وماذا بعد براءة قتيل كترمايا ؟

[se_ Elsyed]

السيد رئيس الجمهورية ...

السيد رئيس الوزراء واللي معاه

السيد البوء الكبير ... أبو الغيط

هل هذا الكلام الذي جاء في معظم الجرائد اليوم صحيح ؟

ولو صحيح .. ثم ماذا بعد ؟

مفاجآت عديدة كشفت عنها نيابة «بعبدا» اللبنانية فى قضية مقتل الشاب المصرى محمد مسلم بكترمايا والتى تحمل رقم 245/2010، على رأسها تأكيد تقرير الطب الشرعى عدم اغتصاب «مسلم» للفتاة اللبنانية التى اتهمته باغتصابها بعد وفاته، وذبح الشاب على يد شيخ سلفى، وتأكيد أمه أن الشرطة اللبنانية لفقت لابنها التهمة، وعدم وجود أى دليل مادى يدين الشاب المصرى.

«اليوم السابع» حصلت على تحقيقات النيابة من خلال فريق الدفاع المصرى الذى يقوده المستشار سمير رضوان ويشرف عليه المحامى طلعت السادات، وجاء فى التحقيقات أنه فى يوم 28 أبريل 2010 تم اقتياد الشاب المصرى محمد مسلم 28 سنة إلى المخفر «اسم قسم الشرطة بلبنان» عقب اتهامه بقتل يوسف أبومرعى وزوجته كوثر وحفيدتيهما آمنة وزينة بقرية كترمايا، ثم أجبرته الشرطة على الخروج للدلالة على الجريمة فى مكانها، وتم قتله هناك على يد مجموعة من المواطنين اللبنانيين. المتهمون الثمانية بقتل الشاب المصرى سردوا تفاصيل الواقعة كاملة أمام النيابة واعترفوا بالاشتراك مع 4 آخرين هاربين.

المتهم الأول «عبد سعيد على» ويعمل جزارا بقرية كترمايا وشهرته «الزعرور» قال إنه تولى ذبح الشاب المصرى بمساعدة شيخ سلفى، أما المتهم الثانى «موسى محمد طافش» من تيار المستقبل وكان يرتدى قميصا مدونا عليه اسم تيار المستقبل الذى يترأسه سعد الحريرى، رئيس الوزراء اللبنانى، فقال إنه علق المجنى عليه على العمود، واعترف المتهم الثالث «فهد محمد السيد» بأنه طعن القتيل العديد من الطعنات بالاشتراك مع آخرين، وقال المتهم الرابع «على محمد علاء» إنه أحضر سيارته وربط بها القتيل وسحله فى شوارع كترمايا، وأقر المتهم الخامس «على عبدالحفيظ أبومرعى» أحد أقارب المتوفى اللبنانى بأنه شارك 14 شابا فى طعن الشاب المصرى بسكاكين كانت بحوزتهم، واعترف المتهم السادس «محمد أسعد» بأنه أحضر الشنكل ووضعه فى رقبة الشاب المصرى حتى خرج من فمه ثم رفعه على العامود، فيما اعترف المتهم السابع «عبدالحميد أشرف» بأنه من المشتركين فى عمليات الذبح بالسكاكين، وقال المتهم الثامن «على جميل» إنه أحضر السكاكين لذبح الشاب المصرى.

واتفق المتهمون الثمانية فى اعترافاتهم أمام النيابة أن هناك أربعة أخرون شاركوهم الجريمة.

النيابة وجهت للمتهمين الثمانية تهمة القتل واستعمال أسلحة بيضاء والتمثيل بجثة مواطن مصرى، كما أوقفت الضباط المسؤولين عن تأمين موكب الشاب المصرى عن العمل لإهمالهم فى المحافظة عليه وتواطئهم مع المواطنين حيث إنهم تركوه فريسة لهم.

