رضوي بتاريخ: 27 يونيو 2010 تقديم بلاغ مشاركة بتاريخ: 27 يونيو 2010 السلام عليكم ورحمة الله وبركاته كلنا بنحلم اننا نحقق اهدافنا واحلامنا ............. كلنا عندنا طموحات عايزين نحققها كلنا طموحنا كان له تأثير علينا ............ إما بالإيجاب أو بالسلب طموحك وصلك لفين ؟؟؟؟ طموحك ........ اضافلك ايه ؟؟؟ بتقدر تحقق ماتصبو اليه من طموحات ؟؟؟ ولا طموحاتك لاتخرج لحيز التنفيذ وتكتفي فقط انك تحلم وتتمني ؟؟ دعوة لكل واحد فينا يحكلنا حكاية طموحة ......... يقولنا ازاي طموحه أثر فيه ....... وازاي وصل لهدف عمره ماكان يقدر يتخيل انه يقدر يحققة دعوة لكل مننا يحكلنا حكايتة مع الطموح تحياتي اللهم إرزقني بفرحة ... تجعلني أسجد لك باكية . رابط هذا التعليق شارك المزيد من خيارات المشاركة
رضوي بتاريخ: 27 يونيو 2010 كاتب الموضوع تقديم بلاغ مشاركة بتاريخ: 27 يونيو 2010 وطبعاً لازماً وحتماً ولابد أبدأ بنفسي طموحي وصلني لفين ؟؟؟ يمكن انا مااكتشفتش اني طموحة الا من فترة قريبة ........... واكتشفت ان طموحي عالي جداً ........ واني صعب ارضي بأي حاجة ...... ودايماً عايزة اكون في مكانة متميزة علي جميع المستويات ........... بس اكتر مسويين بهتم بيهم اوي - المستوي الاجتماعي ( علاقتي بالآخرين) - المستوي المعرفي اكتشفت كمان اني صعب اكون في مكان وماعرفش فيه كل حاجة .......... لازم ادور واعرف كل حاجة ماشية ازاي ....... علشان أقدر اتميز عن الآخرين واني معرفش اعيش في مكان حد فيه مابيحبنيش ........واني دايماً بسعي اني أكون الشخص الاول في اي مكان ........ في البيت ......في العمل ........ في الجامعة .......مع شلة الاصحاب لازم اكون شخص مهم ومرغوب فيه ومحبوب من الناس ......... علشان كدة مابحبش اعامل حد وحش ( بصراحة مابعرفش أعامل حد وحش الا لو أساء معاملتي ......... بتحول وبعاملة رسمي ) طموحي خلاني مش راضية بالبكالوريوس ........... واستحالة ارضي بالترتيب التاني ........ ولا حتي الأول مكرر معرفش اكون الا يا الاولي يا الأخيرة ........... طموحي غيرني ........... وغير تفكيري وميولي ........... خلاني ماعرفش اكون تقليدية ولازم اكون متميزة في اي مكان واي مجال كمان خلاني دايماً بدور علي البديل كمان فيه حاجات كتير ( بعيداً عن حياتي الشخصية ) تحولت من غاية لوسيلة ,,,, زي شغلي زمان كان غاية في حد ذاته ...... دلوقتي بقي وسلية لتحقيق غايات اخري ....... أهمها الالتحاق بعمل أفضل ......ودراستي ....... ....... ياتري انتوا طموحكم غير فيكم ايه ؟؟؟ وأثر فيكم ازاي ؟؟ اللهم إرزقني بفرحة ... تجعلني أسجد لك باكية . رابط هذا التعليق شارك المزيد من خيارات المشاركة
mekkawy بتاريخ: 27 يونيو 2010 تقديم بلاغ مشاركة بتاريخ: 27 يونيو 2010 يااااااااااااااه جيتي على الوجيعة يا بنتنا الصغيرة رضوى مش وجيعة عشان مفيش طموح :ninja: لأ ... وجيعة عشان نفسي أوقف الطموح اللي قاطم وسطي ده أيووون .. طموحي قاطم وسطي مخليني عامل زي المدفع الرشاش .. طخ طخ طخ طخ طخ طخ ... ورا بعضه ورا بعضه ورا بعضه .. أنا عندي (مجازاً) 26 سنة و حاسس اني بأنهج .. بأنهج جامد أوي من الجرى ورا طموحي ... أنا مش هأقول أنا الواد الفزيع اللي مفيش منه .. إنما كله توفيق من ربنا .. لكن أكبر طاقة عندي هي طاقة طموحي طموحي زمان كان نانا خالص و صغنتت أوي .. لما دخلت الكلية كان طموحي أشتغل أي حاجة تجيب 150 جنيه في الشهر عشان أجيب موبيل .. و قد كان لما وصلت سنة رابعة .. قولت بــــــــــس .. هو ده .. مدرس يا معلم ب200 جنيه في أي مدرسة .. و درسين يا برنس بـ 200 كمان .. يا خبر أبيـــــــــــــــــض روبعوووووووووووووميت جنيه يا جدعان .. و عشان كان ده طموحي و أنا لسة في الكلية فأول ما اتخرجت اتعينت في شركة كسكرتير تنفيذى بـ450 جنيه و اديت دروس بـ400 زيهم و بأة دخلي 850 .. كان حــــــــــــــــــلم بالنسبة لي و بالنسبة لصحابي كمان اللي كانوا لسة بيتنكوا و بيدوروا على شغل شوية و كان طموحي أكون مدرس و أدي دروس خصوصية باة و البلية تلعب .. قد كان .. و لعبت البلية ... و دخلي انضرب في اتنين تاني .. عشان كان عندي هدف ساعتها .. الزواااااااج ولا غيره .... كنت حاسس اني عامل زي الفاس اللي بينزل على الصخرة يفتت منها حتت لحد ما يخلصها ... يا يخلص ... بأقولكم ايه ... شوية و جي مكاوى رابط هذا التعليق شارك المزيد من خيارات المشاركة
