل منى

وكمان كتير ببقى عاوزة ارد لكن بخاف يبقى كلامى بالنسبة لكلامك تافه واهبل ومالوش لزمة لانى بحس ان كلامك كبير قووووى عليا

ومع ذلك انا بحب جداااا اقرأ مواضيعك وردودك الجميلة المفيدة لكن عاوز الحق كتير مش بفهمها وبقول برضو خليكى بقى على اد تفكيرك ومش مهم تفهمى

معلش اذا كانت مداخلتى برا الموضوع لكن والله فعلا انا بقالى كتير جدااا عاوزة اقولك كده وان فعلا كل مواضيعك فوووق مستوى تفكيرى وارجوك ماتزعلش منى حضرتك ماتعرفش غلاوتك عندى اد ايه والله

ومع ان الموضوع ده من قبل مادخله مافهمتش عنوانه لكن دخلت وقريت كلامك مافهمتوش برضو بس وقفت عند مداخلة الاستاذ أسد وفهمت حضرتك تقصد ايه من كلامه

مع انى مع كلفة كفاية بقى ولازم يبقى للمصريين وقفة وممكن اكون مع المعدداتية لكن والله برضو قلبى حزين على اللى بيحصل فى البلد من فوضى

يارب اكون فهمت المرة دى

واشوفك دايما بخير يا والدى العزيز جداا :sad:

[أبو محمد]

مين المسؤول عن غياب القانون؟

مين المسؤول عن عدم احترام الدستور؟

مين المسؤول عن إدارة شئون الدولة والحفاظ على هيبتها؟

هل احنا لقينا كبير بحق وحقيق -مش واحد متعين علينا كبير بالغصب أو الواسطة أو الرشوة- ولم نحترمه أو نسمع كلامه ونمشى وراه؟

ياريت اللى شايف نفسه كبير ويقدر يتحمل المسؤولية بجد ويعمل لمصلحة البلد ويطبق القانون ويفرض احترام الدستور ويحافظ على هيبة وكيان الدولة يتقدم الصفوف ويثبت للناس إنه قلبه على البلد بجد مش على مصالحه الشخصية, ساعتها ابقوا لوموا اللى يمشى ورا أم ترتر ولا أم دجدج.

الأخ الفاضل محمد عبد العزيز

إسمح لى أن أعتذر عن عدم الرد على ماجاء فى مداخلتك .. ليس تقليلا من شأنك لا سمح الله ، فقلمك من الأقلام التى أحترمها جدا

فقط لم أفهم العلاقة بين ماجاء بالمداخلة وبين تعبيرى عن حزن "شخصى" وضعته فى باب "موضوعات شخصية" ولم يكن فى ذلك التعبير أى لوم لأحد لا لأم ترتر ، ولا لأم دجدج .. فهما شخصيتان موجودتان .. بل كانتا دائما - بالنسبة لى - نوع من أنواع الفولكلور إلى أن بدا - لى - تغلغلهما إلى كل شئ بعد أن سمحنا - نحن - لهما بذلك

[صافى]

أبو محمد العزيز الغالي ..

أنا أيضاً أسجل حزني العميق على ما نحن فيه ...

أنا أيضاً أسجل إستيائي الشديد ..

حزين جداً على كل المحاولات المتعمدة والمنظمة لإشاعةالفوضى في مصر بهذا الشكل ..

بكل أسف .. في مصر لا يوجد شخص شجاع .. يحاول أن يوقف هذا المشروع ...

مشروع إشاعة الفوضى في مصر ..

مشروع التشكيك في كل شئ ..

حتى القاتل المعترف .. والدلائل الدامغة .. والبينات كلها .. نجد من يشكك في أن الحكم عليه بالإعدام هو نوع منالخداع .. والظلم ..

أمر غريب . وعجيب ..

الشارع أصبح الميدان للكل .. الكل يتحدث ويتكلم ويبدي رأيه في كل شئ .. بداية من مباريات كرة القدم .. أو الفيديو كليب .. أو الحكم القضائي ..

