ابناؤنا وأوقات الفــــــــــــراغ

[رضوي]

السلام عليكم ورحمة الله وبركاته

ومع بداية الصيف والاجازة الصيفية ........ بنواجه مشكلة وقت الفراغ الكبير اللي بيتوفر عند اولادنا في الفترة دي من السنة

وقت الفراغ دة اللي لو سيبناهم براحتهم فيه ممكن يدمر حاجات كتير اوي

اخطرها ........ لو سيبناهم امام القنوات الفضائية لتزرع فيهم القيم الساذجة والافكار الخاطئة وتسطح من تفكيرهم

بالاضافة الي المباديء والقيم المغايرة لثقافتنا

نفس وقت الفراغ دة - ان احسن استثماره - ممكن يكون مساعد علي نمو شخصيتهم ونضج عقولهم

بس ازاي ؟؟

زمان لما كنت لسة باخد اجازة نهاية العام الدراسي .......... كنت بتضايق اوي لما بابا يعملي برنامج يخلص علي كل وقتي

لأنه كان بيكره جداً انه يشوفني انا واخواتي مابنعملش حاجة في حياتنا غير مشاهدة التليفزيون ( وماكنش فيه فضائيات ساعتها كمان ولا افلام هابطة وتافهه )

بس لما كبرت قدرت جداً قيمة اللي كان بيعمله

- التمرين اليومي اللي لازم احضره واتدرب علشان المسابقات ( دة كان بياخد كل مجهودي يومياً )

- حفظ القرآن الكريم ( ودة اجباري ومافيش مناقشة ...... بس فيه حوافز مادية ومعنوية كبيرة للي يحفظ اكتر )

- الكتب والقصص اللي بختارها وبحب اقراها

-هواياتي المفضلة واللي لازم انميها ....... والمشغولات اللي كنت بعملها ولحد دلوقتي محتفظين بيها لجمالها

والنتيجة

مافيش حاجة اسمها وقت فراغ خااااااااااااااالص

نظرية وتطبيق .......... وكمان فن في التطبيق

من غير اجبار او اوامر ....... الموضوع كله بالتفاهم ولغة الحوار ......... موافقة خلاص ننفذ ........ مش موافقة طيب ليه ؟ وايه المشكلة ؟؟ وايه البديل ؟؟ لحد لما نوصل في الاخر لحل يرضي جميع الاطراف ....... وفي النهاية لتعميم المصلحة

ازاي نقدر نحمي اولادنا من خطر وقت الفراغ ...... العدو الاول للانسان ان لم يحسن استثماره ؟؟

اعتقد ان زيادة الوعي الديني لازم ياخد نصيبة في خطتنا لتنمية وعي وقدرات اولادنا

كمان الاهتمام بالرياضة خاصة في السن الصغير ........ لأن فوايدها الكبيرة بتفضل مع الطفل لحد لما يكبر ......... سواء الفوائد البدنية او العقلية ....... لأن فيه العاب كتير بتستخدم العقل مع المجهود البدني

كمان الاهتمام بالهوايات والفنون ......... وخاصة عند البنات وبالذات الاعمال اليدوية ...... لأنها بترتقي بذوق البنت وحسها الفني بالالوان والذوق

لازم كمان نعود ونحبب اولادنا في القرأة وحب الاطلاع ....... والنهم المعرفي

المهم

ان كل دة يحصل برضاهم مش اجباري

وهي دي اهم نقطة

ياتري نقدر نعمل ايه علشان نقدر نستفيد من وقت الفراغ دة في تنمية اولادنا والحفاظ عليهم من موجة التفاهة والسطحية اللي منتشرة اوي اليومين دول ؟؟؟

[Howayda Ismail]

الاخت رضوى :

كلامك صحيح وهناك مقولة( اذا لم تشغل نفسك بالحق شغلتك بالباطل) وما أكثر هذا الباطل فى وقتنا هذا

