"لو لم أكن مصريا لوددت أن اكون مصريأ" ايه رأيك في الجملة دي؟

[Howayda Ismail]

اعتقد ان المرحوم مصطفى كامل لو كان عايش حاليا كان زمانه بيدور على عقد عمل يخرج بيه من مصر ومش بعيد كان باع دهب أمه ومراته علشان يشتري اقامة في دولة يقدر ياخد جنسيتها كما اعتقد انه كان هيندم اشد الندم على لما يلاقي جميع جنسيات العالم بتضحك عليه وتسخر منه وهو بيقول " لو لم اكن مصريا " ولكن حظه خلاه مصري

بالنسبة ليا لو لم اكن مصريا لحمدت الله على اني لست " بدون " او فلسطينيا او سودانيا او صوماليا ولا من جيبوتي . أما خلاف ذلك فحتى لو كنت ليبيا فلي كرامة على الأقل داخل بلدي .

-- تربينا منذ نعومة اظافرنا على شعارات عظيمة جميعها تتحد في معنى واحد " أن الكائن المصري هو أفضل كائنات الدنيا من 10000 سنة وحتى 20000 سنة قادمة " وعندما كبرنا واحتكينا بسوق العمل وخرجنا خارج حدود مصر " حيث لا قيمة لتلك الشعارات سوى في عقل بعض المصريين الذين صعب عليهم معرفة الحقيقة " اكتشفنا ان كل ما هو مصري ذو مستوى ضعيف في اغلب حالاته .

المنتجات المصرية - المهندس المصري - الطبيب المصري - المدرس المصري - التاجر المصري

واكتشفنا ايضا ان افضل ما لدى المصري هو الكلام والفهلوة .

وللأسف الشعارات التي تربينا عليها لها دور مباشر في عدم تطورنا ، فباستمرار اشعر اني افضل من الجميع وان لي عقل لم يرزق به غيري من الشعوب وحقيقة الأمر ان جميع الشعوب التي نسخر من غباءها تسير للأمام بينما نحن مازلنا ننظر خلفنا ونسير بظهرنا ومكتفيين بالتفاخر عليهم بأن لدينا هرم ولدينا نيل ولدينا حضارة ولدينا افضل واذكى طفل مصري .

لي وجهة نظر قد تتفقون معي او تختلفون

هي ان لو ربنا كرم الشعب المصري وبقوا اغنياء هيفتروا على بعض وهيبهدلوا بعض والدليل على كلامي تقدر تعيشه في الشارع المصري لما تشوف كل واحد ماشي في الشارع عايز يقنع باقي الناس انه شخصية مرموقة وثلاث ارباع الشباب عايز يقنعك انه ضابط شرطه واللي راكب سيارة " مهما كانت غلبانه " عايز يدوس على اللي ماشيين على رجليهم

وابسط المظاهر دي لما تلاقي اتنين في قمة الغلب والفقر بيتخانقوا في اتوبيس النقل العام وتسمع احدهم يقول للآخر " انت مش عارف انت بتكلم مين " :rolleyes:

ببساطة اختصر كلماتي بقول ان الشعب المصري محتاج اعادة تأهيل وتربية من الصفر

محتاجين نعلمه ان الكذب بكل أشكاله حرام

وان الرشوة رشوة ومحرمة مهما اختلفت اشكالها او مسمياتها او طرق الحصول عليها

وان مفيش فرق بينك وبين اخوك اللي ماشي في الشارع او جارك كلكم ولاد حواء وآدم

نعلمه ان يحب بعضه ويخاف على بعضه في الغربة

واكتفي بهذا القدر حاليا حتى اجد وقت كافي لأفتخر بكوني مصري

مع الاسف النماذج اللى حضرتك ذكرتها موجودة بالفعل وبنلاقيها كل يوم فى تعاملاتنا فى الشارع ووسائل المواصلات

فى المصالح الحكومية فى اى مكان تروح له رجليك لكن الحق يقال بنلاقى برضه نقيض النماذج دى ناس لسة عارفة معنى

المروءة والشهامة ناس طيبة بتجرى عليك لو اتعثرت فى خطوتك او انسان مريض فاجاته نوبة المرض فى الطريق الف من يسارع

لنجدته والله الواحد بيفرح لما يشوف نماذج كويسة بيحس ان الدنيا لسة بخير لكن ده مايمنعش ان احنا فعلا اعادة تأهيل

أخلاقى خصوصا الجيل الجديد الشباب اللى فقدوا القدوة سواء فى البيت او المدرسة او حتى كتاب زمان اللى خرج