كما استمعت النيابة فى تحقيقاتها إلى «بدرية» والدة الفتاة «جميلة»، التى اتهمت الشاب المصرى بأغتصابها تحت تهديد السلاح، إلا أنه بتوقيع الطب الشرعى على الفتاة تبين عدم صدق كلامها وأنه لم يتم معاشرتها خلال هذا التوقيت بناء على التقرير الطبى الصادر بمعرفة الطيب جبرائيل بطرس إخصائى الطب الشرعى بجامعة القديس يوسف بلبنان.

وأوضحت تحقيقات النيابة أن والدة بدرية اعترفت بتحريضها مسلم على قتل جارهم يوسف أبومرعى وزوجته وطفليه لوجود العديد من الخلافات بينها وبين القتلى الأربعة الذين يقطنون أمام شقتها، وأن هذه الأقوال مناقضة تماما لتقرير الطب الشرعى الذى أكد أن وفاة الجدين كانت قبل وفاة الحفيدين بساعة ونصف وأنه لا يعقل أن يكون الشاب المصرى قتل الجدين ثم انتظر فى المنزل ساعة ونصفا حتى عودة الطفلين من المدرسة ليقتلهما أيضا.

ونسفت «سيدة سيد الكحكى» والدة مسلم، أدلة الاتهام، وقالت إن الشرطة اللبنانية لفقتها لابنها، حيث أكدت أن رجال الشرطة دخلوا شقتها عنوة وحصلوا على مجموعة من السكاكين ووضعوا عليها عينة من دم ابنها لإثبات الجريمة عليه.

[Dr ammar]

الموضوع دة خطير جدا ولازم نتأكد من صحة المعلومات المنشورة

[Alattar]

مع حزني الشديد علي ما قرأت الآن...

و لكن للأسف بقوللك يا س س ... للأسف الشديد..ما أعتقدش ان فيه اي حاجة هتحصل

ممكن علي أقصي تقدير..يتقدم اعتذار.. ان الناس فهموا الموضوع غلط..و انهم كانوا فاكرينه هو الجاني

لكن أكتر من كده...ما أعتقدش..لأن المواطن ده مصري...لو كان أمريكي ولا يهودي مثلا..أعتقد ان لبنان كلها كانت هتتمحي

من علي الخريطة..لكن...انت بتتكلم عن مواطن مصري..

يعني بيحصل فيه جوه أكتر من اللي بيحصل فيه بره..

حسبنا الله و نعم الوكيل.

[اغابي]

طلع كل الموضوع و اللى اثبتته التحقيقات انهم عيلة مع بعض فى بينهم مشاكل ودور الشاب المصري ( كبش فداء )

وانه بدون محاكمة الناس تدبحه - طب اهو طلع براءة - والموضوع متلفق من شوية رعاع - نعمل ايه

ايه دور مصر - كان فيه كلام كتير من غير ما نعرف التحقيق حينتهى على ايه - المتهم برئ حتى تثبت ادانته

طبعا دي رعونة وتسرع من قبل اهل القرية والشرطة اللبنانية

لكن صحيح - دور مصر ايه غير انها بعتت محاميين

؟؟؟

اغابي

[Howayda Ismail]

من الواضح ان الدم المصرى اصبح رخيص برة وجوة.

حسبنا الله ونعم الوكيل

[tarek hassan]

وماذا بعد براءة قتيل كترمايا ؟

هذا العنوان يدل على أن هناك حكما نهائيا قد أصدر وهذا لم يحدث بعد

ولا يعلم هل هذا المصري قاتل فتيل أم قتيل فقط

ولكن الذي لا خلاف عليه هو الاستهجان لحالة الغل الشديدة ضد هذا المصري من ذبح وطعن وضرب وتعليق وتمثيل وهلم جرا

وللأسف في منطقة سنية تتبع سعد الحريري وربما يختلف الأمر وبطل العجب لو كان الحادث في منطقة شيعية بسبب الأحكام ضد خلية حزب الله

ولكان السياسيون والصحفيون لهم شأن آخر في تناول حق المصري

في النهاية أيتها الحكومة وأيها الإعلام ما حدث في حق المواطن المصري جريمة سواء حدثت من طرف هو صديق أو عدو يطلب منه الحق

