صور بنات ومقاطع وفضائح ورقص منازل

[tarek hassan]

لو واحده رقصت في فرح واتصورت

لو رقصت بنت مع زميلاتها في حجرة مغلقة ليلة الحنة عروسا كانت أو مدعوة أو في أي مناسبة واتصورت في غفلة منها

لو جهاز شخصي تعطل وذهب به لمهندس الصيانة ( وكان غير أمين ) ونقل منه صور عائلية أو فيديوهات خاصة

أو لو غافل شاب فتاة أو امرأة وصورها

جريمة كبرى أن ينقل كل ذلك على الموبايلات وعلى النت وعلى المواقع الخبيثة اللئيمة التي تريد أن تشيع الفاحشة في المجتمعات العربية وتصويرها بأنها مجتمعات انحلال وفجور

بعض المواقع التابعة لبعض الدول التي ينتشر فيها الانحلال الأخلاقي والشذوذ بمختلف أنواعه يريدون أن ينقلون إلينا واقعهم على أنه واقعنا وشذوذهم على أنه شذوذنا وصورهم على أنها صورنا

بنت من مصر - بنت من السعودية - من كذا من كذا

قصص ( استغر الله كذا وكذا مما هو مستحيل على مجتمعاتنا )

هناك قصص كثيرة ومآس حدثت للبعض وأضرت بهم وبأسرهم ضررا بالغا ومنا من كان شاهدا عليها .

وكيف السبيل لأن نقي أنفسنا ومجتمعاتنا من كل أضرار هذه الظاهرة ؟

تم تعديل 26 يونيو 2010 بواسطة tarek hassan

[ozoozo]

وكمان الناس اللي بتبيع موبايلاتها تخلي بالها حتي لو مسح الصور والفديوهات من عليه ممكن تيجي تاني بكل سهوله باستخدام بعض البرامج

[Alattar]

مرة الكفيل عندي بيحكيلي ان واحدة راحت تصلح الكمبيوتر الخاص بها في سوق الكمبيوتر

سمعها بتقول للولد اللي هيصلحه...فيه مجلد اسمه "خاص" علي ال D

ياريت ما تفتحهوش...ههههههههههههههههههه..

المهم ان حتي الصور اللي علي الموبايل بتاعك..لو عندك صور شخصية..يفضل انك ما تسبش البلوتوث مفتوح

طول ما انت ماشي...لأن أنا شخصيا شفت قبل كده برنامج يقدر يسحب أي حاجة من تليفون البلوتوث بتاعه مفتوح

و من غير صاحبه ما يعرف.

[tarek hassan]

كنت عند مهندس صيانة أعرفه ووجدته مشغولا في فك ملف مساحته كبيرة وسري في جهاز زبون يأخد الملف صورة إنترنت إكسبلورر وبعد أن تمكن من فتحه رأيته ينقله على جهازه بالكامل وطبعا ظهر لي بعض الخصوصيات التي كانت في الملف وتخص صاحب الجهاز

[ذهبية]

طيب الحل اية يعنى ما كل واحد محتفظش بحاجات كتيرة خاصة بية و بعائلتة على الكمبورت بتاعة

طيب ازاى احمى جهازى من واحد عديم الضمير

و بعدين ما احنا بنروح نصلح الكمبورت و بنسيبة بالايام فى الشركة

نعمل ايةةةةة بقى

و نحمى نفسنا ازاى ؟؟؟؟

[Amr Radwan]

طيب الحل اية يعنى ما كل واحد محتفظش بحاجات كتيرة خاصة بية و بعائلتة على الكمبورت بتاعة

طيب ازاى احمى جهازى من واحد عديم الضمير

و بعدين ما احنا بنروح نصلح الكمبورت و بنسيبة بالايام فى الشركة

نعمل ايةةةةة بقى

و نحمى نفسنا ازاى ؟؟؟؟

ممكن حضرتك تنقلي الملفات المهمة و الخاصة علي هارد منفصل او علي فلاش ميموري و لما الجهاز تبعتيه الصيانة تشيلي الهارد من الجهاز و ساعتها اللي بيصلح الجهاز مش هيشوف حاجة

و لما الجهاز يوصل بالسلامة ممكن تركبي الهارد تاني او توصلي وصلة ال USB بتاعته هيتشاف علي طول .

تحياتي

[doha]

مع تحفظي على عنوان الموضوع الي مكانش ممكن ادخله لولا رؤيتي لاسم الكاتب الي طمني ان الموضوع نظيف بالتاكيد طالما الفاضل طارق حسن هو صاحبه ..

الموضوع في غاية الاهمية فعلا خاصه مع انتشار استخدام الكاميرات من جهة وسهولة تناقل تسجيلاتها من جهة اخرى ..

عن نفسي بعمل حاجتين ..

اولا عندي هارد خارجي ( اكسترنال ) بنقل عليه ملفاتي الهامه اول باول .. لو اضطريت ابعت جهازي للصيانة بكون عامله له ( فورمات ) كاملة قبل مااوديه ..

اذكر مرة اضطريت اودي جهازي للتوكيل واول مارجع منه بفتح الاكسبلورر لافاجأ بان موظفي التوكيل على مايبدوا دخلوا منه موقع مش كويس لاني لما حاولت ادخل عليه لقيت الرسالة الخاصه بان هذا الموقع محجوب .. موظفي الصيانة للاسف وان كانوا اكفاء في عملهم الا ان مش شرط اخلاقهم تكون على نفس درجه الكفاءة ..

في المرة دي كان العطل كبير ( تلف الماذر بورد ) بما لايمكنني اني اعمل فورمات قبل الارسال لكن بقيت اتعجب من فضل ربنا اني لسه كنت عامله فورمات قبلها بثلاث او اربع ايام لسبب تاني خالص وكأن ربنا شاء ان ملفاتي الخاصه تكون في امان فترتبت الامور بالطريقة دي ..

في حركه تانية بعملها دائما واحتمال كبير تكون هي سبب ذلك الترتيب الرباني ..

لما بدخل اليوتيوب كتير اوي بلاقي فيديوهات مرتبطه بنت مصرية كذا او بنت سعوديه كذا او فضيحه كذا .. لما بلاقي كده مببصش عليها ابدا وبفكر ياترى كام وحده من دول مظلومه ومتصورة بالغلط او ياترى كام في بنت خسرت عرضها عشان نذل هددها بانه هينشر صورها لو معملتش .. ولو انها عارفه ان الناس مش هتبص ومش هتنقل الفيديو الخاص بيها ياترى كان هيبقى تصرفها هو نفسه ؟

عشان كل دول انا ( بستر عليهم ) فمببصش ولا بتصفح اي حاجه يكون عنوانها كده ولو حصل وعرض امامي شيء من هذا القبيل ولو بالصدفة بعرض عنه تماما وبقول اني هستر الناس دي ومش هساهم في فضيحتهم .

[وطني حر]

بصراحه يجب ان نؤمن بحاجه مهمه

وهي ان للتقنيه ضريبتها وجهها الاخر وليها مساوئها كما لها محاسن . فدي ضريبه ايضا لازم ندفع ثمنها ولكن مهما كان الثمن وهو اقتحام الخصوصيه الا انه يجب علينا الاحتياط

الاولي اننا لازم نحتاط ولكن الحيطه مش كل حاجه لكنها واجبه مثل ما ذكره الاخوان الافاضل من عده امور فنيه وتقنيه

ثانيا ان نحافظ علي بعض الخصوصيات الخاصه جدا بالبيت عبر التقنيه

النحيه الاخري وهي . اننا يجب ان ننشر ثقافه معينه لدينا وهي ثقافه الوعي . والعلم بمخاطرالتقنيه وانه لو حضرتك وصلت لك صوره من هذه الصور فقد تكون احدها صوره قريبته مثلا . فيجب عليك ان لا تنفعل و عليك ان تدرك ان هذه الصوره يمكن الحصول عليها بطرق غير ماحضرتك متخيل

[لماضة مصرية جدا]

السلام عليكم و رحمة الله و بركاته

موضوع مهم جدا استاذي جزاك الله كل خير

و استفدت كتير من مداخلات الاخوة و الاخوات فيما يتعلق بالهارد الخارجي.

بس ممكن اضيف حاجة صغيرة بس

بلاش التباسط اوي من قبل الفتيات...و خصوصا لما يكون فيه افراح...او ليلة حنة

فيه بنات كتير....بتقول خلاص طالما بنات مع بعضها يبقي مش مهم.....بس زي ما حضرتك لفتت نظرنا دلوقتي ان فيه حاجات بتنزل علي اليو تيوب غريبة جدا

و الله لو فيه قعدة بنات....أيه لزوم التصوير من اصله...!!!!

اللهم انا نسألك الستر فوق الارض و تحت الارض و يوم العرض

جزاك الله كل خير

تحياتي

[مغتربة]

للاسف الموضوع مش بالسهوله دى

فى تقنيات و برامج معينه بتقدر تستخرج بيانات و ملفات من الجهاز حتى بعد فرمته

لانه نظريا لا شيىء يمحى حقا من الجهاز

الى بيحصل لما بنعمل دليت لاى فايل انه بيحجب من على الجهاز مؤقتا فى سله المهملات

و لما بنعمل دليت من سله المهملات نفسها

فكل الى بيحصل ان كاننا بنقول للجهاز ان السبيس الى كان شاغله الفايل دا ممكن نحفظ عليه حاجه تانيه

و بالتالى فان الفايل المحذوف فى حقيقه الامر مبيكونش اتلغى لكن ببساطه اتفيل عليه حاجه تانيه