رواد مصر من قبل للاسف ماعدناش بنربى لوحدنا لكن بيشارك فى تربية ولادنا مدرس لايعنيه كثيرا التربية بقدر

حتيجى الدرس ولا لأ وساعات الطلاب يتطاولوا عليهم وممكن يشاركه التدخين عادى مافيش احترام ولاتقدير لحرمة

المدرس الى حط من قدر نفسه امام الطالب عشان المادة ودلوقت الاهالى بتجرى وراء لقمة عيشها مافيش رقابة الولاد

على النت عايشين حياتهم او الفضائيات والمصايب اللى بتعرضها غير مراعين وجود اطفال او مراهقين .

والمصيبة الاكبر رفقاء السوء والموبيلات اللى ساعدت على انتشار الفساد ولو على سبيل المزاح

الصراحة العيب بقى عديم وجود قدوة غير الرشوة والفساد والمحسوبية .

الحل ان يكون التربية الدينية مادة اساسية تضاف للمجموع زى زمان على الاقل الطلاب تجبر الطلاب على الاهتمام بها

قدر اهتمامه باللغات والمواد الاخرى كم واحد من الجيل الجديد يعرف صحيح الاسلام الدين بالنسبة له مراجعة مذكرة ليلة

الامتحان وينساها بمجرد خروجه من الامتحان دا ماكنش واخدها جوا يغش منها

للاسف الدولة زرعت فى الجيل الجديد الانحلال وان الفهلوة هى سبيله للغنى واللى معاه يدوس على اللى ماهوش

عشان كده حنشوف نماذج اسوأ عشان مافيش عدل والبلطجة اصبحت هى القانون اللى بيحكم الشارع المصرى

[صافى]

الفاضلة برنسيس

أكيد موضوعك مهم جدا ً ... ولازم يكون لكل واحد فينا رد عليه

وانا من وجهة نظري ان الرد بسيط جدا ً

انتي بتحبي والدتك ؟؟؟ طب يا تري بتحبي والدك ؟؟؟

أكيد طبعا بتحبيهم ... بس يا تري ممكن تقوليلي بتحبيهم ليه ؟؟؟؟

أكيد والدتك مش أجمل ست في الدنيا ... وأكيد والدك معملش اللي عمله أحمد زويل

ولا معاه زي اللي مع نجيب ساويرس ولا أحمد عز

يبقي يا تري بتحبيهم ليه ؟؟؟؟

لو قدرتي تجاوبي علي سؤالي ... أكيد هتعرفي احنا ليه بنحب مصر

مع انها مش أجمل ولا أغني بلد في الدنيا .... بس برضه بنحبها ... لأنها هيا بلدنا

ويا تري لو استغنينا عنها ..... هنلاقي حضن تاني غير حضنها يقدر يلمنا !!!!!

تحياتي

اكيد بنحب مصر عشان دى هى بلدنا ولازم لكل واحد وطن بامن نفسة بية وهو دة وطنة وهى دى ام الدنيا

بسم اللة الحمن الرحيم "وادخلو مصر ان شاء اللة امنين " صدق اللة العظيم

عشان كدة انا بحب مصر لانى مؤمنة جداا بربنا :rolleyes:

ولكن يا ترى احنا هنقدر نغيرر الى حاصل فية ونقدر نقف فى وش كل سخص حقود عاوز يدمرنا

من راى لو كل واحد بدا بنفسة ممكن نقدر نبقى قوة واحدة ونقف قى وجة كل الى عاوزين يدمروها :protest:

تم تعديل 22 يونيو 2010 بواسطة صافى

[herohero]

ياريت بجد وانا الموضوع ده مقتنع بيه ياريت يبقى هدفنا اننا نبقى صورة كويسة للبلد مانضحكش ع بعض

للاسف ماهو مرتبط بالمصرية ف الخليج هو انه انسان اونطجي وفهلوي

انا بصراحه غير راضي عن هذا الوصف الظالم لكن لاننكر ان له نصيب من الصحه لسلوكيات البعض السيئة والتي تاثر ع سمعه البلد وابنائها

ده اهم شيئ لازم نكون نموذج مشرف لبلدنا

[myusername]

لو لم أكن مصريا... لوددت ان اكون كنديا wst::

مصطفى كامل قال الجملة دى بس علشان كان فيه حالة من التفاخر بين علية القوم انهم ينتسبون لتركيا.. و كمان فخر الانجليز بنفسهم... فقام طلع و قال الكلمة دى..

