اين اماكن بيع الذهب بجدة؟

[elrasy]

انوى شراء هدية "سلسلة او ما شابة"

واريد ان اعرف اماكن بيع الذهب بجدة؟

هل هناك مكان معين يشتهر ببيع الذهب باسعار كويسة؟؟ وهل فى فصال بردة فى المصنعية زى مصر؟

خالص شكرى

[hOuSsAm]

فيه سوق دهب اسمه سوق اليمامة للدهب عند باب مكة

يعنى لو توقف ليموزين وتقوله ودينى باب مكة هيروح من على كوبرى الستين وهينزلك من نزلة باب مكة او مكتوب عليها شارع الصحيفة

هتلاقى عاليمين قبل موقف مكة سوق كبير اسمه اليمامة

وده كله محلات دهب

انا عن نفسى عمرى مرحته ولا حاولت اشترى دهب من جدة

بس بتجارب اصدقائى اللى بيحكولى عليها قالوا لى انهم بيلفوا على كذا محل وبينقوا الارخص

ولما تسال على نفس القطعة فى كذا محل هتعرف الفرق بينهم

بسمع ان اجمل الاشكال الدهب الهندى

وكمان لازوردى كويس

بالنسبة للفصال

ياباش الفصال موجود فى كل مكان فى جدة وفى كل شئ مش سيستمتك

جرب تفاصل واظن انه هيجيبوا معاك ده من كلام اصحابى

اتمنى لك التوفيق باذن الله

وتحياتى لك :ninja:

[بركة]

مظبوط سوق اليمامة كويس جدا

فيه كمان في البلد سوق في شارع كله محلات دهب اسمه شارع قابل سوق الدهب ده موازي لشارع اسمه شارع الدهب بردو

بس شارع قابل هو اللي فيه الدهب

بالنسبة للفصال كده والسلام مش هتغلب البياع ابدا

انت لما تعجبك حاجة اسأله هي عيار كام وبتبيع الجرام منه بكام والقطعة دي كام جرام وبعدين خد معاك آله حاسبة عشان

هو لما يقول لك مثلا 5.7 جرام والجرام ب 130 مثلا تضربها

5.7 * 130 = كذا بالظبط يقوم ما يعرفش يزود عليك

عشان هما بيزودوا اللي هينقصوه في الفصال ويبقوا كسبانين اكتر من تمن الجرام ومصنعيته كمان

وقبل ماتنزل تشتري ادخل على موقع الذهب ده هنا واعرف بالريال الجرام بكام بدون مصنعية عشان

مايقولكش مصنعية مبالغ فيها .

وبالتوفيق :ninja:

[mekkawy]

معلش عشان أنا عندي نفس حالة اخونا الراسي بردو و من جدة إن شاء الله لأني نازل جدة النهاردة بالليل و لمدة سأبوعين

أنا اللي أسمعه إن مفيش حاجة هنا اسمها مصنعية .. يعني بيقولك الجرام بكذا مضروب في الوزن و خلصنا .. صح الكلام ولا ايه ؟

و ايه افضل عيار للشراء ؟

مكاوى

[elrasy]

خالص تقديرى لمشاركتكم واهتمامكم

[elrasy]

بصوا يا جماعة انا جبت من سوق البوادى لانة قريب منى وفى محلات دهب كتير وكلهم جنب بعض

وللفائدة العامة اسعار المصنعية 20 ريال على لازوردى وطيبة و حوالى 35 ريال مصنعية الايطالى ,, وطبعا سعر المصنعية بيتزود على سعر الجرام الحالى.