في النهاية

- والحكومة مسئولة عن إزالة حالة الغل ضد مواطنيها في الخارج

- ومسئولة عن إيجاد آليه لحماية المصريين في الخارج نظرا لتكرار الحوادث ضدهم

وإذا لم توجد الحكومة تلك الآلية فما السبيل لحماية المصريين في الخارج بعد تكرار الحوادث ضدهم وتكرار ضياع حقوقهم ؟

تحياتي وشكرا

تم تعديل 23 يونيو 2010 بواسطة tarek hassan

[Abu Reem]

السيد رئيس الجمهورية ...

السيد رئيس الوزراء واللي معاه

السيد البوء الكبير ... أبو الغيط

هل هذا الكلام الذي جاء في معظم الجرائد اليوم صحيح ؟

ولو صحيح .. ثم ماذا بعد ؟

مفاجآت عديدة كشفت عنها نيابة «بعبدا» اللبنانية فى قضية مقتل الشاب المصرى محمد مسلم بكترمايا والتى تحمل رقم 245/2010، على رأسها تأكيد تقرير الطب الشرعى عدم اغتصاب «مسلم» للفتاة اللبنانية التى اتهمته باغتصابها بعد وفاته، وذبح الشاب على يد شيخ سلفى، وتأكيد أمه أن الشرطة اللبنانية لفقت لابنها التهمة، وعدم وجود أى دليل مادى يدين الشاب المصرى.

«ونسفت «سيدة سيد الكحكى» والدة مسلم، أدلة الاتهام، وقالت إن الشرطة اللبنانية لفقتها لابنها، حيث أكدت أن رجال الشرطة دخلوا شقتها عنوة وحصلوا على مجموعة من السكاكين ووضعوا عليها عينة من دم ابنها لإثبات الجريمة عليه.

لو افترضنا أنك يا سي سين ( رئيس الجمهورية ) وجاءتك هذه المعلومات ونتائج التحقيقات التي تؤكد براءه الضحية المصري ،،، فماذا كنت ستفعل ..ما هي القرارات التي كنت ستتخذها بعد تأكدك من براءة الضحية...؟؟؟؟

[pink rose]

اقل واجب المجرمين اللي عملوا فيه كده يتقتلوا و يتعلقوا

بس من غير تمثيل في جثثهم

[Howayda Ismail]

في النهاية

- والحكومة مسئولة عن إزالة حالة الغل ضد مواطنيها في الخارج

- ومسئولة عن إيجاد آليه لحماية المصريين في الخارج نظرا لتكرار الحوادث ضدهم

وإذا لم توجد الحكومة تلك الآلية فما السبيل لحماية المصريين في الخارج بعد تكرار الحوادث ضدهم وتكرار ضياع حقوقهم

طيب والغل الصادر منها ضد مواطنيها فى الداخل تعمل فيه ايه.

وبعدين هى مش بتحمى مواطنيها فى الداخل ازاى نطلب منها حمايتهم فى الخارج ده حتى السفارات مش بتسأل فى

رعايانا وده شفناه فى مشاكل الموجودين فى سجون ليبيا حتى الان غير الذى قتل فى الكويت ودكتورى السعودية والصيدلى

المتهم الان فى السعودية زورا بالاختلاس ومش عارف يخلص من قبضة الكفيل ومئات المصريين فى نفس حالته

غير مشاكل مواطنينا فى اوروبا ومدى الاهمال والامبالاة من سفاراتنا

نصلح البيت من جوة الاول وبعدين نزوقه من برة

[engmido]

حسبى الله ونعم الوكيل لك الله يا مصر

[myusername]

تحيا جمهورية مصر العربية :sad:

[وطني حر]

الموضوع مش بالساهل كدا ؟

اولا هذا كلام جرايد . ولسا الخبر وراءه ماوراءه .