و انا فى بلاد الفرنجة... فيه عيال بيقعدوا فى المترو يغنوا و يلحنوا.. و بيبقى معاهم سيديهات الاغانى بتاعتهم علشان تشتريها منهم ب2 يورو او 5 يورو.. يعنى تديهم اللى فيه النصيب..

البنت المسئولة عن بيع السيديهات بتقول لى ما تشترى اسطوانة... هو انت اسبانى؟ قلت لها انا مبعرفش فرنساوى علشان اشترى السيى دى.. و انا مصرى مش اسبانى... قامت طلعت لسانها و قالت لى: مصرى؟ :blink: :unsure: wst::

حسبى الله و نعم الوكيل :sad:

[Howayda Ismail]

لو لم أكن مصريا... لوددت ان اكون كنديا wst::

مصطفى كامل قال الجملة دى بس علشان كان فيه حالة من التفاخر بين علية القوم انهم ينتسبون لتركيا.. و كمان فخر الانجليز بنفسهم... فقام طلع و قال الكلمة دى..

و انا فى بلاد الفرنجة... فيه عيال بيقعدوا فى المترو يغنوا و يلحنوا.. و بيبقى معاهم سيديهات الاغانى بتاعتهم علشان تشتريها منهم ب2 يورو او 5 يورو.. يعنى تديهم اللى فيه النصيب..

البنت المسئولة عن بيع السيديهات بتقول لى ما تشترى اسطوانة... هو انت اسبانى؟ قلت لها انا مبعرفش فرنساوى علشان اشترى السيى دى.. و انا مصرى مش اسبانى... قامت طلعت لسانها و قالت لى: مصرى؟ :blink: :unsure: :ninja:

حسبى الله و نعم الوكيل :sad:

ممكن اسأل حضرتك كون ايه البنت دى غير واحدة سريحة بتجرى هنا وهنا عشان 3 يورو ولااكثر عشان تتريأ على مصريتك!

فى مصر وخارجها الاف الفتيات نماذج نعتز ونفخر بهم ويتحدثوا العديد من اللغات لو سألتها حتعرف انها بتتكلم لغتها فقط

ولاتجيد غيرها اخر نموذجين راتهم امس فتاتيين من اقصى الصعيد منعهم الفقر من التعليم الا انهم اصروا وجاهدوا

ابتداء من فى فصول محو الامية الى بكالوريوس طب وشقيقتها صيدلة وكان خلفهم ام بسيطة واب عفوى لكن

الفالحة اللى انت خجلت من مصريتك امامها تلاقيها ايه غير واحدة فاشلة وغير كده لكانت فى وظيفة انظف من كدة

كان المفروض يكون رد فعلك افضل من كده مصر دلوقت زويل ومجدى يعقوب ومصطفى السيد وغيرهم كتير

لوبحثت اشهر المجلات العلمية اكبر ناشريها مصريريون فى جميع المجالات وخصوصا الطب والفيزياء والكيمياء ومختلف العلوم

غير اننا ببنظر للسلبيات بس

[doha]

انتي جايه تسألي دلوقت يابرنسيس ؟

مصطفى كامل لما قالها مقالهاش في زمنا ده قالها ايام مامصر كانت مصر بجد

احنا دلوقت على راي الاسواني في زمن المسخ ..

جايه تسألي عنها في زمنه يابرنسيس ؟

[herohero]

انتي جايه تسألي دلوقت يابرنسيس ؟

مصطفى كامل لما قالها مقالهاش في زمنا ده قالها ايام مامصر كانت مصر بجد

احنا دلوقت على راي الاسواني في زمن المسخ ..

جايه تسألي عنها في زمنه يابرنسيس ؟

بصراحه انا شايف اننا فقدنا هويتنا اصلا من اسماء محلات واكلات ونمط حياة

يعني بتهيالي مصطفى كامل اكيد لو دلوقت كان هيراجع كلامه

[herohero]

معرفش كلمات اغنيه لحظة ميلاد ف فيلم الديلر _ شايف انها تخدم ف موضوعنا يعني المبدا العام ان خير بلدنا لغيرنا وللغرب وان الغريب او الي معاه جنسية تانيه بيعيش ملك ف بلدنا

.الدلوعة

الدلوعة

مشرفه

كلمات الأغنية

مستحملين ألم البعاد ..

مستنيين لحظة ميلاد ..

متفرقين مابين بلاد ..

وناس ما ترحمش البشر ..

قوليلنا ليه .. تاكلى ولادك

والقرب أصعب من بعادك ..

والغرب ليه .. ياكلوا فى زادكهو إنتى قلبك من حجر .. ؟؟

أيوا انتى قلبك من حجر ..

...... ......

لمينا فى حضنك لمينا

لافينها من مينا لـ مينا

مرعوشه قلوبنا .. ومسكينة

وإياكى تقولى الغربة .. قدر

قوليلنا ليه .. تاكلى ولادك

والقرب أصعب من بعادك ..

والغرب ليه .. ياكلوا فى زادك

هو إنتى قلبك من حجر .. ؟؟

أيوا انتى قلبك من حجر

[Princesse]

انتي جايه تسألي دلوقت يابرنسيس ؟

مصطفى كامل لما قالها مقالهاش في زمنا ده قالها ايام مامصر كانت مصر بجد

احنا دلوقت على راي الاسواني في زمن المسخ ..

جايه تسألي عنها في زمنه يابرنسيس ؟

معاكي حق

هو فعلا زمن المسخ...زمن المسخ علميا و اخلاقيا و اجتماعيا و ثقافيا

قرأت التي تتحدث عن الشهامة المصرية و جدعنة المصريين ...مع احترامي الشديد الكلام دا كان موجود من 30 او 20 سنة فاتوا

انهردة في تقرير صدر عن التحرش الجنسي في مصر بقي شئ عادي ...بل و الاسوأ من ذلك ان مصر تحتل المركز الأول فى التحرش الجنسى بالمرأة تليها افغانستان

المصدر :

http://xlance2010.maktoobblog.com/1238979/...A8%D8%A7%D9%84/

و لسة بتكلموا عن الشهامة؟؟؟؟

ايه البلد دا الي كل من هب و دب له الحق انه يسألني عن بطاقتي؟

و ايه البلد دا الي كل من هب و دب له حق في لمس جسدي؟ او يسمعني كلام مش مؤدب؟

و ايه البلد دا الي الواحد مش حاسس فيه بالامان لا من رجال الشرطة و لا حتى من الناس

بلد لا فيه تعليم عدل و لا مستشفيات عدلة و لا حكومة عدلة و لا مستقبل

كان نفسي يا مصر الاقي فيكي حاجة حلوة

بس كل حاجة حلوة فيكي بتختفي

[myusername]

انتي جايه تسألي دلوقت يابرنسيس ؟

مصطفى كامل لما قالها مقالهاش في زمنا ده قالها ايام مامصر كانت مصر بجد

احنا دلوقت على راي الاسواني في زمن المسخ ..

جايه تسألي عنها في زمنه يابرنسيس ؟

معاكي حق

هو فعلا زمن المسخ...زمن المسخ علميا و اخلاقيا و اجتماعيا و ثقافيا

قرأت التي تتحدث عن الشهامة المصرية و جدعنة المصريين ...مع احترامي الشديد الكلام دا كان موجود من 30 او 20 سنة فاتوا

انهردة في تقرير صدر عن التحرش الجنسي في مصر بقي شئ عادي ...بل و الاسوأ من ذلك ان مصر تحتل المركز الأول فى التحرش الجنسى بالمرأة تليها افغانستان

المصدر :

http://xlance2010.maktoobblog.com/1238979/...A8%D8%A7%D9%84/

و لسة بتكلموا عن الشهامة؟؟؟؟

ايه البلد دا الي كل من هب و دب له الحق انه يسألني عن بطاقتي؟

و ايه البلد دا الي كل من هب و دب له حق في لمس جسدي؟ او يسمعني كلام مش مؤدب؟

و ايه البلد دا الي الواحد مش حاسس فيه بالامان لا من رجال الشرطة و لا حتى من الناس

بلد لا فيه تعليم عدل و لا مستشفيات عدلة و لا حكومة عدلة و لا مستقبل

كان نفسي يا مصر الاقي فيكي حاجة حلوة

بس كل حاجة حلوة فيكي بتختفي

معلش يا برنسيس... بس هو انتى ايه اللى رابطك بمصر؟ يعنى قاعدة ليه؟ :blush2: ايه اللى مصبرك عالهم ده؟

[Princesse]

المشكلة الي بجد او خلنا نقول ملاحظة ونفسي تقولي لي هل لاحظتوها ولا

بيني وبينكم بحس اننا بنبقى اسود ع بعض قوي

يعني انا لاحظت ده ف السعوية والكويت تلاقي لو مصري مثلا ف خدمة العملاء تحس انه مع غير المصري حلو قووووي وراقي وجنتل قوي ولما يلاقي العميل مصري تحس اسلوبه بيتغير