اقتراح بسيط منى لو اولادك صغار ممكن تشتركى لهم فى نادى صيفى او مركز شباب حسب قدرتك وذلك فى اجازة الصيف

فقط وانا عملت كده مع ابنتى بالاعدادية وابنى فى الابتدائى لكن ابنى الكبير فى الجامعة اختار انه يشتغل

مش حاقول لحضرتك على الفايدة اللى رجعت عليا قبلهم باخرج اتمشى معاهم وبيمارسوا رياضة بيحبوها

وقلت قاعدتهم امام التليفزيون والنت وكمان ابنى الصغير يذهب لدار تحفيظ قران والحمد لله انى لاقيت حاجة

تشغلهم بدل المشاحنات وتضيع كل الوقت على الفاضى

[صافى]

انا عن نفسى اطفالى صغار

بس بحب استثمر فقت فراغهم مثلا بقراء وحفظ القران الى فى الوقت دة بلذات بيسبت فى دماغهم

واوقات علىالتليفزيون وبرامج الكرتون وبعض الوقت على الكمبيوتر

لباقى بحاولانمى مواهبهم واكتشف ما بداخلهم

ابنى مثلا حسيت فية بموهبة الرسم والزرع ودى من ايضا بعض هاياتى فبدات انمى ذالك بداخلة بشراء بعض الالوان والاسكتش وبعض ادوات الزرع والبذور واسيبة يطلع مواهبة فيها بس طبعا بتوجية منى ومراقبة وابنتى 3 سنوات ونصف حسيت فيها بحب المساعدة وايضا حب مسك القلم واشخبطة ودة طبيعى فى سنها بس بداءت اعرفها انها متشخبطش على الحيطة مثلا والاستناد بلاوراق لتنمية موهبتها ومساعدتى وبلتالى بيكون وقت فرغهم ملىءوبعض الوقت مثلا فى نادى لتنمية بعض المواهب الرياضية

[pink rose]

بما اننا في الرياض اكتر بلد خنيقة في العالم فا ما فيش غير التليفزيون

بس طبعا انا لقيت اني كده باهدم مريم خالص

فقعدت قلبت النت على مواقع للعب الاطفال

و لقيت موقع لطيف جدا فيه العاب للذاكرة و كمان بازل و الحمدلله مريم استجابت بدأت الاول ب 6 قطع حاليا ما شاء الله بتعمل 12 قطعة و بدأت في ال 25 بس لسا فيها مش اوي يعني

غير كده بانزلها من على اليوتيوب الاناشيد و الاغاني بتاعت النيسيري و منهم ما شاء الله حفظت الحروف و الارقام

موضوع الرسم و الالوان هي لسا بدأه فيه جديد اليومين دول لقيتها بترسم بيوت شجر و ساعات الاقيها جايبة الريموت و قاعدة تكتب الارقام

دلوقتي و انا باكتبلكم قاعدة تبص على الساعة و بترسمها

لقيتها من كام يوم عندها عقد كده بتلبسه و هي خارجة لزوم الانتكة لقيتها جت تقولي مامي شوفي ممكن نعمل من العقد دا نمبر 8 و رقم خمسة و ممكن طبعا CIRCLE او LETTER O

طبعا دا غير اننا كل يوم لازم نذاكر شوية عشان ما تنساش الكتابة عشان لما تدخل المدرسة السنة اللي جاية ان شاء الله

و طبعا هذا لا يمنع شوية تفاريح بافلام كرتون لطيفه زي FINDING NEMO , BROTHER BEAR , UP , ICE AGE

قصص بقى هي لسا صغيرة ما بتعرفش تقرأ لكن كل يوم لازم اقعد اقرالها قصة قبل النوم

و ان شاء الله بإذن الله ناوية لما انزل اشتركلها في السباحة في النادي عشان تخرج كل الطاقة الحركية اللي مكبوتة هنا في الرياض

بس خلاص :sad:

تم تعديل 22 يونيو 2010 بواسطة remo

[engmido]

