المتقدمين للهجرة بعد 25 يونيو 2010

[عمرو السيد]

hi all

يا جماعه انا جديده فى موضوع الهجره ده و عايزه اعرف ابدا منين و اعمل ايه

فممكن لو سمحتم اى حد يقولى المفروض اول خطوه ايه

وسورى اوى يا جماعه انا حاولت افهم اى حاجه من الكلام الى بتكتبوه بس حاسيت نفسى ضايعه

فممكن حد يكون فاهم الحجات دى اوى وباله طويل بس حبتين يفهمنى ايه المطلوب بالظبط

thx alot for all

and have a nice time

بصي يا ستي,

عشان تهاجري, فيه كذا طريقة للهجرة هتلاقيهم على الموقع بتاع الهجرة الرسمي الكندي اللي هو ده

http://www.cic.gc.ca/english/index.asp

أكثر الطرق شيوعا هي ال "سكيلد ووركو" وهي دي اللي أنا على دراية بها عشان بحاول أقدم عليها واللي أنا أقدر أقول لك عليها

فيه طhttp://www.almatareed.org/vb/showthread.php?t=13836ريقة تانية مشهوره وهي الهجرة ل"كويبك" ودي بتكون أسهل وأسرع من ال "سكيلد ووركر" لكن بيكون مطلوب فيها لغة فرنسية جيدة (في ناس بتذاكر لها فرنساوي مخصوص)

المهم, خلينا في اللي أنا عارفاه وهو ال" سكيلد ووركر"

Skilled workers and professionals

اللي هي صفحة الويب بتاعتها على الموقع الرسمي الآتي:

http://www.cic.gc.ca/english/immigrate/skilled/index.asp

واللي أنت بتمشي الخطوات المكتوبة فيها,

واللي هي ملخصها:

1. هم منزلين ليستة وظائف مطلوبة عندهم, وقائلين إن مينفعش حد يقدم على الهجرة في القسم ده غير إذا كان عنده سنة خبرة في إحدى الوظائف المذكورة (غير إن كان هو جاله عقد عمل من هناك, ساعتها مش مهم الليسته خالص) واللي هتلاقيها في الصفحة دي (وعلى فكرة الليستة بتتغير كل شويه, يمكن تتغير يونيه السنة اللي جايه):

http://www.cic.gc.ca/english/immigrate/skilled/apply-who-instructions.asp#list

(يرجى ملاحظة التالي عند مراجعة وظيفتك في الوظائف المعروضة:

- أولا: مش لازم تكوني بتشتغلي الوظيفة دي دلوقتي, المهم بس تكوني اشتغلتيها لمدة سنة في ال10 سنوات الماضية

- ثانيا: يرجى مراجعة المهام الوظيفية التي تحدد العمل, وليس فقط المسمى الوظيفي في مرجع الوظائف والمهام(كما من الممكن ايجاد مهامك الوظيفية تحت مسمى آخر) الوظيفية في الموقع بتاعهم, اللي هو في الوصلة التالية:

http://www5.hrsdc.gc.ca/NOC/English/NOC/2006/Welcome.aspx

ويوجد أداة للتسهيل بالبحث عن طريق المسميات الوظيفية أو المهام الوظيفية في الرابط التالي:

http://www5.hrsdc.gc.ca/NOC/English/NOC/2006/SearchIndex.aspx

2. عمل اختبار لمعرفة هل تتأهلين للتقديم أم لا

evaluation assessmentوفي هذا الاختبار, تحصلي على نقاط على السن والخبرة العملية والسنوات والشهادات الدراسية وإن كان عندك أقرباء في كندا وعلى مستواك في اللغة وعلى إن كان عندك عرض عمل في كندا... إلخ (أي بعض النقاط التي تجعلك مهمة في نظرهم) ويجب أن تجتازي ال 67 نقطة في هذا الاختبار لكي تكوني مؤهلة للتقديم (هذا هو المعدل المطلوب الحالي وقد يتغير). والاختبار في الصفحة التالية:

http://www.cic.gc.ca/english/immigrate/skilled/assess/index.asp

يرجى ملاحظة التالي في الاختبار:

-أولا:بعضهم لا يحصل الدرجات المطلوبة (ال67) فيعمد لتقوية نفسه لغويا حتى يصل لها

-ثانيا: يتم اثبات مستوى اللغة عن طريق الامتحانات المعترف بها عالميا, كالأيلتس للغة الانجليزية وال (مش =فاكره اسمه) :) للغة الفرنسية

بعد كده, الأمور بتكون بس بتعتمد على تجميع الأوراق وملء الاستمارات وأخذ امتحان اللغة, بس شوفي وظيفتك موجودةالأول وإلا لأ.. وإذا كانت درجاتك تؤهلك في الاختبار بتاعهم..

وبالتوفيق..

لا تستاهلي واحده خضرا بجد

إيه رأيك يا اكرم نجيب بسمله في القسم النسائي في مكتب اللي إحنا ناويين تفتحه ان شاء الله بتاع الهجرة ؟؟؟؟

عمرو

[Kareem the Angel]

السلام عليكم....

بسمله الف شكر...الاصدقاء عمرو و احمد لكم جزيل الشكر...

قرات هنا في بعض المشاركات عن وصف النظام الجديد باللوتري....هل هذا الوصف فعلا دقيق؟؟

ام ان كل ملف سيفحص بدقه ثم تتم المفاضله بينها ؟ شكرا

wish to answer me my friends.............thanks

[عمرو السيد]

السلام عليكم....

بسمله الف شكر...الاصدقاء عمرو و احمد لكم جزيل الشكر...

قرات هنا في بعض المشاركات عن وصف النظام الجديد باللوتري....هل هذا الوصف فعلا دقيق؟؟

ام ان كل ملف سيفحص بدقه ثم تتم المفاضله بينها ؟ شكرا

wish to answer me my friends.............thanks

لا الكلام صحيح هيكون في 20000 الف فيزا بس و هيتم الاختيار بناء على تاريخ الاستلام مش علي اساس المفاضله

كل وظيفه فيها تقريبا 1000 واحد عشان كده الموضوع بقي صعب شويه

عمرو

[akramgroup]

لا تستاهلي واحده خضرا بجد

إيه رأيك يا اكرم نجيب بسمله في القسم النسائي في مكتب اللي إحنا ناويين تفتحه ان شاء الله بتاع الهجرة ؟؟؟؟

عمرو

طبعا يامعلم كان عندى حق فى الواحده الخضرا

وخلاص تمسك هيا القسم النسائى bv:- bv:-

[basmalahh]

لا تستاهلي واحده خضرا بجد

إيه رأيك يا اكرم نجيب بسمله في القسم النسائي في مكتب اللي إحنا ناويين تفتحه ان شاء الله بتاع الهجرة ؟؟؟؟

عمرو

هاها :lol:

كتر خيرك يا دكتور, ده بس من ذوقك وشرف لي

وشكرا يا أستاذ أكرم, دي حاجة تسعدني :) وتشرفني

..

أنتم الاتنين أساسا ناس محترمين ما شاء الله, وبتحبوا دائما تساعدوا الناس وشجعتونا نبذل جهدنا في الطريق ده

كمان شكرا على الخضر ;) :)

تم تعديل 1 سبتمبر 2010 بواسطة basmalahh

[cutey]

سلام عليكم للجميع وكل سنة وانتم كلكم طيبين :rolleyes:

عندي سؤال يا جماعة

انا لما عملت اختبار الايليجيبيلتي على سايت الهجرة ..طلعت طبعا غير لائقة عشان وظيفتى مش ضمن الليستة

انا فنانة تشكيلية وزوجي طبيب بيطري

بس كان نتيجة الاختبار " انت ممكن تكون مش لائق فى الوسيلة دي للهجرة ، بس في طرق تانية ممكن تناسبك... زي هجرة المقاطعات و الـself employed "

هل فيه حد عنده فكرة عن الطرق دي فى الهجرة؟؟

افتكر هجرة المقاطعات دي جديدة ضمن النظام الجديد بس .. ومتهيألى لازم تكون جاى على عقد عمل...مش عارفة معلوماتى صحيحة ولا لأ :wub:

طيب هل حد عنده فكرة عن ال self employed دي؟؟؟

وليه محدش جرب الحاجات دي قبل كده؟؟

هي مكلفة اوى؟؟ ولا بتاخد وقت اطول من العمالة الماهرة؟؟؟

[Alex]

للأسف معنديش معلومات كتير عن الطريقتين دول... بس بالنسبة لهجرة المقاطعات دي موجودة من زمان... بس بدأ يتعملها هاااي لايتنج لما بدأ نظام الفيدرال يحدد وظائف معينة....والغالب ان حضرتك لازم يكون فيه عقد عمل في المقاطعة دي والغالب ان حضرتك لازم تكون داخل كندا واشتغلت فترة هناك...بس لازم تتأكدي من المعلومات دي لأنها عن سمع وليست عن دراسة وافيه....بالتوفيق

[Alex]

الحمد لله أستكملت جميع المستندات المطلوبة وأرسلت الطلب بالدي اتش ال اليوم.

أدعو معايا بس إن الطلب ما يرجعش عشان غلطة تافهة ولا بسبب موظف غبي.

مبروك يا احمد باشا , انت اول واحد فى المنتدى يقدم جديد, ومقبول ان شاء الله, وكله هيبقى تمام فى اقل من سنة باذن الله

الله يبارك فيك يا أستاذ سلامه ... الفضل بعد ربنا في هذا القرار يعود لحضرتك لأنك من شجعني على التقديم حسب النظام الجديد

يالله يا جماعة عايزين ناس تانيه تقدم عشان الموضوع يشتغل

ياتري يادكتور أحمد وصلك اي اخبارجديدة عن الابليكيشن الجديد بتاعك.... واضح ان أنا وحضرتك بس اللي قدمنا علي الجديد فالمنتدي هنا حتي الآن....رجاء لو فيه أي أخبار جديدة تتواصل معانا هنا.....بالتوفيق

[cutey]

للأسف معنديش معلومات كتير عن الطريقتين دول... بس بالنسبة لهجرة المقاطعات دي موجودة من زمان... بس بدأ يتعملها هاااي لايتنج لما بدأ نظام الفيدرال يحدد وظائف معينة....والغالب ان حضرتك لازم يكون فيه عقد عمل في المقاطعة دي والغالب ان حضرتك لازم تكون داخل كندا واشتغلت فترة هناك...بس لازم تتأكدي من المعلومات دي لأنها عن سمع وليست عن دراسة وافيه....بالتوفيق

جزاك الله خيرا يا أليكس على الرد :)

وغالبا كل المعلومات اللى انت ذكرتها صحيحة على حد علمى انا كمان

بس انا اسأل عن حاجة فى كندا عموما... هو عندهم نظام كفيل زي الزفت اللى في الخليج ده؟؟ يعني افرض انك اصلا رايح بفيزا عمل.. ولسة مش معاك إقامة دايمة .. هل مش من حقك تتنقل لشغل تانى افضل مثلا لو لقيت إلا بموافقة الريسبونسر الاولاني؟؟ و هل اجراءات نقل الفيزا بتاخد وقت؟؟

م الاخر فى ذل زي اللى فى الخليج ولا لا؟؟؟؟؟؟

[أحمد سيف]

الحمد لله أستكملت جميع المستندات المطلوبة وأرسلت الطلب بالدي اتش ال اليوم.

أدعو معايا بس إن الطلب ما يرجعش عشان غلطة تافهة ولا بسبب موظف غبي.

مبروك يا احمد باشا , انت اول واحد فى المنتدى يقدم جديد, ومقبول ان شاء الله, وكله هيبقى تمام فى اقل من سنة باذن الله

الله يبارك فيك يا أستاذ سلامه ... الفضل بعد ربنا في هذا القرار يعود لحضرتك لأنك من شجعني على التقديم حسب النظام الجديد

يالله يا جماعة عايزين ناس تانيه تقدم عشان الموضوع يشتغل

ياتري يادكتور أحمد وصلك اي اخبارجديدة عن الابليكيشن الجديد بتاعك.... واضح ان أنا وحضرتك بس اللي قدمنا علي الجديد فالمنتدي هنا حتي الآن....رجاء لو فيه أي أخبار جديدة تتواصل معانا هنا.....بالتوفيق