انا لسه النهاره شايف موقف بجد حاجه تكسف مركز عناية نوكيا "nokia care" ف المرسلات موظف استقبال مصري اتخانق مع مصري وكان وحش كاسر عليه مع ان اللي قبله كانوا سعوديين كان وديع معاهم والمصري ماغلطش فيه يعني كان منظر وحش سمعتها بودني بيقولوا هم المصريين كده مع بعض بيهزقوا بعض

قومت انا وكم مصري اللي كان هاممنا بلاش نضحك الناس علينا

واان لاحظتها كتير بجد تحس انه يجي معاك ويعمل السبع رجاله ورده يبقى واقف مع السعودي او الهندي يبقى راقي ويبتسم ده ف حتت كتيرة ياترى ايه تفسير ده

ولا حظها ف مصر الطيران لو راكب مش مصري المضيفه تبقى ذوق قوي مع المصريين نظام احنا مش غرب نغلط ف بعض عادي

استاذ Herohero

موظفين خدمة العملاء معزورين و معاهم حق

انا كنت موظفة في خدمة عملاء ، كان اساس شغلى اني ارد على عملاء من فرنسا ولكن في فترة معينة الشركة طلبت مننا اننا نأخذ مكلمات من الخليج باللغة العربية و من مصر.

و هنا لاحظت الفرق بين التعامل مع العميل المصري و العميل الاوروبي

المصريين و العرب لو موظفة خدمة العملاء اتكلمت معاهم برقة هيقولوا عليها بتدلع و لو هزرت و ابتسمت في المكالمة هيفهموا غلط

علشان كدة افضل طريقة ان الواحدة تكون في السماعة زي عساكر الجيش

فيه مصريين مثلا بيشتغلوا في الخليج يحبوا موت انهم يتنططوا على موظفين خدمة العملاء خصوصا لو كانت بنت و يقولها انا هرفدك ، وانتوا ديما المصريين كدة شغلكم مش مظبوط مع انه نفسه مصري

المصري فهلوي لما يلاقي الي قدامه بيكلمه بحترام يسوق فيها و يبقي مش عاوز يقفل الخط و يبقي عاوز يتعرف

الحمدلله ان بعد كام اسبوع الشركة منعت البنات من استقبال المكالمات من الخليج و مصر ..لاننا كنا بنستقبل مكالمات بجد وحشة

وقتها سألت نفسي احنا ليه كعرب سهل علينا اوي نقول كلام وحش في التليفون لخدمة العملاء (خصوصا لو كانوا بنات؟ مع ان دا ضد دينا وضد ثاقفتنا؟

و ليه الرجل الاوروبي بيعامل البنت زي البسكوتة؟ غير المصريين و العرب؟

الشغل مع الاجانب رحمة بجد

عرفت ليه بقي يا هيرو المعاملة بتتغير؟

[تامر مصطفى]

استاذ Herohero

موظفين خدمة العملاء معزورين و معاهم حق

انا كنت موظفة في خدمة عملاء ، كان اساس شغلى اني ارد على عملاء من فرنسا ولكن في فترة معينة الشركة طلبت مننا اننا نأخذ مكلمات من الخليج باللغة العربية و من مصر.

و هنا لاحظت الفرق بين التعامل مع العميل المصري و العميل الاوروبي

المصريين و العرب لو موظفة خدمة العملاء اتكلمت معاهم برقة هيقولوا عليها بتدلع و لو هزرت و ابتسمت في المكالمة هيفهموا غلط

علشان كدة افضل طريقة ان الواحدة تكون في السماعة زي عساكر الجيش

فيه مصريين مثلا بيشتغلوا في الخليج يحبوا موت انهم يتنططوا على موظفين خدمة العملاء خصوصا لو كانت بنت و يقولها انا هرفدك ، وانتوا ديما المصريين كدة شغلكم مش مظبوط مع انه نفسه مصري

المصري فهلوي لما يلاقي الي قدامه بيكلمه بحترام يسوق فيها و يبقي مش عاوز يقفل الخط و يبقي عاوز يتعرف

الحمدلله ان بعد كام اسبوع الشركة منعت البنات من استقبال المكالمات من الخليج و مصر ..لاننا كنا بنستقبل مكالمات بجد وحشة

وقتها سألت نفسي احنا ليه كعرب سهل علينا اوي نقول كلام وحش في التليفون لخدمة العملاء (خصوصا لو كانوا بنات؟ مع ان دا ضد دينا وضد ثاقفتنا؟

و ليه الرجل الاوروبي بيعامل البنت زي البسكوتة؟ غير المصريين و العرب؟

الشغل مع الاجانب رحمة بجد

عرفت ليه بقي يا هيرو المعاملة بتتغير؟

اختي برنسيس

اسمحي لي اوضح اللي كان يقصده هيرو يختلف عن اللي حضرتك اتفضلتي بيه

يعني هو يقصد ان تعاملنا مع بعض سيئ بغض النظر عن كون الموظف رجل او امرأة

يعني انا لسه من فترة قريبة كنت عامل شكوى في عمال مطعم جاد في الكويت كلهم مصريين

باختصار الفرع في منطقة اسمها الفروانية واغلب سكانها من المصريين وعمال الفرع بيتعاملوا مع الناس بطريقة مستفزة وآخر مرة كنت هناك واقف على طابور الفلافل والفول ودخل واحد كويتي ادام الناس كلها اللي واقفة راح واخد منه ورقة الطلبات وخلص طلباته قبل اللي واقفين كلهم ولما الناس اعترضت راح العامل بنفسه اخترع تبرير وقال ان الراجل ده موجود من بدري (يعني كمان بيكدب عينينا) وبعد ما الراجل مشي بقى يكلم اللي يعترض عليه بكل رخامة .

للأسف دي عينة من تعاملنا مع بعض وعلى مستوى أقل من المهن ( الفول والطعمية ) فتخيلي بقى لو العامل ده كان في ايده تحديد مصير الناس اللي واقفة دي يا ترى كان عمل فيهم ايه

[أبو عمر المصري]

لو لم اكن مصريا .. لوددت ان اكون مصريا

لا اتفق مع هذه الجمله التى قالها مصطفى كامل في ظل ظروف معينه كانت تمر بها مصر تختلف باختلاف الزمان

جمله فيها مبالغه .. لنكن واقعيين نحن لسنا المتميزين في كل شئ علشان افخر واقول الجمله دي

وعشان اكون واقعي ممكن اعدل الجمله الى الأتي

لو لم اكن مصريا لوددت ان اكون مثلا.. فرنسي الملبس :blink: .. أيطالى المعده :sad: .. الماني العمل :wub: ياباني التفكير :rolleyes: .. صيني التخطيط :rolleyes: .. ماليزي الأراده wst:: .. وهكذا

اعتقد كده هاكون منطقي في تفكيري وبعيد عن اسلوب الشعارات العاطفيه الجوفاء :blush2: التى لا تسمن ولا تغني من جوع

أعذرونى

[تامر مصطفى]

لو لم اكن مصريا .. لوددت ان اكون مصريا

لا اتفق مع هذه الجمله التى قالها مصطفى كامل في ظل ظروف معينه كانت تمر بها مصر تختلف باختلاف الزمان

جمله فيها مبالغه .. لنكن واقعيين نحن لسنا المتميزين في كل شئ علشان افخر واقول الجمله دي

وعشان اكون واقعي ممكن اعدل الجمله الى الأتي

لو لم اكن مصريا لوددت ان اكون مثلا.. فرنسي الملبس :blink: .. أيطالى المعده :sad: .. الماني العمل :wub: ياباني التفكير :rolleyes: .. صيني التخطيط :rolleyes: .. ماليزي الأراده wst:: .. وهكذا

اعتقد كده هاكون منطقي في تفكيري وبعيد عن اسلوب الشعارات العاطفيه الجوفاء :blush2: التى لا تسمن ولا تغني من جوع

أعذرونى

ابو عمر صح لسانك

[tarek nokia]

لو لم اكن مصريا لوددت ان اكون اي حاجة حتى لو ؟؟؟؟؟؟؟؟؟؟؟؟؟؟ :blink:

[essamalshaaer]

أولا موضوع غاية في الروعة .... وسؤال هنا .... أي مصري .؟؟؟ المصري إلي عايش في مصر ولا بره مصر ..؟؟

تفرق كثير في شخصية المصري .... أنت بره فعلا بتكون الشخصية الحقيقية للمصري الوطني الحر الشهم الجدع

الملتزم بأخلاقه وأصوله .... علشان كده بنحس أننا بره بنتغير ....

