المتقدمين للهجرة بعد 25 يونيو 2010

[ASHAKER]

هي القصة كلها اني عندي مشكلة في ال family name بس الكلام دة في البطاقة مش في الباسبور علشان كدة شهادة الميلاد و انا بترجمها مطلعش فيها ال FAMILY NAME بس كل ورقي بعد كدة سليم ان شاء الله ... فبفكر اقدم الورق كدة و خلاص و ربنا يستر و لا انت اة رأيكم ... و هل الفيش بيترجم و لا لأ ؟؟؟؟ وفي سؤال تاني لو عايز اضيف ورق للملف بتاعي بعد كدة وهوة مش من الحاجات المطلوبة يعني هما مش طلبينوا ... يعني باختصار كيف تستطيع عمل UPDATE للملف بتاعك في السفارة بعد ما تقدمة و عل دة مرتبط بمدة ال 120 يوم و لا لأ ... و اخيرا انا شاكر :blink: اهتمامك و ردودكم الرائعة

اسمحولى ارد على سؤال الفيش لاني متاكد من المعلومة ده

ايوه الفيش بيترجم من مبنى وزارة العدل في لاظوغلى - شارع مجلس الشعب - الدور ال 13

بتاخده في نفس اليوم لو انت من الاقاليم وبتاخده تاني يوم لو انت من سكان القاهرة

التكلفه معرفش الصراحة كام

وتاخد معاك الباسبور وصورة منه علشان ياخدوا الاسم الانجليزي صح

طب انا قدمت الورق خلاص بس بالفيش العربي ...تفتكروا هيرفضوا الورق و لا هيطلبوا مني الترجمة

[salamatarek]

بصراحه يا جماعه الواحد بقي متلخبط

مش عارف يبعت ايه مع الابليكيشن؟؟؟

فيه ناس بتقول الايلتس و الشيك فقط حسب الموقع الاتي

http://www.cic.gc.ca/english/immigrate/skilled/apply-how.asp

"Note: Be careful to include all the forms, information, documents, signatures, proof of language proficiency, and fees that are asked for. If your application is missing any of these, it is incomplete and will be returned to you unprocessed. "

و كمان ال Checklist (IMM 5612) بتقول ان فيه واحده كمان ملحقه خاصه بمكتب الهجره بتاع مصر

بس فيه ناس بتقول ان باقي السبورتينج دوكيمنتس مطلوبه بس بعد الcsq

ياريت لو حد عارف القصه ايه بالضبط

يعني معقوله نحط كل شهادات الخبره و شهادات الميلاد و الفيش لكل الاسره مع شهادات التعليم في ظرف و نبعته بالبريد!!!

ياريت يا جماعه لو حد عنده خبر يقين مدعم بكلام رسمي يفيدنا من فضلكم

و شكرا

انا مش عارف انت هتقدم فيدرال ولا كيبك لانك اتكلمت عن السى اس كيو وحاطط لينك الفيدرال

لكن هافترض انك هتقدم فيدرال, وكده كل الاوراق فعلا بتتقدم من اول مرة الى نوفاسكوشيا

واقرأ اللينك التالى فى الاسفل هتلاقى نقطة ثلاثة بتقول نفس الكلام

http://www.cic.gc.ca/english/information/applications/skilled.asp

مع تحياتى

[salamatarek]

الحمد لله أستكملت جميع المستندات المطلوبة وأرسلت الطلب بالدي اتش ال اليوم.

أدعو معايا بس إن الطلب ما يرجعش عشان غلطة تافهة ولا بسبب موظف غبي.

مبروك يا احمد باشا , انت اول واحد فى المنتدى يقدم جديد, ومقبول ان شاء الله, وكله هيبقى تمام فى اقل من سنة باذن الله

[salamatarek]

السلام عليكم أخي الفاضل عندي سؤالين الأول هو لو واحد لسة مخلص الكلية السنة دي 2010 و لكن جاب خبرة أنة كان شغال أثناء الدراسة شغل 40 ساعة في الأسبوع عمل كامل يعني معاة 3 سنين خبرة ينفع يقدم و لا لأ علي فكرة مجال العمل هو نفس مجال دراستة سياحة و فنادق قسم مطبخ يعني طباخ و الوظيفة دي في الليستة ينفع؟

السؤال الثاني هل ينفع حد يقدم شهادة خبرة مختلفة عن مجال دراستة مثلا واحد دارس أداب أنحليزي بس معاة خبرة طباخ او شيف الخبرة في الليستة بس الشهادة الجامعية خارج الليستة ؟ أرجوا الرد

لا يفضل الاعتماد على الخبرة اثناء الدراسة, يعنى ممكن يحسبولك الثلاث سنين دول سنة ونصف فقط وممكن ما يحسبوهاش خالص, حسب تقدير الاوفيسر

وممكن تقدم بخبرة مختلفة عن مجال الدراسة

[salamatarek]

السلام عليكم

أنا أول مرة أشارك في المنتدي و بصراحة كنت في مكتب المستشار وهيب الخاص بالهجرة لكندا من يومين و تقريبا قالي التكلفة الاجمالية حوالي 6 الاف دولار

علما اني طبيب أسنان و ناوي أقدم تبع البرنامج الانجليزي مش الفرنساوي

و قالي انه بيمضي معايا عقد اني لو ما سافرتش يردلي فلوسي ... و قالي كمان اني سنة أكون في كندا .. هل دة كلام منطقي ؟؟ أنا سمعت عن ناس استنت سنين لحد ما اتقبلوا و سافروا

اخر حاجة بعد اذنكم ... الحساب البنكي بيكون مطلوب فيه ايه بالظبط ؟؟؟ يكون بقاله فترة و فيه معاملات معينة و لا المهم يكون فيه رصيد معين ؟؟ لأني بصراحة ماليش حساب بنكي يذكر

أتمني أن أجد الرد من أهل الخبرة في المجال و ان شاء الله نحاول بدورنا ننشر المعلومات دي و نساعد بيها من يحتاج فيما بعد

شكرا

أتمني أن أجد الرد الشافي من ذوي الخبرة

اهلا بيك يا دكترة فى منتدانا, واهلا بكل الاعضاء الجدد اللى احب انصحهم انهم يقرأوا كتير فى المنتدى لان كل حاجة مكتوبة ولاكتساب الخبرة قبل التقديم لعدم حدوث اى اخطاء والاجابات على اسئلتك كالتالى:

1- لا ينصح بالاعتماد على المستشار وهيب لانه من تجربة ناس كتير معاه شغله كله نصب فى نصب وهمه فقط على الفلوس, وانت ممكن تقدم بنفسك ولكن اقرأ كتير فى المنتدى وبسرعة علشان تقدر تقدم فى النظام الجديد لوجود 20000 فيزا فقط السنة دى بأولوية التقديم, يا تلحق يا ما تلحقش

2- النظام الجديد زى ما وزارة الهجرة الكندية بتقول هيخلصوا فى سنة فعلا, هذا والله اعلم, ولكن لا تعتمد على ان وهيب يرجعلك فلوسك وحاول تقدم بنفسك احسن

3- الفلوس المطلوبة حسب عدد الاشخاص اللى هتسافر وفقا للرابط التالى ويفضل لو الحساب بقاله 6 شهور , ولكن لو ما فيش حساب اصلا فيفضل فتحه بسرعة لانه ضرورى فى الاجراءات

http://www.cic.gc.ca/english/immigrate/skilled/funds.asp

مع تحياتى

[اغابي]

بس انا لى استفسار

- ليه يا دكتور احمد حضرتك قدمت من تانى - يمكن في معلومات فاتتنى

انا اعرف ان حضرتك مقدم فى النظام القديم

ممكن بس حد يشرح لى ازاى ؟؟

اغابي

:lol:

[أحمد سيف]

الحمد لله أستكملت جميع المستندات المطلوبة وأرسلت الطلب بالدي اتش ال اليوم.

أدعو معايا بس إن الطلب ما يرجعش عشان غلطة تافهة ولا بسبب موظف غبي.

بالتوفيق يا دكتور احمد

انا مش عارفة وظيفه حضرتك بس معلوماتى ان حضرتك دكتور - صح كدا ؟؟

عموما بالتوفيق وربنا كبير - وحضرتك استنيت كتير - ربنا مش حيسيبك ابدا - كلنا بندعيلك . .

تحياتى

اغابي

:lol:

ربنا يخليكي يا استاذه أغابي على الكلام الجميل ده ويارب التوفيق ليكي ولجميع المنتظرين

أنا على فكره لا دكتور ولا حاجه ... أنا حاليا بشتغل في جامعة مساعد بحث وبأسعى عشان ألاقي منحة دكتوراه في جامعة في كندا

لكن الوظيفة اللي قدمت على أساسها هي Management Consultant NOC 2211 ودي اشتغلتها لمدة سنتين قبل وظيفتي الحالية

بس انا لى استفسار

- ليه يا دكتور احمد حضرتك قدمت من تانى - يمكن في معلومات فاتتنى

انا اعرف ان حضرتك مقدم فى النظام القديم

ممكن بس حد يشرح لى ازاى ؟؟

اغابي

أنا فعلا لازلت مقدم حسب النظام القديم ولكن قدمت طلب ثاني حسب النظام الجديد وبعثت الأوراق اللي كنت مجهزها للأبديت بتاع الطلب الأولاني ... وبالتالي في احتمال من اثنين:

- يا إما هيقبلوا الطلب الجديد ويبعثولي الميديكال وفي الحالة دي هسحب الطلب القديم فورا.

- أو هيرفضوا الطلب الجديد لأي سبب ويرجعوا الأوراق وفي الحالة دي هستنى الأبديت بتاع الطلب القديم وأبعث نفس الأوراق ليهم ثاني.

اللي مخليني مستعجل على موضوع الهجرة هو رغبتي في إنهاء الإجراءات قبل الالتحاق بجامعة في كندا ... تفاديا لأية تعقيدات قد تحدث إذا دخلت كندا بفيزا دراسة قبل حصولي على فيزا الهجرة ... ومن جانب آخر فإن الحصول على كارت الإقامة الدائمة يسهل الحصول على قبول ومنح في الجامعات الكندية.

[أحمد سيف]

الحمد لله أستكملت جميع المستندات المطلوبة وأرسلت الطلب بالدي اتش ال اليوم.

أدعو معايا بس إن الطلب ما يرجعش عشان غلطة تافهة ولا بسبب موظف غبي.

مبروك يا احمد باشا , انت اول واحد فى المنتدى يقدم جديد, ومقبول ان شاء الله, وكله هيبقى تمام فى اقل من سنة باذن الله

الله يبارك فيك يا أستاذ سلامه ... الفضل بعد ربنا في هذا القرار يعود لحضرتك لأنك من شجعني على التقديم حسب النظام الجديد

يالله يا جماعة عايزين ناس تانيه تقدم عشان الموضوع يشتغل

[اغابي]

طب استفسار يا استاذ سلامة

انا اترفض ملفى اول مرة ورجعلى الملف والشيك طبعا لنقص بعض البيانات - وبعت مرة تانية - لكــــن

لو اترفض ملفى كمان مرة تانية لاى سبب مثلا

- اتصرف ازاى - خاصة ان الوظيفة بتاعتنا اتشالت من الليثتة خــــــــــــــــلاص - لان جوزى المقدم الرئيسي ووظيفته مدير مالى

ايه الحل البديل - هل يقدم منحة دراسية وايه شروطها - هل مبلغ معين فى البنك - وازى يكون التقدم لمنحة دراسية ؟؟ كحل بديل . . . ؟؟

بس بلاش يكون البديل كيبك مش حنستنا بقى كل الوقت داه ولسة حنذاكر فرنساوى :lol:

ايه ممكن الحل البديل فى حالة الرفض ؟؟؟ مع عدم وجود الوظيفة فى الليثتة ؟؟؟

اغابي

:lol:

[salamatarek]

طب استفسار يا استاذ سلامة

انا اترفض ملفى اول مرة ورجعلى الملف والشيك طبعا لنقص بعض البيانات - وبعت مرة تانية - لكــــن

لو اترفض ملفى كمان مرة تانية لاى سبب مثلا

- اتصرف ازاى - خاصة ان الوظيفة بتاعتنا اتشالت من الليثتة خــــــــــــــــلاص - لان جوزى المقدم الرئيسي ووظيفته مدير مالى

ايه الحل البديل - هل يقدم منحة دراسية وايه شروطها - هل مبلغ معين فى البنك - وازى يكون التقدم لمنحة دراسية ؟؟ كحل بديل . . . ؟؟

بس بلاش يكون البديل كيبك مش حنستنا بقى كل الوقت داه ولسة حنذاكر فرنساوى :sad:

ايه ممكن الحل البديل فى حالة الرفض ؟؟؟ مع عدم وجود الوظيفة فى الليثتة ؟؟؟

اغابي

:lol:

والله يا اجابى ده سؤال مهم جدا, وناس كتير هتتأثر حالتها بيه

للأسف الوضع دلوقت صعب لحالتك زى حالتى تمام لاننا مستنيين الفايل نمبر, ورجوع الملف له حالتين:

الاولى انهم يرجعوا الملف والفلوس ويقولوا لك قدموا من جديد لوجود غلطة بدون اعطائك فايل نمبر وساعتها للاسف مش هتقدروا تقدموا تبع القانون الجديد لان وظيفة المدير المالى اتشالت

الحالة التانية انهم يرجعولك الورق فقط ويبقوا الفلوس عندهم ويقولوا لك عدلوا الغلطة بس ورجعولنا الورق ويعطوا لكم فايل نمبر رغم وجود غلطة زى ما عملوا مع ناس معينين وفى الحالة دى ممكن ترجعوا ورقكوا بعد تصحيح الغلطة, وكله يبقى تمام, ويارب الحالة دى تتطبق على كل اللى عندهم غلطات

بالنسبة للمنحة غالبا اللى بيياخد منح وهو طالب دولى لازم يكون تقديره كبير فى البكالريوس , يعنى اكتر من جيد جدا, ولكن ممكن تلاقوا جامعات بتدى منح لتقديرات أقل من كده لو هى جامعات بعيدة مثلا, ويلزم مراسلة الجامعات المختلفة فى التخصص المطلوب ويفضل مراسلة دكاترة الجامعة المشرفين لمعرفة وجود منح من عدمه, علشان تعرفوا الحوار من الاخر, وللاسف هو ده الحل الوحيد لومش عايزين تقدموا كيبك

الفلوس هتساعدكوا طبعا بعد كده فى التقديم الى السفارة ولكناهم شئ حاليا هو مراسلة الجامعات

وربنا يوقفنا جميعا

مع تحياتى

:lol:

[nanavoty]

انا يا جماعه قدمت من سنتين فى تاريخ 3 - 7 -2008 لكن جالى جواب الرفض يوم 3 - 12 - 2009 من سبع شهور وقالوا ان الشيك هيوصل ولكن لغايه دلوقتى مفيش اى شيك وصل وبعتلهم كذا ايميل اسئل ولكن دون رد وانا دلوقتى الوظيفه بتاعتى نزلت فى السته الجديده مش عارف اقدم تانى ولا استنى فلوسى لما تيجى هل ولا اسيب الفلوس تيجى وقت ما تيجى واجرى اقدم حاسس ان الفلوس ضاعت ومش هتوصل استعوض ربنا وقدم تانى

[salamatarek]

انا يا جماعه قدمت من سنتين فى تاريخ 3 - 7 -2008 لكن جالى جواب الرفض يوم 3 - 12 - 2009 من سبع شهور وقالوا ان الشيك هيوصل ولكن لغايه دلوقتى مفيش اى شيك وصل وبعتلهم كذا ايميل اسئل ولكن دون رد وانا دلوقتى الوظيفه بتاعتى نزلت فى السته الجديده مش عارف اقدم تانى ولا استنى فلوسى لما تيجى هل ولا اسيب الفلوس تيجى وقت ما تيجى واجرى اقدم حاسس ان الفلوس ضاعت ومش هتوصل استعوض ربنا وقدم تانى

قدمى فورا فى الليستة الجديدة لو تقدرى وما تستنيش الفلوس لما ترجع لان هناك 20000 فيزا فقط متاحة والاماكن ممكن تتاخد بسرعة, وخليكى وراهم لغاية ما يرجعوا الفلوس القديمة, ما تقلقيش مش هتضيع ولكن طالبى بيها بكل الطرق

[nanavoty]

شكرا على الرد السريع بس كنت عايزه اسئل هل شهادات الدراسه تترجم لكل الاسره والفيش والتشبيه كمان لكل الاسره وهل فى تغير فى نظام الايلتس ودراجته وما هو هذا النظام

[YaserK]

ما هي مدة صلاحية الايلتس عشان يقبلوها؟ نتيجة الايلتس المفروض بتكون صالحة لمدة سنتين, لكن هل في شروط معينة بالنسبة لاستخدامها في الهجرة لكندا؟ باختصار أنا معايا ايلتس بسكور يكفي المطلوب عشان الـ16 نقطة, بس اللي هيفرق معايا مدة صلاحيته بالنسبة لكندا

بعدين هل في أي مصدر يوضح موضوع الـ1000 فيزا؟ وهل المعيار في اختيار الـ1000 فيزا هيكون عن طريق النقط الزيادة على الـ67 نقطة؟ ولا بأولوية التقديم؟ يا ريت حد يجيبلنا مصدر المعلومة دي

[abdelhalim]

ما هي مدة صلاحية الايلتس عشان يقبلوها؟ نتيجة الايلتس المفروض بتكون صالحة لمدة سنتين, لكن هل في شروط معينة بالنسبة لاستخدامها في الهجرة لكندا؟ باختصار أنا معايا ايلتس بسكور يكفي المطلوب عشان الـ16 نقطة, بس اللي هيفرق معايا مدة صلاحيته بالنسبة لكندا

بعدين هل في أي مصدر يوضح موضوع الـ1000 فيزا؟ وهل المعيار في اختيار الـ1000 فيزا هيكون عن طريق النقط الزيادة على الـ67 نقطة؟ ولا بأولوية التقديم؟ يا ريت حد يجيبلنا مصدر المعلومة دي

[abdelhalim]

السلام عليكم الأيلتس المطلوب لكندا لازم تكون صلاحيتة سنة اكثر من سنة لا يصلح

[abdelhalim]

ما هي مدة صلاحية الايلتس عشان يقبلوها؟ نتيجة الايلتس المفروض بتكون صالحة لمدة سنتين, لكن هل في شروط معينة بالنسبة لاستخدامها في الهجرة لكندا؟ باختصار أنا معايا ايلتس بسكور يكفي المطلوب عشان الـ16 نقطة, بس اللي هيفرق معايا مدة صلاحيته بالنسبة لكندا

بعدين هل في أي مصدر يوضح موضوع الـ1000 فيزا؟ وهل المعيار في اختيار الـ1000 فيزا هيكون عن طريق النقط الزيادة على الـ67 نقطة؟ ولا بأولوية التقديم؟ يا ريت حد يجيبلنا مصدر المعلومة دي

[abdelhalim]

عندي سؤال الاوراق كلها سوف يتم أرسالها الي نوفاسكوشا و الCIO هي التي سترسل الاوراق للسفارة المختصة بالمنطقة التابع لها هل هذا الكلام صحيح؟

[engamr]

والله يا اجابى ده سؤال مهم جدا, وناس كتير هتتأثر حالتها بيه

للأسف الوضع دلوقت صعب لحالتك زى حالتى تمام لاننا مستنيين الفايل نمبر, ورجوع الملف له حالتين:

الاولى انهم يرجعوا الملف والفلوس ويقولوا لك قدموا من جديد لوجود غلطة بدون اعطائك فايل نمبر وساعتها للاسف مش هتقدروا تقدموا تبع القانون الجديد لان وظيفة المدير المالى اتشالت

الحالة التانية انهم يرجعولك الورق فقط ويبقوا الفلوس عندهم ويقولوا لك عدلوا الغلطة بس ورجعولنا الورق ويعطوا لكم فايل نمبر رغم وجود غلطة زى ما عملوا مع ناس معينين وفى الحالة دى ممكن ترجعوا ورقكوا بعد تصحيح الغلطة, وكله يبقى تمام, ويارب الحالة دى تتطبق على كل اللى عندهم غلطات

بالنسبة للمنحة غالبا اللى بيياخد منح وهو طالب دولى لازم يكون تقديره كبير فى البكالريوس , يعنى اكتر من جيد جدا, ولكن ممكن تلاقوا جامعات بتدى منح لتقديرات أقل من كده لو هى جامعات بعيدة مثلا, ويلزم مراسلة الجامعات المختلفة فى التخصص المطلوب ويفضل مراسلة دكاترة الجامعة المشرفين لمعرفة وجود منح من عدمه, علشان تعرفوا الحوار من الاخر, وللاسف هو ده الحل الوحيد لومش عايزين تقدموا كيبك

الفلوس هتساعدكوا طبعا بعد كده فى التقديم الى السفارة ولكناهم شئ حاليا هو مراسلة الجامعات

وربنا يوقفنا جميعا

مع تحياتى

طيب انا ده حالتى دلوقتي

جاتلي الحمد لله منحة دراسات عليا هناك (سنتين) وطلعت فيزة دراسة ورايح اول سبتمبر الجاي ان شاء الله

ايه الوضع بالنسبالى لاني كنت ناوي اقدم هجرة من هناك اول ما اوصل بس للاسف وظيفتي مش موجودة في اللستة الجديده. يا ريت لو تعرفوا حل افيدوني.....

شكرا

[MrBambinoDent]

ما هي مدة صلاحية الايلتس عشان يقبلوها؟ نتيجة الايلتس المفروض بتكون صالحة لمدة سنتين, لكن هل في شروط معينة بالنسبة لاستخدامها في الهجرة لكندا؟ باختصار أنا معايا ايلتس بسكور يكفي المطلوب عشان الـ16 نقطة, بس اللي هيفرق معايا مدة صلاحيته بالنسبة لكندا

بعدين هل في أي مصدر يوضح موضوع الـ1000 فيزا؟ وهل المعيار في اختيار الـ1000 فيزا هيكون عن طريق النقط الزيادة على الـ67 نقطة؟ ولا بأولوية التقديم؟ يا ريت حد يجيبلنا مصدر المعلومة دي

كندا بيعترفوا بالأيلتس لمدة سنة واحدة من تاريخه و لازم التقديم بالشهادة الأصلية

و اختيار الألف بيكون لأول ألف ملف سليم يوصلهم

بالتوفيق لينا جميعا ان شاء الله

عندي سؤال الاوراق كلها سوف يتم أرسالها الي نوفاسكوشا و الCIO هي التي سترسل الاوراق للسفارة المختصة بالمنطقة التابع لها هل هذا الكلام صحيح؟

بالظبط كدة و دلوقتي مفيش Update للورق كله بالأيلتس بالفلوس من أول مرة و الا الملف يرجع