ممكن سؤال

[pocy]

السلام عليكم ورحمه الله وبركاته

اخواتى وإخوانى فى الله :/

ممكن سؤال ؟؟؟؟؟؟؟؟؟؟؟؟؟

جهزت نفسك لرمضان ولا لسه طب تعالوا شاركونى هتعملوا ايه فى رمضان وازاى الواحد يزود عبادته في هذا الشهر المبارك ؟؟؟؟؟؟؟؟؟؟؟؟؟؟؟؟؟

[عنبو]

ايه المواضيع الجميله دى

ان شاء الله ناوى اصلى التراويح فى الحرم كل اسبوع

ناوى ميبقاش همى الاول انى اختم القرأن فى رمضان على قدر ما يبقى همى الاول انى أقرأ القرأن بتفسيره

[رضوي]

حبيبتي بوسي

هي دي الأسئلة الجامدة والتوبيكات الجامدة

جهزت نفسي لرمضان ازاي ؟؟؟؟

الحمد لله ....... نفسي أختم القرآن الكريم أكتر من مرتين السنة دي ( ماعرفش ازاي ) ......... كمان ان شاء الله عايزة أقوم الليل أكتر .....( كل سنة بقوم الليل في العشرة الاواخر بس ....... السنة دي ان شاء الله أبدأ من الأول )

برده عايزة أصلي التراويح في الجامع ....... كل سنة بصليها في البيت

والسنة دي بقي ان شاء الله عايزة اراجع علي ماحفظت من القرآن الكريم ( علشان حاسة اني مش حفظاه زي الأول )

وربنا يوفقنا كلنا

وكل سنة وانتي طيبة ياقمر والامة الاسلامية بخير كلها يارب

[engmido]

بارك الله فيكم واعانكم على الخير وتقبل منكم

[mekkawy]

أنا جــــــــــــــــــــــــى

بس شوية كدة

[myusername]

ايه المواضيع الجميله دى

ان شاء الله ناوى اصلى التراويح فى الحرم كل اسبوع

ناوى ميبقاش همى الاول انى اختم القرأن فى رمضان على قدر ما يبقى همى الاول انى أقرأ القرأن بتفسيره

يا بختك... خليتنى اشتاق للبيت الحرام.. :blink:

شكلى كده هروح اعمل عمرة رمضان اللى جى باذن الله... بس انتوا ادعوا لنا

[pink rose]

ربا يباركلك في بيتك و ابنك يا بوسي

اللهم آمين

هاعترفلكم اعتراف من باب تأنيب النفس

انا ما بقيتش احس برمضان زي زمان

اه و الله بقى شهر زي باقي شهور السنة

صايمة اه صايمة الحمدلله لكن حاسة قلبي متغير

كل سنة اقول لا كده ما ينفعش ابدا لازم السنة اللي جاية احترم نفسي و اتعدل

و تعدي السنة و اللي بعدها و انا ايه اخري اخري صايمة

مش هاقول ان التقصير مني بقصد لكن باتحمل جزء كبير منه و اتمنى ان الله يسامحني

كل سنة في نص رمضان هوب نشد الرحال على مصر و في مصر بقى ما ادراكم واخدين طريق مصر اسكندرية الصحراوي قياسة

السنة الي فاتت قبل ما ننزل كنت باصلي التراويح ما بين المسجد و ما بين البيت و باختم جزء في التراويح

17 رمضان نزلنا و بالعربية و المرمطة تشتغل بقى بين القاهرة و اسكندرية بيروح مني الشهر بتفرط زي عقد اللولي

و الله ما عارفه اعمل ايه

ادعولي السنة دي ربنا يرضى عني و اعرف اتم الشهر زي ما باتمنى

اللهم بارك لنا في رجب و شعبان و بلغنا رمضان

[لماضة مصرية جدا]

السلام عليكم و رحمة الله و بركاته

اللهم بلغنا رمضان

دعوة كل واحد فينا بيقولها بقلبه اوي....و بيحمد ربنا لما يبلغه ربنا عان بيحس ان ربنا بلغه الفرصة التي لا تتكرر

سؤالك يا بوسي هنعمل ايه في رمضان

كل واحد مننا بيفضل يوعد نفسه و ينيمها انا هعمل كده في رمضان

بس رمضان ع كل الاجر الي فيه و الفضل الكريم اللي كلنا بنتسابق اليه...لازال شهر واحد في السنة...و رب رمضان هو رب كل الشهور

