ريجيم اللقيمات نظام حياة

[عبير يونس]

إليكم يا محاوراتية

ريجيم اللقيمات الذي قدمه لنا الدكتور محمد الهاشمي خبير التغذية و السمنة المفرطة بجامعة القاهرة

و الذي تعتمد فكرته على أكل وجبات صغيرة جدا كل ساعتين

و اعتماد وجبة واحدة رئيسية في اليوم

و المفاجأة لمن يحبون وجبة العشاء

أن بالإمكان أن تكون الوجبة الرئيسية هي العشاء

وممكن ان نتناولها حتى الساعة 11 أو 12 ليلا

:ninja:

وداعا للممنوعات

كل كل ما تريد

ايس كريم

شيكولاتة

أي حلوى تشتهيها

محشي

كبسة

مكرونة باشميل

أي حاجة

بشرط

أن تلتزم بعشر وجبات صغيرة في اليوم

مع الوجبة الرئسية

الوجبة الرئيسية يجب الا تتعدى 3 أكواب من الطعام والشراب

و مستحب ادخال حلوى صغيرة فيها

بشرط ان تضع الطعام في نصف الصحن وتترك نصف فارغ

الريجيم ملوش دعوة بمعدل الحرق (الميتابوليزم)

و لا عدم تناول وجبة العشاء

و لا يحدد نوعيات و لا كميات

نظام يتعامل مع المخ

حيث يتم ارضاء المخ

حتى لا يحدث احباط

و مع النظر

حيث الصورة تنطبع في المخ

و يتعود ان هذه اللقمة الصغيرة مشبعة

و العبرة في ان كل ساعتين او ثلاثة

ان هرمون الجوع بيتكون أكيد بعد 4 ساعات بحد أقصى

كل واحد و طبيعته

المهم الا تصل للجوع

يعتمد النطام على التأثير في نقطة الشبع التي اكتشفها د. الهاشمي و سميت باسمه

و التي توجد في أعلى المعدة و ترتبط بنهايات عصبية تتصل بالعصب الواصل لمركز الشبع في المخ

الحلو في الريجيم ده

انه مش مجرد ريجيم نمشي عليه فترة و خلاص

ده نظام العمركله

نتائجه مدهشة لناس نزلوا على الأقل من 30 إلى 40 كيلو في 6شهور ل 9 شهور

فكرة الريجيم هي تعلم الرضا المؤجل

يعني مش ننبسط بأكلة بكمية كبيرة مرة واحدة

نقسمها

واحنا عارفين ان ممكن ناكل منها تاني بعد ساعتين

كل ده جمعته لكم في الروابط التالية للقاءات للدكتور الهاشمي

بقي ان تعرفوا ان الريجيم مكتشف من 5 سنوات

و معتمد في الخارج

و يلتزم به مشاهير السينما

wst::

لقيمات(1)

لقيمات(2)

لقيمات(3)

لقيمات(4)

هم 12 فيديو كملوا انتوا بقى

:)

يارب كلنا نوصل لأجسام مثالية

يااااااااااااارب

:)

تم تعديل 30 يونيو 2010 بواسطة مصرية متغربة

[mekkawy]

متشكرنيــــــــــــن ع الآخر

بس استفسارات سعادتوم

طيب يعني الكميات دي أد ايه .. مهو الصغير بتاعي مش زي الصغير بتاعك و طبقي مش زي طبقك :)

يعني مش ممكن نبدأ ننزل بأمثلة للوجبات و الكميات و الحاجات دي .. الممنوعات .. المسموحات .. المستحبات .. كدة يعني

نفـــــــــسي حد يضربتي كل يوم لو ما التزمتش .. زي معلمين الكاراتيه كدة .. أو يدفعني فلوس ... الفلوس دي بتكوي .. آه و الله :)

ادعولي بأة ..