فهل القضيه سياسيه . خليه حزب الله وقتل العالم المصري في افريقيا مش فاكر في اي دوله كان ؟

ثانيا لوالقضيه مش سياسيه . فلا اعتقد ان الشاب المصري برئ من الجريمه دي براءه تامه . فاكيد هناك اشياء ما حصلت منه . والا مش ممكن الشارع اللبناني في البلد يقوم كله على بعضه . طبعا واكيد هناك جريمه ما حصلت ؟؟؟

فلنفتش عن الجريمه اولا . وما ذا فعل الشاب المصري وما هو الجرم الذي ارتكبه .

نقطه تانيه . الشارع اللبناني او الشارع المصري احيانا في مثل تلك الجرائم يتصرف بشكل ارعن وعشوائي يطغي الحماس بشكل اكثر من الحكمه في التصرف مع الموقف زي دا . ولا ازن انهم عملو تلك الجريمه بقصد انه مصري او مش مصري الكل هب لانه سمع عن جريمه ما ؟؟ فالتصرف ممكن يكون مع مصري او فلسطيني او من اي جنسيه كانت ..

ممكن حد يقول لي هل يحصل دا مع امريكاني . اقول الامريكان ما بتروح مناطق زي كدا همنا عارفين ما فش امن والحكومه يدها مغلوله شويتين

مطلوب من الحكومه المصريه انها تضعط علي حكومه لبنان تقديم الجناه للمحاكمه فقط وهذا اكثر حاجه ممكن تعمله االحكومه المصريه .

بردو كمصريين لا نحكم على اللبناني في البشاعه لو هي مساله حقد وكره . هل ممكن نقول اللبنانيين بيكرهو المصرييين . من بشاعه الجرم دا .؟؟؟ ما دم سوزان تميم لسا لم يجف . لكن نسال الله ان يجنبنا المصائب

[herohero]

عادي جدا جدا جدا

ده يفرق ايه عن اللي حصل لخالد سعيد قتل وانتهاك وظلم بدون وجه حق

ياجماع العامل المشترك هو انه مصري فعادي كل واحد مننا مستني دوره

اللي هيتعلق ع عامود ف المز ولا ف حولي ف الكويت ولا شارع الشيخ زايد عادي ياجماعه ما حنا كتير مش بقينا 80 مليون

يادوب

انا بصراحه رغم صعوبه الخبر لكني فرحان اهو يعني الواحد لما بيلاقي كده بيقولك هانت ك ماتسود اكتر كل ما قربنا للنهاية فاشد ساعات الليل ظلمة هي ما تسبق الفجر

فيامسهل

[اغابي]

من الواضح ان الدم المصرى اصبح رخيص برة وجوة.

حسبنا الله ونعم الوكيل

صح كدا يا هند

صحيح يا جماعة . . . عاوزين نفتح توبيك جديد يبقى اسمه

ما هو اوجه التشابه والاختلاف بين كلا من

قتيــــــــل كترمـــــــايا وخــــــــــالد سعيــــــــــــد

- بخلاف ان الجنسية مشتركة وانهم مصريين

مين يتبرع يفتح الموضوع ويكون برعايته

على فكرة حيكون موضوع مهم جدا

اغابي

تم تعديل 24 يونيو 2010 بواسطة اغابي

[herohero]

من الواضح ان الدم المصرى اصبح رخيص برة وجوة.

حسبنا الله ونعم الوكيل

صح كدا يا هند

صحيح يا جماعة . . . عاوزين نفتح توبيك جديد يبقى اسمه

ما هو اوجه التشابه والاختلاف بين كلا من

قتيــــــــل كترمـــــــايا وخــــــــــالد سعيــــــــــــد

- بخلاف ان الجنسية مشتركة وانهم مصريين

مين يتبرع يفتح الموضوع ويكون برعايته

على فكرة حيكون موضوع مهم جدا

اغابي

صدقني ما يفرقش خااااااااااااااالص

عارفين انا نفسي بجد يجي مرشح انتخابي يقولي هدفي ان المصري يرجع المصري اللي يشار اليه بالبنان

