مصر قادرة علي حماية حدودها

[black-filly]

جاء علي لسان احمد ماهر وزير الخارجية فى جريده الاهرام ...

(أكد أحمد ماهر وزير الخارجية ان مصر قادرة علي صيانة حدودها ولا تسمح لأحد بأن يمس تلك الحدود ولو بشعرة. جاء ذلك ردا علي اسئلة الصحفيين حول بناء إسرائيل لسور حديدي مكهرب في المنطقة العازلة علي الحدود. وقال انه من الناحية القانونية ليس هناك خرق للقانون أو لمعاهدة السلام أو لحدود مصر مشيرا إلي ان الإجراء يأتي في إطار سعي إسرائيل لكي تبني سجونا للشعب الفلسطيني في كل مكان. وقال ان هذا السور جزء من سياسات إسرائيلية تمارسها في كل أجزاء الأراضي المحتلة.. )

ياترى يقصد ايه العم احمد بالناحية القانونية .. صباح الخير ياجارى انت فى حالك وانا فى حالى .. وكل واحد يروح يلعب عند بيته علشان حنرش ميه هنا .. ولما الموضوع كده والعم احمد بيردد اقوال سيده ليه السيد الاعظم وفريد زمانه في حكم مصر قام اتنفض من اسابيع ووسطات رايحة ورجال بشنبات راجعه .. علشان يسترجع لشارون اشلاء جنوده ومافيش غمضه عين ونزل دك فى الفلسطنيين وقتلهم وهدم بيوتهم على مرأي من العالم واللى مايشتري يتفرج بالالوان .. والمهم الان اتفاقيات استسلامنا لم يحدث بها اى خرق ياترى مصر حقيقي فى مامن من السفاح الاسرائيلى .. ولماذا تتخد حكومه العته والخراب سياسه المشى جوه الحيطه وعلي راسهم اس الخراب ربنا يوريى فيه يوم اوتجيله من عند ربنا امين ..

وليه احنا ماستفدناش من الاتفاقيات دي والسلام اختيارنا الاستراتيجي على راى بن مبارك عليه السلام (وياريت يكون سلام اسرائيلى) الاتفاقيات دى اكيد فيها اللى لينا واللى علينا .. وكأن كل الدور اللى ممكن نقوم بيه اننا بنشتغل للصالح الاسرائيلى .. وكل المنى بس رضا الاسياد الامريكان وعدم المواجهه من اي نوع الا مواجه العدو المشترك المتوحش اللى كل حيلته حجر ونفق..

حفظلك الله يامصر .. وحسبى الله ونعم الوكيل

[حشيش]

ولا قادرة على حماية حدودها ولا حاجة...اهو كلام وخلاص...شئ مؤسف ان يكون رد وزير خارجيتنا بهذا البرود واللا مبالاة بما يحدث لاخوتنا فى رفح pps: