"لو لم أكن مصريا لوددت أن اكون مصريأ" ايه رأيك في الجملة دي؟

[Princesse]

لو لم اكن مصريا لوددت ان اكون مصريا

جملة شهيرة قالها الزعيم مصطفى كامل، ولكن لو كان مصطفي كامل اليوم بيننا هل كان سيقول نفس الجملة؟

ساعات بفكر ليه مصطفي كامل قال الجملة دي ؟ ايه الفضائل الموجودة في مصر و الشعب المصري و مش موجودة في اي دولة تانية

هل مثلا احنا شعب بيحب الثقافة زي الفرنسيين؟

او شعب بيعمل بجدية زي الالمان؟

او شعب بني بلده من الصفر زي اليابان؟

او اننا شعب بني وطن من لا شئ زي اليهود؟

او اننا شعب استفاد بسكانه و الايدي العاملة زي الصين؟

ايه الي بيميزنا عن شعوب الكرة الارضية غير الخضوع و الذل و الجبن و النفاق والكسل

هذه الجملة هي اسخف ما سمعت

لماذا اعتز بوطني و انا مهان فيه و خارجه؟

أيه رأيكم انتم في الجملة دي؟

تم تعديل 21 يونيو 2010 بواسطة Princesse

[اغابي]

دايما مواضيعك يا برنسيسة ما قل ودل

و سهم يصيب الهـــــدف

انا شخصيا بتخدنى الجلالة اوى واضايقك فى الكويت من اللى يفتكرنى جنسية غير مصرية

وفى جنسية دايما بيلزقوهالى فى الكويت وانا باتضايق واقولهم - لاء - انا مصرية طبعا ً

و مسالتش نفسي انا ليه بعمل كدا - هل لانى بحب بلدى اوى وفى نظرى حتى رغم المصايب دى حاليا

لكن عندى امل اننا حنتغير قريبا جدا واننا افضل الشعوب - و احنا حضارة وتاريخ - ولينا جذور فى الطيبة والشهامة

من يومين وانا فى طريقى لحولى - فوجئت بعربيتى اتعطلت على الجسر فوق اوى وفى جزء مقتل بجد وفرصة للحوادث

- يعنى اى عربية لازم حتخبط فيا فورا لانى فى الجزء اللى نازل من الجسر ومستخبي واكيد كل العربيات حتتفاجأ بيا ولازم حيحصل حادث . .

خاصا ان العربيات كلها سريعة جدا - وانا نزلت من العربية وعملت نظام انى بعدت عن عربيتى بحوالى 3 متر اشاور بحيث ان العربيات اللى جايا

تاخد حذرها منى - ومش حاوصفلك الشمس الساعة 2.5 كان شكلها ايه والحرارة كانت كام

واشاور لاى حد ممكن يساعدنى - استحالة حد وقف بل ع العكس كله معاكسات وقلة ادب - حتى الهنود ما سلمتش من قلة ادبهم

وفجأه من بعيد جاى فى الشمس واحد ماشي على رجليه وشيفاه مسافة بعيد وشايل شنطة سودا ( شنطة عدة )

بجد زى ما بحكيلك كدا - وقرب منى وحرام ماشي مسافة بعيدة جدا - لحظتها - استجدعته اوى - قرب منى وقالى لما شفتك حاولت اقف

لكن ما كنش ينفع لانى كنت ماشي بسرعة اوى والمكان اللى عربيتك متعطلة فيه داه خزوق بجد

وانت فجاتينى لكن عبال ما لقيت فرصة اركن عربيتى - كنت مشيت كتير وجيت المشوار ماشي على رجلى

ايه الشهامة دى يا مصريين - ايه الروعة دى يا مصريين - على فكرة هو طلع من دمياط - تحياتى لاهل دمياط كلهم . . .

المهم شيك على العربية قالى عربيتك جديدة يعنى ايه حصل - مش عارفة هو عمل شوية حاجات بالعدة اللى معاه و اشتغلت العربية بس ايه ما تسالونيش

المهم - وصل اخيرا جوزى بعد ما شغلنا العربية ووصل اخويا كمان بعد جوزى ب 10 دقايق - ما انا عملت قلق للكل اتصالات بالتلفون

وشكروا الراجل وفهموا كانت ايه مشكلة العطل - ووصلوه لغاية عربيته وجوزى قالى عربيته ركنها بعيد اوى - ازاى يمشى كل داه فى الشمس ؟؟

يمكن علشان مصري

كل دااه بقى يا برنسيس

كان استهلالا لابد منه .... والله يمسيك بالخير يا استاذ عادل ........