Howayda Ismail بتاريخ: 27 يونيو 2010 تقديم بلاغ مشاركة بتاريخ: 27 يونيو 2010 السلام عليكم ورحمة الله وبركاته كلنا بنحلم اننا نحقق اهدافنا واحلامنا ............. كلنا عندنا طموحات عايزين نحققها كلنا طموحنا كان له تأثير علينا ............ إما بالإيجاب أو بالسلب طموحك وصلك لفين ؟؟؟؟ طموحك ........ اضافلك ايه ؟؟؟ بتقدر تحقق ماتصبو اليه من طموحات ؟؟؟ ولا طموحاتك لاتخرج لحيز التنفيذ وتكتفي فقط انك تحلم وتتمني ؟؟ دعوة لكل واحد فينا يحكلنا حكاية طموحة ......... يقولنا ازاي طموحه أثر فيه ....... وازاي وصل لهدف عمره ماكان يقدر يتخيل انه يقدر يحققة دعوة لكل مننا يحكلنا حكايتة مع الطموح تحياتي ياه يارضوى فكرتنى بحاجة مر عليها عشرات السنين ايام الثانوى لما كان فيه حلم انى اكون مضيفة جوية لكن فى بيتنا رفضوا الفكرة وكان النتيجة انى استسلمت واقنعت نفسى بعد كده الرضا بالمقسوم والحمد لله لكن ده لم يمنع ان اكمل تعليمى واحصل على وظيفة جيدة بمرتب كبير وكان فى فرصة للترقى لكن خفت من الفلوس وفتنتها خصوصا كانت حتأثر على بيتى وعلاقتى بزوجى فلما طلب منى ترك العمل تركته برضا نفس . باحس ان ربنا بيختار لى الاحسن وبيعوضنى عن اى طموح اتخليت عنه. الحمد لله دلوقت عندى اشياء كان ممكن الطموح يضيعها منى . خواطر swan رابط هذا التعليق شارك المزيد من خيارات المشاركة
عنبو بتاريخ: 28 يونيو 2010 تقديم بلاغ مشاركة بتاريخ: 28 يونيو 2010 كلما وصلت الى غايه اكتشف انها ليست غايه بل وسيله للوصول الى ما بعدها الغايه الوحيده هى رضى الله سبحانه وتعالى ولكن فى وقت محدد قد يكون التوقف عن الطموح هو فى نفس الوقت خطوه للوصول الى ما بعده لما الدنيا تقسى عليك اوعى تخاف منها وتكش تربس عترس فيها ياولدى هى كده متجش غير وش دوس فيها وجمد قلبك بس اياك على ضعيف تفش توصل فيها لاعلى مناصب بس اياك فى يوم تغش رابط هذا التعليق شارك المزيد من خيارات المشاركة
الغريب بتاريخ: 28 يونيو 2010 تقديم بلاغ مشاركة بتاريخ: 28 يونيو 2010 في الفترة الأخيرة .. قررت التوقف عن الطموح ، وقررت كمان التوقف عن التخطيط للمستقبل :sad: قررت أني أجيد في ما هو أمامي الآن ، أركز بشدة فيما أعمل .. بمعنى.. أركز في عملي ولا أتعطش الترقية أركز في تربية بنتي ولا أحلم بها وهي كبيرة قررت أني أبص تحت رجلي ، وممكن أبص قدامي مسافة متر أو مترين بالكتير أنما مش عشرة عشرين متر wst:: wst:: ليه بقا القرار ده ؟؟ أولا لأن ما فات من عمري تعلمت منه أني حينما أركز فيما بين يدي ، فإن التقدير عليه حتما سيأتي من الله ثانيا أغلقت صفحة الخطط بعيدة المدى والطموحات الواسعة ، لأنه أحينا تقع أقدار في الطريق تلخبط كل الخطط وساعتها هزعل وهتبرجل ومش هقدر أتصرف علشان كدة قررت أن الخطط تكون قصيرة المدى فقط أيه رأيكم بقى في الكلام ده :lol: :unsure: رابط هذا التعليق شارك المزيد من خيارات المشاركة
ساره احمد بتاريخ: 28 يونيو 2010 تقديم بلاغ مشاركة بتاريخ: 28 يونيو 2010 كل واحد خلقة ربنا اعطى له عقل يفكر بية وميزة عن سائر المخلوقات بالنعمة الكبيرة دى ربنا سبحانة وتعالي خلقنى كدة لية مااستافدش بالنعمة الكبيرة دى واستخدم النعمة الكبيرة دى في تحقيق طموحى صحيح في ناس بتحلم بس لكن ساعة التنفيذ تهرب او تحس انها مش اد اللي هي عايزاه او الحاجة دى كبيرة اوى عليها لقيت نفسي من جوايا مش عايزة ابقي كدة مش عايزة افضل مكانى واخترت الطريق الاصعب مش معقول الناس كلها بتطلع وانا واقفة مكانى من ساعتها وانا بجتهد اوى في مذاكرتى كانت في عقبات كتيرة اوى واولهم الاحباط وخصوصا من الناس اللي حواليك يمكن كمان يكونو اقرب الناس تاني حاجة من التعب اللي تعبتو في الاول زى مابيقولو اطلع من حفرة اقع مش عارفة في اية كدة بس الحمدلله مااستسلمتش الحمدلله اللي بعملو حاجة كبيرة لكن املي في ربنا كبير اوى وربنا مش بيضيع تعب حد انا حسيت الفترة الاخيرة ان مستقبلي كدة واقف علي الحاجة دى نسبيا هي طبعا غلط لان لازم يكون عندك plan B اخترت طريق صعب بس عندى اللي واقف جنبي وبيشجعنى علي الحاجة دى لما باجى اكسل ومبقاش عايزة اذاكر بحط قدامى الحاجة دى صدقونى دى كفيلة انها تدى الطاقة الكبيرة لتكملة اللي بداتة و عن أبي هريرة رضي الله عنه أن رسول الله صلى الله عليه وسلم قال من سلك طريقا يلتمس فيه علما سهل الله له به طريقا إلى الجنة رواه مسلم sara_88 رابط هذا التعليق شارك المزيد من خيارات المشاركة
اغابي بتاريخ: 28 يونيو 2010 تقديم بلاغ مشاركة بتاريخ: 28 يونيو 2010 رضوى وحشتينى - ايه المواضع اللى تعور القلب دي wst:: ما علينا . . انا طموحة جدا جدا جدا . . . لكن للاسف الشديد . . من كتر ما انا اتكعبلت فى حاجات كتير كداه . . مش حاقول بطلت احلم - لان لو بطلنا نحلم نموت . . فعلا لكن عملت لجام لطموحاتى شوية - - وحطيت عذر . . انى اعتبرت نفسي بجرى اكتر ما طاقتى بتتحمل . . انا طموحاتى انى اعمل ماجستير فى القانون الجنائي واشتغل بالمهنة ويا حبذا لو دكتورة فى الجامعة - لكن لاقيت ان الموضوع عاوز نفس طويل ووقت كتير - فقررت اجل الموضوع شوية واركز طموحى حاليا للهجرة . . ولما استقر ابدأ فى الماجستير يمكن طموحى غريب اوى لكن هو داه اللى عاوزة اعمله فى حياتى طموحى غير مرتبط بالفلوس - يمكن عكس ناس كتير - ولا البيزنس - اطلاقا . . لكن ما يمنعش انى بفهم فى امور البيزنس كويس . . لكنها مش طموحاتى . . اطلاقا . . طموحى انى اوصل لاعلى درجات العلم ثم العلم ثم العلم ثم الماجستير ثم الدكتوراه . . وي سلام لو اتحقق يا رضوى . . ليك عندى شوية جاتوه - ما حصلوش . . اغابي :unsure: نـحن البلـــــدان الحقيقـيــة فى هــذا العـــالم . . . وليـــــس مــا يرســــم فـــوق الخرائــط نـحن الرمـــوز الحقيقيــــة فى هــــذا العــالم . . . وليــــــس اسمـــــاء القـــــادة العظمــاء . . . لاننـا نحـن من صنعـناهـم فرسـان العالـم الحقيقيـون . . هــم شعــوب الارض رابط هذا التعليق شارك المزيد من خيارات المشاركة
myusername بتاريخ: 28 يونيو 2010 تقديم بلاغ مشاركة بتاريخ: 28 يونيو 2010 (معدل) ده أحلى موضوع فى المحاورات كلتها wst:: مش عارف ليه كنت اتمنى اكتب المشاركة دى من غير يوزرنيم wst:: يعنى من غير ما يتعرف ان انا اللى كاتبها :P ساعات بخاف من طموحى, و أحس انه ممكن يقتلنى... من كتر ما انا بحاول اجرى ورا هدفى بكل طاقتى, و كمان احيانا بستغل طاقات الناس اللى حواليه علشان احقق طموحاتى :unsure: طموحاتى فى حياتى كانت كلها متبلورة (حلوة متبلورة دى) حوالين أمريكا... أمريكا كانت عشقى و حبى.. و كل حاجة فى حياتى.. زمان.. كان طموحى انى اجيب كمبيوتر... ايون كمبيوتر.. علشان اقعد عالنت و أكلم أمريكان.. بس بعد حروب متتالية معرفتش اجيبه.. علشان كده قررت انى اروح اشتغل فى كافى نت, علشان اعرف اقعد عالنت براحتى.. كنت باخد ساعتها 250 جنيه باين علشان 12 ساعة شغل.. (2004) بعد كده جبت الكمبيوتر فى البيت و جبت النت.. ولما حبيت النت.. و اتعرفت على ناس فى السيليكون فالى... silicon Valley.. و هى منطقة فى كاليفورنيا مشهورة بشركات الانترنت و البرمجة و مجال تكنولوجيا المعلومات عموما... كان عندى شوية افكار.. و طموحى اخدنى انى اروح هناك و ابدأ ستارت أب startup... اتعرفت على سيدة أمريكية (2005) من اللى بيدعموا الشباب بfunding opportunity.. و شجعتنى و استثمرت مبلغ صغير فى الفكرة اللى كنت عايز اعملها.. و استمرت الستارت أب لمدة سنتين و نص تقريبا.. و حققت أرباح كويسة.. و لكن توقفت لاسباب قانونية, و بسبب عدم قدرتى على السفر لامريكا, اضطرينا نقفل الاستارت أب و نلم العدة.. طبعا اكبر العقبات فى المرحلة دى هى عدم قدرتى على السفر لامريكا.. و بصراحة الموضوع ده قتل طموحى عدة مرات.. و خلانى ادخل فى اكتئاب على فترات طويلة.. و ده أدى الى مشاكل أكبر مع السفارة الامريكية بعدين.. بعد ما اضطرينا نقفل الاستارت أب (2007)(بمعنى ننهى عقود الشراكة و قفل حساب البنك فى أمريكا, و ما يشبه السجل التجارى فى مصر tax iD)... جت لى شوية أفكار تانية.. و كان نفسى أبدأ من جديد.. و تجدد حلم السفر لامريكا و الذهاب الى السيليكون فالى.. قررت المرة دى (2008) انى اروح امريكا عن طريق الدراسة... فالتحقت بأحد البرامج الخاصة بدراسة علوم الكمبيوتر فى جامعة ستانفورد stanford university بكاليفورنيا... و لكن زى كل مرة.. التأشيرة اترفضت.. و ده أدى لمشاكل مع السفارة الامريكية.. انتهت بإنى مش هروح امريكا للابد :sad: :lol: تجدد الطموح مرة أخرى (2009).. و تجددت الاحلام... و حلم الاستارت أب فى السيليكون فالى.. و بعد ان تعددت معارفى و توسعت شبكة علاقاتى فى أمريكا.. بدأت اشتغل فى شغل تطوير المواقع بس فريلانس freelance web developer... و الحمدلله مشيت بشكل أسرع مما أتخيل.. و لان التجربة الاولى علمتنى كتير... و هذه المرة عدم قدرتى على السفر لامريكا لم تصبح عقبة على الاطلاق, خصوصا ان الوضع اختلف الان تماما عن 5 سنين فاتوا.. و مع وجود وسائل اكثر مرونة للعمل عالانترنت و نقل الاموال بشكل اسرع و تلقائى.. و دلوقتى (2010) بدأت اشتغل بشكل منظم أكتر (full time)... و الحمدلله الزبون عندى بيجى مرة و اتنين علشان اعمل له الشغل بتاعه... فيه حاجات وقعت منى و انا بحكى... يعنى مثلا من 2005 ل2007.. انا كنت بتعلم البرمجة و تطوير المواقع... و ده فادنى جدا.. خصوصا انى كنت بشترى المواد من أمريكا.. و اتعلمت ازاى افكر بنفس طريقتهم فى الشغل.. و اللى انا اتعلمته فى الفترة دى, كان هو الاساس اللى انا شغال بيه حاليا... طبعا دلوقتى فيه شوية حاجات اتغيرت فى تفكيرى.. يعنى ارتباطى العنيف بأمريكا تقريبا انتهى.. و بدأ ارتباط بكندا wst:: اللى كان نفسى احققه فى أمريكا.. ان شاء الله ناوى احققه فى كندا... و طموحى دلوقتى حاجتين... اولا انى ابذل اقصى مجهود لانهاء اجرائات الهجرة لكندا بسرعة (طبعا دى مش فى ايدى, دى فى ايد السفارة)... و ثانيا.. انى اجمع اكبر قدر من الفلوس... علشان لما ربنا ييسر و اروح كندا بعد سنة من دلوقتى... يكون معايه فلوس كفاية ابدأ هناك.. فى النهاية... لما ببص على خطوات حياتى.. و خطوات طموحى.. بحس انها مترتبة ترتيب غريب... ابتداءا من طموحى ان يبقى عندى كمبيوتر فى البيت... و انتهاءا بإن طموحى يبقى عندى ستارت أب.. اللى عايز اقوله.. انى لما اتمنيت يبقى عندى كمبيوتر.. مكانش فى دماغى انى هدخل مجال الكمبيوتر و هفكر بالطريقة اللى بفكر بيها دلوقتى.. و علشان اوضح أكتر.. لما واحد بيمشى فى طريق الطموح.. مبيبقاش فى دماغه ان الخطوة النهائية هتبقى كذا.. و لكن هو طريق بنمشى فيه.. و كل ما نوصل لخطوة.. بتتفتح قدامنا طرق جديدة... بتقوى طموحنا و توصلنا للنقطة اللى بعدها.. فى النهاية... انا بحمد ربنا على نعمة الطموح.. لان دى من المميزات القليلة اللتى امتلكها... تم تعديل 28 يونيو 2010 بواسطة myusername رب أخرجنا من القرية الظالم أهلها... Je suis Québécois et je suis fier de l'être رابط هذا التعليق شارك المزيد من خيارات المشاركة
لماضة مصرية جدا بتاريخ: 28 يونيو 2010 تقديم بلاغ مشاركة بتاريخ: 28 يونيو 2010 السلام عليكم و رحمة الله و بركاته عارفة يا رضرض و انا بقرا التوبيك علي البانر...."كن طموحا" حسيت اني لازم اسال نفسي....هو انا كده و بعدين سالت سؤال ع السؤال هو ايه يعني طموح....يعني اني احلم ببكرة....و احلم اني احقق حاجات و كده يعني....؟؟؟؟ بس حسيت مش هي دي الاجابة اللي ترضيني افتكرت زمان حوار كان بين اتنين عرفتهم في مرحلة من حياتي....ابتدوا مشروع ارتباط...و في لحظة البنت قالت لخطيبها....انت ليه مش طموح....بص لها و قال...يعني عايزاني اعمل ايه بالظبط؟؟؟ هو السؤال البني آدم الطموح دوت...مطلوب منه يعمل ايه بالظبط هل مطلوب منه انه يحلم.....زي ما يكون راكب علي حصان.....احيانا بيسابق غيره...و بعد شوية هيلاقي انه بيسابق نفسه و بس؟؟؟ هل المطلوب منه انه يبقي انسان مكافح.....يعني يجرب و يحاول و يقوم و يقف..... لانه مصدق كل خطوة هو ماشي فيها و مولود كده بهرمونات اسمها هرمونات معافرة....بيحب يعاند في كل حاجة معصلجة؟؟؟ هل هو الانسان المغامر.....اللي لما الناس بتخاف انها تجرب الجديد....تلاقيه هو كده داخل بقلب جامد....بيحب يكتشف نفسه في مواقف جديدة...يمكن توجع...يمكن تؤلم بس بتعلم؟؟؟ هل هو الانسان اللي عنده نظرة ايجابية اوي...و عنده القدرة انه يطمح فوق حدود الواقع.....لايمانه انه هيقدر يغير.....او لايمانه ان الافضل قادم لا محالة....مهما الناس قالوا عليه ده حالم و لا رومانسي و لا عايش في عالم يصنعه لوحده؟؟؟ و لا هل هو كل دول مع بعض؟؟؟ لازم يبقي كل الخلطة دي مع بعض.....زي اعلان دولسي الجديد "دخلهم يا حسين".....اخلطي المكونات دي كلها علي بعض فوق....و لازم هتطلعلك بني آدم...مقدرشي ااقولك عليه انه طموح....لكن هيبقي بني آدم يستحق ان يكون خليفة الله في الارض. و لان التوبيك في ركن الموضوعات الشخصية ما تيجوا نحكي عن مواقف صعبة مرينا بيها....يمكن نكون اتكعبلنا....بس رجعنا نقف تاني او حلم في يوم صدقناه اوي.....و كل الناس اللي حوالينا ضحكوا علي فرط سذاجتنا.....و بركم الله و فضله اتحقق احيانا بيبقي لينا حلم في حاجة...و بعدين نكتشف انها مش احنا خالص.....بس بعد ما نكون مشينا في الطريق... يا تري الغلط كان من الحلم من البداية....و لا من الطريق...و لا من دماغنا تعالوا نعيش لحظات مفرحة تنور لينا......عشان طريقنا لسه صعب....ناخد منها بقي شوية.....بنزين.....قبل ما يغلي...(ولا يكونشي غلي؟؟؟) موضوعك حلو يا رضوي صباحك......احلام....و حصان بري...لسه بيجري علي مدد الشوف فوتك بعافية رابط هذا التعليق شارك المزيد من خيارات المشاركة