والله برافو عليكو

ومنتظرين المزيد من الافكار الاكثر عملية ولجميع الطبقات

فينك يا س س

[Howayda Ismail]

دلوقت جميع المدارس الابتدائية والاعدادية مفتوحة للانشطة الصيفية سواء رياضية ,ثقافية ,رسم ومهرجان القراءة للجميع

فى مراكز الشباب والنوادى والمدارس حتى على الشواطئ فرصة جيدة لاولادنا للمعرفة والبعد عن الالكترونيات شوية

[رضوي]

الاخت رضوى :

كلامك صحيح وهناك مقولة( اذا لم تشغل نفسك بالحق شغلك الباطل ) وما أكثر هذا الباطل فى وقتنا هذا

اقتراح بسيط منى لو اولادك صغار ممكن تشتركى لهم فى نادى صيفى او مركز شباب حسب قدرتك وذلك فى اجازة الصيف

فقط وانا عملت كده مع ابنتى بالاعدادية وابنى فى الابتدائى لكن ابنى الكبير فى الجامعة اختار انه يشتغل

مش حاقول لحضرتك على الفايدة اللى رجعت عليا قبلهم باخرج اتمشى معاهم وبيمارسوا رياضة بيحبوها

وقلت قاعدتهم امام التليفزيون والنت وكمان ابنى الصغير يذهب لدار تحفيظ قران والحمد لله انى لاقيت حاجة

تشغلهم بدل المشاحنات وتضيع كل الوقت على الفاضى

السلام عليكم ورحمة الله وبركاته

أختي هند ........... اكيد طبعاً الرياضة مهمة جداً ........لتنمية اجسام وعقول أبناؤنا علي السواء

بس مش اي رياضة تناسب اي سن وتناسب اي جسم

وهي دي المهارة ......... في معرفة ايه اللعبة اللي تناسب ابني او بنتي ....... علشان يقدر يبدع فيها وماتبقاش مجرد تضييع للوقت

واحسن حاجة لما نبدأ نعود اولادنا في الصغر علي الاشتراك في النوادي والالعاب الرياضية ......... دة هيبقي الموجه ليهم في مرحلة مابعد الطفولة .......... ناهيك عن ان الاولاد هياخدوا طريق معين وهادف ومش هيبقي مجرد تضييع لوقت الفراغ وبس

وهو دة اللي عايزين نوصله ........... تنمية لمهارات الاولاد وصقل لقدراتهم

[رضوي]

انا عن نفسى اطفالى صغار

بس بحب استثمر فقت فراغهم مثلا بقراء وحفظ القران الى فى الوقت دة بلذات بيسبت فى دماغهم

واوقات علىالتليفزيون وبرامج الكرتون وبعض الوقت على الكمبيوتر

لباقى بحاولانمى مواهبهم واكتشف ما بداخلهم

ابنى مثلا حسيت فية بموهبة الرسم والزرع ودى من ايضا بعض هاياتى فبدات انمى ذالك بداخلة بشراء بعض الالوان والاسكتش وبعض ادوات الزرع والبذور واسيبة يطلع مواهبة فيها بس طبعا بتوجية منى ومراقبة وابنتى 3 سنوات ونصف حسيت فيها بحب المساعدة وايضا حب مسك القلم واشخبطة ودة طبيعى فى سنها بس بداءت اعرفها انها متشخبطش على الحيطة مثلا والاستناد بلاوراق لتنمية موهبتها ومساعدتى وبلتالى بيكون وقت فرغهم ملىءوبعض الوقت مثلا فى نادى لتنمية بعض المواهب الرياضية

جميل جداً اننا نكتشف مواهب اولادنا وننميها ونوجهها التوجيه السليم ............. بس الاجمل اننا نستثمر المواهب دي لمصلحة الطفل