ع جنب

على فكرة و الله أنا مش فيل .. بس بأحب أوصل للمثالية .. أنا 93 بس :ninja:

مكاوى

[عبير يونس]

متشكرنيــــــــــــن ع الآخر

بس استفسارات سعادتوم

طيب يعني الكميات دي أد ايه .. مهو الصغير بتاعي مش زي الصغير بتاعك و طبقي مش زي طبقك :happy:

يعني مش ممكن نبدأ ننزل بأمثلة للوجبات و الكميات و الحاجات دي .. الممنوعات .. المسموحات .. المستحبات .. كدة يعني

نفـــــــــسي حد يضربتي كل يوم لو ما التزمتش .. زي معلمين الكاراتيه كدة .. أو يدفعني فلوس ... الفلوس دي بتكوي .. آه و الله :D

ادعولي بأة ..

ع جنب

على فكرة و الله أنا مش فيل .. بس بأحب أوصل للمثالية .. أنا 93 بس :ninja:

مكاوى

مفيشش ممنوعات يا عم

الكمية تصغرها بالتدريج بما يناسب احتياجاتك

المضوع تحدي للنفسو تدريب ليها على الرضا بالقليل

هو بيربي النفس على نهج الهدي النبوي الشريف

أحب الأعمال إلى الله أدومها و إن قل

يعني زي مثلا في القرآن الكريم

واحد يجي يقرأ جزئين

كل يوم

و بعدين بعد كام يوم يقطع خالص

مع انه لو كان عمل لنفسه نظام تدريجي يبدأ من آية ل خمس آيات يوميا كان قدر يحافظ على دوام القراءة كل يوم

هو نظام غذائي و تربية للنفس

ازاي تقدر تضبط نفسك على نهج

حسب ابن آدم لقيمات يقمن صلبه

فإن كان فاعل فثلث لطعامه و ثلث لشرابه و ثلث لنفسه

اللقيمات هي الوجبات العشرة

و الوجبة الرئيسية هي

وجبة لا محالة

قدروا المعدة الطبيعية ب1200 ملل

لو شلنا ثلث النفس

يتبقى لك 800 ملل

لشرابك و طعامك

في وجبة لا محالة

ملجوظة:

الوجبة ممكن تكون في النهار عادي

بسنفسيا في ناس

و أنا منهم

بينبسطوا بوجبة العشاء أكثر

wst::

تعمل بقى التدريج ازاي يا بطل

يعني مثلا لو متعود تاكل رغيف في الوجبة

خليه نص

بس لازم تاكل تاني بعد ساعتين

احسبها انت

لو رغيف

بيقعدك قد ايه شبعان

و اعمل حساب انك لازم اجباري حتاكل تاني بعد ساعتين

وصلت يا باشا

:)

صباحك وزن مثالي يخليك توم كروز و انت رايح تجيب المدام من المطار

:)

[عبير يونس]

النظام ده فيه قيمة انسانية عالية اوي

الرضا بالقليل و عدم الاستعجال

د. الهاشمي مسميه الرضا المؤجل

:rolleyes:

[mekkawy]

صباحك وزن مثالي يخليك توم كروز و انت رايح تجيب المدام من المطار

:rolleyes:

ياماااااااااااااااااااااااااا نفسي :happy:

دعواتكم

و هو توم كروز مش بعيد يعني .. هي بس عضلة الباي و التراي :blush:

مكاوى

[اغابي]

طيب ممكن نقول مثلا كاستفسار ان كل وجبة = تكون ربــع رغيــف مع اى نوع خضار سوتية

او 4 ملاعق رز بخار مع اى نوع خضار سوتيه × 10 مرات فى اليوم = صح كدا

انا بعيد عن الموضوع لان وزنى 57 كيلو وطولى 162 سم

لكن هو بس كاستفسار - يعنى من الاخر ينفع انى ارتب من دماغى وجبات معينة كميتها قليلة جدا على عدد ساعات اليوم حسب ما بتقولى كل ساعتين وجبة

زى مثلا = كله سوتيه حتى الرز - وكمان اللحوم - والفاكهة

لكن الايس كريم فى الرجيم داه مشكلة :blush: ازاى رجيم مع ايس كريم :happy: - الموضوع فيه حاجة مش متظبطة

بس ايه مش عارفة ؟؟

اغابي

:rolleyes:

[mekkawy]

لكن الايس كريم فى الرجيم داه مشكلة :happy: ازاى رجيم مع ايس كريم :lol: - الموضوع فيه حاجة مش متظبطة

اغابي

:rolleyes:

برنس الطعم

عارفين فيلم الكارتون (روتاتويل) ... بتاع الفار اللي بيطبخ ده ؟

عارفين باة لما كان بيستطعم الأكل و تروح الدنيا منورة من حواليه و عاملة العاب نارية ؟؟

أهو أنا ده بيكون نفس إحساسي لما بأدوق الآيس كريم .. العيال البياعين في باسكن روبنز هنا عرفوني خلاص .. أروح يقولولي هتاخد ايه النهاردة ؟ :blush:

و بقيت كل يوم أعمل خلطة جديدة و أول ما أوصل الولد يروح فاتحلي الجرادل بتاعت الايس كريم و مطلعلي معالق التذوق و آكلي يجي بولة قبل ما أشتري .. تذوق بأة :lol:

أحسن خلطة وصلتلها هي (الشيكولاتة بالبراوني أو بشرائح الشيكولاتة مع النكسافيه أو الموكا و عليهم اكسترااااااااااا صوص شوكلاتة مع المكسرات في الآخر) يا ربـــــــــــى .. ملهاش حل .. بجد فظيعة

جربوها و ادعولي

تحياتي

مكاوى .. من التلاجة

[عبير يونس]

طيب ممكن نقول مثلا كاستفسار ان كل وجبة = تكون ربــع رغيــف مع اى نوع خضار سوتية

او 4 ملاعق رز بخار مع اى نوع خضار سوتيه × 10 مرات فى اليوم = صح كدا

انا بعيد عن الموضوع لان وزنى 57 كيلو وطولى 162 سم

لكن هو بس كاستفسار - يعنى من الاخر ينفع انى ارتب من دماغى وجبات معينة كميتها قليلة جدا على عدد ساعات اليوم حسب ما بتقولى كل ساعتين وجبة

زى مثلا = كله سوتيه حتى الرز - وكمان اللحوم - والفاكهة

لكن الايس كريم فى الرجيم داه مشكلة :lol: ازاى رجيم مع ايس كريم mfb: - الموضوع فيه حاجة مش متظبطة

بس ايه مش عارفة ؟؟

اغابي

:blush:

أولا ما شاء الله لا قوة الا بالله

اهنيكي على وزنك

و ربنا يحافظ لك عليه

آمين

ثانيا

ما اهو انتي كده حددتي نوعيات يا أغابي

:rolleyes:

الدكتور محددش نوعيات

و الايس كريم يعني مش فرض

لكن هو متنفس للي نفسه في ايس كريم

و طبعا الممنوع مرغوب

الفكرة ان مفيش ممنوع

و بالتالي بعد شوية مش حيبقى مرغوب

هي دي الفكرة

طول ما الشيء ممنوع

حيدور تفكيرنا كله حواليه

و لما يصبح متاح حنزهد فيه

هي دي النفس البشرية ببساطة

يعني تخيلي حد بيحب الايس كريم اوي

ومثلا حيختار انه هياخد العشر وجبات ايس كريم

تفتكري هيستمر كده قد ايه

:lol:

متهيألي ده حيكره الايس كريم واللي اخترعوه

:lol:

الفكرة هي تهذيب النفس

وعدم الوصول للجوع

اللي بيخلينا ندمر كل حاجة و نصاب بالنهم

و نأكل الأخضر و اليابس

لكن اللي مش جعان

لو قدامه خروف

مش حيمد ايده

الا اذا كان عنده طفاسة

او من مبدأ الاستخسار

ودي سلوكيات

بتودي في داهية

برضه بتتهذب بالنظام ده

النظام زي ما قلت مالوش دعوة بالحرق

و لا بالسعرات الحرارية

هو نظام تحدي للنفس و تدريب لها على أشياء كثيرة

أبرزها الرضا بالقليل

و عدم الاستعجال

و أكيد بيفرق في الشخص في حياته كلها

مش بس خسارة للوزن

هو نظام حياة

تحياتي يا قمر

:happy:

[اغابي]

و بقيت كل يوم أعمل خلطة جديدة و أول ما أوصل الولد يروح فاتحلي الجرادل بتاعت الايس كريم و مطلعلي معالق التذوق و آكلي يجي بولة قبل ما أشتري .. تذوق بأة :blush:

جربوها و ادعولي

تحياتي

مكاوى .. من التلاجة

وزعلان يا مكاوى يا برنس . . ان وزنك 93 كيلو . . دا انت تبوس ايد شعر ودقن :happy: اساسا انك مش 193 كيلو

ايس كريم .. العدو اللدود للرجيمات . . والصديق الامثل للسمنة . .

ايس كريم . . صاحب اكبر موسوعة قياسية فى عدد السعرات الحرارية . .

انت مشكلة بجد :rolleyes:

اغابي

تلطيش . . تعنيف . . تغليف :lol:

[عبير يونس]

لكن الايس كريم فى الرجيم داه مشكلة :happy: ازاى رجيم مع ايس كريم :lol: - الموضوع فيه حاجة مش متظبطة

اغابي

:rolleyes:

برنس الطعم

عارفين فيلم الكارتون (روتاتويل) ... بتاع الفار اللي بيطبخ ده ؟

عارفين باة لما كان بيستطعم الأكل و تروح الدنيا منورة من حواليه و عاملة العاب نارية ؟؟

أهو أنا ده بيكون نفس إحساسي لما بأدوق الآيس كريم .. العيال البياعين في باسكن روبنز هنا عرفوني خلاص .. أروح يقولولي هتاخد ايه النهاردة ؟ :blush:

و بقيت كل يوم أعمل خلطة جديدة و أول ما أوصل الولد يروح فاتحلي الجرادل بتاعت الايس كريم و مطلعلي معالق التذوق و آكلي يجي بولة قبل ما أشتري .. تذوق بأة :lol:

أحسن خلطة وصلتلها هي (الشيكولاتة بالبراوني أو بشرائح الشيكولاتة مع النكسافيه أو الموكا و عليهم اكسترااااااااااا صوص شوكلاتة مع المكسرات في الآخر) يا ربـــــــــــى .. ملهاش حل .. بجد فظيعة

جربوها و ادعولي

تحياتي

مكاوى .. من التلاجة

مشكلتك يا باشا

مش في الآيس كريم نفسه

في جردل الايس كريم

يعني ممكن تاكل بولة مثلا كل ساعتين

و شوف حتستمر قد ايه

و بعدين تعالى قول لنا ايه اخبارك مع عمو باسكنز

و حتفضل قد ايه نفسك فيه

:lol:

[mekkawy]

:rolleyes:

[elzaaeeem]

نظام ريجيم رائع بس للأسف النتيجة هتكون تصلب للشرايين وأنيميا وفقر دم وفقد وزن طبعا

[elzaaeeem]

ياريت المواقع الأجنبية اللى بتتكلم على أكتشافه ده لو كان فى أكتشاف أصلا؟؟؟؟؟؟؟؟؟؟؟؟؟ظ

[عبير يونس]

نظام ريجيم رائع بس للأسف النتيجة هتكون تصلب للشرايين وأنيميا وفقر دم وفقد وزن طبعا

