تنبؤات حشيش !!!

[حشيش]

عقلى الباطن: تأثرت كثيراً بموضوع سى السيد عن  نوسترآداموس  :blink:...لا بد أن تكون لى نبؤاتى الخاصة :blink:...سأقوم بعد التشاور مع الشيخة أم صباح العمشة بالتنبؤ لما سيحدث لأعضاء محاورات المصريين فى عام 2004 htr:: 

أخوتى وأخواتى الأعزاء

سيقدم لكم زميلكم الفاضل حشيش مجموعة من تنبؤاته لكم عن العام 2004 بعد الإطلاع على الأبراج ومسارات النجوم mfb: ...سأبدأ بالمجموعة الأولى من الأعضاء حسب أبراجهم الترابية والمائية والنارية والهوائية :blink:

إنتحار سى السيد بعد تخفيض لونه إلى اللون الأخضر عقب مشادة كلامية مع الأدفيزر

غرق اسكوربيون أثناء محاولته الهروب على قارب صيد من إيطاليا إلى راس البر للعمل

القبض على أفيونة فى قضية مخدرات

سمكة قرش تلتهم سى فود

إصطدام سفينة بلايت هاوس

فيروز تتحول إلى مرجانة f((:

كليو تتحول إلى نفرتيتى

حريق يلتهم سيد كبريتة f((:

إصابة أخناتون بالإحباط الشديد والتوقف عن الكتابة على الإنترنت وهو يرى عاطف عبيد يؤدى اليمين الدستورية لمنصب نائب رئيس الجمهورية

عودة هشام عبد الوهاب

مدام سلوى تؤدى فريضة الحج هذا العام rs:

يتبع

تم حذف سطر

تم تعديل 25 مايو 2004 بواسطة Advisor

[Farah]

إنتحار سى السيد بعد تخفيض لونه إلى اللون الأخضر عقب مشادة كلامية مع الأدفيزر

حرام عليك ياحشيش امال لو اتخانق مع المدام حيعمل ايه

[se_ Elsyed]

سيقدم لكم زميلكم الفاضل حشيش مجموعة من تنبؤاته لكم عن العام 2004 بعد الإطلاع على الأبراج ومسارات النجوم :blink: ...سأبدأ بالمجموعة الأولى من الأعضاء حسب أبراجهم الترابية والمائية والنارية والهوائية :blink:

وحيث إن حشيش برجه طرابي ( جاي من الطربة ) فإليكم تنبؤات نوترداموس له في عام 2004 وتحديداً في شهر يونيو يوم الأربعاء الساعة 3 الفجر :

حشيش : إلقاء القبض على مساعد زعيم مافيا المخدرات الكولومبية حشيش أبو جطة في لبنان ( واخدلي بالك ) وذلك أثناء توقيعه بالأحرف الاولى على أكبر صفقة مخدرات عرفها التاريخ .. هذا وقد تم تحويل المذكور إلى معتقل جوانتانامو لثبوت ضلوعه في قضايا غسيل أموال وغسيل هدوم وتمويل جماعات إرهابية أمريكية .

فيروز ولايت هاوس : يتزوجا من أخين توأمين ويصبحا ضراير وتشهد أروقة المحاكم خلافات حادة بينهما إثر قيام فيروز المفترية بضرب لايت هاوس في وشها بالمطوه أثناء مشادة كلامية عن الورث إللي كله زوج فيروز على اخوه شقيقة وتوأمة.

د / شعنونة : لا حديث للصحف إلى عن قيام الدكتورة شعنونة بفضح مافيا المستشفيات بمصر ... هذا وقد قام عم أبو شعنونة بحبسها في قمقم عشان ماحدش يوصلها ويصفوها .

نورا : تبحث عن عقد عمل للهجرة مرة أخرى إلى الكويت هي وزوجها بعد أن جابت جاز بعد إنتهاء شهر العسل بمدينة الغردقة .

ست أمينة : تعود مرة آخرى بقوة إلى محاورات المصريين خصوصاً بعد ان تقلدت منصب أمين عام الأمهات المتحدة خلفاً لكوفي عنان .

س س : إلقاء القبض عليه في محاولة لقلب نظام الحكم في مصر .

هاندي كرافت : يجلس في البيت يكتب مذكراته ويسقع قلل لأن كل حاجة حوالية بقت " ريدي ميد " ومابقاش في حاجة أسمها " هاندي كرافت "

كفاية : يرزق بمولود ذكر ويسميه حرام .. لكي يكون " حرام كفاية " .

د/ فريده : يتم تعيينها أمين عام لجنة الدفاع عن حقوق الوَلايه في الحزب الوطني .

مارينجوس : يرفض بشدة التجديد لمدة خامسة ولكن تحدث حالات إنتحار جماعي بين طوائف الشعب المختلفة ويضطر على أثرها إلى قبول التمديد على مضض وهو قرفان من الشعب .

براود مسلم ( أبو غسالة ) : شركة إيديال زانوسي بالتعاون مع مسحوق إيريال تفشل في محاولة إغتيال براود مسلم بعد ان شطفهم في السوق ونشر غسالتة الشعبية الجديدة كاملة المميزات أم 300 ج والتي لا تحتاج إلى أي مسحوق ولا زهرة زرقا ولا إضافات( دراي كلين ) ... يا بلاش .