لماضة مصرية جدا بتاريخ: 28 يونيو 2010 تقديم بلاغ مشاركة بتاريخ: 28 يونيو 2010 كلما وصلت الى غايه اكتشف انها ليست غايه بل وسيله للوصول الى ما بعدها الغايه الوحيده هى رضى الله سبحانه وتعالى ولكن فى وقت محدد قد يكون التوقف عن الطموح هو فى نفس الوقت خطوه للوصول الى ما بعده جبت الخلاصة يا عنبو جزاك الله كل خير رابط هذا التعليق شارك المزيد من خيارات المشاركة
myusername بتاريخ: 28 يونيو 2010 تقديم بلاغ مشاركة بتاريخ: 28 يونيو 2010 (معدل) السلام عليكم و رحمة الله و بركاتهعارفة يا رضرض و انا بقرا التوبيك علي البانر...."كن طموحا" حسيت اني لازم اسال نفسي....هو انا كده و بعدين سالت سؤال ع السؤال هو ايه يعني طموح....يعني اني احلم ببكرة....و احلم اني احقق حاجات و كده يعني....؟؟؟؟ بس حسيت مش هي دي الاجابة اللي ترضيني افتكرت زمان حوار كان بين اتنين عرفتهم في مرحلة من حياتي....ابتدوا مشروع ارتباط...و في لحظة البنت قالت لخطيبها....انت ليه مش طموح....بص لها و قال...يعني عايزاني اعمل ايه بالظبط؟؟؟ هو السؤال البني آدم الطموح دوت...مطلوب منه يعمل ايه بالظبط هل مطلوب منه انه يحلم.....زي ما يكون راكب علي حصان.....احيانا بيسابق غيره...و بعد شوية هيلاقي انه بيسابق نفسه و بس؟؟؟ هل المطلوب منه انه يبقي انسان مكافح.....يعني يجرب و يحاول و يقوم و يقف..... لانه مصدق كل خطوة هو ماشي فيها و مولود كده بهرمونات اسمها هرمونات معافرة....بيحب يعاند في كل حاجة معصلجة؟؟؟ هل هو الانسان المغامر.....اللي لما الناس بتخاف انها تجرب الجديد....تلاقيه هو كده داخل بقلب جامد....بيحب يكتشف نفسه في مواقف جديدة...يمكن توجع...يمكن تؤلم بس بتعلم؟؟؟ هل هو الانسان اللي عنده نظرة ايجابية اوي...و عنده القدرة انه يطمح فوق حدود الواقع.....لايمانه انه هيقدر يغير.....او لايمانه ان الافضل قادم لا محالة....مهما الناس قالوا عليه ده حالم و لا رومانسي و لا عايش في عالم يصنعه لوحده؟؟؟ و لا هل هو كل دول مع بعض؟؟؟ لازم يبقي كل الخلطة دي مع بعض.....زي اعلان دولسي الجديد "دخلهم يا حسين".....اخلطي المكونات دي كلها علي بعض فوق....و لازم هتطلعلك بني آدم...مقدرشي ااقولك عليه انه طموح....لكن هيبقي بني آدم يستحق ان يكون خليفة الله في الارض. و لان التوبيك في ركن الموضوعات الشخصية ما تيجوا نحكي عن مواقف صعبة مرينا بيها....يمكن نكون اتكعبلنا....بس رجعنا نقف تاني او حلم في يوم صدقناه اوي.....و كل الناس اللي حوالينا ضحكوا علي فرط سذاجتنا.....و بركم الله و فضله اتحقق احيانا بيبقي لينا حلم في حاجة...و بعدين نكتشف انها مش احنا خالص.....بس بعد ما نكون مشينا في الطريق... يا تري الغلط كان من الحلم من البداية....و لا من الطريق...و لا من دماغنا تعالوا نعيش لحظات مفرحة تنور لينا......عشان طريقنا لسه صعب....ناخد منها بقي شوية.....بنزين.....قبل ما يغلي...(ولا يكونشي غلي؟؟؟) موضوعك حلو يا رضوي صباحك......احلام....و حصان بري...لسه بيجري علي مدد الشوف فوتك بعافية و عليكم السلام و رحمة الله وبركاته... يا سلام... استاذة و الله :unsure: الانسان الطموح مطلوب منه ايه؟ معتقدش ان الانسان الطموح مطلوب منه حاجة.. بالعكس تماما.. ده هو اللى طالب.. هو اللى عايز.. و هو اللى بيجرى ورا هدفه.. مينفعش نجيب واحد معندهوش طموح.. او طموحه ضعيف و نقول له: اعمل كذا و كذا.. و انتا هتبقى طموح.. لازم الطموح يكون نابع من الشخص نفسه... جزء من شخصيته.. جزء من تركيبته و طريقة تفكيره.. اصل الطموح ده عبارة عن معادلة رياضية متركبة.. شوية حاجات مع بعضها.. و بنستخدمها مع اى طريق.. بيل جيتس مقالش انا هبقى صاحب اكبر شركة برمجيات فى العالم, و لكن هى خطوات ورا بعضها.. و كل خطوة بتجيب اللى بعديها.. الطموح هو انك تقدر تشوف الخطوة اللى بعديها و تمشيها.. فيه ناس فاكرين ان الطموح انك تخطط ل20 سنة قدام.. معتقدش ان هو ده الطموح تحديدا... الطموح انك تحلم بخطوة صغيرة.. و لما تحققها.. بتلاقى طرق قدامك اتفتحت.. و على حسب طموحك.. هتدخل فى الطريق اللى هيوصلك لخطوة جديدة.. بالنسبة بقى لموضوع ان الناس تضحك عالهبل اللى انتا بتحلم بيه.. على فكرة ده بيحصل معاية طول الوقت.. و احيانا لما بنعيش مع ناس عقولهم متحجرة.. بيقفوا عقبة فى طريقنا و بيأخرونا حبتين عن طموحاتنا.. يعنى لا هما فاهمين, ولا سايبيننا نعمل اللى احنا عايزينه wst:: الغريبة بقى ان بعد سنتين تلاتة.. لما يشوفوا نتيجة اللى انتا كنت بتحلم بيه.. يشوفوه ملموس فى فلوس كسبتها او حاجة اتعلمتها.. بيبدأوا يقولوا لك معلش احنا مكانش قصدنا نعطلك و كنا عايزين مصلحتك :lol: و بصراحة اكتر هى دى كانت مشكلتى دايما.. ان فيه ناس فى حياتى وقفوا عقبة فى طريق تحقيق اللى انا عايزه.. و لكن الحمدلله اصبحوا لا يشكلوا اى عقبة دلوقتى :sad: تم تعديل 28 يونيو 2010 بواسطة myusername رب أخرجنا من القرية الظالم أهلها... Je suis Québécois et je suis fier de l'être رابط هذا التعليق شارك المزيد من خيارات المشاركة
مغتربة بتاريخ: 28 يونيو 2010 تقديم بلاغ مشاركة بتاريخ: 28 يونيو 2010 ليه تيجى على الجرح يا رضوى لان عقدتى فى حياتى طموحى بجد لان الشيىء لما بيزيد عن حده خايفه انه ينقلب لضده طموحى مخلينى مش مريحه نفسى ما برضاش منها باقل هفوه و لا بلتمس لها اى عذر و لا بغفر لها اى تقصير حتى لو ماكنش تقصير بالمعنى المفهوم هدفى محدداه بدقه و كل تركيزى منصب عليه نفسى ساعه واحده اعرف اكبر دماغى للاسف مش عارفه ما اجمل الانوثه عندما تمتطى صهوه الحياه رابط هذا التعليق شارك المزيد من خيارات المشاركة
mekkawy بتاريخ: 28 يونيو 2010 تقديم بلاغ مشاركة بتاريخ: 28 يونيو 2010 إزيكم يا طماحجية أيووون .. طماحجية .. يعني أصحاب الطموح .. واضح إننا هنا و بجد ما شاء الله في وسط صفوة المجتمع من الناجحين عمليا و اجتماعياً .. الله أكبر عليكم يا شباب و الله و أحب أضيف ... إن و زي ما كتير قالوا الطموح مش هو بس الرغبة .. أو الخطة .. أو النفس (بالكسرة) ... إنما الطموح هو التنفيذ .. النفس الطويل .. القدرة على سير الخطوات المرسومة .. زي ما أخونا يوزر قال إن كان فيه احباطات كتير .. و مع ذلك هو أصر و كمل و كان اكبر من الاحباطات دي .. ده إنسان طموح ... الطموح من غير عزيمة و اصرار يبقى اسمه رغبة مش طموح .. إنما الرغبة + العزيمة + الاصرار = الطموح ... زي ما قال أخونا يوزر بردو .. شوية حاجات جنب بعضيها :happy: لأن لو كان الطموح هو الرغبة .. يبا قشطة .. كل البشر طموحة .. إنما لأ و ألف لأ .. أمال إزاي في الفاشل و الناجح و العادي أخدني أوي كلام الفاضلة رضوي عن التميز و التفرد .. فعلاً دي مشكلة .. أنا ماشي بنظام (ليه تبقى التاني لما ممكن تبقى الأول) مصانع دكتور أحمد مكاوي و شركاه دايماً لا أرضى بالمرتبة التانية .. حتى لو في حاجة ماليش فيها .. هيبقى ليا فيها و هأكون في المرتبة الأولى .. الصراحة أنا ما اتخلقتش كدة .. لأني في الكلية كنت في المرتبة الـ340 تقريباً .. إنما ده حصلي بعد ما خرجت من الكلية و اطحنت في سوق العمل ... و سوق الحيـــــــــــاة .. عرفت يعني ايه تكون الأول في بر والديك .. يعني ايه تكون الأول عند زوجتك .. يعني ايه تكون الأول عند اصحابك .. ازاي تكون الأول في عيلتك .. في تقاريرك .. في حضورك و ظهورك في المحافل العامة .. في لبسك .. في مشيتك .. في علاقتك بربك .. في حاجات كتير أوي .. كان لازم أكون فيها الأول .. أكيد أنا ما نجحتش أكون الأول في ده كله طبعاً .. Mr. Perfect DOES NOT Exist .. إنما اللي نجحنا فيه نجحنا .. و اللي ما نجحناش أدينا بنحاول .. بس معادلة صعبى أوي على النفس إنك ترغمها إنها لا تقبل الا المركز الأول .. يااااه .. و الله صعبة أخويا الغريب ... بأحييك على المفهوم الجديد للطموح .. مش لازم فعلاً يكون الطموح بعيـــــــــــــد .. إنما ممكن يكون تاتا تاتا و امشي بالراحة توصل بسرعة .. بجد أضفتلي و غيرتلي نظرة كنت تعبت منها و بأدور على حل ليها الفاضلة لماضة ... أستـــــــــــــــاذ يا وديع الفاضلة أغابي منكن الأوسة تبا طالبة عندك في الجامعة و تديها تقدير عالي؟؟ لو ضمنتيلي الموضوع ده هأدخلهالك حقوق كيبيك :lol: بس خلي بالك هتبا بنقاب مكاوى .. رابط هذا التعليق شارك المزيد من خيارات المشاركة