وللحديث بقية

اغابي

:blink:

[Howayda Ismail]

لو لم اكن مصريا لوددت ان اكون مصريا

جملة شهيرة قالها الزعيم مصطفى كامل، ولكن لو كان مصطفي كامل اليوم بيننا هل كان سيقول نفس الجملة؟

ساعات بفكر ليه مصطفي كامل قال الجملة دي ؟ ايه الفضائل الموجودة في مصر و الشعب المصري و مش موجودة في اي دولة تانية

هل مثلا احنا شعب بيحب الثقافة زي الفرنسيين؟

او شعب بيعمل بجدية زي الالمان؟

او شعب بني بلده من الصفر زي اليابان؟

او اننا شعب بني وطن من لا شئ زي اليهود؟

او اننا شعب استفاد بسكانه و الايدي العاملة زي الصين؟

ايه الي بيميزنا عن شعوب الكرة الارضية غير الخضوع و الذل و الجبن و النفاق والكسل

هذه الجملة هي اسخف ما سمعت

لماذا اعتز بوطني و انا مهان فيه و خارجه؟

أيه رأيكم انتم في الجملة دي؟

بغض النظر عن اللى حضرتك ذكرتيه الشعب لسه بخير والعيب مش فى الشعب العيب فى الادارة بدليل تفوق المصريين فى

الخارج سواء اطباء او علماء او حتى فنى بسيط .كل بيثبت جدارته لو حصل على فرصته .

مصريون فى الخارج على قمة الاعلام المشهورة عندك احمد زويل وصطفى السيد مجدى يعقوب الشيخ القرضاوى وغيرهم كتير

اقصد من كلامى ان المصريين اعلام فى جميع التخصصات والعيب عندنا هنا انه فى ناس بتحارب العلم والمتفوقين

بتحطم اصحاب الابحاث العلمية بوضع العراقيل والروتين فيلجأ للخارج وبعد كده عاوزين يستقبلوه بالاحضان

العيب عندنا فى السرقة والنهب والرشاوى والمحسوبية والعمولات .

المصرى هنا بيربط الحمار فى المكان اللى عاوزه صاحبه والمعروف انه هنا عاوزنا كسالى خانعين مستسلمين عشان

كده المصرى بيشتغل على قد اللى بياخده من غير طموح لانه عارف ده اخره من التقدير مهما عمل النجاح بيتنسب

لناس تانية مهما اتفوق مكانته بياخدها اللى اقل منه عشان مسنود او عنده واسطة .

نفتخر اننا مصريون لانتماءنا لمكان مش لاشخاص

[om marawan]

دايما مواضيعك يا برنسيسة ما قل ودل

و سهم يصيب الهـــــدف

انا شخصيا بتخدنى الجلالة اوى واضايقك فى الكويت من اللى يفتكرنى جنسية غير مصرية

وفى جنسية دايما بيلزقوهالى فى الكويت وانا باتضايق واقولهم - لاء - انا مصرية طبعا ً

و مسالتش نفسي انا ليه بعمل كدا - هل لانى بحب بلدى اوى وفى نظرى حتى رغم المصايب دى حاليا

لكن عندى امل اننا حنتغير قريبا جدا واننا افضل الشعوب - و احنا حضارة وتاريخ - ولينا جذور فى الطيبة والشهامة

من يومين وانا فى طريقى لحولى - فوجئت بعربيتى اتعطلت على الجسر فوق اوى وفى جزء مقتل بجد وفرصة للحوادث

- يعنى اى عربية لازم حتخبط فيا فورا لانى فى الجزء اللى نازل من الجسر ومستخبي واكيد كل العربيات حتتفاجأ بيا ولازم حيحصل حادث . .

خاصا ان العربيات كلها سريعة جدا - وانا نزلت من العربية وعملت نظام انى بعدت عن عربيتى بحوالى 3 متر اشاور بحيث ان العربيات اللى جايا

تاخد حذرها منى - ومش حاوصفلك الشمس الساعة 2.5 كان شكلها ايه والحرارة كانت كام

واشاور لاى حد ممكن يساعدنى - استحالة حد وقف بل ع العكس كله معاكسات وقلة ادب - حتى الهنود ما سلمتش من قلة ادبهم

وفجأه من بعيد جاى فى الشمس واحد ماشي على رجليه وشيفاه مسافة بعيد وشايل شنطة سودا ( شنطة عدة )

بجد زى ما بحكيلك كدا - وقرب منى وحرام ماشي مسافة بعيدة جدا - لحظتها - استجدعته اوى - قرب منى وقالى لما شفتك حاولت اقف

لكن ما كنش ينفع لانى كنت ماشي بسرعة اوى والمكان اللى عربيتك متعطلة فيه داه خزوق بجد

وانت فجاتينى لكن عبال ما لقيت فرصة اركن عربيتى - كنت مشيت كتير وجيت المشوار ماشي على رجلى

ايه الشهامة دى يا مصريين - ايه الروعة دى يا مصريين - على فكرة هو طلع من دمياط - تحياتى لاهل دمياط كلهم . . .