معاكي ان العبادة لازم تبقي اكتر في رمضان....بس عشان نوصل لده....فلازم تدريب

فاكرة لما كنا بنتدرب ع الصيام...كان استحالة ان احنا ناخد اليوم كله كده مرة واحدة كنا بناخده مراحل

نفس الحكاية مع رمضان

مش لازم نسنتني لما يجي

ما تيجوا ندرب نفسنا من دلوقتي

اللي لسه مختمشي القرآن...يلحق يختمه عشان مع رمضان تبقي بداية جديدة

تعالوا نتدرب ع الصيام في الحر ده....و نحيي سنة الاثنين و الخميس

تعالوا نعود رجلينا علي القيام.....بالليل و الناس نايمة نصلي ركعتين.....مش لازم في الجامع....بس خلونا في خلوة.....محدش يشوفنا....احنا و ربنا و هذا يكفي جدا جدا

تعالوا نتعاهد من النهاردة كل يوم يبقي لينا موعد مع الذكر.....نقول مثلا كل يوم لازم اصلي علي الرسول صلي الله عليه و سلم 1000 مرة

تعالوا نجدد النية....يعني حتي في ابسط عباداتنا و تفاصيل حياتنا...انا نازلة الشغل.....انا هطبخ النهاردة....انا هشتري طلبات البيت....دي كلها نية ان ده سعي في الارض زي ما ربنا امرنا....و الله هنحس ان التفاصيل التقيلة دي بقت اسهل و امتع لان بقي وراها معني اهم

تعالوا نقول و انا بجهز خزين رمضان طب عملت حسابي في كام شنطة رمضان كده ع جنب لحد انا عارفة انه محتاجها.....اجهز شنطة زي بتاعت بيتي و اروح بنفسي اوديها...و لو انا في بلد تانية.....حركوا اصحابكوا اللي في مصر انهم يستمروا عليها

تعالوا نقول لنفسنا النهاردة هختار آية واحدة هقراها....و هخليها دي شعار اليوم بتاعي النهاردة...افضل افكر فيها.....و اتدبرها و اكررها طول اليوم

تعالوا ندور علي عبادة منسية.....انا مكنتش بعملها قبل كده او نسيتها و دلوقتي وقتها اني اعافر و ارجع اعملها تاني....(الشيخ بتاعي قالي يا بنتي حتي لما بتطلعي السلم فيه دعاء كتير مننا بينسي يقوله....و حتي و انتي نازلة من ع السلم....شفتوا بقي ازاي)

مش لازم نستني رمضان لما يجي....احنا بندعي اللهم بلغنا رمضان.....طب لو متنا قبله....ليه منكونشي مستعدين

اللهم بلغنا رمضان

آمين

و نسالكم صالح الدعاء

[لماضة مصرية جدا]

ربا يباركلك في بيتك و ابنك يا بوسي

اللهم آمين

هاعترفلكم اعتراف من باب تأنيب النفس

انا ما بقيتش احس برمضان زي زمان

اه و الله بقى شهر زي باقي شهور السنة

صايمة اه صايمة الحمدلله لكن حاسة قلبي متغير

السلام عليكم و رحمة الله و بركاته

تصدقي يا ريمو الكلمة اللي فوق دي

وجعتلي قلبي اوي

احنا بنصوم اه....بس قلبي لسه متغيرشي

قلبي لسه علي حاله قبل الصيام....يبقي الصيام عمل ايه؟؟؟ غير ايه؟؟؟

عارفة يا ريمو

هو القلب...مفتاح العبادة

العبادة في معظمها حركات جسدية بس لما بترتبط بالقلب....ياااااااااااه كل حاجة بيبقي ليها معني و بتتغير...و هو ده المطلوب

يبقي نقطة البداية زي ما انتي قولتي....

قلبي

هو ترمومتر عبادتي

عارفة يا ريمو.....دي نعمة من ربنا انك حسيتي كده

لان ده معناه نفس لوامة عمالة تزققك عشان تبقي احسن

و النفس دي جواكي...محدش هيقولك عليها

يبقي اي عباددة تعمليها من دلوقتي لغاية رمضان باذن الله اسالي نفسك....ياتري قلبي اتغير....يا تري قلبي اتعلق بربنا اكتر

و هتلاقي كل عبادة بتوديكي علي عبادة تانية....و مش هتحسي بس ان رمضان بقي صيام.....ده بقي غسيل قلوب

و الله محتاجينه اوي

ابتدي..من النهاردة...من دلوقتي حالا

مش انتي بس كلنا

في امان الله

[لماضة مصرية جدا]

ايه المواضيع الجميله دى

ان شاء الله ناوى اصلى التراويح فى الحرم كل اسبوع

ناوى ميبقاش همى الاول انى اختم القرأن فى رمضان على قدر ما يبقى همى الاول انى أقرأ القرأن بتفسيره

السلام عليكم و رحمة الله و بركاته

ياااااااااااااه يا محمد...طب ممكن الواحد يغبطك

الحرم.....رمضان.....التروايح

يااااااااااااااااه... يا رب اكتبهالنا و كل مشتاق

ادعلنا معاك يا محمد

[hOuSsAm]

السلام عليكم و رحمة الله و بركاته

اللهم بلغنا رمضان

دعوة كل واحد فينا بيقولها بقلبه اوي....و بيحمد ربنا لما يبلغه ربنا عان بيحس ان ربنا بلغه الفرصة التي لا تتكرر

سؤالك يا بوسي هنعمل ايه في رمضان

كل واحد مننا بيفضل يوعد نفسه و ينيمها انا هعمل كده في رمضان

بس رمضان ع كل الاجر الي فيه و الفضل الكريم اللي كلنا بنتسابق اليه...لازال شهر واحد في السنة...و رب رمضان هو رب كل الشهور

معاكي ان العبادة لازم تبقي اكتر في رمضان....بس عشان نوصل لده....فلازم تدريب

فاكرة لما كنا بنتدرب ع الصيام...كان استحالة ان احنا ناخد اليوم كله كده مرة واحدة كنا بناخده مراحل

نفس الحكاية مع رمضان

مش لازم نسنتني لما يجي

ما تيجوا ندرب نفسنا من دلوقتي

اللي لسه مختمشي القرآن...يلحق يختمه عشان مع رمضان تبقي بداية جديدة

تعالوا نتدرب ع الصيام في الحر ده....و نحيي سنة الاثنين و الخميس

تعالوا نعود رجلينا علي القيام.....بالليل و الناس نايمة نصلي ركعتين.....مش لازم في الجامع....بس خلونا في خلوة.....محدش يشوفنا....احنا و ربنا و هذا يكفي جدا جدا

تعالوا نتعاهد من النهاردة كل يوم يبقي لينا موعد مع الذكر.....نقول مثلا كل يوم لازم اصلي علي الرسول صلي الله عليه و سلم 1000 مرة

تعالوا نجدد النية....يعني حتي في ابسط عباداتنا و تفاصيل حياتنا...انا نازلة الشغل.....انا هطبخ النهاردة....انا هشتري طلبات البيت....دي كلها نية ان ده سعي في الارض زي ما ربنا امرنا....و الله هنحس ان التفاصيل التقيلة دي بقت اسهل و امتع لان بقي وراها معني اهم

تعالوا نقول و انا بجهز خزين رمضان طب عملت حسابي في كام شنطة رمضان كده ع جنب لحد انا عارفة انه محتاجها.....اجهز شنطة زي بتاعت بيتي و اروح بنفسي اوديها...و لو انا في بلد تانية.....حركوا اصحابكوا اللي في مصر انهم يستمروا عليها

تعالوا نقول لنفسنا النهاردة هختار آية واحدة هقراها....و هخليها دي شعار اليوم بتاعي النهاردة...افضل افكر فيها.....و اتدبرها و اكررها طول اليوم

تعالوا ندور علي عبادة منسية.....انا مكنتش بعملها قبل كده او نسيتها و دلوقتي وقتها اني اعافر و ارجع اعملها تاني....(الشيخ بتاعي قالي يا بنتي حتي لما بتطلعي السلم فيه دعاء كتير مننا بينسي يقوله....و حتي و انتي نازلة من ع السلم....شفتوا بقي ازاي)

مش لازم نستني رمضان لما يجي....احنا بندعي اللهم بلغنا رمضان.....طب لو متنا قبله....ليه منكونشي مستعدين

اللهم بلغنا رمضان

آمين

و نسالكم صالح الدعاء

الفاضلة لماضة

بجد ربنا يكرمك عالبؤين دول انا كنت داخل اقولهم بس سبقتيين بالثواب

هضيف رتوش بسيطة

ممكن فى رمضان الجاى ده نعاهد ربنا عالتوبة واننا مش هنعصيه تانى

ممكن فى رمضان ده نتوب عن ذنب واحد من الذنوب الكتيرة اللى بنعملها

هدفنا هيكون انى لازم اكون رقم واحد عالاقل بيعبد ربنا فى العالم

هعبد ربنا بطريقة محدش يتفوق عليا فيها

هخلى العادات عبادات يعنى وانا شغال وبعمل شيت الاكسيل عشان التقرير يطلع بطريقة شيك مديرى يتبسط منه هتكون دى طريقة عبداة عشان ربنا يرضى عنى وعن شغلى وهيبقى هدفى انى اكون رقم واحد فى شغلى والنية خالصة لله

لما ميكاوى هيتصل بيا ويقولى كل سنة وانت طيب والنية خالصة لله هيبقى هدفه انه يكون رقم واحد فى العبادة دى

لما تقف تصلى سواء فى الجامع اللى جنب البيت او فى مكة او المدينة او اى مكان فى الارض هيبقى هدفك انك تكون رقم واحد فى الخشوع

هركز السنة دى اوى انى ارجع العادات عبادات تانى زى زمان وهكون رقم واحد فى كل شئ بعمله

-------------------

فوكيرة تانية جتلى دلوقتى

معظم اللى دخل التوبيك بيشتغل فى الخليج وفى الغالب معاه ناس مش مسلمين

عايزيين نوصلهم مدى سعادتنا برمضان ومدى الفوايد سواء النفسية او الصحية او الايمانية اللى بتعود علينا من الصيام

ومدى رحمة ربنا لينا انه فرض علينا الصيام وليه فرضه

الناس دى بتحترم عبادتنا اوى وبيبقوا حرصين على احترام مشاعرنا فى الوقت ده وعندهم شغف كمان انهم يعرفوا تفاصيل عن العبادة دى فبلاش نحرمهم منها وبلاش نحرم نفسنا من الثواب

وكمان لما نكون رقم واحد فى كل شئ هما هياخدونا قدوة

(اتمنى تكون الفكرة وصلت)

اتمنى التوفيق للجميع وصوما مقبولا وافطارا شهيا :ninja:

[MZohairy]

ناوى ميبقاش همى الاول انى اختم القرأن فى رمضان على قدر ما يبقى همى الاول انى أقرأ القرأن بتفسيره

تحيه كبيره لك يا عنبو و دعني ارفع لك القبعه الاف المرات

فالتفكير الكيفي اصبح نادرا في مجتمعنا الإسلامي و تم استبداله بالتفكير الكمي

يعني تجد الكثيرين يسعدون بقراءة القرآن عدة مرات و هم لا يفقهون فيه شيئا

يعني كالحمار يحمل اسفارا تماما

و لعلهم لم يتساءلون ابدا ...هل القرآن كتاب قراءه و تجويد بهدف تحسين المستوى اللغوي أم انه كتاب به أمور مفروض علينا ان نفهمها و نفهم اسبابها و اهدافها؟

تحيه لك مرة أخرى

[masraweya]

السلام عليكم

تخيلوا اننا في النصف الثاني من رمضان!!!

تيجوا نقف مع نفسنا شوية قبل ميخلص نشوف حققنا إيه و محتاجين نشد حيلنا في إيه

للأسف الموضوع ملخبط شوية معايا .. ادعولي .. بس حرصت أقرأ القرآن بتدبر و ابحث في التفسير و أسباب النزول و عندي اقتراح صغير .. واحنا بنقرأ القرآن بتلفت انتباهنا آيات .. إيه رأيكم نحطها هنا؟؟ منها تدارس للقرآن و تذكرة

مستنياكم

ربنا يتقبل

تم تعديل 27 أغسطس 2010 بواسطة masraweya

[masraweya]

السلام عليكم

وقفت بالأمس أمام خواتيم آل عمران

إِنَّ فِي خَلْقِ السَّمَاوَاتِ وَالْأَرْضِ وَاخْتِلَافِ اللَّيْلِ وَالنَّهَارِ لَآيَاتٍ لِّأُولِي الْأَلْبَابِ ﴿١٩٠﴾ الَّذِينَ يَذْكُرُونَ اللَّـهَ قِيَامًا وَقُعُودًا وَعَلَىٰ جُنُوبِهِمْ وَيَتَفَكَّرُونَ فِي خَلْقِ السَّمَاوَاتِ وَالْأَرْضِ رَبَّنَا مَا خَلَقْتَ هَـٰذَا بَاطِلًا سُبْحَانَكَ فَقِنَا عَذَابَ النَّارِ ﴿١٩١﴾ رَبَّنَا إِنَّكَ مَن تُدْخِلِ النَّارَ فَقَدْ أَخْزَيْتَهُ ۖ وَمَا لِلظَّالِمِينَ مِنْ أَنصَارٍ ﴿١٩٢﴾ رَّبَّنَا إِنَّنَا سَمِعْنَا مُنَادِيًا يُنَادِي لِلْإِيمَانِ أَنْ آمِنُوا بِرَبِّكُمْ فَآمَنَّا ۚ رَبَّنَا فَاغْفِرْ لَنَا ذُنُوبَنَا وَكَفِّرْ عَنَّا سَيِّئَاتِنَا وَتَوَفَّنَا مَعَ الْأَبْرَارِ ﴿١٩٣﴾ رَبَّنَا وَآتِنَا مَا وَعَدتَّنَا عَلَىٰ رُسُلِكَ وَلَا تُخْزِنَا يَوْمَ الْقِيَامَةِ ۗ إِنَّكَ لَا تُخْلِفُ الْمِيعَادَ ﴿١٩٤﴾