رضوي بتاريخ: 28 يونيو 2010 كاتب الموضوع تقديم بلاغ مشاركة بتاريخ: 28 يونيو 2010 السلام عليكم ورحمة الله وبركاته لما جتلي فكرة التوبيك ......... كنت متأكدة ان عندنا في المحاورات اخوة واخوات كتير جداً يملؤهم الطموح والعمل الجاد بس ماكنتش اعرف انهم كلهم بالعقلية المتفتحة والواعية دي ............ ماشاء الله عليكم عارفين بالظبط عايزين ايه ............ مش بس كدة ........... كمان عارفين يعني ايه طموح اصلاً بجد حاجة تشرف اوي ان كلنا مصريين ( مصر لازم تفخر ) اللهم إرزقني بفرحة ... تجعلني أسجد لك باكية . رابط هذا التعليق شارك المزيد من خيارات المشاركة
رضوي بتاريخ: 28 يونيو 2010 كاتب الموضوع تقديم بلاغ مشاركة بتاريخ: 28 يونيو 2010 ياه يارضوى فكرتنى بحاجة مر عليها عشرات السنين ايام الثانوى لما كان فيه حلم انى اكون مضيفة جوية لكن فى بيتنارفضوا الفكرة وكان النتيجة انى استسلمت واقنعت نفسى بعد كده الرضا بالمقسوم والحمد لله لكن ده لم يمنع ان اكمل تعليمى واحصل على وظيفة جيدة بمرتب كبير وكان فى فرصة للترقى لكن خفت من الفلوس وفتنتها خصوصا كانت حتأثر على بيتى وعلاقتى بزوجى فلما طلب منى ترك العمل تركته برضا نفس . باحس ان ربنا بيختار لى الاحسن وبيعوضنى عن اى طموح اتخليت عنه. الحمد لله دلوقت عندى اشياء كان ممكن الطموح يضيعها منى . عارفة ياهند ............... ان الكلمتين المتلونيين دول بيبنوا اد ايه انتي انسانة علي خلق ودين ؟!!!!!!!!! لما تلاقي ان شغلك ووضعك المادي ومكانتك في المجتمع كامرأة عاملة ممكن تأثر بالسلب علي بيتك وزوجك وأولادك ......... وتسيبي كل دة وترميه ورا ضهرك علشان خاطر بيتك ............ تبقي انتي فعلاً انسانة طموحة ايوة ........... طموحة ماانا مكانتي الاجتماعية ووضعي وكياني لايقارن ولايمكن ان يوضع في مقارنة مع بيتي وزوجي وأولادي ........... لأنهم بياخدوا الاولوية الاولي قبل اي حاجة تانية ............ هما كياني ووضعي بيهم يكبر .......... لكن عمر ماكان العمل والعلم بيحققوا الكيان علي حساب البيت والاسرة اللي هتدمر بسببهم عجبتيني اوي لما قلتي .......... لما جوزي طلب مني اسيب الشغل ....... سبته عن طيب خاطر ياسلام عليكي .......... بجد رائعة ودي نقطة ماحدش يعرفها فيا .......... كل اللي يعرفوني متخيليين اني استحالة اتنازل عن حياتي ووظفتي وتعليمي ........ بس في الواقع اني لو لقيتهم هيأثروا علي بيتي ........... هقول ( ايكشي تولع ) واقعد في بيتي واقوم بوظفتي اللي ربنا امرني بيها وهو دة بجد الطموح ........... عكس ماناس تانية بتتخيل ان الطموح برة البيت بقولهم لأ .......... الطموح ماينفعش يكون علي حساب البيت ........ لأنه بكدة هيغضب ربنا وهيدمر الحياه تحياتي :happy: اللهم إرزقني بفرحة ... تجعلني أسجد لك باكية . رابط هذا التعليق شارك المزيد من خيارات المشاركة
من بعيد بتاريخ: 28 يونيو 2010 تقديم بلاغ مشاركة بتاريخ: 28 يونيو 2010 في الفترة الأخيرة .. قررت التوقف عن الطموح ، وقررت كمان التوقف عن التخطيط للمستقبل :lol: قررت أني أجيد في ما هو أمامي الآن ، أركز بشدة فيما أعمل .. بمعنى.. أركز في عملي ولا أتعطش الترقية أركز في تربية بنتي ولا أحلم بها وهي كبيرة قررت أني أبص تحت رجلي ، وممكن أبص قدامي مسافة متر أو مترين بالكتير أنما مش عشرة عشرين متر :lol: :lol: ليه بقا القرار ده ؟؟ أولا لأن ما فات من عمري تعلمت منه أني حينما أركز فيما بين يدي ، فإن التقدير عليه حتما سيأتي من الله ثانيا أغلقت صفحة الخطط بعيدة المدى والطموحات الواسعة ، لأنه أحينا تقع أقدار في الطريق تلخبط كل الخطط وساعتها هزعل وهتبرجل ومش هقدر أتصرف علشان كدة قررت أن الخطط تكون قصيرة المدى فقط أيه رأيكم بقى في الكلام ده :lol: :happy: انا عاده بحب اعلق على جمله او سطر من كلام احد الاعضاء لو الكلام له صدى عندى انما المرده كلام حضرتك كله يستحق التعليق والقراءه والتفكر هو ايه معنى كلمه طموح؟ طموح مصدر للفعل الماضى طمح (مبنى على الفتح) على وزن طمع وهى ايضا(الكلمه) مصدر وفعل ماض فى نفس الوقت مش عارف ليه كلمه طموح دى بتترجم معايا بشكل تلقائى الى طمع طمعان طماع عايز حاجه ممكن تكون بتاعته وممكن تكون لأ عايز حاجه هو ممكن يكون فى غنى عنها عايز عايز عايز وفى النهايه ممكن تكون ايه وممكن يبقى عندك ايه؟ كما قلت يا يااخى الفاضل الطموح يتطلب مجهود يجعل المرء فى حاله حرب دائمه مع النفس ومع الاخرين ومع الزمان والمكان وفى بعض الحالات يكون الانسان فى احتياج الى هدنه ولو لفتره قصيره لالتقاط انفاسه وترتيب صفوفه لممارسه الكر والفر من جديد هذه الهدنه التى يكون الانسان فى اشد الحاجه اليها تتطلب تنازلات من الجائز ان تكون ماديه او معنويه هل نحن على استعداد لتقديم هذه التنازلات؟ من قال لا اعلم فقد افتى رابط هذا التعليق شارك المزيد من خيارات المشاركة