ياريت المواقع الأجنبية اللى بتتكلم على أكتشافه ده لو كان فى أكتشاف أصلا؟؟؟؟؟؟؟؟؟؟؟؟؟ظ

يافندم أنا مش جايبة حاجة من دماغي

ده كلام دكتور أستاذ في جامعة القاهرة

اسمه د. محمد الهاشمي

الدكتور استضافوه في أكثر من برنامج في التلفزيون

و انا حطيت 5 فيديوهات من 12 فيديو موجودين ع اليوتيوب

و في مواقع أجنبية

طبعا

اتفضل

ده مقال عن د. الهاشمي في

اميريكان كرونيكل

http://www.americanchronicle.com/articles/view/53873

و ده كمان

http://www.medicalnewstoday.com/youropinio...opinionid=19172

حضرتك حط كلمة

Luqaimat ...

في جوجل

و شوف

كان ممكن حضرتك تتأكد من جوجل الأول

من غير ما تسفه موضوعي

أكيد كلنا ناس متعلمين وعندنا ثقافة صحية عامة

من الأشيا وصحة اللي خدناها في المدرسة

:sad:

مفتكرش اني غلطت اني حبيت اشارك بحاجة ممكن تفيد ناس كتير

و الا هو التجريح بغيرتحقق بقى هو الموضة السائدة في المحاورات حاليا

[عبير يونس]

على فكرة يا جماعة موضوع الايسكريم اللي اتكلمت فيه مع الفاضلة اغابي والفاضل مكاوي كان نقاش مجازي تخيلت فيه ان لو الواحد فضل ياكل حاجة بيحبها كتير حيزهد فيها

و طبعا اكيد مش الدكتور الهاشمي اللي قال ناخد عشر وجبات ايس كريم

:sad:

وجب التوضيح حتى لا تختلط الامور

ياريت حضراتكم تشوفوا الفيديوهات كويس

فيها كل المعلومات اللازمة لبدء هذا النظام الرائع

ملحوظة هامة جدا:

الدكتور ربنا يكرمه و يبارك في علمه و يكثر من امثاله خبير في معالجة السمنة المفرطة

و عنده مركز علاج و كتاب

و مع هذا نشر الموضوع في وسائل الاعلام مجانا

وقال ده نظام حياة نمشي عليه من غير ما نحتاج نتابع مع دكتور

بجد جزاه الله خيرا و جعله في ميزان حسناته

آمين

[hOuSsAm]

جزاكى الله كل خير

مع ان لى نظامى الخاصى (بتاع الدكتور حسام :closedeyes: )

بس ده ميمنعش ان انصحكوا بكل يوم نص ساعة مشى (ومش مشية تسوق لاء مشى سريع)

وكدة حلو اوى وكلوا ايس كريم وشوكلاتة ومكسرات براحتكوا :rolleyes:

وده بدليل اننا فى مصر كنا بناكل كتير جدا اكتر من هنا بكتير بس بسبب الحركة والجرى ورا المواصلات الموضوع بيظبط بعضه

وبردوا كنت كل اسبوع بجرى مرة واحدة سعتين كدة بيظبطوا اى مشاكلويرجعوا للواحد طاقته

[ساره احمد]

ياسلام! يعنى انا لوجربت الحاجات دى هخس؟ هما كلهم 5 كيلو هيجننونى انا 65 وطولي 160 عايزة اوصلهم ل 59 مثلا

وجربت كل انواع الرجيمات مع دكاترة وكل واحد يقول النظام دة هيخسسك 2 كيلو ف الاسبوع بس نظام جبار ومش بخس برضو اديلي شهرين مخستش غير 3 كيلو لحاد ماجالي احباط من قلة الاكل والله

النظام بقي ازاى؟ بصو 2زبادى او 2تفاحة دة العشا

الغدا سلطة مع قطعة لحم او فراخ مسلوقة او مشوية/4 معالع رز مع سلطة/ قطعة بطاطس مسلوقة