أنا أحب هذه الآيات و حريصة على قراءتها دائما

لكن لأول مرة أربطها بما بعدها

فَاسْتَجَابَ لَهُمْ رَبُّهُمْ أَنِّي لَا أُضِيعُ عَمَلَ عَامِلٍ مِّنكُم مِّن ذَكَرٍ أَوْ أُنثَىٰ ۖ بَعْضُكُم مِّن بَعْضٍ ۖ فَالَّذِينَ هَاجَرُوا وَأُخْرِجُوا مِن دِيَارِهِمْ وَأُوذُوا فِي سَبِيلِي وَقَاتَلُوا وَقُتِلُوا لَأُكَفِّرَنَّ عَنْهُمْ سَيِّئَاتِهِمْ وَلَأُدْخِلَنَّهُمْ جَنَّاتٍ تَجْرِي مِن تَحْتِهَا الْأَنْهَارُ ثَوَابًا مِّنْ عِندِ اللَّـهِ ۗ وَاللَّـهُ عِندَهُ حُسْنُ الثَّوَابِ ﴿١٩٥﴾

يعني مش مجرد تفكر "الذي يهمله الكثيرون" لكن عمل و جهاد بأنواعه

[masraweya]

السلام عليكم

لسة مستنياكم

سورة المائدة

يَا أَيُّهَا الَّذِينَ آمَنُوا كُونُوا قَوَّامِينَ لِلَّـهِ شُهَدَاءَ بِالْقِسْطِ ۖ وَلَا يَجْرِمَنَّكُمْ شَنَآنُ قَوْمٍ عَلَىٰ أَلَّا تَعْدِلُوا ۚ اعْدِلُوا هُوَ أَقْرَبُ لِلتَّقْوَىٰ ۖ وَاتَّقُوا اللَّـهَ ۚ إِنَّ اللَّـهَ خَبِيرٌ بِمَا تَعْمَلُونَ ﴿٨﴾ وَعَدَ اللَّـهُ الَّذِينَ آمَنُوا وَعَمِلُوا الصَّالِحَاتِ ۙ لَهُم مَّغْفِرَةٌ وَأَجْرٌ عَظِيمٌ ﴿٩﴾

تفتكروا لو قدرنا نعمل بهذه الآية .. نعدل في كل الحالات .. نغالب الهوى و نُغلب الحق و لو على أنفسنا

يااااااااااااااااااااااااااه .. كان حالنا يبقى ازاي؟

[لماضة مصرية جدا]

السلام عليكم

تخيلوا اننا في النصف الثاني من رمضان!!!

تيجوا نقف مع نفسنا شوية قبل ميخلص نشوف حققنا إيه و محتاجين نشد حيلنا في إيه

للأسف الموضوع ملخبط شوية معايا .. ادعولي .. بس حرصت أقرأ القرآن بتدبر و ابحث في التفسير و أسباب النزول و عندي اقتراح صغير .. واحنا بنقرأ القرآن بتلفت انتباهنا آيات .. إيه رأيكم نحطها هنا؟؟ منها تدارس للقرآن و تذكرة

مستنياكم

ربنا يتقبل

و عليكم السلام و رحمة الله و بركاته

جزاكي الله كل خير

كنت بفكر في محطات للتامل زي اللي حضرتك قولتي عليها....لكن ترددت ان يكون هناك موضوعات مشابهة مثلا

علي سبيل المثال فيه توبيك اسمه "آية و حديث و موقف" لاستاذنا خالد المسلم

لو نفكر نعمل توبيك جديد و يكون فقط مكان لتدارس ما نتعلمه و نتامله يكون جزاكي الله كل خير

و نسالك صالح الدعاء