المهم شيك على العربية قالى عربيتك جديدة يعنى ايه حصل - مش عارفة هو عمل شوية حاجات بالعدة اللى معاه و اشتغلت العربية بس ايه ما تسالونيش

المهم - وصل اخيرا جوزى بعد ما شغلنا العربية ووصل اخويا كمان بعد جوزى ب 10 دقايق - ما انا عملت قلق للكل اتصالات بالتلفون

وشكروا الراجل وفهموا كانت ايه مشكلة العطل - ووصلوه لغاية عربيته وجوزى قالى عربيته ركنها بعيد اوى - ازاى يمشى كل داه فى الشمس ؟؟

يمكن علشان مصري

كل دااه بقى يا برنسيس

كان استهلالا لابد منه .... والله يمسيك بالخير يا استاذ عادل ........

وللحديث بقية

اغابي

:blink:

أغابى

أحييك بشدة على مداخلتك اللى بجد اصابت فى الصميم وعلى الموقف الرائع اللى تكرمتى بنقله لنا :rolleyes:

مصطفى كامل قال الكملة مش بس عشان فخور ببلده لكن كمان عشان بيحبها ومؤمن انها مش هتتغير الا بيه وبكفاحه وياريتنا بجد كنا نفكر زيه كانت بلدنا بقت غيييييير

وعلى رأي لماضة ........ صباحك و ط ن

خااااااالص تحياتى

[justtrying]

موقف اي حد ممكن يعمله طالما يعرف ربنا وبيحب يساعد الناس

لكن حته مصري وانا مصري وانت مصري والكلام ده مجرد شعارات بنرضي الغرور الي جوانا وخلاص لكن كمصر وكاقتصاد وكشعب وكحالة اجتماعيه اسوء واسود والعن من السواد

تم تعديل 22 يونيو 2010 بواسطة justtrying

[justtrying]

نسيتو العبّارة الي مات فيها آلاف ؟ ! مش كانوا مصريين ايه حصلهم خدوا ايه مين عوضهم ولا ايه كان ممكن يعوضهم ؟ !

نسيتو القطارات الي كل شهرين تلاته يموت فيها عشرات ؟ !! بسبب اهمال واختلاسات وسرقة ورشاوي ؟ !! وفي الاخر وزير يستقيل !!!! هوه ده الحل

نسيتوا مئات الاشخاص الي بيموتوا كل يوم من الحوادث بسبب الاهمال وعدم الاهتمام بأنك اقل ما يقال بأنه بني ادم انسان فيك روح .؟!!

نسيتو الشاب المسكين الي اتمسك في قسم الشرطة ؟ !! ده مش مات طبيعي حد شاف منظره ويقدر يتخيل ده اتعذب اد ايه عشان يموت الموته الشنيعة دي ؟ !! وعشرات عشرات يعذبون كل يوم ويهان كرامتهم ولا أحد يعلم أو يعرف عنهم أو يشعر حتى إحساسهم بما عانوه !!

نسيتو عشرات حالات الاغتصاب الي بتحصل كل يوم في البلد ؟ !! والله بطريقة تثير الاشمئزاز لدرجة اني أكاد امنع نفسي من الدخول لاقرا الحوادث في اوقات من هول ما اقرأه في سطور هذه الجرائد ؟ !

نسيتوا حالة البلد الاقتصادية ديون ورا ديون ورا فوايد ورا قروض ورا ايه تاني لدرجه لا يعلمها إلا الله سبحانه وتعالى ؟ !! والله ثم والله ان مصر غارقة غارقة غارقة في الديون لدرجة يعني من رابع رابع المستحيلات انها تسدد هذه الديون ؟ !! كل المشاريع المقامة على مصر بنسبة 90% هي عبارة عن ديون سوف تسدد وللاسف حتى هذه المشاريع مشاريع استهلاكية بالدرجة الاولى وليست انتاجية أو استثمارية ؟ !!!

يمكن نسينا او تناسينا ملايين ملايين الجنيهات الي بتروح على الافلام والمسلسلات وما شابه من كل ما هو تافه لا يعود بأي نوع من الانواع بالانتاج او زيادة واضافة للبلد ؟ !!!