فالخليج اكيد ملاحظينها ان صورة المصري مش تمام وهو مالوش ذنب فيها

خارجيه غبية مطلعه المصري خاين

اعلام اغبى بيطلع المصرية راقصه او عاهرة والمصري راجل يعمل اي حاجه عشان الفلوس فين المصري الشهم فين زينب اللي ف الشهد والدموع الله يخرب بيتكم هو مفيش الا المصرية اللي بتطلعوها ف افلام خالد يوسف بقى كده يا باشمهندس هي ده المصرية

خلاص مفيش مصريات محترمات وفين الرجاله بقوا كلهم قرني ويعملوا اي شيئ عشان الفلوس بجد ملعون ابو ده واقع بتعرضه

سياسات غلط ف غلط ف الاخر المصريين بيدفعوا تمنها واللي بره اكتر واكتر

محدش ينكر اننا بنشوف ده ف عيون الاخرين وبنسمعه من زمان وكان المسلسلات الكويتية تطلع الزوجه التانية او الخدامه مصرية وممثلات لايمتوا بمصر بصله الا انهم مصريات وتطلع المصرية خطافه الرجاله

من زمان والكويتي اللي ابوه متجوز مصرية يقولوا له يابن المصرية

خلاص بق زهقنا بجد عاوزين حمله شعارها ارجع يامصري زي زمان

حرام عليك يا حسني بيه عاوز ايه تاني

ف لبنان اتدبحنا وف مصر اتدبحنا وف السعوديه اتجلدنا وف الكويت اترحلنا فاضل ايه تاني ارحمنا بقى يا اخي

نسيت انك ف يوم هتموت وهتتحاسب هتقول ايه لرب العالمين نسيت حفيدك اللي مات ماهو هقول ايه هتقولوا لا شماته ف الموت

بس برده

صنائع المعروف تقي مصارع السوء

مستني ايه ارحمنا بقى وريحنا يا اخي اي حد نغير وشوش يا اخي بجد قرفنا

وانا شايف يا اخت اغابي النهارده خالد سعيد بكرة انا وانت وعيالنا ماهو احنا حمل تقيل عليهم

وياريت بقى بلاش حد يرد بشعارات واغنيه الحدود والكلام ده انتهى الزمن ده

ومصطفى كامل لو كان شاف ابن بلده بتدبح ع ايد امنه عمره ماكان قال " لو لم اكن مصريا لو وددت ان اكون مصريا "

صدقوني ماكان قالها

[Howayda Ismail]

بمناسبة الكوايتة خصوصا اللى عايشين هنا اضطرت الظروف ان تتجاور صديقتى مع اسرة تعيش هنا مدة طويلة للدراسة

وبحكم الجيرة نشأت صداقة لان فى زمالة ايضا وكانت هذه السيدة بمناسبة وبدون مناسبة تعاير صديقتى بالمصريات

واخلاقهم وخصوصا الممثلات الله يلعنهم اللى شوهوا صورتنا بافلامهم الفجة واسلوبهم المبتذل وغير كده كان تحاسبها

على ملابس فاتيتنا وخصوصا لانهم يقطنوا مناطق راقية قلما قل فيها الحجاب وزاد المكشوف اكتر من المستور

كانت صديقتى تستاء من كلامها وكانت بترد عليها ان عندكم اللى مدارى اكتر .

وان كان كلام هذه السيدة حقيقى فسببه الهبوط الاخلاقى لمستوى الافلام والممثلات والحورات المبتذلة

اللى بتعرض علينا قهريا فى اعلانات التلفزيون امام الاطفال والمراهقين اقله ماتصفه انحطاط

[Howayda Ismail]

اتفرجوا انهاردة على برنامج( مروح على مصر) فى الجزيرة الاخبارية الساعة 8 وخمس دقائق عن هجرة المصريين

من ضمن المتحدثين شاهد ان الحكومة بطفش المصريين للخارج عشان تتخلص من مسئوليتهم وعبئهم مالهاش دعوة