بمعني .......... اني استثمر ان ابني بيحب يزرع ...... واجيبله كتب مفيدة عن انواع البذور وكيفية زراعتها والنباتات والاعشاب النادرة واهميتها وبتزرع فين وبتستخدم ازاي .......الخ من هنا ممكن اكتشف مواهب اكبر عند ابني او اوجهه الوجهه المفيدة له ..... وانمي معلوماته اكيد مش بس عن الزراعة بل بالعكس في نواحي تانية كتير هتفيده اكتر

[mekkawy]

سؤال بأة لأهل الخبرة من المربيين الأفاضل

التربية بتبدأ للطفل من سن كام ؟؟

يعني إمتى أبدأ أتفاعل مع الطفل و أعلمه و أعوده على الصح و الغلط و العيب و الحلال و الحرام ؟

الأوسة تمت سنة الحمد لله بقالها أسبوعين أهو .. و هتجيلي و شكلها جاية كدة و ناوية على اطفال الشوارع :happy: فيا ترى ايه بأة .. ها ايه ها ؟

مكاوى

[hOuSsAm]

الفاضلة رضوى

جزاكى الله كل خير عالموضوع

جميل جدا ومهم للغاية

مهم لابنائنا وللمجتمع فى نفس الوقت

من الحجات اللى بتعجبنى اوى العمل التطوعى

ودى من الحجات اللى بيربوا عليها الاطفال فى كندا واظن بقيت دول العالم الاول

بمعنى ان الطفل يتعلم ازاى يفيد غيره والمجتمع ويشارك بوقته ومجهوده فى مساعدة الاخرين

ده بيديله خبرة كبيرة جدا فى نواحى كتيرة فى الحياة وهديكى امثلة

بيتعلم مهارات تواصل مع الاخرين

وبيشتغل فى ورش عمل

بينمى مواهبه ان العمل التطوعى فيه مجالات كتيرة يقدر ينمى مهاراته فيها

بيعرف النعمة اللى هو عايش فيها وان غيره مش طايل حتى نصها

بيقدر قيمة الشئ ويحافظ عليه

بيعرف ازاى يفيد مجتمعه

بياخد ثواب

ابوه وامه بياخدوا نفس الثواب

يقدر من اقل الموارد يطلع حاجة مفيدة

بيعرف ازاى يحل مشاكل وبيتحط فى مشاكل واقعية

فيه حجات كتيرة بس مش متذكرها دلوقتى

ومن الاماكن اللى انا استفدت منها فى القصة دى جمعية رسالة

وفى الغالب صناع الحياة شغالين بنفس السيستم بس مجربتهمش

من الحجات الحلوة بردوا للاولاد بس من سن معين وهو العمل فى اى حرفة (بشرط انه يبقى فاهم كويس ان العمل ده مش هيبقى مجاله فى المستقببل ولا هو للفلوس وانما فقط عشان ياخد خبرة وعوده ينشف شوية)

ممارسة الرياضة بردوا من الحجات الكويسة جدا بس بشرط انها متبقاش اليوم كله زى الولاد اللى بيروحوا يلعبوا كورة خمس سعات

دى مقترحاتى بس اكيد لى طلبات

--------------

ميكاوى وريمو اتكلموا على حاجة خطيرة جدا ودى اللى بتشغل بال كل المغتربين وغالبهم بياخد قرار العودة لمصر بسببهم

الا وهو اولادنا فى الخارج

فعلا المغتربين بيلاقوا مشكلة تربية ولادهم فى الخارج وازاى ينموا مهاراتهم وهوايتهم

بصراحة المجال هناك محدود اوى

الناس مفيش قدامها غير التلفزيون والكمبيوتر

وبكدة الاطفال مش بيبقوا مكمتلين نفسيا او فكريا

اتمنى ان تكون فيه اقترراحات لاستغلال اوقات الفراغ لابناؤنا فى الخارج

اتمنى التوفيق للجميع

[mama nona]