نسيتوا مئات الالف من الشباب الي عاوزه تسيب البلد وتهاجر وتهج وتاخد جنسيات تانية ؟ !!!

اعتقد والله اعلم ان من الطبيعي والبديهي ان يفكر المرء باسلوب ما هو الخطأ حتى نصححه ولكن ادعو كل شخص يقرأ كلماتي ويتفكر ما هو اصلا الشيء الصحيح في مصر ؟ !! اتحدى اتحدى ان يأتي لي احد بشيء واحد فقط في مصر يمشي على الطريق الصحيح !!!!

تم تعديل 22 يونيو 2010 بواسطة justtrying

[Howayda Ismail]

موقف اي حد ممكن يعمله طالما يعرف ربنا وبيحب يساعد الناس

لكن حته مصري وانا مصري وانت مصري والكلام ده مجرد شعارات بنرضي الغرور الي جوانا وخلاص لكن كمصر وكاقتصاد وكشعب وكحالة اجتماعيه اسوء واسود والعن من السواد

نادر لما تلاقى حد يساعدك برة الا لو كان مصرى وده رأى ناس كتير عاشت خارج مصر لكن نبرة اليأس اللى فى صوتك

دى ممكن تكون من موقف شخصى حصلك فى مصر خالك تقول كده لكن رغم السلبيات الكتيرة الموجودة فى البلد الا

ان مصر بخير الناس مازلت بتددى رغم ضيق اليد ورغم انها عارفة ان ممكن المتسول ده اغنى منه لكن مازلت بتدى

مصر مش فقيرة واقتصادها مش وحش شوف كمية الفلوس اللى بتتصرف على المحمول دلوقت وكمية العربيات الموجودة

فى البلد مصر غنية بس منهوبة الدخل متوزع على ناس دون اخرين عشان كده فى غنى فاحش وكذلك فقر مدقع

الضمير الفاسد والعفونة الاخلاقية هى اللى مضيعة البلد (بدل ماتلعن الظلام اضأ شمعة) حتى لو كانت الشمعة دى

دعوة ان ربنا يخلص مصر من الفساد اللى فيها

[Mr MAGED]

الفاضلة برنسيس

أكيد موضوعك مهم جدا ً ... ولازم يكون لكل واحد فينا رد عليه

وانا من وجهة نظري ان الرد بسيط جدا ً

انتي بتحبي والدتك ؟؟؟ طب يا تري بتحبي والدك ؟؟؟

أكيد طبعا بتحبيهم ... بس يا تري ممكن تقوليلي بتحبيهم ليه ؟؟؟؟

أكيد والدتك مش أجمل ست في الدنيا ... وأكيد والدك معملش اللي عمله أحمد زويل

ولا معاه زي اللي مع نجيب ساويرس ولا أحمد عز

يبقي يا تري بتحبيهم ليه ؟؟؟؟

لو قدرتي تجاوبي علي سؤالي ... أكيد هتعرفي احنا ليه بنحب مصر

مع انها مش أجمل ولا أغني بلد في الدنيا .... بس برضه بنحبها ... لأنها هيا بلدنا

ويا تري لو استغنينا عنها ..... هنلاقي حضن تاني غير حضنها يقدر يلمنا !!!!!

تحياتي

[tarek hassan]

ليه يا جماعة عايزين تجردوا مصر من شوية الشعارات اللي باقية

دا مصر أم الدنيا

ولا نسيتم الحمل والولادة والتعب في التربية والسهر على الدنيا

ومصر هبة النيل

صحيح كمان شوية مش هنلاقي شربة المية

المهم لازم نتمسك بالشعار

وشعار مصر للمصريين

اللي بيفصل مصر عن أمتها

- كنت أنظر دائما لجماهير فريق الاتحاد السكندري الكروي وهي تقول عن فريقها دائما شعار

الاتحاد سيد البلد

مع الفريق كل سنة يصارع من أجل النجاة من الهبوط للدرجة الثانية

كثير من الألفاظ أصبحت فارغة من المضمون ولكن البعض يكابر ومش هنتقدم إلا إذا غيرنا أسلوب حياتنا وكان لنا منهج عمل مش شعارات جوفاء

أصحاب الشعارات دائما كذابون مفسدون يختبئون خلفها واللي بيحب مصر بصحيح يبتعد عن الشعارات ويحارب الفساد اللي بيشوه سمعتها

شكرا لكاتبة الموضوع المهم

تم تعديل 22 يونيو 2010 بواسطة tarek hassan

[Howayda Ismail]

زى ماقلت لحضرتك مصر مش فقيرة دخل قناة السويس _ دخل السياحة_ المبالغ اللى اتباعت بها شركات الخصخصة

