المتقدمين للهجرة بعد 25 يونيو 2010

DR FATMA · 14 مايو 2011

انا ليا سؤال بالنسبة للستة الوظايف

هو لازم سنة الخبرة تكون ليها علاقه بالشهاده الدراسية

يعني لو انا عرفت اجيب شهاده خبرة باي وظيفه منهم بس مش في مجال دراستي هل الموضوع يمشي وملهمش دعوة ولا لازم تكون ليها علاقه بالدراسه

وهل لاثبات الوظيفه مطلوب فقط شهاده خبرة؟؟

لا مش لازم تكون الخبرة فى نفس مجال الشهادة الدراسية

يعنى مثلا فى واحد ممكن يقدم شهادة خبرة طباخ لمهنة طباخ وهو أصلا خريج كلية حقوق

لو تعرف تجيب شهادة خبرة هات وكل متكون سنوات الخبرة فى شهادة الخبرة أكتر كل ما نقاطك تزيد يعنى لو شهادة الخبرة 4 سنوات حتاخد نقاط الخبرة كاملة

لاثبات الخبرة لازم شهادة خبرة مختومة ومعاها بيانات الشخص اللى كنت شغال عنده وخدت الخبرة من عنده

أحب ألفت أنتباه حضرتك أن لو عملت شهادة مضروبة وأكتشفوها تنسى موضوع الهجرة نهائى

أى استفسارات أخرى أى خدمة نحن هنا

هو ايه قصد حضرتك بمضروبة؟

الفكرة اني دخلت جيش واشتغلت في اعمال فنيه للتوصيلات الكهربيه مع اني اصلا مهندس

وممكن اجيب شهاده من الجيش اني اشتغلت السنة ده والفكرة ان الوظيفه ده في اللستة

بس مش عارف هيقبلوها في الهجره ولا لأ

وهل لازم اكتب زي ريفرنس لو هعملها لانه معتقدش انه هينفع احط ريفرنس او رقم تلفون حد مثلا

انما هي هتكون مختومة وممضيه بس وفيها المهام الوظيفيه والمده

أصدى أن فى بعض الناس بتعمل شهادات مش حقيقية وبتقدمها فى ملفها يعنى ممكن تعمل شهادة من أى حد أنك اشتغلت شغلانه فى الليسته مثلا وانت مشتغلتهاش ولا حاجة بس عملتها لمجرد انك تقدر تقدم

سورى مش قصدى حضرتك تحديدا انا بتكلم بشكل عام ان الشهادات المغشوشة دى ممكن يكتشفوها بسهولة ويتلغى الملف

على أى حال السؤال المهم هل لو أتحلت مشكلة شهادة الخبرة وعرفت تطلعها بسنة واحدة بس هل السنة دى حتخلى نقاط حضرتك تكمل 67 نقطة وتقدم ولا حتكون الشهادة دى ملهاش فايده قوى وفالحالة دى مفيش داعى تتعب نفسك عليها

بالنسبة لسؤال حضرتك أنا سألت لك خبير فى موضوع شهادات الخبرة وده رده اللى أنا موافقه عليه تماما

< ينفع يحط رقم تليفون المفروض الاداره اللي كان تابع ليها في الجيش

و ممكن تتظبط في الجيش اي حد ضابط كبير كان معاه في الوحده ولو قائد الوحده يبقي تمام يحط الكارت بتاعه وكلهم معاهم كروت >

يعنى حضرتك تعمل الشهادة وتختمها وتتفق مع ظابط او أى حد ينفع يقوم بالمهمه دى زى رئيسك وقتها مثلا وتحط الكارد بتاعه مع الشهادة عشان السفارة لو حبت تستعلم عن سنة الخبرة بتعتك منه وممكن ميتصلوش ولا يسألوه وملفك يمشى عادى

وطبعا كونها حتكون مختومه وممضيه وفيها المهام فحتكون مظبوطة جدا

وأنصح حضرتك لو قررت تعملها تعرفنى علشان نظبط معاك موضوع المهام

حاول تعمل ده وقدم لان الليسته الجديدة ممكن تكون شروطها أصعب

بالتوفيق

تم تعديل 14 مايو 2011 بواسطة DR FATMA

engMostafa · 15 مايو 2011

دكتورة فاطمة

ايه قصد حضرتك ان اللسته الجايه ممكن تكون شروطها صعبة انا كده قلقت جدا

انا بقالي 8 شهور اهوو منتظر اللسته الجايه بفارغ الصبر

على امل ان مهندسين الكهرباء يكونوا في الليسته دي

فياريت لو عند حضرتك معلومات عن الصعوبة اللي ممكن تكون في الليسته الجايه ياريت تقولي ليه؟؟

وبالنسبه لسؤال engamr من رأي انك تستنى ومش تقدم لان الليسته دي مفهاش مهندسين

وحرام تقدم على انك فني وحضرتك مهندس لانك بتتحط في شريحة تانيه

دي نصيحة قدمها ليه زميلي مهندس اتصالات ومعاه الجنسية الكندية ده غير ان المحامي اللي كنت هقدم عنده الورق

رفض برده ياخد الورق مني ويقدملي على اني فني

لاني كنت ناوي اعمل زي حضرتك كده واجيب شهاده بخبره فنية مع العلم اني مهندس كهرباء

وخلاص هانت كلها شهر ونص والليسته الجديدة تنزل

تحياتي

engamr · 15 مايو 2011