أشكرك يابو أدهم على صادق مواساتك

أعرف أنك تقصد قاتل بنت ليلى غفران وصديقتها .. القاتل المعترف فى التحقيقات بأنواعها (شرطة ونيابة) وفى المحاكمات بدرجاتها .. ألم أقل لك يا عزيزى أن الضرب فى هذه المرحلة موجه إلى القضاء ؟ .. ذلك الحصن المستق

الخوة الافاضل ان اكررر مدى حزنى والمى عما يحدث واتمنى من اللة عز وجل ان يحمينا من الظلم والطغيان الواقع علينا اوجة كلامى للسيد الفاضل الاخ الاكبر اسد واقولة بلعامية كدة بعد اذن طبعا الاخ الفاضل ابو محمد :

ان الضرب والاهانة والتعذيب والكهربة الى الناس بيتعاملو بيها فى الاقسام والشرطة وساعات بردوة الفلوس بتجبر اى حد انة يعترف ولو بلظم نفسة على شان يترحم من العذاب الى هو فية ودا معنى موضوعى ضربو الاعور على عينة قال خسرانة خسرانة واظن اننا كلنا مصريين ولنا الحق ان يكون لكل فرد منا راية

واتمنى من اللة ان ترى السى دى الى ذاعتة قناة البدر وهى اول قناة فضائية تذيع هذا السى دى الذى يوجد فية الحقيقة المرة واللة الموفق سيدى الفاضل :sad:

[أبو محمد]

ولابد ان يكون املنا اقوى من كده الروح الانهزامية دى ترفع المبخارتية والشمرشجية والاسامى التى ذكرتها حضرتك

يكون صوتها اعلى من صوتنا اكيد فى وسط معتدل يستطيع النهوض بمصر من كبوتها الحالية وشكرا

الأخت الفاضلة "هند على"

ليس الحزن - بالضرورة - من أعراض الانهزام أو فقدان الأمل ..

وقفة شباب الإسكندرية أمل عظيم انبعث من الكورنيش .. كلهم كانوا حزانى .. ولكن لم يكونوا مهزومين .. مر جيلى بأكمله بأيام حزن مزلزل اقترب من الإنهزام الداخلى بل من الانسحاق .. ولكنه لم يكن كذلك .. كان حزنا نبيلا تحول إلى النقيض ولو بعد حين ..

أنا حزين وقلق وربما خائف .. ولكنى لست منهزما .. فاطمئنى .. الأمل موجود

[أبو محمد]

خايفة اتكلم يجي كلامي خدش في التابلوه الرائع الي حضرتك رسمته بتعبيرك والي مش لاقيه اي حاجه اضيفها عليه ..

جبت الخلاصه ..

بس خلاص ..

الأخت الفاضلة "ضحى"

مداخلتك أخجلت تواضعى .. وكانت خير عزاء لى فى حزنى

تأكدى .. لسنا وحدنا المحزونين .. ستزول الغمة عما قريب .. إن شاء الله

[om marawan]

سيدى الفاضل

أوجعتنا ......... :(

هل يمكننا حقاا ان نتمسك بامل فى يوم تزول فيه هذه الفتن

هل نستطيع ان نلتمس فى حروفك كلماتك عودة لضوء ولو خافت من الوسطية نستطيع ان نلجأ اليه ويعيدنا الى انفسنا

هل حقا يمكن ان ننجو من هذه الفوضى المتعمدة ؟؟؟؟

هل يمكن ان يظل الاصدقاء والاهل مقربين حتى وان اختلفوا فى ارائهم ام انها فتنة تأكل الاخضر واليابس ؟؟؟؟؟

اسأل وكلى حزن ....................................وكلى ايضا أمل

[أبو محمد]

الأب الفاضل ابو محمد

عاوزة اقول حاجة لحضرتك شخصيا.....الحاجة دى انا بحس بيها كل ما اقرك لك موضوع او رد