زملكاوي : على نهاية 2004 يرتد عن زملكاويته ويعتنق الفكر الأهلاوي وذلك بعد تولي مرتضى منصور رئاسة الزمالك وهروب حسام وأبراهيم حسن للعب لنادي الجيش الصاعد حديثاً للأضواء .

شريف عبد الوهاب : يفتتح قناة فضائية خاصة لتوعية الشعب المصري وتقديم أعمال هادفة .

لينوكس : ينجح بيل جيتس العفريت في إستقطابه وضمه إلى الميكروسوفت تيم مقابل زيادة راتبة بمبلغ 127 دولار سنوياً غير الإينكم ضرايب .

يتبع

إن ما بهدلتك يا حشيش

[فــيــروز]

ايه يا حشيش تنبؤاتك ضلمه ليه كده !! :blink:

مفيش اى بارقة امل :blink:

فيروز تتحول إلى مرجانة  mfb:

وبعدها مش بعيد اتقلب زلعه !! htr::

لا يا عم يفتح الله .. شوف لنا حاجه تانيه فى العشه :blink:

[حشيش]

عزيزى الأدفيزر

لا أدرى حقيقة ً ما هو سبب الحذف...لا اذكر أننى قد كتبت شئ فيه إساءة لأحد كما أننى قمت بتعديل المداخلة كما طلبت منى فى رسالتك الخاصة...ليه الحذف تانى!!!...شكراً لك

حشيش

[afiona]

ما تنبؤاتك لعام 1999 يا حشيشنا يا قرش الأمة المصرية؟

[سقراط المصري]

والنبي ياحشيش ياخويا ، ماتشوف لي تنبوءاتك السنه دي ايه ، وهل هنجح في امتحان الاعداديه ولا هرجع اذاكر ابتدائي تاني.

سقراط

[zamalkawy]

زملكاوي : على نهاية 2004 يرتد عن زملكاويته ويعتنق الفكر الأهلاوي وذلك بعد تولي مرتضى منصور رئاسة الزمالك وهروب حسام وأبراهيم حسن للعب لنادي الجيش الصاعد حديثاً للأضواء .

ليه هو الأهلي هيخد الدوري سنة 2005 :blink:

[Lighthouse]

إصطدام سفينة بلايت هاوس

ايه ياحشيش

انت بقيت شرير قوي :P

mfb:

بس معلش بقى

قاعدة على قلبك mf( bk:

[color=blue]فيروز ولايت هاوس : يتزوجا من أخين توأمين ويصبحا ضراير

ايه يا س س

سلامتك

اللى بيتجوزوا اخين بيبقوا ضراير mfb:

امال اللى بيتجوزوا نفس الرجل بيبقوا ايه cr((:

:o mc(: mc:

[نيرون]

بعد عوده هشام وازرقاق سى السيد....

لا مجال للشك سيدى حشيش واصل

ومش بعيد مخاوى :P

والاكاده مسخر!!!!!!!!!!!!!! mc(:

سيدى حشيش سيدى حشيش. eey::

السماح يا اهل السماح cr((:

اشتاتا شلوت!! mfb:

اشتاتا شلوت!!! mfb:

والنبى يا شيخ احيااااااه ابوك

فى امل اخضرّ ( فيه كرسى فضى)

ولو ماكانش ممكن تعمى عنيهم عنى!!!

اصل !!!

اصل!!!

الزرق taz:: حاطنى فى دماغهم وكل شويه واحد يحذفلى كلمتين!!!!

والنبى احمينى يا سيدنا

وليك عليا ادبح لك بطه سوده بعرف ابيض.

بركاتك

بركاتك

وكمان سؤال ؟؟؟؟؟

لحد امتى هايفضلوا ماليين البلد

ربنا يقل منهم :o

تم تعديل 26 مايو 2004 بواسطة نيرون

[Cleo]

كليو تتحول إلى نفرتيتى

ماشى..... مااااااااااااااااااشى....

تنبؤات كليو لعام 20050000 ق.م.

إعدام كميات من ال"حشيش" cr((: فى محاورات المصريين على باب القصر الملكى

[afiona]

اللى بيتجوزوا اخين بيبقوا ضراير 

امال اللى بيتجوزوا نفس الرجل بيبقوا ايه

يبقوا سوبر ضراير super dararier

[afiona]

مارينجوس : يرفض بشدة التجديد لمدة خامسة ولكن تحدث حالات إنتحار جماعي بين طوائف الشعب المختلفة ويضطر على أثرها إلى قبول التمديد على مضض وهو قرفان من الشعب

ماهو بينى وبينك إحنا نحس ووشوشنا عكرة وتقرف البوبى الأعور...

ذنبه إيه يعنى يلبس شعب زينا ومش شعب ظريف زى السويد مثلا...

ربنا يقدر الرؤساء العرب على قرفنا وبلاوينا ويستحملوا أشكالنا...

[nora]

نورا : تبحث عن عقد عمل للهجرة مرة أخرى إلى الكويت هي وزوجها بعد أن جابت جاز بعد إنتهاء شهر العسل بمدينة الغردقة .

إن ما بهدلتك يا حشيش

لاه مش الغردقة شرم الشيخ خطا مطبعي :o :o

حرام عليك يا س س بتقفلها في وشي لية prt: rs: