بداية الطريق للفوضى الشاملة

[se_ Elsyed]

أثار التساؤل الوارد على لسان الأستاذ محمد في موضوع الشهيد خالد سعيد .. شهيد الطواريء

لماذ فقدنا الثقة فى كل شيئ، الشرطة ، القضاء ، الطب الشرعى ؟

أثار لدي العديد من المخاوف لإرهاصات وعلامات بدأت بالفعل ... وهي تُنذر بخطر على المجتمع كله

لكن للأسف .. أولي الأمر أما مغيبين وبلغوا من العُمر أرذله .... والله العظيم في خطاب الرئيس مبارك أمبارح اللي شافه ... بجد يُشفق عليه ... لانه أصبح أشبه بالمومياوات .. عفواً يعني ... ما فيش في الكون كله حاجه إسمها واحد عنده 83 سنة ولسه مصمم إنه يعيش حياته ويشتغل ويتحمل مسئولية بلد بحاله ويسافر ويروح وييجي عادي كده ..

وإما مسئولين مستفيدين من الفساد الموجود ...

وإما صامتين .... وأهو بياكلوا عيش وخلاص

بجد بجد .. أنا خايف أصحى مالقيش مصر

لكن يجب أن نعترف إننا شعب مش مفتري وبيتبطر عالنعمه ... بالعكس والله ده أحنا أغلب من الغُلب وبنستحمل بلاوي وساكتين ..

لكن لما توصل إننا نفقد الثقة تماماً في الشرطة والقضاء بالذات

يبقى عليه العوض ....

وتوقعوا أنتشار قوانين الغابة ..

يعني القوي هاياكل الضعيف

وكل واحد هاينفذ قانون نفسه ... ويعمل اللي في نفسه

ولا حول ولا قوة إلا بالله العلي العظيم

[herohero]

ماتقوله يا سي السيد ليس بجديد منذ فتره وبدات هذه البشاير تهل وارهاصات الانهيار الفظيع بدات ف الظهور

سيدي كما ذكر عمر طاهر ف مقال له "ثورة الشك"

اصبحنا نشك ف كل شيئ واه مصر اللي كلنا بنحبها بتختفي سيدي لن اكون متشائما ولكن احكي لياين سياده القانون لو حصلت حادثة ف مصر لن تجد اي وسيله محترمة لمعاقبة المخطء وردحق المجني عليه

بص بقينا ف مصر كل واحدعامل له حكومته

انت مظبط نفسك مع كم دكتور ومع مدرسين لعيالك ومع ضابط شرطة يخلصلك امورك ومظبط نفسك مع حد يجيب لك العيش وحد يخلص لك ورقك ف المصالح الحكومية

لا داعي لان نتجاهل ما يحدث ومحدش يقولي نبقى ايجابيين الحكاية اكبر من امكانياتنا هناك عملية افساد تمت للشعب ع م سنوات والان تم فساد معظم الشعب والقلة اللي بتحب البلد بتهج

قالها جابر القرموطي من كم يوم ماتكرهوش الناس ف البلد ماتخلوش اللي بيحبوها يمشوا منها ويفضل بس المنتفعين

هل تقدر تتثبت ف الحكومة ف مصر هل تقدر تتعين ف الكهرباء او الاتصالات او البترول او حتى الري حاليا من دون ان يكون لك قريب او اب او تكون باختصار من ابناء العاملين

ليه وكيل النيابة والمحامياعتدو ع بعض باختصار لان كل واحد خحاسس انه متاخد من حقه

المحامي حسانه اتظلم ولو معاه واسطة كان اتعين ف النيابة وبتاع النيابة حاسس انه فوق

سيدي المسالة مسالة وقت ليس اكثر الانهيار بدا والفوضى قادمة

وياريت تبقوا تفتكروا اخر مشهد ف دكان شحاته وحاله الفوضى اللي حصلت والناس هجمت ع المحلات تسرق والعربيات تتولع

للاسف اذا استكمر الرئيس بهذا الوضع فهو يقودنا الى مرحله مجهولة وفوضى كارثية

ربنا يعدي بلدنا منها ع خير

[Howayda Ismail]

انا عندى سؤال واحد هو مش سن المعاش عندنا 60 سنة ولو مددوا لواحد صاحب كفاءة وخبرة يطلع على ال70 ولا انا غلطانة

ولا هو استثتاء خاااااااااااااااااااااااااااااااااااااااااااااااااااااااااااااااااص؟

[اغابي]

بجد بجد .. أنا خايف أصحى مالقيش مصر

ولا حول ولا قوة إلا بالله العلي العظيم

طيب خد الخبر داه - مش بعيد عن الموضوع اوى ومش حيغير اوى مسار الحديث

لان كله تحت قائمة الفساد وفعلا ممكن تصحى فى يوم ما تلاقيش مصر . . ليه لاء . .

الخبر بيقول :

صحافة القاهرة اليوم: وزير الإسكان يمنح "ابن خالته" عقداً بمليون متر فى القاهرة الجديدة..

أجهزة رقابية تستعين بمصالح حكومية للاطلاع على مستندات قضية "الرشوة الألمانية"

إعداد / حاتم سالم

تبدو صحف القاهرة الصادرة صباح اليوم الخميس "منزوعة" من "الانفرادات الصحفية" اللهم إلا التقرير الذى تنشره "الدستور" فى صفحتها الأولى تحت عنوان "وزير الإسكان يمنح ابن خالته عقداً بمليون متر فى القاهرة الجديدة""، وتكشف فيه عن وثائق تقول أنها تثبت بيع قطعة أرض، تبلغ قيمتها التقديرية 5 مليار جنيهات، لمجموعة "منصور والمغربى" بـ 241 مليون جنيه فقط.

اغابي

[herohero]

عااااااااااااااااادي

بصوا ده اخبار عاديه زي ماقولت قبل كده الناس كلها عندها

فساد الادارة واحنا ادراة الفساد

عاوزين اخبار غريبة يعني محاربة الفساد ، نعرف اسم المرتشي بتاع مرسيدس ف مصر

مثلا كرامة المصريين ف الخارج ونلاقي كده كم مصري خدوا حقهم ف بلد زي جيبوتي

هي ده الاخبار انما الفساد فده عااااااااااااااااااادي

[اغابي]

عااااااااااااااااادي

بصوا ده اخبار عاديه زي ماقولت قبل كده الناس كلها عندها

فساد الادارة واحنا ادراة الفساد

عاوزين اخبار غريبة يعني محاربة الفساد ، نعرف اسم المرتشي بتاع مرسيدس ف مصر

مثلا كرامة المصريين ف الخارج ونلاقي كده كم مصري خدوا حقهم ف بلد زي جيبوتي

هي ده الاخبار انما الفساد فده عااااااااااااااااااادي

الناس خايفة يا هيرووو - خلينا واقعيين - حتعمل ايه مش شايف اللى بيطالب بحقه ولا بيعمل اى مظاهرات بيحصل فيه ايه - سجن وبهدلة وتعذيب

و قتل زى ما حصل مع الشاب الشهيد خالد سعيد بمجرد انه طلب حق عادى ادمى من حقه - اعترض اعتراض صوغنن اد كدا (...) قتلوه

الناس تعبت . . خلاص ان ما كنتش من الاغلبية ( اللى هما الحكومة ) عمرك ما حتاخد حقك لانك اقلية ( من الشعب يعنى ) . . فهمت

بس خلاص ........

اغابي

تم تعديل 24 يونيو 2010 بواسطة اغابي

[لماضة مصرية جدا]

بجد بجد .. أنا خايف أصحى مالقيش مصر

وتوقعوا أنتشار قوانين الغابة ..

يعني القوي هاياكل الضعيف

وكل واحد هاينفذ قانون نفسه ... ويعمل اللي في نفسه

ولا حول ولا قوة إلا بالله العلي العظيم

السلام عليكم و رحمة الله و بركاته

استاذي سين سين

حضرتك لسه هتتوقع....أشك....

لأن احنا فعلا بقي هو ده الوضع الراهن

كل واحد عامل قانون لنفسه

لا استثني احدا.......جملة احمد ذكي المشهورة في فيلمه الرائع ضد الحكومة

فعلا لا نستثني احدا

انا...اولهم....ببساطة يا استاذي انا لما بحب اخلص مصلحة.....و انجز.....بتعامل بقانون البلد....يعني اتصل باي ظابط في العيلة عشان يقضيلي المصلحة

نموذج صغير لقانون الغابة.....و ممارسة يومية للفساد

مختلفة مع حضرتك....ان قضية خالد كانت البداية

البداية من بدري اوي......و اللي بيحصل دلوقتي هي مجرد المياه الراكدة اللي بتطلع من بالاعة اللي ريحتها بقت تزكم الانوف

و ع الرغم برضه من كل ده

معنديش رهان غير ع البني آدم......

بني آدم واعي......فاهم....عارف ان الفوضي دي...حسب قانو ن الصعود و الهبوط.....هي حالة القاع.....هتليها حالة صعود.....لكنها شاقة للغاية

هتروح في الرجلين حاجات كتير.....بس لازم هيكون فيه صعود

و ده اللي نركز عليه.........كل الفيزياء بتقول كده

التغيير هو الحقيقة الثابتة

مافيش حاجة هتستمر مهما كانت سيئة و مهما كانت حلوة

فقط فلنستعد

و لنتوقف عن حالة اتساع العينين دهشة

دي وجهة نظر

تحياتي

[se_ Elsyed]

بجد بجد .. أنا خايف أصحى مالقيش مصر

وتوقعوا أنتشار قوانين الغابة ..

يعني القوي هاياكل الضعيف

وكل واحد هاينفذ قانون نفسه ... ويعمل اللي في نفسه

ولا حول ولا قوة إلا بالله العلي العظيم

يا أهلاً بالمعارك

احتجاجا على عدم صرف رواتبهم..

عمال "سالمكو" وأسرهم يقطعون الطريق الصحراوى بالعاشر

الأربعاء، 28 يوليو 2010 - 13:29

عمال "سالمكو" وأسرهم يقطعون الطريق الصحراوى بالعاشر

الشرقية إيمان مهنا

قطع اليوم عمال سالمكو إلكتريك بالعاشر من رمضان بالمنطقة الصناعية، 3 هم وأطفالهم ونساءهم، طريق مصر -الإسماعيلية الصحراوى، احتجاجا على عدم صرف رواتبهم منذ أكثر من 8 أشهر متواصلة، مما أدى إلى شلل مرورى تام لأكثر من ساعتين رافعين لافتات استغاثة بجمال مبارك.

كان العمال قد أعلنوا اعتصامهم بعد فشلهم فى صرف باقى مرتب شهرى فبراير ومارس وكذلك صرف مرتب شهرى مايو ويونيو الماضيين، وكذلك عدم رضوخ صاحب المصنع السورى الجنسية الالتزام بمواعدة مع الجهات المسئولة ووزارة القوى العاملة لصرف رواتبهم.

قام العمال بتحرير 14 محضرا بقسم شرطة أول العاشر ونقطة شرطة المصانع يتهمونه فيها بالاستيلاء على مستحقاتهم وتشريد أسرهم، كما قام مكتب عمل العاشر بتحرير 143 مخالفة ضد صاحب العمل، سورى الجنسية، لتوقف العمل بالمصنع دون اتخاذ الإجراءات القانونية.