موارد المصريين العاملين بالخارج _ الضرايب اللى قسمت ضهور الناس_ المناطق الحرة ومابها من شركات والغاز اللى بتصدره

دخل البترول ممكن ميكنش مصادر الدخل حاضرة فى ذهنى دلوقت لكن فى كتير وكتير المشكلة هى سوء عدالة فى التوزيع

فلوس الحاجات دى بتروح فين وماحدش يقول للتعليم ولاالصحة ولالا ولالا لان ميزانيات البنود دى هزيلة بالمقارنة بالدخل

نرجع نقول النهب النهب النهب وكل اللى ذكرته حضرتك بيحصل فى بلاد كتيرة لكن التعامل عندنا احنا ايه سلبية مننا وزيادة

غطرسة من الحكومة وااللى مش عاجبه بيخبط راسه فى الحيط .

الاصلاح هو الحل بداية من انتخابات نزيهة الى محاكمة اى مسئول مهما كانت مكانته

اللى بيغلط الناس الكبار عشان كده بيهرب بتاع العبارة دون ادنى مسؤلية المخدرات بتخش البلد مع بتوع مجلس الشعب

والهيئات السياسية الاراضى بتتنهب من الوزراء رجال العمال لكن الاف البسطاء اللى هم عامة الشعب مغلوب على امرهم

لما نلعن نلعن الناس دى مش البلد

البلد مظلومة زيها زى الناس اللى فيها

[justtrying]

معتقدشي انه يأس اكتر منه لا مبالاه لأن عارف ومتأكد ان التغير هيبدأ بنفسي وبأهلي وانا مش مسئول اكتر من كده فمبشغلشي نفسي بغيري ولله الحمد

وكون اني اتكلم واقول واهاجم فده من كرهي من حال البلد وليس كره لمصر فمن الفطرة اني احب مصر لأنها بلدي الي عيشت فيها وارتبيت فيها وده الطبيعي من اي شخص عاقل ومتزن في تفكيره.

اما حكايه المصريين خارج البلد فانا منكرشي ان فعلا فيه مصريين كتير كويسيين وفعلا جدعان جدا ودي عن قناعه شخصية ولكن السيء اكثر بكثير للاسف

ولو اتكلمنا على الكويت بصفه خاصة فهنجد ان الحال ايضا لا يسر

مصري اتقتل من سوري تقريبا من شهر بسبب خناقة ؟ !!

تقريبا 11 مصري على ما اتذكر اترحلوا من الكويت بسبب تجمع سياسي ؟؟!!

مصريين كتير جدا هنا اقامتهم منتهية وعاملين مشاكل كتير مع الشرطة ؟ !!

مصريين كتير هنا بيجوا الكويت باقامات بيتشروها ويجوا يتصدموا بالواقع للاسف والقنصلية ولا بتعملهم اي حاجه ولا هتعملهم ولا حتى بتحاول تمنعهم ؟ !!

والحقيقة الي ظاهرة جدا حاليا ان عدد المصريين بالمقارنة مع الهنود قل جدا جدا فعدد المصريين الآن اقل من الهنود وعاملين يقلوا بالطراد شديد لأن الكويت عموما بقوا يفضلوا الهنود علينا !!! ولو كويتي شغل مصري عنده في الشركة بيكون مضطر لأنه مش لاقي بديل

وبعدين هيه مصر ايه غير شعبها ؟ !!!

امريكا مكنشي ليها وجود والآن اقوى قوة عظمى اقتصاديا سياسيا عسكريا علميا عرفتها البشرية في التاريخ باسره بسبب شعبها واهلها ؟

فلما نفكر لازم يكون تفكيرنا بالواقع والمنطق والدلائل مش احنا واحنا واحنا .. واحنا فعلا من سيء لاسوء

تم تعديل 22 يونيو 2010 بواسطة justtrying

[ابوهنا]

بنحب مصر لانها وطن

وكل انسان بيحب وطنه

يعنى انا باحب مصر لانها وطنى ولو كنت من اى دوله تانى كنت هاحبها اكتر من اى بلد تانى

يعنى المولود فى قريه فى قلب الصحراء الشرقيه فى جنوب الصعيد بيحبها مع ان لو اى انسان زار القريه دى هيستغرب الناس ديه عايشه فى القريه دى ازاى

اما اللى بيقول ان السبب هو الفساد وان شعبنا جميل ورائع ويستشهد باحمد زويل وغيره اقول:

ان الشعب الان فسد مع فساد النظام ...يعنى الان الشعب فاسد

نحن الان شعب فاسد....بلطجه وروشوه وكذب ونفاق وحراميه على كل المستويات من المواطن البسيط الى اعلى السلم

هيرد عبقرى ويقول لا ...مصر فيها شرفاء كثير...اقول:

الهرم مقلوب الان...بمعنى ان عدد الشرفاء فى المحروسه كان من المفترض ان يكون هو عدد الفاسدين...

مافيش فايده

[Howayda Ismail]

المصرى متهان هنا فى بلده فا منزعلش من الكويتيين او غيرهم من معاملتهم لنا هم بيعاملونا زى مادولتنا بتعاملنا

لو المصرى له كرامة فى البلد ماكنش الكويتى ولا غيره بيعمولنا من منطلق فلوسهم واحنا اللى محتاجين .

شوف الاجانب عندا بيتعاملوا ازاى رغم انه ممكن جاى الفسحة دى كسبها او بالقسط يعنى لو فتشته مش حتلاقى 5 دولار فى

جيبه كمان كام رتبة بتحرصه وتحت امره ونهار اسود لو اشتكى جنابه من سوء معاملة ولا وقع صدام بينه وبين اى مصرى

المصرى يضرب بالجزمة اقدامه بغض النظر الحق عند مين خوفا من سفيره او سلطة بلاده لكن لو المصرى مكان السائح

فى بلده لو حتى طلعت روحه لاالسفير ولا حتى فراش السفارة حد حيسأل فيه لانهم من الاخر عارفين قيمة المصرى

فى بلده برة وجوة

[justtrying]

المصرى متهان هنا فى بلده فا منزعلش من الكويتيين او غيرهم من معاملتهم لنا هم بيعاملونا زى مادولتنا بتعاملنا

لو المصرى له كرامة فى البلد ماكنش الكويتى ولا غيره بيعمولنا من منطلق فلوسهم واحنا اللى محتاجين .

شوف الاجانب عندا بيتعاملوا ازاى رغم انه ممكن جاى الفسحة دى كسبها او بالقسط يعنى لو فتشته مش حتلاقى 5 دولار فى

جيبه كمان كام رتبة بتحرصه وتحت امره ونهار اسود لو اشتكى جنابه من سوء معاملة ولا وقع صدام بينه وبين اى مصرى

المصرى يضرب بالجزمة اقدامه بغض النظر الحق عند مين خوفا من سفيره او سلطة بلاده لكن لو المصرى مكان السائح

فى بلده لو حتى طلعت روحه لاالسفير ولا حتى فراش السفارة حد حيسأل فيه لانهم من الاخر عارفين قيمة المصرى

فى بلده برة وجوة

ويبقى الحال ليس كما هو عليه ولكن أسوء والعن واسود مما هو عليه !!!

[herohero]

لو لم اكن مصريا هكون مصري بردهبس عاوز احط خاصيةالايجابيه

محدش قال انناوحشين بالعكس احنا كويسين جدا وطيبين وده عيبنا بنطمع الكل فينا

احنا بنحاول نعمل نفسنا ناصحين بس خايبين والدليل اهو هل نجحنا ف السيطرة زي الشوام ف اي بلد لا طبعا واحنا اشطر منهم وبتوعم شغل بجد بس مابنعرفش ناكل دماغ حبايبنا

ومهما ما قولنا وانتقدن فاحنا بنحب بلدنا اه كل واحد مننا بيحاول يوجد مصدر قوة له عشان يعرف يدافع ادام للاسف اخواتنا اللي بقوا اسود علينا من جواز اجنبي لنفوذ اهي حاجه تمشيك مطمن ف مصر لحد الاحوال ماتتغير لكن انا وغيري هنفضل برده متمنيين اننا كنا مصريين

[ابو محمد بن مصطفي]

لو تستطيع ان تنزع الجلد من الجسد يبقي ممكن تتخلص من وطنك مسقط رأسك

هذا الشعار ليس كلام مقدس غير قابل للمناقشة ولكن وطنك لن يتغير

ودعونا من الافراد و الحكومات فكل ذلك في حساب السنين والتاريخ لا يسوا شئ ايه يعني 100 او 200 سنة في حساب الحضارات

فالتاريخ ياما دهس بالجذم علي فترات من حياة الشعوب

بس متحكمش علي شعب او وطن في ظل هذه الظروف الاجتماعية والاقتصادية والسياسية السيئة

فمصطفي كامل قال عبارته في ظل الاحتلال فالشعب متقبل للكلمات الحماسية

تخيل واحد مثلا يطلع يقول الشعار ده دلوقتي في اي اجتماع اكيد هيضكحوا عليه ويسخروا منه

[om marawan]

معتقدشي انه يأس اكتر منه لا مبالاه لأن عارف ومتأكد ان التغير هيبدأ بنفسي وبأهلي وانا مش مسئول اكتر من كده فمبشغلشي نفسي بغيري ولله الحمد

وكون اني اتكلم واقول واهاجم فده من كرهي من حال البلد وليس كره لمصر فمن الفطرة اني احب مصر لأنها بلدي الي عيشت فيها وارتبيت فيها وده الطبيعي من اي شخص عاقل ومتزن في تفكيره.