عارف حضرتك هى ايه؟؟ انى دايماااا بحس ان مواضيعك كلها وفى اى باب من ابواب المحاورات وبلا استثناء.....بحس انها فوق مستوى تفكيرى

وببقى فى كوووول مواضيع حضرتك نفسى أسأل هو حضرتك قصدى ايه بس بخاف لا تزعل منى

وكمان كتير ببقى عاوزة ارد لكن بخاف يبقى كلامى بالنسبة لكلامك تافه واهبل ومالوش لزمة لانى بحس ان كلامك كبير قووووى عليا

ومع ذلك انا بحب جداااا اقرأ مواضيعك وردودك الجميلة المفيدة لكن عاوز الحق كتير مش بفهمها وبقول برضو خليكى بقى على اد تفكيرك ومش مهم تفهمى

معلش اذا كانت مداخلتى برا الموضوع لكن والله فعلا انا بقالى كتير جدااا عاوزة اقولك كده وان فعلا كل مواضيعك فوووق مستوى تفكيرى وارجوك ماتزعلش منى حضرتك ماتعرفش غلاوتك عندى اد ايه والله

ومع ان الموضوع ده من قبل مادخله مافهمتش عنوانه لكن دخلت وقريت كلامك مافهمتوش برضو بس وقفت عند مداخلة الاستاذ أسد وفهمت حضرتك تقصد ايه من كلامه

مع انى مع كلفة كفاية بقى ولازم يبقى للمصريين وقفة وممكن اكون مع المعدداتية لكن والله برضو قلبى حزين على اللى بيحصل فى البلد من فوضى

يارب اكون فهمت المرة دى

واشوفك دايما بخير يا والدى العزيز جداا :sad:

الإبنة العزيزة "فتفوتة"

تصدقى ؟ .. والله العظيم .. تلاتة بالله العظيم (وش أنور وجدى) .. أنا بقى اللى مش فاهم إذا كان كلامك اللى فوق ده مدح ولاَّ ذم :) .. شوفتى بقى ؟ .. أديكى ضحكتينى وانا ما كانش لىَّ نفس اضحك

شوفى يا "فتفوتة" .. أنا حزين ، وقلقان ، وخايف من وضع معين بتمر بيه البلد .. ممكن نسميه مشروع (على رأى أخون الجميل "أسد") .. مشروع لزلزلة كيان هذا الوطن لينهار من الداخل .. الموضوع مش موضوع معارضة رئيس جمهورية أو معارضة حكومة أو إدانة جهاز شرطة فى حادث معين لم نسمع فيه الكلمة النهائية بعد ..

حقى عليكى إنك تبهينى إذا كان كلامى فبه بعض الغموض .. إدخلى واطلبى وقت مستقطع أشرح فيه أى غموض فى كلامى .. وجل من لا يسهو .. أنا ممكن أكون فاهم إنى واضح وفصيح ولكن الحقيقة ممكن تكون بخلاف هذا تماما

وبالنسبة للموضوع ده .. فأنا لازم أشكر أخونا "أسد" مرة تانية لأنه لحقنى ووضح اللى أنا باقصده

مع انى مع كلفة كفاية بقى ولازم يبقى للمصريين وقفة وممكن اكون مع المعدداتية لكن والله برضو قلبى حزين على اللى بيحصل فى البلد من فوضى

مصيبة إنك تكونى فاهمة إنى باقصدك بالموضوع ده .. .. إوعى .. إياكى .. فاهمة ؟

خدى بقى شمى الوردة دى :sad:

[Howayda Ismail]

انا كذلك ياسيدى حزينة وقلقة وخائفة لكن املى فى الله كبير

[أسد]

لقد وصلنا بالفعل إلى أن أي مجرم قد يعترف في قسم الشرطة .. ويعترف في النيابة والمحكمة ..

نشكك بأنه إعترف تحت وطأة التعذيب ..