أكد العمال أنه منذ 3 أشهر وخلال اعتصامهم أمام مجلس الشعب تعهد صاحب العمل أمام وزيرة القوى العاملة بصرف جميع رواتبهم ولم ينفذ الاتفاق.

وقبلها بيومين ... سكان قرى في كفر الشيخ يقطعون الطريق الدولي الشمالي لأن مياه الري إتأخرت على أراضيهم

وقبلها بأيام ... سكان جزيرة محمد بالجيزة يطقعون الطريق الدائري المار بالقاهرة لأنهم مش عارفين هما تبع القاهرة ولا الجيزة ولا الفيوم

كل ده كوم ... وما يحدث في سيناء من البدو الرجالة اللي بياخدوا حقهم بدراعهم كوم تاني

ولسه ولسه

------------

طب ماحد يخطف رجله لحد شرم الشيخ ويقول للريس أطلع شويه من الميه وبطل بلبطه البلد بتولع يا ريس

[aimen]

الرئيس مشغول

عنده امساك مزمن

شفانا الله واياه

[جسار]

[ اللى يقرأ مقدمة ابن خلدون عن انهيار الدول

ويعمل مقارنات بسيطة يجد أن الوضع فى مصر منذ حوالى عقد من الزمان يتجه فى سبيله للانهيار ، ولابد لنا من ذكر شئ

هام هو أن انهيار أى دولة يبدأمن الداخل حينما لايستطيع الجهاز الادارى الحكومى القيام بدوره المنوط به ويلجأ الى

الحلول المؤقتة أو الترقيع (ترقيع الحفر فى الشوارع بدلا من تعبيدها بطريقة سليمة أو محاولة أنشاء محاور مرورية

جديدة وتوسيع بعض الشوارع ، تركيب مواسير للصرف الصحى ذات أقطار صغيرة لاتستوعب الناتج فى حالة زيادة السكان

مستقبلا ، أغراق مدينة القاهرة الكبرى بسيل من الكبارى لحل مشكلة الاختناق المرورى بدلا من البحث عن بديل بأنشاء

مدينة أدارية جديدة بعيدة عن الوضع المتفجر والعبثى فى مدينة القاهرة ، حالة الفوضى الصارخة فى التعليم وتغيير

المناهج بصفة مستمرة والاعتماد على المسار الموازى للعملية التعليمية الا وهو الدروس الخصوصية بشكل اساسى،قوانين

تنظيم المبانى وكيف يتم التحايل عليها من أفراد التنظيم نفسه وبعرفتهم ، استمرار فقدان حالة الامن العادى والتقليدى

للمواطنين سواء فى منازلهم او فى قلب الشارع والتغول فى اتجاه الامن السياسى ،مهازل التعليم العالى والبحث العلمى

وكيف تحصل على شهادة الدكتوراه او الماجستير فى مصر تحتاج الى مجلد ضخم زى مجلدات ميكى وتان تان ،والنقل والقطارات اللى بتتأخر الساعاتوالجرارات اللى جايبينها بعمولة ولاتناسب قوة السكك الحديدية ، وازمة الحديد المسلح المفتعلة والى كونت

عدة مليارات لبعض التجار الكبار فى بضعة اشهر ......كفاية اصلى زهقت ) ، اهم شئ فى مصر هو تفكك جهاز الدولة وهو

المفترض مفخرة بلد زى مصر اللى حافظت عليه 5 الاف سنة من ايام الفراعنة واصبحت كل المسائل خاضعة للرشاوى والوسايط

والمعارف ولاوجود للقانون حتى اللى بيشرفوا على تطبيقه هم اول من يخترقوه ...ومش عارف آخرتها ايه

[masraweya]

كماتكونوا يول عليكم

احنا سبناهم يفسدونا

زي ما قالت لماضة المهم نخلص مصلحتنا

احنا اللي مخدناش على ايد الظالم من الأول

احنا اللي الهنا الحاكم و سكتنا عن الحق

إلا من رحم ربي