اما حكايه المصريين خارج البلد فانا منكرشي ان فعلا فيه مصريين كتير كويسيين وفعلا جدعان جدا ودي عن قناعه شخصية ولكن السيء اكثر بكثير للاسف

ولو اتكلمنا على الكويت بصفه خاصة فهنجد ان الحال ايضا لا يسر

مصري اتقتل من سوري تقريبا من شهر بسبب خناقة ؟ !!

تقريبا 11 مصري على ما اتذكر اترحلوا من الكويت بسبب تجمع سياسي ؟؟!!

مصريين كتير جدا هنا اقامتهم منتهية وعاملين مشاكل كتير مع الشرطة ؟ !!

مصريين كتير هنا بيجوا الكويت باقامات بيتشروها ويجوا يتصدموا بالواقع للاسف والقنصلية ولا بتعملهم اي حاجه ولا هتعملهم ولا حتى بتحاول تمنعهم ؟ !!

والحقيقة الي ظاهرة جدا حاليا ان عدد المصريين بالمقارنة مع الهنود قل جدا جدا فعدد المصريين الآن اقل من الهنود وعاملين يقلوا بالطراد شديد لأن الكويت عموما بقوا يفضلوا الهنود علينا !!! ولو كويتي شغل مصري عنده في الشركة بيكون مضطر لأنه مش لاقي بديل

وبعدين هيه مصر ايه غير شعبها ؟ !!!

امريكا مكنشي ليها وجود والآن اقوى قوة عظمى اقتصاديا سياسيا عسكريا علميا عرفتها البشرية في التاريخ باسره بسبب شعبها واهلها ؟

فلما نفكر لازم يكون تفكيرنا بالواقع والمنطق والدلائل مش احنا واحنا واحنا .. واحنا فعلا من سيء لاسوء

معلش اسمحلى بتعقيب صغير ....الحقيقة مش فاهمة ده علاقته ايه

يعنى لما سورى يقتل مصرى فى خناقة ده معناه ان البلد وحشة ولو حضرتك فى الكويت هتعرف كويس ان القاتل اتقبض عليها بعدها بساعتين وكان بيحاول يهرب من المطار

المصريين اللى اقامتهم منتهية فى اى حتة فى الدنيا دى غلطة مين والمفروض القنصلية تعمل لهم ايه ؟؟

وكون الهنود اكتر فده لانهم عمالة رخيصة جدااا

يعنى اكيد البلد لها سلبياتها لكن مش كل حاجة نرميها عليها وخلاص عشان نحبط نفسنا اكتر احنا محتاجين نبدا بنفسنا زى ماحضرتك تفضلت وقلت

والحقيقة انه فعلا الواقع والمنطق بيقول اننا نشتغل ونتعب والبلد لو فى كبوة مش هيتصلح حالها فى يوم ولا اتنين ولا حتى فى عشر سنين فبلاش نزعل على حالنا طالما بنشتغل

اعتقد ان بلاد كتير وضعها اسوأ مننا بمراحل لكن مهم اننا نبعد عن احساس اليأس من حدوث اصلاح لان مازال فيه ناس بتحب البلد وعاوزاها تتغير وفعلا بتجتهد ان ده يحصل

احيى فيك رأيك ان نبدا بنفسنا لكن اضيف عليه مع احساس اكبر بالامل ورؤية افضل لبكرة وحتى للنهارده

تم تعديل 22 يونيو 2010 بواسطة om marawan

[herohero]

المشكلة الي بجد او خلنا نقول ملاحظة ونفسي تقولي لي هل لاحظتوها ولا

بيني وبينكم بحس اننا بنبقى اسود ع بعض قوي

يعني انا لاحظت ده ف السعوية والكويت تلاقي لو مصري مثلا ف خدمة العملاء تحس انه مع غير المصري حلو قووووي وراقي وجنتل قوي ولما يلاقي العميل مصري تحس اسلوبه بيتغير