بقى هجرة شرعية ولاغير شرعية هى بتتخلى عنهم وكل واحد وشطارته اللى يموت يموت اهى ارتاحت منه نهائى

وعشان تفضى بقى وتخلص على الجوة

[herohero]

اتفرجوا انهاردة على برنامج( مروح على مصر) فى الجزيرة الاخبارية الساعة 8 وخمس دقائق عن هجرة المصريين

من ضمن المتحدثين شاهد ان الحكومة بطفش المصريين للخارج عشان تتخلص من مسئوليتهم وعبئهم مالهاش دعوة

بقى هجرة شرعية ولاغير شرعية هى بتتخلى عنهم وكل واحد وشطارته اللى يموت يموت اهى ارتاحت منه نهائى

وعشان تفضى بقى وتخلص على الجوة

هنتفرج عليه وعمره ماهيكون يا اخت هند اصدق من اللي بنشوفه بعنينا بجد انا حاسس اننا زياب يخلف عيال وبيتخل عن مسئوليته لاوهقولك اب مسرح عياله اللي بمناديل ف الاشارات وفل وياسمين

ونرجع نديله الغله يصرفها ع مزاجه

اسف ع التشبيه بس اهو سارحين ف باد الله ف ارض الله واللي ربنابيرزقنا بيه بنحطه ف بنوكهم والنتيجه يجي غيرنا اللي بيغني الشعارات اياها يسرق الفلوس ويهرب

[dawn walker]

لو انا رئيس الجمهورية ....هجيب رئيس وزراءهم ابو سكسوكة ...واوبخه ..واطالبه بتسليم المجرمين ..والا

طرد عاهراتهم وراقصاتهم من مصر

وقف الغاز اللى بياخدوه تقريبا ببلاش

محاسبتهم باثر رجعى على الكهربا الا بياخدوها بملاليم

............................................................................

وانتظر التنفيذ ..والا سننتقل الى المستوى اتنين

ملحوظة : الحريرى هذا اثنا ء حرب 20006 ...عندما هرب من لبنان ..اول من اتصل به مبارك ..كى يسمح بهبوط طائرته الخاصة فى مطار عسكرى مصر ..

[عنبو]

Hend ali مشاركة بتاريخ أمس, 01:13 PM

بمناسبة الكوايتة خصوصا اللى عايشين هنا اضطرت الظروف ان تتجاور صديقتى مع اسرة تعيش هنا مدة طويلة للدراسة

وبحكم الجيرة نشأت صداقة لان فى زمالة ايضا وكانت هذه السيدة بمناسبة وبدون مناسبة تعاير صديقتى بالمصريات

واخلاقهم وخصوصا الممثلات الله يلعنهم اللى شوهوا صورتنا بافلامهم الفجة واسلوبهم المبتذل وغير كده كان تحاسبها

على ملابس فاتيتنا وخصوصا لانهم يقطنوا مناطق راقية قلما قل فيها الحجاب وزاد المكشوف اكتر من المستور

كانت صديقتى تستاء من كلامها وكانت بترد عليها ان عندكم اللى مدارى اكتر .

وان كان كلام هذه السيدة حقيقى فسببه الهبوط الاخلاقى لمستوى الافلام والممثلات والحورات المبتذلة

اللى بتعرض علينا قهريا فى اعلانات التلفزيون امام الاطفال والمراهقين اقله ماتصفه انحطاط

غريب واحده كويتيه بتعاير واحده مصريه بلبس المصريات طيب متشوف الخيبه اللى عندهم الجنس التالت اللى بقى زى سلام عليكم هناك

ولا الرجاله اللى مش بحبوا الا الرجاله اللى زيهم

هو اينعم الفن المصرى بقى مستفذ ولبس بعض البنات بقى مستفذ ايضاً ولكن ميجيش واحد عنده بلاوى متنيله بنيله ويتلكم

يعنى ميكنش واحد بيته كله مجون وقرف ويجى يقول لواحد بينتك مش محجبه لا يعقل يعنى