أوافق أن هناك كثير من التجاوزات تحدث في أقسام الشركة ..

كثير من التعديات والقسوة والعنف .. ومسح كرامة البعض تحخدث من رجال الشرطة في مصر ..

وقد كان ماكان .. وضاعت مصداقية جهاز الشرطة في مصر ..

تماماً ...

فلم تعد لجهاز الشرطة المصرية مصداقية لدى المصريين ..

هذه حقيقة ..

للأسف الشديد ..

مايرعبني .. ويخيفني .. أنه الآن قد بدأ الضغط على الجهاز القضائي لخلخلة الثقة فيه ..

فقد قال المحامون أن النيابة تجامل زميلهم .. وأن المحكمة حكمت بتعليمات من رئيس نادي القضاة .. وأن الطبيب الشرعي قد زور التقارير في قضية أخرى ..

والآن .. يترقبون التقرير الذي سيصدر في قضية قتيل الإسكندرية .. ليكذبوه أو يصادقون عليه .. كل حسب ما يهتوي ..

هذه هي الكارثة ..

لو الفوضى عمت في مصر .. فلن نأمن على أنفسنا في بيوتنا .. ولن نأمن على مدخراتنا في البنوك ... ولن نأمن على مستقبلنا ..

مرت على مصر سنوات عجاف أصعب من تلك التي نمر بها اليوم ..

ذاق فيها المصريون ..

مرارة الظلم ..

ومرارة الهزيمة ..

ومرارة القهر ..

ومرارة الفقر ..

وشباب مصر هم الذين أعادو البسمة لأفواه المصريين والفرحة لقلوبهم ..

ولكن .. لم يكن الطريق الذي سلك هو نفسه الذي يتم اليوم ..

هناك من له مصلحة كبرى في توجيه الناس لهذا الإتجاه ..

هذا الشباب الرائع .. الجميل .. الذي يفطر قلبي عندما أراهم ..وهم واقفون صامتون يعبرون عن حزنهم وغضبهم لما تأول إليه الأحوال في مصر ..

لو يتم توجيههم للبناء .. والتحدي الإيجابي .. والتنوير ..

فسوف تكون مصر في أعظم حالاتها ..

أما إستثمار الغضب المتأجج في قلوبهم .. ومحاولة إشعال الفتنه بين الوطن والمواطن ..

فتلك كارثة كبيرة ..

وعندما يأتون لسدة الحكم .. أعني من هم ينسقون تلك الفوضى وينظمونها ..

لن يمنحونا الفرصة كلنا كمصريين .. للكلام ..

وسيقومون بتنفيذ برنامجهم هم ..

وليس برنامجنا نحن ...

بالفعل .. أشعر بخوف شديد .. وإنزعاج كبير ...

[Salwa]

اخى الفاضل المحترم / ابو محمد..

رغم انى قرات بداية الموضوع بالأمس مساء وقررت الرد...الا انى لم استطع...

رغم انى كنت قد بدأت اكتب ..

منعتنى دموعى عن رؤية الحروف ...

كانت تجتاحنى مشاعر شتى ............

(( اكتب ايضا معك...ف صفحة الموضوعات الشخصية ))..

غضب....لدخلاء ...يريدون تشويه الصورة النبيلة للحزن العظيم ..

اطمئنان..لصحوة صحية لشباب بلدى ...( اقلت شباب ؟؟ ) ...بل لشباب وشيوخ ونساء واطفال موطنى الذى وثقت دائمااااااا وراهنت على استرجاعه وعودته كما كان ..

وقفة الأمس ...كانت ...اشيااااء كثيرة ..اعادتنى لسنين بعيدة مرت وكما قلت حضرتك ..احاسيس شتى كانت تتنازعنى وتتصارع ...( يبدأ الغضب من هنا...من عندنا..دائماااا).