انا لسه النهاره شايف موقف بجد حاجه تكسف مركز عناية نوكيا "nokia care" ف المرسلات موظف استقبال مصري اتخانق مع مصري وكان وحش كاسر عليه مع ان اللي قبله كانوا سعوديين كان وديع معاهم والمصري ماغلطش فيه يعني كان منظر وحش سمعتها بودني بيقولوا هم المصريين كده مع بعض بيهزقوا بعض

قومت انا وكم مصري اللي كان هاممنا بلاش نضحك الناس علينا

واان لاحظتها كتير بجد تحس انه يجي معاك ويعمل السبع رجاله ورده يبقى واقف مع السعودي او الهندي يبقى راقي ويبتسم ده ف حتت كتيرة ياترى ايه تفسير ده

ولا حظها ف مصر الطيران لو راكب مش مصري المضيفه تبقى ذوق قوي مع المصريين نظام احنا مش غرب نغلط ف بعض عادي

[تامر مصطفى]

اعتقد ان المرحوم مصطفى كامل لو كان عايش حاليا كان زمانه بيدور على عقد عمل يخرج بيه من مصر ومش بعيد كان باع دهب أمه ومراته علشان يشتري اقامة في دولة يقدر ياخد جنسيتها كما اعتقد انه كان هيندم اشد الندم على لما يلاقي جميع جنسيات العالم بتضحك عليه وتسخر منه وهو بيقول " لو لم اكن مصريا " ولكن حظه خلاه مصري

بالنسبة ليا لو لم اكن مصريا لحمدت الله على اني لست " بدون " او فلسطينيا او سودانيا او صوماليا ولا من جيبوتي . أما خلاف ذلك فحتى لو كنت ليبيا فلي كرامة على الأقل داخل بلدي .

-- تربينا منذ نعومة اظافرنا على شعارات عظيمة جميعها تتحد في معنى واحد " أن الكائن المصري هو أفضل كائنات الدنيا من 10000 سنة وحتى 20000 سنة قادمة " وعندما كبرنا واحتكينا بسوق العمل وخرجنا خارج حدود مصر " حيث لا قيمة لتلك الشعارات سوى في عقل بعض المصريين الذين صعب عليهم معرفة الحقيقة " اكتشفنا ان كل ما هو مصري ذو مستوى ضعيف في اغلب حالاته .

المنتجات المصرية - المهندس المصري - الطبيب المصري - المدرس المصري - التاجر المصري

واكتشفنا ايضا ان افضل ما لدى المصري هو الكلام والفهلوة .

وللأسف الشعارات التي تربينا عليها لها دور مباشر في عدم تطورنا ، فباستمرار اشعر اني افضل من الجميع وان لي عقل لم يرزق به غيري من الشعوب وحقيقة الأمر ان جميع الشعوب التي نسخر من غباءها تسير للأمام بينما نحن مازلنا ننظر خلفنا ونسير بظهرنا ومكتفيين بالتفاخر عليهم بأن لدينا هرم ولدينا نيل ولدينا حضارة ولدينا افضل واذكى طفل مصري .

لي وجهة نظر قد تتفقون معي او تختلفون

هي ان لو ربنا كرم الشعب المصري وبقوا اغنياء هيفتروا على بعض وهيبهدلوا بعض والدليل على كلامي تقدر تعيشه في الشارع المصري لما تشوف كل واحد ماشي في الشارع عايز يقنع باقي الناس انه شخصية مرموقة وثلاث ارباع الشباب عايز يقنعك انه ضابط شرطه واللي راكب سيارة " مهما كانت غلبانه " عايز يدوس على اللي ماشيين على رجليهم

وابسط المظاهر دي لما تلاقي اتنين في قمة الغلب والفقر بيتخانقوا في اتوبيس النقل العام وتسمع احدهم يقول للآخر " انت مش عارف انت بتكلم مين " :rolleyes:

ببساطة اختصر كلماتي بقول ان الشعب المصري محتاج اعادة تأهيل وتربية من الصفر

محتاجين نعلمه ان الكذب بكل أشكاله حرام

وان الرشوة رشوة ومحرمة مهما اختلفت اشكالها او مسمياتها او طرق الحصول عليها

وان مفيش فرق بينك وبين اخوك اللي ماشي في الشارع او جارك كلكم ولاد حواء وآدم

نعلمه ان يحب بعضه ويخاف على بعضه في الغربة

واكتفي بهذا القدر حاليا حتى اجد وقت كافي لأفتخر بكوني مصري

تم تعديل 22 يونيو 2010 بواسطة تامر مصطفى

[herohero]

صح لسانك

وهتخلي ناس تقلب عليك وتقولك زي الكلام اللي ياما سمعته بس هقول ايه ربنا يهدي الناس ده ونبقى صرحاء مع نفسنا كلام صح مليون ف المية