Diab بتاريخ: 28 يونيو 2010 تقديم بلاغ مشاركة بتاريخ: 28 يونيو 2010 في الفترة الأخيرة .. قررت التوقف عن الطموح ، وقررت كمان التوقف عن التخطيط للمستقبل :lol: قررت أني أجيد في ما هو أمامي الآن ، أركز بشدة فيما أعمل .. بمعنى.. أركز في عملي ولا أتعطش الترقية أركز في تربية بنتي ولا أحلم بها وهي كبيرة قررت أني أبص تحت رجلي ، وممكن أبص قدامي مسافة متر أو مترين بالكتير أنما مش عشرة عشرين متر :lol: :lol: ليه بقا القرار ده ؟؟ أولا لأن ما فات من عمري تعلمت منه أني حينما أركز فيما بين يدي ، فإن التقدير عليه حتما سيأتي من الله ثانيا أغلقت صفحة الخطط بعيدة المدى والطموحات الواسعة ، لأنه أحينا تقع أقدار في الطريق تلخبط كل الخطط وساعتها هزعل وهتبرجل ومش هقدر أتصرف علشان كدة قررت أن الخطط تكون قصيرة المدى فقط أيه رأيكم بقى في الكلام ده :lol: :happy: كلام سليم مية في المية نجاح الخطط طويلة المدي ماهي إلا تراكم اتقان لخطط متوسطة وقصيرة المدي أن تأتي متأخراً خيراً من أن لا تأتي أبداً Better Late Than Never رابط هذا التعليق شارك المزيد من خيارات المشاركة
mekkawy بتاريخ: 28 يونيو 2010 تقديم بلاغ مشاركة بتاريخ: 28 يونيو 2010 أخويا دياب اسمحلي و بمناسبة الكلام عن الطموح و الجهد و النجاح أقتبس منك الآتي Genius is one percent inspiration and ninety nine percent perspiration & great efforts فكلنا ممكن نكون عباقرة و ناجحين و متفوقين جداً آخر حاجة لو حققنا المعادلة دي ... و شكراً مكاوى رابط هذا التعليق شارك المزيد من خيارات المشاركة
الغريب بتاريخ: 28 يونيو 2010 تقديم بلاغ مشاركة بتاريخ: 28 يونيو 2010 (معدل) انا عاده بحب اعلق على جمله او سطر من كلام احد الاعضاء لو الكلام له صدى عندى انما المرده كلام حضرتك كله يستحق التعليق والقراءه والتفكر هو ايه معنى كلمه طموح؟ طموح مصدر للفعل الماضى طمح (مبنى على الفتح) على وزن طمع وهى ايضا(الكلمه) مصدر وفعل ماض فى نفس الوقت مش عارف ليه كلمه طموح دى بتترجم معايا بشكل تلقائى الى طمع طمعان طماع عايز حاجه ممكن تكون بتاعته وممكن تكون لأ عايز حاجه هو ممكن يكون فى غنى عنها عايز عايز عايز وفى النهايه ممكن تكون ايه وممكن يبقى عندك ايه؟ كما قلت يا يااخى الفاضل الطموح يتطلب مجهود يجعل المرء فى حاله حرب دائمه مع النفس ومع الاخرين ومع الزمان والمكان وفى بعض الحالات يكون الانسان فى احتياج الى هدنه ولو لفتره قصيره لالتقاط انفاسه وترتيب صفوفه لممارسه الكر والفر من جديد هذه الهدنه التى يكون الانسان فى اشد الحاجه اليها تتطلب تنازلات من الجائز ان تكون ماديه او معنويه هل نحن على استعداد لتقديم هذه التنازلات؟ لا أختلف معك ولا أنفي الطموح ولكن ما قولته يعبر عن تجاربي السابقة ولا يعني أبدا أني تركت الطموح لأنه لازمة من لوازم البشر فلابد لمن بدأ الدراسات العليا أن يطمح إلى أعلى مراتبها وهي الدكتوراة لأن أمره بيديه وبقدر أجتهاده سيصل في درجات الدراسات العليا في مثل هذا الموقف يستحيل أن يكون الإنسان غير طموح ، ولكن هناك أشياء أخرى لا تملك أنت بمفردك الترقي بها مثل العمل مثلا يعتمد على تقييم الآخرين لدورك فهنا لزاما عليك أن تجتهد وتركز ولا تتعطش "وليس تطمح" للترقية وتكون متيقن أن الله سيكافئك على تركيزك ولو في غير مكان عملك.. أرجو الا أكون خرجت عن الموضوع نجاح الخطط طويلة المدي ماهي إلا تراكم اتقان لخطط متوسطة وقصيرة المدي كلمة رائعة للغاية أخي دياب أخويا دياباسمحلي و بمناسبة الكلام عن الطموح و الجهد و النجاح أقتبس منك الآتي Genius is one percent inspiration and ninety nine percent perspiration & great efforts فكلنا ممكن نكون عباقرة و ناجحين و متفوقين جداً آخر حاجة لو حققنا المعادلة دي ... و شكراً مكاوى أخي مكاوي.. أسمحلي أنزل بالترجمة (إن الله لا يضيع أجر من أحسن عملا) تم تعديل 28 يونيو 2010 بواسطة الغريب رابط هذا التعليق شارك المزيد من خيارات المشاركة
Recommended Posts
انشئ حساب جديد أو قم بتسجيل دخولك لتتمكن من إضافة تعليق جديد
يجب ان تكون عضوا لدينا لتتمكن من التعليق
انشئ حساب جديد
سجل حسابك الجديد لدينا في الموقع بمنتهي السهوله .
سجل حساب جديدتسجيل دخول
هل تمتلك حساب بالفعل؟ سجل دخولك من هنا.
سجل دخولك الان