يعنى زى ما نكون غطيناه بطبقه اخرى

و اتفق فعلا مع الراى الى قال ان لكل تقدم ضريبته

حاجه تانيه مهمه

انك مش محتاج انك تاخد الجهاز للصيانه او تبيعه علشان اى حد يعرف يستخلص منه فايلات معينه

مجرد دخول الانترنت بيخلى الجهاز زى الكتاب المفتوح الى يقدر اى هاكرز يدخل عليه و ياخد الى هو عاوزه

صحيح ان برامج الحمايه بتحمى من كدا لحد كبير

بس كل برنامج حمايه و ليه ثغراتهو لو الهاكر محترف ممكن يتغلب علىه بسهوله

تم تعديل 28 يونيو 2010 بواسطة مغتربة

[hOuSsAm]

يا جماعة بجد الموضوع ده خطير جدا

لازم نعمل اتحياطتنا جامد

سعات بلاقى واحد جانبى يسحب الموبيل من قدامى ويلعب فيه

ايه ياعم الحاج رايح تعمل ايه :blush2:

نعمل باسوردات للاجهزة

انا كتير بقول ربنا يسترها واللاب بتاعى منسهوش فى اى مكان او يضيع

عليه بيانات وحجات كتيرة

وللاسف بقى موضوع سهل اوى لو حد عايزينتقم من حد يصوره ويلعب بالفوتوشوب

واحد صحبى كان فى الصين لاقى قلم عادى فيه كاميررا تصوير وفيه مومرى وبيصور بطريقة سهلة اوى يخلى اللى قدامك ميحسش بحاجة

وكان سعره رخيص اوى

ومن اكتر الحجات اللى بتعجبنى فى السعودية انهم بيكتبوا ممنوع اصحاب الموبيلات اللى بالكاميرا فى قاعات السيدات

ياريت الوعى ده ينتشر فى مصر والناس تحافظ على نفسها اكتر

للاسف بدخل على اصحابى عالفيس بوك الاقيهم عارضين صور افراحعم وظاهر فيها زوجاتهم واخواتهم بملابس سواريه ولا حول ولا قوة الا بالله العلى العظيم

ربنا يسترها معانا

[Amr Radwan]

فيه برامج مخصصة لمسح الملفات بطريقة لا يمكن استرجاعها مرة اخري ببرامج ال recovery

يعني الملف اللي بيتمسح بيتمسح فعلا .. من ال FAT و من الهارد .

البرنامج ده تحت اسم "File Shredder" و ممكن تلاقوا برامج كتير بتعمل الموضوع ده ..

و منها برامج DAP المعروف بتسريح التحميل و نقلت لكم مقطع مهم من موقعهم

What does File Shredder do? Is it the same as Delete?

File Shredder is a special kind of DELETE tool. When you Shred a file, it not only deletes it, but also make sure there's no copy in the recycle bin or any other temporary folder. It is advised to use discretion when shredding files, as there's really no way to undo it. Shredder is recommended when complete discretion and privacy are important.

There are two ways to use the File Shredder:

From DAP's main window, select the COMPLETED DOWNLOADS tab and highlight one file or more. Click the Shred toolbar button, and then click Yes inthe Confirm Shred window that appears.

You can use the Shredder tool from outside DAP, anywhere on your computer. Simply right-click on any file or folder and choose Shred from the shortcut menu. Click Yes to confirm.

TIP: You can use this method to Shred ANY file or folder, even if it wasn't acquired by DAP.

http://www.speedbit.com/faq/#faq30

تم تعديل 29 يونيو 2010 بواسطة Amr Radwan

[دكتور أحمد]

الفكرة فى الموضوع بمنتهى البسطاة ان لما بتمسح حاجة من هارد ديسك او فلاش ميمورى هى مش بتتحذف و لكن بتفضل موجودة فى الهارد ديسك مخزنة فى مكان معين و بالتالى يمكن استرجعها

الحل الجذرى للحكاية دى و هى انكم بعد ما تعملو فورمات للداتا اللى على الهارد ديسك او الفلاش ميمورى تعملو write لداتا بنفس الحجم

يعنى مثلا

ميمورى 2 جيجا عليه صور و فيديوهات و حاجات خاصة هتفرمت الميمورى و تنقل مثلا اى ملفات غير خاصة او عادى تداولها زى كتب او برامج او العاب بنفس الحجم ( 2 جيجا ) و بكدا عشان الميمورى تقدر تعمل write للداتا الجديدة لازم هتمسح المعلومات القديمة ( اللى هى الشخصية ) بعدين تعمل فورمات للميمورى و بكدا حتى لو اللى خد الميمورى حاول يرجع الداتا اللى عليها هيرجع الداتا الغير خاصة او الغير مهمة و ليست الداتا الخاصة