لا والله يا عم أليكس مافيش جديد ... ولو وصلني اي حاجه أكيد هانشر الخبر في المنتدى فورا

تحياتي

[Alex]

أنا نفس الكلام..... لسه موصلنيش حاجة....بس ده يعتبر في حد ذاتة كويس فالمرحله دي....ويبقي إحنا كده عدينا اول مرحله بتاعه (مراجعه اكتمال الاوراق).... والحمد لله مفيش حاجة ناقصة..... لأني متابع في منتدي تاني وفيه ناس رجعتلهم أوراقهم كامله....وده كان فخلال 25 يوم علي الحد الأقصى من الاستلام....وكمان فيه ناس من اللي بعتت علي النظام القديم يوم24 و 25 يونيو انسحب منهم الفلوس خلاص من يومين....فالمفروض نسمع منهم ابديت بخصوص النظام الجديد يوم الاتنين الجاي وربنا ييسر....بالتوفيق

[أحمد سيف]

أنا نفس الكلام..... لسه موصلنيش حاجة....بس ده يعتبر في حد ذاتة كويس فالمرحله دي....ويبقي إحنا كده عدينا اول مرحله بتاعه (مراجعه اكتمال الاوراق).... والحمد لله مفيش حاجة ناقصة..... لأني متابع في منتدي تاني وفيه ناس رجعتلهم أوراقهم كامله....وده كان فخلال 25 يوم علي الحد الأقصى من الاستلام....وكمان فيه ناس من اللي بعتت علي النظام القديم يوم24 و 25 يونيو انسحب منهم الفلوس خلاص من يومين....فالمفروض نسمع منهم ابديت بخصوص النظام الجديد يوم الاتنين الجاي وربنا ييسر....بالتوفيق

بجد الكلام ده والله ... الله يبشرك بالخير ... أنا أكثر حاجه كنت خايف منها هي المرحلة الأولى

انت تستاهل تقييم أخضر على الخبر الحلو ده بس للأسف رصيدي اليومي منها خلص فإن شاء الله بكره لازم تاخذه

تحياتي

[Alex]

ايوة يادكتور....لو تحب تتأكد بنفسك....ادخل علي منتدي كندافيزا بتاع ديفيد.... ابن العم....هتلاقي منتدي بخصوص الابلكيشنز اللي بعد 26 يونيو وهتلاقي واحد تاني للناس اللي قدمت في يونيو بس قبل التعديلات والناس هناك كتير ودائما فيه ابديت...لأن هنا لسه مش باين حد قدم غيرنا علي النظام الجديد....بالتوفيق

[أحمد سيف]

للأسف معنديش معلومات كتير عن الطريقتين دول... بس بالنسبة لهجرة المقاطعات دي موجودة من زمان... بس بدأ يتعملها هاااي لايتنج لما بدأ نظام الفيدرال يحدد وظائف معينة....والغالب ان حضرتك لازم يكون فيه عقد عمل في المقاطعة دي والغالب ان حضرتك لازم تكون داخل كندا واشتغلت فترة هناك...بس لازم تتأكدي من المعلومات دي لأنها عن سمع وليست عن دراسة وافيه....بالتوفيق

جزاك الله خيرا يا أليكس على الرد :)

وغالبا كل المعلومات اللى انت ذكرتها صحيحة على حد علمى انا كمان

بس انا اسأل عن حاجة فى كندا عموما... هو عندهم نظام كفيل زي الزفت اللى في الخليج ده؟؟ يعني افرض انك اصلا رايح بفيزا عمل.. ولسة مش معاك إقامة دايمة .. هل مش من حقك تتنقل لشغل تانى افضل مثلا لو لقيت إلا بموافقة الريسبونسر الاولاني؟؟ و هل اجراءات نقل الفيزا بتاخد وقت؟؟

م الاخر فى ذل زي اللى فى الخليج ولا لا؟؟؟؟؟؟

لأ طبعا مافيش نظام الكفيل ... أمال احنا عايزين نسيب الخليج ونروح كندا ليه ... دي دول عالم أول يا افندم

لو داخلة كندا بفيزا عمالة مؤقتة و لقيتي شغل ثاني واستطعتي الحصول عليه (بنفس إجراءات الحصول على العمل الأول) وصاحب العمل استخرج لك ورقة الـ HRSDC يمكنك الانتقال اليه مع الالتزام بشروط عقدك مع صاحب العمل الأول مثل (Notice Period)

[cutey]

الله يطمنك يا دكتور سيف

طيب حد عنده فكرة عن شغلانة مساعد الباحث فى الجامعة؟؟ هل دخلها كويس ولا ايه النظام؟؟ :wub:

[أحمد سيف]

الله يطمنك يا دكتور سيف

طيب حد عنده فكرة عن شغلانة مساعد الباحث فى الجامعة؟؟ هل دخلها كويس ولا ايه النظام؟؟ :wub:

قصدك Research Assistant؟

اللي أعرفه إن الوظائف دي عادة بتكون لطلاب الدراسات العليا لمساعدتهم على دفع المصاريف ... يعني الطريق لها هو الحصول على قبول في جامعة كندية

ولمزيد من التفاصيل يمكنك الاطلاع على هذا الموضوع

http://www.egyptiantalks.org/invb/index.php?showtopic=107717

[basmalahh]

أنا نفس الكلام..... لسه موصلنيش حاجة....بس ده يعتبر في حد ذاتة كويس فالمرحله دي....ويبقي إحنا كده عدينا اول مرحله بتاعه (مراجعه اكتمال الاوراق).... والحمد لله مفيش حاجة ناقصة..... لأني متابع في منتدي تاني وفيه ناس رجعتلهم أوراقهم كامله....وده كان فخلال 25 يوم علي الحد الأقصى من الاستلام....وكمان فيه ناس من اللي بعتت علي النظام القديم يوم24 و 25 يونيو انسحب منهم الفلوس خلاص من يومين....فالمفروض نسمع منهم ابديت بخصوص النظام الجديد يوم الاتنين الجاي وربنا ييسر....بالتوفيق

أبشر :) على رأي الشيخ عبدالله ناصح :)

[joca]

هاي يا جماعة حقيقي منتدى رائع و انا متابعه من سنة ..........استأذنكم عندي سؤال انا لسا مخلص سنة الامتياز بطب القاهرة و عايز اقدم كيبك هل ينفع؟ و لا لازم اكون اخصائي؟ و في الحالة دي هتكون الوظيفة ممارس عام .؟.هل هي في اللستة و لا كيبك ملهاش لستة زي الفيدرال ؟؟؟؟؟؟؟؟؟؟

شكرا ع الاجابة مقدما واتمنى لو د. قناوي يشارك معانا بالقليل من وقته والكثير من خبرته

[cutey]

الله يطمنك يا دكتور سيف

طيب حد عنده فكرة عن شغلانة مساعد الباحث فى الجامعة؟؟ هل دخلها كويس ولا ايه النظام؟؟ :wub:

قصدك Research Assistant؟

اللي أعرفه إن الوظائف دي عادة بتكون لطلاب الدراسات العليا لمساعدتهم على دفع المصاريف ... يعني الطريق لها هو الحصول على قبول في جامعة كندية

ولمزيد من التفاصيل يمكنك الاطلاع على هذا الموضوع

http://www.egyptiantalks.org/invb/index.php?showtopic=107717

يعني بجد يا دكتور سيف لحضرتك كل الشكررررررر ...الموضوع هااااااااايل وفيه كل التقاصيل اللى كنت بدور عليها ..حضرتك كده شجعتنى جداااا

ربنا يكرمك ويقضي لك حاجتك ويطمنا على حضرتك :)

[akramgroup]

كل سنه وانتم طيبين جميعا

ياريت نعرف مين اللى قدم خلاص

وامتى بعت الاوراق

وايه حالة الورق بتاعه

ونظبط جدول محترم عشان نتابع فيه كلنا حالات الملفات

ومقدمينها فين

بدل مااحنا مش لاقين بعض خالص