ولا المصري إلي جو مصر المطحون واللاهي في البحث عن سبل الحياه الكريمة من لقمة العيش وتدبير أحتياجاته الأسرية

لأن الموقف هيختلف معاك جوه مصر ....إلي وصل المصري في مصر للسلبية واللا مبالاة والعجز .... تحس النخوة والشجاعة

حل محلها وأنا مالي .... أمشي جمب الحيطة تعيش مستريح .... حسب رأي الخبراء والمتخصصين ...الشخصية المصرية

تغيرة جدا ...فا أنت مين فيهم .... المصري ألي عايش بره بلده الحر في كل ما يفعله ويقوله ... أو المصري داخل مصر

إلي بيدور في دوامة لا علم كيف يخرج منها في يوم من الأيام .... لعل الشخصية المصرية الأن تمر بمرحلة حرجة ولكن...

ستعود مرة أخرى لمجدها ولسابق عهدها من العزة والكرامة مرة أخرى .... وسعتها هنقول .... المصريين أهم .. وأقول

أن لم أكن مصريا لوددت أن أكون مصريا ...حقا.

وللحديث بقية ان كان في العمر بقية

[Princesse]

سوال بسيط جدا

السيدة خديجة جمال مبارك و المرشحة لتكون سيدة مصر الاولي اختارت لندن علشان تولد فيها اول مولودة ليها

هو لدرجة دي كل مستشفيات مصر حتس الاستثمارية لا تصلح لاستقبال المولود السعيد؟

ولا علشان تحصل ابنة جمال مبارك على الجنسية الانجليزية؟

يا سلام على الوطنية

لو كان الزعيم مصطفي كامل عايش اكيد كان جتله نقطة لما يشوف حفيدة رئيس جمهورية مصر معاها جنسية البلد الي احتلتنا

وعلى جانب اخر

الملك السابق لمصر فؤاد الثاني و بالرغم من انه كان عايش طول عمره في المنفى في فرنسا و سويسرا، بس لما زوجته كانت حامل لاول مرة اختار انه يرجع مصر علشان يتولد اول ابن ليه في القاهرة

في فرق كبير بين الاثنين

الوطنية مش كلام.... الوطنية افعال...... و كل اناء بما فيه ينضح

[zika]

سوال بسيط جدا

السيدة خديجة جمال مبارك و المرشحة لتكون سيدة مصر الاولي اختارت لندن علشان تولد فيها اول مولودة ليها

هو لدرجة دي كل مستشفيات مصر حتس الاستثمارية لا تصلح لاستقبال المولود السعيد؟

ولا علشان تحصل ابنة جمال مبارك على الجنسية الانجليزية؟

يا سلام على الوطنية

لو كان الزعيم مصطفي كامل عايش اكيد كان جتله نقطة لما يشوف حفيدة رئيس جمهورية مصر معاها جنسية البلد الي احتلتنا

على فكرة يا اخت Princesse اللى بيتولد في انجلترا مش بياخد الجنسية الانجليزية و لا حاجة

و بينى و بينك انا لو متجوز و اقدر اخلى مراتى تولد في لندن اكيد يعنى مش هتردد

حتى لو ده هيزعل منى مصطفى كامل الله يرحمه :lol:

تحياتى

:happy:

[herohero]

يا برنسيس انا مقتنع بكلامك لكن بجد بلاحظ اننا كمصريين بنبقى بجد اسود ع عض بنتشطر ع بعض ماتعرفيش بنستعبط ع بعض

هقولك بصراحه انا بقيت بابقى شايل هم لما بلاقي الموظف مصري تخيلي الهندي او الفلبيني او السعودي اريح مع ان العكس لما فلبيني بيكون زميلي الفلبيني معايا مش عاوز اقولك بيخدمني عشان زميلي فلبيني

اما ما ذكره الاستاذ تامر فموظفين جاد حتى هنا زبالة وانا لا الومهم بل الوم انفسنا بنروح ناكل عندهم ليه عشان حاجه مصرية ونشجع اي شيئ مصري لا يايجماعه متشكرين لما بيدخل اي سعودي جري بيخلصوا طلباته بدون ما السعودي ما يطلب

تفسروا ده بايه ؟؟؟؟

بلاش كنتاكي طبعا معظمه للاسف مصريين من الشرقيه عشان الالفي بتاع امريكانا المهم لا يفقهوا شيئ ف فن الضيافه والتعامل مع الناس

طب هقولكم ع موقف احرجني ومسكت نفسي بالعافيه فرع من فروع كنتاكي فوجئت ماجابش البيبسي فبقوله ليه قالي خلص ، رده معجبنيش وندمت اني سكت

تخيلوا جه سعودي طلع جاب له البيبسي من ماكدونالد ؟؟؟؟؟؟ ايه رايكم والله انا بقيت عاوز اخد موقف اقوله حاجه بس قولت اعمل ايه هغلط فيه ادام زميلي الفلبيني سكت

مضيفات مصر الطيران زي الكلاب مع غير المصريين علينا احنا اسود

بصراحه انا بقيت اضايق لما الاقي نماذج زي ده واللي بيحرجني ان غير المصريين لما بيلاقوا مكان فيه مصريين بيخلوني انا اللي اتعامل ع اساس ان مصري زيهم وهيخدموني ما يعرفوش اللي فيها

وتحياتي يا استاذ تامر وياريت نتبنى حملة لمقاطعه محلات جاد لان بجد فرق كبير ف تعاملهم وتعامل محلات الشوام بجد فرق كبيييييييييير

[Howayda Ismail]

يا برنسيس انا مقتنع بكلامك لكن بجد بلاحظ اننا كمصريين بنبقى بجد اسود ع عض بنتشطر ع بعض ماتعرفيش بنستعبط ع بعض

هقولك بصراحه انا بقيت بابقى شايل هم لما بلاقي الموظف مصري تخيلي الهندي او الفلبيني او السعودي اريح مع ان العكس لما فلبيني بيكون زميلي الفلبيني معايا مش عاوز اقولك بيخدمني عشان زميلي فلبيني

اما ما ذكره الاستاذ تامر فموظفين جاد حتى هنا زبالة وانا لا الومهم بل الوم انفسنا بنروح ناكل عندهم ليه عشان حاجه مصرية ونشجع اي شيئ مصري لا يايجماعه متشكرين لما بيدخل اي سعودي جري بيخلصوا طلباته بدون ما السعودي ما يطلب

تفسروا ده بايه ؟؟؟؟

بلاش كنتاكي طبعا معظمه للاسف مصريين من الشرقيه عشان الالفي بتاع امريكانا المهم لا يفقهوا شيئ ف فن الضيافه والتعامل مع الناس

طب هقولكم ع موقف احرجني ومسكت نفسي بالعافيه فرع من فروع كنتاكي فوجئت ماجابش البيبسي فبقوله ليه قالي خلص ، رده معجبنيش وندمت اني سكت

تخيلوا جه سعودي طلع جاب له البيبسي من ماكدونالد ؟؟؟؟؟؟ ايه رايكم والله انا بقيت عاوز اخد موقف اقوله حاجه بس قولت اعمل ايه هغلط فيه ادام زميلي الفلبيني سكت

مضيفات مصر الطيران زي الكلاب مع غير المصريين علينا احنا اسود

بصراحه انا بقيت اضايق لما الاقي نماذج زي ده واللي بيحرجني ان غير المصريين لما بيلاقوا مكان فيه مصريين بيخلوني انا اللي اتعامل ع اساس ان مصري زيهم وهيخدموني ما يعرفوش اللي فيها

وتحياتي يا استاذ تامر وياريت نتبنى حملة لمقاطعه محلات جاد لان بجد فرق كبير ف تعاملهم وتعامل محلات الشوام بجد فرق كبيييييييييير

البيبسى دى حاجة بسيطة الاصعب ان صديقتى وضعت طفلة فى ظروف صعبة ونزلت بنتها مريضة واحتاجت تغيير دم فورى

وطبعا المستشفى الخاصة اللى وضعت فيها لم يتوافر فيها نفس الفصيلة ارسلوها على مركز متخصص زى بنك دم

طبعا شافت مهازل وناس بتبكى وناس بتروح وتيجى وناس بتتخانق ولما طلبت من المسئول كيس دم تنقذ ابنتها

اقسم انه مافيش لكن ربنا عاوز يكشف كدبه جاءه شخص بكارت توصية من شخصية فى مجلس الشعب بقدرة قادر ظهر

كيس دم بنفس الفصيلة ماكان من زوجها الا انه ثار وكان حيقلب الدنيا واخد كيس دم غصب عنهم.

هو ده عيب بعض المصريين مش بيشتغلوا الا ب........................مع الاسف.

وده واضح اكتر مع المصريين اللى بيشتغلوا فى شركات اجنبية فى مصر وتلاقى ريسه المصرى سبع عليه ويهزأه وارنب

قدام الاجنبى حتى ولو وظيفة المصرى اعلى منه