اغيظ ما اشعر به؟؟ عندما اراهم يحاولون سرقة ( حناجر البسطاء ؟؟)..الارتواء ( بدموع الثكالى ؟؟ )..الوقوف على اكتاف ناءت بأحمال الزمن الردئ ؟؟

اراهم يستغلون الموقف العظيم ويتبارون فى تعليق النياشين ...على جثثهم التى تحللت بفعل عوامل ( غير طبيعية )...

و...

امس ...عندما رايت الاسكندرية ...سكندريتى الرائعة التى لامثيل لها ف الوجود ...

تزف روح عريسها ....بطريقتها ...

تطرح عليه من رياحينها ...

تناجى الرب....والبحر ...وقوة الكون ..

علمت ان الاختيار كان موفقا....موفقا جدااا.....

لن تسرقوا هذه المرة ....نتيجة صبرنا .

لن ننحنى ...

لن نعاملكم بالمثل....بل ..سنصل الى ما نصبو ..بالصمت الجليل..

اتذكر الآن ...

انى قلت وتوقعت ...ما حدث وما سيحدث ف (( كتاباتى يوما )) ...الرجل وبحيرة البط..

عندما اراد الرجل ان يقذف بعلبة المشروبات ف البحيرة ...

وصرخ البط...

تابع الرجل السير....وتابعه البط ..بالسير ..بالسباحة ف البحيرة والصراخ ..ثم الصمت ...

تابعه...فقط تابعه...

حتى ...غير الرجل سيره والقى بالعلبة فى مكانها الصحيح ...فى سلة المهملات ..

بهذه الطريقة الرائعة الراقية الحاسمة النبيلة ...بالتأكيد ...سوف تتغير اشياء كثيرة ..

لاتخشى اخى الفاضل...

فى قاموس المسيرة ...لامكان ...لسماسم ..انها سما ( لنا) و..سم ( لهم ) .

ولا ...لأم دجدج ..واعوانها ..

صدقنى يااخى ...

هذه المرة لن تجدى اصواتهم ولن يجدى صراخهم ..

حضرتك قلت تعبير رائع...

هم...بائعى الحزن..

لكن نسوا او تناسوا ...

اننا لانشتريه منهم....اتعرف لماذا ؟؟

لأن حزننا (( تعملق داخلنا ))...ولا مكان لدينا لحزن مصطنع...

ارأيت يااخى الفاضل / وقفة الأمس ؟؟؟

انها وقفة ...الانسان الواعى ...الناضج...

انسان يعرف حقه...وكيف يأتى به ..

انسان يعلم ان ...عليه الاختيار ...ايهما افضل ...(( ضربة مرزبة ...ولا الف شاكوش ))..

الكل ف واحد...

زمن الفرسان لم ينتهى ..

و..

الاسكندرية بكل حماسها ..وصلابتها....و....رومانسيتها .

وصلت لكل ما تريده...

انا ارى انها وصلت ...

يكفى ما نراه على شاشات تلفزيونات العالم كله ...

ويكفى اننا بهذا نثرنا العزة والكرامة ورفض الظلم ...قطرات من عيوننا ...ذهبت تمرح وترتاح على شواطئ العالم كله ..

صورة ولادك يامصر متشحين بسواد الايام ....هى صورة تمثل رفض دمار الانسان لأخيه الانسان ..

ورفض لكل الظلم ...

هى مطالبة وكأن الجميع يردد ...دعونى اعيش بلا اى خوف ..

لاتقلق ..لن يستطيعوا وان ارادوا ان يزحزحوا اى طوبة فى بناء القضاء الشامخ النزيه الحر ..

الاحجار المتآكلة فى مبنى القضاء ..(( تقع وحدها ))...تذوب وحدها ...

لاتقلق اخى ...

لن يحدث ما تخشاه..

الناس اتغيرت...

الناس واعية ..

انتظر ...

ميعادنا فى الغد...

الغد القريب جدااا.. :wub:

[لونا]

ملحوظة : هذا موضوع شخصى .. فى باب مواضيع شخصية .. أكتبه بعد غياب فترة عن "المحاورات"

ومع ذلك

أرحب بكل زميل من أصحاب القلوب الرحيمة ، إذا قرر أن يدخل ليواسينى ..

فالمصاب جلل ..

أستاذي الفاضل أبو محمد :

حمداً لله على السلامة

أنا داخلة لكي أواسيك و أواسي نفسي و أواسي كل مصري

أقدم دولة فى التاريخ .... تتعرض لحرب تفكيك الوطن ..

حاسس إن مفيش كبير للقعدة .. فين القانون ؟ .. فين الدستور ؟ .. فين الدولة ؟

كله ضاع

هي دي المشكلة الحقيقية ..

فين القانون ؟؟؟

و فين الدولة ؟؟؟

هل هم غائبون بإرادتهم ؟

أم أنهم مغيبون بفعل آخرين ؟

أم أنهم جزء من اللعبة

أما كبير القعدة .. فكلنا نعرف أنه لم يعد قادراً على تحمل مسئولية بلد بأكمله

و لكن المفروض أننا نعيش في دولة مؤسسات .. لا تهتز بمرض فرد واحد حتى لو كان رئيس الدولة

أستاذي الفاضل كيف ترى الحل ؟

هل معنى ذلك أن نفقد الثقة في كل من - و ما - حولنا ؟

لقد فقدنا الثقة في الحكومة منذ زمن بعيد

و فقدنا الثقة في الإعلام .. و الشرطة ؟!

فإذا فقدنا الثقة في القضاء... فماذا يبقى لنا ؟

[خالد توفيق]

معظم الناس حقا لا يريدون الحرية ، لان الحرية ينطوي عليها مسؤولية ، ومعظم الناس خائفون من المسؤولية ... سيجموند فرويد (6 مايو 1856 - 23 سبتمبر 1939).

الفاضل ابو محمد .. خالص التقدير لك

في اعتقادي الشخصي المتواضع ان فريق ام ترتر يرى ان ما هو فيه من نعيم عبارة عن حق مكتسب له سواء عن مجهود او تضحيه يتصور انه قام بها , او بسبب تفريط الاغلبيه الصامته عن المطالبه بحقوقها المشروعه في هذا النعيم , وهو لا يرى اي غضاضه في ان يتمتع بما تخللى عنه الاخرون سواء عن جهل او تفريط .

اشد ما اكره فعلا هو فريق ام دجدج , هذا الفريق الذي لم يجد له مكان بجوار فريق ام ترتر حيث ان القمه لا تتسع سوى لفريق واحد ولذلك ارتضت ام دجدج واتباعها العيش في ظل ام ترتر في انتظار رحيلها في اي وقت , ام دجدج قررت اثناء الانتظار الذي لا يعلم احد على وجه اليقين مدته الفعليه ان تعيش على احزان وهموم الاغلبيه المكسورة ومحاوله ايهامهم انها تشاطرهم الاحزان المحيطه بهم وهي في حقيقه الامر ابعد ما تكون عن ذلك.

اعتقد ان دور ام دجدج مهم جدا ولا استبعد ان يكون موجه عن طريق ام ترتر , لان اغراق الناس في الحزن هو خير مانع لهم من التفكير في مشاركه ام ترتر افراحها التي لا تنقطع.

الغريب في هذا الوضع هو كيفيه تصديق الكثير من الاغلبيه المطحونه لنواح ام دجدج على مصائبهم وتمثيلها انها تشاركهم همومهم وهو يعلمون جيدا مقدار ما تجنيه من ارباح توازي ما تنعم به ام ترتر ورفاقها.

انا في ظني ان هناك فريق كبير يبكي في صمت واخشى من قرب انتفاضه هذا الفريق على ام دجدج وام ترتر

ونظرا لان هذا الموضوع شخصي واحتراما لرغبتك اريد ان اشاركك احزانك وان كنت شخصيا حزين منذ زمن بعيد

تحياتي