الفطار 2بيضة مسلوقة/ربع رغيف مع جبنة قريش

مش بقولكم جالي احباط :lol:

[enjisultan]

مبدئيا انا لسة ما شوفتش الفيديوز بتاعتة بس بالنسبة للناس اللى بتقول انة ممكن ياثر على الصحة العامة باقولهم انة ما اعتقدش لانة فى كل العناصر الغذائية وحتى الدهون واللى هى برضة مهمة لكن بنسب معقولة

هو الفكرة فى على حد علمى كطبيبة انة هيعتمد ان الجسم ما يدخولش فى حالة نقص معدل السكر فى الدم hypoglycemia

تقولولى لية اقولكوا لية لما الجسم بيبقى هيبو جليسمك بيبدا يحفز مركز الجوع بالمخ اللى بيتغذى عى السكر اللى بالدم

لو وصلنا بالجسم مع وجبة صغيرة كل ساعتين الى الحالة اللى ما تشغلش مركز الجوع الواحد فعلا هيكون ماعندهوش الشهية اللى تسمح باكل كمية تسمح بذيادة وزنة

دا تفسير متواضع كدة لحد لما اخلص الفيديو

[عبير يونس]

جزاكى الله كل خير

مع ان لى نظامى الخاصى (بتاع الدكتور حسام )

بس ده ميمنعش ان انصحكوا بكل يوم نص ساعة مشى (ومش مشية تسوق لاء مشى سريع)

وكدة حلو اوى وكلوا ايس كريم وشوكلاتة ومكسرات براحتكوا

وده بدليل اننا فى مصر كنا بناكل كتير جدا اكتر من هنا بكتير بس بسبب الحركة والجرى ورا المواصلات الموضوع بيظبط بعضه

وبردوا كنت كل اسبوع بجرى مرة واحدة سعتين كدة بيظبطوا اى مشاكل ويرجعوا للواحد طاقته

كلام جميل يا حسام

طبعا المشي ضروري و هو اقل رياضة ممكنة

بس مش مناسب لكل الناس

لأن في ناس سمنتهم مفرطة حتى المشي ربنا يعافيهم و يعافينا بيبقى خطر عليهم

عشان كده الرياضة في حالتهم غير ممكنة

الريجيم بيضبط الجسم الاول و يخفض الوزن لحد مايوصل لوزن تتحمله المفاصل دون ان تتاذى

[عبير يونس]

ياسلام! يعنى انا لوجربت الحاجات دى هخس؟ هما كلهم 5 كيلو هيجننونى انا 65 وطولي 160 عايزة اوصلهم ل 59 مثلا

وجربت كل انواع الرجيمات مع دكاترة وكل واحد يقول النظام دة هيخسسك 2 كيلو ف الاسبوع بس نظام جبار ومش بخس برضو اديلي شهرين مخستش غير 3 كيلو لحاد ماجالي احباط من قلة الاكل والله

النظام بقي ازاى؟ بصو 2زبادى او 2تفاحة دة العشا

الغدا سلطة مع قطعة لحم او فراخ مسلوقة او مشوية/4 معالع رز مع سلطة/ قطعة بطاطس مسلوقة

الفطار 2بيضة مسلوقة/ربع رغيف مع جبنة قريش

مش بقولكم جالي احباط

شوفي يا قمر

الزيادة في وزنك لم تدخل في مرحلة السمنة

و تعتبري داخل حدود الوزن الطبيعي

وذلك حسب معادلة حساب كتلة الجسم

طريقة حساب معدل كتلة الجسم

http://www.rjeem.com/BMR/BMI.php

ممكن تنفعك الرياضة مع الريجيم

شوفي

ده

http://www.egyptiantalks.org/invb/index.php?showtopic=100301

ربنا يوفقك

تم تعديل 5 يوليو 2010 بواسطة مصرية متغربة