موضوع مهم جدا والله كويس انه اتفتح للمناقشة

انا بنتى بقى بتطلع الكبت ال عندها طول اليوم

اما فى ضرب اخوها

او فى نرفزة الشغالة

اما معايا نسمة وبلسم ولا بتعمل اى حاجة

احنا هنا فى جدة من حوالى 3 شهور

لسه منعرفش البلد كويس علشان ادور على النوادى الصيفية

ولما سألت على الاماكن ال فيها نوادى صيفية لقيتها بعيدة اوى عننا

معتش عارفة اتصرف معاها

من كتر التليفزيون والكمبيوتر بقيت احس انه عنييها فيها مشكلة دايما بترمش وده جديد عليها

انهارده لقيت الشغالة بتلم حاجتها وماشية بسبب نرفزة بنتى ليها ؟

رسم وبترسم

لعب وبتلعب

مذاكرة وبتذاكر

تليفزيون حدث ولا حرج لدرجة انى بقيت اكتشف قنوات فالتليفزيون مكنتش اعرفها قبل كده

كل الافلام العربية تحكيلك احداثها بالتفصيل

نت وزهقتنى فيه

تخريب فالبيت خلصت عليه

ضرب اخوها لدرجة انى بقيت احس انه كورة بتلعب بيها

والاكتر من كل ده معدتش بتاكل

فكرو معايا فى حل يخرجنى من المأساة دى

تم تعديل 28 يونيو 2010 بواسطة mama nona

[بركة]

ربنا يرحمنا برحمته

والله الولاد في الغربة مساجين

ولا حول ولا قوة الا بالله

وده بينعكس على الجو العام في البيت

لان الام بتبقى محتاره تعمل لهم ايه وبالتالي اعصابها بتتعب

دورت هنا كتير والحلول اللي قدامي مش ولابد

عشان اودي ولادي في مكان لازم نتفرق

يعني ابني مايدخلش معايا

او انا عشان افسحهم مع بعض في حمام سباحة حقعد في الحر

لو لقيت سبيل حقول هنا علطول

ربنا يرحمنا برحمته

[Howayda Ismail]

سؤال بأة لأهل الخبرة من المربيين الأفاضل

التربية بتبدأ للطفل من سن كام ؟؟

يعني إمتى أبدأ أتفاعل مع الطفل و أعلمه و أعوده على الصح و الغلط و العيب و الحلال و الحرام ؟

الأوسة تمت سنة الحمد لله بقالها أسبوعين أهو .. و هتجيلي و شكلها جاية كدة و ناوية على اطفال الشوارع فيا ترى ايه بأة .. ها ايه ها ؟

مكاوى

التفاعل مع الطفل من ناحية امه وهو مازال جنينا داخلها لانه نفس واحد وكيان واحد واثبت دراسات ان الجنين يتعرف على

الاصوات قبل مولده لذلك بعد مولده اول شئ يتعرف عليه صوت امه وابوه لكن ارتباطه بامه فى المرحلة دى اكبر لتلبية احتياجاته

وفى الشهور الاولى تبدأ مداركه تتنبه للمحيطين حوله خصوصا الاب ودور الاب ياتى بتدليله ومساعدته على الجلوس والمشى

ومشاركة الام فى المسئولية لو كان عنده وقت وان لم يكن لابد انه يخصص له وقت يلعب معه. ده ضرورى جدا للتواصل بينهما

والسنة الاولى يبتدى يعلمه ده صح وغلط بحنية ونفس الوقت بحزم ولانضحك على سلوك سئ يعمله عشان ده بترسخ عنده

انه ده صح بدليل عدم عقابه عشان بعد كده لما يكبر وعمل نفس الشئ وتعاقبه على انه فاهم او كبر مش حيصدقك

على العموم فى كتب جيدة تساعدك اكتر وفيها اكتر من اللى بتسأل عليه.

مكن اقترح كتابين لدكتور(سبوك) تقديم منير عامر :

الاول: حديث الى الامهات

الثانى:مشاكل الاباء فى تربية الابناء

وفيهم شرح وافى من الطفولة حتى سن المراهقة